اخذتني أمل ورديتني ألم - 12&13 - بقلم عاتبوني - مكتملة | روايتك

البـــارت الثاني عشر والبارت الثالث عشر في المدرسه الثانويه والمتوسطه سوا خرجت وهي حامله بقلبها هموم الدنيا كلها شفت قدامي عيون صديقتي خلاص ماباقي شي على زواجها يارب يهنيها ويسعدها طالعت فيا بنظرات تسأول :كيف اختبارك : زين : ليش وجهك كذا : من السهر : متأكده انو من السهر : ايه من السهر عشان الإختبار : مدري ليش احس مو ذا السبب : عيون قلت لكي ذا السبب : شوي يقول الأسامي صح : ايه الحين ينادو الأسامي ليش يتروحي بدري ايه خلاص بخرج طالعت في ديما الي جاتنا تجري كعادتها :هلااا ديماا : ياهلا والله فيك : ميار كيف اختبارك : زين وانتي كيف اختبارك : تمام : وش كان عليكم : علووم : اهاا : اسمعي ميوره ابيكي توصليني بيتنا اخوي احمد مايقدر يجيني سكت لحظه ذكرتني بأحمد الي يهددني نفس الأسم سبحان الله طالعت فيها بأبتسامه : ولايهمك حبيبتي ان شاءالله بوصلك في ماليزيا الساعه وحدهـ ماجاني نوم بعد الي صار لأغلى انسانه عندي جنون نامت بعد ارهاق وتعب وديتها المستشفى وكان عندها نزيف حاد حسيت بالذنب لو اني كنت معاها ماكان صار الي صار رحت ادور جسار بكل مكان لكن مالقيت لكن والله ثم والله ماراح يفلت مني جنون نامت بعد معاناه كل شوي تدوخ وتتعب وتبكي وتنهار هي مو ناقصه هم فوق همها حاس ان مثل جبل فوق راسي انا حميت جنون كذا مره والحين جيت متأخر بعد ما انتهى كل شي بعد مافقدت حياتها جسار خلاها تفقد رجولها في المره الأولى في المره الثانيه خلاها تفقد اهم شي وبفقدانها رجولها اشياء ثانيه فقدتها طيبتها ضحكتها كل شي فقدتو حاولت ارد كل شي راح من جنون لكن صعب لأن جنون كلها اتغيرت ماصارت جنون جسار خلاها حتى تكره جنس الرجال انا متأكد بعد الي صار راح تكرهني اكثر حسيت بصوت تنهيد التفت على جنون وكانت تغمض عيونها بشده وصار كل شوي يعلى صوتها بالغرفه هدوء ونظراتي متعلقه بحبيبتي وصرخات جنون بكل الغرفه قربت من عندها : جنون لا رد قمت اهزها : جنون جنون قامت مفزوعه وبعدت شوي عني طالعت فيها بأبتسامه ابتسمت لي ببرود بحزن بألم بأبتسامه مخلوطه بدموعها رسمت ابتسامه جافه كلها هم توتر قلق خوف قربت منها اكثر واول ماقربت رمت نفسها بحضني ودخلت في دوامه بكاء كانت ماسكه ببلوزتي بقوه بقوه فضيعه كأنها طفله وماسكه بلعبتها لاتضيع : سعد لا تتركني مره ثانيه يا سعد كلماتها ألمتني حسستني بالذنب اكثر عذبتني كان ودي اصرخ بأعلى صوتي واقول "اسف: لو كان اسفي يغفر لي الي صار : اسف جنون اني تركتك انا السبب ابتسمت ابتسامه هاديه تحمل كثير من الغموض : انت مالك ذنب هذا ربي كاتبو يصير كذا طالعت فيها من غير ما اتكلم واقول شي طالعت بعيونهاالغارقه بالدموع وشعرها المتناثر على وجهها في سيارة "ميــار" كانو ميار وديما جالسين بالسياره من غير مايتكلمو احترام للسواق طبعا ابو صقر جاب سواق جديد بعد ماتزوج سعد واشتغل كان السائق هندي شافت ميار هيئه فله جميله رغم صغر حجمها الا انها كانت فخمه ورايقه بالشباك الكبير البارز بوسط الفله لاحظت ميار يمتد اصباع ديما حول الفله اتكلمت ميار وهي تخشن صوتها من اجل السواق : ملاك هذا بيتكـ : ايه هذا هو : محمد هذا هو البيت وقف هنا : ميار اخرجي معي سلمي على امي ودها تشوفك : خلاص ان شاءالله خرجت ديما بعبايتها المطرزه بلون اسود تطريز خفيف ولحقتها ميار عند الباب فكت ميار غطاء وجها وديما مثلها دخلو البيت لكن مرورا بالحديقه الصغيره رسمت ميار ابتسامه زائفه على وجها الطفولي اول مادخلتها ديما بالصاله الفخمه بكنبها المدموج بألوان برونزيه : ميار انا رايحه انادي امي اتفضلي هنا جلست بالكنب واخذت اطالع بالنقش الموجود بسقف الغرفه كان غريب نقش فروعني مره حلو نزلت شيلتي من على راسي ونثرت شعري العودي على وجهي وجات خصلات منه على شفتي المصبوغه بقلوس وردي لامع حصلت مرايه كانت بنص الصاله قربت منها عشان اتأكد من ترتيب شكلي وانا منهمكه بتصليح شعري لاحظت بخيال شخص ورايا التفتت لقيت شاب كان يطالع فيه بنظرات مافهمتها ويرسم على شفته ابتسامه غريبه على طول مسكت شيلتي وحطيتها على راسي ونزلت راسي : انتي ميآآر كنت ساكته مو متعوده اتكلم مع شخص غريب علي وسؤاله كان غريب اشلون عرف انو انا ميار يمكن ديما قالت له : وش فيك ماتردي حسيت بشي غريب صوت ابدا مو غريب علي رفعت حواجبي وانا مصدومه الصوت مر علي بس مو عارفه فين : اسف مشي وتركني "احمد" لما شفتها و شفت ردة فعلها اول ماشافتني ونزلت راسها بذاك الوقت اتأكدت انها محترمه حسيت بالذنب بتأنيب الضمير وبكل شي كانت الدنيا تدور فيا وانا اطالع بوجها وبنظراتها الحزينه اتذكرت اختي ديما ممكن غيري يسوي فيها مثل ما اسوي بميار لانها بنت محترمه ومالها ذنب بس انا مو قصدي شرير انا بس كنت ابي اتعرف عليها اكثر انا ما حطلع قدام جنون ضعيف راح اكمل الأسبوعين وبعدين راح اتركها بحالها لانها ماتستاهل وانا واقف عند باب بيتنا قطع على تفكري صوت خطوات مر من قدامي سواد يمشي بشموخ عرفت انها ميار تمشي بشموخ ومن داخلها مكسوره في بيت ابو صقر الكل فرحان بخطبه صقرو لليلى كانت الفرحه مو سايعتني لما جاتني موافقه لليلى من الوالدهـ ويومـ الخميس الشوفه حسيت في قبضه بصدري بس ماعرفت ليش بس احس بسعاده لا توصف دخل ابوي وقعد معاي على طاولة الطعام الخشبيه و تكسب لون بني قاتم وكراسي مكونه من ست كراسي لي فتره صرت اتغدا واتعشا معاهم اول عشان جنون كانت معنا بالبيت فصار انا وعمي ابو جنون وعمي عبدالله نتغداء سوا بالحديقه طالعت بوجه ابوي ذا الملامح القويه ابوي كان يتصف بشخصيه قويه وكان يملك جسم طويل وبشره سمراء اتكلم ابوي وهو عاقد حواجبه : وين خواتك قاطعتنا منار بصوت مرح : هنآآآ يا ابوي ميار بالطريق اكيد قرب من ابوي وسلمت على راسه ويده : كيف حالك منوره : الحمدلله يا ابوي : ماقمتي تروحي الجامعه : خلاص يا ابوي اختبرت وخلصت احنا نخلص قبل المدارس : وين اختك : الحين اكيد جايــه بعدها بدقائق دخلت علينا ميار بهدوء وبوجه لايفسر لا ملامح فرح ولا حزن وجه صامت لا ملامح له بدون ابتسامه : السلامـ عليكمـ قربت هي بعد من ابوي وباست راسه ويده ميار عادتها مو كذا دايم تجي وترتمي بحضن ابوي وتسوي ازعاج قبلها ابوي بأستغراب وبحواجب مرفوعه لشدة الذهول : كيفك يابنتي بهدوء وجفاف: بخير يا ابوي : كيف اختبارك عساك حليتي : الحمدلله جات امي وجهز الأكل الكل جالس على الطاوله ونظراتي ماتحركت من ميار معقوله ذا كله من الأختبارات عمرها ميار ما اهتمت بالأختبارات قطع علي صوت ابوي : ها يا صقر ان شاءالله يوم الخميس فضي نفسك : ان شاءالله يا ابوي ميار ببرود غير طبيعي : ليش ايش عندكم يوم الخميس : ايش فيك يا ميار يوم الخميس شوفتي على لليلى ضحكت ضحكه غير طبيعيه: اهاا ايه اتذكرت مررره نسيت "ميار" كنت تعبانه من جد ولازم اطلع غرفتي عشان عندي اختبار ولازم اصحى بدري اذاكر قمت من مكاني وانا شايفه نظرات اخوي صقر مافارقتني خفت يجي يسألني وش في لكن ابتسم ابتسامه طمنتني قمت وانا احاول ابتسم ابتسامه طبيعيه : ياللا انا طالعه انام ورايا مذاكره وقفني ابوي وهو يطالع بنظرات بعيد لجهة جدار منقوش ببيتنا : فيك شي يا بنتي مثلت دور وحده مستغربه من سؤاله وجوابته وانا ارسم ابتسامه كبيره : لا يا ابوي بس الإختبارات عشان كذا : اهاا اجل الله يوفقك قمت من مكاني وانا استغفر على الكذب الي كذبتو طالعت فيهم بنظرات طبيعيه شلت نفسي ورحت غرفتي عند غروب الشمس وبدأء صوت المؤذن يعلو للأعلان عن صلاة المغرب هذي هي ريما ماسكه جوالها الجديد مطلعته من غير مايدري اخوها ماجد تتكلم وهي تلعب بأحد خصلات شعرها وتبتسم ابتسامه لها معاني كثيره قالت بدلع وميوعه : انت وش جالس تسوي : مو جالس اسوي شي افكر فيك : ياعمري حتى انا افكر فيك : فديتــك : فديت الي تفداني : حبيبتي ابي اكلمك كآآآم : ياعمري انت ماتعرف وش صار : وش صار حياتي : ياقلبي اخوي كشفني ذاك اليوم وانا ابي اعرض لك وجاء ضربني كان عناد يبتسم ويقول بداخله احسن تستاهلي : يوووه يا حياتي كملت وهي تمثل البكاء :واخذ الاب توب حقي ورماه وكسره والجوال هذا انا مطلعته من غير مايدري : ياعمري اخوكي ذا يقهر : ايه الله ياخذه يارب يوقعه بمصيبه يارب انصدم عناد من تفكيرها مهما كان ذا اخوها : طيب حياتي والحل : الحل ياقلبي انك تصبر الى ماطلع لاب توب جديد : طيب ياعمري انا لأجلك بصبر وبصبر بين اصوات الناس وازعاجهم كنت انا وامي بسوق اشتري اشياء لازمتني للزواج طبعا امي كل يوم تسألني دق عليكي زوجك طلال وجوابي لا لانه طبعا ولا مكلف نفسه يدق عليا كنت اطالع بالمحلات وتقريبا الأشياء الي اشتريتها كلها فساتين وبناطيل جينز اشتريت فستان اخضر ستان قصير وضيق على الجسم كلاسيكي ومن عند الصدر قطعه ملتفه بالرقبه وبوسط الفستان حزام كبير اخضر وانا امشي مع اومي : هدى شوفي ذا الصندل ما ينفع لفستانك طالعت فيه : ايه والله ينفع تعالي ندخل دخلت المحل اخذت الصندل لانه بجد كان خيالي ومره حلو لونه اخضر كلاسيكي هادي طالعت بالسعر 300 ريال اخذته على طول وحاسبت خرجت من المحل وانا خارجه وكنت منهمكه ومشغوله بالأكياس ما انتببهت الا وانا ادق في رجال رفعت نظري وليتني مارفعت نظري شفته بطوله وعرضه وجسمه الرياضي وبشرته السمراء الرائعه طلاآآآآآآآآآل كنت اقول لنفسي لكن من غير ماادري طلع صوتي شفت الحرمه الي معاه وهي تطالع فيا ومفجوعه : حبيبي ذي تعرف اسمك وش دراها طالع فيا وهو مستغرب: مين انتي انا ارتبكت ماكان ودي يطلع صوتي كان بيني وبين نفسي اشلون طلع بصوت عالي نزلت راسي وبنطق كلامي الا وامي جايه ومعاها بعض من الأكياس : هدى حبيبتي وينك يوما انتبهت امي لطلال وتحسب انه بكلمني تركتني ومشيت :اجل انا اسيبك حبيبتي لاحظت نظرات طلال القاسيه ونظرات مرته كانت كاشفه الوجه وحاطه مكياج لكن خفيف لكن منظرها مره يقهر كانت مو جميله مقبوله و سمارها شديد وعيونها صغار ممتلئة الجسم قالت بقرف: هي ذي هدى طالع فيا طلال وقال: ذي طريقه انك تدقي في الرجال عشان تشبكيهم وتضحكي عليهم صدمه جرح الم ودمعه بطرف عيني نزلت راسي بالأرض ما ابيه يشوف دموعي لكن لمحت شبح ابتسامه على وجه زوجته مشيو وتركوني اصارع جرحي واحاول اداوي نفسي اعطيه مبرر يخلي يقول كذا بس انا الي اخترت انو يعرف بالماضي وانا اتحمل نتيجة غلطي خسرت عبدالله مابخسر طلال لانه بالنسبه ليا اختبار لازم انجح فيه قمت من نومي بعد ما ارتحت عشان اقوم اذاكر مسكت جوالي لاشعوريا ثواني ودق الجوال كان المتصل "ضيآآعي" : الو : الو : كيف حالك : الحمدلله : ان شاءالله حليتي زين : ايه الحمدلله : احمد : نعم حسيت من صوته انه غير مدري كيف حسيت بس في شعور مخليني احس انه غير : صليت المغرب سكت شوي وبعدها قال: لا : طيب انا بقوم اصلي واتمنى يا احمد انك تصلي مابقول عشاني لان ادري مالي خاطر عندك لاني مجرد شي جالس تحاول تلبي رغباتك فيه بقول عشان ربك ثم والدينك واهلك رد بعد يمكن دقيقه وهو ساكت : خلاص ان شاءالله بقوم اصلي ولايهمك الحين اروح قفلت من احمد وكانت هذي بدايتي انا ناويه اغيره يعني اغيره في جها اخرى قفل جواله وجلس لحظات ماسك الجوال ويطالع بالشاشه حط الجوال بجيب بنطلونه الجينز وخرج من غرفته عامله فيها امي قلك ايش قوم صلي ايش لها صلاح فيا اصلي ما اصلي هذا شي مايخصها خرجت من بيتنا وانا افكر في ميار ينقال يعني بتتحكم فيا هيا مالها صلاح فيا ايه مالها صلاح طلعت ريموت السياره من جيبي ضغطت زر فتح السياره ودخلت حطيت غنية راشد الماجد " اجيبه" بأعلى صوت وقفت عند اشاره وانتبهت للسياره السوده الي واقفه جنبي كان فيها بنات كاشفات وحاطين علبة مكياج ثلاث بنات وحدهـ متينه شوي وثنتين وسط كان معاهم سواق هندي طالعت فيهم ورفعت حاجبي وحدهـ منهم طلعت جوالها واتأشر فيه ليا مدري ليش للحظه اتذكرت ميار اتذكرت شكلها اول ماشفتها وغطت نفسها هذا وهي ماتدري انو انا نفسو احمد الي اهددها ياربي قد ايش هي غير عن البنات التفت للجها الثانيه قامت البنت فتحت الشباك : ياحلووووووو ابي رقمك تكفى ماصدقت الأشاره صارت خضراء مشيت على طول وهذي كانت اول مره اشوف بنات وماارقمهم مدري كنت حاس بشي غريب الساعه وحدهـ الليل بكوالا لامبور هذا اليوم كان موعد رحلتنا وعودتنا للجده اخيرا راح نرجع بعد الي صار لجنون حجزت اول طياره لنا تودينا جدهـ بعد ماعرفت من مصادري الخاصه انو جسار سوا فعلته ورجع جدهـ جنون مازالت متأثره وودمعتها متعلقه بعينها ماتروح خرجت من الحمام وهي تطالع فيا : عطيني ملابسي خليني انا اطبقهم :لاعيوني ولايهمك انا اسويهم : سعددد لاتكون عنيد هات "جنون" قربت من عنده وشديت ملابسي من يده طاح بيدي الفستان الي كنت لابسته بليلة الحادثه دارت بذاكرتي ذاك اليوم لاااااااااا اترررررررررركني : كوني مطيعه وفكي ملابسك : لاااااااا الله يخليك انا متزوجه اتذكرت كل شي كلامو همساتو نظراتو لمساتو :لااااااااااااااااااااااا� �اااااااااااااااااااااااا اااااااااااا قمت انتفض وانا في مكاني حسيت الي صار كأنو صار معي اليوم انتبهت للجنون الي قامت تصرخ وهي تشق الفستان الي معاها وتبكي بشكل مو طبيعي : حبيبتي وش فيك : ارميييييييييييييييييييييي يييه الفستان ارميه ما ابيه احرقه سوي في ايه شي مسكتني وحضنتني بكل قوتها : اكررررررررررهو يا سعد انا اكرهو دمررررررررني ياسعد دمرررني : جنون حبيبتي انا حلفت لك اني مابتركو هو الحين بجده قلت كلامي اريحها لكن رجعت تصرخ : بجدددددددده لااااا اذا تركتني بجيني كلمتها ذكرتني بغلطي لو اني ماتركتها ماكان صار الي صار اتنهدت وانا كاره الدنيا وكل شي جالس بغرفتي وادور جزمتي السوده ياررربي مو وقتها تضيع اتأخرت على الشغل جالس ادور بكل مكان بالدولاب بالأدراج تحت السرير بكل مكان اهيييييييييييييييه لقيتها لبست جزمتي واخذت نظارتي وخرجت من الغرفه مستعجل قابلت منار في طريقي : عمووو شوبك انتبه لا تتقربع : قربعو وجهك ان شاءالله : لاااااااا الا وجهي مصدر جمالي : اقول لايكثر يا جينفر : انا مستعجل بروح تركني ومشي عني وانا رحت اطالع في المرايا بشكلي انا احلى من جنفر هههه "عيون" كنت بغرفتي انقز والفرحه مو سايعتني سلماآآن بيجي سلماآآن بيجي يس يس يس فتحت دولابي الأبيض الكبير وانا محتاره وش البس طلعت لي بنطلون جينز وبدي ملون ومشجر وطلعت شال ملون بعد جلست احوس بغرفتي وادور فتحت شعري الاسود الطويل وهو كان يوصل لظهري اخذته من شعري شوي ولميته بشريطه لونها احمر لان البدي حقي ملون لكن اغلبو احمر حطيت كحل اسود وماسكرا بلشر وروج احمر لبست ملابسي وطالعت بشكلي بالمرايه برضا مشيت وخرجت من غرفتي هذي اول مره يجي فيها سلمان من بعد ماملكنا دايم اهلي كانو يفشلو واذا جاء مايخلوني اقابله وانا بطريقي للصاله عشان انتظر زوجي قابلت اخوي رائد: على وين ياعمتي ضحكت بطفوله وانا حاطه يدي على فمي من كثر سعادتي انو سلمان بيجي وبخجل قلت: سلمان بيجي : ومين وافق على انه الأخ سلمان يجي :امي قالت لي انها موافقه وانو هي بتجلس معانا : لا ياشيخه اقول تبي تقابلي روحي البسي عبايتك طالعت في وانا مصدومه وعيوني ماتتحرك من الصدمه: كيييف : الي سمعتي روحي البسي عبايتك : ما ابي : الي تبين اقول روحي البسي عبايتك ولايكثر وانا الي بجلس معاكم بدأت عيوني تذرف الدموع مابليد حيله رحت لغرفتي لبست عبايتي وانا مقهوره هذا زوجي يا ناس زوجي ياااااااربي اوووووووف "لليلى " سمعت صوت ابوي ثواني وفتح باب الغرفه كان واقف على الباب شوي وقال : شوفتك يوم الخميس صقر جاي يشوفك تسنعي وان قلتي وش صار معاكي قبل ياويلك ويلاه خرج وقفل الباب وراه بصوت عالي ليييش ذي المعامله انا مالي ذنب يا ناس مالي ذنب دخل عليا اخوي عمر وهو يبتسم : للووووووووووشه لا تزعلي يا عمري من ابوي هو خايف عليكي : اشلون يبيني ما اقول لصقر بلي صارايه وبعدين اترمي عندكم : حبيبتي صقر ماحيسويها ياقلبي حتى لو دري بالعكس شيلي ذي الأفكار من راسك : طيب انا كاسره خاطري مها عمر: ليييش : خاللد والي سواه فيها : خلاص مها نسيت لا تذكريها بعدين مهاوي مية واحد يتمناها صدقيني ياعسل : يارب ارزقها يارب : والله يوفقك ياعروووووووووصه هههه : هههههه : ياللا انا رايح تأمرني بشي : سلاآآمتك في السياره مع اخوي صقر متوجهين لبيت ورد اخت ناصر عامله حفله بمناسبة تخرجها من الجامعه وعازمتني انا وميار طبعا ميار عندها اختبار اعتذرت انا عاد لازم اروح :صقر: هي طيب اخذت نتيجتها عشان تسوي حفله : لا بس عشان خلاص خلصت جامعه ليت في جنون كان انبسطت : ايه صح نسيت اقولك : وشو : ترا سعد وجنون اليوم ركبو الطياره جاين جده لاشعوريا قمت اصفق بيدي : يس يس يس طالع فيا بنص عين وكأنو يقول متخلفه : بالله عليكي انتي كبيره انتي : ههههههههههههه اقول روح يا الشايب : شايب بعينك الا صح تعاااااااااال : انا عندك اشلون اجي اقعد جنبك يعني ولا كيف هههه : لا خفيف دم اليوم ههههههه : وكل يوم : اسمع ريان وينه مااسمع له صوت : راح بيت امه : اوووما ليش وش عنده : ماجد اخوه بسافر وقاله تعال اجلس بدالي عشان خواتهم ياخذون بالهم منهم :طيب الحين سافر ماجد : لا لسا بس ريان عشان ياخذ على الوضع والله مدري عنهم : الحين ماجد قلك ماخذ باله من خواته ولايدري هم وش يسوووون : ايش يدريكي يمكن دري ومو قادر عليهم عشان كذا قال لريان : اهاا يمكن : اقول تقلعي وصلنا : اوووووه والله شكرا خيو ميرررسي وانا خارجه من السياره قلت بصوت واطي : ياللا تقلللللللع قفلت الباب وخرجت على طول وقفت عند البيت ودقيت الجرس واسمع صوت ورد من خلف الباب :مييييييييييييييين؟ : انا منار فكي الباب : مين منار : انا منار ياكلبه فكككككي : اقول على الله على الله يعطينا ويعطيك يا حجه : يا هبببببببببله فكي وجعااااااااااااه : ياحجه ربنا كبير ربنا كبير هههههههه انا وقتها عصبت وجع الله ياخذها : يابقررره فكي وجع فكت الباب واتخبت ورا الباب : ياحقيرررررررررررررررررررر ه : ههههههههههههههههههههههههه ههه : ساعه وانا برا : حبيت اضحك شوي :هبله وربي خفت انخطف جات بغرورها كالعاده : وليش تنخطفي من الجمال يعني ياربي ذي وش جابها ماعندها اختبارات : يووووووووه العنود هنا ماعندك اختبارات انتي : الا عندي بس عشان اخت نصوري حياتي اسيب كل شي في ذي الحظات ابتسمت لي ورد وهي تغمز لي : طيب تعالي نسلم ولا ماتبي العنود: لا انا بطلت اسلم خايفه من انفلونزا الخنازير قلت بسخريه: خنزير يخاف من انفلونزا الخنازير هههههههههههه خلود اخت ورد: ههههههههههههههههههههههههه قسم حلوه حبيتها مشيت العنود وتركتنا وماعبرتنا : البنات جو يا ورد : ايه كلياتهم وربي وناسه شكلنا بجد راح ننبسط : ان شاءالله وربي انا مره متحمسه برقص رقص ههههه خلود: ايه حتى انا منار: اقول روحو لاتوقفو هنا انا لسا بضبط نفسي واجيكم اوكي : اوكي طيب ولا يهمك بس تعالي الحديقه احنا هونيك اوكي بسرعه تعالي لان شوي وبندخل عشان الأغاني والرقص اوكي : اوووووووووكي راحو وتركوني كنت لابسه بنطلون جينز رمادي وبدي فضي وشال فضي ورمادي وكنت حاطه كحل اسود وشادو فضي واسود وروج احمرر حسيت بطني تعورني قلت ادخل الحمام طولت وانا في الحمام كثير وانا خارجه طالعت بشكلي بالمرايا وانا ابتسم مشيت وشلت شنطتي معايا كان بيتهم حلو و كبير رحت متجها للحديقه انتبهت انو هدوء مافي احد وانا خارجه للحديقه وماشيه بهدوء ادورهم كان الهواء حلوو مره ويداعب خصلات شعري عيوني تدور بالحديقه الي شكلها خاليه ومافيها احد انتبهت لشي ابيض واقف قدامي طالعت بجزن بألم وانا اشوف الشخص الي قدامي هوووووو ايه هوو يطالع فيا وماشال نظرو عني عيني بعينه واقف قدامي ونظراته كانت غريبه مااعرف افسر نظراته ليتني اعرف افسر وشلون ماأحبك ولا عدت مغليك ............... وانت الدوا لـ انسان دونك يعاني و وشلون رحت وكل صوتي يناديك ............... ياهيييه اسمعني ترى العمر فاني ماقلت لك من قبل ماني مخليك ............... ياكيف تنساني ــ وقلبك نساني ؟ كتبت لك في صدر الايام ... ابغيك ............... وكتبت لي :.. خلاص غيرك خذاني حتى جدار الصمت لو التفت فيك ............... بكيت من صمته .. وضيق الثواني عشقت كل لحظات عمرك وماضيك ............... ومعك : عرفت ان الأماني .. أماني وسويت لك في داخلي شي يرضيك ............... وان كان مايرضيك ؟؟ ... سويت ثاني نزعت فرحت خاطري .. ليت تكفيك ؟ ............... وزرعتها في داخلك .......... ماكفاني ضحكت لك وآنا من الحزن أسليك ............... وحبست دمعي لجل أقدم حناني وصديت وقت الضيق .. مابيك مابيك ............... تشوفني أضحك .. وأنا اللي أعاني ياهـ الزمن تكفى - طلبتك - وأرجيك ............... لاتبخل بـــ وصل الحبيب الـ أناني قد قلت له : مقدر أفارق وأحاتيك ............... وقد قلت له : هـ البعد ياما كواني لكن حسافه كل صوتــن يطريك ............... ياما معا نفسي ذكرتك .... أغاني بـ ايديك كل اللي حصل اييه بـ ايديك ............... بديت احسك شي ... خااارج زماني ودامك زرعت انسان غيري بـ أراضيك ............... فـ أنا ماحب يكون غيري ..... مكاني بـ تغيب ؟ غيب ولكن اسمع محاكيك ............... قبل السفن تنوي بــــــ هجر المواني في خاطري كلمة < ويمكن > تبكيك ............... ابيك تسمعها / . دقايق عشاني لو الزمن يعطيك - ماهوب معطيك .............. شخص يحطك بين عوج المحاني !! هذي الكلمات جات في بالي اول ماشفته التفت بمشي احس ودي اروح ودي امشي من هنا بسرعه كل مااشوفه احس بحزن بقهر والم مشيت وتركته وراي لكن استوقفني صوت :منآآآر تكفين استني حسيت الدم وقف بعروقي حسيت في شي غريب جالس يصير جلست واقفه انتظره يتكلم عشان رجولي بدأت تخوني وهو جلس دقايق وماتكلم وبالنسبه لي كانت ساعات لان في كل دقيقه قلبي يتعذب بين الهدوء والهواء الي يجول بالحديقه رغم الهواء الحلو الا من شدة توتري احس انه قمت اتصبب عرق اتكلم وبدأت نبرة صوته توضح : منار شي واحد لو انك سويتي سكت كأنه جالس يجمع كلامو سكت وانا كان ودي اعرف البقيه التوتر باين عليه بس ايش الي يبي يقوله لي بالضبط وش في بيني وبينه عشان يجي يكلمني كمل كلامه وزادت نبرته وضوح :شي واحد لو سويتي كان الحين انا وانتي متزوجين واقفه مثل ما انا ومعطيته قفايا كلامه سبب لي جمود زادني حيره صدمه ذهول نتزوج ليش وكيف نتزوج وهو اختار العنود بين البنات كلهم في لحظات حسيت انه سكران ولا مريض سمعت صوته الرجولي مره ثانيه : لو انك قبل ما اتزوج العنود رديتي على الرقم الغريب الي دق عليكي كان جاوبتيني واتأكدت انك تحبيني والله كان سويت المستحيل عشان اخذ ك انا انظلمت مع العنود تعرفي يعني ايش انظلمت انا للحين اتخيلك انا للحين احبك كنت ارتجف من كلامه من اعترافه المتأخر بالنسبه لي لو خلى اعترافه بقلبه كان افضل رجع يكمل الي يحس فيه والي نفسه انا احس فيه : انا بكل مكان اروحه اشوفك اوقات اشوف العنود انتي واوقات اقارنك بالعنود وانتي اكيد الكسبانه انا انحطيت بموقف صعب انا انجبرت على العنود انآآ احبكـ التفت عليه وعيوني كلها دمووع كلامه المفروض يفرحني لكن قهرني ذبحني بكلامه لانه بوقت غير مناسب كلام راح وقته وانتـــهى: جيييت متأخر الحين جاي تقول لي بعد ايش : بعد ما انا تعبت بعد ما انقهرت وصارت حياتي جحيم بعد مااهانتني زوجتك كذا مره سكت شوي خنقتني العبره ورجعت اكمل كلامي بعد ماكنت تبين لي انك تحبني واخذت غيري كنت اقول انك تحبني من نظراتك ليا كل ماتشوفني وفي النهايه اخذت العنود اكثر وحده انا كنت احكيها عنك واقولها اني احبك والحين صارت تقهرني فيك جآآآآي الحين تقولي احبــك انهرت جلست على الأرض وغطيت وجهي بكفوفي الصغيره : انت جيت متأخر متأخر متأخر قرب مني وجلس على ركبه : منار انا مستعد اتزوجك والله صدقيني انا انجبرت على العنود :كفاااااااااااااااااااااا� �اااااااااااااايه بس خلاص ياروميو وجوليييت على طول اتوجهت عيوني على البنت الي واقفه بوثوق بشمووخ وغرور قربت من عندي وانا جالسه على الأرض تطالع فيا من فوق :يا ماما يا منار كم مره قلت لك لاتخذي شي مو حقك وطالعت في ناصر الي كان يطالع فيها بنظرات عصبيه نظراتو كانت نظرات واحد واثق مو نظرات واحد خايف : انت ليا مو لغيري وتحمد ربك انو فكرت اتزوجك :تبغاها خذها بس اعرف انو ذا الخير الي عايشين فيه خيررر ابوووووووي قمت ووقفت طالعت فيها بنظرات استحقار اشرت عليها بأصباعي : انا ما اخذ شي لكي انتي خذي ياحلوه اشبعي في ماعاد ينفعني : اقوووووووول انتي وهي جالسين تتكلمو وكل وحده ترميني على ثانيه خير ان شاءالله ليش قلم انا قلم : العنود لا خير ابوك نبغاه ولا شي منك نبغاه من زمان وانتي تعايرني بذي الكلمه ومن زمان وانا ودي اقولك شي : انتي صارخت بأعلى صوتي : لااااااااااااااااا اسكت لا تقول شي انا ما ابي اكون سبب في طلاق زوجين ولعلمك اذا طلقت العنود تعرف اني راح اكرهك وماراح اقبل فيك لو جيت تتزوجني حتى لو كنت احبك لان مهما كان ذي بنت خالي من لحمي ودمي حاولو تتقربو من بعض وتفهمو بعض وحاول يا ناصر تحب العنود لانها من داخلها طيبه وحاولي يا العنود تهتمي بناصر وانسي كل شي سمعتي اليوم مشيت وتركتهم الأثنين مشيت وانا قلبي مكسور ضحيت بنفسي لأجلهم عشان يعيشو سعيدين ويارب ما يطلقو لاني بحس بالذنب كنت فرحانه بلي قلته خصوصا اني كبرت في نظر نفسي اول كنت استحقر نفسي لاني احسد العنود لكن الحين انا فرحاانه بلي سويته حتى لو كان على سبيل سعادتي طلع ناصر يحبني بس جاء متأخر وش بفيدني حبو اللحين"اذا نحب شخص لازم نضحي عشآآنو" فتحت جوالي وانا امشي وجلست وفتحت اغنية اليازيه وقمت اررد وراها خلاص ببعد ودرب الـود سديتـه واليوم رّوح و قلبي راح بسكاتـه روّح وهذا طريقـك الـي تمنيتـه ما عاد باقي لقلبـي غيـر ونّاتـه انتهـــى البارت الثاني عشر والثالث عشر تابعوني بالبارت الجاي انتظر توقاعتكم تحليلاتكم انتقاداتكم وكل شششششششششششششششي هذي اخر بارتين عندي يعني بكره الجمعه مافي شي " احبــكم" الكــاتبه:عاتبوني