الفصل ال17
أسيره تحت ظل القمر< الجزء الثاني >
البارت ال17
في الحديقه
قعدت حور على الكرسي وقعد قصادها مالك وقال :ايه اللي مش عايزه قمر يعرفه، حور :اامفيش حاجة.. هتعمل زي ابوك، قرب منها مالك واخد منها الظرف وفتحه وقراه وانصدم من اللي مكتوب وقال:ليه مقولتيش انك مينفعش تحملي ليه خبيتي الموضوع دا عننا، حور:التحليل دا غلط، مالك بحزن :التحليل صح.. نسبه موتك اكيد ليه بتعملي في نفسك كدا.. انت مش عارفة ان المرض دا ممكن يأثر عليكي وعلى ابنك ليه.. ليه محاولتيش تتعالجي منه ،حور :مش عايزه اتعالج منه واتعالج ليه او عشان مين، مالك بدموع :عشاني عشان قمر عشان خواتك عشان كيان، حور:هيكونوا بخير ،مالك بدموع وحزن:طب وانا.. دا انا رجعلي الأمل من جديد لما عرفت انك حور نفسها اللي كنت اقولها ماما.. انا قولتها لك قبل ما اقولها لأمي اللي ولدتني بالبساطه دي عايزه تسيبيني.. اهون عليكي!، حور وهي بتعيط:بس انا في المرحله الثالثه منه ونسبه شفائي منه ضئيلة اوي ،مالك :بس انا اتعلمت ان الانسان لما يكون عنده أمل وإرادة وصبر بيتجاوز كل الصعاب... مش انتي بردوا اللي علمتهاني ليه عايزه تحرميني منك، حور :انا اكتشفت المرض دا لما اتسميت كان التقرير بيقول كدا.. مش في ايدي اي حاجه اعملها، مالك باصرار :لا في انك تتعالجي منه،حور:العلاج الكيماوي هيقتل اللي في بطني وشعري هيوقع ،مالك بحزن كبير ودموع منهمره :ابنك يجي غيره تاني بس انتي.. انا مش عايز اخسرك.. انتي لو ولدتي هتموتي.. ارجوكي اتعالجي ،قمر بهدوء :كلام مالك صح اتعالجي ولما تتعالجي نبقى نجيب بدل العيل عشره المهم انتي... نزليه، مالك بكره:عايزني أصدق انك متعرفش حاجه عن مرضها! ،قمر بوجع :بس انا بجد مكنتش اعرف.. انا سمعت كلامكم، وراح عند حور ونزل على ركبتيه وقال :انا جارك اتعالجي منه عشانا كلنا.. انا معاكي لحد ماتتعالجي من المرض دا، نزلت من على الكرسي ودخلت في حضنه وقالت :انا خايفه منه ياقمر.. خايفه متعالجش منه ،مالك بأمل:هتكون مرحله بسيطه وتعدي.. قمر لازم تخلي حور تنزله وبعدين انت عارف ايه اللي هتعمله.. انا ماشي معايا جيم ولازم اروحه ،وخرج من القصر وقلبه موجوع على حور اللي بيعتبرها اكتر من أمه، قمر بعتاب:حور حياتي ليه خبيتي موضوع مرضك عني مش انا جوزك، حور بدموع :انا شوفت فرحتك لما عرفت اني حامل وبصراحه محبتش اني اخرب فرحتك.. اسفه انا خوفتك عليا ياحبيبي ،وسحبها لحضنه وقال بحب :انا مش عايز اخسرك حد بحبه وانتي كل حياتي، حور :انا خايفه اوي، قمر بحب:انا معاكي ياحياتي مش هسيبك، حور:قمر ااا انا مستعده اني ءءأجهض اللي في بطني بس خليك معاي ،قمر :يلا نروح ننام عشان معانا بكرا مشوار طويل اوي، وشالها بين ذراعيه ،حور :بس انا اقدر امشي ،قمر بمرح:وتحرميني من لحظه زي دي هههه، وخبت وشها في حضنه لكي تتحس شعور الأمان داخل أحضانه، قمر دخل القصر وركب لحد اوضته ونزلها وحطها على السرير فقالت :قمر،قمر قعد جارها وقال :ايه ياقلب قمر، حور :بحبك، وحطت راسها على صدره ببطئ ونامت عليه ،قمر :ايه دا؟، حور :هنام في حضن جوزي حبيبي، رفع الغطا عليهم وقال :تصبحي على خير يا قلبي ،حور :وانت من اهل الخير
(في صباح اليوم التالي)
ذهب قمر ومعاه حور للمستشفى عشان تنزل الطفل وبعد ما نزلته حجز لها قمر في مستشفى خاص عشان تعالج حور وكلّف طاقم من الأطباء اللي من بلاد مختلفه على رعايه حور لحد ما تتعالج من المرض الخبيث
رجعوا القصر وكانت حور ساكته وحزينه لأنها خسرت ابنها كانت صدمه صغيره بس صعبه عليها لأنها اتعلقت بيه
(بعد مرور الشهر الأول من العلاج)
(في المشفى)
كانت حور متسطحه على السرير ومغمضه عينيها بس صاحيه فدخل قمر فبصتله وقالت بشوق :غبت اسبوع ليه ياقمر كنت مستنياك بس انت مجيتش، قعد جارها وحضنها وقال بحب :معلش ياحور بس كنت مشغول اوي.. بس كنت بشوفك من الكاميرات، حور :متبعدش عني ياقمر، قمر:مش هبعد عنك ياروحي ،وعطاها باقه ورد لونه أحمر وقال :دا عشان حبيبتى الشطورة ،حور:شكراً ياحبيبي، قمر :يلا نامي عشان اجيلك في الأحلام، وحطت راسها على صدره وغمضت عينيها وسرعان مانامت
(بعد مرور الشهر الثاني من العلاج)
كانت حالتها تتقدم شيئًا فشيئا وكان قمر بيزورها كل يوم ويقضيه معاها
(بعد مرور شهران)
فضل قمر نصف شهر من غير مايزورها فكانت ترفض العلاج وشعرها بدأ يتساقط بإثر الكيماوي
(بعد مرور الشهر الخامس)
حالتها الصحيه تقدمت بس كانت زعلانه لأن قمر مزرهاش شهر ونص كاملين وكان مالك وكيان وكمال بيزورها وكان اسامه بيكلمها مكالمه فيديو كل يوم وكان مالك بيصبرها على غياب قمر اللي ملهوش تفسير ،
في مكان بعيد عن أجواء المستشفيات المرعبه دي كان قمر بيخطط لحاجه عشان يفاجأ بيها حور وقال بحب :معلش يا قلبي بس لازم ابعد شويه عنك.. بس هعوضك عن كل ثانيه بعدت عنك فيها
(بعد مرور الشهر الأخير من العلاج)
دخل الطبيب وقال :حمد لله على سلامتك يا مدام حور بفضل الله انتي اتخلصتي من المرض والليله دي تقدري ترجعي للبيت.. لإن قمر بيه مضى على تسريح خروجك من المستشفى ،حور :قمر كان هنا طب ليه مجاش وشافني، مالك :ايه القمر دا لا دا المستشفى خالتك قمر متلألأ، حور:مالك متعرفش فين قمر، مالك :لا معرفش.. سيبك منه هو انا مش كفايه ولا ايه.. اعتبريني هو مع اني مش شبهه في اي حاجه، وراح حضنها وقال :إلا دي.. في دي شبهه بالظبط ههه،حور:هههه.. مالك هو انا زعلت قمر من غير مااقصد؟،مالك :لا دا هو بيتخانق مع نفسهوهو نايم صحيح.. وافقتي اني اتجوز كيان؟.. اخوكي كمال واسامه وافقوا مباقيش غير انتي ،حور:انا موافقه انكم تتجوزوا، مالك :وأخيرا وافقتي، حور:مالك خرجني من المستشفى، قمر:عايزه تخرجي قبل ما تشوفيني!، حور :ايه اللي جابك انا مش عايزه اشوفك امشي، مالك بغيظ:أمال ليه من الصبح أكلتي دماغي بالسؤال عليه ،حور:مالك خرجني من المستشفى، قمر:مالك روح مهمتك خلصت ،مالك :يارب يتمر فيك بعد دا ،وخرج مالك وراح قمر وقعد على السرير فبصت حور من الجهه الثانيه، قمر :تسريحت شعرك الجديده عجبتني، كان شعرها واصل لحد رقبتها والاكتاف ،حور :انا مش عايزه اكلمك، قمر سحبها لحضنه وقال :اسف يا عمري بس كان عندي شغل مهم، حور وهي في حضنه :وياتري شغلك اهم مني؟!.. شهرين ونص مشوفكش فيهم ليه؟!.. انا زعلتك في حاجه!، قمر :انتي مزعلتنيش في حاجه.. بس كنت مشغول عشان كدا غبت المده دي اسف، حور بدموع :انت خليتني أحبك بجنون وبعدين تعذبني ببعدك عني ،قمر :بس انا مقصدتش اعذبك يا روحي اسف، حور حضنته بقوه وبكل حب وشوق قالت :وحشتني اوي يا قمر ،قمر :عارف.. صحيح عندي شغل اخلصه وارجع عشان اخدك من هنا ،حور :هتمشي تاني! والمره دي هتغيب كام سنه عالأقل اعرف عشان متقلقش عليك زي كل مرة تغيب فيها، قمر :عايزه ترجعي البيت ؟، حور :لا مش عايزه غير انام.. انا تعبانه وعايزه انام ،سحبها لحضنه وقال :نامي في حضني ههه، بعدت عنه واتسطحت على السرير وغمضت عينيها وقالت :اطلع برا عشان انام ،فقبلها فوق جبينها وخرج ففتحت عيونها وقالت وهي بتعيط:ليه غبت المده دي كلها.. ياترى بطلت تحبني!، خرج قمر من المشفى واتصل بأدم وغسان وقال :اعملوا اللي أمرتكم بيه.. عايزها احلى عروسه في لندن كلها... تيجوا وتاخدوها على الكوافير وهما هيعرفوا يعملوا ايه.. أما أنت تكون ظلها.. النموسه متقربش منها فاهم وغسان يكمل باقي مهمته فاهمين ،ادم وغسان :فاهمين يا بيه ،وأنهى المكالمه وشغل عربيته واتجه للقصر وقال :وانا اجهز عشان الليله أسعد ليله في حياتي هههه،
وحل الليل على الجميع واخد آدم حور وقال :البيه قمر قال نروحك، حور ركبت العربيه من غير ولا كلمه واتجهوا للأماكن اللي أمرهم قمر إنهم يروحوها ،حور باستغراب :احنا بنعمل ايه هنا؟، غسان :البيه أمر إنك تدخلي المكان دا، نزلت حور ودخلت داخل المكان ، الميكب ارتست :أهلاً بيكي يا مدام.. اتفضلي نورتي المكان، فجات بنت وقربت منهم وقالت لحور :ممكن تقيسي الفستان دا.. بصراحه فرحي بعد اسبوع وانا وخطيبي بنتخانق على الفستان دا وفستان تاني.. فلو سمحتي البسيه عايزه اشوفه ممكن ،حور بعدم مبلاه:ماشي ،وراحت تلبسه وبعد ما خلصت قالت البنت بإنبهار :واو دا طلع يجنن.. اا ممكن طلب تاني.. تحطي ميكب عشان اشوف ايه اللي هيخلي خطيبي يعجبه ممكن.. ارجوكي، حور:ماشي ،وراحت الميكب ارتست زينت حور وعملت لها تسريحه تتناسب مع استايل الفستان ولبستها تاج نفس لون الفستان كان التاج مصنوع من الذهب الأبيض ومزين بحبات اللؤلؤ الأبيض وفي ألماس كمان ولبست اقراط وانسيال من نفس لون التاج، دخل آدم وقال :لازم نمشي، حور :بس الفسـ،مكملتش كلامها لأنه خرجها بسرعه وركبها العربيه واتجهوا لمكان مجهول بالنسبه ليها ،
(في القصر)
كان قمر متألق عالاخر فدخل مالك وقال بتريقه:بتفكرني بالعروسه اللي في ليله فرحها بتبقى شبه المهرج او البغبغان الملون حاطه احمر واخضر وأصفر ومش عارف ايه كمان.. ايه خلصت، قمر :من بدري.. ايه رأيك طالع اجنن؟ ،مالك :من ناحيه تجنن فتجنن العيال.. عملت ايه في الموضوع اللي كلمتك فيه، قمر :قولتلك توافق حور واعمل اللي انت عايزه، مالك بصله وقال :اخدت رأيها ومفاضلش غير حضرتك توافق، قمر :لا مش هوافق إلا لما اقتنع بالجوازه دي :مالك بغيظ:لما اتجوزت حور كنت مقتنع بدا؟ وانت مين عشان اخد رأيك، قمر بهدوء:ليه بتكلمني كدا يامالك؟ ،مالك بتعب :ااه انا هخرج عشان تعبان ومش ناقص صداع.. هروح اشوف كيان ونروح المطار نجيبهم والعربيات جاهزه عشان تستقبلهم، وخرج ،قمر بتسلايه :الطينه اللي اتصنعت منها هي نفسها اللي اتصنع منها هههه خليه شويه يتفرعن وبعدين اقوله الحقيقة لما يكون واعي اكتر ،
(في سياره آدم وغسان)
حور بغضب :انتوا ازاي اخدتوني كدا.. والفستان مش بتاعي، لكن آدم وغسان مردوش عليها وبعد شويه وصلوا لقاعه فخمه جدا وكان الحراس محاوطينها من كل الجهات، حور :ليه كل الحراس هنا؟، ادم بغموض :معرفش.. شكل في حرب جوا تعالوا نشوفها ،غسان اتصل بقمر وقال :وصلنا ندخل ولا نستنى ؟،قمر :لا ادخلوا انا جوا،غسان:ماشي سلام، وقال لادم :يلا ننزل، ونزلوا لداخل القاعه واول ما حور دخلت شافت.....
يتبع......
عارفه انكم بتشتموا دلوقتي معلش بقا 😂لازم اشوقكم للي جاي يلا اشوفكم في البارت الجاي 😂😂🙈🙈🙈🙈🙈🙈
تفاعلوا حبايبي ومنتظره اراءكم في الكومنتات
فوت +فولو +استمتاع
اراكم في البارت القادم احبائي
😘🤓