part 03
💕💕💕💕💕💕
هاجر بتهمس لجنة وهي متنرفزة:
"أمّك هتخلي أمهاتنا كلنا تلبس علينا اسود… الله يخرب بيتك يا شيخة!"
جنة:
"اسكتي يا هاجر… أميرة هتحلّها."
هاجر:
"تحل وسطك انتي وهي! أنا إيه اللي ودّاني الصُحوبية الهباب دي؟ أنا مالي ومال وجع القلب!"
جنة:
"وربنا لو ما اتلمّيتيش لهضربك… اخرسي بقى!"
إيمان وهي متعجبة:
"لا معلش، أنا مش قاعدة ساكتة. هي عرفته إزاي وامتى؟ حد يفهمني! ولا إحنا نايمين على وداننا؟ اتكلم يا فؤاد!"
أميرة بسرعة:
"يا طنط افهمي… هو شافها قدّام المدرسة الثانوية، وجِه طلب رقمها من الزفتة بسنت بس، وخلاص."
فؤاد ساخر:
"باين عليه راجل… ماحبش يلف ويدوّر، فجأة كده برافو! عشرة أيام يعرفو بعض وداخل البيت من بابه."
أميرة:
"هو بصراحة عايز يدخل رسمي. النهارده هييجي ومعاه أبوه وأمه وإخواته."
إيمان:
"النهارده؟! خلاص… هكلم إخواتي يجوا من البلد."
جنة قربت من أميرة وهمست وهي مرعوبة:
"أبوس إيدِك… لو خالتي وخالي جم أنا هاروح في ستين داهية! خلّيها ما تجيبهمش دلوقتي… أنا عايزة الواد ده."
أميرة:
"يا طنط مينفعش تجيبي العيلة كلها. نجيب حد قليل كده… مثلاً عمها الكبير بس."
إيمان:
"هي أصلاً ماعندهاش غير عمتها جيهان وبنت عمتها ميار وابن عمتها خالد… من ناحية أبوها يعني."
أميرة:
"حلوين يا طنط، يبقوا هم دول. وإحنا مش هنجيب كتير… هو هييجي بأهله وبس: أبوه وأمه وإخواته. كده تمام."
إيمان:
"ماشي… قومي يا بنتي دخلي مع أصحابك يجهّزوكي."
جنة بابتسامة:
"من عيوني."
💕💕💕💕💕💕
جنة دخلت أوضتها وبتتنطط من الفرحة، فجأة صوت رسالة على الموبايل.
كانت من عمرو على الماسنجر.
فتحتها بقلب بيرقص، وقرأت:
> "أنا فرحان قوي قوي إني جاي دلوقتي أحط إيدي في إيد أبوكي واطلبك.
أنا بحبك يا جنتي.
الخطوبة بعد أسبوع… وبعدها كتب الكتاب والفرح.
بحبك يا جنتي."
بسنت قربت منها واتنهدت:
"يا لهوي على الحب! يا جدعان! مبروك يا جنتي."
جنة بسرعة:
"اتلمي! هو الوحيد اللي مسموح له يقول لي يا جنتي"
أميرة:
"يلا يا بتاعة عَمرو… تعالي نجهزّك يا حيوانة!"
جنة قربت من أميرة، وبدأوا يجهزوها.
وبعد شوية… جرس الباب رن.
جنة قامت… وصرخت بصوت عالي.
الكل بصّ لها بخضة.
💕💕💕💕💕💕