الفصل 19
البارت التاسع عشر -
دخل الفلا وهو بعجله ..
لمح همس تبي تخرج ..
التفت لها وبصوت مررتفع : لاتخرجين لوحدك
كعادتها تحب تعانده ..
سحبت شنطتها وجوالها وخرجت ..
وهي تكلم نفسها : مين هو حتى يقول لي لاتخرجين انا كيفي اخرج اولا
وضلت تمشي فتره وهي تكلم نفسها بقهر ..
بدل ملابسه لبس بنطلون اسود وتي شيرت احمر وجاكيت اسود اخذ جوالاته وخرج سال عنها بس م كانت موجوده ..
عرف انها خرجت وعاندته ..
خرج وهو يكضم غضبه اللي واضح ع ملامح وجهه ..
خرج وهو يسال بالشوارع وضايع تايهه : وين بتروح هالمجنونه
مشى جنب محالات جنب بعض للالعاب وهو بعجله
سمع صراخ وميزه وبصوت مرتفع : اكيد هي اكيد
التفت يدور يمين ويسار ع مصدر الصوت بس للاسف انقطع
دور مره ثانيه بنفس المكان وسمع صرخه ثانيه
تتبعها بكل حذر وانصدم من اللي يشوفه ..
بين احضان ناس سكارى حالتها صعبه يبون يسلبونها شرفها بس هي تقاوم ..
تجمع الدم بوجهه من الغضب وقرب منهم ..
ومسك الاول وضربه بوكس ببطنه ..
رد الثاني البوكس للمحمد ..
صرخت : اتركووووه
بس كان يضربهم وهما كمان يضربونه
بالاخير تجمع ناس وفكوا بينهم
قرب منها وبخوف : فيك شئ ! سوو لك شي !
همس ما ردت وضلت ترجف ودموعها متحجره بعيونها
شد يدها : يلا قومي نرجع البيت وناولها جاكيته
همس م قدرت وضلت تبكي بنحيب
صار يكلمها وهي م ترد
جلس جنبها وضرب ع خدها : همس م فيك شي قومي
لارد وضلت ع حالها
شالها بخوف وراح يركض فيهها للفلا
ومع دخولها التفت للصراخ
بصراخ يدل ع غضبها : وش هذا ي .........
التفت له محمد بجمود ..
ونظراته تنتقل م بينه وبين همس ..
اللي طايحه بحضنه ..
وم تعرف وش صاير ب الدنيا ..
محمد ارتبكك : ي عم لا تفهم غلط والله ان
قاطعه ابو نواف وبصراخ اجتمع عليه الكل : لاتحلف ي ..... اخر من توقعت الي ينزلون راسنا محمد و همس
جلس وهو ثاير ومعصب ويقلب يدينه : حسبي الله عليكم حسبي الله عليكم نزلتوا روسنا
نواف قرب من محمد والشرار يطلع من عيونه : انت ي محمد تطعني بظهري انتتتتتت
واعطاه كف
ابو محمد جلس بالارض مو مستعب اللي يصير ..
ويدينه ع راسه ويتعوذ من الشيطان ..
محمد بصراخ : والله م سويت لها شي افهموا السالفه اولا
قاطعه ابونواف بهدو : روح ي نواف جيب لي اي مملك نستر فضيحتنا
ورفع نضرهه ل محمد : انا متبري منكم ل يوم الدين
وقف وهو يتمايل بخطواته وصعد الدرج ساعده نواف ..
ابونواف من بين اسنانه : اتركني وروح جيب المملك الحين
نواف : طيب
مشى من جنب محمد وتف عليه : نذل نذل
وخرج يجيب المملك..
كان الكل بصدمه مو فاهمين شي ..
نزلها بمجلس الحريم وخرج ..
كان يحاول احد يسمعه بس من دون جدوى ..
- بعد ساعه الا ربع -
وصل نواف والشيخ اللي بيملك لهم
نواف بعصبيه : وين ال .....
مهند اتصل ع محمد وقال له يجي..
وكلها دقائق الا وجاء محمد..
- عند همس -
صحت وبهمس : م م مويا
فزت رغد وجابت لها مويا : اشربي
شربت رشفتين وهي ترجف
رغد والدموع بعيونها : وش صار !
همس نزلت دموعها وجلست ترجف..
ضمتها رغد وهي تبكي : همس احكي لي
همس بكلمات متقطعه : كانوا بيضيعون شرفي والله بس لحق علي محمد
وحكت لها السالفه وهي تبكي ..
رغد حمدت ربها انها م صار شي وصعدت لامها والبقيه تقولهم بالسالفه..
بهالوقت دخل نواف والشرار يطلع من عيونه ..
همس كانت ع حالها وترجف ..
مد لها الكتاب توقع بس م رضت ..
نزل الكتاب بحضنها ..
وشد شعرها بقوه وهو يتوعد فيها : توقعين غصب عنك فاهمممممه
زادت رجفتها من كلماته ..
خافت من صوته ووعيده ..
زاد شده لشعرها وزاد المها ..
وعشان تنهي هاللحضات بسرعه ..
اخذت القلم ووقعت وهي تبكي بالم..
م تعرف ليش وقعت وعشان وشو وليش ..
سحب الكتاب منها وسحبها من يدها وبوعيد : وقفي عند الباب ولاتروحين اي مكان ثاني واذا جاء محمد تروحين معاه ولا اسمع كلمه
وبصراخ : فاهمهه
ارتجفت اكثر من صراخه وهزت راسها بالايجاب بدون رد ..
رجع لهم الكتاب وشكر المملك وخرج ..
ابو نواف بحزم رفع نظره ل محمد : خذ زوجتك ولا اشوفكم
وقف محمد وهو يتصنع البرود بعكس البركان اللي داخله : والله م صار شي من اللي ببالك طلعت بدون اذن احد وعاد لو م شفتها مع اللي م يخافون الله كان صار الي بينزل روسنا كلنا
نادها وخرجوا ..
بدون م يلتفت عليها : كلمي اي وحده تجيب لك ملابس عشان تبدلين اللي عليكك
مسحت دموعها وبنبرات الم هامسه : جوالي مو معاي
رفع جواله واتصل ع لمى ..
وصله صوتها : محمد
محمد بهدو وحزم : جيبي لي جوال همس وملابسها وقابلني تحت بسرعه
لمى بتردد : محمد اسمعني
محمد عصب : جججيبي اللي قلت لك عليه وبس
لمى : طيب طيب
قفلت منه واتجهت غرفه همس ..
وجمعت بعض ملابسها ..
واخذت جوالها من مجلس الحريم ..
اللي كانت انظارهم عليها ..
وخرجت وهي تركض ل محمد ..
ناولته الشنطه وجوال همس ..
ارتمت بحضنه وهي تبكي : والله اعرفك مممستحيل تسويها والله ي محمد م اتحمل بعدكك لاتتركني
محمد رفع راسها وباس جبينه بحنيه : من الي قال اني باتركك وضحكك
لمى بابتسامه عريضه : جججد
محمد : والله م اتركك وليش اتركك وكل يوم بكلمك
لمى بفرحه : يخليك لي
والتفت ع همس : وانتي م تبين تسلمين علي
همس فتحت يدينها وضمتها بقوه وهي تبكي ..
ومن بين شهقاتها : لمى طلبتك قولي لامي والله ابوي ضلمني والله م صار بيني وبين محمد شي والله تكفين وصلي لهم
لمى بعدت عنها ومسحت دموعها : كلنا عارفين بدون م تقولين اي شي
همس بفرح : جد
لمى ابتسمت لها : والله لاتشغلين بالك
محمد : يلا معسلامه انتبهي لنفسك ولامي وابوي ومهند واكيد م بقاطعكم وباضل اكلمكم
لمى : الله يحفظكم
التفت ل همس : يلا
اتجهه لسيارته لحقته همس وركبت بكل هدؤ..
تناظر ب الشوارع وهي تبكي من الداخل ..
التفت لها كان بيسالها بس لاحظ يدينها ..
تضغط على بعض بقوه موضحه المها ..
م حب يسالها لانه عارف الاجابه ..
وقف عند محل وطلب لهم وجبات خفيفه ..
ركب ومد لها الكيس واتجهوا لفندق ..
يا ليل خبرني عن أمر المعاناة
هي من صميم الذات ولا أجنبية
هي هاجس يسهر عيـونـي و لا بات
أو خفقة تجمح في قلبي عصـية
هي صرخة تـمردت فوق الأصـــوات
أو ونة وسـط الضمايـر خفـية
أو عبرة تعـلـقت بـيــن نظرات
أو الدموع اللي تسابق هميـة
أعاني الساعة و أعاني مسافـات
و أعاني رياح الزمان العتية
و أصور معاناتي حـروف وأبيـات
يلقى بها راعي الولع جاذبية
و لاني بندمان على كـل ما فـات
أخذت من حلو الزمان و رديـه
هذي حياتي عشتها كيف مـا جـات
آخذ من أيامي و أرد الظلمه
--
**
جالسه بالحديقه ومتلحفه ببطانيه خفيفه ..
كانت بتقوم بس حست بحركه خلفها ..
التفتت وبصدمه : رائد
رائد لا رد
فزت عنده ودموعها تسابق خطواتها وبهمس : رائد نسيتني نسيت لما كنت تقولي ي جنوني نسيت لما كنت تجيني عند الشجره
رائد وبنفسه * ي روحه انتي م نسيت بس عشانك بانسى * لارد
لمى من بين دموعها : تكفى ي رائد لاتنساني تكفى احبك وم اقدر ع بعدك ، تتذكرني طيب !
بغصه : ل ل لا م اتذكرك ابدا
وقفت دموعها حست بجمود بكل شي فيها ..
طال الصمت بينهم وعيونهم تناظر بعضها ..
تشكي لبعضها بس للاسف م في فائده من حكيها ..
ركضت لداخل الفلا وصعدت لغرفتها ..
مطنشه ميهاف اللي تناديها ..
دخلت الغرفه وأرخت بجسمها على الباب..
وحطت يدينها على فمها تمنع نفسها لاتشهق وتبكي بنحيب..
غصب عنها أختنقت بدموعها..
والعبرة حرمتها من الهواء..
مشت بعجز وجلست بزاوية الغرفة..
دفنت راسها بين ارجولها ..
وبكت بنحييييب..
وكل ماكتمت شهقاتها أختنقت أكثر..
مدري علامي صرت
ضايق ومليت...!!
قعدت أفكر في زمانن
مضالي...!!
سالت دموعي فوق خدي
وصديت...!
صدت حزينن غربلته
الليالي...!!
لاشك أنا منساك مهما
تناسيت...!
وذكرياتك بذكرها كل ماضاق
بالي؟
- ي ترى ليش رائد يتظاهر فقد الذاكره ! -
**
--
**
كلمت نواف وطلبته يخرج هو ومهند ورائد تبي تكلم اعمامها شوي ..
وبعد اصرار كبير منها قبلوا طلبها ..
دخلت بكل ثقه : السلآم عليكم
الكل : وعليكم السلام ورحمه الله
رغد جلست بكل هدؤ : ابي اتكلم بس اتمنى م احد يقاطعني . والله قلبي يتقطع لاني انا اللي اعرف كل شي
ابتسم ابومحمد ع كلامها حس ب الفرج بس م يعرف ليش هالاحساس ..
رغد تنهدت وبدت تحكي لهم : كنا بنسوي حفله صغيره انا وهمس ولمى بمناسبه قومه رائد ب السلامه وذكرى ميلاد نواف وقسمنا الشغل بيناوكان ع همس تنزل السوبر ماركت اللي جنبنا المهم طلعت بعد م لبست وتسترت ولبست حجابها بس كان بوجهها محمد الللي رفض م تطلع الا وهو معاها او احد معاه وقال بيروح يبدل ملابسه ويرجع هي عصبت منه لما قال لها عاد تعرفون كيف همس م تحب احد يتامر عليها وخرجت بس ضلت الطريق وكان بيعتدون عليها 2 بس محمد اللي كان يدور عليها تضارب معاهم وانقذها من الذائب الي كتت بتعدي عليها وهي والله م سوا لها شي بالعكس انقذها وبس
ابو محمد وقف : متاكده ي بنتي
رغد بثقه وملامح جديه واثقه : والله م قلت الا الصدق واللي صار
ابو فهد التفت لابو نواف : ها ي ابو نواف وش قلت
ابو نواف لارد
ابو فهد : تكلم ي خوي
ابو نواف طلع جواله وكان يتصل بس لارد
رفع نظره لهم : لا يكلمهم احد لحد م تهدا الاوضاع شوي بعدين نتفاهم
وقف وخرج من المجلس بدون م يزيد اي حرف ع كلامه
رغد التفتت لاعمامها : بتردونهم ! تكفون م نقوى بعدهم عنا
ابو فهد بابتسامه : يبه ي رغد م احد يقسى ع ضناه ! بس تهدا الاوضاع وان شاء الله كل شي يصير بخير
رغد بابتسامه : ي رب
وقامت سلمت ع راس عمها ابو محمد وابو فهد وخرجت والبسمه م فارقت شفاتها
- ونقول أن شاء الله ترجع المياه لمجاريها ! -
**
--
**
رغم جو التوتر الطاغي بالمكان من دخلوا الفندق..
إلا إن كل واحد منهم يحاول قد مايقدر يكون على طبيعته..
انتبهت ل نظرات محمد اللي كل شوي يوصله إتصال او رسالة..
تجاهلت كل شي ونزلت راسها ع يدينها ..
حس ب توترها ف وقف واخذ جاكيته ..
قرب منها واخذ جوالها وسجل رقمه باسم محمد ..
: سجلت لك رقمي اذا تبين شي كلميني م بطول نص ساعه وانا راجع
وناولها جوالها وخرج..
رفعت راسها بعد م خرج وهي تناظر بالفراغ..
مو مستوعبه اللي صار كيف يرمونها اهلها كذا ..
ومع مين ! مع محمد ضنوا ففيني ورموني ..
طيب كيف يرضون اجلس معاه بغرفتين لوحدنا
ومابينا شي !
ي ربي خلاص بينفجر راسي من التفكير..
وقفت ورمت شالها و جكيتها ع الكنب وهي لابسه البدي الهاينك والي يدينه حفر لوحده ..
دخلت دورة المياهـ ودموعها ع وجهها ..
بكت وحاولت تكتم شهقاتها..
بس من كثر ماكتمت صوتها أنغصت بـ الهواء..
وبدت تسعل بصوت عالي لحتى استفرغت بتعب..
رجع ياخذ مفتاحه اللي ع الطاوله بس سمعها ..
اتجهه للحمام وبخوف صار يضرب ع الباب ..
سمعت ضربه على الباب يناديها..
غسلت وجهها وتمضمضت ..
طلعت من دورة المياهـ ..
ولاردت عليه لما سالها عن حالها ..
خجلانه من لبسها ..
توجهت لصاله ولبست جاكيتها وهي تصد عن نظراته ..
دخلت الغرفه وم سمعته : اكيد خرج
انسدحت على الكنبه وهي تحس بـ البرد ..
ولاقدرت تتحكم في دموعها اللي تنزل من غير صوت..
حست فيه جلس جنبها ومسك يدينها البارده وهو يضمها لصدره ..
محمد : والله احبك..وماتهونين علي..
أبيك تكونين مطمنة ومرتاحة..
ماهو عشاني كثر ماهو عشانك..
فزت وهي ترجف : طيب ترا م بيننا شي عشان تسوي كذا
وبرجا وهي تناظر بيدينها الي بين يدينه : فك يديني
محمد : انتي زوجتي اللحين يحق لي اسوي اللي ابي
همس بفهاوه وملامح جاممده سحبت يدينها منه : هاهه
محمد باستغراب : م تعرفين !
همس برجفه اكثر : كيف تتزوجني وانا م اعرف
محمد باستغراب اكثر : م بصمتي !
همس تذكرت ونزلت دموعها : الا بصمت بس م كنت اعرف انه زواج
محمد وقف وجلس بطرف السرير مستغرب : كيف يعني زوجك بدون م تعرفين وضنوا فينا ضنوا السوء وم تقبلوا يسمعون رائينا
همس مصدومه من كلامه م صدقت ..
وكانت بتكلم اهلها ..
وقفت تاخذ جوالها من ع التسريحه ..
بس فقدت توازنها وطاحت ..
فز لها وشالها وهو يضرب ع وجهها خفيف : همس همس
لارد منها..
دور بشنطتها عطر ورش بيده وقرب من انفها ..
فتحت عيونها ببطا وبهمس : ابي مويا
ركض يجيب لها مويه ..
وساعدها تشرب : بسم الله
جلس عندها يقرا عليها تقريبا ربع ساعه لحد م رن الجرس ..
اتجهه للباب وبعد دقائق رجع وبيده اكياس ..
وبابتسامه : غصب عنك تاكلين م اكلتي طوال اليوم
همس تحاول تحبس دموعها : مو مشتهيهه ابدا
التفت عليها ومد لها الصحن بس رفضت
اخذ الصحن وبدا ياكلها غصب عنها لحد م انتهت صحنها رفع الاكل وبدل ملابسه..
التفت لها كانت مقفله عيونها بس من حركتها عرف انها مونائمه..
تسطح ع السرير جنبها..
وهي حاولت تبتعد عنه..
حس فيها وشد يده عليها ..
ولما شد يدهـ عليها..
هدت وهي تصبر نفسها بالي تحفظه من القران ..
وغمضت عيونها ترتجي النوم ..
احاول اخفي احساسي .
ولاكن بالعشق مفضوح .
تشوف الفرحه في عيني .
وحبك بالعقل والروح.
احبك حب ما اقدر اعاند فيه احساسي .
لقيت الحب شي اكبر من اخاذ انفاسي.
حياتي امرها بيدك وحبي سيدي وسيدك .
وعمري ما ابتدء قبلك وعيدي في الهوى عيدك.
حبيبي عمري لك والروح وقلبي في العشق ذايب.
فدك الروح ورح الروح ياربي تبقى لي دايم .
معاك الدنيا شي ثاني .
معاك الدنيا ذي احلى .
ومهما كانت الدنيا .
معاك احلى اكيد احلى .
تخيل دنيا من غيرك او لحظات .
من غيرك انا ما اشوف .
في الدنيا وبقلبي احد غيرك .
احبك حب ما اقدر اعاند فيه .
احساسي لقيت الحب شي اكبر من اني اخذ انفاسي .
**
--
**
حبتها كثير تحس انها طيبه وودودوه ..
تحضيراتها وحركاتها ومعرفتها لادب الاسلام ..
و تدل ع محبتها العظيمه ل خالد ..
قربت من غلا وناولتها صحن حلا : تفضلي ي جميله
غلا ابتسمت لها : شكرا
وناولت الصحن الثاني خالد وهي تهمس له : زوجتك جميله لكنها ليست اجمل مني
من سمعها خالد وهو يضحك ضحك متواصل
استغربت غلا ضحكه بس م تكلمت
العجوز كاترين ب ثقه : لما كل هذا الضحك لما اقول الا الحقيقه
ناظر ب غلا وتكلم معاها بالعربي : تقول انك حلوه بس هي اجمل منك
غلا انصبغ وجهها احمر وضحكت ضحكه خفيفه..
باسها ع خدها وهي يناظر ب العجوز كاترين : لن يضاهي جمال زوجتي احد
وضم غلا لصدره ..
غلا تحس بالخجل والخجل الاكثر من كاترين اللي كانت تبتسم لهم..
العجوز كاترين : اتركها انظر اليها كيف هي خجوله جدا
بعدها عنها وناظر بوجهها اللي كانت منزلته رفعه وهو ييضحك : كل هذا عشان بس ضميتك وارسلت لك بوسه ..
غلا لارد
العجوز كاترين سحبت غلا : ءالم تفهم لقد قلت لك انها خجوله كثيرا ارفق بها ايها المجنون
خالد بضحكه : هذه زوجتي وانا حر بما افعل
العجوز كاترين سحبت غلا بابتسامه: اريد ان اعطيكي شي هيا
غلا ناظرت ب خالد بتساؤل تروح او لا..
خالد ابتسم لها : روحي معاها
صعدت معاها ودخلتها غرفتها
وهي تاشر لها ع كرسي خشبي : اجلسي هنا
غلا هزت راسها بالايجاب
فتحت دولابها وطلعت منه صندوق ابيض مخملي فيه شريطه ع شكل ورده بطرف غطاه
ناولت العجوز غلا : نذرت ان هذه ل زوجه ابني الذي لم ارزق به ف اصبح خالد اابن لي منذ زمن
ابتسمت غلا ع كلامها ..
كاترين : فقد كنت اجهز له بفتره مكوثه هنا عرائس لكنه لم يرضى كان يقول اميرتي تنتظرني فقد كنت اصمم م بهذا الصندوق لزوجه خالد خصيصا لا لغيرها وكل هذا من تصميمي
غلا بابتسامه عريضه : شكرا جزيلا شكرا
العجوز مدت لها الصندوق : تفصلي ي جميله
غلا بابتسامه عريضه : انتي الاجمل
ضحكت عليها كاترين بصوت عالي واخذت بيدها ونزلوا ..
خالد : لماذ تضحكون وانا لا
العجوز : وما شانك
خالد بضحكه وبالعربي : شكلها معصبه
وقف وهو يضحك : والان س نرحل فطائرتنا بعد 3 ساعات شكرا لك ع الاكل الللذيذ
العجوز : تستحقان اكثر من ذلك
غلا : شكرا ايتها الجميله
ضمتها كاترين : ودعا ي صغيرتي
خالد بضحكه : لا تحتضنين اميرتي فهي لي فقط
العجوز وهي تمسح دموعها : س افتقدكم
خالد بابتسامه : ونحن ايضا ولكن نعدك ان ناتي لزيارتك مره اخرى برفقه طفلا
العجوز بابتسامه: حقا
خالد : اجل ف اميرتي تحتضن طفلا
كاترين ضمتها : مبارك مبارك ي عزيزتي
غلا اكتفت بابتسامه خجل ..
خالد ابتسم : والان وداعا
ومد يده لغلا الي مسكتها
العجوز : انتبها لنفسيكما
وخرجوا..
**
--
**
محتاره لفت المجمع كله وم اعجبها شي ..
ورنا تعبت معاها وتكسرت رجولها من كثر م مشت ..
رنا بتافف : افنانوه شوفي لك حل ترا م صارت لفينا المجمع كله وم اعجبك شي
افنان : انا عجبتني فساتين هادئه كثيره بس عاريه مرهه وم اقدر البسهم ب الملكه صعبه البس قدامها عاري وكذا
رنا بقهر ومن بين اسنانها : يعني م اشتريتهم عشانهم عاريين
افنان هزت راسها بالايجاب
رنا وقفت : وين الفساتين اللي اعجبتك بسرعه
افنان دخلت المحل القريب منهم : شوفي هذا اعجبني مرهه بس عاري
كان اصفر فاتحح حيل طويل وع جسمها وبدون اكمام ( توب ) وظهره مفتوح ومن الصدر كرستالات خفيفه
رنا : كم مقاسك
افنان : مستحيل البسه
رنا : ظهرك ويدينك بغطيها شعرك وشكله حلو ليش تتركينه وكمان عاجبنك
افنان بتردد : لا ا
رنا بقهر : بتاخذينه بتاخذينه
واخذته وحاسبت عليه ..
سحبتها رنا لمحل اكسسورات ..
رنا جلست ع الكرسي : بسرعه اختاري تكسري ظهري
افنان بتافف : طيب
وبعد فتره حاسبت وخرجوا ..
رفعت جوالها واتصلت ع رقم تحفظه عدل
: ي هلا والله انتهيتوا
رنا : ايه واللي يسلمك لاتطول
: من عيوني
رنا بابتسامه : يسلم عيونك
وقفل منهم وهو متجهه لهم
دخلت واخذت هتان من طلال ..
وباسته ووهي تضمه : قلبي انت اشتقت لك
افنان بضحكه : م مداك تشتاقين له بس ساعتين
رنا : وساعتين شوي
طلال حرك وهي يضحك عليهمم ..
**
--
قبل م يخرج تذكر فهد..
وصعد له بسرعه ياخذ الدرجتين بدرجه ..
فتح الباب : فهد
فز فهد بخوف : وش صاير !
فيصل : قوم وقت العلاج بسرعه شوف الورقه ع التسريحه
فهد تنهد : خوفتني ، ي خي م تعرف تدخل بهدو! تدخل لي دائما كانك بمداهمه
فيصل ضحك : فهدوه قوم سو علاجك وتمارينك عندي اجتماع بيفوتني وانا اهذر معاك وخرج
فهد رجع الحاف ع وجهه : الله معاك
سحب فيصل لحافه ورماه بالدرج وطلع ..
فهد بصراخ : فيصلوه رجع اللحاف
فيصل لارد
فهد فز واخذ دش سريع ولبس ..
ونزل بالصاله يسوي تمارينه ..
: مس فهد
التفت له فهد
: ماذا تريد ع الافطار !
فهد جلس : الفطور المعتاد
: حسنا
تمدد ع الارض وورقه التمارين بيده ..
وهو يطبقها بتعب شوي ..
- أن شاء الله يتحسن مع العلاج -
وبس انتهى البارت ..
لاتنسوني من تقيمكم ^ ترا يزيد المحبه في القلوب ههههههههههههههههههههههههه هه يزيد والا ينقص ههههههههههههههههههههههههه ههههههه اضحكوا ترا الاجازه بدت تنتهي ..
ودي لكم هتون الغيم ..