الفصل 23
*⌯{📚}↵روايه#| يَ أول مُواليِف قلبيِ،واخـر حُب! .*
*⌯{✒️}↵للكاتبه#|حليِمه،عبد.السَلام.ai.
*⌯{📜}↵ البَـــارت#| الثــالـث والعشَـرون²³ ↓.*
〰️〰️〰️〰️〰️〰️〰️
**
رابط قناة الڪاتبه حليمه عبدالسلام⇊
```https://whatsapp.com/channel/0029Vatlmi0DzgTIpXl79x1T```
〰️〰️〰️〰️〰️〰️〰️
استغَفر اللّه واتوبَ إليِه.
اللهمَّ اكفِنِي بحلالِكَ عن حرَامِكَ،
وأغْنِنِي بفَضْلِكَ عمَّن سواكَ.
اللهُمَ صلِ وسلم وبارك على سيدنا مُحمد🌷🤍.
☐اتمنىَ الروايهَ ماتلهيكمَ عن الصلاهَ!!.
____
يقول خالد عبد الرحمن :
اليا كسرت الغصن لا عاد تسقيه
ماعاد ينبت ولو ترده محله.
____
نڪمَل..
وقف سليمان وناظر وهاج الي اول ما تقابلت نظراتهم شتت نظره عنه : وهــاج!!.
وهاج خفض راسه ثم رفعه وعيونه مغورقه وهوه مايقدر ينسى العشره مايقدر ينڪر جميله عليه مايقدر يسوي مثل ماسواء تذڪر امه الي ارضعته وعواطف اخته ورنيم وش بيڪون وضعهم اذا عرفو لا مايقددر يڪسرهم ويڪون هوه مصدر ڪسرلهم قال بعد ماحس انه بينهار : لايروح مڪان وبغصه انا بطلع من الديره ذي مانيب قاعد فيها وبحده وراسه مرفوع بس بعد ما اخذ ڪل شي ولي وباسمي وانت واشر على عبدالله بنتڪ تڪون بذمتي اليوم قبل باڪر . .
عبدالله صرخ بغضب : تخسييييي والله ماتاخذها لو على قصصصصص رقبتييييييييي.
صيته بحده لو لدها : اقطععع وواخسسسسس دامه عفى عنك احمدالله واشڪره وبنتڪ ماهيب رايحه لرجال غريب ولا رجالن مايخااااف الله مثلڪ ومثل خويڪ لو انه واحداً ثاني ڪان مارضي إلى بـ القصاص.
شجاع ببتسامة سخريه وبرود : لو انها معى وهاج احسن لها من انها تعيش معى ابو مثلك ...
: اوصصصصصصصص انتتت ولا اسمع لڪ نفسسسس.
شجاع ابتسم بوجع وسخريه : زماااان يـ عبدالله وقت ڪنت بزر ڪنت تقدر تسڪتني بڪم طراق لاڪن الحين الشنب خط وجهي ماتقـدر تمشي ڪلمتڪ علي.
عبدالله بـ انهيار: تڪــلم ابوڪ ڪذاااااااااا
قاطعه شجاع بعد ماناظره وبحده: تخسيي تصير ابوي
صيته ضربت شجاع بـ العصاء: ولددد.
لف لها وبحده: لاتسڪتيني يـ صيته لاتسڪتيني ماعادني مسيلم المجنون الي تضحڪون عليه انا شجاااااااع شجـــاااااااع.
ڪل الي فـ المجلس يناظرونه بصــمت ورهبـــــه من الموقف
الشيخ دهام : اذڪرو الله يـ جماعه وانت يـ عبدالله نفذ الشرط وبنتڪ تصير فـ ذمة وهاج والحيييين وانت يـ سليمان ڪل الي عندڪ تڪتبه بـ اسم وهاج.
سليمان ناظر وهاج بـ انڪســار بس صد عنه ببرود وحقد ولف لشيخ : مانيب طالع الا وشروطي متنفذه وغيره مابي.
مطلق ڪان يناظر في وهاج وهوه قلبه يعوره ماتوقع ڪل هاذا من ابوه ماتوقع ابتسم بألم وحزن على حاله وناظر اخوانه وڪان مشعل قاعد وماسڪ يد حسين الي صحي من الاغمى الي صابه ..
الشيخ دهام : فز يـ فارس وجب المملك.
عبدالله بصراخ: قلتتتت مانيبببب معطيه بنتييي لو على قص رقبتييييييي سمعتتت انت وياااه احلممم تطول الريم يـ وهاج والله اني مزوجها رجالن غريب وبتشوف.
وهاج بسخريه : ماينوخذ طير وراعيه صقار ولا تنوخذ مهره وخيالها فارس واعلى مابخيلك ارڪبه ماخذها من فوق شواربڪ بعد.
عبدالله جن جنونه وقعد يتخبط ويصرخ لين وصل المملك وفارس الي راح يجيبه وانصدم من الوضع ..
وبعد دقايق قال الشيخ دهام: وششش قلتتتت يـ عبدالله.
عبدالله وعينه على الارض وحالته حاااله هز راسه بـ الرفض ..
عصب الشيخ دهام وقال بحده: ماهوب انا الي تنرفض ڪلمتي ولف نظره لشجاع وقال انتتتت اخوها ملك لها.
ناظره شجاع بصدمه وهوه يفڪر وش يملڪ لها وشش
الشيخ دهام هز راسه: اخوهااا ملڪ لهاا انت ڪوه.
عبدالله بصراخ : لااااا يـ شجاااع والله ان اتبرى منڪ والله شجااااع لااااااا.
نزلت الڪلمات على قلبه المنجرح مثل الملح غمض عيونه بئالم وتذڪر وقت عرف انه ابوه ووقت عرف انه ماڪان يبيه ولا ڪان يبي امه ابتسم بحزن وحقد وقف وقال عناد فيه : تم يـ شيخ.
عبدالله الي جاء يبي ينقض على شجاع وبصراخه بس قيدوه رجال الشيخ بڪل احڪام تقدم شجاع وقعد قدام المملك الي بيملڪ لريم ووهاج
الشيخ ناظر وهاج الي ڪان يناظر الفراغ ببرود وقال: تعالي يـ وهاج.
لف وهاج واخفض نضره لرجال القاعد وجنبه شجاع وڪان المملك شيخ المسجد ومطوع وفـ يده سبحه وختمه بثوب ابيض قصير ولحيه بيضاء وطاقيه بدون شماغ شتت نظره وبلع ريقه وتقدم منهم قعد يسار المملك بينماء شجاع على يمينه وڪان يناظر وهاج بتفحص عڪس وهاج الي ڪانت انظاره مشتته..
ناظرهم المملك وهوه متوتر ومستغرب من الوضع وابتداء بقوله : اعوذ بالله من الشيطان الرجيم بسم الله الرحمان الرحيم
( وَمِنۡ ءَايَٰتِهِۦٓ أَنۡ خَلَقَ لَكُم مِّنۡ أَنفُسِكُمۡ أَزۡوَٰجٗا لِّتَسۡكُنُوٓاْ إِلَيۡهَا وَجَعَلَ بَيۡنَكُم مَّوَدَّةٗ وَرَحۡمَةًۚ إِنَّ فِي ذَٰلِكَ لَأٓيَٰتٖ لِّقَوۡمٖ يَتَفَكَّرُونَ)
صدق الله العظيم ردد وراي يـ ابني
بلع وهاج ريقه وشد على يده ودقات قلبه متسارعه..
المملك: قول زوجتك اختي الريم بنت عبدالله على سنة الله ورسوله.
شجاع بنظرات قويه وبصوته الرخيم تنحنح وقال: زوجتك بلع ريقه وناظر وهاج ڪانه يقيمه هل يستحق اخته اخذ نفس وڪمل زوجتك اختي الريم عبدالله على سنة الله ورسوله
صراخ عبدالله بـ انهيار: شجاااااااع لاااااااااا والله ماتسلللللم منييي يـ شجاععع واللله .
سفهه شجاع وناظر المملك وهز راسه لجل يڪمل
قال المملك واناظره على وهاج : قول وانا قبلت بها زوجه على سنة الله ورسوله.
فرغ الهواء الي فـ صدره ودقات قلبه مو راضيه تنتظم فجاءه حس الدنيا فرحت له الشي الوحيد الي ممڪن يخليه يغفر لهاذا اليوم هوه زواجه منها : قبت بها زوجه على سنة الله ورسوله.
المملك ابتسم وقال: الفــــاتحه بنية إن الله يبارك لها ويجمع بينمها في خير ويجعل بينهما موده ورحمه ويرزقهما الذريه الصالحه ويبني بيتهما على الموده والتقوى.
عبدالله خااارت قواه وانهاار حرفياً قعد يبڪي على بنيته الي يدري بأنه ضيعها من يده خلاص.
رفع الجميع يدينه ومنضمنهم صيته ومطلق المبتسم بقلب موجةع الحسنه الوحيده الي صارت فـ هاذي اليوم ان اخذ محبوبته رفع يديينه ومشعل ڪذالك اما حسين مفهي ماهوب داري وش الي يصير حوله الا لين قرصه مشعل وصحى ع حاله ..
رفع وهاج يدينه ويحس الدمع تجمع فـ عيونه وصدره منشرح لو بيده يشڪر اليوم هاذا الي قدر ياخذ فيه محبوبته نسي ڪل شي من حوله واخذ يده يمسح بها عيونه لجل لاتنزل دموعه وقف وتقدم منه شجاع وحضنه وقال بهمس : امااانتك اختي يـ وهاج لاتحسبن يوم اني وافقت يعني رميتها عليك احذر تفڪر ڪذا انا خلفها سمعتت والله لو اشوف ولو لمعت حزن في عيونها ماتلوم الا نفسڪ اختي تحطها فـ عيونك ومهرها يجيها ماهيب ناقصه سمعتتت.
ابتسم وهاج رغم ڪل شي وشد عليه وبهمس مماثل لهمسه : فـ قلبي قبل عيوني يـ اخوها اخاف عليها من نفسي ومانيب مرخصها اندفن ولا تنرخص وان شاءالله اني قد الامانه.
هز راسه شجاع وابتعد عنه وتقدم منه مطلق بتردد بس وهاج ارتمى عليه وشد من حضنه بادله مطلق الحضن بدموع وشد عليه وبهمس وغصه: اسفف لڪل شي صار لڪ اسفف لڪل شخص اذا روحك ي اخوي.
شد عليه وهاج : لاتعتذر انت مالڪ ذنب ولا مشعل ولا امي ولا خواتي انتو مالڪم ذنب في افعاله ولااني ناسي جمايلڪم علي.
ابتسم مظلق بمررارة الشعور وهوه يحس انه خجلان منه رغم ڪل شي بعده يعتبرهم اهله ومافرط فيهم .
ابتعد عنه وتقدم من مشعل بس مشعل لف عنه ودمعه على خده ابتسم وهاج بألم وقال: هين يـ مشيعل اوريڪ.
ابتسم مشعل وسط دموعه وراح له يحضنه وبڪاء فـ حضنه شد عليه وقال بهمس: افاااا يـ مشعل افاااا تبڪي وانت الشنب خااط وجهك ؟!.
شد عليه وقال ببڪاء : قهري عليك ي خوي.
تنهد وشد عليه وقال : ماعليڪ ي خوي الدنيا ڪذا دايمه مرابيع وحياه.
ابتعد عنه وناظر حسين الفاهي ومايدري وش حصل ويحس نفسه فـ حلم
مشعل هز راسه: ماعليڪ منه ماهوب صاحي الحين.
هز راسه له وتقدمو يبارڪون له تحت انظار عبدالله الي ڪان منهااار حرفياً .
لف نظره بيقعد مڪانه وجت عينه على سليمان القاعد على الارض ويناظره بدموع بلع ريقه وشتت نظره وشد من قبضت يده رص على اسنانه بألم وقال: الشرط الثاني يـ شيخ.
هز الشيخ راسه وناظر سليمان الي اخفض نظره لثواني ثم قال : زين .
وبعد مرور من الوقت تنازل سليمان لڪل شي يخص وهاج ولڪل شي له فيه ومابقي لسليمان غير بيته وثلاثين راس من الغنم وراسين من الابل بس حتى المحل انڪتب بأسم وهاج وقف وهاج وقال لعبدالله ببرود: مانيب ناسي فعلتك انت وهوه لو تمر السنين يبقى ردي ردي حتى لاتجمل انا طالع من ديار الغدر ولاتحسبني طالع لجل فعلتكم لا والله اني داعسن على الغشيم ببقى انا رافعن راسي دامني ولد خلف طالع برضاي انا لان النفس لاعافت تعوف المكان بعد ماهوب بس الاشخاص طالع وراسي مرفوع لاني ادري اني ولد اجودي مامس الرذيله بطرف ولا له ب الخيانه والغدر صوب طالع ماهوب لجل الغشيمين طالع لجلي انا لاني ماودي تحوفني تراب الغدر والخيانه .
الشيخ دهام بحده: مانك طالع ي ولد خلف من تراب حفك ولفك من صغرك لجل ماضي نسناه ولا تنعثر خطاك عنده
وهاج برفعت راس : تخسي تنعثر خطاي لو يبقى بيني وبين الموت رمش عين ماخارت خطاي عني لاڪن انفس ودها برحيل ي شيخ.
الشيخ دهام ناظر سليمان وعبدالله بحده وقهر هوه عنده حساب ثاني لهم بس وده يقنع وهاج ان يبقى في ديرته وما عليه من احد بس وهاج نفسه عااايفه المڪان خلاص ماوده يبقى ويشوف سليمان وعبدالله امام ناظريه ڪل يوم ماوده يبقى ويشوف غادرين أبوه الي الڪل يشهد لطيبته وشهامته وڪرمه وعفوه ورحمته وف الاخير يلقى الغدر من اعز اخويها وماڪان يمثل ابوه الا سطر ذي قال "داويت جرحه يوم صڪته الأقدار
و ردّ العطا بـ جرح ماله مداوي "
يوم سانده واتڪى عليه فز اوقف معه وجنبه سانده يوم حدته الحياه على الغرق وكان ضايع في وسط صحراء الاقدار يوم اهلڪه العطش واشتدت عليه الامواج واغرقته كان هوه مرساه وعين الماء العذب الي اسعفه لاڪن وش الي سواه عض اليد الي انمدت له بدل لايطبطب عليها بدل لايشد عليها ويشڪرها عبدالله ڪان انسان اناني بفعلته وسليمان ماهوه بعيد عنه ڪل مايتذڪر ان ابوه مات مغدور مخذول يزيد قهره وضيمه ولو يعطونه اموال الدنيا ومافيها ماتنطفي نار جوفه ناظر الشيخ بقوه وحده وقال: هنا نهاية المطاف يـ شيخ انا طالع لاڪن لاتحسبني ببقى ڪثير .
اخـذ اوراقه ووثايقه وطلع من المجلس بثبات وقوه وراسه مرفوع ناظر الديره لدقايق مايدري وين يروح بس الي يعرفه انه لو بقي فيها ثانيه واحده يمڪن يموت من الضيم والقهر الي يحس فيه مشى من قدام بيتهم وماقوى يناظره وده يدخل ويرمي همومه على امه يدري بصدراها الواسع وحنيت عيونها باتحمل اثقال قلبه وهمومه بصدر رحب لاڪن مايقوى على دموعها لياعرفت انه طالع وتارڪها لضيم سليمان ماوده يشوف الدمع في عينها وقرر يخطو خطاه دون توديعها ويدوس على قلبه بڪل قوه ويمشي على مشاعر حنينه لها ويدري ان وقت بتعرف بـ الي حصل مستحيل تسامحه ڪان يمشي بدون مصدر مايردي وين يروح ابتسم بألم بينما تمتم بهمس وعينه الي جت على بيتها من دلته بوصلت قلبه له :مشيت أنا والـ عثرت إلي على بابك
وأنا وهللا وقوفي وقوف .. وعثرتي عثره وهالطيحة ماكانت إلى
على بابها ، القاسية
اللي حفظتها سر ما يظهر على العالم والـ ينقال وزرعتها بين تنهيد
الضلوع وبين غربالي ليه الوداع يخون سِلم المحبين
*وليه العزيز يروح من غير جيّه .*
مسح على صدره المغبون وشتت نظره عن بابها مايدري يدق بابها ويعاتب ولا يمشي دون التفات مشاعره متضاربه بين خذلان وسرور بلع ريقه وهوه يمشي عن بابها ونيته مايناظر وجهها ولا لاهداب رموشها ولا لسيف انفها ولا لغزال عنقها ولا لليل شعرها ويدري انها ماخذه من الحسن الڪثير والي بيعتب قلبه لا وقف قبالها وعشانه يدري ويحلف باغلظ الايمان انه مابيحرك من عندها غير معى باديت شروق الشمس وماهوه وقته المناسب ولا وضعه يسمح له مشى رايح لموتره وبيطلع تارڪها خلفه وتارڪ ڪل شي ماهوب هروب ابداً قد ماهوه يبي يأسس نفسه من اول وجديد بعيداً عن ديار الخداع والغدر رڪب موتره وناظر للامام بهدواء وين بيروح لمن بيلجاء ويرمي وجع قلبه وهموم الجبال الي اشتدت على اڪتافه لمن بيرميها تذڪر امه الحقيقيه وابتسم بشوق وحنين وغرقت عيونه دموع مايعرفها لاڪن ماينڪر انه يملڪ الحنين لها ڪونها امه الحقيقيه تنهد وعرف وين طريقه شد قبضت يده على درڪسون وقبل يحرڪ راح لشخص يبيع ويشتري فـ الحلال ماعنده الحين غير انه يبيع من الحلال ويتجه لوجهته الي بتاخذ منه وقت ماهوب قليل ...
وصل لقدام بيت الراعي الي بيبيع الحلال عليه ونزل من موتره تقدم ودق الباب وسمع صوت شايب بغيض قال: من هنا .
وهاج اخذ نفس وقال بهوداء: وهاج يـ عم.
فتح الرجال الباب وناظر وهاج لثواني ثم ابتسم وبداء يرحب فيه: يـ هلا والله ومرحب نورت يـ ولدي.
ابتسم وهاج بهدواء: البقى يـ عم بنورك.
الشايب: اقلط اقلط وانا ابوك.
وهاج : لا ياعم باروح مير جيت وانا ودي ابيعك من الحلال .
ابتسم بفرحه وقال: ابشر والله مير دخل وخلني اضيفك .
قاطعه وهاج باستعجال: شكراً يـ عمي وقهوتك مشروبه مير ماعندي وقت وودي اررح وراي خط سفر.
هز الشايب راسه بتفهم وقال : زين خلاص ادخل ع الاقل من الباب.
تنهد وهاج ودخل لداخل الحوش وناظر البيت البسيط واردف من شاف نظرات الشايب تحفه للڪلام: جيتك وانا ودي ابيع من حلالي وقلت مالي غير العم محسن ابيع عليه وش قلت.
ابتسم العم محسن وقال: والله ان الساعه المبارڪه وقتةاخذ من حلالك ي وهاج.
ابتسم وهاج بتعب وقال: زين عندي عشرين راس من الابل ابيعه عليك ويتاخذه انت بڪره من مطلق وش قلت.
محسن بعد تفڪير وهوه لو ڪان غير وهاج ماڪان اهذ منه وهوه بيعطيه الحلال ثاني يوم لاڪنه قال: تم.
بعد مده اتفقو على السعر واشتراء العم محسن الابل وقاله وهاج وش يقول لمطلق لا راح له لجل ياخذ الحلال منه ودعه وطلع من بيته رڪب موتره وحرڪ لوجه تذڪرها في نفسه بس مايذڪر طريقها حاول يتذڪر من وين الطريق بس ماش ماقدر يتذڪر زفر انفاسه بتعب ودنق راسه على الدرڪسون وغموض عيونه ويحاول يتذڪر ويعصر ذاڪرته مثل عصرت الغتره لعل بس يذڪر من وين يسري رفع راسه بعد ماحس انه عرف الطريق وشغل الموتر ودعاء ان الله يڪرن بعونه ويرفق بقلبه ويخفف عنه...
---
فـ بيت سليمان#.
ڪانت قاعده جنب امها ومستغربين استدعاء الشيخ لا ابوهم والاڪثر ان ڪل اخوانها هناك وقفت بعد ماشافت التوتر الي فـ المڪان وهيه تڪره الضيقه وتڪره الهدواء وقبل تطلع من الصاله نادتها عواطف
عواطف بحده: وين؟!.
رنيم ميلت شفايفها بضيف : بطلع فوق ضايقن فيني الوسيعه .
عواطف : تعالي هينا وخلي عنتس المرقعه.
مدت بوزها بضيق: عواطف الله يرضالي عليتس تڪفين الحال ماهوب حال امي منتظره وايدها عند قلبها وانتي منفسه وحالتس حاله .
ام مطلق بهدواء: خليها يـ عواطف.
سڪتت عواطف ورنيم راحت لغرفتها وڪانت بتطلع السطح بس تذڪرت ان امها يستحيل تخليها تطلع والجو بارد ڪذا وبذات بعد الودق الي هل على ارضهم ...
---
بيت عبدالله#.
ڪانت قاعد تنتحب على حياتها الي تلاتها العثرات من ڪل صوب قالت لها صيته عن زواجها من وهاج وهنا انهارت ماتقدر تصير ملڪ لا انسان ڪان بين ابوها وبين حد السيف ڪلمته والادها انه ڪان رافض رفض قطعي لسماح ڪيف هيه سمحت لمشاعرها تنجرف صوبه وڪيف ايقنت ان الشعور الي استحوذ عليها بقربه من ايام وشهور باينسلب منها بڪل هاذا العنف وهيه الي علقت فيه امالها وانه بيڪون لها الوطن لاڪنها نست ان الاوطان تسلب ماعمرها تمنت الوجع الي تحسها بعدوها شلون لاصار فيها ڪيف ڪانت مشاعرها وقت عرفت بخطبته وڪيف حست انه انهال عليها شعور عظيم رفعها لعالي سماء لاڪن تو ماتهنت فيه ألا وتنضرب باسفل الارض هيه واحلامها وقت تهلل مسامعها هرج ابوها والي من بعده عرفت ان اليالي السود تنتظرها هيه صارت له وملڪه من هدب رمشها لين قلبها ومشاعرها وحتى اسمها هوه سلب منها ڪل شي ممڪن تلون فيه باقي حياتها ماتنڪر انها شارهه على ابوها والعتب يملو قلبها عليه ڪيف قدر يخون خويه والضلعه وسنده بڪل ذي البساطه حتى وان له مليون عذر قلبها وعقلها ماهم قادرين يتحملو الاحداث الي حصلت ..
اما صيته الي ماحدن انتبه ان لسانها طب لسان عبدالله بعد ڪل ذي السنين وانها ڪسرت الحاجز لان الريم ترجتها ... ايوه ترجتها ونڪسر ڪبرياءه عند صيته وقت عرفت ان ابوها ممڪن يموت بڪت بترجي ودموع لجله وهاذا ڪان فتق لحلفانها الي احلفته قبل ١٨ سنه وبعده تڪلمت فيه معى عبدالله فـ المجلس ووصت معمت الاحداث دون لا احد ينتبه لها وبعيد عن ڪل الاحداث وضح كل شي للكل لاڪن محدن يدري للان من الي علم خلف عن سليمان وعبدالله وهل هوه ڪان يدري وينتظر اليوم الموعود ولا احدن قايل له العلم حتى صيته قعدت سنين تفڪر من هوه الطرف السادس الي يدري بـ الي صار غيرهم لاڪن بدون جدوا سمعت صوت الريم الي تبڪي وتنهدت باءساء على حالها وهيه ماتبي تقرب صوبها وتبي تخليها على راحتها دام اليوم هاذا ماذاقو فيه طعم الراحه...
----
جيتك على وضح النقاء يريش العين
وانتــه على اللفـــات تلـــوي ذراعــك
اما تجينــي مثــــل ماجيتــــك ابزين
ولا توكــــل واكفنــــا مــن خــــداعك
خيبــــت ظنــــي ياغـــــرام المحبين
شعني من اعمــــاقي نويت انتـزاعك
----
"بعــد مرور ثـلاثه اشهر"
أشرقت الشمس بديرة ، والكل شمر عن ساعده وأنطلق لشغله لجل يجني قوت يومه ، ابتدت الحراثات تحرث الارض
والفلاحين حوالينها ، بدؤو الرعاة يخرجون مواشيهم لجل ترعى
بالديرة الخضراء ، وبدؤو التجار يفتحون محلاتهم معلنين بداية
يوم جديد بربوع ديرتهم ، وعلى إثر ذلك انتشرو الوغدان بـ اثوابهم البيض وشناطهم الملونه لجل يجتمع ڪلن وخويه ثم يروحو للمدرسه الي اعلنت افتتاحها لسنه جديده من هاذا اليوم ضحڪاتهم وابتساماتهم تبعث لديره روح وبهجه وراحه وقت تتأملهم ڪيف لا وهم احباب الله والبرائه تشع منهم وڪل من مر من جنب تجمعهم حتى دعالهم بـ التوفيق والهدايه ليرد ڪلن منهم ببتسامة ثقه والاخر خجل ليعبر عن شڪره لدعوه صادقه من قلب طاهر وبعيداً عن اجواء الديره المريحه وبتحديد عند القلب المنخذل المتنزع امانه منه من شهور ..
قاعده على حصيره من عزف بنقوشها الخضراء وبين احضانها ثوب لجدتها تخيطه وترتق اجزاءه المنقطعه تتمنى لو تاخذ الابره الي فـ يدها وترتق اشلاء قلبها المبعثره او تلملم احزانها المندثره او تغطي ضيقها المنبعث من عيونها الي اختفى بريق الحياه فيها واصبحت خاليه منها ڪيف قدرت تلملم شتاتها وتحاول تبني حصونها المنهدمه بعد ليله ممطره ادمت قلبها وڪسرت ثقتها وڪبريائها وخارت قواها لايام ڪيف قدرو يترڪونها وسط ضلمت الطريق ووحشته ڪيف ابوها تخلا عنها وترڪها بسبب الڪلام المندس الي ڪان يسمعه من اهل الديره عنه وڪيف ان الڪل ماعاد يتقبله بعد ما عرفو بحقيقت فعايله وڪيف ذاك الي ادماء قلبها لجله ترڪها لسبب جرم هيه بعيده عنه وبريئه منه ڪيف اعتبرها وطنه ثم ترڪ هاذا الوطن للغزات والاستحلال من قبل الخذلان والحزن ڪيف قدر يخلي الشهور ذي تمر دون لايسئال هل تبقى لشهرزاد من القصص لجل تحڪيها له ولا البعد تسبب في نسيانها هل قدرت تتخطاء مرارت القصص ولا بعدها تعيش ڪل الشعور نحوها الوجع يفطر في قلبها ولارق ڪان الصديق الصدوق لها في هاذي الاشهر والدمع ڪان مصدر ترفيهها الوحيد في هاذي الايام وڪيف يڪون الدمع مصدر ترفيه للانسان؟! لاڪن هذا حال الريم من بعد ذاك اليوم الي انترڪ قلبها جريح يصارع الامه رفعت يدها النحيله والي صار جسمها نحيييل بشڪل ملحوظ الاشهر هاذي ورفعت شعرها والي اصبح ڪثيف وطويل بشڪل غريب ومبهر لانها ماقصته ابداً من ثلاث شهور لهلف اذنها وهيه حاطه ڪل ترڪيزها فـ الثوب الي فـ حظنها رفعت راسها على طلوع صيته بعصاتها المحببه لقلبها رغم انها قادره تستغني عنها لانها لسى بقوتها الا انها تحبها ودايم معاها شافت حفيدتها الي اصبحت عباره عن ڪومت مشاعر هشه وڪئابه قالت بهدواء وهيه تقعد على الحصير قدام الريم ..
: ياهلل صبـاح خير وعفو
ومغفرة ، وش نوحتس ؟!.
الريم رفعت يدها الي فيها الابره وهيه تشد عليها لجل يشتد الخيط ف الثوب ومن سمعت سوئال جدتها بقت يدها متعلقه فـ الهواء وانظارها عليها مرت ثواني صمت ثم نطقت بهدواء بعد تنهيده وهيه ترجع تخيط فـ الثوب : الصدر ضايق والسكوت احتواني والحظ مامن حظٍ وروحي تعيسه والله اني احاول ما اعاني لاڪن شوف عينتس يـ يمه صدودهم ڪانت حيل قوييه حييل .
ابتسمت صيته لها وهيه تدري شڪثر الريم تعبت فـ الاشهر الفايته ڪيف عانت من ڪلام الناس وڪيف عانت من وجع قلبها وڪيف عانت من فراق ابوها ولاڪثر من فراق محبوبها قالت بهدواء وثقل معروف فيها : يارب فرجها على ضايق الحال الي همومه في خفوقه دفينه.
ابتسمت الريم وعطفت الثوب بعد ماخلصته وقالت بهوداء: بدخل اجيب الفطور.
هزت راسها صيته بزين وهيه تناظر اختفاءها شافتها ڪيف اصبحت ڪسيره والذبول خيم على ملامحها وڪيف بعد ماڪانت تزهر بساتين السعاده عليها وعلى من حولها اصبحت زهره ذابله تحتاج اشعت الحب وماء الاهتمام لجل تزهر من جديد رفعت راسها لشجاع الي دخل للبيت وفـ يدينه اغراض لريم ڪل يوم على ذا الحال يجيب اغراض لها لجل يواسيها ويقعد عندها لجل يحمل من ضيقها ڪله ويخفف عنها همومها وهوه ملاحظ حزنها وماهوه عااجبه ابداً ماهتم وقت ترڪ ابوه الديره وحلف انه يهتم فـ الريم وهوه الي حسها ڪأنها بنته ويداريها فـ ڪل وقت سلم على صيته وهوه يصرخ ببتسامه لجل الريم تسمعه : ياهلل صباح مابه ڪدر وحظ يباريه السعد أنا إللي يخاف عليتس من جور الايام ، إللي يقول و أن بانت حدود الحزن في مالمحتس سرقت لتس من وجه الايام ضحڪه ..
ڪلماته البسيطه الي سمعتها وهيه طالعه وبيدينها الفطور وهيه تدري بأنه هاذا وقته لجل يجيهم ويفطر عندهم ويغير من نفسيتها كانت كفيلة بتحليه كل مر مرها ، وكل ضيق فـ صدرها تحمد الله على نعمته وهيه الي تقبلته بڪل صدر رحب وما مرت الثلاثه الاشهر الا واصبحت متعلقه في اخوها بسبب حنيته عليها وعطفه وان الشلون يغير مودها
اتسعت ابتسامته وهوه يشوفها مقبله عليهم بصحن فيه بيالت القهوه وشاهي والتمر والفطور حطتهم فـ الارض وقعدت وهيه تاخذ الصلاعه وتصب له فنجال قهوه
وقال ببتسامه : هللا والله با اخت الـشجاع والله ان ما يزيل إعماس راسي و يبعد كل ضيق غير تمره من يمينتس و فنجال قهوة .
إتسعت إبتسامتها من كلامه وهو أبتسم من إبتسامتها ، وناظر فـ صيته الي تناظرهم بحب وهوه يدري انها تحبهم واڪثر من ولدها ومثل مايقولون " اعز الولد ولد الولد " قال بضحڪه وهوه وقت يڪون عند اخته يخفف حدته وبروده لجل يبعد عنها الضيق ولجل لاينڪد عليها ومن يطلع من البيت يدخل فـ تبلده وجموده وحدت مزاجه الي بعد ماعرفو اهل الديره حقيقته تغلف فيهم : يايمه ان ڪان في راستس مواويل فـ الله يرضالي عليتس خليها بعيده عن موضوعتس ذواڪ.
صيته بنص عين : وش من موضوع يـ الشجاع هاه؟!.
ابتسم وحڪ شعر راسه من الخلف وقال : انتي خابرته يـ صيته.
صيته اخذت عصاها وضربته على ڪتفه شهقت الريم بصدمه وهوه عفس ملامحه بألم وحط يده مڪان الضربه وقال: ماهوب تسذا يـ الشيخه صيته انا رجالن خاط الشنب وجهي وعرضي يسد الباب تڪفخيني بعصاتس عيب والله.
صيته بنص عين: والله يـ الشجاع ان فعلتڪ ماتمر مرور الڪرام وانت تدري .
الريم اعتدلت بجلستها وقالت بـ استغراب: وش مسوي هاه؟!.
شجاع ناظر الريم بوهقه وقال ببتسامه: لا وانا اخوتس مير ذا..
وسڪت من قالت صيته لريم : يوم انقطع الماء من الديره وتدرين ان صرتو تاخذون الماء من البير ذوك و اخوتس الغرير" الطفل" راح وتهاوش معى خويتس رغد لجل ياخذ الماء قبلها ومن طفاقته اخذ السطل ورماه عليها بمويته وشرد قايل انه متشفق على مسيلم.
اتسعت عيونها بصدمه ماتوقعت انه مخفه للحين قالت: من جدڪ؟!.
شجاع بجديه : عاد والله اشتقت لمسيلم وببتسامه ويوم شفت التجمهر عندهم قلت خلني اقروشهن بمسيلم وبس والله.
صدح صوت ضحڪت الريم وهيه ماهيب مصدقه ان مسيلم عود لهم وقالت بعد مانزلت دموعها من الضحك الي خلاهم يسڪتون بفهاوه لجل انها ضحڪت ڪذا : الله يغربلڪ ياخي خلاااص الناس عرفت انڪ راڪد بلاها المعمه.
ابتسم من ضحڪتها وقال بهدواء: جعلها دوم جعل ماتذوقين الحزن وجعل ضحڪتس العذوب تبقى لطول عمرتس وانا اخوتس.
الريم ناظرته بهدواء وقالت ببتسامتها العذبه : خلك قريب مني والله ان ڪلمه منك تشرح الخاطر وانا اختك.
ابتسم لها بحب : هوه احدن يقدر يبتعد عن الورد والله اني ما اقواى افطر بعيد عنتس انتي والشيخه صيته فـ لاتخافي مانيب مبتعد .
ابتسمت له ومدت الفطور وسمو بالله متناسيين عبدالله وايامه..
---
وفـ بيت ڪان يملوه الڪئابه والحزن والصمت المخيم على ارجائه بعد طلوع وهج البيت منه اصبح لايحتمل بسبب عصبيت سليمان المفرطه وحدته وحزنه ومرضه المهلك الي بعد ذيك الليله تعب واصبح انسان ثا ا ا ا ني غير عن سليمان الي الڪل يعرفه وام مطلق الي دمعها مانشف من خدها بسبب فقدها لنور قلبها انصدمت من الي حصل وقت عرفت من عيالها قبل اشهر ومرت الاشهر والحزن مغرقها والڪره والحقد تحول اضعاف مضاعفه بدل الحب لسليمان الي ماڪانت متوقعه منه بسبب حبه لوهاج وڪيف وقت عرف اخوه ابوحسين انهار وقطع عنه وڪان بيطلق ربى من مطلق بس مطلق الي حلف مايطلقها وانه لايدخله بـ فعايل ابوه وتڪنسل زواجهم للاجازه لجل تڪمل الثنوي ومن بعدها يصير زواجهم اما حسين الي رفض يرجع للحجاز وقال انه مهما ڪان يبقون عيال عمه مالهم دخل وبيظل عندهم ورنيم الي حالها تدهور واصبحت تايهه وبدون حياه وعواطف الانسانه الوحيده الي قادره تتحمل ڪل الانهيارات الي حصلت بسبب ابوها . .
---
وفـ بيت فلاح ڪان الحال جداً عادي مرت الاشهر بين هدواء وراحه رغم الاحداث الي حصلت فلاح علاقته تحسنت معى ميثى الي ماڪانت تعطي فلاح اي وجه وتعب ڪثير معاها لين رضت عنه والرغد الي ڪل يوم مسنتره عند الريم لجل تخفف عنها وتونسها ..
---
وفيِ مڪان بعيد عن ديرة الدواسر ..
فــِ ارض الڪرام فـ ارض "حـائل" النديه ارض الحضـاره الاصيِله .. حائل التاريخ وتاريخ حائل .. العراقه وعراقة حائل.. جذور التاريخ الذي سطَر الفصول عنها
وعن اهلها ارض الجود والڪرم ارض الاهالي الطيبه والقلوب السمحه والنطق الحسن ستظل تضرب فـ الاعماق راسيه وراسخه وقد مرت عليها اجيال بعد اجيال لڪنها تظل وتبقى حائل المميزه..
في صَباح ڪان يشفع له القلوب وتجبر فيه الخواطر وتندس فيه الاحزان تحت ارفف النسيان انتشرت ريحة القهوه فـ ڪل بيت واصوات ضحڪ الاطفال المجتمعين والڪره تدحرج وسطهم بين رڪضهم لها وصراخ اصغر الاطفال فيهم ڪحڪم رغم عدم اهتمامهم له ڪونه اصغرهم وفـ جانب اخر مجموعه بنات اڪبرهم لا تتجاوز ٤ سنين بملابسهم مختلفه الالوان ولاشرط الملونه الي تربط فيه تسريحات شعرهم البسيطه وڪل واحده منهم تشد يد الثانيه على شڪل دائره يلعبو واصوات ضحڪهم ماليه المڪان والارجاء تحت نظرات الاڪبر منهم سناً بملابسهم المرتبه وابتساماتهم المفعمه بـ الحياه ينتظرو باص المدرسه فـ بداية يوم جديد لهم .. وفـ جانب اخر اصوات الرجال المتوجهين لسوق الديره الي يحتوي على ڪل انواع التجاره .. وإلى ذالك المجلس بابوابه المشرعه لڪل اهل الديره ولڪل الزوار مجتمعين فيه ڪبار الديره وشبابها بين سالفه وفنجال ..
ابتسم من ڪان يتوسط هاذا المجلس من شاف المقبل عليه بفروته وابتسامه باهته بملامح ذابله منهڪه والحزن الامع فـ عيونه رغم صلابت شڪله الخارجي الا انه قادر يفهم ولد اخته المحببه لقلبه من لمحة عيونه اتسعت ابتسامته من دنق على راسه يقبله وقال : صبحڪ بـ النور يـ الشيخ .
ببتسامه مافارقت محياه : يـ هلا ومرحبا صبحه بـ الخير شلونڪ ڪيف صحتڪ اليوم ؟!.
قعد على يمينه وهوه من يوم جاه هاذا ماڪانه قرب خاله الي يحبه : الحمدالله في خير وعافيه وبهمس لاتخاف مايموت من ڪان راشد خاله.
ضحك بحب له : ياهاذ السان الي يقوطر عسل يـ وهاج .
ابتسم له واخذ فنجال القهوه من يد المقهوجي الي مدها له ببتسامه وهم حابينه مرره رغم فاجعتهم بظهوره وهم الي يحسبونه مات هوه وامه اخت الشيخ ومن جاهم وهاج فـ ذاڪ النهار حتى انصدم الشيخ راشد فيه والاول مره يبڪي من عرف ان ولد اخته عايش وهوه الي سليمان الف وفاته وقال انه ماهوب عايش وانه توفى معى ابوه والي قطع عليهم ڪل الطرق لجل يعرفون عنه شي رغم ان الشيخ راشد اڪثر من مره يروح لسليمان لجل يعرف الڪلام بس مايلاقي اي معرفهعنه فـ يرد خايب الامل ووهاج الي مايتذڪر خاله لانه اخر مره راح له هوه وابوه بعمر الست سنين وماعاد اهتم لا امره ولا فڪر يروح له لف من سمع واحد من فرسان القبيله يتڪلم وانظاره عليه
: يـ شيخ وصلنا خبر من ديرة الدواسر ان سليمان مقرن صابوه مرض وانوه طريح الفراش وان الشيخ منع اي احد يروح لوه او يذڪروه ...
الشيخ راشد اشتدت اعصابه وعرق جبينه برز من الغضب الي خيم عليه ڪيف لا وهوه الي فرقه عن ولد اخته الوحيده يتذڪر وقت عرف بسالفه من وهاج ڪيف شيد فرسان قبيلته ورجالها لجل يروح يقلب ديرة الدواسر على شيخها بس وهاج منع خاله وقاله انه ماعاد له داعي وهنا جن جنون راشد شلون ماله داعي وڪل هاذا يصير له حلف ان يذوق سليمان الضيم بس مو الحين يبي بس الوقت الي يعطي الخليفه لوهاج لانه ماعنده اولاد وڪلهم بنات ودام وهاج حي اذن فـ خليفه الشيخ بيعطيها اياه : الوعد قريب الوعد انتو ڪلن يجهز حالوه وڪونو على استعداد.
وهاج ما اهتم لانه عرف ان خاله اذا طرح الشي براسه يسويه يسويه...
----
ڪــــــت❀.
" اعتذذذر جداً على تأخري والفتره الي غبت فيها واول اسبابها ڪانت الدراسه الي ماخذه نص وقتي ومرضي الي اشتد علي .. شكراً لڪم ولدعمڪم لي ولڪل شي اعطيتوني اياه السنتين الي راحت والايام هاذي واسفه لاني خيبت ضنڪم الايام الفايته لاڪن يعلم الله إن ولا شي بـ ارادتي وسيطرتي .. بنسبه لتنزيل اذا يزعجڪم التأخير وتنسون الاحداث اتمنى توقفون قرائتها لين تڪتمل عشان ماتنحرق متعتها واعتذر مره ثانيه لتاخيري والله ان لڪم محبه في قلبي لايعلمها إلى الله وسامحوني
"ولاتنسوني من دعائكم فـ الفتره هاذي "
اختڪم حليمه عبدالسلام.