الفصل 5
*روايات يمنيه عربيه مميزه 🇾🇪*
*بإدارة : شـٰٓمـُـس⁞♩⁽📚🖊️₎⇣℡*
*رقم الروايه 16*
*الفصل (6) ☆*
* جرح القريب😔غريب💔*
*تفاعلوالنستمر😍* *قراءة ممتعةلاتلهكم الروايه عن ذكرالله اللهم اني بلغت اللهم فاشهد 🥹💗⃟🎀*
جراح وأيهم ضحكوا وهم يشوفوا صقر يشارع حرمة على الجلبية..
صقر: يا أختي بزيه والله العظيم بضاعة أول نوع..
الحرمة: بس لونه ما عجبنيش، في معك غيره؟
صقر خرج لها لون اخضر: دا، دا مناسب، لون الجنة سبحان الله وبيكون لايق عليك..😂
حسام فطس ضحك، الحرمة وهي تشوف الجلبية: اممم، طيب كم سعره؟
صقر: لك أنتي باربعة ألف..
الحرمة: واي اربعة أيش، سعره مرة غالي..
صقر: قد دا سعره يا حجة...
الحرمة: حجوا راسك أيش من حجة عادني صغيرة..😂😂
أيهم حط يده فوق كتف جراح وحط رأسه فوقها وهو مفطس ضحك..
صقر: مله وأنا أيش عرفنا، احسبك كبيرة..😂
الحرمة ويدها على خصرها: ليش مش واضح عليا يا روح أمك..
جراح وهو يضحك: صاحبنا اتورط يا عيال..
أيهم: الله يستر، شكله بتعطيه بوكس تلف عقله فيبه..😂
صقر حك شعره: م..مله يا حرمة (ورجع شاف للعيال) مله تعالوا ساعدونا..
حسام اتقدم: خلوه عليا، (وراح لعند صقر) خير يا أختي أيش في؟
الحرمة: دا البياع ما يعرفش يتكلم صح..
صقر فزز عيونه: أيش أيش، أنا!
حسام بابتسامة: ما عليك منه، دا جديد عند نحنا، والله الجلبية دي لونه يناسبك، وبعدين هي مناسبة للي عمرهم صغير، وما شاء الله واضح أنه بتجي ضبط عليك وبتكون لايقة..🙄
جراح رفع حواجبه وهو يشوف لأيهم يلي يبتسم بتعجب، وصقر مفزز عيونه..
الحرمة: ايوة كدا الكلام، خلاص بشله، كم سعره؟
حسام: خمسة الف وخمس مية، بس عشانك بخمسة الف، عشانك بس..
الحرمة طلعت خمس الف: اتفضل، دي خمس الف، (ورجعت خرجت خمس مية) وهذه خمس مية..
وشافت بشزر لصقر المنصدم وراحت، وشاف لحسام يلي رفع له حواجبه والفلوس بغرور:
_ كيف عقدتك..
صقر: مله ليش تكدب عليه، المرة فُقمة ما بتجيش عليه الجلبية..😂
حسام: وأيش دخلك، بتلبسه هي أو أنته..
أيهم: شكل صاحبنا خبرة يا صقر، اتعلم منه قليل..
جراح: خلاص جي كل يوم يا حسام، شكلك بتنفع مصطفى أكتر من صقر دا..😂
صقر: هه هه، الآن كدا نسيت البوس ( المدير ) بكله وتشتي تشغله بدالي!!
أيهم: الشغلة مش شغلتك، مستغرب كيف مصطفى يشغلك معه وأنته تطير له الزباين...😂
حسام: عادي يا صقر إدا تشتينا اعلمك عادي، كل شي بحسابه..
صقر: قطعوا لسانك يا رب، كه اسكت أنته..
جراح جالس يشرب شاي وهو يتسمع عليهم ويضحك، وهم يتصايحوا، ومرت ساعة، ويلي راح ويلي جاء وهم يشتروا منهم والعيال يساعدوا صقر، شويات وأجت بنت، الواضح أنها خايفة وتتلفت وراها، وانصدمت بحرمة تشتري واعتذرت بسرعة:
_ ا..العفو منك، م..مش قصدي...
الحرمة هزت رأسها
أيهم: شوف البنت دي، شكله خايفة مدري أيش..
جراح وصقر يبيعوا المشتريين، البنت تشوف خلفها بخوف، قلعوا ابليسه عاده يلحقني..
جراح سمعها وشاف يمينه، وشاف شاب جاي ولابس طيحني وهو يبتسم بخبث، صقر شاف للبنت:
_ ما لك يا أختي في مشكلة؟
البنت توترت وهي تلاعب اصابعها: ه..هاه، د..داك الليد يلحقني من قُبيل(من فترة)، وفين ما اروح يضايقني..
صقر رفع حواجبه وشاف للشاب: داك يضايقك؟...
البنت: أيوة والله، م..مدريش أيش يشتي مني...
صقر وجراح شافوا له، جراح: شكله يتغزل، واضح عليه ما شاء الله..
صقر: شكله..
وشافوا للشاب وهو يمشي ناحيهم وعيونه ما تشوف إلا للبنت يلي تتجاهله، صقر شاف للعيال وصفر لهم، وحسام وأيهم كانوا يشوفوا بالجوال، وشافوا لصقر يلي رفع حواجبه وأشر برأسه لعند الشاب، وهم شافوا لبعض، بعدين وقفوا وراحوا لعندهم...
حسام: أيش في؟
جراح: شكل معانا مغازل يلحق البنت دي..
أيهم شاف للبنت وحط يده فوق كتف جراح: يحق له يتغزل به، البنت غزال..😂
جراح طبعه: ما لك أنته؟
أيهم: أيش المطلوب الآن؟
جراح: لا بس، شكلنا لازم نعلم واحد درس في الأدب..
حسام شمر الشميز حقه: يا فرحة قلبي، قدنا أدور مضرابة من الصبح 😂
أيهم مرن عضلاته ومشى وهو يأشر بيده: بعدي...😂
وصقر رمى الملابس ولحقهم، وجراح يشوفهم وهو يبتسم، ولفوا على الشاب يلي يشوفهم بإستغراب، صقر حط يده فوق كتف الشاب:
_ حيا بالحبيب، خير أيش معك هنا؟
الشاب: وأيش دخلك أنته!....
أيهم: لا لا لا، شوفك بتزعلنا منك...
الشاب: الآن أيش تشتوا مني لافين عليا؟
حسام: لا سلامتك، بس شفنا عيونك حولاء تشوف مكان تاني قلنا نسمحهم لك..😂
الشاب: أيش تقول يا جني ابعد..
ودهفه، وصقر شده من الفنيلة حقه: عاده يداهف!!(وشاف لعند جراح)، هاه جراح، شوف صاحبنا شكله يشتي درس قووووي..😂🤣
أيهم: المسكين شكله ما أحد علمه درس من قبل..😂
الشاب: الآن فك لي أيش تسوي؟ نزل يدك يا أخي..
حسام: يا جراح، كيف تشوف؟
جراح حرك رأسه: دام ناقصه درس، هبوا له ( اعطوه )..😂💪
العيال حركوا رأسهم، والشاب سحب نفسه: ما لكم أيش تشتوا مني؟
أيهم: دام الزعيم قال نهب لك درس معناته....😂