حكايات من خلف الجدران - الفصل 164 - بقلم فتاة بلا الم | روايتك

لاول يـوم لهم بالسعادة واخير ولدت الفرحـة لهم بمشقه وطول عناء واخير بندر وفارس حران طليقان ويعشقان النهار بعدما ملوا من عشق الليل ..ومريم اكثرهم سعادة اخيرا عائلتهم اجتمعت اخير اولادها حولهم ما تبي من الدنيا كثر ما تحس الحين ..واحمد صديق طفولتهم احتفل بالمناسبة بعشاء عزم عليه كل من يعز عليه بندر وفارس وكانه هو من اطلق سراحه اما حال ام مريم فمره كانت تقهوى ومره توزع الحلى ومره تزغرد وهي ما تعرف كيف تعبر بفرحتها باولادها وعمـر ما غاب عن باله ان يعزم سعيد وبناته وخاصه ان علاقة سعيد بفارس علاقة قوووية \ \ \ وفي غرفـة روعه لفت روعه لشروق وهي تقووول :شفتي بنات سعيد مدري ايش عنده عمر عازمهم و كل شوي يسأل هن جن ولاء شروق : تلاقيه حاط عينه على وحده منهن روعه : عاد فتون احسها ما تليق له الصغيرة احلى غروب بحده وهي تعرف سـر العلاقه : كلهن ما عليهن كلام سكتت روعه باقناع ولفت نظراتها على غرفتها وكشرت بوجهها وهي تقول بحدة : والله ما تطلعن من غرفتي الا وانتم منظفاتها وشايلات قشكن معكن تكلمت شروق وهي تحط المسكره بعينها : تـرا تطورنا وفيه شغالات تنظف ورانا روعه بحده : والله حبيبتي بندر حالف ولا شغالة تدخل غرفتنا قاطعتها شروق وهي تضحك : عشنا وشفنا روعه تحسب لبندر الف حساب كشت بوجهها وجلست على طرف السرير وهي تقووول : والله بندر يستاهل وسكتت وابتسمت بحب لقلبها الي لاول مـره عرف الحب ونبض باسمه لمحتها شروق وهي سرحانه وابتسمت فرح لاخوها الي تتمنى ان روعه تسعده بكل ما تملك وتعوضه عن سنين الحرمان الي عاشها ولفت لاختها غروب وشافتها على حالها دائما سرحانه والكدمات بدت اثارها تختفي \ \ \ جالسة وسن بركن الصالة وهي منحرجه وتحس الكل عارف بزواجها من عمر وتندمت الف مـره انها طاوعت فتون وحظرت العزيمة شدت فتون من جنبها وهي تقول لمره العاشره : بالله شكلي حلو شعري مرتب زمت فتون شفائفها بقهر ولفت عليها : اقول انطمي ترا ماراح نزفك لعمر من هنا على بيتنا على طووول شدت وسن باعصابها لولا وجودها حول الناس لضربتها وهي تسك على اسنانها بقهر : سخيفه مالت فمها بابتسامه وطنشتها ويدها على قلبها تبي تشوفه او تسمع صوته او تلمحه من بعيد دخلت غروب الصالة وعينها من اول ما دخلت على وسن جلست جنبها وهمست بأذنها وهي تقول : عمر يسلم عليك اشتدت حرارتها وتهيا لها ان خدودها اشتعلت نار وردت بصوت هامس بالخجل : الله يسلمه غروب بنفس درجة الهمس : وطلبني اني اناديك تقابليه ايش رايك وسن بخجل اكثر :لالالا ما اقدر تكلمت فتون بحده : اذا مهو صابر يستعجل ويكلم ابوووي لان الموضوع ما ينسكت عليه وخاصة ان عمي بسام ماخبر ابوي بشيء غروب بهدوء : ان شاء الله قريب وقريب مره \ \ \ وفي قسم الرجال كل شخصين او ثلاثه مجتمعين سلطان الي فاقد سامر الي موت عزيزة ماثر عليه جالس بروحـه وبندر وفارس واحمد مع بعض و عمـر وبسام جالسين مع بعض والنقاش محتد بينهم مره ومره يهدي تافف عمر من كلام بسام وحاول يغير الموضوع : اقول شخبار وسن بسام بحده : ايش دخلك فيها عمر بضيق : كيف ايش دخلني فيها ناسي انها زوجتي بسام بستخفاف: ههههه والله مصدق عمرك اقول كم تدفع وازوجك عمر : كل تبن حتى التبن خساره فيك اقول لايكثر تراني ابي اكلم سعيد واخبره بكل شيء صـار بسام بخوف :لا ولا تكلمه ...وسكت يفكر ...: انت اخطبها عادي وانا اقنع سعيد يوافق لان لو فتحنا باب من ابواب الماضي بينفتح كل ابواب وما ابي سعيد يحس بشي عمر : كم تدفع ثمن سكوتي بسام :هههههه التبن الي مستخسره علي \ \ \ بعد العشـاء .. ويوم ملى بالتعب والمشقه وبعد انصراف الضيوف شروق بغرفتها وغروب هن الوحيدات الي فرحتهن ناقصه وما اكتملت شروق مستغربه من تصرف عامر وانقطاعه عنها ولا يسأل وما توقعت موت عزيزة الغريب بيقلبه كذا .. وكل ماتتصل يعطيها مغلق .. تضايقت ان بعد ما حبها ينمو ويظهر لنور حتى يقتل سكتت مستحيل تتكلم مستحيل تعلن حبها كان خفيا وسيبقى خفي امـا غروب في قلبها جرح لازال طريا ويؤلم ولا تعلم متى يبرا اما بقية اخوانها اجتمعـوا كلهم في الحوش الكبير المطل على المسبح جلس بندر وفارس وعمـر ام بندر بعتب لعمر : ليش تتركنا واحنا باشد الحاجة لك مهما تكلم ومهما فسر هروبه ما راح يببر له شيء تكلم بندم وخجل من عمره الي ضاع منه : يمه والله اني ندمان ومهما قلت ما راح يشفع لغلطتي ضربه بندر مع كتفه بخفه :خلاص من بكـره بشتغل معـي في المزرعه وتمسك قسم الصادرات ولا في أي اعتراض منك ام بندر وهي تعدل شيلتها : اييييييه تشتغل مع اخوك ومن بكره راح ادور عروس لك عشان تربطك ولا تطير عنا ابتسم وطيف وسن ولحظة اخر لقاء بينهم مر عليه وخلته يبتسم وتكلم وهو فرحان : يمــه عروستي موجوده وابيك بس تروحي تخطبيهـا فارس وبندر بصوت واحد : مين عمــر بسعاده واضحة وفرحه ما قدر يخفيها : بنت سعيد فارس بشـك وقلبه يدق بقوة وبخوف : أي بنت عمـر : وسن الصغيرة ابتسم فارس وهو يحك ذقنه :ونعم الاختيــار اجل انا بخطب الكبيره ونروح مع بعض بكره *** في مجلس الرجال جالس مازن بطرف المجلس ونـار تاكله بجسمه وتمزقه وعيونه تدور ونفسه الكل يسمعه خاصة لما صدره ينتفخ غيره وقهـر..لف على أبوه الي ساكت ولا تكلم وترك الكلام لفارس الي بدا بالموضوع بلا المقدمات سعيد بعد طول تفكير : والله ان فارس ينشهد له وعمـر ما اعرفه بس اذا بيكون مثل ولد عمـه ان من هاللحظة موافق غمض مازن عيونه وانقهر ان ابوه مارضى يطاوعه ويتكلم وهو حااااس ان فتون راح توافق على فارس و معترف بداخله ان فارس افضل منه بكثير وكل ما تخيل ان فتون راح تكون لغيره يزيد اصرار على الشيء الي راح يسوية تكلم بصوت عالي : عمي سعيد فتون انـا مكلم امـي تخطبهـا والبنت اليوم اعطت امي ردها انها موافقه فقلنا نخطب رسمي وما جينا انـا وابوي الا لنخطب رسمي قطب سعيد حواجبه ولف على ابو مازن باستفسار :متى هالكلام مازن بخوف ان كذبة توضح : قبل اسبوع وقلنا قبل مانكلم نشوف راي البنت وبعدين نخطب رسمي عشان العلاقة ما تتوتر انحرج مواقفه معه يعرف بنته شخصيتها قوويه لو تاخذ فارس بيكون احسن لها عكس مازن الي اكيد راح تسيطر عليه .. سكت واحتار وماعـرف ايش يـرد وبعدهـا قال : طيب ايش رايكـم اشوف راي البنت وقــام وهو تنفس خايف من كذبته صح انه كلمتها نوف وامه اكثر من عشر من رات بس كلها قابلتهن بالرفض \ \ \ نــزلت راسهـا بخجل وهي تقول : وانت مين تختار سعيد بحيره والله الي اشوفهم كلهم رجال ولو عمر ما خطب وسن لكان زوجة واحد لك واحد لوسن فتون هي دائما ترفض مازن تحسه يحبها ومتعلق فيها بقوة عكس فارس الي ما اظهر لها أي مشاعر احتارت وماعرفت بايش تفكـر ولا مين تختـار حس سعيد بحيرتها ومسح على شعرها وقال بابتسامة : تبي شوري فتون اكيد سعيد : اذا تبي شخصية قوية وحازمة وهي الامـر والناهي والتعامل معه صعب ويبي له وقت عشان تحبيه فختاري فارس وانا اشهد انه اذا ما اكرمك ما ذلك اما مازن فشخصيه بسيطه وهادية وسهله التعامل معها وبكل الاحوال راح تتمتعي بعمرك وقرارتك انت الي تختاريه ومازن في حياتك مجرد شريك وبنظرة عيونه انه يحبك ومتمسك فيك بقوة وزي مايقلون لاتبيع الي شراك ابتسمت على كلام ابوها وقالت بحياء وصوت هامس اجل بعيس مع الانسان الي شراني وبسرعه سحبت وراحت عن ابوها ضحك سعيد على حياءها وطلع يعطيهم \ \ \ جالس عينه على السقف ومره يلعب بجواله ومره يطلع مفاتيحه ويرجعهن ومره يفرك بصابعه والكل لاحظ عليه التوتر خاف ان فتون ترفضه ويطلع كذاب قدام الكل .. ومتندم على كذبته الف مره اما فارس فهادي وساكن ولا يظهر عليه أي توتر دخل سعيد المجلس وعلى وجهه اجمل ابتسامة وهو يقول بصوت هادي :مبروك يامازن والله يوفقك يافارس مع غيرها رجع ظهر على وراى بدون تصديق وتمنى ان سعيد يعيدها مره ثانيه عشان يتاكد ولولا الخجل من الجالسين كان خــر ساجد لله *** يوم زواج فـارس الي خالته ام بندر من اختارتها بعد ما شافتها زواج عمر واعجبت فيها وباخلاقها وهو ما كان عنده مانع يبي يستقر ويرتاح دخل غرفتها وشاف عروسته الي مدحوها له كثير واصر انه يكون عقد نكاحهم يوم زواجه ..دخل الغرفه وهو كله شوق لعروسته وزوجته الي الوحيدة رضت فيه قـرب منها ..بابتسامه واول ما عينه طاحت عليها شهق بقوة ولحظــة صدمـه كانت موجعـه : انـــتي رفعت عيونها ونبرة صوته الغريبه اقلقت بالها وقلبها بدت دقاتها سريعه ابتسم وابتسامته صارت راضيه وقانعة : تدرين ما جا بيوم بحياتي اني افكر او ارتبط فيك ولو مجرد خاطر سبحان الله صرتي انت من نصيبي انقهرت مرام من اسلوبه الغليظ والجاف ورفعت عيونها له بخيبة امل : وهذا كلام تقووله لزوجتك ليلة زواجنا ابتسم فارس يغايضها وجلس مقابل لها :اجل ايش تتوقعي من عيال الشقاء ناظرت فيه بنظره حااااارقه ممزوجه بخيبة امل وقامت عنه وهي تجر خيبتها قبل ماتجر فستانها معها ضحك بصوووت عالي على شكلها وهي مصدومه وبقى لوحده دقائق يفكر بالمواقف الي جمعته بينهم ولا بيوم خطر انه يتزوجها وبعدها قام ومشى وراها واتكى على الباب وقف وهو يتامل وجهها المحمر والي باين عليها انها كان تبكبي بصمت وبقت نظراته مركزة على عيونها الحزينة وابتسم لها ابتسامة طوووويله مملوها بالحب والعشق تذكر سلسالها الي الى الان محتفظ طلعه من محفظته وقرب منها ولبسها اياه وطبع على جبهتها وهي لما حست نظرته لها تغيرت لنظره هيام وحب وغرام لفت ظهرها عنه والخجل حمر وجهها حس باحراجها وارتباكها و ماحب يربكها اكثر ولحظتها عاهد نفسه كل مشاعره يسترجعها من حبه لجنان لـ عجابة بفتون ..لـتعلقه بلمـى...لــ امله بشروق ان يهبها كلها لزوجته الي من اول لحظة ملكت قلبه وصدق بعدها ان لا حب مثل حب ما بعد الزواج *** بعد وفاة عزيزة بست شهور وفي غياب نادر ..واعتزال عامـر يوم الخميس بعد العشاء وفي ليله من ليالي الانس والفرح ليله ملكة سامر بلمى حلم عمره وفرحة حياتيه الي كانت مناسبه خاصـة جدا ومافي غير اهله واهلها دخل سامر بصحبة سلطان وعينه متعلقه بالجالسه ومنزويه وباين عليها التوتر والخجل ..تنفس بعمق ومهو مصدق ان لمى خلاص صارت زوجته يحـبهـا يعشـقها يمــوت فيها مهما قال من مصطلحات الحب يبقى عاجز عن التعبير عن حبه جلس بجنبها لبسها شبكتها وبعدها هي لبسته بيدين مرتجفه الدبلة تحت تعليقات شروق وروعه الجالسات قريب منها ناظر بسله الشكولاته الي قدامه واخذ منها حبه ومــد الشكولاته لها انحرجت وحست الدنيا دارت فيها مستحيل تاكل منها وهي عارفـه ايش راح يسوووي بعدها .. ناظرها بتحدي ما استحى من الي حولهم رفع ذقنها ومـد الشكولاته قدام شفائفها تذوقت بطرفها وبانت اسنانه عليها سحبها واكـل الباقي تحت نظرات الكـل ضرب سلطان بدفاااااشـة : ياخي استح على وجهك وش هالحركات الماسخه من وين متعلمها سامر بتكبر وهو يكتم خجله : ليش اعجبتـك رفع طرف عيونها وقوس جانب فمه اليسار : مابقـى الا انت اتعلم منك ابتسمت لمى وقلبها ارتاح اكثر ان علاقة سلطان وسامر رجعت مثل اول واحسن سلطان لف على وفاء لاقـاه منحرجه وطالعه اجمل بكثير من اول وما يدري هي احلوت ولا هي حوه ولا كان يشوف جمالها ..ابتسم وسحبها لعنده وهو يقول سلطان تدرين انك حلوه وفاء باشبه بالغرور : ما جبت شيء جديد سلطان اموووت على الثققه ضحك سامر بصوت واطي على وفاء : ايه تعجبني ياختي اكرشيه تـرا سلطان ماينفع منه غير العين الحمـر سلطان : ياخي والله انا بخيل لو تسلم وفاء من نصاحك