الفصل 18
*⌯{📚}↵روايه#| يَ أول مُواليِف قلبيِ،واخـر حُب! .*
*⌯{✒️}↵للكاتبه#|حليِمه،عبد.السَلام.ai.
*⌯{📜}↵ البَـــارت#| الثَامن عشرَ¹⁸ ↓.*
〰️〰️〰️〰️〰️〰️〰️
**
رابط قناة الڪاتبه حليمه عبدالسلام⇊
```https://whatsapp.com/channel/0029Vatlmi0DzgTIpXl79x1T```
〰️〰️〰️〰️〰️〰️〰️
استغَفر اللّه واتوبَ إليِه.
اللهمَّ اكفِنِي بحلالِكَ عن حرَامِكَ،
وأغْنِنِي بفَضْلِكَ عمَّن سواكَ.
اللهُمَ صلِ وسلم وبارك على سيدنا مُحمد🌷🤍.
☐اتمنىَ الروايهَ ماتلهيكمَ عن الصلاهَ!!.
____
مَن عز نفسهه شافَنا متواضعيِن
واحنَا تربينا على اخلاق وتواضع
ومن ذل نفسه شافنا متڪبرين
شفنا ڪبار وهو صغيِرن وخاضع!.
____
نڪمَل..
العصرَ وعند الريِم#.
ڪانت جاهزه وهيه فرحانه أنها بتروح لبيت ضاري وبنفس الوقت بتشوف وهاجَ ماتدري ليه بس فرحانه حطت ڪحله ثم لبستَ عباتها ثم شيلتها وبرقعها واخذتَ الاڪياس ناظرت فـ جدتها الي وللان تحس انها فيِ حلم لانها ماتدري وش الي صاير حولها بظبط ابتسمت لها وهيه تستئاذن منها وطلعت من البيتَ متوجهه لبيت ضاريِ..
---
تڪشخ وهوه يحس السعاده ماليه صدره يحس لو بيده يصرخ باعلى صوته " ياعالم محبوبتيِ ردت ليِ" طلع من الغرفه وقابل فِ وجهه رنيِم الي عوجت ثغرها وقالت..
رنيِم: وش ذا وين رايح ؟!.
وهاج ابتسم : ولا مڪان طالع افرفر فـ الديره شوي وبعدها بروح للعزبه عند الشباب.
رنيم بضحڪه: ڪل الڪشخه ذه عشان الفرفره والعزبه انت ناقصڪ بشت بس وانڪ عريس.
وهاج ببتسامه: إن شاءالله قريب .
رنيم ضحڪت بسعاده: صادززز؟!.
وهاج هز راسه بـ إي وطلع تارڪها متنحه..
دخلت لداخل البيِت وهيه مستغربه شافت ربى وعواطف وامها وام حسين قاعدات يسولفون دخلت وقعدت وسطهم وهيه تحشر نفسها بين ربى وعواطف..
عواطف تدفها ببتسامه: اوفففف وخرييييي وش بتسس رنيموه .
رنيم ببتسامه حضنتها: احبتسسس .
عواطف ضحڪت على خبالها : بنت وش تخرفين فيه.
ربى بضحڪه: رنيموه شڪل الحُب لاعب بك.
رنيم تستهبل وهيه تمسڪ جهت قلبها: اخخ يـ ربى يمووت الحُب الله لايلبي احدد فييه .
عوطف بصراخ : وجععععع رنيموووه خلييي مطلق يسمعتسس .
رنيم بهبال : وشش بيسوي مايقدر اصلاً الحُب ماراح يخليــ وسڪتت من المخده الي ارتمت عليها وڪـنت من ربى الي قالت بضحڪه: يرحمم امك اسڪتي غثيتينا.
رنيم رمت عليها المخده وهناء بداءت مضاربه ڪل واحده تردها لثانيه لين ما انضربت عواطف معاهم ودخلت فـ الجو وڪل واحده ترمي على الثانيه الي تلاقيه قدامها وام حسين وام مطلق معصبين على تصرفاتهم بس مابيدهم حيله..
---
العـزبه#.
ڪـل شباب الديره متجمعين بستثناء سراج واصحابه الي عرفو انهم طلعو من الديره ڪلها وماحد يدري وين راحو .. ومحد اهتم لا امرهم واليوم ڪلهم مجتمعين وهات لڪ الطقطقه والضحڪ والوناسه واشڪال الا ستبهال وڪان الڪل موجود حتى منصور الي اقنعه فارس ورماح وفلاح وحسين ومشعل ومطلق ونواف خويهم ماعاد وهاج الي قال لهم انه بيلحقهم ...
نواف بضحڪ على سوالف حسين الي نصها كذب : عيدها عيدها باللّه.
حسين بعبط قال وهوه يرفع صدره : شكلوه مايعرفني هادا وقت اصوب بس ڪدا من طلقه واحده امسڪ الصيده.
مشعل الي فقع ضحڪ: تڪفى لاتخليني اعلمهم بسالفة الناقه.
حسين اختبص وقال : والله يـ مشعل مـ..
قاطعه رماح وقال بضحڪ: وششش وشش هيه ي مشعلل قولها ومعليڪ.
مشعل ناظره ورفع حواجبه له و حسين الي يأشر له بيده لجل لايعلمهم
مشعل بضحڪه: اا وماقدر يتڪلم من نط عليه حسين يسڪر فمه وقامو الشباب يدفون حسين الي ڪان متمسڪ في مشعل الي يضربه
جاهم مطلق الي ڪان يسوي الشاهي وانفجع من شڪلهم وقال بصراخ : اترررڪو الولد ذبحتوووه.
حسين الي شافها فرصه وقال بستعطاف وهوه يسحب نفسه منهم : شففف شفف ي مطلق الكلاب وش سوون فيني.
مطلق ابتسم : وانت وراء ماتدافع عن نفسڪ !.
حسين بعصبيه : ويييين انت تشووف ڪل واحد وزنه 700 طن وڪلهم فوقي كتموني الله يكتمهم.
ضحڪو ڪلهم عليه ..
مشعل ببتسامه: افااا هذا وانا احبك.
حسين : لاتحُبني ولا شي خلني بحياتي.
رماح بضحڪه: خلاص خلاص يـ رجال لاتزعل .
فارس ابتسم : ماعليڪ الا ماسمعتو اخر خبرر.
الڪل بصوت واحد : لا وش ؟!.
فارس والابتسامه شاقه وجهه : يقولون انَ شاعرنا ولهان ويصد " وهاج".
رماح ناظر مطلق الي ڪان يرتبَ وقال : صدق يـ مطلق!.
مطلق رفع راسه وقال: وش؟!.
فارس : شاعرنا ولهان؟!.
مطلق ناظرهم بتناحه وقال بـ استغراب : شعرفڪم؟!.
صرخو الشباب بضحڪ وقال نواف : انت تستهبل القصيده الي قالها انتشرت فـ ڪل مڪان والڪل يدري ان وهاج ماله فـي قصيد الغزل والحُب وش تفسيرها إلا انه يحب.
ضحڪ مطلق وقال: لا ڪذب محد قال تسذا مير وهاج طنت في راسه وڪتبها.
فلاح ابتسم وغمز: علينا.
مشعل رفسه بضحڪه: اننطم.
فلاح رد الرفسه : وجععع .
نواف ابتسم وهوه يشرب القهوه : وانت يـ حسينَ ماقلت لنا متى باتتزوج.
حسين بحزن: انا ليا الله العزوبيه طقت ڪبدي.
مشعل : هيه طقت تسبدڪ وانت طقيت تسبدي بسوالفك.
حسين بصدمه: اماااااااا.
ضحڪو عليه الشباب وراح حسين ماخذ توراب وراميه على مشعل ومشعل ردها له بس ماجت فيه حطت في منصور الي اخذ قهوته ورماها عليه وبدات حرب مطقاقه وڪل واحد يڪب على الثاني شي ودخل معاهم فارس ونواف وفلاح واخذ منصور قارورة المويه ورماها على مطلق ورماح الي فزو وراحو ماخذين الشاهي حقهم ورامينه عليه وضحڪهم مالي المڪان الي حاسوه ..
---
اما عند ميثى الي ڪانت قاعده فـ الغرفه وحاظنه نفسها وتناظر فـ الفراغ ببرود اليوم ماشفاته ابداً وهاذا الشي الي ريحها سمعت دق ع البـاب وڪانت رغد الي تبيها تأڪل بس رافضه ما اكلت شي من الصباح معى انها بتموت جوع بس مالها نفس مسحت دمعه سالت من خدها وقالت بصوت مبحوح : اترڪيني يـ رغد .
رغد بغضب : ميثى وشش صار لڪ وانتي الصباح شزينڪ؟!.
ميثى طنشتها ورغد ردت تدق الباب لين ماتعبت وماعادت سمعت لها اي حس وقفت ميثى وراحت منسدحه على السرير بتنام لجل تنسى حاضرها...
اما رغد الي نزلت وشافت امها قاعده قالت لها بقلق: هاه يمه ردت عليتس؟!.
رغد : لا مدري وش صاير لها.
ام فلاح : الله يستر وش مسوي فيها فلاح الله يهديهم.
---
قعد على الرصيف ينتظرها وقلبه يقرع طبول شافها تمشي فز واقف ومايدري وش يسوي نزل نظره بهدواء رغم ثبات شڪله الا داخله عواصف وضجيج الحب قعد وهوه حالف يقهرها طلع جواله وقعد يطقطق عليه..
اما عندها الي اول ماشافته ابتسمت بفرحه ماتدري وش اسوي تحس توترت بس حييل تحس بفراشات في صدرها مشت من جنبه بس انصدمت من طنشها وهوه يطقطق في جواله مشت من جنبه وهيه ترد السلام بس ماسمعت صوته تنحت وهيه واقفه .
وهاج رفع راسه وهوه يقال انه مو مهتم : خير لو سمحتي ابعدي من فوق راسي.
الريم انصدمت قالت بصدمه : تستهبل!.
وهاج ببرود : لا .
الريم ناظرته وهيه ماهيه مصدقه انه ذا وهاج قالت : وهاج انا رجعت ابوي رجعنا.
وهاج ڪتف يدينه : طيب.
الريم انخبصت قالت بقهر : وشش فيڪ تڪلمني ڪذا؟!.
وهاج رفع حاجبه : وشلون تبيني اڪلمتس ياهانم.
الريم بقهر : هذا وانا جايه فرحانه ابشرڪ تڪلمني ڪذا .
وهاج جاته الضحڪه على صوتها بس مسڪ نفسه قال : تمام جيتو الله يهنيك وش تبيني اسوي لتس يعني؟!.
الريم حست الغصه ماسڪتها قالت : وهاج لاتڪلمني ڪذا.
وهاج سفها وهوه يرد لجواله .
الريم بصوت باڪي: وشششش مسويه لڪ لجل تسفهني؟!.
وهاج ببرود : ولاشي ... وخري يـ بنت الحلال من هناء لاحد يشوفنا ابعدي.
الريم ضحڪت بصدمه : شلونن ؟! هههه تستهبل انت تقول تسذا.
وهاج تڪتف بـ استهزاء: وليه من انتي لجل ادق الميانه معتس؟!.
الريم بصوت فيه البڪيه : انا شهررزادد ؟! وهاج انا جيتڪ فرحانه جيتڪ وبه ڪلام ڪثيير بقوله لڪ وانت تسذا سڪتت من حست انها بتبڪي خلاص ومشت تارتڪته..
وهاج حس انه ڪسرها بس ابتسم خليها تستاهل.
وقف وهوه رايح خلفها الريم حست عليه ومشت مطنشه دخلت وحطت الاغراض وسلمت على زهراء وجدتها وطلعت شافته قدامها وقالت بحقد: وش تبي وخرر.
وهاج ڪتف يدينه وابتسم: لا.
الريم ناظرت فيه قهر وقالت: وخرر وهاج.
وهاج والابتسامه شاقه وجهه: الحمدالله على السلامه.
ناظرت فيه بازدراء وفيها البڪيه: الله لايسلمك وخرررر من طريقي .
وهاج ضحڪ وقال: افااااا من مزعل شهرزاد.
الريم ناظرته بقهر ومشت تارڪته ابتسم وهاج ومشى خلفها لين وصلها البيت وقال بصوت هامس : استودعتس الله.
مشى رايح للموتر حقه وهوه بيحرڪ للعزبه..
اما عند الريم الي ردت لبيتهم وماڪان ابوها موجود شافت صيته تڪلم فـ الجوال واول ما شافتها سڪرت قعدت الريم بـ استغراب وقالت : من ذا؟!.
صيته ابتسمت بغموض: مابه احد روحي زهبي الشعاء.
وقفت الريم وهيه الشڪ يلعب فيها وفـ نفسها لازم ابحث خلفهم واعرف وش عندهم تعشت ونظفت ودخلت غرفتها انسدحت وهيه تناظر السقف ابتسمت من تذڪرت وهاج مسحن على شعرها وغمضت عيونها وهيه تتخيل وشلون وضعها الحين اذا وافقت هذيڪ الليله على وهاج واذا ڪان الحين زوجها وهيه مبتسمه فزت وقالت : هيييه الريم وش بتس وش الافڪار المخيسه ذي ضحڪت لعنبوها هواجس.
ردت انسدحت ودخلت في نوم عميق ..
---
وبعد مرور اسبوع#.
ميثى تعبت صحتها اڪثر وڪانت متحامله على نفسها ماعاد صارت تڪلم فلاح وتعاملها معاه متبلد بس ماتمنعه من حقوقه ابداً وتسوي ڪل حقوقها فـ البيت ڪزوجه .
فلاح الي ملاحظ ذبول ميثى وهوه يلوم نفسه ڪل يوم ويحاول يعتذر لها ويحاول يڪلمها بس ماهيه عاطيته فرصه يحس انها معاه جسد بدون قلب بدون روح وهاذا الشي قاهره.
وهاج الي ترضاء هوه و الريم وڪل يوم يتقابلو فـ نفس المڪان وهوه لو بيده يخبيها عن العالم ڪله واتخذ قراره انه يتقدم لها ويخطبها خلاص بس يبي الاوضاع تتحسن شوي .
الريم الي تمر فـ ايام مابين الراحه والتوتر تحس براحه وقت تقابل وهاج وماتنڪر انها بدأت تڪن له مشاعر بس مو متأڪده وش هيه ومن ناحيه منضغطه معى ابوها وجدتها وتبي تعرف وش السر الي مخبينه عليها ابوها صار تعامله احسن وهاذا الي مستغربه منه مره يشد عليها ومره يلين وهيه ماتدري وش صاير له.
صيته الي الڪل عرف بخبر انها حيه ومحد صدق وصارت فوضه والڪل منصدم وڪل المشايخ سئلوها وش سبب اختفاءها وليه قالت يسوون لها عزاء بس رفضت تتڪلم ابد وبدأت تجهز لشي بتصدم فيه عبدالله.
مطلق الي عايش وهوه يحاول يخلي ربى تفهمه وهوه موب راضي على الدلع الي عيشه ابوها فيه وڪل يوم يتعب معاها ويڪتشف شي جديد فيها بس ماهوه مستغني عن حدته وثقله .
اما ربى الي تحاول بقدر ماتقدر انها تماشي مطلق ومحد ملتزم فـ اموره غيرها مثل ماقال لها وعلموها البنات رغم ان امها عصبت وقالت ماله حق دامها مانزفت له بس مطلق عند لانه اساساً مايطيقها وحلف ان ڪلمته تمشي دامها على ذمته وربى لها الله تحاول ترضيه لجل لايعصب وهيه تخاف منه وتحاول ترضي امها الي تضغط عليها هاذا غير ان زوجها تحدد بعد شهر وهيه ماتدري..
رنيم وعواطف حالهم عادي جددداً رنيم شقاوتها مستمره ولا هيه مخليه احد فـ حاله وعواطف ماشيه امورها.
مشعل وحسين الي ڪل يوم فـ مضرابه وحالهم مثل ماهوه بس حسين الي طلع لهم بسالفة من يومين وهيه انه يبي يتزوج ومطفش الڪل فيها وسليمان مصدع منه.
اما الباقيين حياتهم الروتينيه المستمره .
---
بيت سليمان الساعه 9:00ص#.
صحو الشباب وڪل واحد يبي يروح لشغله مشعل وحسين العزبه وهاج ومطلق المحل وڪان الڪل مجتمع في سفرتين يفطرون واحده لرجال ووحده للحريم.
مشعل وفي فمه اڪل قال : اسمع ي يبه انا وسڪت من قال حسين بقرف وصراخ
: ابلععععع بلعڪ حوت ان شاءالله اخخ.
مشعل رفع حاجبه : شوفو شوفو من يتڪلم.
حسين بنص عين : ياودد ادا ماخليت لي حالي اوقسم بالله لتصير مشاڪل خلينا ڪدا ڪويسسين وحبوبين.
وهاج بطفش منهم: والله اذا مانطمتو والله هاذاني حلفت اني احبسڪ انت وياه فـ العزبه بين النياق.
مطلق وقف وبضحڪه : وانت معاهم.
وهاج عوج ثغره: ماتقدر لي هه.
رنيم بضحڪه : وشش الي ماتقدر لي وشش انت شايف جثته والله ان رفسه منه تطيرڪ مڪه.
ضحڪ الڪل عليها وقالت ربى بدون ترڪيز : وجععع والله وجععع اذڪري الله.
الڪل سڪت يناظر ربى ومن ضمنهم مطلق الي ناظرها بصدمه ابتسم وهنا بداء التصفير وتصفيق وهم يطقطقون عليها
رنيم وهيه فاطسه ضحڪ: عشششتو والله ههههههههههههه.
ربى انحرجت ولفت وجهها عنهم وهم يضحڪون عليها ومطلق يناظرها ببتسامه ولف من قال حسين..
حسين من مڪانه وبضحڪ: ڪداا يـ ربى ڪدا وانا اخوڪ مادافعتي عني ولا تعرفين تتدافعين عن حبيب القلب.
ربى ناظرته بقهر واحراج وهوه ضحڪ علي نظراتها للي مافاتت مطلق..
مشعل ناظره وقال: انت لو تضارب معى قطو القطو بيرفسڪ لين تعض الارض.
ضحڪو ڪلهم عليه ..
ابو حسين : الله يغربلڪ ي مشعل والله انڪ صادق.
حسين دفه : اورييڪ خلينا بس نوصل للعزبه.
وهنا مشعل تذڪر وقال بصوت هامس : لاتخليني افضح موضوع الناقه.
حسين بنفس الهمس : لاتنسى ابوڪ ي حلو .
ناظره مشعل بقهر وابتعد وحسين يضحڪ عليه
وهاج وقف : يلاه يلاه يـ مطلق مابه وقت.
مطلق هز راسه وقال: روح وانا بلحقڪ.
هز وهاج راسه وراح سابقه ومطلق الي ناظر ربى وقال : وين سبحتي؟!.
ربى الي ڪانت واقفه وهيه تلم سفرتهم وقفت تتذڪر وقالت: ڪانت فـ جيب الثوب.
مطلق دخل يده ف جيبه وما لقيها قال : لا موب موجوده روحي شوفيها.
ام حسين بعدم رضى: خليكي انتي رنيم روحي شوفي سبحت اخوك.
مطلق بحده: انا قلت ربى.
ام حسين بعصبيه: والله ربى لسى ماهيه زوجتك عشان تتحڪم فيها .
مطلق عصب وقال: لاتحديني يا خاله اخذها بدون زواج ولاهم يحزنون وبعدين وش ذا وش ماهيب زوجتڪ تستهبلي انتي .
ام حسين بعصبيه: ترادد اڪبر منڪ!!
مطلق بهدواء: لا بس اوزني ڪلامتس يـ ام حسين.
ام حسين ناظرت ابو سحين وقالت: عاجبڪ
سليمان بحده: يـ ام حسين ماله داعي الشوشره وربى في ذمت مطلق وزوجته وتراه قادر ياخذها بدون زواج مثل ماقال بس مايبي يڪسفها وانتي ماله اعي هرجتس ذا.
ابو حسين بحده: ام حسين .
سڪتت وهيه منقهره اما مطلق الي عصب من جد وربى الي اساساً راحت تدور السبحه وهيه مطنشه ڪلامهم الي يهمها انها ماتخلي مطلق يعصب مثل ماقال لها ابوها ونحاول ترضيه حست انه موجود لفت وشافته معصببب توتر ودب الرعب لقلبها لقت السبحه ومدتها له بس انفجعت من مسڪ معصمها وقبض عليها وقال : اسمعي يـ بنت الناس ترا انا رجااال ماحب وجع الراس وهرج الحريم وامتس محترم لها وساڪت عشان حشمت عمي والا والله ما اسڪت فـ قولي لها لاتدخل بيني وبينتس سمعتي .
ربى ناظرته بخوف وتوتر وهزت راسها وبصوت هامس: طـ طيب.
اخذ منها السبحه وقبل لا يطلع لف عليها وقال بهدواء: وتس بشي محتاجه شي؟!.
ربى رفعت راسها له وهزت راسها بلا ..
طلع مطلق من عندها وهيه طلعت وتحس خلقها ضاق شافت الجو متوتر عندهم وامها مو موجوده والشباب موب موجودين تنهدت ومشت رايحه للمطبخ..
---
عند ام حسين وابو حسين الي لحقها لمجلس الضيوف وقال بصعبيه: وشش سويتي هااه تبين تسوين مشاڪل بيني وبين اخوي.
ام حسين بحده: من زينه اخوڪ ذا ــ
ابو حسين قاطعه: اقطعع وخسسس مالتس دخل وامور رجال لاتدخلين فيها ومطلق ربى زوجته وهوه حرر.
ام حسين : لا والله بنتي
قاطعها ثاني مره: بنتس زمان هلحين حرم مطلق سمعتييي ولاتدخلين خشمتس بينهم.
ام حسين بعصبيه وهاذا اخرر حللل: لازممم نرجععع انتتت يرضييك بالله وضعها ڪل يوم مقاقبله خطيبها لا وفوق ڪذا يتحڪم فيها..
ابو حسين بحده: زوجهاااا زوجهاا مافيها شييي وشش فيتس خرفتي انتي.
ام حسين بعصبيه: لا لا مافي خلاص لازم نرد وبعد شهرين يتم زواجهم .
ضحڪ بـستهزاء: ومن قال بعد شهرين؟! شهـر بـ الڪثير ويتم زواجهم.
بصدمه صرخت: شلوووون ؟!!! مايمدي!!.
بعصبيه : اقطععع وخسسس ڪلمتي ماتتثنى وبنتي وانا ادراء بمصلحتها.
ام حسين مسڪت ع راسها: لاااا انت جنيييت اخوووڪ لعب على عقلك.
ابو حسين مسڪ معصمها وبحده : ماحد لعب على عقلي ڪثرتس خلااص لين هنا وبسس وتمشي ڪلمتي ولا والله ماتشوفين الا شي مايعجبتس وطلع تارڪها منصدمه..
---
اما مطلق فـ راح لا اخوه للمحل دخل المحل ورد السلام رد عليه وهاج وقال
: وش بك تأخرت؟!.
مطلق بقهر : الي ماتتسمى زوجت عمي
وهاج بـ استغراب: وش فيه؟!.
مطلق : ياخي تدخللل نفسها بيني وبين ربى زوجتيي ماعاد لها دخل فيها.
وهاج وهوه يدري ان مطلق مايطيق ام حسين قال : ماعليك منها خلها تولي تعال احسب معي ذا.
راح مطلق واخذ الاوراق الي فـ يد اخوه ونسى السالفه او تناسها.
---
فـ بيت فلاح#.
ڪانت ميثى واقفه فـ المطبخ تتنظرهم يخلصو فطور وبعدها ترتب المطبخ الاسبوع هذا اڪلها حييل قليل ووجهها شاحب ونفسيتها زيرو حست الدنيا تلف فيها وماقدرت توازن نفسها وارتمت على الارض مغمى عليها..
دخلت ام فلاح المطبخ وانصدمت من المنظر وبـ صراخ: مييييييييييثى فلااااااح يـ فلااااااح.
جاها فلاح يرڪض وشافها ميثى وانفجع راح عندها يحاول يصحيها مابه فايده...
ام فلاح بخوف: ميييثى وششش صاار لهاا يمههههه ميثىى!!
فلاح ويدذنه ترتجف وهوه شايف حالها من اسبوع بس ماتوصل لذي المرحله : مييثى مييثى يـ ابوي مييثى اصحييي!!.
جاتهم رغد الي انصـدمت ورڪضت ماخذه المويه ومدتها لفلاح رش فلاح فـ وجههها وشافها بدات تفتح عيونها ..
ميثى وهيه ماسڪه على جبينها فتحت عيونها وناظرت حولها شافت نفسها فـ حضن فلاح الي واضح خايف عليها قال: وشش تحسين فيه .
ميثى ارتفعت وبتعدت عنه وقالت بصوت مبحوح: مافيني شي.
فلاح بحده: وش مافيتس شي وانتي دايخه خليني اخذتس المستشفى.
ميثى تحاول تقوم وقالت ببرود: مافيني شي وخر.
طنشها فلاح وحملها : رغدد هاتي عباتها انهجي.
رڪضت رغد وجابت عبايتها وهيه ترفس تحاول تنزل وفلاح ڪان شاد عليها لبسها عباتها غصب عنها وطلع دخلها الموتر حقه وحرڪ رايحه للمستشفى الي يبعد عن الديره ڪم ڪيلو..
---
بيت عبدالله#.
ڪانت الريم تغسل ملابس ابوها وهيه تسمع جدتها تسولف بـ جوالها النوڪيا شد انتباهها الهرج الي تقوله صيته..
صيته بهدواء: خلها يوم بس ياولد عبدالله انت توحيني يوم وانت هينا بينا .
: مانيببب جايي .
: هرج الشيخه صيته مايتثنى يڪفيك هجر وصد.
بغصه: هوه ذي هجرني من وانا ف المهد رماني لناس تربيني تبيني ارد له لااا مستحيل.
صيته بحده: الي قلته يتم انت هلحين رجالن ڪبير وابوڪ بايعرف خطاه محدن لا اختك وانت لزوم تكون سندها.
بحزن: يلاه خير خير .
صيته ابتسمت: فـ حفظ الرحمان.
الريم الي وقفت شغلها وهيه منشده لڪلامهم ومنذهله .. ولد عبدالله..اختك.. وش الخرابيط ذي وقفت ڪنها مقروصه نشفت يدينها بثوبها من الماء ورڪض طالعه لصاله شافت صيته تهوجس قعدت قدامها وقالت بنبره مهزوزه تخالطها الشڪ ...
الريم: وشش الي سمعته ؟!.
صيته ببتسامه جانبيه : وش انتي توحينه؟!.
الريم تناظرها وقالت : صزز الهرج الي قلتينه ؟!.
صيته ببتسامه : وش هوه؟!
الريم تنرفرت وتحاول تهدي حالها : يمههه وششش ڪنتي تقولين تڪفين من هوه ذي اتصل لتس وليه تقولين ولد عبدالله ومن اخته ؟!.
صيته بهدواء: اخوتس!.
الريم ڪان احد ڪب عليها مويه بارده فزت مقروصه وقالت بفجعه وبصوت عالي: وششششششششش؟!.
صيته بهدواء: اقصري حستس.
الريم بجنون : وشش اقصره انتي توحين الي تقولينه ؟!.
صيته : الريم الزي هنيا بفهمتس " اقربي هنا" .
الريم ضحڪت وقالت: وشش تفهميين وش تفهميييين ڪل يومين طالعه لي بهرجه جديده مره طلوعتس من البيت تال الليل ببندقيه اول مره اشوفها فـ بيتنا لا وفوق ذه تقولين سووو عزاء ومره اتصال يقول امتس حيه وهذاتس قدامي ولاڪاننا سوينا عزاء ولاهم يحزنون وهلحين تقولين معتس اخو وشششش تخربططين فيه متأڪده ان شيبتس ما خرفتس.
صيته قاطعتها بصرخه: اقطططع الهرج هاذا قولتسسس يـ بنت ابوتسس هاااه نسيتي من اناااا نسيتي اني الشيخه صيته هاااه.
الريم ناظرتها بضيم : وشش الي خليتوه لي انتي وابوي وششش ماعاد بي عقللل ولا عادني صاحيه اقسم بالله اني بوادي وعقلي بوادي بسبتڪم.
ابتسمت صيته وقالت متجاهله ڪلامها وهيه خلاص بتقول الحڪي الي ڪان في جعبتها من سنين يڪفيي: قبل اڪثر من 30 سنه ابوتس تزوج من بنت جراح الـ وزواجه منها ماڪان عادي لانها تزوجها بـسر لجل يـستر عليها لانها ڪـان بها قل صح " مجنونه" هيه بوادي والعقل بوادي وڪانت حييل مزيونه والعيون عليها بس قدر الله وماشاء فعل اعتداء عليها واحد من رعيان ابوها غدر فيه ثم هرب ولاعاد احد سمع عنه والبنت احملت وما مر شهر الا ابوها واهلها عرفو وانضربت لين نزلت الولد ذي في بطنها وڪانو اخوانها حالفين ان يقتلوها وابوتس عرف بسالفه لانه ڪان خوي واحد من اخوانها وحلف ان يعتقها ويستر عليها لاڪن بسر وقتها غضبت عليه وحاولت امنعه بس مابه فايده تزوجها وبعد سنه حملت وابوتس انفجع خاف لاحد من اهل الديره يعرف وخاف ان يطلع مثلها به قل صح خلاها لين تولد واعطاني وليدها وقال انه ماله صله فيه رغم اني حاولت معاه وقلت له يتحمل دامه دق صدره بس للاسف ابوتس ڪان طايش وفوق ذه اصابه مس وڪان يجلد الام وابنها حتى ان وليده انصاب فـ حاحبه اليسار لين تحت عينه اصابه بليغه وهوه توه فـ المهد بس ربتس ستر اخذت الولد وابعدته من ابوتس وابعدته عنه والام طلقها بس لانها اصلاً ڪانت تعبانه توفت بقي شُجاع اخذته بعييد عن ابوتس وربيته وخليته عند ناس وربيته على ان به قل صح لجل اهل امه مايخذونه ويقتلوه لانهم مڪانهم حاقدين على امه رغم ان ابوتس عتقها والحين يڪفي ابوتس لازم يعرف ان له ابن وياخذه.
الريم من هول الي سمعته حست انه بيغمى عليها تماسڪت وناظرت صيته الي ڪانت واقفه بعصاتها وسبحتها فـ يدها وتناظر بثقه حست ان قلبها ضاق بها تحس ان عقلها ماهوب قادر يستوعب تحس ان حياتها وحظها اشين شي عرفته بذه الحياه حست برعشه في عظامها وڪل تفڪيرها انحصر بأن لها اخو الله يـ دنيا ناظرت صيته وقالت بصوت هامس مبحوح دليل على انها باتبڪي: ليه ڪل هاذا ليه مادريت به ليه ؟!.
صيته بهدواء: ماڪان الوقت المناسب .
الريم بصراخ: وشششش الي ماڪان الوقت المنااسبببببب وششش فجاءه بدون سابق انذر يطلع لي اخوو وشش نحنى عايشين فيهههه؟!!!
صيته بحده: اوصصصصص وفقهين الهرج ابوتس لايدري الحين فـ الليل اخوتس بيجي لين هينا وابوتس واجب عليه ياخذ ابنه خلاص يڪفي..
الريم شدة قبضت يدها من الرجفه الي تتحس فيها قالت وهيه خلاص ماعاد لها حيله لشي : ڪم عمره .. وووين ڪان طه المده ڪلها .. وهوه يدري بي؟!.
صيته ابتسمت بحنين وقالت: ايه يدري بتس ويدري ان عنده اخت ..الشنب خاط وجهه ووين ڪان بتعرفين بعدين مشت صيته من جنبها ماهيه النقاش وبقت الريم فـ حالت ذهول وفرح وخوف وڪل الااحاسيس متلخبطه عندها..
---
العصــر#.
بيت فلاح#.
ڪان واقف فوق راسها طلع بها سواء تغذيه وهبوط ...
قال بحده: ڪليي ولا والله ان تاڪلينه غصب.
ميثى ناظرت غلا فـ يدها شوربه قالت بتبلد : قلت ما ا ا ا بـي .
اخذ فلاح من اخته الشوربه وغلا فهمت وطلعت من الغرفه وبقي فلاح وميثى قعد جنبها ومسڪ فڪها واخذ شوي شوربه واڪلهت غصب..
ميثى تحاول تفلت منه : ياخيييي وخرررر مابي ماتفطن انت.
فلاح بحده: اوصصص ولا سمع لتس حس .. واخذ مره ثانيه شوربه فـ العلقه ومده صوبها ..
طفشت ميثى ةاخذت الشوربه منه : انا باڪلها خلاص اقرفتني.
ناظرها فلاح بحده وقال: سهل سهل تعافي بس .. وطلع تارڪها بقت هيه تناظر زوله بقهر سالت دمعه لخدها مسحتها وحطت الشوربه وانسدحت بتنوم..
---
واقفه بعباتها وهيه متحمسه تروح لبيت ضاري تبي الوقت يمررررر بسرعه لجل تشوف اخوها ذاا المجهول الي ظهر من العدم ماهيب مصدقه وشش ذا فـ اخر حياتها يظهر لها اخو تحس حياتها عباره عن مسلسل قديم وش ذااا مشت طالعه بعد ما مرت على صيته الي تتناظرها بهدواء وطلعت من البيت شافت البزران يلعبون والشياب يمشون رايحين لمجلس الشيخ ابتسمت على اجواء ديرتها وصلت للمڪان الي يقعد فيه لفت وشافته قاعد يطقطق على جواله فز قلبها برجفه ماتدري ليه تحس انها ودها ترڪض لين عنده مثل البزران ايدينها ترتجف وهيه مستفربه حالها ابتسامتها شقت وجهها وهيه من اسابيع تحس بذي الخبطه وقت تشوفه تقدمت ومشت من يمه حسن فيه وقت رفع راسه وارتبڪت وڪانت بتتعثر
وهاج الي اول ماحس يزولها وريحة عطرها وصلته فز يناظرها ببتسامه وحس بربڪتها وقف واخذ زمبيله" كيسته" وقال ببتسامه: يامرحباء ترحيبة البدو يسهيل .. وعداد مابرقه يسابق سحابه ... يالله انڪ تحييها.
ابتسمت الريم بربڪه وخجل وهيه تعجل في مشيتها وقالت بهمس : البقى يـ ابو اا
وهاج ببتسامه : الي تبينه .
الريم ارتجفت حست الجو حار حست الدم صعد فـ وجهها توترت وسڪتت ماڪملت ڪلامها ..
ابتسم وهاج وهوه يمشي قريب منها ويناظر صنادله " اڪرم القارى" وقال يغير مودها : ابطيتي اليوم؟!.
الريم تذڪرت وش بيصير معاهم اليوم وقالت بهدواء: ماضني !
قطب حواجبه وقال بشك: وش نوحتس؟!.
الريم هزت راسها بلا : مابني شي؟!.
وهاج تأڪد وقال : الريم وش نوحتس ادري بتس شي احد مضايقتس قولي والله ان انهيه لتس.
ابتمست وبضحڪه: والله؟.
ابتسم : ولي خلقتس وخلق حسنتس اني لا اخليه يتمنى انه مات ولا ضايقتس.
اتسعت ابتسامتها بخجل من ڪلمته وقالت : خلاص اجل محد مضايقني ڪثرك.
وقف وهاج بصدمه وقال بعد ماوقف في طريقها : هاه!.
الريم فطست ضحڪ وهوه سرح فيها بلع ريقه وقال: تقولينها صادزه؟!.
الريم تناظر حولها بتتأڪد مابه احد وقالت بهمس: حالنا ماهوب عاجبني وضايق فيني حيل .. ولا انت والله لولا الحياء والمستحاء ان ڪاني ناشبه فـ بلعومڪ.
ناظرها وهاج لثواني يبي يفهم هيه وش تقول واتعست ابتسامته وقال بعد ما خفض نفسه صوبها وبهمس : واحلا من ينشب لي اقسم بالله.. وحالنا هاذا ابشري به اغيره بس اصبري علي يومين.
الريم مشت من جنبه وتحس الاحراج اڪلها وشش يقصد بيغيره شلون يعني؟! مشت لين بيت ضاري تقدم وهاج لف وجهه بشماغه ثم ودق الباب فتحت زهراء وهيه تحسبها الريم وفتحت الباب ع الاخير وهيه ماهيب لابسه طرحه ووهاج اول ما شافها صد بسرعه ومشى وهيه شهقت واغلقت الباب ..
بينما الريم شافت المشهد ڪله حست الدم يغلي في عروقها ليييه شافها وش بيقول عنها وزهراء مهبوله تفتح الباب تسذا راحت بقهر دفت الباب الي ڪان شوي مفتوح وشافت زهراء مغمضه عيونها وسماڪه على قلبها ببتسامه فورت وهيه ماتدري وش بها قرصت زهراء مع ڪتفها وقالت بقهر: وشش بتس؟!.
زهراء ابتسمت بألم وهيه ماسه ڪتفها: وجعع ريموه ليه تقرصيني.
الريم وهيه تحاول تهدي من نفسها قالت : شفتس مانتي بعالمنا ونا لي ساعه اناديتس.
استغربت زهراء بس مادققت : هنا وانا اختس مير ذه فاعل الخير وبصوت منخفض وخجول قالت : احس تصدق لقليبي معه.
الريم بقهر قالت: وجع حسحسو مختس قالت احس خلي عنتس الخرابيط وخذي هاذا وسلمي على امتس ڪوه توصين شي .
زهراء ابتسمت بضحڪه: لا سلامتس.
الريم نزلت غطوتها : سلام.
زهراء: في امان الله .
طلعت الريم وهيه ماتدري ليه تتصرف تسسذا تحس وشش الي فيني ليه حسيت بـ القهر يوم شافها .. مشت بـ استعجال وهيه ماتبي تقابل وهاج بس للاسف لحقها وهوه يرڪض.
وهاج بـ استغراب: علامتس؟!.
الريم سفهته وهيه تحس القهر تجدد
وهاج وقف قدامها وڪان الشماغ يغطي وجهه وماتبان غير عيونه البنيه وحواجبه الكثيفه ورافع يدين الثوب لين معصمه ومساڪ ثوبه بيده اليسار وشڪله يخقق : والله ان تقولين شلي قلب حالتس ؟!.
الريم بقهر : وخرر عني شدخلڪ روح ترازز قدام بيوت الخلق لجل تقز بناتهم.
وهاج بحده: شل هرج ذااا هاااه خلي عنتس هرج المساطيل ذا .
الريم ناظرته بقهر: لا والله مابقي شي في بنت ضاري مالمحته وتقول هرج مساطيل؟!.
وهاج توه استوعب واتسعت ابتسامته غيرانه ايه والله انها غيرانه قال وهوه يرفع راسه ويناظر بيت ضاري الي ابتعدو عنه كثير وقال : ياويل حالي خابرن ضاري اقشر ماعنده بنات مزيونات تسذا مير العوض ..
الريم بققت عيونها بقهر ومدت يدينها ودفته من صدره لجل يبعد عن طريقها اما وهاج ضاااع من حرڪتها ووقف متنح مڪانه استوعب وشافها صد مشت ورڪض مره ثانيه وبضحڪه: والله اني امزح وش بتس عصبتي تسذا وبعدين من يقارن الفمر بـ نجوم.
ابتسمت الريم ثم عفست ملامحها بتمثيل العصبيه و قالت: ابعد يـ اسذوب لاحد يشوفنا ابعددد.
وهاج ابتسم: زين بس هااه ترا الوعد بكره.
الريم مافهمت وسفهته ببتسامه ومشت لبيتهم..
اما وهاج فـ رجع ڪمان لبيتهم وهوه يفڪر شلون يفاتح عمه فـ موضوع خطبته..
----
كـــــــــــــت❀.