الفصل ال19
أسيره تحت ظل القمر<<الجزء الثاني >>
البارت ال19
جات خادمه وقربت من حور وقالت :في تلفون عشانك يا هانم، حور:من مين؟، الخادمه :مقالش غير انه عايز يكلمك، حور:خلاص ماشي جايه، وقامت من على السفره وراحت للصالون ومسكت سماعه التلفون وحطتها هاي ودانها وقالت :الو، عماد :الو ياحور.. حمد لله على سلامتك، حور:الله يسلمك ايه اخبارك وايه اخبار بسمه، عماد:حالتها كويسه واتكلمت معايا لما عرفت اني هكلمك، حور بفرحه :بجد ،عماد :اهي معاكي ياحور، حور:ماشي ،بسمه بتلعثم:الو..ياحـ.. حور، حور:صباح الخير يا بسمه ايه اخبارك ،بسمه :ككـ كويسه وااانـ وانتي اا اخبـ اخبارك ايه ،حور:تمام ياروحي.. بتاخدي العلاج ولا لا، بسمه :لا ببـ بباخده بإاا إنتظام ككـ كمان،حور:برافو ايوه كدا عشان تقفي على رجليكي تاني وترجعي زي زمان، بسمه :صصـ صحيح ههـ هو انتي ااتـ اتجوزتي ققـ قمر ،حور :ايوه اتجوزنا (ملحوظه بسمه متعرفش اي حاجه حصلت بين حور وقمر ولا تعرف انه اتجوزها في الأول بالغصب او اي حاجه حصلت طول الفتره دي ودلوقتي هي عارفه ان قمر أعترف لحور بحبه وعمل ليها فرح كبير وكان بث مباشر وشافت كل اللي حصل في الفرح بتاعه ودلوقتي هي بتتكلم بتلعثم عشان مش بتتكلم واتكلمت مره واحده وكانت مع حور ورجعت لحالتها من جديد ودلوقتي بدأت انها تتقدم حالتها وتبدأ تتأقلم مع العالم حولها)،
بسمه :ققـ قمر ججـ جارك عععـ عايزه ااا اسمع صوته، حور بصت على قمر اللي قعد جارها وقال :خواتك هيفضلوا هنا ومش هيمشوا، حور بفرحه :بجد هيبقوا معايا ومش هيبعدوا عني ،قمر :ايه مش مصدقاني ولا ايه، حور:لا مصدقاك ههه شكراً، قمر :كدا هزعل.. انا جوزك فملهاش لازمه كلمه شكراً دي هو حضن صغير يكفي ،فحضنته وقالت برجاء:ممكن اطلب منك طلب صغير قد كدا، قمر :ماشي ايه هو طلبك،حور بتردد:في حد عايز يكلمك بس قرر انه يسمع صوتك بس لانه اشتاق ليك ،استغرب قمر وقال :مين الشخص دا ؟، حور :بلاش اسئلة الظباط دي ،وحطت سماعه التلفون ع ودانه فقال بغموض :الو.. صباح الخير! ايه اخبارك؟، فسمع صوت أنفاس شخص مألوف ليه فقال بحنين:ايه مش عايزه تردي على اخوكي، بسمه بخوف وتوتر :صصـ صباح الخير.. ااا ايه اخبارك يا رو،قمر :ايه ليه مكلمتهاش.. قوليها، بسمه بحب :الف ممـ مبروك ععـ على جوازك من ححـ حور ياروحي، قمر بحنان وحب:الله يبارك فيكي.. ايه بتاخدي ادويتك إنتظام ولا بتتكاسلي؟! ،بسمه :لا باخده بإنتظام كمان ،قمر :يلا اتحسني بسرعه عشان ترجعي لندن زي الاول ،بسمه بفرحه :بجد ههـ هرجع لندن تـ تاني،قمر :هو أنا قولت قبل كدا كلمه وموفيتش بيها هاه؟،بسمه :لا ططـ طول عمرك بتوفي بوعودك، عماد :كفايه كدا جى ميعاد فطارك وكمان دواكي،بسمه برجاء :خليني شويه اا اكلمه،عماد :لا كفايه كدا انتي سمعتيه قال ايه.. تاخدي ادويتك عشان ترجعي لندن تاني ،بسمه :ححـ حاضر، قمر بمكر:ايه بقيتي تسمعي كلام ناس تانيه، عماد بزهق:حور سلام هكلمك مره تانيه، حور:ماشي يا عمده، عماد :ههه ،وأنهى المكالمه ،بصت حور على قمر اللي سحبها ع فجأه لحضنه فقالت :بجد هيبقوامعايا ،قمر :روحي واسأليهم، حور :ههه خلاص مش هسألهم لأني واثقه فيك ههه كويس انك قولتلي انك ليك اخ كبيروكمان توأمك عشان لو شوفته كنت حضنته على انه انت.. مفيش فرق في الشبه بينك وبينه، قمر بغيره :طب اعمليها كدا واحضنيه كنتي هتشوفي قمر التاني اللي بتكرهيه، بعدت عنه حور وقالت :حتى لو مكنتش اعرف انه توأمك، قمر بغيره شديده وغيظ:انا سكت على اخواتك وابنائهم إنهم يحضنوكي وعديت الحكاية بمزاجي ،حور :بمزاجك!.. يعني لو قولتلك ابعد عني هيكون بمزاجك؟!..وعلفكره انا فضلت ساكته امبارح لما شوفت كل بنات العالم حضنتكوعديت الموضوع وعندي انا لا.. وعلفكره أدهم وعلاء صحابي من الكليه وفي مقام اخواتي كمان ويكون في معلوماتك مالك كمان حضني ولا عشان هو ابنك سكت، قمر تنح وقال بذهرل:كل دا.. ايه افصلي شويه يابت، حور :غلس عالاخر.. هتروح الشغل النهاردة؟، قمر :ليه بتسألي؟، حور :مجرد سؤال جاوب بـ ايوه يا لا، قمر :ايوه هروح شغلي، حور:كويس، قمر :ايه هو اللي كويس، حور :لا ولا حاجه هههه ااا هروح واقعد مع خواتي شويه، قمر :ماشي ،وراح خرج من غرفه الصالون وركب لاوضته
(في اوضه روجينا)
كيان بحزن :هترجعوا تسافروا تاني ،ريان بملل :باين كدا حاسس اني علبه عصير وصاحبها بيلعب بيها ويرميها في كل مكان، روجينا :هههه اما انا فتعودت على دا وبصراحه مبحبش اكون صداقات مع صحابي عشان ميجيش يوم وابعد عنهم وازعل، كيان بحزن :معاكي حق يا ريري شعور ع
صعب اوي بس رغم دا كونتي صداقات ،ريان بغيظ مزيف :وملقيتش غير تنسيم اخت صاحبي سفيان، روجينا :والله ما كنت اعرف انها اخته وحتى انا بكرهه كل ما يشوفني يسألني عليك.. بس شاب بصراحه ادب وأخلاق ،ريان :تانتان تتان ،كيان :ايه دا؟، ريان :موسيقى مابعد اكتشاف الحقيقة المخفيه هههههه ،روجينا :علفكره هو محاولش حتى يبصلي عشان صاحبك ،ريان :وعلفكره جى وطلب ايدك من بابا وبابا قاله يديه شويه وقت ويرد عليه ،روجينا :ايه.. قولت ايه! وليه مقليش بابا بالموضوع دا ،ريان:علفكره انا سمعتهم وهما بيتكلموا مع بعض وكمان سفيان مجبليش اي سيره بدا، وقفت روجينا وقالت :امتى حصل الكلام دا، ريان :من يومين وكمان حسيت ان بابا وماما موافقين عليه...دا مجرد احساس ،روجينا :مستحيل اني اتجوز من سفيان، ريان :مش لسه بتمدحي فيه من شويه، روجينا :في فرق من اني احب حد وان امدحه مش هتجوزه ،كيان :خلاص فهمنا محدش هيغصبك عليه اهدي شويه ،روجينا :وليه تنسيم مقالتش عن الموضوع دا لما كلمتها اول امبارح.. انا فهمت دلوقتي عشان كدا كان مهتم بيا اوي، كيان :تعالوا ننزل احسن بدل الخنقه دي ،ريان :يلا بينا، ونزلوا تحت ،أول ماشاف اسامه روجينا قال :ريري تعالي عايزك ياروحي، فراحت وقعدت جاره وقالت :نعم يابابا، يارا:مالك ياروحي ليه شكلك كدا، روجينا :لا مفيش.. بابا حضرتك عايزني في ايه، اسامه :انتي عارفه سفيان صاحب اخوكي، روجينا :ماله؟، اسامه :جاني وطلب ايدك للجواز قولتي ايه ،في نفس الوقت كان مالك واريان داخلين فسمعوا كلام اسامه ،يارا:ايه جوابك يا حبيبتي موافقه ؟، روجينا :لا رد،اسامه :ساكته ليه ياروحي ،روجينا :لا رد، اسامه ليه ساكته كدا تـ،قاطع كلامه صوت رنين هاتف روجينا فشافت ان المتصل تنسيم فقالت لأبوها :معلش يا بابا هشوف تنسيم عايزه ايه وبعدين اجي وارد على حضرتك ممكن، اسامه :ماشي ياروحي، وخرجت روجينا من القصر وراحت وقعدت في الحديقه وقعدت جار شجره المانجا وردت علي تنسيم وقالت :صباح الخير يا تنسيم،تنسيم:صباح العسل يا جينا ليه صوتك كدا في حد زعلك، روجينا :لا مفيش، تنسيم:لا بجد في ايه نبره صوتك مش عجباني، روجينا :هو انتي كنتي تعرفي ان اخوكي طلب أيدي للجواز ،تنسيم :ايوه كنت عارفه واقولك حاجه.. سفيان بيحبك وعايز يتجوزك فعلاً، روجينا :هو جارك انا سامعه صوت انفاسه صح؟، تنسيم :ااا بصراحه هو هنا بس نايم لانه كان طول الليل تعبان وحرارته عاليه ودلوقتي اللي نام بعد ما حرارته نزلت شويه ،روجينا :الف سلامه عليه خلاص هكلمك تاني لما تكوني لوحدك سلام، تنسيم:سلام جينا، وانهت المكالمه ،روجينا تنهدت تنهيده حزينه وقالت :بس انا مبحبهوش وغير كدا عمري ماشوفت وشه غير مره واحده لما جي مع ريان عشان يرجع اخته من الحفله.. مقعول من مره واحده قال يتجوزني اااه اعمل ايه دا حتى لما بصلي نزل عينيه بسرعه من عليا.. بالسرعه دي حبني بس انا مش بحبه، وسندت راسها على شجره المانجا وغمضت عينها فحست بحد قرب منها فقالت وهي مغمضه عينيها :متقلقش عليا ياروحي انا كويسه ،وفتحت عينيها فشافت اريان واقف قصادها فقالت :سوري افتكرتك ريان، اريان :عادي ولايهمك.. ليه زعلانه، روجينا :لا مش زعلانه اا محتاج حاجه؟، اريان:اا جيت عشان اخد ملفي نسيته هنا ،بص على يمينه فشافه هناك فراح واخده من على الارضوقال بهدوء :الجواز قدر ومكتوبلنا والجواز بيجمع بين قلبين ويخليهم قلب واحد.. روحين في روح واحده ويزيد من حبهم والجواز اللي مفهوش حب يبقى جواز فاشل لان بيبقى طرف واحد بيحب الطرف التاني والطرف التاني مش بيحبه ويحصل خلاف بينهم.. انتي لو مش بتحبي الشخص اللي طلب ايدك ارفضيه بسهوله بطريقتك انتي ههه،روجينا باستغراب :هو انت مرتبط، اريان :ليه بتسألي.. معاكي عروسه ليا هه،روجينا :ههه لا بس كلامك بيقول انك مرتبط، اريان :لا مش مرتبط.. لو عايزه جواب على سؤالك دا اسألي قلبك وهو هيقولك لأن العقل لو كذب القلب مستحيل انه يكذب، روجينا :قصدك ايه ؟، اريان :قصدت أن انتي لو بتحبيه وسألتي قلبك هتعرفي الجواب واذا كان العكس فإرفضيه ساهله اهي ااا لازم امشي دلوقتي ،وتركها وخرج من القصر كلياً، روجينا:ههه شاب غريب اوي بس اداني جواب على سؤالي اللي بيجول في عقلي خلاص انا اخدت قراري، وقامت ودخلت القصر وراحت عند ابوها وقعدت جاره وقالت بهدوء:بابا ااا انا مش هديك ردي دلوقتي سيبني افكر وبعدين اقولك، اسامه :ماشي ياروحي صحيح سفيان طلب مني طلب صغير، روجينا :ايه هو،اسامه :عايز يتكلم معاكي يعني زي تتعارفوا على بعض لاننا مش في فرنسا عشان يجي عندنا ويقعد؛ شويه معاكي ويتكلم، روجينا :لو حضرتك موافق فمفيش اي مشكله اني اكلمه، اسامه :خلاص ماشي هكلمها واقوله ،روجينا :ماشي يابابا اا هروح اوضتي عشان ارتاح شويه، يارا :ماشي يا حبيبتي، وركبت روجينا لاوضتها وقفلت الباب وراها،ريان بصوت منخفض :كوكي علفكره روجي زعلانه ،كيان :باين عليها.. روح واتكلممعاها عالاقل هتتكلم معاك انت لانك توأمها، ريان :حاضر، وراح ركب وطرق باب اوضتها وقال :روجي افتحي لي الباب، ففتحتله الباب وقالت بهدوء عكس اللي جواها :عايز ايه ياروين، ريان :عايز اكلمك ممكن، روجينا :ماشي تعالى ،ودخل ريان وقال :روجينا انتي موافقه على موضوع جوازك دا ،روجينا :لا ليه، ريان :كويس.. أمال ليه زعلانه، روجينا :انا مش قادره زعلانه بس مضايقه من تنسيم ازاي مقالتش ليا حاجه زي دي، سحبها لحضنه وقال :مضايقيش نفسك ياجميل انا معاكي علطول ههه، روجينا :شكراً ياريان، كيان بضحك:دا ايه دا العشاق هنا من غيري، ريان :هههه وانتي مفسده الرومانسية ،سحبها لحضنه وشد على حضنه فهو اخيهم الكبير عدت حور من جار الاوضه فشافت ان كيان وروجينا في حضن ريان فدخلت وقالت :الله الله ريان اللي جابلك يخلي لك ،وقف ريان وراح عند عمتو وقال :نعم هو انا ناقص.. لو عايز بنات فهجيب بنوته زيك كدا مش زي العرستين دول، روجينا :انا عرسهغ!، فحدفت عليه المخده ،ريان :اااه يابت ،كيان :هههه تستاهل انت ولسانك الطويل دا ههه،ريان :عمتو قوليلهم حاجه هو انا الملطشه هنا ولا ايه ،روجينا :وأخيرا اللي عرفت هههه،حور :اقولكم خبر هيفرحكم ،ريان :ايه هتتجوزي تاني ولا ايه ،حور :ههه لا مش دا الخبر يا فالح.. قمر هيخليكم تعيشوا معايا.. يعني اسامه وكمال مش هيسبوني هيبقوا هنا ،ريان :خبر حلو بجد.. روجي هاتيلي بدله الرقص بتاعتي عشان اقوم واهزلي هزتين عشان الخبر الحلو دا، كيان :بردوا كدا.. والطلبهومعايا ،روجينا :والناي هنا ،فقاطعهم رنين هاتف ريان فشاف الرقم فإرتبك وقال :هروح اوضتي سلام، وطلع، روجينا :مش قولت الناي هنا ههه،كيان :هههه عندك حق في دي.. دا ناي مفيش زيه، روجينا :عمتو ينفع انا وكوكا نخرج النهارده ؟،كيان :دا انا حفظت المكان كله ،حور:كل واحده فيكم تاخد إذن ابوها مش انا، روجينا :بابا هيوافق بس عمو كمال معرفش، كيان :لا بابا هيوافق بس ناخد اين معانا عشان هو بيعرف يسوق العربيه، روجينا :ههه كدا ثلاثي العصابه اكتمل ،كيان :خلاص هروح واقول لبابا وبعدين هقول لأين عشان يجهز نفسه وزنة روجينا :وانا هقول لبابا، حور :انا هروح اشوف قمر،كيان وروجينا :اااه قولي كدا من الصبح روحي روحي لحبيب القلب ،حور:اتلمي منك ليها ،روجينا وكيان :ههه ،وخرجت حور وراحت اوضتها هي وقمر وفتحت الباب فشافت بيبلس جاكيت البدله فراحت عنده وقالت :ايه القمر دا، قمر :ههه في مصلحه في الكلام دا، حور:بردوا كدا ياحبيبي، قمر :عايزه تروحي معايا الشركه؟، حور :شركتك ممله اوي وشخصيتك هناك بتخوف ،قرب منها وسحبها من خصرها وقال :لما تكوني معايا تفرق، حور:هههه قمورتي ممكن اخرج النهاردة، قمر :انا قولت في مصلحه، حور :ايه هروح ولا لا، قمر :لا هتروحي معايا الشركه يلا روحي اجهزي، حور:ياسلام طب مش هروح معاك، قمر سابها وراح قصاد المرايا ومشط شعره ورش برفانه وقال:معاكي ربع ساعة بالظبط والاقيكي جاهزة، حور :هو بالعافيه ولا ايه ،قمر :ايوه بالعافية يلا الوقت بيعدي بسرعه ،حور اخدت هدومها من الدولاب وراحت الحمام وبعد خمس دقائق خرجت منه وقالت :ايه رايك، قمر :مش بطال يلا اتأخرت، حور بدلع :حاضر هه،قمر :ايه المياعه دي يابت اعدلي نفسك ،حور:ههه لا هتدلع عليك مش انت جوزي يبقى ادلع على مين غيرك ياحياتي ،قمر :والله.. دا ايه دا قطتي بقت تلعب بالكلام لعب، حور:انا.. دا انا غلبانه اوي ،قرب منها وشدها من خصرها وقال :غلبانه اوي ما اهو باين،حور:ااا قمر ،قمر :ليه خوفتي كدا ،حور:ااا ابعد عني ،قمر قرب منها اكتر ،حور :ابعد عني، فقرب منها اكتر واكتر وقال :يرضيكي ابعد عنك كدا اتعذب يهون عليكي تشوفيني وانا بتعذب، حور:....
يتبع.........
البارت ال20 ان شاء الله هيكون الأخير من الجزء دا
تفاعلوا حبايبي ومنتظره اراءكم في الكومنتات
فوت +فولو +استمتاع
اراكم في البارت القادم احبائي
😘🤓