جرح القريب غريب - الفصل 16 | روايتك

*روايات يمنيه عربيه مميزه 🇾🇪* *بإدارة : شـٰٓمـُـس⁞♩⁽📚🖊️₎⇣℡* *رقم الروايه 16* *الفصل (17) ☆* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏جرح القريب😔غريب💔* *تفاعلوالنستمر😍* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏*قراءة ممتعةلاتلهكم الروايه عن ذكرالله اللهم اني بلغت اللهم فاشهد 🥹💗⃟🎀* ( طبعًا زي ما قرأتوا أن منصور وأسرته عشرين سنة بالغربة، عارفة بتقولوا ليش يتكلم هو وزوجته وسامر بالعدني ومش بالمصري، شخصيًا حبيت أخليهم كذا، وبالنسبة لسامر دا شخصيًا اشتيه يتكلم عدني، مش ساخية فيبه 🤭😁، يكفي مخليه لكم بشار وشيماء واثنين ثانيين بيجوا ببارتات جاية، لكن منصور ونجوى يتكلموا مصري مع المصريين وبالشغل، لكن بينهم البين بالعدني، وأنا حبيت اللهجة المصرية عشان صُحابي المصريين فديتهم 💗) بينما في غرفة منصور، كان جالس يدخن عند النافذة نجوى دخلت ومشت لعنده وبغضب: _ الآن أيش سر القرار المفاجئ دا كه قل لي؟ منصور بهدوء: ولا سر ولا شي، فقدت لليمن واشتي ارجع له، ضروري يعني يكون في سر.. نجوى: والله!!،  يعني بعد عشرين سنة قلبك حن لليمن ولعدن وتشتي ترجع له!، والشغل حقك،  والشركات يلي هنا، وكل يلي بنيناه بمصر أيش بتسوي فيبهم؟ منصور وهو محتفظ بهدوئه: عادي، بخلي اخوك عبد القادر أو بلال يستلم الشغل هنا، وبالنسبة للعماير ببيعه، وبرجع امارس شغلي بعدن.. نجوى: أيش من شغل؟ يعني أحسن لك مصنع الاسمنت بدل الشركات يلي جالس تلف منهم ملايين! منصور قفي منها ونفخ الدخان بهدوء وبرود قاتل، ونجوى تشعل شعيل.. نجوى ويد فوق الثاني: قل لي الصدق يا منصور،  تشتي ترجع اليمن عشان الشغل بمصنع الأسمنت أو براسك شي تاني؟ منصور شاف لها وهو يرفع حاجبه اليمين: شي تاني! أيش قصدك؟ نجوى وهي تهز نفسها: واضحة، ما أعتقدش انني  اتكلم صيني.. منصور باين أنه غضب، ورمى السجارة تحت رجله وداسها وهو يشوف لعيون نجوى، وراح لقدامها وهي تلوي فمها وتمد شفايفها بغضب، وقال بصوت غاضب لكن هادئ وهو يصك اسنانه: _ يلي بالي بالك تنسيه، وحسك عينك اسمعك تقوليه مرة تانية، يلي فات مات، وأنا برجع اليمن يعني برجع، عجبك تجي أهلًا وسهلًا  ما عجبكش اجلسي ارقدي لك هنا.. وخرج طوالي وهي مسكت رأسها بغضب،  وجلست فوق السرير وهي تعض شفايفها بقهر، ولولا حذرها لقطعتهم منصور نزل الدرج وخرج للحديقة حقه، ووقف عند شجرة ويده على خصره والثاني يمسح بها وجهه وهو يمشي لقدام ويرجع للخلف من توتره، ومسك بالكرسي وشاف للمسبح قدامه بدأ صوت صياح يطلع، باين اشخاص يتصايحوا وكل واحد صوته أكبر من الثاني، بعدين بدأ عرقه ينضح من جبينه بقوة، والصراخ في رأسه يطلع أكثر، وكان صوت يصيح: _ نزل سلاحك أنته.. الصوت الثاني: أنته يلي نزله.. وبدأ بعدها عرقه يسيل على وجهه، وبدأ وجهه يرتعد، والصياح يعلو، شويات ودخل صوت ثالث المعركة، وكان صوت يحاول يهديهم واصواتهم طغت عليه وضيعته، وعندها سمع صوت الرصاص طلع بقوة، وفز وهو يشهق، ومسح وجهه ورجع يمشي، وفك زراير شميزه ويفحس صدره وهو متضايق ومكظوم، وكانت نجوى تشوفه من نافذة الغرفة وهي مكانها مقرحة، وقالت بمكر: _ والله ما اخليك ترجع لليمن وتسوي يلي ببالك يا منصور، واني نجوى بنت ناصر.. . . في اليمن، وتحديدًا في بيت عبد الفتاح والد صقر يلي كان جالس وبجانبه ولد بعمر سبع سنين، وهو مستلقي فوق السرير ومركب فراشة (كانيولا)، وكان يضحك، وصقر يضحك معه: _ يعني مردقتوا الليد مردقة؟ صقر: أيش مردقة، مسحنا بأمه شوارع عدن كله،  ( بعدين عدل جلسته وبفخر ) عاد لو تشوف اخوك أيش سوى يا صفوان، واهبووي، بتفتخر فيبنا، ربخت يدي وأعطيته الكف الأول والتاني، وبعدين مسكته من الشميز حقه، وقلت له " تتغزل بالبنت يا ملعون " وزدته الرابع الكف والخامس لمن دوخت به.. صفوان: بس قد قلت لابس جرم، كيف الآن لبسته شميز!. صقر حك شعره: ه..هاه، يا أخي جرم شميز المهم إن انا اهب له كف بعد التاني، بعدين رميته للعيال وقلت الباقي لكم.. عبد الفتاح: الآن كلكم على واحد، وعشان تغزل ببنت! صقر: مله يا العباد ( يدلع ابوه بالعباد) عيال عدن فزعة زي ما تعرف، ( بعدين غمز له) خاصة ابنك، ديب تعرفنا عاد ما يحتاجش اقول لك.. صفوان كان يضحك: أنا اشتي اقع رجال زيك يا صقر.. صقر مسك بيده: بتكون زينا وافضل كمان، بس اشتيك تشد نفسك وتقوم بالسلامة.. _ دامك تضحكه كدا كل يوم بيموت.. قالت امرأة جميلة، جت وبيدها اكل وشاي، روتي وفاصوليا، وحطته قدامهم: حرام عليك تكدب على اخوك وتعلمه الأرهاب وهو صغير.. صقر: الله يسامحك يا اماه، يعني أنا اكدب عليه؟ عبد الفتاح ضحك: مله يا ابني واضحة، كيف تقول جرم وبعدين شميز وترجع تقول استلمته أنته وحدك بعدين تقول وقتلناه ضرب أنا والعيال.. صقر رجع حك رأسه وبتلعثم: م..مله يا اباه ولو اكدب، لا تفضحوناش وتطلعونا كداب قدام صفوان.. صفوان ضحك: ما عليكم منهم، أنا مصدق لك يا صقر.. صقر: فديتك بس، هيا قم نتعشي هيا.. وساعده عشان يجلس، وتجمعوا حول الأكل..