أسيره تحت ظل القمر الجزء الثاني - الفصل الخامس - بقلم شهد عبد الهادي عيساوي محمد - مكتملة | روايتك

أسيره تحت ظل القمر< الجزء الثاني> البارت ل5 قمر: ادم اخلص يا اما اخلص عليك ،ادم قال بسرعه: مايسون هو اللي عمل كده، وقال له على اللي حصل بالتفصيل فوصل قمر لقمه غضبه وقال لحور :تعالي معايا، حور: حاضر، ونزلوا من العربيه ومسك ايدها ودخلوا الحفله وراح قمر عند ترابيزه مايسون واداله بوكس قوي خلاه وقع على الارض ونزف من انفه وقال :ده بس عشان لمست مراتي، وضربوا بوكس تاني وقال :وده عشان جرح ايديها.. وده عشان خليتها تبكي، و ضربه بوكس يليه بوكس يليه بوكس يليه بوكس ،نادر: قمر كفايه كده هيموت في ايديك.. ده امر من الملك، قمر سابه وطلع فراحت وراه حور فركب قمر عربيته وركبت جاره حور، قمر: ادم ارجع مع الحراس القصر انا هروح مشوار وراجع.. حور انزلي وروحي معاهم، حور: هروح معاك وما تحاولش تنزلني يا قمر، فمشي قمر بسرعه ووصل لمكان هادئ ما فيهوش حد<البحر > فنزل من عربيته وراح قعد على المقعد وراحت وقعدت جاره وقالت: شكلك متضايق، وحطت ايدها على كتفه وبعدها تاني وقالت: اه ده جسمك بيحترق من جوه متروح وتطفي النار دي في البحر ههه، قمر :حور ابعدي عني ممكن، حور: لا مش هبعد عنك، وقربت منه وحطت راسها على كتفه وقالت بحزن ظهر في كلامها بوضوح: مش انت وحدك اللي زعلان ومخبي وجعك عنهم.. خايف تظهر وجعك يستغله ضعفك خايف.. مستغرب ليه بقول لك الكلام ده بس انا حاسه بالامان وانا معاك.. حسيت بالامان بعد 15 سنه.. كنت خايفه منهم.. خايفه احب حد فيسبني.. انا ما بكرهكش.. انا حسيت بجرح كبير لما... لما خسرت ماما وبابا في حادث عربيه كان عندي 10 سنين وكان يوم عيد ميلادي.. وبابا وماما كانوا اخديني على الملاهي عشان يفرحوني بس واحنا في الطريق جت شاحنه كبيره.. وكانت فرامل عربيه بابا متعطله حاول انه يوقف العربيه بس ما قدرش والشاحنه كانت بتقرب مننا فاصطدمت الشاحنه بالعربيه و... العربيه ادشدشت وطلعونا منها بالعافيه.. وكانت حالتي وحشه اوي لما عرفت ان ماما وبابا مات.. وما عرفتش اقول ايه ودخلت في حاله انهيار عصبي وما اتكلمتش مع حد.. وما كنتش بعرف انام كل ما اغمض عيني اشوف احداث الحادث... كل الدكاتره حاولوا انهم يخلوني ارجع اتكلم بس فشلوا.. وكمال ومراته كانه بيعتنوا بيا. ما كنتش حاسه بحاجه ولحد اللحظه دي ما حدش يعرف اني كنت عارفه الاحداث دي.. فاكرين اني نسيت الحادث بس انا مش قادره انساه لانه محفور في عقلي.. ولما دخلتني القفص بتاع الاسد انا شوفت روح بابا وكمان شوفته لما اتسميت.. والحاله المرضيه اللي جات لي كانت بسبب الحادث، <قصدها حاله ضعف الرئه اللي عندها >، ورجعت اتكلم يوم ماعرفت ان مرات كمال حامل فرحت لها وكنت بفضل معاها دايما وجي اليوم اللي اتولدت كيان.. وكانت الولاده سهله وبعد سنتين.. ام كيان ماتت.. وانا شيلت مسؤوليه كيان.. هي اللي طلعتني من حالتي.. انا خايفه... انا خايفه.. ااا أحبك واخسرك، قمر طبطب عليها وقال بحنان :كل ده وساكته امسحي دموعك.. مرات قمر مش لازم تبكي، حور زاد بكائها وقالت: قمر ما تسيبنيش، قمر: انا مش هسيبك هو دخول الحمام زي خروجه.. عايزه اشوف ضحكتك يلا اضحكي بقى، حور: بجد متأكد انك قمر اللي بيخوف، قمر بضحك :هههه طب انت طفيتي النار اللي جوايا.. ودلوقتي عايزين نوقف الميه دي، وشاور على دموعها وقال :تقفليها ازاي دي، وضحك، حور :انت بتضحك، وبعدين ضحكت،قمر :ايوه كده اضحكي، وسحبها لحضنه وقال :قولت لك قبل كده انك حلو اوي.. ومش النهارده بس لا دا من اول يوم شوفتك فيه، حور باستغراب: شوفتني فين قبل كده، قمر: اليوم اللي اتخطفتي فيه شوفتك.. هي مصر بتحبك قوي كده بصراحه!، حور: ههه، وخلع الجاكيت بتاعه ،حور :هتنط في البحر ولا ايه ،قمر: لا داعشانك الجو برد البسيه، ولبسهولها ،حور بحب: شكرا، قمر بحنان: العفو ،حور: كونت تخوف وانت بتضربه انا خوفت منك قولت دا اتحول وقلب دراكولا، قمر: هههههه... انتي ازاي خوفتي آدم كدا، حور: قولتله زي ما قولت لمايسون.. اعملك ايه كان لازم اعمل معاه كدا، مسك ايدها وقال: بتوجعك، حور :شويه بس لو شوفته لما رشيت على عيونه شطه.. ههه عشان يعرف اللي يلعب بالنار هتحرقه، قمر: وانتي لعبتي بالنار لما اتجوزتيني ،حور بحب :بس النار دي مش هتحرقني ،قمر: الجو برّد اكتر يلا نرجع احسن، حور :يلا، وركبت العربيه ودخل قمر وقال: هو البتاعه دا اللي رشيتي منه على مايسون كنتي هترشيه عليا ،حور: بصراحه كنت ناويه اعمل كدا بس دلوقتي لا لأنك جوزي.. بس لو ضايقتني ممكن اغير رأيي وارشه عليك، قمر: ههه طب اربطي حزام الأمان، حور: حاضر، وانطلق لجهه قصره.. وصل قمر فقال :انزلي، حور: لا، قمر :ليه لا، حور :اهو كدا وخلاص، قمر بضحك : والله فاكره نفسك مين عشان تقوليلي لا، حور نزلت وقالت :انا الدكتوره حور أكرم فهقولك لا زي ما انا عايزه وفي أي وقت كمان، وجرت لجوا القصر ،قمر: هههه شكلك هتتعبيني اوي يا ملاكي الجميل.. ههه مجنونه، ونزل من العربيه فقابل مالك فقال: كنت فين يامالك، مالك كنت بتفسح شويه، قمر: روح على اوضتك بكرا معاك مدرسه، مالك :ماشي.. هو اخوك والبنت اللي شايفه نفسها هيكونوا في نفس المدرسه، قمر :وفيها ايه ليك منافس جديد.. كيان اشطر منكم يعني هتكون برنسيسه المدرسه.. وعندها مدرس ما فيش زيه، مالك :شكلي هتسلى شويه هههه ،قمر :لو قربت لكيان انت عارف هعمل فيك ايه، مالك: لما اقرب لها ابقى اعمل اللي انت عايزه.. تصبح على خير يا... ولي العهد هههه، ودخل القصر ودخل قمر القصر وركب اوضته فلقي حور قاعده على السرير قصاد اللاب توب وحاطه السماعه وبتتكلم مع حد فدخل الحمام، حور :هههه لو شوفت وشه كنت فضلت تضحك زيي كده ههه، علاء :لا عارف لاني شوفت ضحكتك دي.. صحيح هو اللي دخل ادهم كليه الطب ظلمنا اتصل بيا عشان يسألني ازاي يغير لرحيم امال هو دكتور ايه، حور :سألني ي نفس السؤال بالضبط علاء اوعى تولد منه عنده ،علاء: عشان يولدها ويقول لي جات لك بطه زيك بالظبط.. لا يا عم انا حور صغيره، حور بفرحه :يعني عرفت نوع الجنين ايه، علاء: ايوه هتكون بنت ان شاء الله عايزك تنقي لي اسم حلو لبنتي، حور بضحك: بلاش انا يا علاء هههه، منه :لا احنا اتفقنا انك هتختاري اسمها بس يكون اسم حلو يليق ببنتي، حور :امممم سجده ايه رايكم فيه ،علاء :لا لان نرجس اختارت الاسم ده لبنتها اللي جاي في السكه، حور :اممم عرفت انا بحب الاسم ده اوي ايه رايكم في اسم عائشه على اسم زوجه الرسول صلى الله عليه وسلم، علاء :حلو، منه :ههه، حور وعلاء :في ايه بتضحكي على ايه،منه :اصل بنتك عجبها الاسم هههه ،حور :طالعه شقيه زي باباها اوي هههه، علاء :مين انا ههه.. لا تعالي وشوفي امها مطلعه عيني صحتني النهارده الساعه 2:00 الفجر عشان اجيب لها جزر، حور:ليه هي حامل في أرنب، علاء: لا لو ارنب هنسكته بحزمه برسيم ورقه خس بس دي نسكتها بأيه معهاش غير تاكل وتنام وبس.. وانا اللي اشتغلت خدامه في البيت ،حور: ههه معلش استحمل شويه، علاء :امري لله... صحيح ايه اخبار جوزك دراكولا هههه ،حور بغيظ :دخل الحمام بس هو مش دراكولا، علاء: اممم منه سامعه بتقول ايه، حور :بتلمح على ايه، علاء: شكلك سمعتي كلامي وبتجربي تطبقيه ،حور بخجل:ااا لا مش صح، علاء: لا صح بدأتي تحبيه انا شايف ده في عينيكي، حور: لا مش صح، علاء: ده جوزك يا هبله عادي لو حبيتيه، حور: ده مستحيل، علاء: احلفي كده ،حور :علاء بطل هزار منه سكتيه ،منه :ههه علاء كفايه حياتي خليها براحتها هي لما تحبه هتقول لنا صح يا حور، حور بخجل: منه اقفلي ونامي احسن لك، علاء :احنا كده عرفنا جوابك هههه ،حور بخجل وغيظ: علاء ما تتصلش بيا تاني، علاء بسخريه: بس انتي اللي اتصلت بيا، حور :خلاص لو اتصلت بيك تاني ما تردش عليا، منه: حرام عليك زعلت حبيبه قلبي حور، علاء بدهشه: نعم ياختي طلعتوني انا الغلطان في الآخر.. سلام عليكم انا رايح انام احسن، منه :ماشي يا حور نتكلم بكرا هروح اجهز له الرضعه عشان يعرف ينام كويس ههههه، حور :هههه متتاخريش عليه احسن عائشه تعمل منه حله محشي ههه ،وقفلوا مع بعض المكالمه فطلع قمر من الحمام تارك جسده عاري ولابس البنطلون فبصت عليه حور وقالت في نفسها بخوف: ياماما كل دي عضلات دا الواحده تفوز في مسابقه ملاكمه، قمر: قولتي حاجه، حور :انا لا مقولتش.. ااا البس قميصك لتاخد برد ،قمر لبس قميصه وقال: مش هتنامي ،حور :هنام مع كيان، قمر: هتنامي هنا، وراح قعد جارها على السرير وقال :كنتي بتكلمي مين؟، حور: مكنتش بكلم حد، قمر :طب اقفليه عشان ننام، حور: بس انا مجيليش نوم نام انت، بصلها قمر وقال بنبره مخيفه: انا مبكررش كلامي مرتين ،حور بكذب :لسه ماخدتش علاجي وانا قولت للخادمه تجبلي كوبايه لبن ،قمر: ماشي، وحط راسه على المخدة وعمل نفسه نايم فمسكت حور تليفونها واتصلت بكمال فرد عليها وقال :ايه الصوت العسل دا شكلك عامله مصيبه صح ههه، حور :ههه حاجه زي كدا، كمال: وعملتيها في مين ياجوهرتي ،حور بحزن ظهر في كلامها: ليك فتره منادتنيش بالاسم دا، كمال: ههه انتي جوهرتنا كلنا وحشتيني اوي وكيان بس انتي اكتر طبعا ،حور: وانت كمان وحشتني، كمال :ايه اخبارك انتي وجوزك بيعاملك كويس، حور بصت على قمر اللي نايم وقالت :ايوه بيعاملني كويس وحشني صوتك اوي، كمال: هو جارك، حور بغيظ طفولي :ايوه بس نايم، كمال: ههه نوم الهنا، حور :بالك فاضي ياخي مامعاكش شغلانه تريح بيها نفسك، كمال بضحك: كل دا عشان قولتله نوم الهنا ههه صحيح عرفتي هتكون بنت ولا ولد، حور :مين تقصد، كمال :مرات أدهم ومرات علاء ،حور: مرات علاء هتكون بنت اما مرات أدهم لسه معرفش بس هي بتفكر في اسم لبنت او ولد وادهم ياعيني ههه شايل الهم ههه، كمال: عقبال مانسمع خبر حلو منك، حور: خبر زي ايه ،كمال: عايز نونو صغنن ،حور :اقولك حاجه احسن روح نام انا مش عايزه عيال، كمال :مش عليا أمال مين اللي كانت تقول لو اتجوزت وجبت بنت هسميها صوفيا ولو ولد هسميه.. هتسميه اي؟،حور: أمير هسميه أمير ،كمال :هه ايوه أمير تصدقي اسماء حلوه ههه.. حور هكلمك تاني جالي شغل سلام، حور :سلام ،وقفلت التلفون وقعدت حار قمر وقالت وهي بتبص عليه: أمير قمر نادر.. صوفيا قمر نادر ههه لايقين مع اسمك ،ودخلت اصابعها في شعره وبدأت تلعب في خصلات شعره فضحكت وقالت :كويس انه نايم دا لو صاحي كان قتلني، وحطت راسها على صدره برفق عشان ميصحاش وقالت بهمس :هنام كدا عاجبك ولا لا، قمر بحب :لا نامي كدا عاجبني، فبعدت عنه بسرعه وقالت: اانت صحيت، قمر: خليكي نايمه قومتي ليه.. كنت صاحي من بدري.. تصدقي لايقين مع اسمي فعلا هههه متخافيش مش هقتلك ههههه ،حور بصدمه: سمعت كل حاجه.. متصدقش كنت بتخيل بس هه دا كان كله خيال، قمر: الخيال بيبقى حقيقه تعالي نامي متخافيش ههه، وسحبها لحضنه وقال :نامي في حضني ياحور، حور :اابعد عني قمر، مسك وشهاوقربه من وشه وقبلهاوقال بخبث :وكدا هتنامي ولا لا ،حور بخجل :ااا لا هنام بس مش في حضنك هنام جارك من بعيد، شد على حضنها وراح غمض عينيه وقال :هتنامي كدا دا امر يلا اسكتي عايز انام، حور بغيظ :والله امر كمان، قمر :شكلك عايزه تتعبيني، حور بطفوله: انا ههه عايزه أنام في هدوء وبس، ترقع باصابعه وقال؛ كدا هنام في هدوء، فأُطفأت المصابيح فمسكت حور في ذراع قمر وقالت بخوف :شش شغل النور تاني ياقمر، قمر بحنان :حاضر ،وترقع باصابعه فأشتعلت المصابيح فقال بهدوء: نامي ياحور، دخلت في حضنه ونامت وقالت :حاضر بس متطفيش النور تاني، وغطت في نوم عميق فكان قمر بيفكر في كلام حور وقال: ليه انتي بتحبيني ليه.. انتي تستاهلي واحد احسن مني ياحور.. مش هتكوني سعيده معايا انا واحد مجرم كل حياتي قتل وسلطه وانتي بتخافي من شكل الدم واسمي انا اتكتب بلون الدم.. حياتك زي العصفور اللي بيطير في مكان بعيد بيدور علي سعادته.. وحياتك معايا سجن وانا لو حبيتك هضعف قصادك.. ودا مستحيل ياروحي لأني فعلاً حبيتك بس مش عايز حبي ليكي يخليني ضعيف، وقبلها فوق جبينها وغطاها وغطا نفسه وغمض عينيه..... في الصباح.. وأخيرا أعترف قمر انه حبها وان شاء يعترف لها 🤗😂 اي رأيكم في اللي عمله قمر مع مايسون وازاي عدمه العافيه خالص 🤷 😂وازاي بدأت اول شعله في حبهم ياتري قمر هيعترف لحور انه بيحبها ولا هيفضل شايف ان دا ضعف وهيرفض انه يقول لها بحبك 🤟 ومالك ونور وكيان اي وضعهم وهل في شعله حب هتظهر بين ثنائي منهم ولا لا وحور فعلا بدأت تحب قمر ولا دا باينه له لسه ومين الضيوف الجديده اللي هتنور الروايه بتاعتنا وهل في حاجه هتدمر حب حور لقمر ولا دي هتكون دفعه قويه للأمام في طريق حبهم كل الرغي دا هنعرفه في الأحداث الجايه ان شاء الله ومتنسوش انكم تدعوا لخواتنا في الفلسطين اللهم انصر اخواننا المسلمين في فلسطين وثبتهم على دينك الحق وانصرهم نصرك الحق نصرا تهتز له السموات والارض وانعم عليهم السكينه والرحمه والبركه وابدل شهداءنا مساكنهم في الأرض بمساكن لهم في الجنه واحشرهم مع الأبرار واحفظ اخواننا المسلمين من كل شر يارب العالمين وصلى الله وبارك وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين اللهم امين يارب العالمين 🤲