جرح القريب غريب - الفصل 25 | روايتك

*روايات يمنيه عربيه مميزه 🇾🇪* *بإدارة : شـٰٓمـُـس⁞♩⁽📚🖊️₎⇣℡* *رقم الروايه 16* *الفصل (25) ☆* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏جرح القريب😔غريب💔* *تفاعلوالنستمر😍* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏*قراءة ممتعةلاتلهكم الروايه عن ذكرالله اللهم اني بلغت اللهم فاشهد 🥹💗⃟🎀* حسام ضرب ركبته بغضب وشاف لغزل يلي تغطي اذونها وترجف، ورجع هدأ، ومسك يدها وهي شافت له بعيون مغرورقة بالدمع، وهو ابتسم: _ خلاص اهدأي.. عارف: اسمع يا حسام.. حسام لفت له:  أيش في.. وداد خافت وحركت رأسها بالنفي ببطء: عارف لا.. عارف: اليوم اتصل لي أنور.. حسام لفت له بصدمة وعينان جاحظتان: أيشش! وداد صاحت: عارف مش وقته الآن.. عارف: إلا وقته ولازم يعرف.. وداد بتتكلم بس حسام حط يده قدامها وهو يشوف لعارف: اسكتي أنتي يا اماه، ايش أيش قلت!، كه عده.. غزل بدأت ترجف بخوف وهي تشوف لهم وكيف الوضع متوتر.. حسام صاح: أقول لك اتكلم.. عارف: أنور اتصل لي قبل قليل، وقال بيجي بكرة لهنا.. حسام: أيششش!، وهو من يحسب نفسه عشان يجي لهنا!.. عارف: الليد بيجي وبنتفاهم بهدوء يا حسام.. حسام وقف بغضب: أيش من هدوء، (وبتهديد) اقسم بالله إدا أنور يفكر بس يجي لباب الباب إن انا بكسر له رجوله تسمعونا.. غزل غطت اذونها وبدأت تبكي، وزيد رجفوا شفايفه وعلى وشك البكاء ورُبا بمكانها متخشبة ولا تحركت، وداد تشوف لهم والخوف يعجن داخلها.. عارف وقف: أنا قلت بيجي ونتفاهم معه، نشتي نحل الأمور مش نعقده يا حسام.. حسام بغضب وهو يأشر بيده: إلا نعقده ونص، ما فيش بيننا أمور عشان نحله، ويلي عندي قلته، داك أنور إدا يفكر يجي لهنا بكسر له رجوله.. عارف: أقول لك اهدأ وخلنا نحل الأمور بالتفاهم بلا جنان حقك والعرق العنتري يلي عندك.. غزل تبكي وزيد بكى معاها بهدوء، وداد تشوف لحسام وعارف وغزل وزيد ولا عرفت من تهدي، ووقفت _  عارف حسام بس اهدؤوا خوفتوا العيال.. حسام كان يشتي يصيح وشاف غزل تبكي هي وزيد ورجع هدأ ومسح وجهه المحمر ومسح شعره للخلف وشعراته رجعت للأمام تصفق على جانبي وجهه وجبينه، وشاف لعارف يلي عيونه بتقطر دم وهو معقد لحواجبه ويشوف له، ورفع اصبعه حق تهديد.. _ أنا قلت يلي عندي، أنور داك بكسر له رجوله إدا بيجي لهنا، لا تعاندوناش وتخلوا الموضوع يوصل للقتل لأن انا ما بقصر وقدكم تعرفونا لمن اعصب، سمعتوا.. وداد صاحت ببكاء: أيش تقول يا حساااام.. حسام سحب نفس بأنفه بغضب وهو يشوف لعارف يلي يرتعد من الغيظ وطوالي حسام سحب شميزه من فوق المجلس ومشى بغضب، ورُبا جرت لعنده وبيدها القلص يلي يتطاير الماء منه، وهي تقول: _ الماء يا حس..... ما كملت من يد حسام يلي دفعت يدها بقوة لمن وقعت والقلص ارتطم بالأرض وتطايرت شظاياه وحسام كمل مشيه بدون ما يشوف حتى، وعارف صاح وهو يلحقه: _ حسااام.. بس حسام خرج ورُبا طوالي صاحت بكاء وهي ممددة على الأرض وعارف وقف، وداد جرت لعندها وجلستها وهي تبكي بقوة وتنشج، وداد بدأت تبكي وشافت لعارف: _ قلت لك مش وقته يا عارف ما سمعتنيش اهئ اهئ غزل تبكي وزيد طلع صوته أكثر والبيت صدح بصوتهم عارف مسك رأسه وهو يرجف غضب ويتأفف ويمشي بالغرفة حسام خرج وهو معصب وعيونه تذرف الدمع بس وجهه غاضب بقوة، وكان معلق لشميزه الأسود بيده وعضلات صدره بارزة تحت جرمه الأبيض قصير الأكمام، ويده مرة يمسح بها وجهه ومرة خلف رأسه وشعره يلي يرجع يتناثر وكمل مشي.. . . كمال كان مع هدى وأهلها يتعشوا، وجالسين ضحك وهم يأكلوا.. هدى: خلاص يا خال خله الشهر يلي يجي.. كمال: مله عاد البيت حقي مش مفروش وناقصنا اتات وكدا، شهر قليل.. نعمة: بس يا اخوي قد معك راتب ومحوش لك كم فلس، اشتر الأتات ولمن يجي الراتب بعدين نشتري النواقص.. عبد الباسط: أيوة أنا مع اختك بيلي قالته، خلنا نفرح فيبكم.. كمال ضحك: إن شاء الله ولا يهمكم، بس خلونا اخلص أموري.. هدى: واااي مش مصدقة إنك بتتزوج يا خال، وبعدين تجيب لنا جُهال صغار.. كمال: أيوة، وبخليك تربيهم وتكبريهم أنتي.. هدى: هاااو، على أساس تشتيني اجلس سنجل طول عمري، لا يا حبيبي، اني باتزوج جيزي جيزك، ليش ناقصني يد أو رجل..😂 نعمة شهقت وكمال وعبد الباسط ضحكوا عليها.. نعمة: عيب عليك يا بنت ما تستحيش على نفسك، ما عرفت اربيك صدق.. كمال: هي معه حق يا أختي، يعني تشتيه تجلس هنا واصل.. هدى: فديتك يا خال، تفهمه وهي طايرة..😂 كمال: مسيرة أو حربي..😂 عبد الباسط: لا خله حق نقل أحسن، عشان تبزه ونخلص منه..😂 هدى: يا ليت واسافر واخرج من البلاد دي، اااخ بس.. كمال: والله اليمن ما في متله، بس الحرب هي يلي لعبن على الشعب والبلاد، وخربنه وعيشن نحنا في الوضع الرمة دا.. عبد الباسط: ما عدر ربنا يفرجه.. نعمة وهدى: إن شاء الله.. كمال وقف: الحمدلله والشكر.. نعمة: ما لك يا اخوي كل لك ما أكلت زي الناس.. كمال: الحمدلله والشكر يا اختي شبعت، الله يدوم النعمة.. هدى: نعمة أو عبد الباسط..