أسيره تحت ظل القمر الجزء الثاني - الفصل السادس - بقلم شهد عبد الهادي عيساوي محمد - مكتملة | روايتك

أسيره تحت ظل القمر<< الجزء الثاني >> البارت ال6 <في الصباح>  سقطت اشعه الشمس على وجه قمر وحور فصحيت حور وبصت على قمر اللي كان نايم واشعه الشمس نازله على وشه فحطت ايدها في اتجاه الشمس تحجب الشمس عن عينيه وقالت :قمر يلا فوق الشمس طلعت يلا قوم، ومسكت خصله من شعرها وقربتها من أنفه وقالت :قمر اصحى يلا.. دا نومك تقيل اوي.. ياعم فوق.. ايه دا عايز قاعه أوبرا بحالها تصحيه كل يوم دا إذا فضلوا عايشين ثانيه واحده.. ياحج قوم هما ازاي بيفوقوه دا... انا تعبت هدخل الحمام واخد دوش احسن بدل القتيل دا اللي مش عايز يصحى، فسمعت طرق على الباب فقالت :ادخل ،فدخلت كيان وقالت :ماما صباح الخير ،حور :صباح الخير يا روحي ايه اللي مصحيكي بدري كدا، كيان :هو جوز الذره مقلكيش ،حور:لا مقليش، كيان :قدملي على المدرسة اللي فيها مالكونور ،حور:ههه وريهم حبيبتي هتعمل ايه، كيان :ههه انت تؤمر يا جميل يلا عشان تمشطيلي شعري ،حور:تعالي امشطلك شعرك هاتي المشط،كيان:واللي نايم جارك دا نظامه اي،حور:ههه لا دا مقتول شكله مش هيصحي دلوقتي تعالي ،وقعدت كيان قصاد حور وبدأت حور تمشط شعر كيان فعملته زي ديل الحصان ونزلت خصله من طرف واحد،وقالت :وكدا ايه رأيك، كيان :حلوه ياماما يلا اجهزي عشان هروح معاكي لاني لو روحت مع المجانين هيجننوني زيهم،حور:طبعا هروح مقدرش اسيبك معاهم يلا روحي واجهزي عشان متتأخريش ،كيان:حاضر، وطلعت فقامت حور وراحت الحمام اما قمر فصحي اخيرا (اخيرا قومت دا لو ميت كان صحي البت كدا هتضيع منك بلاش التقل كدا اتقل في حاجات تانية غير النوم🤷🙄) فبص جاره  فملقيش حور فراح قام وطلع هدوم من الدولاب وقعد عالسرير فطلعت حور من الحمام فقالت اول ما شافته :صحيت وأخيرا دا لو كنت ميت كان صحي من الصبح نومك تقيل اوي ،قمر دخل الحمام من غير ولا كلمه، حور بتعجب :هو ليه كدا شكله أكل سد الحنك او شايل طاجن سته على دماغه ههه،وراحت قصاد المرايا ومشطت شعرها ورفعته زي ذيل الحصان ونزلت قصتين من كل جانب وراحت اوضه كيان فلقتها جاهزه فقالت :حبيبتي طالعه قمر يا خواتي جهزتي شنطتك ولا لسه، كيان :لا جهزتها ياماما هو جوزك مش ناوي يصحى ولا ايه ،حور :لا صحي و بياخد شاور هروح اشوفه خلص ولا لسه، كيان :ههه بقيتي بتهتمي بيه اليومين دول صح ياماما، حور :امم حاجة زي كدا، وراحت لاوضه قمر واول ما دخلت اصتدمت فيه فكانت هتقع فمسكها قبل ما تقع وقال :بصي قدامك لما تكوني ماشيه ،حور:مكونتش اعرف انك طالع قصادي عشان كدا خبط فيك اسفه ،وراحت اخدت تليفونها من على الشاحن وقالت :هروح مع كيان المدرسه، قمر حط ايديه في جيبه وقال بهدوء :ليه، حور :مش حابه أفضل هنا لوحدي وانت هتروح شغلك وانا هفضل لوحدي وانا مبحبش دا حاجه ملل، قمر :هتفضلي هنا ومش هتروحي لاي مكان، حور :عشان خاطري حتى اوصلها وبعدين ترجعني القصر ،وقربت منه وحطت ايديها على كتفه وقربت منه بدلع وقربت من وشه وقالت بدلع واغراء :عشان خاطري ياقمر عشان خاطري ،وقربت من وشه اكتر ووقفت على أطراف أصابعها وراحت قبلته وبعدت عنه بسرعه ،قمر :لا برضو ههه مش انا اللي تنفع الحركات دي معاه، حور:والله 🤨 .. ماشي طيب ايه رأيك هروح وغصباً عنك كمان ،قمر :اذا عرفتي تطلعي من هنا اطلعي، بصت حور على الباب وقالت :هطلع كده ههه شوف، فمسكها قمر من ايديها وقال :لو وافقت انك تروحي معانا هتعملي اللي اقولك عليه ،حور:على حسب اللي هتقوله انا هعمله ،قمر:تعملي كل اللي اقولك عليه يا قطه، حور :قطه!!، قمر:ههه ايوه قطه، وسحبها ليه وقال :قطه بريه متوحشه،حور:بجد كدا بقى هخربشك بمخالبي لو حاولت تضايقني، قمر :بس مش معايا انا، حور:ههه هروح معاك شغلك وهكون تحت عينيك وكدا مش هتخاف عليا ،قمر:بس شغلي صعب وبقعد في الشغل طول اليوم يعني هتحسي بملل ،حور :بس عايزه أخرج من القصر شويه، قمر :ماشي بس متتكلميش مع أي حد في الشركه، حور:موافقه، قمر :البس دا ضيق ،حور:بس انت اللي جبته، قمر :وانا قولت ضيق، حور :لا مش ضيق، قمر بملل :يلا نطلع ،حور في خاطرها :ازاي بيتعاملوا معاك دا انا هتق من كلامه،ونزلوا وراحوا قعدوا على السفره عشان يفطروا، حور :كيان اشربي اللبن ،كيان :بلاش اللبن، حور :خلاص هروح واقول ل،كيان بمقاطعه:خلاص هشربه، حور :ههه ايوه كدا، نور بنعس :صباح الخير وقعد على الكرسي، كيان :ههه ايه دا اللي عامله في شعرك ههه، قمر :ليه مسرحتش شعرك؟ 🙄،نور :افطر واسرحه هو قمر مصحيش،حور :لا لسه ههه، نور :بتضحكي ليه؟، حور :اصل اللي كلمك ورديت عليه هو قمر ،نور :افتكرته مالك ماشي هو مالك فين، مالك :ههه صحصح ياحج هتروح المدرسه بالمنظر دا هههه ،نور نده على الخادمهوقال :عايز قهوه ساده بسرعه، الخادمه :امرك يا بيه، قمر :مالك متتهورش هناك مش عايز اسمع شكوى منك ولا من نور، نور:هروح بعربيتي، مالك :عشان ترمينا في البحر صح لا انا مش هروح معاك، جابت الخادمه القهوه لنور فشرب منها ،كيان :هو بابا كلمك امبارح، حور:ايوه كلمني، كيان :كلمت نرجس امبارح ورحيم كان مبهدل ادهم ،حور :ولسه هيشوف اكتر من كدا لما يجيله البيبي التاني ،كيان :قالتلي نرجس لو ولد هتسميه سليمولا بنت ،حور:لو بنت هتسميها سجده كيان :ههه اكيد علاء اللي قالك صح، حور :ههه ايوه قالي اختار اسم لبنته ولما قولتله سجده قال نرجس اختارته ههه بس هتجيب ولد مش بنت، كيان :واي اللي عرفك، حور :لاني كنت معاها لما كانت حامل في رحيم، كيان :ههه انا خلصت فطاري، حور:حفظتي اللي قولتلك عليه ،كيان :حفظتهم كلهم ،نور :صوتها عامل زي 下水道の結婚式البلاعات (عرسه البلاعات) ،كيان :قصدك مين بدا، نور انتي أقصدك، كيان :أمال اقولك ليه يا استاذ 犬(كلب)، نور :قد الكلمه دي يا كيان، كيان :ايوه ،مالك :قمر هو ناد سأل عليا ،قمر:ايوه سأل صح الشغل اللي كلفتك بيه ،مالك :خلصته بس اشكرك خلتني اتسلى طول الليل ههه، نور :الخالق الناطق قمر وهو صغير.. قمر هو انت طبعته على ورق كربون دا الواد مش ناقص غير يبقى اسمه علي اسمك ويبقى انت ،في هذه الاثناء اتصل علاء بحور فردت عليه وقالت :الو صباح الخير يا علاء ،علاء بتعب ونوم :صباح الخير ،حور :ليه صوتك كدا هو انت كنت سهران الليل كله ؟، علاء :ايوه ودا كله بسبب أدهم بعد ما قفلت معاكي وكنت هنام اتصل بيا أدهم وقالي ان مراته في المستشفى وهتولد فروحنا انا ومنه وولدت الساعه 5الفجر كل دا واحنا في المستشفى روحت منه وفضلت معاه، حور:معلش استحمل شويه هما أخبارهم ايه دلوقتي، علاء :نرجس وابنها بخير وادهم نايم على كتفي تكلميه، حور:لا خليه نايم، علاء :كتفي اتخلع حرام كدا هبقي دكتور تنظيم اسره مش دكتور عظام، حور:ههه ماشي ادهوني اكلمه، علاء :أدهم فوق ياخي.. اي دا مخمره نوم هما بيصحوك ازاي كله دا نوم، حور:هات رحيموقعده على رجلين أدهم وخليه يسمع صوتي، علاء :حاضر، وعمل زي ما قالت حور، علاء :حور كلمي رحيم، وحط التلفون على اذن رحيم، حور:رحيم حبيبي فاكر لما كنا عايزين نصحي بابا نصحيه ازاي ،رحيم ههه اه، حور :ماشي يلا وريني بقي، وقف رحيم على رجل ايوه ومرهواحده صفعه بقوه فقام ادهم بزعر وقال :حور مش هتبطلي الحركات دي انتي ورحيم، فجري رحيم وقال علاء:ياماما حور انا خوفت منك.. ادهم حور عايزه تكلمك، ادهم بنعس قال:هات يا علاء وحط السماعه على ودانه وقال :عاجبك اللي عمله رحيم دا، حور :الف مبروكمعلش تعيش وتاخد غيرها ههه ادهم :الله يبارك فيكي هو انا لسه هاخد غيرها حور انا هغير شغلانتي دي،حور :هي عملتها تاني ههه، ادهم:للأسف.. يتبع...... عارفه اني طولت اوي اوي عليكم بس كان غصب عني دا والنهارده حاولت اكتب بارت عشانكم وان شاء الله هرجع اكتب تاني مش هوقف بإذن الله وان هتكون المواعيد أربعاء وأحد زي ما هي وعارفه ان البارت قصير بس مش قادره اكتب كتير وان شاء الله الأحداث الجايه هتكون مشوقه اكتر فانتظروني مع كل جديد أدام الله حمدكم جميعا لاتنسوا الصلاة على النبي الهادي فصلاته نور وبركه لقائها 😍 اللهم صل وسلم وبارك على سيدنا وحبيبنا ونبينا محمد وعلى آله الطيبين الطاهرين وعلى وصحبه الصالحين البارين بوالديهم والتابعين لهم أجمعين وسلم تسليما كثيرا إلى يوم الدين 🌹