جرح القريب غريب - الفصل 36 | روايتك

*روايات يمنيه عربيه مميزه 🇾🇪* *بإدارة : شـٰٓمـُـس⁞♩⁽📚🖊️₎⇣℡* *رقم الروايه 16* *الفصل (36) ☆* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏جرح القريب😔غريب💔* *تفاعلوالنستمر😍* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏*قراءة ممتعةلاتلهكم الروايه عن ذكرالله اللهم اني بلغت اللهم فاشهد 🥹💗⃟🎀* القائد كان في الديوان حقه، يشرب مداعه ومكيف، وجواله رن، وهو شاف المتصل ورد.. _ حيا بالصهير.. .......: الله يحييك يا قائدنا.. القائد: هاه، أيش قد معانا؟، أنا قلت لك لا تتصلش لي إلا إدا في شي مهم، فأيش في؟ .........: في شي خطير يا صهير.. القائد تغيرت ملامح وجهه: أيش في؟ .......: واحد من رجالنا يلي بمصر اتصل لي وقال... عدل جلسته بتوتر: أيش قال؟ ......: أن منصور الردفاني راجع اليمن.. القائد وقف بلا وعي لمن وقع المداعة والجمر فوق القطيفة، وفزز عيونه وبدأ العرق ينضح من جبيه وبخوف وبملامح  وصوت مش مستوعب: _ ا...أيشششششش؟! حسام رفع حواجبه وفزز عيونه، وجاب لي بدلة و..ها ولرُبا بدلة، بس أنا حقتي حسينة وحقة رُبا لا...😂 وكان بيكمل لولا حسام ما مر من جنبه بسرعة وعلى خروج غزل من المطبخ وبيدها قلاصات عصير، وأول ما شافته شهقت وفلتت للصحن ووقعوا القلاصات تتراقص شظاياهم في المكان، وزيد شهق، وحسام وقف قدامها مفزز وهي بلعت ريقها ويبست من الخوف، وهو أشر للديوان برأسه: _ أنور هنا؟ غزل ما قدرت ترد من خوفها، لكن زيد رد بدالها: أيوة داخل عند أبي وأمي حسام صك اسنانه ووجهه يرتعد، غزل بخوف: ح...حسام...ا.... حسام طوالي راح بخطوات سريعة للديوان وغزل لحقته بخوف وهي تصيح: _ ح...حسام راعي، امانة يا حسام، حساام... @rewayatyamania المصدر الأول للروايات في مصر...🇪🇬 كانت شيمَاء تجهز ملابسها داخل شنطة كبيرة وردية بخطوط مذهبة من الجوانب، وفارحة كثير: _ مش مصدقة يا ماما إن انا هشوف اليمن واتعرف على صُحابي البنات اليمنيات.. نجوى وهي جالسة رجل فوق رجل والخدامة تسوي لها ثيابها بالشنطة: _ اقسم بالله يا شيمَاء لو ما تسكتيش لأهب لك كف لمن اسكتك، اسكتي أقول لك اسكتي.. شيمَاء انصدمت: هو في إيه يا ماما ما لك كدا معصبة اوي، هو فيها ايه لو رجعنا اليمن؟ يمكن انتي فرحانة لانك تعرفي اليمن وتربيتي هناك، بس أنا كبرت هنا في مصر وحابة اتعرف على بلدي الأول وأرض بابا وماما نجوى وهي تلوي بوزها: لا يا روح أمك، اني لا اشتي اليمن ولا هم يحزنون، وانتي يا هبلا لازم تلاقي معي طريقة نقنع ابوك فيبه يخلينا نجلس هنا وما نرجعش اليمن ( بعدين لفتت لعند الخدامة وبغضب ) مله حبة حبة بالتياب لا تكتريش، عادني برجع أكلم منصور من جديد يمكن يقتنع ما نسافرش اليمن.. شيمَاء جلست جنب أمها: أنا نفسي اعرف ليه مش عايزة ترجعي اليمن تاني يا ماما، هو في ايه بالزبط عشان مش عايزة ترجعي وحابة تفضلي هنا بمصر.. نجوى شافت لها بغضب وعيون تتطاير شرر: وانتي أيش دخلك هاه ( شيمَاء خافت ووقفت طوالي)، لا تتدخليش مرة تانية يا شيمَاء أحسن ما اقطع لك لسانك، فهمتي ( بعدين سحبت الثياب من يد الخدامة) وانتي بس تياب لي ساعة أقول لك، هيا اخرجي من هنا اخرجي.. صوفي: اوك مدام.. وخرجت، وشيمَاء ترجف من الخوف وهي تشوف غضب أمها وهي تمسح وجهها وشعرها يلي ينسدل على جبينها، بعدين شافت لشيمَاء، وانتي اخرجي من غرفتي، معك غرفة تربعي فيبه التياب أيش جابك عندي، هيا اخرجي.. شيمَاء بسرعة لمت الثياب وكانت توقع بعضهم ومن خوفها نست البعض كمان، وكانت تمشي وتوقع بعضهم، وخرجت بسرعة، نجوى تلف وتدور بالكعب العالي وكأنها تشتي الغضب والتوتر يوقعوا بكل خطوة وصوت يصدره الكعب حقها، لكن للأسف غضبها يزيد كلما تذكرت اليمن ورجوعها له، وبالذات ذاك المكان يلي ما غادر عقلها من لمن غادرت اليمن، ورجعت وقفت مشي وجلست فوق السرير وتفحس فخوذها وبخبث ومكر: _ طيب يا منصور، تحسبني مش عارفة إنك تشتي ترجع اليمن عشان داك الموضوع، إلا عارفة ونص، لكن والله ما بسمح لكش ترجعه إلا على جُتتي.. الباب اندق وقطع حبل افكارها يلي تعجن في احشاء عقلها، ما اشتيش أحد يدخل، لا تدخلوش.. بس الباب انفتح وهو دخل، ببدلته الطقم بنية اللون، وبشرته البيضاء شوية، وحليق الدقن ووجهه محدد قليل: _ هذا أنا يا نجوى ما لك؟ نجوى شافته وطوالي راحت جري لعنده ومسكت بيداته: _ عبدالقادر عبدالقادر، الحمد لله إنك جيت، واي واي بموت.. وسحبته بسرعة لفوق السرير وهو مستغرب: ما لك أيش في؟ وجلسته فوق السرير وجلست جنبه: مصيبة يا عبد القادر مصيييبة.. عبد القادر بخوف: م..مصيبة!، أيش من مصيبة؟ نجوى بخوف وتلعثم: منصور، منصور.. عبد القادر: أيش فيبه زوجك منصور؟ نجوى: يشتي يرجع اليمن يا عبد القادر يشتي يرجع اليمن.. عبد القادر: ت...تمام فين المشكلة يعني؟ نجوى فتحت عيونها له بصدمة أكبر: فين المشكلة؟( ووقفت بغضب) وعادك كمان تسألني فين المشكلة؟ ما لك يا عبد القادر تشتي تجنني كمان.. عبد القادر وقف: ما لك الآن فهميني أيش في.. نجوى بغضب وصوت كبير قليل: ... 🇾🇪