الفصل 37
البارت السابع والثلاثون -
صحت من نومها مفزوعة وخايفه ..
مدت يدها و شغلت الابجوره ب سرعة..
مرت لحظات لحتى استوعبت هي وين .. !
وقفت بهدو من حضن نواف حتى م يحس ..
اخذت دش سريع ولبست روب واسع ..
خرجت بالصاله وكانت بتنزل ..
بس سمعت صوت بالدرج ..
وبخوف رجعت الجناح ..
قفلت الباب وتسندت عليه..
خافت من هدو الفلا المخيف..
رفعت كفها الصغير على فمها ..
تمنع لا تطلع شهقاتها ويسمع بكاها..
مشت بخفة وجلست على الارض ..
ركزت عيونها عليه ..
ودموعها تمنعها لاتشوفه بصفاء..
لمت ركبها على صدرها وضمتها بيدينها..
هزت نفسها بطفولة وهي تطمن حالها..
حالتها غريبه صارت تخاف بشكل كبير ! من اي شي ..
انسدحت على الارض وهي تناظر بالفراغ ..
غمضت عيونها وغفت بسرعه ..
وبعد فترة سمعت صوت الأذان..
فزت بسرعة وخافت لا يصحى نواف ..
ويشوفونها بهالحال..
طلعت لصاله وصلت وهدأ بالها من الخوف ..
مرت على بالها ايان ..
دخلت الغرفة بكل هدو ..
وشافت ايان نايمه بعمق ..
ابتسمت ع شكلها وشالتها ..
تحركت بحضنها ب ازعاج ..
همست لايان : يخليك لي ي روحي
خرجت ب الصاله وتسطحت ع الكنب ..
ونامت وهي حاضنه ايان ..
**
--
غفت عيونها الي كانت تراقبه ..
وبيدها مصحفها ضامته لها بقوه ..
تحس من فتره م نامت براحه كذا ..
تطمنت عليه اخيرا و هددا بالها ..
ودعت كوابيسها للابد بوجوده..
سمعت همس يناديها ب استمرار ..
حست انه حلم بس الحلم طول ..
جبرت حالها تفتح عيونها ببطى ..
وابتسمت ع حاله وهو يناديها ..
: لبيه
رائد بهمس : أبي مويه
فزت بسرعه وبيدها كاس مويه ..
ساعدته يشرب برفق وحنيه ..
نزلت الكاس ع الطاوله ..
رفعت يدينه وباستها : الحمدلله ع السلامه
رائد بهمس : الله يسلمك
حضنت يدينه وهي تبكي : والله مو مصدقه الحمدلله
وفزت تسجد سجود شكر ..
وقفت مع دخول الدكتور ..
الدكتور : طاب مساؤكم ، سعدنا بسلامتك
لمى : شكرا
الدكتور : كيف حالك !
رائد هز راسه بالايجاب ..
الدكتور : لاتخف ستكون الحركه عليك صعبه حركت اقدامك ويديك وستشعر بالخمول والصداع ولكن هذا لفتره وجيزه ربما اسبوع او اقل
وناظر بالملف : هل تشعر ب صداع الان
رائد مقفل عيوونه : بشده
: بعد المهدئ ستتحسن
لمى بهمس : ان شاء الله
اعطته النيرس ابره مهدي ..
وخلال دقائق غاب عن الوعي ..
وهي تتامله بحزن ع حاله ..
وبنفس الوقت تحمد ربي ع نجاح العمليه ..
حست بعطش واخذت الكاس ..
الي ع الطاوله ..
ورجعت مصحفها ع الطاوله ..
فتحته وبدات تقرا تريح حالها بالقراه ..
**
--
حست بالم فوق طاقتها ..
صارت تان وتتالم بشكل قوي ..
دخل مفتاحه بالباب ودخل بهدو ..
بس لما سمعها ركض باتجهه الصوت ..
دخل مفجوع من حالتها وشكلها ..
كانت تبكي بالم و تدعي ربي ..
ومنسدحه على الارض ..
شال راسها من الارض : غلا قلبي وش فيك !
ردت وهي تتالم بانين واهات ..
سحب عبايتها بسرعه من الدولاب ..
ساعدها تلبسها وشاله متجهه للسياره ..
حرك بسرعه للمستشفى من خوفه ..
وكل شوي يتلفت لها بخوف ..
وبربع ساعه وصلوا ..
نزلها بعد م طلب مساعده من الممرضات ..
واول م كشفوا عليها دخلوها غرفه العمليات ..
كان يمشي جنب باب غرفه الولاده بتوتر وقلق ..
خايف عليها شكلها وحالتها يمر من قدامه ..
يحس انتظره طال مع انه م تعدا العشر دقائق ..
انتظر ساعه الا عشر وهو ع حاله بتوتر وقلق ..
خرج الدكتور والابتسامه مرسومه ع شفاهه ..
خالد بتساول : بشر ي دكتور ، كيفها !
الدكتور : م اخفي عليك انها كانت عمليه صعبه لانكم تاخرتوا بشكل كبير بس الحمدلله عدت ع خير
خالد تنهد براحه : الحمدلله ، طيب وكيف البيبي
الدكتور : مبروك تتربى بعزك
ابتسم ابتسامه عريضه : يبارك فيك مشكور ي دكتور
الدكتور : ولو واجبنا
راح الدكتور وخالد رفع يدينه يشكر ربي ع نعمته ..
حاول يدخل لها او يشوف البيبي بس م قدر ..
قرر يرجع البيت ويرتاح للصباح ومن بعدها يرجع ..
**
--
بنفس المكان بس بجهه ثانيه ..
واقفين مقابل غرفه العمليات بقلق ..
دكتور طمنهم ودكتور اخر خوفهم عليها ..
جالسه بوجع ع حاله بنتها و تدعي لها ..
كان يناظر ب ام فرح ويحزن ع حالهم ..
خايف م يعرف ليش بس خايف بشكل ..
استودع ربي واستودع بنته الي خلقها..
هو ارحم منهم عليه وهو القادر ع كل شي ..
جلس مقابل ام فرح وهو يذكرها بايات الصبر ..
واحتساب الاجر عند حلول المصائب والنوائب ..
كانوا يهدون بعض وكلا منهم خايف ..
سمعوا احد ينادي عليهم ولما التفتوا له ..
فزو اثنينهم خايفين بس ابتسامته هداتهم ..
ابو فرح بقلق : بشر ي دكتور
: الحمدلله العمليه نجحت وهي بخير
طاحت بالارض تحمد ربي ودموعها م فارقتها ..
بسسس .. !
سمعوا صراخ الممرضات من داخل الغرفه ع الدكتور ..
دخل الدكتور مفجوع وقفل الباب خلفه ..
رافض لدخول ام فرح وابوها ..
- بعد ربع ساعه -
خرج الدكتور ووجهه مو الوجهه الي خرج فيه قبل لحضات
..وجهه مختلف تماما ..
ابو فرح م قدر ينطق ولاحرف ..
ام فرح : وش فيه ي دكتور
الدكتور سكت لفتره : عظم الله اجركم
ام فرح بعد م استوعبت طاحت بالارض غشيانه..
وابو فرح دموعه متحجره بعيونه ..
مو قادر يبكي ولا يصرخ ولايشكي ..
اسعفوا ام فرح وابو فرح كانت يتبعها مفجوع ..
خالي من المشاعر تماما ..
بنفس الوقت التقوا ..
ركضت لابوها وضمته وهي تبكي ..
ابو فرح كان يضن انها تعرف من بكاها ..
ابو فرح انفجرت مشاعره بهالحضه وشهق بوجهه فرح ببكاء : خلاص مكانها عند ربي احسن
فرح وقفت ع الجدر تتسند فيه مو مستوعبه حجم المصيبه الي وضع ع اكتافها ..
حاولت تتوازن شوي بس حست رجولها بتخونها ..
شافت تركي بعدم تركيز يركض لها من بعيد ..
ومن بعد طاحت ودموعها ع وجهها ..
شالها ودخلها اقرب غرفه فاضيه ..
نثر ع وججها قطرات مويه ..
بس م صحت ..
بلل يده بالمويه ومسح ع وججها ..
فتحت عيونها وبعد دقيقه كامله انفجرت بكاء ..
جلس جنبها يضمها له خايف عليه ..
ونفس الحركه الي سواها بالطياره سواها ..
جلس يقرا عليها بس م نامت ولاهدات ..
غرزت اضافيرها بصدره وهي تبكي بنحيب ..
: تركتني وحيده ي تركي راحت وتركتني ي ليت اني م تركتها
ضمها بقوهه : ي قلبي كلنا حوالينك و هذا قضاء وقدر
وجلس ي هديها بس م هدات ..
اضطر ينادي ع الممرضات يعطونها مهدي ..
لزمت حالتها تواجد الدكتور ..
بعد م كشف عليها وكتب لها ع مقويات ..
اعطاها مهدي ..
الدكتور : ي ابني حالتها دي م تنفعش وهي حامل
تركي بصدمه : حححححامل .. !
هز راسه بالايجاب : م كنت تعرفش !
تركي : لا
الدكتور : عموما هي حامل باسبوع لازم تهتم فيها وتخرجها من صدمتها
تركي : ان شاء الله شكرا
الدكتور : واجبنا
خرج الدكتور .. وهو جلس يناظر لها ..
محتار كيف يخرجها من حزنها وصدمته ..
نادتنـي الغربه علـى الهـم والبيـن
احسّـب الأيـااااام روحـه وجيّـه
وفي كـل ليله ترتسـم بيـن رمشيـن
خيالهابيـن الـرمـوش الشقـيـه
غربة سنه فـي ذمتـي غربـة سنيـن
متى علـى الله يلتقـي الحـي حيـه
خلاص هانت مابقـى غيـر يومـيـن
خـلااااااااص قفّت غربـةٍ جرهديـه
ورجعت شوقي في خفوقي براكيـن
ورجعـت انـا كلـي لها جاذبـيـه
وسألت ما ردّوا وانا اصيح هي وين
وكلٍ نثر مـن داخـل العيـن مَيّـه
وفـي معمعـة حزني تلقيـت رمحيـن
قالـوا توفـت غافلتـهـا المنـيـه
وفـي غرغرتها ماذكرت غيرحرفيـن
تشهـدت بسـمـك شـفـاه البنـيـه
وتزاحمـت فـي داخلي ألـف سكـيـن
والحزن يطويـنـي ثمانيـن طـيّـه
صدمه وجابتنـي علىالارض نصفـيـن
وشلـون راحـت دون ذنـب وخطيـه
**
--
نايمه في الصاله متلحفه بجاكيتها ..
م تبي تنام معاه ع السرير ..
وهو عصب لما صحى وما شافها نايمه جنبه ..
وقف يحاول يكظم غضبه عشان م ينفجر فيها ..
خرج من الغرفه وشافها نايمه ع الكنب ..
قرب منها وجلس جنبها بهدو ..
فتحت عيونها مجبوره ..
لما حست بأصابعه تتلمس وجها ..
شافته يبتسم لها ويقرب منها اكثر ..
قبل ما يقبلها صدت بوجها عنه ..
وحطت يدها بينه وبينها بجفا ..
مسك يدها وقبلها على باطن كفها..
سحبت يدها منه ولفت بجسمها للجهة الثانية ..
بتحدي رجعها على ظهرها مرة ثانية..
مهند : كفايه صد
ميهاف بغصه : اتركني بحالي
مهند بهدو : باتركك بس مو قبل لا اتطمن عليك
ميهاف : انا بخير
مهند : ميهاف قلبي أبيك تسمعيني وتفهميني
ميهاف بصد : خلنا بعاد لحد م نرجع
مهند باصرار : اللي صار ماكنت حاسب حسابه هالمرحله الي وصلت لها
ميهاف ناظرته باستفهام
سكت فتره ورفع نظره لها : ميهاف
التقت عيونهم بعيون بعض ..
ضاع الحكي لفتره قصيره ..
بس تحدا نظراتهم وبسرعه : احبك
غطت على عيونها بيدينها وصارت تبكي ..
بس بكاء غريب مو بكاها العادي ..
استغرب حالتها الغريبه ..
وبخوف : قلبي وش فيك !
ميهاف بعصبيه : فيني انت
سحبها لحضنه : فهميني ليش هالبكاء !
ميهاف برجفه : لا اصلا م احبك ولا انت تحبني ولا بنحب بعض ابدا صح !
سكتت شوي مستغرب من كلامها
ميهاف غرزت اظافيرها بصدره تترجاه : لاتحبني لاننا مستحيل نحب بعض
رفع وجهها بيدينه وعيونه بعيونها ..
مهند : ميهاف والله العظيم احبك م اكذب عليك
حضنها بقوهه يبي يدخلها جواته ..
: ميهاف كنت اشكي لك واحكي لك عن كل الي بيومي و اقولك اصغر التفاصيل بس الحين فقدتك والله فقدتك ارجعي ميهاف الي عرفتها
ميهاف بهمس : مستحيل ترجع ميهاف القديمه
مهند : ليش !
ميهاف : الحين زوجين م ننفع لبعض عشان غلط بسيط ارتكبناه اعذرنني م اقدر
مهند بصراخ : ابي اعرف ليش م تقدرين !
ميهاف : كذا
رجعها لحضنه : والله احبك و مستحيل اطلقك افهميها
ميهاف بتحدي : بتطلقني
مهند : واثقه بتقدرين ع بعدي
ميهاف : اي وبكل تاكيد
مهند : نشوف
باسها ع شفايففها بعمق ..
ووقف بابتسامه واخذ جاكيته وخرج ..
**
--
خبر خالد ام نواف وابو نواف بحاله غلا..
وطمنهم انها بخير هي والبيبي ..
دخل وباس جبينها بحب ..
ابتسم لها : مبروك ي قلبي
بادلتها الابتسامه بابتسامه باهته : يبارك فيك
ضم يدينها : طمنيني عن حالك الحين !
غلا : الحمدلله احسن بكثير
خالد : الله يكتب اجرك ي قلبي
دخلت الممرضه وناولت غلا بنتها ..
ضمتها بخفيف وهي تبوسها ..
غلا : ي قلبي انا
وجلست فتره وهي تبوسها وتضمها ..
خالد بضحكه : بس بنتك لوحدك !
غلا بضحكات متقطعه : خذها
وقف واخذ البنوته منها ..
و وجلس وهي بحضنهه مستانس ..
جلس يتاملها فتره وبتمعن ..
خالد : تشبهكك كثير كثير بس اخاف شعرها يشبهه شعري عاد الله يعيني اجيب استشوار كل يوم
ضحكت بالم : خالد خلاص تكفى عورني بطني من الضحك
خالد بضحكه : امزح امزح خلاص
ركزوا ع الباب الي انفتح ..
دخلوا والهدايا تسبقهم ..
ابتسمت لاهلها ابتسامه عريضه ..
قربت منها امها وباست راسها : مبروك يمه
غلا : يبارك فيك
ابو نواف باس راسها : يجعلها الف مبروك
غلا ب ابتسامه : يبارك فيك
باركوا لخالد كمان وجلسوا ..
ام نواف : ترا جبت لك اكل خفيف ودافئ ينفعك
غلا : يخليك لي
واشرت لخالد يجيب البنوته ..
ناولها وضلت تتاملها فتره وتسمي عليها ..
اشرت لخالد يفتح الاكياس ويعطي غلا اكلها الدافئ..
قام وفتح الاكياس وفتح الصحون ع الطاوله الي مقابلها ..
غلا اخذنت ملعقتين عشان خاطر امها وقفلت الاكل ..
خالد ناظر فيها بتعجب : ليش م تاكلين !
غلا : مو مشتهيه
خالد : اذا م اكلتي بنفسك باكلك غصب
غلا احمرت خدودها ورجعت تفتح الاكل ..
خافت يتهور ويحرجها قدام اهلها ..
وبدت تاكل بهدو مجبوره ..
**
--
فتح عيونه ببطئ والتفتت يمينه ..
شافها تناظر فيه وتبتسم ..
: طمني عنك الحين !
رمش بعيونه وبدون م يتكلم ..
لمى بمرح : يلا شد حيلك عشان نرجع نستانس وافرح بشوفتك
رائد لارد ..
ابتسمت ابتسامه عريضه ..
بس قابل ابتسامتها بدمعه ..
فزت لمى له وبخوف : حبيبي وش فيك ! شي يالمك ! تعبان انادي الدكتور !
هز راسه بالنفي ..
لمى : ي قلبي تكلم كلمه عشان اتطمن والله مخوفني عليك
سكتت شوي وبهمس : أحبك
ابتسمت ابتسامه عريضه : مو اكثر مني
ناظر بالفراغ فتره : الحمدلله انها نجحت العمليه
لمى : انا شجعتك في البدايه بس لما سافرنا حسيت انك مو متحمس وخايف كنت ابيك تكنسل خفت عليك من كلامك والله خفت
رائد : الحمدلله
لمى : (( قل يا عبادي الذين أسرفوا على أنفسهم لا تقنطوا من رحمة الله ))
اللهم إننا نستغفرك لكل ذنب
خطونا إليه بارجلنا
أو مددنا إليه ايدينا
و تاملناه ب ابصارنا
أو اصغينا إليه ب اذاننا
أو انطقنا به السننا ...
أو اتلفنا فيه ما رزقتنا
ثم استرزقناك على عصيانك فرزقتنا
ثم استعنا برزقك على عصياننا
فسترته علينا وسالناك الزيادة فلم تحرمنا
ولا تزال عائد علينا بحلمك وإحسانك
يا أكرم الأكرمين...
اللهم اننا نستغفرك من كل سيئة
ارتكبناه في وضح النهار أو سواد الليل
في ملأٍ أو خلوة
في سرٍ أو علانية
فلم نستحي منك
وأنت ناظر إلينا...
اللهم إننا نستغفرك من كل فريضة
أوجبتَها عليّنا في الليل أو النهار
تركناها خطأً أو عمدا
أو نسياناً أو جهلا
ونستغفرك من كل سنة من سنن
خاتم النبيين محمد صلى الله عليه وسلم
تركناها غفلةً أو سهوا
أو نسياناً أو تهاوناً أو جهلا...
نستغفرك الله ونتوب إليه
مما يكرهه الله
قولاً أو فعلا
باطناً أو ظاهرا
نستغفرك الله وأتوب إليه...
**
--
تنهدت بملل وهي تناظره وهو نايم ..
من صلاه العشاء جالسه لوحدها طفشانهً..
ترجته قبل م ينام يسهر معاها شوي ..
حاول يسهر وبعدها نام لانه صاحي من بدري..
واقف بالعزا من بدري م تركهم لحضه ..
ريم : حبيبي فهودي يرضيك اجلس لوحدي .!
فهد بنعاس وبضحكه : لا م يرضيني بس حالتك اليمه وأنا ابي انام
ريم : تفضل النوم علي ..!
فهد : ي قلبي نامي
ريم بتافف : م فيني نوم وأنت بتنام ي ربي كيف اجلس لوحدي !
فهد بتعب : انسدحي وبيجيك النوم
ريم : ي ربي
فهد : لو تتركين النوم بالنهار بيكون كل شي تمام
قال تعالى قوله تعالى{وَهُوَ الَّذِي جَعَلَ لَكُمُ اللَّيْلَ لِبَاساً وَالنَّوْمَ سُبَاتاً وَجَعَلَ النَّهَارَ نُشُوراً }
نام وهي جلست تفكر بكلامه..
بس نومها غير طبيعي هي م تنام كذا بالنهار..
خافت مجرد التفكير بالمرض ..
تعوذت من الشيطان ومسحت ع وجهها ..
قربت من فهد وهزته بخفيف..
ريم : واللي يعافيك قوم
فهد لارد
ريم : فهودي حبيبي قوم نمت كثير
فهد : ريم قلبي نامي
ريم : والله م فيني نوم وش اسوي ..!
فهد ب ابتسامه عريضه : نامي
ريم : واللي يعافيك باقولك شي
سحبها من يدها وسدحها جنبه ..
ضمها له بقوة وشد يدينه عليها..
فهد : نامي
ريم بتافف : مـ..
فهد بتهديد : ناميي
وضمها بقوه له ..
طلعت منها آه بالم ..
فتح عيونه بخوف وبتساؤل : وش فيك
ريم مقفله عيونها : المتني
فهد : وين ..!
ريم ترفع ظهرها عن السرير : بطني وظهري
فهد بخوف : طيب والحين ..!
ريم : لا ي قلبي عادي والله الم بسيط واختفى
سمعت الاذان وقامت بهدو ..
وقام معاها بسرعه ..
دخل الحمام * وانتوا بكرامه * ..
وهي جلست على السرير تنتظره يخرج ..
عشان تتوضىء وتصلي ..
جلست فتره تنتظر ..
خرج فهد من دورة المياه..
وبدل ملابسه ..
خرج يصلي ورجع ع الساعه 6 تمام ..
دخل الغرفه وشافه داخله بفراشها وبيدها جوالها ..
: حبيبي تبين شي وانا جاي !
ريم : ممممم مشتهيه فراوله ومربى فراوله وعصير فراوله
فهد بضحكه : وش فيك ع الفرواله
ريم بزعل : خلاص مابي منك شي
قرب منه وباس جبينها : كم عندنا ريم نجيب لك فراوله
ريم بخجل خبت وجهها بالمخده وبهمس : مشكور
خرج وهو يضحك عليها بصوت مرتفع ..
قابل امه بالدرج تبتسم ع ضحكه..
ام فيصل : يجعل هالضحكه دوم
فهد : تدومين تاج راسنا ي الغاليه
باس راسها وصبح عليها ..
ام فيصل : وين بتروح !
فهد : العزاء
ام فيصل : الله يصبرهم ويكون بعونهم
فهد : امين
كان بينزل بس تذكر الفراوله ..
وبتساول : يمه فيه فراوله او عصير فراوله او اي شي بالفراوله
ام فيصل : الله الله وش فيك ع الفراوله اعرف انك م تحبها كثير
فهد ب ابتسامه : ريم مشتهيه فراوله وعصير فراوله ومربى فراوله و
ام فيصل قاطعته بفرح : حامل ..!
فهد ب استغراب هز راسه بالنفي ..
ام فيصل : لازم تاخذها المستشفى تتاكد
هز راسه بالايجاب : طيب
وخرج وهو يفكر بتصرفاتها الغريبه ..
نومها وطلبها و اكلها غريبين هالايام ..
ابتسم بمجرد التخيل انها حامل ..
وقرر يرجع بدري عشان ياخذها المستشفى يتاكد ..
**
--
خرجت من الحمام * وانتوا بكرامه * ..
وهي لابسة روب الإستحمام..
ولامة منشفة على شعرها بعشوائيه..
كانت تحس بدوخة وتعب بكل جسمها..
جلست على السرير بتعب من امس وهي بالعزاء..
شالت المنشفة وحاولت تنشف شعرها..
بس الضعف مسيطر عليها..
من حملت وهي تعبانه وتحس بضعف وخمول ..
بدلت ملابسها ورفعت شعرها ..
خرجت من الجناح متوجهه للصاله الي تحت ..
وفجاءه وهي تنزل ... !
زلقت بالدرج وطاحت ..
صرخت صرخه الم و وجع ..
خرجوا الخادمات ينادون ع ام محمد ومحمد برعب ..
انسدحت ع الدرج وبثواني غابت عن الوعي ..
نادوا الخدم بس م احد سمع وكانهم مو موجودين ..
اتصلوا ع محمد وب10 دقائق وصل ..
فتح الباب بقوه ودخل وهي ينادي ..
شاف الخدم متجمعين عليها ..
وبسرعه اتجهه لها وبعدهم عنها ..
شالها مفجوع بدون عبايه او شي يغطيها ..
وانفجع اكثر لما شاف الدم اللي ع الدرج ..
خرج بسرعه وهي بين يدينه ..
دخلها السياره وسدحها بالمقعد الخلفي ..
حرك السياره وكل شوي يناظرها ..
خايف عليها بشكل كبير ..
وصلوا المشفى ب نص ساعه ..
نادى ع الممرضات الي ساعدوها ..
وبسرعه دخلوها غرفه العنايه ..
ضل يناظر لها من الزجاج ..
بس للاسف م يشوف شي ..
مغطين عليها من كل جهه ..
جلس ع الكراسي يدعي لها ..
ولحضات يجلس ولحضات يقوم ..
قلقان وخايف منظرها وهي طايحه م امحى من باله ..
ضل ينتظر فتره طويله وهو يدعي لها ..
**
--
عقدت حواجبها بإنزعاج..
حست ب عيونها تعب وضيق من الاضاءه ..
رفعت يدينها ع عيونها تخفف من حده الاضاءه ..
فتحت عيونها وناظرت حوالينها وتذكرت هي وين..
فزت بسرعه بس سرعان م انسدحت ..
حست الم بظهرها واسفل بطنها فضيع ..
دخلت يدها تحت ظهرها ويد ع بطنها ..
انتبهت ع تركي اللي كان نايم ع الكرسي..
قفلت عيونها بقوه وتاوهت من الالم ..
بكت بالم ع وجعها ولما تذكرت تؤمها ..
جلست و أنفتح الباب ودخل تركي..
فز من نومه خايف عليها ..
قرب جنبها ونزل لمستوها ..
تركي بهدو : فرح قلبي فيك شي !
فرح تبكي ولاردت ..
تركي : الحمدلله على السلامة
فرح بصوت مبحوح : ابي مرح
تركي باس جبينها : ادعي لها بالرحمه
فرح بحده : لااا مستحيل تتركني
تركي : كلنا معاك وجنبك م بنتركك
فرح هزت راسها بالنفي ورجعت تبكي ..
نادى ع الممرضات ..
يبي راحتها باعطاها ابره مهدئ ..
اعطوها ابره مهدئ ..
وهو جلس جنبها يقرا عليها ..
**
--
جالسه بالصاله مكتفه رجولها بيدينها ..
تناظر بشتات وحزن بالفراغ ..
دخل عليها وناظر بالاكل الي ع الطاوله ..
والواضح انه م انوكل منه شي ..
جلس جنبها وباس يدينها ..
بدر بحنيه : ي روحي انتي م يصير الي تسوينه تكلمي اصرخي حالتك بتسوء بهروبك وإنهزامك
افنان لارد ..
بدر : طيب كلي لو ملعقه بس
افنان لارد ..
بدر حاول معاها اكثر من مره ..
بس رفضت ولاردت ..
فكر بانه اذا هددها بتسمع كلامه ..
بدر بعصبيه وتهديد : اقسم بالله اذا م اكلتي تشوفين وجهي الثاني بسرعه كلي
رفعت عيونها له .. شفايفها ترجف .. ورموشها تتحرك بشكل مستمر ..
نزلت دمعه بالم ومن بعدها شهقت شهقه ..
حاولت تكتمها بس م قدرت ..
افنان برجفه : تستقوي علي عشان م عندي اب ..!
ابوي مات .. ! تبي تكسرني بتهديدك ..!
بدر بحده : هششش
افنان ببكا : عديتك ابوي بعد ابوي بس للاسف خيبت ظني
بدر ترددت كلمماتها باذنه اكثر من مره ..
تراجعت لما قرب منها اكثر ..
سحبها لحضنه وضمها بقوه ..
بدر بهمس قريب من اذنها : انا زوجك وانا ابوك وانا اهلك وإذا حابة اردد هذا الكلام الحين وبكرة ماعندي مشكله
افنان : تاخرت م عندي الا اب واحد وراح
بدر بحنيه : الله يرحمه
افنان بشهقات بكا : ابوي مات .. !
ي ترى قبل م يموت كان مبسوط او حزين ..!
وبتنهده الم : لو كنت اعرف م تركته ضليت جنبه و
رفع يده على فمها بهدو..
منعها تكمل لوم نفسها ..
بدر بحنيه : لان هذا قدره مات
بكت بحسره ع ابوها والم ..
ضمها وهي تبكي ..
تتذكر ابوها وطيبته ..
كلامه لها لما تزوجت ..
وصايه لها و حركاته و اطباعه ..
ضلت فتره بحضنه تبكي وبعدها هدات ..
رفع راسها وابتسم له ابتسامه هادئه..
مسك يدها ودخلها الحمام *وانتوا بكرامه*..
فتح الماء وغسل وجها بيده..
ظلت متجمدة من دون اي ردت فعل..
تغيرت كثير من بعد مامات ابوها ..
ملامحها ناعمه بس كانها كبرت ..
آثار البكاء محفورة في عيونها ..
سحبها معاه وشربها عصير مجبوره فيه ..
سطحها ع السرير ولحفها وهو يطمنه ويوعضها ..
**
--
رمى نفسه ع الكنب ..
من يومين وهو بالمطار عشان معارفه هناك ..
يبي حجز لسعوديه بس م لقى ..
رفع يدينه ع وجهه وهو يستغفر ..
: حبيبي ها لقيت رحله !
رفع نظرها لها وبهدو : لا
رغد ب ابتسامه : ي قلبي عادي بنلاقي ع الاسبوع الجاي
بادلها الابتسامه : ان شاء الله
مدت له يدها : يلا قوم خذ دش وبدل ملابسك شوي ويوصل الاكل
وقف : لا بنام مو مشتهي شي
رغد ب رجاء : تكفى لو بس شوي انت م اكلت من الصباح
فيصل جلس يناظر فيها ومارد
رغد : وش قلت ! اكل عشان خاطري
فيصل قرب منها وقبلها ع جبنها : وعشان خاطرك باكل
رغد بابتسامه : يخليك لي
فيصل : ويخليك لي ي روحه
اخذت جاكيته منه ..
وهو دخل الغرفه يجهز له ملابس ..
وياخذ له دش سريع ..
وبعد تقريبا نص ساعه خرج الصاله ..
وشافها منسدحه وبحضنها الاب تبعه ..
تناظر بصور له من وهو صغير ..
سحبه من حضنها و بعصبيه : ليش تفتحينه ..!
رغد : اسسفه م كنت اعرف انك م بترضى
فيصل : فيه صور م ابيك تشوفينهم
رغد ب استغراب سكتت وبهمس سمعه : م فيه الا صورك غريبه
فيصل : اعرف ان م فيه الا صوري لاني اصلا م ابيك تشوفين صوري
رغد عقدت حواجبها : ليش ..!
فيصل : خلاص هو تحقيق
ناظر بالطاوله الي كان عليها الاكل ومغطئ ..
جلس ع طرف الكنبه واشر لها تجلس تاكل ..
جلست وبدا ياكل بس هي م اكلت ..
كانت تفكر ب استغراب * ليش وش فيها صوره * ..
وقفت وبهدو : الحمدلله
سحبها من يدها وهو رافع حاجب : م قلت شي غلط عشاتن تزعلين
رغد تحاول م تدمع عيونها وبغصه : بس انت عصبت علي ع شئ م يستحق انك تعصب عليه
فيصل ترك يدها : م احب احد يشوف صوري وانا صغير
رغد : ليش !
فيصل سكت شوي : كذا م احب ممكن عشان شكلي
رغد سكتت فتره بس بعدها اطلقت ضحكتها ..
رفع نظره لها بغضب واضح من عيونه ..
ومن بين اسنانه : ليش تضحكين
مسحت دموعها : اذا ع شكلك والله جميل ممره لو تشوف شكلي وان صغيره اليم كنت نحيفه مرهه عود اسنان وشعري شوشه والبس ارفض الا البس تنوره طويله فيها ذيل وعلى هذا كلها كان وجهي ويديني سوداء من كثر م اطلع بالشمس والبقيه عادي
من وصفها فكها ضحكك ونسي غضبه ..
سحبها له وطاحت فوقه ..
وبهمس : دائما تهزميني ي بنت سعد
خبت وججها في كتفه بخجل من وضعها ..
ضحك ع حركاتها الطفوليه ..
وجلس وهي بحضنها ..
: ابي اشوفك ارفعي راسك ..!
خبت وججها اكثر بكتفها وهي تشد عليه ..
فيصل : طيب ابي اشوفك الحين يمكن انتي غشاشه وحاطه بوجهك مكياج
سحب صدريه قميصها ..
شهقت وبسرعه غطت بيدها وبعدت يده..
فيصل بضحكه : لا الحمدلله مو مغشوشه
رفعت يدينها ع وججها بخجل ..
باس ظاهر كفوفها بنعومه ..
انجبرت تفتح يدينها من حركته ..
قرب منها بس وقفت بسرعه واتجهت للغرفه ..
وهو يضحك عليها : بجيك بس اكمل اكلي وانتي احسن لاتاكلين
تسمع ضحكاته القويه بالصاله ..
تبتسم مع كل ضحكه يضحكه ..
وهي منحرجه من وصفها لنفسها ..
تخيلت ان شكلها قبل نفس وصفها ..
كتمت ضحكتها بيدينها بس م قدرت ..
واطلقت ضحكاتها المتتابعه ..
مر شهر ونص على الابطال ..
تغيرت فيه اشياء كثيره ..
تحس بالالم يزيد كل فتره ..
عضت ع اطراف يدينها من الالم ..
دموعها وبكاها يزدادون بالم ووججع ..
رفعت جوالها وبصوت مبحوح من البكاء : نواف
نواف لاحظ بحة صوتها : فيك شي !
غاليه بكت بالم : تعبانه واللي يخليك تعال
نواف : انا بالحديقه باطلع لك الحين
قفل جواله وررجعه بجيبه ..
دخل البيت واتجه لدرج ياخذ كل درجتين بخطوه ..
فتح باب الجناح بقوه وشافها ع الكنب تبكي ..
دخل الغرفه واخذ عبايتها وشالها بسرعه ..
خرج فيها لاقرب مستشفى جنبهم ..
قالوا ولاده ودخلوها غرفه العمليات ..
جلس ينتظرها فتره قصيره مو طويله ..
بعدها بشروه انها بخير والبيبي بخير ..
خبر اهله كلهم وهو مستانس وفرحان ..
خرج عشان يجيب لها وللبيبي ملابس وغيرات ..
وبعد 4 ساعات رجع لها وسمحوا لها بزيارتها ..
دخل بس كانت نايمه بتعب واضح بوجهها ..
باس جبينها حست فيه وفتحت عيونها ..
ابتسم ابتسامه عريضه : مبروك ي ام عبدالله
دمعت عيونها ب مجرد م نطق الاسم ..
مر من قدامه شريط ذكرياتها مع ابوها ..
مستغربه انه رضى يسمي بابوها الغالي ..
نواف مسح دموعها الي نزلت من عينها ..
: اعرف انك تتمنين تسمين ابوك فحققت لك هالامنيه
غاليه بدموع وغصه : الله لايسامحني اذا ماسامحتك والله ان هالامنيه مسحت الماضي كله
ابتسم ابتسامه عريضه : لو اعرف ان هالشي بيشفع لي عندك و تسامحيني كان قلت لك من زمان ام عبدالله
غاليه : الله يخليك لي
باس كفينها وضمهم له : ويخليك لي ي بعدهم
جلسوا فتره يحكون لبعض بعيونهم ..
وكلا منهم يفهم الثاني بنظراته ..
لغه العيون صعبه بس ع العاشقين سهله ..
**
--
من بعد م اجهضت ضناها وهي تعبانه نفسيا ..
وهو يحاول يطلعها من الي هي فيه ..
التفت عليها : وش رايك نسافر ! او نروح البر ! او
همس ب ابتسامه باهته : مافي داعي حبيبي اذا تبي تروح الله معاك
نزل الاب من حضنه ع الطاوله ..
فز لها وجلس جنبها ملاصق لها ..
وبهدو : ترا الي تسوينه م بيرجع لك شي الله يعوضك
همس بدموع : تعلقت فيه بالحيل
محمد : ي قلبي انتي خلاص اهم شي صحتك وبيتعوض ان شاء الله
همس ضلت تبكي ولا رد ..
محمد ضمها له بيمينهه : ترا هذي حكمه من ربي يمكن يكون مشوهه او ممعاق وتتعبين معاه وتنهارين بكل مره تشوفينه او يمكن يتعبنا ويعصانا ربي م دفع عنا شي الا وفيه خير ثقي بربي
همس بهدوغريب : ونعمم بالله
استغرب هدوها الي ضل لفتره طويله ..
رفع راسها وشاف دموعها تنزل بشكل متتالي ..
محمد بخوف : وش فيك ..!
همس رفعت يدينها لوجهها وهي تبكي : كلامك صح بس والله كنت ابيه
محمد مسح دموعها وب ابتسامه عريضه : تبين واحد ثاني
همس هزت راسه بالايجاب ..
محمد بضحكه قويه : من عيوني الثنتين بس وش رايك نسافر نعيش جو واعطيك بدال الواحد توام
همس سكتت شوي مستغربه ضحكه ..
بعدها استوعبت وش يقصد ..
دفعته من صدره ..
ووقفت تتجاهل ضحكه ونظراته ..
: جايك الحين جهزي حالك
همس بدلع : محمد خلاص
قفل الاب وبدلع نفس دلعها : محمد جايك
ابعثرك واقبلك والملمك ..
لن اترك مسافه ابره تفصلني عنك
سألتصق بجسدك
سامتص رحيقك
مفتون انا بك
مذاب شهدك في شراييني
مخلوط بنبضي ودمي
احبك يا أنتِ وكفى
**
--
كان ابو بدر عازم عياله عشان يخرجون من جو كائبتهم شوي ..
كانت العزيمه بمزرعتهم الي بالخرج ..
كلن منهم قام من ع الغداء ..
وراح غرفته ياخذ قيلوله بعد الغداء ..
لكن هي م قدرت تروح تحس بتعب وخمول ..
نفسها مسدوده من الغداء ..
بس تغدت معاهم عشان م تزعلهم ..
جلست ع الدرج برا البيت تناظر بحركه الاشجار ..
تحاول تمسك نفسها شوي عشان م تستفرغ ..
فزت بسرعه ورفعت يدها ع فمها ..
وركضت للحمام * وانتوا بكرامه * ..
استفرغت بالم وهي تبكي ..
تعبها صار فوق طاقته ..
غسلت وججها وغسلت فمها وخرجت ..
شافها تعبانه وججها شاحب ..
: فرح
التفتت له : لبيه
بدر : وجهك شاحب وتعبان وش فيك !
فرح ب ابتسامه باهته : م فيني شي
بدر بشك : متاكده
فرح مازالت ع ابتسامتها : اي متاكده
: وش فيكم ..!
بدر : ليش م تهتم ببنت اختي ..!
تركي ب استغراب : ليش وش فيه ..!
بدر التفت لها : شوف كيف تعبانه ووجها ذبلان
تركي قرب منها وب ابتسامه : اعرف وش فيها
بدر : وشو !
تركي ب ابتسامه عريضه : ححامل
بدر : امممما فرح ححاممل
كانت وااقفه مصدومه بمكانها ..
م توقعت تعبها انها تكون حامل ابدا ..
حاولت م توضح لهم ابد صدمته ورفضها ..
انسحبت من بينهم بدون م يحسون ..
وصعدت غرفتها بشكل سريع ..
قفلت الباب وتسندت عليه ..
وصارت تبكي بصمت وتحاول تكتم شهقاتها ..
بس غصت فيها وحست انها بستفرغ ..
فتحت الباب واتجهت للحمام ..
دخل الغرفه بس م شافها ..
استغرب وين ممكن تكون هو شافها صعدت غرفتها ..!
كان بيخرج من الغرفه بس دخلت ..
صدت عنه وجلست بطرف السرير ..
سكتت شوي بعدها صارت تبكي ..
استغرب بكاها وقرب منها وبحنيه : وش فيك ي قلبي ..!
فرح بدموع : ججججد انا حححامل !
هز راسه بالايجاب وهو يبتسم ..
زادت رجفتها وبكاها وصارت تضرب ع صدره ..
وهي تصرخ عليه وتسبهه ..
سحبها لحضنه ومنعها من الحركه ..
تركي بهدو : م تبين ..!
فرح وهي تبكي هزت راسها بالنفي ..
تركي : طيب ليش..!
فرح من بين شهقاتها : م اقدر م ابي احد بعد مرح كانت تتمنى اتزوج عشان اجيب طفل يناديها خاله بس الحين م ابيه مممممماابيه ابي اشغل نفسي ادرس اي شي
تركي وهو يمسح ع شعرها : ي قلبي انتي اسمعيني هذا حكم ربي بعضهم يتمنون هالشي ويسون عمليات عشان يسمعون ككلمه ماما وانتي جاتك هالنعمه من دون م تتعبين وتركضين وراها وبعدين انا اجلت دراستي ودراستك سنه يمدي
كان يتكلم وهي تبكي ..
مسح دموعها بحنيه ..
ثاظر بعيونها فتره : ابي ابتسامتك ممكن
فرح لارد ..
تركي شد خدودها : ابتسمي يلا بسرعه
ابتسمت ع حركاته ..
تركي : طيب خالك يبي يبارك لك فشله سحبنا عليه
فرح وقفت وبصوت مبحوح من البكاء : طيب بس اغسل وجهي
تركي : اجل بنزل قبلك
فرح باندفاع : لالا انتظرني
تركي ب ابتسامه : من عيوني
ابتسمت بخجل وخرجت تغسل وجهها ..
وبثواني رجعت وعدلت شعرها ..
فرح لفت ع تركي : يلا
قفل جواله وحطه بجيبه : يلا
مسك بيدها وخرجوا ..
كانت بتتعثر بالدرج بس مسكها وضمها له ..
: ي اسود الوجهه وانتي يالي م تستحين م فيكم حياء
ضحككك تركي من قلب : وش فيك ي جده
ام بدر : يالي م تستحي لك عين ترد علي احسن بوسها والا شيلها
تركي بضحكه : والله م اخليها في خاطرك
وشالها وباسها بجبينها ..
ام بدر صعدت الدرج وبيدها عصاتها ..
ركض تركي وصعد بس فرح م قدرت تتحرك من الضحك ..
تركي بضحك : ي جده ي ويلك لو يجي زوجتي والا ولدي شي
ام بدر : هاه
تركي بصوت اعلى : اقول ي ويلك لو يجي زوجتي والا ولدي شي
ام بدر بعيون تلمع من الدموع : حامل ..!
فرح هزت راسها بالايجاب ..
فتحت الجده يدينها وفرح ارتمت بحضنها ..
بدر يصفق بقوه ويصرخ : ياهووو فلم هندي
ضحك تركي : الله يقطع بليسك
بدر : انزلوا ي ابطال هوليود من الدرج نبي نكمل الفلم معاكم
نزلوا وفرح تبتسم بخجل والجده تبكي ..
**
--
جالسين بالصاله م في احد بالبيت بس هما ..
اصلا من رجعوا السعوديه م اختلطوا ب احد ..
الكل مشغولين مع غلا و همس وزوجه نواف ..
اليوم اكيد بيجتمعون مع العاىله ..
خاف ان تغلط بشي او تقول لهم شي ..
: لمى
لمى ب ابتسامه عريضه : لبيه
رائد : انتبهي تغلطين وتقولين لاحد بشي
لمى عقدت حواجبها : كل مره اعيد لك الكلام ! انت مو مصدقني والله م اقول لاحد اصلا مابي احد يعرف بشي
رائد ب ابتسامه باهته : يخليك لي
لمى : فيك شي .. ! تحس بشي ..!
هز راسه بالنفي
لمى بشك : متاكد ، طيب اخذت الحبوب ..!
رائد : ريحي نفسك
لمى رافعه حاجب : ليش احس انك تخبي علي عادي تكلم
رائد يسوي نفسه مشغول بجواله : يكفي الي سويتيه معاي
لمى بعصبيه : رائد كم ممممره اقولك هالكلام لاتعيدها بالله
رائد بعصبيه : خلاص خلاص قفلي الموضوع
كان معاهم طرف ثالث يسمعهم ..
حزن ع حالهم كثير الي تغير ..
لمى دمعت عيونها ووقفت بسرعه ..
صعدت غرفتها وقفلت الباب ..
تسندت عليها وصارت تبككي ..
م تعرف ليش تغير عليها كذا .. !
- عند رائد -
: رائد
شهق بخوف انها سمعتهم : هـ هـ هلا
جلست جنبه ملاصقه له : يمه وش فيك ..!
رائد بارتباك : آآ ولاشي
ام نواف : أصدق القول ي ولدي ليش سافرت ..!
رائد : شهر عسل
ام نواف : هه ي ولدي اعرفك وش بلاك وش مرضك ..! لاتعذبني وقول ..!
رائد ارتمى بحضن امه وضمها بقوه ..
حس بدمعه تسللت ع خده ..
مسح بسرعه قبل م تشوفها امه ..
ام نواف بغصه : رضاي عليك انك تقول لي
رائد : اعذريني يمه م اقدر الله يخليك
ام نواف نزلت دمعتها: ليش م تقدر
رائد : المهم انا بخير الحين
ام نواف ضمته اكثر : ابي اعرف علتك الحمدلله انك تعافيت بس من وشو ..!
رائد لارد ..
ام نواف بوجع : يمه تكفى ريحيني
رائد تنهد وسكت فتره بعدين حكى لها السالفه ..
رفعت راسه من حضنها : كل هذا عانيت منه يمه ..!
ابتسم : الحمدلله وانا الحين بخير وطيب
ام نواف تمسح دموعها : الحمدلله الحمدلله
سكتوا شوي ..
ام نواف بحنيه : طيب ليش تقسى ع لمى
رائد تنهد ب الم : يمه احس اني عبئ عليها تعبتها بالمره سافرت معاي كانت تواسني وتشجعني رفضت تجلس بالشقه وانا اروح المستشفى لازم الا رجلها ع رجلي ولاتركتني و ...
ام نواف ب ابتسامه : برضاها وترا هي الحين مستانسه تذكر لما فقدت الذاكره ! كنت اشوفها تتعذب باليوم ميه مرهه تحبك ي رائد لاتخسرها
رائد : يمه حتى انا احبها والله احبها بسس
قاطعته ام نواف : تبي رضاي ورضاها روح لها طيب خاطرها بكلمتين او اخرجوا
ام نواف : م بخرج ابي اقضي هاليومين معاكم لاني بعدها بسافر
ام نواف : م جلست معانا الا شهر واقل
ابتسم لامه : يمه بتبدا دراستي ودراسه لمى
ام نواف بادلته الابتسامه : الله يوفقكم
وقف رائد : عن اذنك يمه
صعد لغرفته وفتح الباب بهدؤ ..
شافها متكوره ع نفسها ومتلحفه بالحاف ..
وقف فتره يناظرها وكان بينزل بس حس بحركتها ..
قرب منها بعد المفرش عن وجهها ..
رائد : لمى نايمه !
لمى لارد
رائد وقف لحضات يتامل وجهها ..
والواضح انها كانت تبكي ..
اثار الدموع حوالين عيونها ..
وانفها احمر و شفايفها ترجف ..
: لمى حبيبي اعرف انك مو نايمه
لمى صدت عنه : ابي انام
رائد انسدح جنبها وملاصق لها ..
حست برجفه بجميع جسمها من حركته ..
ضم راسها وهي دفنت راسها بكتفه ..
م قدرت تمنع شهقاتها اكثر وبكت بالم ..
تركها تبكي ع راحتها وطلع اللي بخاطرها من حكي ..
رائد لفها وصارت مقابله ..
رائد ب ابتسامه : صار الوقت الي تسمعيني طيب
هزت راسها بالايجاب ..
رائد : حبيبي لمى اعرف اني جرحتك و تعبتك معاي عشان كذا م ابي اتعبك اكثر او اجرحك باي شي الي سويتيه معاي كثير
لمى بعيون يملاها الدموع : طيب انا راضيه ومستانسه اني معاك وجنبك
رائد : بـ ..
لمى رفعت يدها لفمه م تبيه يكمل : بس انا احبك تكفى افهمني هالاشياء لاتجي ببالك ابد
رائد : بس انا اتعبك كثير
لمى نزلت دموعها وبحركات طفوليه وهي تاشر ع نفسها : احبك والله احبك ليش م تفهم انا مو تعبي اذا عصبت علي او صديت عني
سحبها لصدره وضمها بقوه ..
وهو يهمس لها بحبه ..
هدات من كلماته ..
حست ب دفا حضنه ..
و استسلمت لنوم على صدره ..
من حس انها نامت وصارت باحلامها ..
قفل عيونه معاها و بدقائق صاروا بالاحلام ..
اتدرين ؟
انني احترق شوقاً
لوجودك معي
آآه يا لهفة المشتاق
وحنين الحب وعذاب الوله
اشتاق ان تخالط انفاسي بأنفاسك
ولهيب اشواقي
تطفئ نار اشواقك
فهل علمتي يوماً
ان نار تطفئ نار ؟
اي جنون هذا يا فاتنتي
الى هذا الحد اصبحت رماد منثور
اهيم عشقاً
اتطاير طرباً
لاتبتعدي عني
فأن قربك حياة لي
**
--
صحت من النوم وناظرت بساعته ..
شهقت لما شافتها 2 الظهر ..
فزت وتوضت وصلت وبدلت ملابسها ..
لبست تنوره سودا واسعه قصيره ..
وبلوزه رماديه ع الجسم ..
يدينها ربع وفيها ورد اسود ..
رفعت مقدمه شعرها الي طال شوي ..
ونزلت لعمتها منحرجه منها ..
دخلت المطبخ بس م كان فيه احد ..
دخلت الصاله ككمان م فيه احد ..
سالت رحمه عن عمها وعمتها ..
وقالت انهم خرجوا من الصباح ..
تنهدت براحه واخذت كاس وصبت لها عصير ..
توجهت لصاله وفتحت التي في ..
قلبت بين القنوات بملل ..
سمعت الباب انفتح وسمعت اصواتهم ..
فزت واستقبلتهم ب ابتسامه ..
ابو محمد و ام محمد : السلام عليكم
ميهاف : وعليكم السلام
ام محمد ب اهتمام : تغديتي
ميهاف ب ابتسامه : الحمدلله
ام محمد بادلتها الابتسامه : الله لايغير عليك
ابو محمد التفت لام محمد : متى بيرجع مهند !
ام محمد رفعت اكتافها : م اعرف
وناظرت ب ميهاف : متى بيرجع مهند
ميهاف سكتت ب ارتباكك ..
وبعد فتره : مم م اعرف مره يقول الاسبوع الجاي و مره الي بعده م اعرف
ابو وام محمد ناظروا ببعضهم : غريب هالولد
استاذنوا ميهاف وصعدوا جناحهم ..
**
--
تناظر ب الفراغ تحاول تحبس دموعها ..
هالفتره قليل الناس الي يزورونها ..
وصار يتجدد الحزن عليها ..
: وين امي !
رنا بصوت مرتفع من المطبخ : بالصاله
اتجهت لصاله و تنهد ع حالتها ب الم : يمه
ام طلال : بدون م تناظر لها : هلا يمه
افنان : يمه وش فيك م تناظرين فيني ! زعلتك !
ام طلال لارد
افنان بغصه : يمممه الله يخليك وش فيك !
ام طلال نزلت دموعها : تذكروني في ابوكم !
افنان ركضت لها وطاحت بحضنها : حتى انتي تذكرينا ب ابوي
ام طلال وهي تبكي : الله يصبرنا
ضلوا بحضن بعض يبكون..
بعد ربع ساعه مرت عليهم ..
فزت من حضن امها ..
وكان شي قارصها ..
ام طلال ب استغراب : وش فيك
افنان ضربت ع جبهتها بخفيف متناسيه : يمه طلال بيخرج
ام طلال بفرحححه : جد !
افنان : والله قال لي بدر راح له امس
ام طلال بدموع : والله تمنيت اروح له بس م اقدر لاني بالعده
افنان مسحت دموع امها : افرحي ولاتكدرين خاطره ترا نفسيته تعبانه مره لما عرف
وبغصه : بابوي
ام طلال : مين الي قال له
افنان مسحت دمعتها : اخوالي
تنهدت ام طلال وسكتت ..
بهاللحضه دخلت رنا ونادتهم يتغدون ..