الفصل الثاني
إدماني سرق حبي
البارت الثاني
فارس:ايوه ابوكي موجود هو في قسم الحسابات احمد خدها لأبوها، ودخل فارس لمكتبه، احمد :ماشي يا فارس يلا يا انسه... لحظة هو اسم حضرتك ايه، ساره :اسمي ساره، احمد :اسمك حلو اوي، ساره :شكرا لمجاملتك بس ممكن تاخدني لبابا، احمد :انا مبجاملكيش بجد انا بحب اسم ساره لانه اسم زوجه النبي ابراهيم عليه السلام، ساره :عليه السلام بس هي أحسن مني لأنها اتجوزت بنبي والنبي دا لقب بخليل الله، احمد :واضح انك بتقري كتير في قصص الانبياء، ساره:انا بقرأ قصصهم من كتاب ربنا وسنة حبيبي محمد بتحصني بأحاديثه، احمد :شكلك مقربه من ربنا اوي، ساره :صح مقربه من ربنا اوي، احمد :هو عندك كم سنة، ساره :عندي 20سنه، احمد :عشرين سنه!!! بس اللي يشوفك يقول انك في 14 من عمرك،ساره :كفاياك كلام كتير لاني زهقت من كتر كلامك امتى هنوصل لبابا، احمد بحرج :اسف مكنش قصدي ازعجك ااا محمود من القسم دا تقدري تكملي شغلك يا انسه، ساره :شكرا ليك ي استاذ احمد، ودخلت الي مكتب ابوها وقالت:بابا انا جبتلك الملف.. نسيت تاخده معاك، محمود :ااه من دماغي شكلي كبرت في السن اوي ازاي انساه.. شكرا يا حبيبتي، ساره :لا اله الا الله يا بابا.... لازم امشي عشان اميره بنت عمي جايه لعندنا عشان نذاكر قبل امتحان بكرا.. كنت هنسى وامشي اتفضل انا عملتلك اكل عشانك لما تجوع تاكل منه ومتنساش انك تاخد دوا السكر قبل الأكل، محمود :محمد رسول الله خلي بالك على نفسك، ساره :انا في حمايه ربنا متخافش عليا استأذنك دلوقتي،ومشت قرب واحد من محمود وقال :مين البنت دي يا محمود، محمود :ايه يا كامل ازاي معرفتهاش دي ساره بنتي، كامل :بسم الله مشاء الله دي كبرت وبقت عروسه زي القمر شد حيلك شويه يا صاحبي البنت كبرت وبكرا تصحي وتلاقي العرسان واقفين مستنيين على الباب ههههه، محمود :لكن ساره لسه مكملتش تعليمها وهي قالت لما تاخد الليسانس في الرياضه الأول وبعدين تفكر في الجواز، كامل :هي عندها كم سنة، محمود :اااعشرين سنه، كامل :مشاء الله وبتدرس في جامعه اي، محمود :في جامعه*****، كامل :انما صدفه ابني مؤيد بيدرس في نفس الجامعه بس هو في الدفعه اللي اكبر منها، محمود :هو مؤيد نزل من أسبانيا وجي يتعلم في بلده يا زين ما اختار، كامل :معجبهوش الحال هناك فقال يجي أمريكا احسن هههه، محمود :اااه نسيت الملف اللي لازم اديه لفارس بيه معلش يا صاحبي هروح لفارس بيه واجي اكمل كلامنا، كامل :هههه معطلكش على شغلك ههه، وتركه وراح محمود لمكتب فارس عشان يديله الملف المهم وكان فارس منكب على شغله فستأذن محمود انه يدخل فأذنله فارس، محمود :دا الملف اللي طلبت مني حضرتك اعدل من مزينته، فارس :ماشي حطه هنا وشوف الملفات اللي على المكتب محتاجين تصحيح أخطاء وكمان جهزلي أوراق حسابات العقارات اللي محتاجه توقيعي عليها، محمود :امرك يا بيه، وخرج من المكتب ودخل احمد وقال بغل كبير:انا تقولي كفايه كلام لأنها زهقت من كلامي دي احرجتني قصاد الموظفين ااه بس شبه النسمه وفي نفس الوقت شبه البحر بيبلع اللي قصاده، حط فارس ايده تحت خده وضم ايديه لصدره وقال :شكلك اتجننت رسمي يا احمد ليه بتتكلم مع نفسك، احمد بصله باستغراب وقال:بتكلمني انا يا فارس ، فارس :يا بني هو في حد غيرك هنا اسمه احمد ومفيش في المكتب دا غير انا وانت، احمد :معلش كنت بفكر مع نفسي، فارس :واللي يفكر يتكلم مع نفسه زي المجنون اللي ضيع لبسه وبيدور عليه في ايه مالك، قعد احمد علي الكرسي قصاد فارس وقال :البنت اللي جات وكانت عايزه ابوها من شويه، فارس بعدم اهتمام للموضوع :مالها، احمد :كنا بنتكلم عادي وبعدين قالت ليا كفاية كلام لأنها زهقت من كتر كلامي وبصراحه احرجتني قصاد الموظفين لما قالتها ليا، فارس :تستاهل البنت مبتحبش الثرثارين اللي زيك هههه، احمد :فرحان يعني تصدق انك نكدي زيها بس تعرف حسيتها وكأني بتكلم معاك، فارس :للدرجة دي احوليت يا احمد شايفني بنت قصادك ولا ايه، احمد :مقصدش الهبل دا يا فارس انا قصدت انها مقربه من ربنا اوي وتخيل اسمها ايه، فارس :اممم ساره مثلا، احمد :بسم الله هو انت مكشوف عنك الحجاب ولا ايه عرفت اسمها ازاي، فارس :هههه مجرد تخمين مش اكتر، احمد:تخمين اقولك هو انا جيت هنا ليه كنت عايز ايه منك، فارس :وانا ايه اللي هيعرفني دا إذا كنت انت نفسك ناسي جاي وعايز ايه مني، احمد :ااه افتكرت ماما عزماك عالغدا اوعاك متجيش، فارس :لا هجي طبعا هو الغدا دا اللي مقدرش مجيش عليه، احمد:ههه بقولك ايه انا هنام معاك الليله دي معاك في القصر، فارس :ليه أن شاء الله، احمد :خايف عليك لتخاف من الضلمه وتقعد طول الليل تصوت وتلم علينا مصر وامريكا وباقي العالم، فارس :لا يا حبيبي دا مكنش انا دا كان انت عشان في يوم قطع تيار الكهرباء في بيتكم وفضلت تصوت وتنادي على امك عشان تجي، احمد :ااا لامكنش صح كنت نايم ومحستش بحاجه، فارس :احمد غور من قصادي حالا لارتكب جنايه فيك، احمد :اهون عليك يا رورو، قالها بدلع بنات، فارس :احمد هقتلك لو ما خرجتش من قصادي،احمد :عايز اجوزك عشات ارتاح منك شويه هههه
يتبع.........
اتمنى انها تنال اعجابكم ♥️ ♥️ ♥️