لمني بحضنك عن برد ها الشتاء ودفيني لا صارت الدنيا جليد - الفصل 31 - بقلم هتون الغيم - مكتملة | روايتك

البارت الواحد والثلاثون - من حدد زواجها وهي معتفسه .. م تعرف وش تجهز وش تترك .. قررت تبدا من اليوم تجهز .. وعزمت تروح السوق اليوم وطبعا بوجود لمى وميهاف .. - بالمول - رغد دخلت محل فساتين .. لمى شد اعجبها فستان : رغد شوفي هذا رغد قربت منه و ب اعجاب : يجنن بس لونه مو حلو ميهاف : اي مو حححلو لمى سحبتها : بروح اسال وش الالوان الي متوفره لمى : لو سمحتي : امري لمى : ولا عليك امر بس هذاك الفستان الاصفر وش الالوان المتوفره منه الموضفه : اصفر وبني وبيج التفتت لها لمى : وش رايك بيج ! م عندك ولافستان بيج رغد بعد تفكير : طيب البيج ميهاف ب اعجاب : أجمل لون بينها والله رغد اقتنعت فيه واخذته وحاسبت .. خرجوا من المحل ولفت ميهاف ع محل ملابس نوم سحبت البنات عنده .. رغد : سلامات ! ميهاف : اختار لك وكمان بختر للمى رغد احمرت خدودها : لا روحوا انا بختار وانتوا روحوا محل ثاني ميهاف ب اعتراض : م في ب اختار لك رغد ب خضوع : طيب يلا سحبتها ميهاف لقميص اسود شفاف قصير وبدون اكمام وفوقه طبقه ثانيه اطول منه بيدين طويله.. رغد فاتحه عيونه ع الاخير : سلامات ميهاف بضحكه : بتلبسينه واشوف انه ساتر رغد ب اعتراض : م اقدر ميهاف غمزت للمى : هذا اذا م بعد الطبقه الي فوق لمئ بخجل : ي قليله الدب ميهاف ضحكت عليهم .. رغد : وجعع ميهاف اخذته ورغد اخذت كم قطعه ولمى اختارت روبين وحاسبوا وخرجوا .. بنفس المحل وبجهه ثانيه - أخذت اغراضها وخرجت : وين ي حلو ! طنشته ومشت وهو يلاحقها : اعطينا وجهه وش دعوه دخلت محل وهو دخل معاها خرجت ولا اشترت شي وهو يتابعها لمحها وعرفها من عيونها الي جذبته من اول م شافها وتاكد لما شاف الشامه الي بظهر كفها مميزه ببياضها اتجهه لها : فففرح ! التفت له بخوف وهي ترجف .. ركضت وتخبت وراهه.. اكيد عرفها اجل بيحميها .. من شافه يناظر فيها احمرت عيونه وعصب .. اتجهه له وسحبه من قميصه .. : خير بعصبيه : من وين يجي الخير وانا اشوفك : سلامات ي الاخ فيك شي : لا م فيني شي بس شايفك تلاحق زوجتي وانا ساكت : اوهه اسف عصب اكثر : وين اصرف كلمه اسف تعالت اصواتهم فرح بخوف : واللي يعافيك اتركهه : بنات هذا تركي اجتمعوا : تركي اتركه فرح فاتحه عيونها مصدومه م توقعت هذا تركي .. فكوهم الشباب بعد م تصاربوا .. ونزل الدم من وجهه الشاب وتركي من فمه.. فرح ركضت له : فيك شي تركي بعصبيه : لا ركضوا لها : تركي فيك شي ! التفت لهم : بعد انتوا هنا رغد بخوف : الاهم فيك شي تركي بعصبيه : تبون شي والا نخرج رغد : لا خلاص بنخرج معاك التفت ل فرح : وانتي بعد بوصلك فرح مازلات ترجف وبخوف : هاه لاحظ خوفها ورجفته وب ابتسامه : اقول بوصلك فرح هزت راسها ب النفي : لا ابوي بيجي الحين رغد ب استغراب ناظرت فيها .. لاحظ تركي نظرات الاستغراب بينهم.. تركي وهي يناظر لفرح : هذي اختي وبنات عمي والتفت للبنات : وهذي فرح رغد سلمت عليها : ي هلا والله فرح بخجل : هلا فيك تركي ناظر ب فرح : يلا نروح الكوفي لحد م يجي ابوك فرح خجلانه وتناظر ب الارض : لا خذوا راحتكم م بيطول خمس دقائق او عشر وهو جاي تركي : طيب اتصلي عليه الحين فرح : طيب رفعت جوالها واتصلت عليه : الو . بابا . متى بتجي ! . طيب وقفلت فرح بدون م تناظر ب تركي : يقول بعد خمس دقائق بيجيني تركي : طيب يلا ننزل اصلا بهالزحمه بناخذ خمس دقائق واكثر ع بال م نطلع فرح : طيب وصلوا مواقف السيارات و راحت فرح مع ابوها والبنات مع تركي .. ** -- تذكر رساله الدكتور لما ناظر ب الاب . فز وفتحه بالباسورد الي ان اسم لمى .. فتح ايميله بعد محاولات تذكره .. فتح رسالته الي ارسلها لدكتور ع ايميل الدكتور الخاص.. " مساء الخير انا رائد سعد وارسل صورة تقريره الصحي اخبرني عنك ابني عمي فهد عبدالله الرائد وعن مهارتك بعملك واخبرني ان هناك امل في حالتي وان العمليه هي الحل الامثل فما رايك ! " رساله الدكتور : " اهلا اهلا مساء الخير بعد ان رايت تقريرك .. وارسل لنا ابن عمك التحاليل .. رايت انه من الافضل .. عل العمليه ب اسرع وقت.. فقط اخبرني عن الموعد المناسب لك.." رد له رائد : " شكرا جزيلا ع حسن تعاملك " واتفق معاه بموعد العمليه اللي بعد زواجه بيوم .. لان الدكتور مو فضى بعد زواجه ال بشهرين او اكثر .. خايف بس يطمن نفسه .. م يبي ياخذ لمى الي متحمسه لسفره .. بس اصرارها ع مرافقته جبره ياخذها .. م يبي يكسر بخاطرها او احد يحس فيه .. ** -- تمشي ب حديقه الفلا .. الطفش مسيطر عليها من تزوجت غلا.. دخلت ع اليوتيوب من جوالها شوي .. وسرعان م طفشت .. قفلته وتركته ع الطاوله .. وضلت تمشي بركض لمده نص ساعه .. لانها تحس ان وزنها زاد شوي .. كانت بتدخل الفلا .. بس تراجعت وضربت جبهتها بخفيف : نسيتت جوالي ! رجعت لطاوله بس استغربت ان الجوال مو عليها : انا متاكده اني حطيته هنا ! وين راح ! كانت تدور ب الاماكن الي مشت فيها وهي تناظر ب الارض صدمت بشي قاسي رفعت عيونها وبارتباك : آآءء ورجعت تركض للفلا .. صعدت غرفتها تاخذ الدرجتين بخطوه.. اتجهت للباب وتسندت عليه .. وهي تتنفس بسرعه .. اخذت شهيق وزفير طويله .. : ي ربي وش جاب هذا هنا ! فزت ع صوت الباب .. ريم : ممين ! رحمه : جوال مال انتا ريم فتحت الباب : مين اعطاك ! رحمه ناولتها الجوال : مستر فهد ريم ب استغراب : مين فهد ..! رحمه : هذا ولد عم انتي ريم بفهاوه : ها هذا الي كان لابس بنطلون اسود وتي شيرت احمر رحمه هزت راسها ي الايجاب ريم : طيب شكرا رمت نفسها ع السرير ورفعت جوالها .. بس سرعان م فزت مصدومه ب الكتابه اللي فيه .. : شكرا لصدف الي جمعتنا مره ثانيه نزلت بعيونها اخر الرساله .. فهد ريم فتحت عيونها ع الاخير : من جده هذا ! قوي عين والله رمت الجوال ع السرير.. وفتحت دولابها وطلعت لها برمودا جينز ازرق فاتحح وتي شيرت اخضر .. وبدلت بعد م اخذت دش سريع ورفعت شعرها .. ** -- من وصلها تركي وهي تحس ان المها يزيد .. نزلت الاكياس ب الممر .. ورفعت جوالها واتصلت ع الشغاله .. : اخرجي لي ب الحديقهه وكلها دقيقه وخرجت لها لمى وهي تاشر للاكياس : خذيها ل غرفتي ورفعت نظرها بعيون ي ملاها الدموع : وجيبي لي مسكن ومويا بسرعه الله يخليك سونيتا اخذت الاكياس وراحت تركض للفلا تحس بطنها بيتقطع من الالم .. دفنت وجهها بيدينها .. وصارت تبكي وهي تتاوه من الالم.. : لمى ! وش فيكك ! لمى لا رد وكانت ع حالها قرب منها ورفع راسها وبخوف : وش فيكك لمى وعيونها حمراء من البكاء و ب الم : بططني : طيب قومي ب نروح المستشفى لمى هزت راسها ب النفي رائد ب اصرار : لازم لمى : رائد واللي يعافيكك افهمني مستحيل اروح : مس لمى التفت لها لمى واخذت الحبوب منها والمويا : شكرا خلاص روحي اشر لها رائد : لا انتظري والتفت للمى : مستحيل اتركك كذا لازم اوديك المستشفى لمى مسحت دموعها ووجها .. و اخذت الحبوب بسرعه : اخذت الحبوب وب اصير احسن ان شاء الله رفع نظره لسونيتا : تعرفين وش فيها سنويتا ب ارتباك : هي مريضه رائد رفع حاجب : اعرف نها مريضه بس ليششش ! سونيتا : هذا كل شهر و مس لمى كذا وراحت .. رائد ابتسم وعرف ليش م تبي تروح المستشفى .. لمى احمرت خدودها وخبت وجهها بيدينها .. ضحك ع شكلها وبعد يدينها عن وجهها .. وقرب وججهه منها وصار انفه ع انفها .. وعيونهم تناظر بعض .. رائد بهمس : أحبك لمى تحس بالحر من الخجل .. حاولت تبعده عنها بس م قدرت.. : رائد لايشوفنا احد واللي يعافيك روح بعد عنها بعد م طبع بوسه ع انفها .. : ماشاء الله كملو كملو رائد فز : بسم الله من وين طلعت محمد ب ابتسامه : من الجدار رائد : هاهاهاها ضحكتني لمى فزت وراحت لغرفتها .. و همس جلست تضحك ع شكل لمى .. محمد بضحكه : لو كنت اعرف انكم بهالوضع كنت ناديت عمي سعد يعلمكم شغل السنع همس : اي والله رائد : تسوونها مو بعيده منكم اقلبوا وجيكم ووقف : الله يعينكم ع بعض محمد : الا ع اي صفحه اقلب وجهي همس ضحكت لحد م دمعت عيونها رائد عصب : بزران محمد بضحكه : وان شاء الله عما قريب سينضم لنا بزر ثالث رائد نسى عصبيته وب ابتسامه : امما ! محمد ب ابتسامه : والله رائد بابتسامه عريضه : حركات الف مبروكك محمد وهمس : يبارك فيك رائد بضحكه : المهم اذا ولد سموه ع اسمي واذا بنت سموها لمى يمكن يطلع او تطلع علينا عاد من حظكم اذا طلعت علينا محمد : اعوذ بالله ع عيالي منكم الله لايقوله وضحك خرج رائد رهو يضحك وهما دخلوا الفلا .. وأظل أنا كما كنت أول حرف في قاموس الحب وكلمة في سطور العشق أبجديتي الأشواق ومفرداتي الحنين استوطن حبك فؤادي منذ سنين وعند باب هواك سقطت كل الذكريات حتى أدركتُ أنك جزءٌ مني منذ غرستك في قلبي وجعلتك أول اهتمامي وكل مرادي ومرامي ** -- انتبهت لجوالها الي يدق من فتره.. رفعت الجوال بس كان رقم غريب .. تجاهلت الاتصالات و فتحت الرسايل .. شدته رساله من هالرقم وبسرعه فتحتها .. * ردي انا فيصل * شهقت بخوف : والله لو يعرف ابوي ان طلاقي اليوم ردت لما دق .. والخوف يتسلل لقلبها .. لو يعرف ابوها م بيصير خير ابد .. : الو فيصل : مساء الخير حي هالصوت ابتسمت : اهلين مساء النور : كيفك رغد بهمس : اآ لحمدلله ، كيفك انت ! فيصل : الحمدلله من سمعت هالصوت رغد : الله لايغير عليك : ولاعليكك سكتوا فتره .. فيصل : رغوده : لبيه : لبيتي بمكه ي قلبي الحين برسلكك صور وكذا وانتي اختار الفستان الي يعجبك طيب بتردد : ان شاء الله ب بـس فيصل : وشو رغد : ترا لو عرف ابوي اني كلمت بسوي مشكله فيصل : اعرف بس والله م يصير هالتشدد و رغد ب زعل : اب ويخاف ع بناته فيصل : زعلتي ! رغد بعصبيه : لا فيصل فهم انها زعلت وبصوته : عسـى الله لايجيب خصام لجل حبنا وعلشانه وكل ما مر فينا عام هوانا تورق اغصانه انا شوقي يزيد هيام كثر ماروحي عشقانه وانا من راسي للاقدام مشاعر حب عطشانه صعب اجبر عيوني تنام في ليله وانتي زعلانه واذا مرت علي ايام اجيك بروح ولهانه : اسف ي روحي اذا زعلتك وبرسلك الصور وانتي اختاري وقفل .. جلست مفهيه فتره .. م توقعت صوته بهالجمال .. صح غنى لها ب الملكه .. بس م كانت معاه ابد من الاحراج .. رمت حالها ع الكنبهه وهي ضامه جواله .. وتفكير فيه وبحياتها بالمستقبل .. ** -- سالفه انها بتتزوج مشغله تفكيرها هالايام.. خايفه انه م يبيها و مجبور من اهله .. تعوذت من الشيطان .. وقامت تصلي صلاه المغرب .. وبدلت عشان الناس الي قال لها ابوها انهم جايين.. طلعت فستان اورنج قصير يدينه ربع ولبست فلات فيه ورد بالون الاورنج والابيض والبيج حطت كحل فرنسي وروج قريب من لون شفايفها وتركت شعرها مفتوح بطبيعته وبطوله الي يوصل لاسفل ظهرها ورفعت اطرافه .. خرجت الصاله بس تفاجات بمرح تنادها بصوت واطئ .. قربت منها فرح : وش فيك ! مرح : تعرفين مين الي ب المجلس فرح هزت راسها ب النفي مرح ب ابتسامه : أهل تركي فرح بصدمه : هاه مرح : والله بهاللحضه خرجت ام فرح من المجلس .. ام فرح : فرح تعالي فرح هزت راسها ب النفي : لا ام فرح : تعالي ادخلي لاهل تركي فرح بعيون يملاها الدموع : طيب ليش م قلتوا لي من البدايه ام فرح ب استغراب : عادي فرح : لا مو عادي لو بس استعد نفسيا لان يمه حتى شكل تركي اساسا نسيته اهله م اعرفهم يعني ارحموا حالي شوي ام فرح باستها وبحنان : اسفه يمه ، والحين الله يرضى عليك عدلي نفسك وادخلي فرح مسحت دموعها : طيب اخذت بيدها مرح وعدلت عيونها وكحلها ووصلتها للمجلس.. فرح : السلام عليكم الكل : وعليكم السلام ورحمه الله جلست جنب امها بخجل .. ام نواف ب ابتسامه عريضه : ماشاء الله وش هالزين فرح بادلتها الابتسامه : تسلمين غلا ب ابتسامه : كيفك فروحه ! فرح : الحمدلله كيفك انتي ! غلا : الحمدلله ام نواف : م يحتاج تجهزين لزواج قمر بسم الله عليكك ولاتكلفين ع نفسك فرح احمرت خدودها واكتفت ب ابتسامه.. ام نواف ب ابتسامه : والله مو هين تركي ! ام فرح ناظرت بجوالها وب ابتسامه ل فرح : روحي لابوك يبيك فرح : طيب وخرجت من المجلس .. تنهدت ب راحه حست بطمنئينه من كلام ام نواف.. وحست انهم طيبين .. : فرح التفت له فرح : سم ابو فرح : سم الله عدوك بس تركي بالمجلس وانا جالس مع ابو نواف انزلي له فرح ب ارتباك : لوحدي ابو فرح : ايه زوجك تعوذت من الشيطان ونزلت .. اخذت شهيق وزفير قبل م تدخل .. شجعت نفسها ودخلت : السلام عليكم طاح الجوال من يده : وعليكم السلام جلست مقابله وهي تحس ب ارتباك وتوتر تركي بنفسه * هذي فرح ! اكيد هي يعني من بيدخل غيرها * تركي : كيفك ! فرح بهمس : الحمدلله سكتوا شوي هي منزله راسها .. وهو يناظرها ب اعجاب .. حب يقطع الصمت الي طال .. تركي : انهيتي الثانوي صح فرح : اي تركي : طيب لا تسجلين هنا بس جيبي اوراقك وشهاده تخرجك وبتدرسين معاي ب لندن طيب فرح ب ابتسامه عريضه : جد عادي اكمل دراسه ابتسم ع ابتسامته : اكيد هذا حقك فرح بفرحه وابتسامه : شكرا تركي : زي م قال لك عمي موعد الزواج واستعدي ع راحتك حتى مو لازم تتعبين نفسك وب ابتسامه عريضه : لانك ملاك بددون اي شي احمرت خدودها ونزلت راسها .. وقف ووقفت معاه .. تركي ب ابتسامه : يلا انتبهي لنفسك الحين بروح فرح بهمس : ان شاء الله قرب منها وطبع بوسه ع جبينها : الله يحفظك من كل شر وخرج .. من حركته حست ان الهواء معدوم .. صارت ترجف بشكل كبير .. م تعرف هو خوف او خجل .. جلست بطرف الكنب تحاول تهدي حالها.. اعزفي على اوتار قلبي مقطوعة عشق دون فواصل ولا نقط يقتلني ذلك الحنين اليك اعترف لك بحبي الدفين سطرتك ملكة على تاج مملكتي قربك يغمرني بسعادة كوني بخير لأجل بذرة حب تنمو وتنمو ونسقيها بروح الحب وعذب الحب ** - ** كان الكل مجتمعين .. ابو محمد : ي ابو فهد التفت له ابو فهد : سم ابو محمد : سم الله عدودك بس كنت بقول متى تبينا نسوي ملكه مهند ! مهند التفت منصدم من ابوه ليش يبي يزوجه بهالسرعه.. ابو فهد انعفس وجهه : والله م اعرف وش اقولك هي موافقه بس م تبي تسوي عرس وطقطقه مكسور خاطرها وبغصه : من بعد مامات فهد الله يرحمه : الكل الله يرحمه ابو محمد : اللي تامر فيه ابو فهد : ولو تتاخر الملكه شوي ابو محمد ب استغراب : ليش ! ابو فهد : تبي تتمهل شوي يمكن يجي لاختها نصيب قريب عشان م تتزوج قبلها فهد تتدخل : طيب واذا مثلا انخطبت اختها الحين بتوافق والا بتنتظر اختها لحد م تتملك ابو فهد : لا اذا انخطبت الحين بيملكون مع بعض بدون زواج وطقطقه فهد التفت لمهند ب ابتسامه : اجل زواجك قريب ابو محمد فهم عليه واكتفى بابتسامه .. وقف فهد واستاذنهم .. ** -- من دخل وهو معتفس .. وحالته حاله وججهه شاحب .. خايفه عليه من حالته بس م تبي تساله وتضغط عليه .. تركته ع راحته واخذت هتان وبدلت ملابسه واكلته ونيمته.. رجعت له وكان نفس حالته .. قربت منه : طلال طلال بدون م يفتح عيونه : هممم جلست جنب وبههمس : فيك شي ! طلال لارد عادت كلامها توقعت انه سمعها : طلال فيك شي خوفتني عليك وقبل م تكمل كللمها .. قاطعها وبعصبيه : طلال م فيه شي بس يبي يجلس لوحده يعني خذي ولدك واطلعي برا مرت فتره كانت فيها ساكته مصدومه .. اول مرهه تشوف هالوجهه منه .. طلال بعصبيه وصراخ : م سمعتي وش قلت ! صحى هتان ع صراخه .. وقفت واخذت هتان وخرجت ب الصاله .. رضعته وجلست تدور فيه عشان يسكت .. وبعد فتره سكتت .. ضمته بقوه ونزلت دمعتها : لايكون احد قال شي عني وبشهقه : بس والله م سويت شي غلط بحقه والله وسكتت شوي : او طفش مني ! لا لا وجلست فتره وهي تعيد الكلام حست بشي يرتطم بالكنبه .. التفت بجمود وصد .. وهي تخفي دموعها وتمسحها .. بس م قدرت تخفي نبرات صوتها الموجوعه : نعم..! : كل افكارك هذي مو ببالي رنا والغصه بحلقها : اآء اي افكار ! طلال : لا طفشت منك ولا احد قال لي عك شي ولا سويتي شي غلط رنا لارد طلال تنهد وبنبرات الم : اه والله تعبان تعبان م قدرت تخفي خوفها عليه : سلامتك من الاه وش فيك طلال نزلت دمعته : ابوي ي رنا ابوي رنا بخوف : وش فيه ! طلال تتابعت دموعه : تعبان باالحيل وسكت شوي : قبل فتره شفته ينزف انفه دم ويستفرغ دم * وانتوا بكرامه * خفت عليه كثير وقلت لازم احلل لك وبعد فتره حللت له وو رنا بخوف : و وشو طلال ب الم : عنده سرطان ومكانه صعب ب الحنجره رنا نزلت دموعها ب الم .. طلال رد لها ب شهقات بكاء .. فزت لعنده وضمته بقوه : لاتقنطوا من رحمه الله ،، الله رحيم بعباده سكت وم رد وم زال يبكي كانه طفل يبكي بحضن امه .. ضمته ب الم : وش رايك تروحون عمره ويشرب من زمزم ( شفاء لمن شرب منه ) واقضوا يومين بالحرم ادع له وشربه من ماء زمزم وبيرتاح نفسيا وان شاء الله جسديا كثير ناس سوا كذا وتشافوا .. حس براحه من كلامها دفن وجهه بصدرها .. وهو مهموم مو عارف وش يسوي ... جلس يفكر لحد م غفى بحضنها .. وبهدوا سطحته ع الككنبه .. ولحفته بالحاف خفيف عشان الجو معتدل.. ورجعت الغرفه وهي تفكر بحالهم .. ** -- جالسين بهدو وبدون كلام .. سحب الريموت وقفل التلفزيون .. امه التفت له : سلامات محمد بضحكه : ي بعد جبدي يومه بقولكم خوش سالفه ابو محمد وعيونه بجواله : اكيد سامج همس ضحكتت محمد بزعل : خلاص م بقول اصلا مو لازم ام محمد : اوفف بيبدا شغل مقدمات دموع التماسيح همس ضحكت لما دمعت عيونها.. ابو محمد : بسرعه عندك شي قوله محمد : خلاص م بتحجى ( خلاص م بحكي ) مو لازم يقول انا اقولكم ام محمد : وانتي وش عرفك ! : اعرف وبس محمد بخبث : اذا تكلمتي ترا بعلم بالي شفته لمى ب ارتباك : و ووشو الي شفته محمد بضحكه : اقول عادي لمى كانت بتطلع عشان م تنحرج اكثر : م عندكك سالفه محمد : اعلم لما كنتي تمثلين ع رائد انك تعبانه وبطنك يالمك وهو استانس الاخ ب الموقف لمى بعصبيه : مممحمد ! وش امثل والله من جد كان يالمني بطني وهو صادفني وشاف سونيتا لما كانت عندي وتقول بجيب لك مسكن و بس محمد غمز لها : وبس هاه ! لمى احمرت خدودها : اي وبس ! همس بضحكه خفيفه : ممحمد خلاص لمى دمعت عيونها وراحت لغرفتها تركض وهي تسب محمد.. ابو محمد وقف وهو معصب : وش سويت محمد بضحكه : اجلس يبه م تبي اقولك السالفه جلس ابو محمد : والله اذا م تكلمت بتوطا ببطنك همس : وترتني عندك سالفه قولها ! محمد ناظر فيها بابتسامه : سيصبح لديكم ب اذن الله حفيد بعد تقريبا 7 اشهر ام محمد فزت وب ابتسامه : مبروكك يمه مبروكك ابو محمد : مبروكك الف مبروكك محمد ب ابتسامه عريضه : يبارك فيكم - الله يتمم لهم ع خير - ** --- - مساء يوم جديد - ريحه البخور والعوده تعم المكان .. الانوار كلها مفتوحه .. فرحتهم كبيره اخيرا بيخطب .. ام فيصل تبخر فهد وتبتسم : مبروكك يمه مبروكك فهد بضحكه : يمه تباركين لي قبل م توافق ام فيصل : قلبي دليلي وبتوافق ان شاء الله فهد رفع يدينه : من بوك لباب السماء ي ست الكل فيصل بضحكه : يمه ولدك متخرفن ! فهد خزه : تشب وغمز له : نسينا وش سويت هاه فيصل ضحكك لحد م دمعت عيونه : اسكت بعدين مرا تتكلم مصري ومره كويتي والجايه اي لهجه فهد بضحكه : أيه باعجبك وب ابتسامه : ولك تئبش البي شو زريف ام فهد دخلت المطبخ وهي تضحك.. فيصل وهو يضحك : مو صاحي الله يشفيك فهد : شو هالرمسه وانا وش بلاي ي بوي فيصل سحبه : امش السياره وضعك صعب مشوا وهما يضحكون ومرت الليله ع خير .. ** -- جالس بين اهله مستانس .. من زمان وهو يتمنى هالمه .. : يمه تركي تركي التفتت لها ب ابتسامه : سمي : بتكمل دراستك ب لندن ! تركي عقد حواجبه : اكيد يمه ، ليش ! : والله خايفه عليك م تهنيت فيك تركي بضحكه : ب ابثرك بكل اجازه تلاقيني بوجهك ضحكت معاه : الله يرضى عليك دخلت الصاله وهي تغني .. وبيدها صحن كيك مسويته .. : بروزت طيفك في خيالي اماني ي مرتسم م بين جفني وعيني تركي : الله الله احمرت خدودها وسكت .. رائد بضحكه قويه : اول مره اشوفها مستحيه رغد : لاني دائما ابثركم بس هو م تعودت عليه رايد فز جنب تركي : تكفى ي شبيهي لا تفارقني عشان افتك من النشاز تبعها تركي اطلق ضحكه قويه : حرام عليك رغد بعد م وزعت الكيك عليهم جلست مقابلهم : طيب صوتي والا صوت رائدوه تركي بحيره : اممم رائد : وش فيك ! م يحتاج لها تفكير تركي ب ابتسامه : صراحه م ابي اغشكم لان اصواتكم نشاز رغد طيرت عيونها : هاهه رائد ضحكك وهو يناظر ب رغد : الجبهات طارت تركي : الصراحه م ابي افتنكم واسمعكم صوتي العذب رائد بضحكه : تكفى ي بو صوت عذب ومرت فتره وهما يتهاوشون من الي صوته حلو .. ابو نواف : هششش لا صوتكم ولا صوتها كلها نشاز تركي وهو يضرب ع جبهتها : طارت جبهتي رغد : احمد ربك بس مرهه انا و رائد طارت جبهاتنا مرتين بنفس الوقت ضحكت ام نواف : الله يسعدككمم الكل : امين بهالوقت دخل نواف وبحضنه ايان .. : السلام عليكم الكل ب اصوات متفرقه : وعليكم السلام تركي فز واخذ ايان من حضن نواف : ي قلبي انا تزنن جلس وهي بحضنه .. وهو يمد لسانه وتضحكك .. و حرك يدينه حركات عشواىيه وتضحك .. ضمها وهو يضحك : قلبي انا والتفتت ع اهله : تصدقون من زمان م شلت طفل ام نواف : الله يرزقك بالي يقر عنك تركي ب ابتسامه : امين وكملوا جلستهم ضحك وهواش.. وبكذا انتهى البارت .. لاتحرموني من ردودكم وتوقعاتكككككككككككم.. اسعدكم الله .. ودي لكم .. هتون الغيم ..