أسيره تحت ظل القمر الجزء الثاني - الفصل الثالث - بقلم شهد عبد الهادي عيساوي محمد - مكتملة | روايتك

أسيره تحت ظل القمر < الجزء الثاني> البارت ال3 حور:ماشي.. سلام لاني لازم اقفل دلوقتي، الجميع :باي: وانهو المكالمه في هذه الأثناء دخل قمر زي الاعصار وكان على ملابسه اثار دماء ،حور بخوف: يا ماما هو في ايه، قرب قمر منها وقعد على الكرسي قصادها وقال بهدوء مخيف: ليه ما جهزتيش، حور بعدم مبالاه له قالت :وانا قلت لا، وقف وراح عندها وقال :ما تختبريش صبري يا حور، زاحته حور وقالت: ابعد عني كده روح واستحمى هدومك كلها دم، قمر مسكها من ايديها وقال: مش انا اللي يتقاله لا  يا دكتوره، وراح طلع فستان من الدولاب ورماه على السرير ومسكها وقال :هتلبسي ده وتنزلي معايا فاهمه، بعدت ايده عنها بقوه وقالت: قولت لا يعني لا واعلى مافي خيلك اركبه، قمر مسكها بقوه وقال :ماشي بس ما تبكيش في الاخر ،ومزق هدومها ولبسها الفستان بالعافيه، حور :ابعد عني انت ايه.. ابعد عني خليك بعيد ،بعد ما اخلص قال: هتحطي ميك اب ولا احطه لك، حور: كفايه كده يا اخي انا مش عايزه اخرج معاك ليه مش عايز تفهم ده، قمر ببرود: ما قلتيش هتحطي ميك اب ولا احطه لك بنفسي، حست بانها تريد التقيؤ فجرت للحمام وتقيئت نفس لون الماده السامه بس المره دي كان التقيؤ شديد فحست بدوخه فكانت هتقع فمسكها قمر من خصرها وقال :ما تخافيش انا معاكي، وزاد التقيؤ بعد ما تقيئت واخرجت كل السم اللي كان في جسمها وكان ساندها قمر وقاعدها على السرير وحطت راسها على صدره وقالت بتعب: قولت لك مش عايزه اخرج يا قمر، لمس على شعرها وقال: عايزه تعرفي كنت هاخدك على فين ،حور: لا مش عايزه يا قمر ،قمر ولا كانه سمع حاجه وقال: كنت هاخدك تشوفي الخاين اللي حاول يقتلك.. هو لسه عايش، بصت له حور وقالت بتوجس: عملت فيه ايه يا قمر، قمر :لسه ما عملتش حاجه.. ايه حابه تشوفيه قبل ما يودع الدنيا، حور: ايه.. قمر خليني اختار عقابه بنفسي ممكن، قمر :ماشي ايه هو عقابه، حور :هتعرف كل حاجه لما نوصل ههه، قمر بسخريه: هتقدري تروحي، حور: انت لسه ما تعرفنيش كويس، قمر ضحك وقال: لا عارف بس دلوقتي شايف واحده جميله قدامي.. انتي مش ناقصه تحطي ميك اب خليكي كده على الطبيعه احلى ،حور: غير هدومك عشان شكلك بيهم يخوف اوي ،قمر بخبث: انا شكلي يخوف امال مين اللي كان بيقول عليا اني شبه الملاك وانا نايم وكمان اني شاب حلو، حور ببلاهه: مين قال كده، قمر: والله.. يعني مش عارفه مين، حور: ههه لا مش عارفه مين، مسك وشها وقال: ماشي انا هقول لك مين، وقبلها وبعد عنها وقال: ها.. عرفتي ولا لسه، راحت بعدت عنه وقالت: ابعد عني يا وحش اوعى تعمل كده تاني، قمر: انت مراتي وده عادي دكتوره، وقفت حور وقالت :روح وغير الهدوم دي يا وحش، قمر: انا ليا اسم، حور :تصدق معاك حق يا استاذ ديناصور، قمر: اتكلمي كويس يا حور، حور :تعرف اننا نشبه الجميله والوحش اللي في قصص الاطفال بس الفرق اني بكرهك اما هي فكانت بتحبه، قمر بتعجب :شايفاني زي الوحش،حور :تصرفاتك بتقول كده ،قمر بمكر :وشكلي بيقول ايه، حور بتوتر: بيقول..اا...ما اعرفش قمر روح وغير الهدوم دي، وقف قمر وقال: اصلا كنت هغيرهم وارمهم في الزباله، حور: اعمل اللي انت عايزه انا رايحه اشوف كيان لما تخلص قول لي ،دخل قمر الحمام وطلعت حور من الاوضه ودخلت اوضه كيان وقالت :كيان ايه عملتي، كيان: لسه درجتي ماظهرتش.. ماما انا عايزه اقعد شويه في الحديقه ممكن، حور :ماشي يا روحي بس خليكي بعيد عن مالك ونور، كيان: انا ما بطقش اسمع اسمهم ما تخافيش عليا انا هخلي بالي على نفسي كويس، حور:ماشي لما تكلمي كمال ما تقولهوش على اللي حصل ماشي عشان ما يقلقش، كيان: ماشي يا ماما.. صحيح الدكتور كتب لك على بخاخه جديده وبيقول مفعولها اسرع، حور :ماشي لما نشوف قولي لي حليتي كويس ولا لا، كيان: لا حليت كل الاسئله وكمان حليتهم صح ،حور: انا شوفت بابا واتكلمت معاه، كيان: وقولتوا ايه، وقالت لها حور على كل اللي حصل، كيان :وكان شكله حلو؟، حور :لما بصيت وشفت وشه حن قلبي ليه.. بس لما سمعت كلام بابا حسيت بحاجه غريبه واعترضت على الطفل ده بس انا مش عايزاه، كيان: خلاص كان مجرد حلم وانتهى، حور: بتمنى ده فعلا.. صحيح في حفله هنروحها كمان شويه فهتروحي معايا، كيان: لكن انا مش حابه اروح حفلات انا هفضل هنا في اوضتي وهنام، حور: تقفلي باب اوضتك وما لكيش دعوه باللي يحصل تحت،كيان :ماشي ،حور:ظهرت النتيجه.. امتياز برافو عليكي يا كوكي درجاتك عاليه، دخل قمر وقال :حور يلا تعالي، حور: زي ما قولت لك يا كوكي بالحرف يتعمل ،كيان :حاضر يا فندم، طلعت حور مع قمر اللي كان غايه في الاناقه والجمال، حور بتعجب :شكلك بيقول انك رايح تتجوز مش رايح للشخص اللي حاول يقتلني، قمر بغرور: انا حلو للدرجه دي، حور :شكلك يخوف اوي، قمر: يعني حلو فهمت كلامك المعكوس، وركبوا العربيه.... في العربيه.... قمر: اخترتي نوع العقاب؟، حور بتوتر: ايوه اخترته، قمر بهدوء: ايه هو،حور: مش دلوقتي لما نوصل هقول لك، وصلت عربيه قمر لمكان معزول عن الناس فنزل من العربيه وقال :مش هتنزلي ولا ايه يا حور، نزلت حور وقالت بخوف :هو ايه المكان ده يا قمر، قمر :ما تخافيش تعالي من الناحيه دي، فدخلت حور مكان عامل زي البيت من الخارج لكن شكله من الداخل عامل زي السجن فحست حور بالخوف فمسكت في ذراع قمر وقالت: ليه كل المكان ضلمه كده، فعمل قمر اشاره بايديه فاشتعل المكان بالضوء فشافت حول اقفاص حديديه فيها حيوانات مفترسه واقفاص تانيه فيها بني ادمين بيتعذبوا بوحشيه ووقفوا عند قفص الخادم بتاع مايسون فقال قمر ليه: غلطت غلطه عمرك لما دخلت قصري وحاولت تقتل عيلتي.. النهارده هيكون يومك الاخير... لو اعترفت على الشخص اللي بتشتغل عنده هخفف من عقابك، الخادم بخوف: انا لو قولت لك اسمه هيقتلني ويقتل مراتي وعيالي، قمر بسخريه :ولو ما قلتش هقتلك بنفسي، حور: فكه يا قمر ، قمر باستغراب: انتي بتقولي ايه، حور: انت قولت هتخليني اختار عقابه وانا اخترت انك تسيبه يمشي.. فكه، قمر بحده وشر: لا يا حور هو لسه ماتعاقبش ،حور :ارجوك يا قمر انا مش عايزه جوزي يبقى قاتل انا عايزاه يبقى احسن راجل في الدنيا كلها، ومسكت ايده وقالت :عشان خاطري سيبه انا مسامحاه.. لو عايزني احبك يبقى ما تقتلش حد ممكن.. انا بدأت اثق فيك، قمر متفاجئ من اللي بيسمعه وقال :ماشي يا حور هسيب المره دي بس عشان خاطرك.. تعالوا فكوه وطلعوه.. مش عايز اشوف وشك ثاني حظك حلو لانها انقذتك من بين ايدي.. دي اللي حاولت تقتلها دلوقتي هي اللي بتنقذك مني.. يلا نطلع من المكان ده، حور ابتسمت وطلعت معاها وركبت العربيه، قمر: ماتثقيش فيا لاني مش الشخص اللي بيحبه قلبك وما تحاوليش انك تحبيني يا دكتوره، حور: ههههه شوفوا مين بيتكلم... قمر انا بحاول اديك ثقتي لانك جوزي.. هههه على فكره النهارده طالع زي القمر، قمر بتعجب: متاكده انك على طبيعتك النهارده يا دكتوره، حور :ايوه ليه يعني عشان بقول لك كده.. ماشي شكلك النهارده مش حلو كده عاجبك يا استاذ عفريت، قمر بضحك: كده تبقي حوور، حور: عايزه اروح عند البحر ممكن، قمر بتفكير :فكره حلوه عايز اروح اسبح فيه شويه، حور بدهشه :احنا في الشتاء يا عم انت ازاي هتنزل فيه، قمر ببرود: انزلي وصلنا، فنزلت حور ونزل قمر وراحوا عند البحر قعدت حور على المقعد فخلع قمر جاكيته وعطاه لها ،حور :انا مش بردانه، قمر :لا خليه معاكي لاني رايح اسبح شويه في البحر ،حور بدهشه: الجو برد ازاي هتنزل، قمر:بس انا عايز افرج عن نفسي شويه، وراح نط في البحر ونزل مره واحده وما طلعش تاني حست حور بالخوف وقربت من البحر وقالت :قمر.. قمر.. هو اختفى فين شكله اتبخر.. قمر.. قمر، فطلع قمر من تحت الميه وقال باستغراب :عايزه ايه ،حور: طولت تحت فخوفت عليك، قمر: روحي واقعدي مكانك وسيبيني، حور:حاضر، راحت قعدت مكانها فاتصل عليها ادهم فردت عليه وقالت :ايه يا استاذ دوده عايز ايه مني، ادهم :حور معلش قولي لي ازاي اغير للعيال البامبرز بتاعهم ،حور بسخريه :انت بتسالني انا امال انت دكتور في ايه، ادهم: انا بولدهم اه بس اغير كمان لعيالهم ما اعرفش ،حور: دكتور نساء وتوليد بيسالني ازاي يغير للعيال ايه يا ادهم يا حبيبي هي خلفه العيال عملتك مجنون، نرجس: هو انتي ما تعرفيش ده يوم اللي كنت هولد فيه كان بيدور على دكتور عشان يولدني و لما ساله الممرض انت بتشتغل في ايه قال له انه دكتور نساء وتوليد كان الممرض هيطب ساكت منه، حور: ههه معلش يا نرجس استحملي،ادهم:البركه فيكي وفي نرجس انا اروح واقعد عند امي احسن، نرجس :ما فيش خبر حلو كده ولا كده يا حور، حور: خبر زي ايه، أدهم بسخريه :اعملي عبيطه ههه ، نرجس: ما فيش بيبي جاي في السكه، حور :انا مش بفكر في الحاجات دي انا مش حابه ابقى امي، ادهم :حور مش عليا الكلام ده ده انا عارفك اكتر واحد لما كنت بتيجي لينا كنتي   بتشيلي رحيم وبتلعبي معاه كأنه ابنك انتي كدابه.. ماشي ازاي بقى ربيتي كيان اللي كان عندها سنتين بس.. بنت ما كملتش ال 18 شالت مسؤوليه طفله يتيمه لوحدها وكأنها بنتها ،حور :واللي يخلي بنت عندها 10 سنين تتحرم من اهلها واللي يهتم بيها اخوها ومراته يجوز ان كيان ماتفتكرش امها بس لحد الان هي محتاجه لحنانها وانا جربت شعور لما تبقى ام فمش محتاجه اجربه تاني ،أدهم :ما قلتليش ازاي اغير لرحيم، حور:اسال مراتك يا ادهم.. صح ما عرفتش هتكون بنت ولا ولد، ادهم: نرجس مش عايزه تعرف بتقول كله من عند ربنا، حور :نفسي تجيك بنت وتبقى شبه امها ،ادهم بسخريه: يبقى احجزي لي مكان مع المجانين.. لا انا عايزها زيك كدا عايز حور الصغيره، نرجس: تصحى من نومك وانت بنتك بتشد في شعرك، ادهم: انا غيرت رأيي مش عايز عيال نرجس روحي وارميهم في الزباله،نرجس: ده انت اللي هيتهمي في الزباله ،أدهم :عاجبك كده اهو رحيم صحي على صوتك ده انا ما صدقت انه نام حرام عليكم.. حور غني له عشان ينام على طول، حور :ههه هقبل بس عشان حبيبي يعرف ينام، وغنت اغنيه يلا تنام، ادهم :نام ههه حور يلا سلام،وتثائب:ااه لاني انا كمان نعست معاهم، حور :ماشي سلام يا استاذ دوده، ادهم: بضحك سلام يا قلب دوده، وانهيا المكالمه،حور :ههه قال الدكتور قال ههه، قمر باستغراب: بتكلمي مين، حور ده ادهم ومراته ،قعد قمر جارها الكرسي ،قمر :عجبك الجو هنا ولا ايه، حور:..... يتبع....... بصوا كدا في حاجه هوضحها عن أدهم أدهم كان حلمه يكون دكتور في السموم وانه يعرف انواع الترياق لاي سم مهما كان بس دا محصلش وبقي دكتور نسا وتوليد لكن هو كمل حلمه بجانب مهنته ودا نفع ناس كتير في المستشفى وساعد حالات كتيرة اتعرضت للتسمم بسبب الافاعي او اي سم عامة ودا كمان هيكون سبب في نجات قمر من الموت بس دا هتعرفوه في باقي الأحداث الجايه ان شاء الله وعلاقه حور بعلاء وادهم قويه لأنهم اصدقاء من زمان بس انا موضحتش دا في الرواية عشان نسيت 😅😅وان شاء الله البارت الجاي هيكون مليان أحداث واسفه عشان البارت تأخر كدا 😂