لما القلب يسبق العمر - part 02 - بقلم kianna - مكتملة | روايتك

💕💕💕💕💕💕 هاجر: «هو قصدك الكلام الزفت اللي قالت ده دلوقتي؟ هو كان في بالك إحنا هنقول له كده؟ حتى لو هنقول لك كده، أو أنا هقول لك كده، هقول لك علشان خايفة عليك ومش عايزاك توجعي قلبك في علاقات دي.» جَنَّة: «أكيد مش قصدي الهبل اللي قالت ده! دي متخلفة، هتاخده على كلام واحدة متخلفة. يا جماعة، ما قلتيش لأي حد. وعلى فكرة، أميرة كانت عارفة كل حاجة.» أميرة: «ما تدخليش أميرة في كلمة مفيدة! أنا ما كنتش عارفة غير نقط بسيطة من الموضوع اللي هو كان بيعاكس في الأول. أنا اللي أعرف إني لو وقعتِ على بوزك هتحطي راسنا في الطين.» بسنت: «المهم، سيبيك من كل ده… رومانسي في الآخر.» أميرة: «أقسم بالله لو ما اتلمتش كف إيدي على وشك.» إيسل: «نهاية القصة إيه؟ عشان نعرف إيه اللي جاي.» جَنَّة: «جاي يطلبني، وأنا بصراحة عايزة أقول لهم بره… هقول لهم إزاي؟» هاجر: «طبعا، أنا خايفة يسألوكِ اتعرفتي عليه إمتى وإزاي وفين، صح؟» جَنَّة هزت راسها بمعنى: «ايوه.» أميرة: «تعالي ورايا… أبوك وأمك أكيد بره. تعالوا بقى ورايا وهتشوفوا أنا هعمل إيه.» خرجت الخمس بنات لبره، وكانت إيمان وفؤاد قاعدين مع بعض وبيأكلوا فشار قدام المسرح. اقتربت أميرة من الريموت ووقفلت الشاشة، وقالت: «أنا آسفة إني طفيت الشاشة كده، بس في موضوع حابين نتكلم فيه.» إيمان: «عادي يا حبيبتي، ولا يهمك. اقعدي وقولي لي، عملت إيه في الجامعة؟ اتقبلتِ؟» أميرة: «أيوه الحمد لله اتقبلت. وعلى فكرة، جَنَّة وإيسل وبسنت وهاجر اتقبلوا في الجامعات اللي قدموا فيها. يعني: جَنَّة في حسابات ومعلومات، إيسل برده مع جَنَّة، بسنت معايا، هاجر في تربية. ايوه كلنا الحمد لله اتقبلنا، بس احنا موضوع مش موضوع الكليات، موضوع حاجة تانيه.» إيمان: «قولي يا حبيبتي، قلقتيني… خير؟» أميرة: «هو خير يا طنط، وكل حاجة… وهتفرحي بجد.» إيمان: «يعني في حاجة هتفرحني بعد الشهادات بتاعتكم في الثانوي؟ لو في يا ريت.» أميرة: «أه اه اه اه…» إيمان: «في حاجة بتوجعك يا أميرة؟» أميرة: «لا أنا كويسة… بقول لك أه، في حاجة هتفرحك قوي كمان، وهتنسي أي فرحة… بعد كده جَنَّة جاي لها عريس، ومش بس كده… ظابط!» إيمان: «نعم!» 💕💕💕💕💕💕