عاصفه الصقر - الفصل الرابع - بقلم شهد عبد الهادي عيساوي محمد | روايتك

❤️عاصفه الصقر ❤️ البارت الرابع وها قد اسدل الليل ستائره ليكسره شعاع شمس يوم جديد.... في المشفى... تدخل ملاذ بفخر وهيبة وجمالها الذي يسحر لُبّ الجميع فدلفت لمكتب المدير، ملاذ بتواضع :صباح الخير يا دكتور سامر، د/سامر بترحاب :صباح النور دا المستشفى كلها نورت، وابتعد عن كرسي المدير وقال :اتفضلي يا دكتورة ارتاحي في مكانك ياسعادة المدير الجديد، قعدت ملاذ عالكرسي بهدوء وقعد هو قصدها على الكرسي، ملاذ :واضح انك مهتم بالمستشفى دي اوي... تمام هَمُر على الحالات وكل الأقسام.. انت قولتلهم على وصول المدير الجديد النهاردة، سامر:اه الكل يعرف ان المدير الجديد هيشرفنا بس محدش يعرف اسم حضرتك ولا شكلك؛ ملاذ :ايه اخبار قسم الأورام اللي بيترمم،د/سامر: اوشك على الإنتهاء، ملاذ :هيكون بالمجان، د/سامر :امرك يا فندم، قامت ملاذ وقالت:هروح واشوف حالات العظام والعلاج الطبيعي.. صحيح هنفتح قسم للأمراض النفسيه، د/سامر :بس دا محتاج تكاليف كتير اوي، ملتذ:مش مهم الفلوس المرضى اهم عندي، وسابته واتجهت لقسم العظام والعلاج الطبيعي فاصتدمت بشخص ما، زياد بعصبيه :مش تفتحي يا استاذه... انتي، ملاذ بسخريه:اهلا بصرصار الإسكواش اتمنى الجوله تكون نالت إعجابك، زياد :احترمي نفسك والا، نزعت نظارتها الشمسيه ووضعتها على شعرها فذُهل من جمال عينيها تلك، ملاذ :كلمه تانيه صدقني وهرميك من هنا زي الكلب، زياد بانفعال :انتي واحده مش محترمه، ملاذ :كررها واوعدك هتندم طول عمرك، ولبست نظارتها بغرور وتركته شايط كالبركان، د/صفوت :دكتورة حمد لله على السلامة، ملاذ:الله يسلمك يادكتور.. هو فين المريض، د/صفوت :في الاوضه دي، ملاذ:ماشي،وطرقت الباب، في الداخل، ليندا بمرح :يااه دا المستشفى خلتك قمر يلهوي ياناس، ياناس ياريت مكنتش اختك عشان اتجوزك، ضحك صقر وقال :امتى هتعقلي بقي، ليندا :مستحيل يحصل، صقر :فعلا هههه.. ادخل، دخلت ملاذ بهدوءوقالت :صباح الخير، ليندا بانبهار ودهشه وفم مفتوح :يلهوي 😳، ملاذ باستغراب :افندم!.. في حاجه؟، ليندا بدهشه :هو انتي فعلا كدا، ملاذ :ازاي، ليندا :قصدي جمالك دا حقيقي، ابتسمت ملاذ وقالت :اه، صقر انبهر من جمالها بس ماظهرش دا فقال لاخته :ليندا مالك، ليندا بهمس :صقر البنت دي صاروخ ناسف، ضحك صقر بخفوت وقال :احم احم حضرتك محتاجه حاجه، ليندا :على فكرة الاوضه غلط، ملاذ :مش دي اوضه المريض صقر الصاوي، ليندا :للأسف هو.. قصدي هو.. حضرتك مين، ملاذ :انا الدكتورة ملاذ اللي هتابع حالته، اتجهت ليندا عندها ومدت يدها لها وقالت :اهلا انا ليندا اخت صقر، ملاذ بابتسامه بادلتها السلام وقالت :اتشرفت بيكي يا قمر، ليندا :قمر ايه انتي اللي قمر وربنا، ضحكت ملاذ وقالت :الظاهر اننا هتبقى أصحاب اوي، ليندا :وانا يشرفني يادكتورة، ملاذ :ملاذ بس مدام بقينا أصحاب، كان صقر شارد في جمال تلك الحوريه والذي سحره أكثر تلك العينان التي اتخذها النحل مملكة له وصنع منها بحورا من العسل، ليندا :هي صقر.. صقّور.. انت ياملك الصقور، صقر بتوهان :هاه، ليندا :هاه ايه مالك، صقر:مفيش، ملاذ :الظاهر حضرتك تعبان مش هنبدأ النهاردة بحاجه بس هشوف حالتك وابدأ العلاج، صقر بهدوء :لا انا كويس وياريت نبدأ النهاردة، ملاذ:بلاش تستعجل كدا، دخلت دكتورة وقالت باستغراب لملاذ:حضرتك مين؟، ملاذ :انا الدكتورة المشرفه على مستر صقر، سما :بس محدش قالي دا.. انا دكتوره العظام والدكتور صفوت موصيني على صقر بيه، ملاذ :لاخلاص شوفي حالات تانيه، سما بضيق :ليه وكمان انتي لسه جديده ودكتورة مبتدأه هنا وباين عليكي لسه صغيره في المهنه دي، ملاذ بهدوء : فعلا انا لسه صغيره بس عندي مهاره اكفء الاطباء واتدربت على ايد أمهر اطباء امريكا ده غير اني اخدت سنتين بس في كليه الطب يعني تخرجت في سنتين بس لان كل الاطباء اثنوا على مهارتي ده غير اني اشتغلت في مجالي من ثلاث شهور بس، سما بضيق:واي يعني بردوا لسه مبتداه وهقول للدكتور سامر، ملاذ بسخريه :دكتورة سما انا مش هتخذ اي إجراء لان دا اول يوم ليا ومش حلو اني ارفدك فهكتفي بلفت نظر بس، سما :انا هقول للدكتور سامر لان انتي زودتيها اوي، وطلعت ابتسمت ملاذ ببرود وراحت فحصت صقر وقالت :دا عجز مؤقت مع التمارين هترجع احسن من الاول، صقر :ان شاء الله، ليندا :هو انتي مش خايفه احسن يرفدوكي، ملاذ بهدوء :محدش يقدر يعملي حاجه.. اهم حاجه الاراده والحاله النفسيه يا استاذ صقر، صقر :ماشي، ملاذ :ليندا ممكن تسبينا لوحدنا دقيقة، ليندا :حاضر،وطلعت.. راحت ملاذ وسحبت كرسي وقعدت قصاد صقر وقالت بهدوء :انا درست علم نفس.. لو عايز تحكي قول وكلامك هيفضل سر... كمان هنبدأ العلاج من غير اي كذب او كتمان أسرار، صقر بهدوء :مش فاهم وضحي اكتر، ملاذ بذكاء وخبث :يعني حضرتك فاكر كويس ومش ناسي حاجه.. اكيد ورا كذبتك دي سبب مهم اوي، صقر بتوتر :فاكر ازاي.. هو في حد قالك حاجه، ملاذ بهدوء _انا مش محتاجه حد يقولي حاجه لان عينيك قالت كتير وانت مش فاقد الذاكره ولا حاجة.. على فكرة متحاولش تخبي لاني هعرف كتير من غير ما تقول، صقر بانبهار :حلو ذكاءك دا ذكاء ضباط، ابتسمت ملاذ وقالت :وحضرتك ذكي كمان.. هنبدأ بأول كورس في العلاج، وبدأت ملاذ عملها في علاج صقر... في مدرسه ريم.... يتبع.... اي رأيكم في البارت؟ 🤔 😂 اي السبب اللي خلي صقر يكذب ويقول انه فاقد للذاكره وازاي ملاذ عرفت دا ولي زوجه صقر مجاتش تزور صقر واي هيكون رد فعل سامر بعد اللي عملته سما مع ملاذ ومن فين زياد يعرف ملاذ