جرح القريب غريب - الفصل 34 | روايتك

*روايات يمنيه عربيه مميزه 🇾🇪* *بإدارة : شـٰٓمـُـس⁞♩⁽📚🖊️₎⇣℡* *رقم الروايه 16* *الفصل (34) ☆* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏جرح القريب😔غريب💔* *تفاعلوالنستمر😍* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏*قراءة ممتعةلاتلهكم الروايه عن ذكرالله اللهم اني بلغت اللهم فاشهد 🥹💗⃟🎀* وداد: غزل يا قلبي، ا..أكيد سمعتي نحنا نتكلم وأيش قلنا البارح.. غزل تنهدت: أيوة يا اماه، وحسام كمان كلمني.. وداد: و..وأنتي أيش قلتي له؟ غزل بلعت ريقها بقهر: قلت له يلي لازم يسمعه يا اماه، اني اشتي أنور.. وداد فرحت وبنفس الوقت زعلت: م..متأكدة من قرارك دا يا بنتي؟ غزل هزت رأسها: ا..أيوة متأكدة يا اماه، وقلت لحسام دا الشي.. وداد: و..وهو أيش قال لك؟ غزل: قال يلي اشتيه، ودا قراري يا اماه ودي حياتي.. وداد هزت رأسها: براحتك يا بنتي، واني ما بغصبكش على شي.. ووقفت: بروح أبخر وأجهز المجلس، يمكن يجي ابوك وأنور الآن.. غزل هزت رأسها بعدم اقتناع وهي ترفرف بأهدابها، ووداد خرجت: _ يا رب اختر لي ما هو خير لي يااااا رب.. @rewayatyamania المصدر الأول للروايات في الخارج، وصل عارف لبيته، وهو يمشي، وقفت سيارة تويوتا مدادي جنبه، وهو وقف ولفت وشاف زجاج السيارة ينزل، وخرج شاب رأسه، معه سكسوكة صغيرة واسمر شوي، ووجهه محدد وشعره اسود خفيف: _ السلام عليكم يا عم عارف.. عارف ابتسم: أنور!!، حيا حيا بك يا ابني.. أنور نزل، وكان لابس شميز مدادي ومعوز لتحت الركبة، ابيض وعليه خط من تحت بنفس لون الشميز وكذلك مشدة بيضاء عليها خط مدادي، حاطط لها على كتفه، وبان جسمه المهيب، وقدم لعند عارف وسلموا على بعض.. عارف: حيا بك يا ابني حيا.. أنور: الله يحييك يا عم، كيف أنته وكيف حالك؟ عارف: الحمد لله بخير، حياك حياك اتفضل.. أنور: الله يحييك، بس راعي اجيب الأغراض من السيارة واجي.. وراح للسيارة وخرج كيسين، ومشى لعنده، ذولة كم غرض جبتهم معي.. عارف: ليش تعدب نفسك يا ابني.. أنور: ولا عذاب ولا شي يا عم.. عارف: هيا حياك تعال... وراح ودق الباب، وفتح له زيد: زييييد حيا بك يا بطل ( وباسه بالخد)، ذولة لك الاغراض ولرُبا، بزهم.. زيد بزهم بفرح وراح جري للغرفة الثاني، ودخلوا وعارف غلق الباب: _ يا حرمة، يا وداد.. وداد خرجت: حيااااا وسهلا بابني أنور.. أنور سلم عليها فوق الراس: كيف حالك يا عمة؟ وداد: الحمد لله بخير يا ابني، أنته كيفك وأيش اخبارك؟ أنور: الحمد لله والشكر يا عمة اخبار خير.. عارف: حياك حياك، هيا اتفضل للديوان.. وراحوا لهناك، وداد جرت للغرفة، وكان زيد ينبش بالأغراض وطلع حويجات وملابس له، وشاف أمه تدخل وبفرح: _ اماه اماه، شوفي محلا البدلة يلي جابه لي أنور.. وداد بدون ما تشوفهم حتى: أيوة أيوة حلوة ( وشافت لغزل المتوترة ) أنور جاء يا بنتي، اني بروح أجهز له الضيافة وارجع، وأنته يا زيد لا تلعبش بالأغراض.. زيد فارح بالبدلة وشاف لغزل: غزل البسه؟ غزل بس تلاعب اصابعها وهي تشط وتمط بالغرفة.. . . وبعد انقضاء الساعة العاشرة، وقفت هيلوكس غمارتين بجانب إحدى المنازل ( عاد أنا ذكرت التايغر حق آدم، أمانة فقدت له 😭) ونزل منها شخص طويل، نحيل الجسم، وغلق السيارة وراح ناحي البيت، شويات وفتحت له إمرأة طوالي شهقت لمن شافته وتغيرت ملامح وجهها: _ أ...أمجد!!... أمجد وهو يدخل البيت: لا جده، ما لك يا سارة، شفتي جني والا أيش! ودخل وسارة يدها على فمها وتحس قلبها بيطلع من صدرها، وطوالي رجفت وتلطم صدرها حبة بعد الثاني ضربات ضعيفة: _ واي واي يا ربي، رجع أمجد، واي يا ربي أيش اسوي؟ وحطت يداتها على خدودها وهي تبلع ريقها ولحقته للديوان، وكانت أمه هناك، وسلم عليها فوق الراس: _ كيف حالك يا اماه؟ رضية: الحمد لله والشكر يا ابني بخير، فين اختفيت كدا وتركت نحنا يا ابني؟ أمجد جلس: ااح يا اماه، تعرفي ضغط الشغل والمكتب يلي هالكنا.. رضية بخوف: ا...الله يعينك ويقويك يا ابني.. سارة دخلت وهي تلاعب اصابعها، ورضية شافتها وبلعت ريقها بخوف.. أمجد: جيبي لي ماء بارد يا سارة، شوفينا ظميااان.. رضية: فديتك يا روح أمك، س..سارة، اقفزي جيبي لأخوك ماء وصبوح انكعي.. سارة بخوف: ط...طيب يا اماه... أمجد: لا ما الصبوح يا اختي ما اشتيش،  قد أكلت بالمكتب.. سارة هزت رأسها وراحت، أمجد طلع التلفون وجلس يلعب، ورضية تلاعب اصابعها، شوية وتشوف لأمجد، سارة داخل المطبخ وهي تهز يداتها بخوف وتلف بالمطبخ: _  واي يا ربي واي، إدا عرف انني خليت زينة تروح عند ابوها والله العظيم بيقتلني، واي يا ربي واي، يا ربي أيش اسوي.. وحطت يدها على قلبها وتحسه يدق بقوة: واي يا ربي ساعدني يا رب.. . . الموتور حق أيهم وقف، وحسام نزل منه: شكرًا على التوصيلة يا أيهم.. أيهم: العفو، مع إنك ما تستاهله بس يلا، من باب الصحبة..😂 حسام طبعه بالكتف لمن خلاه يصيح: اسكت يا ماطور.. جراح: كسرت له ظهره مله.. حسام: يا اخي أحسن إن الدكتور ما جاش، وروحنا بدري.. جراح: أنا بروح عشان الحق اروح للفرشة حق مصطفى دام رجعت بدري.. ايهم: ...