الفصل ال14
أسيره تحت ظل القمر<< الجزء الثاني >>
البارت ال14
حور بتوتر :اااصل ااا انا.. هو انت متعرفش، قمر قرب منها وقال بمكر :لا معرفش، حور :ما انا معدتش بكرهك ولا بخاف منك انا بحس بالأمان لما اكون معاك ياحبيبي ،قمر ابتسم :عارف بس عايز اسمعها كويس، حور بغباء:تسمع ايه ،قمر :قولي بحبك ياقمر، حور قربت من اذنه وقالت :واللي في بطني ميقولش اني بحبك واللي حصل مابينا في الصبح ميقولش اني بحبك دا انا كنت نايمه في حضنك امبارح، بصلها قمر وقال :ما انا عارف كل دا بس عايز اسمعها، حور بحب :بحبك يا قمر ،قمر بمكر:مسمعتش حاجه ،حور بخجل وغضب مصطنع :وانا مالي ركب سماعه عشان تسمع كويس، فسحبها لعنده وكان هيقبلها فقالت بتوتر :لما نوصل القصر ماشي.. وهو مكفاكش اللي عملته الصبح ودلوقتي انت على السرير وتعبان لما يبقي عندك حيل ياحبيبي، قمر بغرور:انا عندي قوه تهز جبال ،حور :انت هتقولي ما انا عارفه دا كويس.. متجوز فندام قمر، قمر :لو مكنتيش حامل كنت عملت اكتر من كدا، حور بضحك :كنت هتخلص عليا صح ،سحبها لحضنه وقال :بحبك ياروحي ،فبعدت عنه وقالت :يلا نام شويه لازم ترتاح، دخل آدم وغسان والدكتوره برين فقال ادم :شوفيها يا دكتوره هي تعبانه، حور بتوتر :بس انا مش تعبانه دا مجرد إرهاق من الحمل، د/برين:حمدلله على سلامه حضرتك ابيه.. حور هانم تعالي معايا يلا عشان افحصك، حور :ما انتي كشفتي عليا وقولتي ان البيبي بخير وانا كويسه، د/برين :بس لازم ترتاحي وصح،حور بمقاطعه :لا انا كويسه متقلقوش عليا ههه، قمر:خلاص سيبوها متضغطوش عليها.. آدم جهزلي العربيه عايز ارجع القصر، حور :لا لازم ترتاح شويه دا انت لسه طالع من الموت بأعجوبه.. اهمد شويه، فبصلها بغضب فسكتت ،قمر :جهز لي العربيه ياادم انا مبحبش جو المستشفيات دي ،ادم بذهول :اااحاضر يابيه، قمر :غسان ايه اخبار الاجتماع؟، غسان بنفس ذهول ادم:ااا الاجتماع بيتولاه نادر بيه متقلقش كل حاجه تحت السيطره ،وخرجوا فخرجت د/برين وبقيت حورمـع قمر وراحت عنده وقالت :يلا عشان تغير هدومك، قمر :آدم جابلي هدومي؟،حور:ايوه جابهم يلا هوصلك للحمام وتدخل تغير هدومك لوحدك ،قمر :واغير لوحدي ازاي ،حور :خلي آدم او غسان يساعدوك ،قمر :لا انتي اللي هيساعدني، حور :لا ياحبيبي مش هساعدك، قمر بسخريه :دا انا زي جوزك فيها ايه لما تساعديني اني اغير هدومي كتفي واجعني اوي ،حور :بردوا لا اعمل اللي بقولك عليه ياحبيبي ،قمر :طيب حاضر ياحبي، ودخل آدم وسند قمر ودخله الحمام فطلعت حور برا الاوضه وطلعت برا المشفى كلها وركبت العربيه وانتظرت قمر في العربيه وكان الحراس حولين العربيه فطلع قمر وادم من المشفى وركب قمر جار حور في المقعد الخلفي وادم قعد في المقعد الأمامي وغسان في مقعد السائق وانطلقت سياره قمر للقصر
في القصر
مالك :آدم اتصل بيا وقال انهم في الطريق، علاء:وحور ،مالك بسخريه :نسيوها مع المجرمين يابارد ،كيان :وهي بخير ولا، مالك :لما توصل هتشوفيها ياكيان، فدخل شخص وقال بسخريه :ايه اللي بهدل المكان بالشكل دا.. دا بقى شبه الزريبه المهجوره ،مالك بضيق :قمر مش موجود ياجاسر.. لما يرجع ابقى تعالي تاني ،راح جاسر وقعد على الكرسي وقال :هستناه لما يرجع انا فاضي دلوقتي، مالك بملل:براحتك هو في الطريق، بص جاسر على كيان من تحت لفوق وقال :مين الأموره الحلوه دي ،مالك بغموض :دي تبعد عنها احسنلك، جاسر بسخريه :ليه منطقه ألغام ولا ايه، كيان بخوف من نظراته :ممالك انا رايحه عند بابا ،مالك :روحي، وركبت كيان بسرعه فراح قعد مالك قصاد جاسر وقال بصوت عالي للخدم :المكان عايزه يلمع وشوفوا الجمبري دا يشرب ايه ،جاسر :اتكلم كويس معايا عشان متندمش، مالك :اعرف انت بتكلم مين ومتغلطش انا مش نور ولا قمر.. ههه ولو كان قمر مكاني كنت زمانك فوق بتسلم على الملايكه.. انا مالك اللي او شاور اشاره صغيره ينسفك من على وش الأرض ،جاسر بغموض :دا انا في مقام والدك ،مالك بسخريه :هههه ضحكتني تكونش جوز امي وانا معرفش.. انت عمرك كله لو انحط في كفه واسم قمر بس انحط في كفه هتطلع كفته هي الربحانه ههه،وقف جاسر وقال بصوت عالي غاضب :انت ازاي تتجرأ وتتكلم معايا بالصيغه دي.. لو اشاره مني ادمرك ،مالك بهدوء:خلي بالك ليطق لك عرق ولا تموت العصبيه مش حلوه عليك.. ولما تتكلم معايا توطي صوتك انت مش بتكلم خدمك انت بتكلم مالك بجلاله قدره.. جاك تعالى ياحبيبي ،فجاءه ذئب ضخم فروه ابيض وقوي البنيه وقرب من مالك وقعد تحت رجليه فقال مالك :عارف لو سيبت عليك جاك مش هيخلي فيك حاجه سليمه ههه دا مدرب على ايديا وانت عارف يعني ايه مدرب علي ايديا، جاسر :ههه نوعه ايه؟.. اسباني ولا أوروبي ولا فرنسي ؟،مالك :عايز تجربه عشان تعرف نوعه كويس،فتح جاك فكيه وأظهر انيابه وقرب من جاسر ،مالك :متتعبش نفسك معاه ياجاك روح ارتاح معاك مهمه صعبه شويه كمان، فتركهم الذئب ،جاسر :ههه عندك موهبه قمر لا دا انت نسخته حتى في التهديد والتنفيذ.. وياترى عندك مواهب والدتك ،مالك بهدوء مرعب :بلاش تلعب بالنار عشان متحرقكش بيها، وتركه وركب لاوضته بهدوء ،جاسر بوعيد :مش هتحرق بيها عشان انا النار اللي هتحرقكم كلكم ههه، وصلت عربيه قمر ونزلت حور ونزل قمر وراحت عنده وسندته فقال وهو بيمسك ايدها :اقدر امشي لوحدي بس امسكي ايدي احسن هه،حور :هه يلا ندخل، وكانت حاسه بدوخه بس ضغطت على نفسها واول ما دخلوا شافوا القصر بيلمع وكأن اللي حصل فيه محصلش وقف جاسر بهدوء واناقه وراح قرب من قمر وقال بخبث :الف سلامه عليك لما قالي نادر مصدقتكش وقولت اجي بنفسي واطمن عليك.. بس شوفتك بخير قلبي اطمن عليك ،وبص على حور وقال :مين السنيوره دي ،قمر بغموض :دي حور مراتي.. حور دا جاسر صديق نادر ،حور بريبه تجاهه:تشرفت بمعرفتك يا استاذ جاسر، ومد جاسر ايده عشان يسلم عليها لكن حور كانت خايفه منه ومش عارفه ليه، قمربهمس :سلمي عليه متخافيش، ومدت يدها واول ما مسك ايدها حست برجفه غريبه وكأن جا شخص وسكب عليها دلو به ماء بارد، جاسر :اتشرفت بمعرفت حضرتك يامدام حور ،فبعدت ايدها عنه وراحت وقفت جار قمر فقال بحنان :شكلك تعبانه روحي ارتاحي، حور بتعب :حاضر، فمشت خطوتين للأمام ووقعت على جاسر فاقده للوعي فمسكها جاسر كويس وقال لقمر:هي حصلها ايه.. وقعت كدا ازاي ؟، فراح اخدها منه قمر وشالها وركب بيها لاوضته رغم جرحه لكن خوفه عليها كان أقوى وصل للاوضه وحطها على السرير وغطاها وراح يشوف د/ريا اما جاسر فدخل الاوضه وقرب من السرير وقرب من وشها وقبلها وبعد عنها وعلى وجهه ابتسامه نصر ودهاء ماكره فدخل قمر ومعاه د/ريا وراحت فحصتها فقالت بعد الفحص :لا اطمنوا هي داخت لأنها مأكلتش حاجه من الصبح.. مجرد دوخه مش اكتر هي لازم تاكل وهتكون بخير ،قمر :جهزوا العشا في خلال ربع ساعة ،فراحوا الخدم يجهزوا العشا فقال قمر لجاسر :جاسر روح ارتاح في اوضتك لحد ما يجهز العشا ،فخرج جاسر ودخلت كيان وراحت عند حوروقالت بخوف عليها :هي بخير صح، قمر بجمود:بتسألي ليه مش قولتي انها السبب في حاله كمال؟.. انتي عارفه انها حامل والانفعال مش كويس عليهاودلوقتي جايه تسألي عنها عادي! ،حور بتعب :لا سيبها ياقمر مهما عملت هتفضل بنتي اللي بحبها.. هي مكانتش تقصد لما قالت كدا.. تعالي ياروحي ،فراحت كيان عند حور وحضنتها وقالت بدموع :آسفه ياماما لاني كلمتك ك،قاطعتها حوروقالت بحنان :هو في حد بيزعل من ابنه؟!.. دا انتي روحي.. هو كمال بخير ،كيان :عطيته الدواودلوقتي نايم ،قمر :كيان معلش عايز اكلم حور على انفراد ،فخرجت كيان فراح قعد قصادها على السرير وقال بعتاب :ليه مأكلتيش ورفضتي ليه لما طلبت الدكتوره تشوفك ليه كل دا ياحور، حور بخوف :اا اصل كنت في غرفه الطوارئ ومقدرتش اسيبك وارجع القصر ولما رفضت ان الدكتوره تكشف عليا لانك كنت هتقلق عليا على الفاضي انا اسفه خوفتك عليا ،قمر :انتي ليه مش عايزه تهتمي بنفسك انتي حامل جواكي روح ياحور محتاجه اهتمام خليكي ام بجدوخافي على اللي في بطنك.. مش عايز حياه ابني او حياتك تكون في خطر بسبب عدم اهتمامك، حور مسكت ايده وحطتها على بطنها وقالت بغموض :انا ام بجد وخايفه عليه اكتر منك وانا مهتمه لحياته اكتر من حياتي بس مش هتفهم انا بقصد ايه.. بس انا بحب ابننا اوي لانه جزء منك انا عايزه ابني يبقى زي ابوه قوي وبيحب امه زي ما بيحبني ابوه ولما تكون انت مش معايا بحسه معايا وبيديني القوه زي باباه ،ودخلت في حضنه وقالت:انت موجود معايا في قلبي وابنك قوي زيكع،قمر بحنان :انا خايف عليكم كل قلقي من حبي فيكم، رفع وشها وقربه من وشه وراح قبلها وهي مستسلمه له فبعدت عنه عشان تاخد نفسها وقالت بدلع :براحه عليا انا مش قدك ،قمر بضحك :لازم تتعودي على دا.. دا بس البدايه دي مجرد بوسه صغيره، (استغفر الله ملناش صالح بيه 🙈🙈)
ورجع قبلها فبعدت عنه وقالت بتوتر :ااا انت استحليتها قمر عايزه أكل انا وانت هنا مع بعض مش عايزه اقعد اكل مع اللي اسمه جاسر شكله يخوف اوي،قمر :ههه حاضر بس كدا، وطرقت خادمه على الباب وقالت :العشا جاهز يابيه ،قمر :هاتي الاكل لحور هنا بسرعه يلا، الخادمه :حاضر يابيه، وخرجت، قمر :معلش ياروحي هروح اشوف جاسر عشان الشغل وربع ساعه هجيلك ماشي ،حور بدلع :ماشي بس متتاخرش مش هاكل الا لما تجي ،قمر :حاضر، وخرح وراح اوضه جاسر ودخل وقعد على الكرسي بهدوء مريب، (في اوضه قمر وحور)، دخل مالك وقال بتوتر معرفش يخفيه :انتي بخير ياحور اقصد انك كويسه، حور بسعاده :واخوك بخير متقلقش عليه ياحبيبي، مالك :بس انا مسألتش على ابن قمر انا سألت على صحتك وبس، حور :وكمان هو ابني صح.. مالك تعالى واقعد هنا عايزه اتكلم معاك، مالك بتوتر:انا مشغول هروح وادرب جاك، حور بهدوء:بعدين تدربه..ويطلع مين او ايه جاك؟، مالك :دا ذئبي، حور :ذئب!! هو ليه كلكم بتربوا الوحوش المهم.. خلينا في موضوعنا اقعد هنا جاري ،وراح قعد على السرير قصادها وقال :هااه عايزه ايه مني ياحور، حور بحب وحنان :هتفضل مخبي عني لحد امتى؟، مالك بتوتر اخفاه وقال ببرود:مخبي عنك ايه انا مش عارف انتي بتتكلمي عن ايه، حور بنفس الحنان والحب قالت :هتفضل مخبي عني انك حبيبي لوكه، مالك بجمود مصطنع:مش انا، حور بحنان :لو كدبت على كل الناس تجي عندي وبكشفك، مالك :ههه ماشي بس ازاي عرفتيني، حور وهي بتلعب في شعره بحب :في حد ميعرفش ابنه دا انت كبرت في حضني يالوكه، وفتحت ذراعيها وقالت :تعالى في حضني يالوكه، فدخل في حضنها وقال بحزن ظهر في كلامه :مش هتصدقي قد ايه كنت محتاج الحضن دا ،حور بحنان ام :ليه بتقول كدا ياروحي مش انا في مقام والدتك.. انت راجل صح فمش عايزه اشوف دموعك في عينيك ،بعد عنها وقال :اقدر اجيلك لما اكون مضايق واترمي في حضنك واشكيلك، حور :انت مش محتاج تسألني انت تجي في اي وقت ياحبيبي ،ومسكت ايديه وقالت وهي بتحطها على بطنها :ايه مش عايز تسلم على اخوك الصغير ،مالك بمرح وطفوله لا تراها الي حور :وليه متكونش بنت مش ولد، حور :ههه يعني عايزها بنت زي باباك، مالك بتوتر :هو بخير ،حور :اسأله انت ،مالك بحزن :بس انا مش بكلمه احنا مش ابن وابوه علاقتنا وحشه اوي ،حور برقه :هو بخير ،دخلت كيان فشافت مالك في حضن حور فقالت :هقول لقمر ،مالك بمرح :بلاش انتي ياروحي ههه، كيان بغيظ طفولي:انت يا صرصار اتكلم معايا كويس، حور :ههه ليه مقولتليش انكم بتحبوا بعض وكمان ،مسكت اذن مالك وكملت كلامها :هو محاولش يقولي انه لوكه حبيبي، مالك بألم :حور خلاص دا انا معدتش ولد صغير، حور تركت اذنه وقالت :ايوه كبرت اوي ياروحي بس مش عايزاكم تكونوا قريبين من بعض اوي خليكم انتوا فاهمين قصدي ايه، مالك وكيان بتفهم :فاهمين تقصدي ايه واحنا موافقين على دا، حور:مالك تقدر تروح وتدرب جاك، مالك بمكر :عايزين تشوفوه ،حور بخوف :لا ،كيان بفضول :عايزه اشوفه هو ايه جاك دا، حور بذهول :بلاش تعرفي ،مالك :هه جاك تعالى، فدخل جاك ووقف جاره ،كيان بخوف :دد دا ااا ذئب اا انت مجنون، حور بخوف :مالك خرجه من هنا، مالك :جاك خلاص روح وشوف مهمتك المره دي هتروح لوحدك.. دا اختبار ليك مش اكتر ،وقف جاك على أطراف اصابعه وحط ايديه على كتف مالك فقالت كيان بخوف عليه :خلي بالك يامالك، مالك دخل اصابعه في خصل فرو جاك وقعد يلعب في فروه وقال :ههه يلا روح، فبعد جاك عن مالك وخرج من الاوضه وراح مالك قعد قصاد حور وقال :متقلقيش عليا هو مش هيأذيني لانه صديقي واكتر واحد وفي ليا، كيان :انت مش خايف منه دا ركب على كتافك ،مالك :واخاف ليه.. جاك معايا من وانا عندي 8سنوات.. كنت في مدرسه داخليه في أوروبا وفي يوم من الأيام طلعنا رحله قعدنا في الغابه يومين وكنت طفل صغير وقتها وكنت خايف فحاولت اني ارجع المدرسه لوحدي بش توهت في الغابه وكل المدرسه راحوا يدوروا عليا فروحت عند النهر وقعدت هناك وانا مرعوب فشوفت ذئب صغير جار امه اللي ماتت حتى هو كان مصاب بجروح بالغه مع اني كنت مرعوب وخايف منه بس صعب عليا اكتر فقربت منه وحاولت اعالجه بس معرفتش فجات الفرقه اللي كانوا بيدوروا عليا وشافوني وكانوا هياخدوني بس قولت لهم انهم يعالجوه الأول وطبعا هما عارفين اني ابن ولي العهد وقمر لو عرف باللي حصل مش بعيد انه يدمر أوروبا بحالها فعالجوه وانا أخدته معايا عشان خوفت عليه من الحيوانات المفترسه لتأذيه لانه مصاب وصغير ومن وقتها وجاك معايا ولما كان حد بيضايقني كان جاك هو اللي بيعاقبه.. جاك طفولته زي طفولتي اتحرم من أمه لما كان صغير، كيان قربت منه وقالت :اقدر أقرب منه، مالك :خليه يحبك الأول وبعدين هو هيثق فيكي، حور بضحك :وياتري هو بيحب كونان ولا لا، مالك فهم قصدها ايه وقال :دا بيعشقه اوي ،كيان :انا بحب المسلسلات اليابانية اوي ،مالك :ههه المسلسلات اليابانية الرومانسية قصدك ههه،كيان :بتلمح على ايه، حور :ههه.. صحيح يامالك هو يطلع مين اللي اسمه جاسر دا ،مالك :دا صديق نادر بس انا مبحبهوش ونفسي اسيب عليه جاك بس مش عارف ليه.. يمكنني شكله مريب، حور :مش عارفه ليه خايفه منه، مالك :ههه دا بيخاف من قمر.. وقمر مستني غلطه منه عشان ينسفه لان قمر ا،قاطعه صوت رنين هاتفه فرد عليه وقال بملل :الو ياروز، روز :فاضي الليله دي نسهر مع بعضنا، مالك :لا لان الجو متكركب في القصر وانا معايا شغل مهم ومش هقدر اسيبه ياروز ،روز :بكرا عيد ميلادي لازم تجي مستنياك ياحبيبي، مالك :ماشي هاجي سلام، وقفل التلفون وقال :رايح اوضتي
(في اوضه جاسر)
قمر بهدوء مرعب قال :متفكرش اني غبي ومش عارف حاجه ياجاسر باقي إنذار واحد ويبقى حسابك صفر.. وانت عارف الشخص اللي بيبقى حسابه صفر عندي بس انا بعدي بمزاجي.. غلطه واحده وتودع الدنيا والآخرة.. املاكي خط أحمر اللس يقربلها بيدفع عمره كله التمن (قصده حور بأملاكه) قمر ،ولو فاكر ان رصاصه صغيره تقدر تموتني تبقى غبي انا قمر اللي دمر حياه اخوك لما حاول يقتل ابني في أوروبا وكان عقابه الموت وكمان سمعت انك بتعذب نوال وانا قولت انك جوزها بس دا ميدكش الحق انك تعذبها.. ومالك تبعد عنه لو حاولت بس امس شعره منه وقتها عمرك كله مش هيكفيني وهخلي حياتك جحيم.. وجحيمي انا عذابه أليم والموت الف مره ارحم منه.. انا حذرتك بدل المره الف المره الجايه مش هيحصل خير ليك دا التحذير الاخير فاهم ، وقف وطلع من الاوضه تارك جاسر في قمه غضبه فقال جاسر بتوعد :مش هتعرف الموت هيجيلك من فين وحق اخويا ساهر هاخده من ابنك ومراتك.. وهندمك على البوقين اللي قولتهم من شوية دول ههه (نسيب البركان دا ونروح لقمر🙈😜)
(في اوضه قمر & حور)
دخل قمر فقالت بخوف لما شافته :ليه شكلك عامل كدا كنت بنتخانق مع حد ولا ايه ،قعد على السرير وقال :لا مفيش بس ضغط الشغل مش اكتر يلا ناكل، حور :ماشي ياقمر،وبدأوا ياكلوا مع بعض اما تحت فتجمعوا كلهم على السفره قعد علاء جار كيان ومالك ونور قصادهم جى جاسر وكان هيقعد في مكان حور فقال مالك بهدوء وهو بياكل :المكان دا بتاع حور ومنصحكش تقعد عليه احسن حسابك يوصل للصفر ههه ،وكمل اكله ،جاسر وهو بيضغط على أسنانه بغضب :انت تؤمر ياحبيبي ،مالك باستفزاز :متضغطش عليهم جامد احسن يوقعوا،فراح قعد جاسر جار نور وكانت كيان بتشرب عصير فتليفونها بيرن واول ما شافت الرقم شرقت وقالت بخوف :ياماما، علاء:مالك في ايه، كيان بتوتر :ها اا لا ابدا، وردت علي الرقم وقالت الو ،ريتاج :ايه اخبارك ليكي مده متصلتيش بيا فقولت اتصل انا.. وحشتيني ياكوكا، كيان بضيق :بلاش الاسم دا أصله بيضايقني، ريتاج :انا في مصر فاضيه هعدي عليكي يا كيان، كيان :بس انا مش في مصر، ريتاج :بجد أمال فين ياكيان، كيان :في لندن، ريتاج بصدمه :ايه في لندن بتعملي ايه في لندن، كيان :يووووه دا دي قصه طويله اوي ومحتاجه شارلوك هولمز بنفسه يحكيها ،ريتاج :اممم خلاص هتصل بيكي تاني واسمعها منك ياكوكي ههه ،كيان :ماشي اوكيه، وانهت المكالمه ،علاء :نهايتك قربت صح ،كيان :باينله كدا ،علاء:هي ؟، كيان :ايوه هي اممم مكلمتش منه؟،علاء :لا كلمتها من شويه وقولتلها اني في لندن ومعملتش اي ردت فعل غير انها قالت، وقلد صوتها :ماشي سلام، كيان :ههه معلش استحمل عشان القطه اللي جايه ههه، علاء:ههه،جى خادم وقرب من مالك وقال :كل حاجه جاهزه يا بيه وفي فرقه حراس هتروح مع حضرتك ،مالك :هروح لوحدي ،الخادم :بس دي أوامر البيه ،مالك :ميهمنيش انا اللي اقوله يتنفذ جهزلي ليل هروح بيه، نور :بس ليل بتاع قمر ومحدش بيركب عليه غير هو، مالك :جهزلي اللي قولتلك عليه ،ووقف وركب الدرج ودخل اوضته ،جاسر :اسمك ايه يا قطه، كيان بسخريه وتهديد :هطلعلي بطاقه ولا ايه يااستاذ جورثومه انا مبكلمش الجراثيم اللي زيك فالمره الجاية متحاولش معايا لانك هتتهزئوبصراحة كفاياك تهزيئ لانك اخدت جرعه كبيره من التهزيئ، ووقفت وركبت لاوضتها
(في اوضه قمر & حور)
حور :مش قادره اكل حاجه تانيه حرام عليك كدا، قمر بذهول :دا هما ملعقتين اكلتيهم وقولتي كفايه كلي كويس عشان ابني ميطلعش هفتان زيك.. خدي اشربي اللبن دا ،حور :لا مش هشرب لبن لاني بكرهه،قمر قال بغضب :اشربي اللبن بسرعه ،فخافت منه ومسكت كوبايه اللبن وشربتها دفعه واحده فقال :شطوره يلا خدي ادويتك، حور :كمان، قمر :اه هاتخديها، فعطاها شريط الحبوب فاخدت منه وشربت بعديه مايه بعد خمس دقايق حست بنعس فتسطحت على السرير وغمضت عينيها وسرعان ما غطت في النوم ،طرق غسان الباب فاذنله قمر انه يدخل فدخل وقال :مالك رفض ان الحرس تروح معاه وقال عايز يروح لوحده وهياخد ليل معاه ،قمر :تروحوا معاه انت وادم وشويه حراس وعينيكم تحرسه فاهمين.. حتى لو رفض تروحوا معاه ،غسان بهمس :انا لله وانا اليه راجعون، قمر بتقول حاجه، غسان :انا لا كنت بقول يخلق من الشبه اتنين ولو اتخلق اكتر من اتنين العالم هينتهي، قمر :روح وبلاش كلام بدل ما حياتك هي اللي تنتهي، غسان :حاضر يا بيه، وخرج بسرعه من الاوضه
(في اوضه كيان)
يتبع.....
واخيرااا حور اعترفت انها بتحب قمر 🤠🤠
طبعا الكل مصدوم ان مرات جاسر هي نفسها اللي كانت مرات قمر وازاي هو بيعمل فيها كل دا وازاي قمر عارف وساكت واي سبب موت ساهر وليه جاسر بيكره قمر كدا
تفاعلوا حبايبي ومنتظره اراءكم في الكومنتات
فوت +فولو +استمتاع
اراكم في البارت القادم احبائي
😘🤓