الفصل 14
*⌯{📚}↵روايه#| يَ أول مُواليِف قلبيِ،واخـر حُب! .*
*⌯{✒️}↵للكاتبه#|حليِمه،عبد.السَلام.ai.
*⌯{📜}↵ البَـــارت#| الرابع عشَر¹⁴↓.*
〰️〰️〰️〰️〰️〰️〰️
**
استغَفر اللّه واتوبَ إليِه.
اللهمَّ اكفِنِي بحلالِكَ عن حرَامِكَ،
وأغْنِنِي بفَضْلِكَ عمَّن سواكَ.
اللهُمَ صلِ وسلم وبارك على سيدنا مُحمد🌷🤍.
☐اتمنىَ الروايهَ ماتلهيكمَ عن الصلاهَ!!.
____
تعدي.في سمع عشقي ولو عشقي خراب اصحاب..
وصوني بلهوا نفسك قبل لا انتي تصونيني.
____
نكمَل..
بعد مرور اسبوع #.
واقفه قدام بيت ضاريِ من بعد الي صار ماقطعت هل عاده أبداً شافت وهاج متقدم لها وف يدينه اكياس ابتسمت باترياح ماحبته أبداً لاكن شعور الامان يطاغيها وقت تشوفه او يكون معاها..
وهاج بعد الي صار اصبح مهتم فيها كثير ويحاول يكون قريب منها ويحميها يحس انه مسؤل عنها هيه حبيبته وهيه اول مواليفه مستحيل يخلي اشي يجرحها..
الريم ابتسمت: يجزاك خير .
وهاج حس صدره من شرح من سمع صوتها الهادي وقال : وياتس يارب .
تقدم وهاج من الباب حق ضاري ودقه والريم كانت خلفه مباشرهَ
زهراء: منوه؟!.
وهاج بصوته الرجولي : فاعل خير.
زهراء ابتسمت بهدواى وقالت: حطه عندك .
حطه عند الباب وابتعد وهوه ينتظر الريم بعيد عنها ..الريم انتظرت شوي ودقت الباب مره ثانيه وسمعت صوت زهراء وقت قالت من
الريم ترتب برقعها وقالت: انا الريم.
فتحت زهراء الباب وابتسمت من دخلت الريم وصافحتها
زهراء بهدواى: كيفتس وش مسويه؟!.
الريم زفرت بتعب : الحمدالله على كل حال.
زهراء ابتسمت بحزن عليها وقالت: هونيها تهون وانا اختس .
الريم نزلت الغطوه ع وجهها : يلاه استاذنتس.
زهراء قبل تخرج الريم شدت على يدها ، لفت عليها الريم باأستغراب
زهراء قالت بحرج : بسئالتس وجاوبيني ي الريم.
الريم بـ أستغراب قالت: وشو؟!.
زهراء: منهوه فاعل الخير ذي يجيب ذه الاغراض اكيد تعرفينه دامه يجي قبلتس.
الريم ناظرتها بتوتر ماتدري تقول لها قالت بهدواء: ما اعرفه رجالن غريب.
لفت عنها ثم قالت : يلاه معى السلامه.
طلعت الريم وشافت وهاج قاعد في نهايت الطريق على الزاويه وفـ يده جواله يطقطق عليه اول ما حس عليها وقف وقال : شهرزاد!!.
الريم لفت عليه بـ استغراب وقالت بهمس : وش ؟!.
وهاج ابتسم وهوه يمشي معاها وقال: انتي انتي شهرزاد.
الريم لفت وجهها تناظر ملامحه وقالت بصدمه: وش شهرزاد ذه؟! من قاللك اسمي شهرزاد؟!.
وهاج ابتسم ولف نظره عليها ناظر عيونها وهيه شتت نظرها عنه بتوتر
قال : انا سميتس شهرزاد.
الريم ضحكت بصدمه وماكانت ضحكتها الابلسم لقلبه قالت وهيه تضحك : عجيب والله .
وهاج قطب حواجبه : وليه؟!.
الريم لوت بوزها : الريم يعني الغزال وش دخل شهرزاد؟!.
وهاج ناظر بيتها الي صار قريب منهم ولف وهوه يقول : لانك شهرزاد .
وقفت الريم ولفت تناظره معطيها ظهره ورايح ابتسمت ياااح كمم لها من الضحكه الاسبوع كله وخاطرها متكدر ويوم تلاقيه ينشرح صدرها ماتدري ليه دخلت البيت وشافت ابوها الي حاله مايسر بعد الي حصل لا امه وهوه بس يهوجس وساكت وعيونه الحمراء دلليل على قهره مرت من جنبه وهيه زعلانه منه حيييل
: الريم .
الريم لفت عليه وهيه ساكته
قال : لاتضيقين صدري بسكوتس ي الريم.
الريم ساكته وتناظره بهدواء.
عبدالله بضيق : الريم لاتفهمين كل شي من راستس ولاتظلين تسذا ي ابوي انا حالي حييييل تعبان وشلون وانتي زعلانه علي؟!.
الريم حست القصه ماسكتها قالت : انا عايشه ي يبه معاكم وانا مثل الاطرش ف الزفه بينكم اشياء والظاهر انها كايده وماحدن منكم يوضح لي ميمه صيته وبغصه الله يرحمها كنت اشوف في عيونها الضيم رغم الثقه وماتعلمني وش الي يحز خاطرها وانت بلمثل لوشش عايشه معاكم انا لوش دام محدن منكم كان يقولي وش الي يحز خاطره.
عبدالله غمض عيونه بضيق وقال: خليها للايام ي بنيتي وبتعرفين.
الريم ضحكت بستهزاء : هذا الي عندكم، ثم راحت وقبلت راس ابوها وكتفه ويدينه وخده وقالت : لاتكدر على نفسك مانيب زعلانه.
ابتسم عبدالله بتعب وهوه يدري انها مستحيل تزعل عليه : الله يرضى عليتس .
الريم تركت ابوها ودخلت غرفت جدتها صيته وهيه من بعد العزاء ماتنام الا فيها.
__
دخل للبيت وشافهم متجمعين حول ابوهم (عمه) الي صحي بس كان شوي تعبان تقدم منه وقبل راسه وكتفه ثم راح لعمه ابو حسين وسلم عليه وقعد جنب مشعل الي كان يهوجس.
وهاج بـ استغراب : وش بڪ؟!.
مشعل لف عليه وقال : مابني شي .
وهاج ناظر الجو كئيب وعمه فوق السرير الي حطوه ف المجلس وادوته جنبه الي صارله بسبب الانهيار من الي سمعه مطلق بحث عن سراج وللاسف ماله اي حسس ف الحاره ولا في الديره كلها واكيد مابيقدر يقعد بعد فعايله ..
مطلق كان يكلم عمه ابو حسين : ما ادري وش الي صار اقتلبت الديره في يوم ولليله.
ابو حسين : اهم شي اخوي الله يعطيه الصحه والعافيه.
الكل بـ اصوات متفرقه : امييين.
حسين ابتسم وقال: لااا عمي ماشاءالله عليه اسددد ينخاف منه ولايـ عم.
سليمان لف عليه ببتسامه مرهقه وقال: الحمدالله .
مطلق ابتسم : ذييب ذيبب .
حسين بضحكه: اشرايڪ تعرس ي عمي.
وهاج ومشعل بصوت واحد: نعممم
مطلق رمى السبحهه عليه : سڪت دهراً نطق كفراً اقول ي عمي عقل وليدك ذا قبل انثر ضلوعه.
ابو حسين بضحكه: لا لا هرجته عين العقل حتى انا بتزوج ولا ي سليمان نشوف لنا ثنتين بنيات صغاراً فـ السن خوات.
حسين بصرخه: والله ي ابويا لا اترك لك البيت انا وامي وماعاد تشوف لنا درب.
مطلق ضحك: اييه ماترضها على ابوك.
حسين: ما ارضها على امي.
ابو مطلق رفع يده : خلاص صدعتو فيني .
الشباب لفو على ابو مطلق هز ريوسهم: ابشررر.
مشعل ابتسم : افاااا ي يبه حنى نجيب الصداع.
ابو مطلق بطفش: مشعل انطمم.
مشعل ضحك عليه: ابشررر.
وقف وهاج وهوه يبي يدخل يشوف خواته قال : استئذنڪم بروح اشوف امي.
سمحون له وراح يشوفهم
عند البنات #
رنيم تحسس الفرح دخل بيتهم بعد رجوع ابوهم لهم هييه تحبه وحييل تحبه ووقت تعب حست ان عمود البيت انكسر وهلحين الدنيا ماهيب سايعتها من الفرحه.
رنيم ابستمت : لااااا كذاا كذااا يسوونه ي خبلا ..
واخذت المكحله من يد ربى واخذت المرايه وناظرت عيونها وهيه تحطها ابتعدت شوي تناظر عيونها ف المرايه ارسلت قبله وضحكت: يازيينيي.
ربى ضحكت عليها : علميني لاتمدحين نفسك.
عواطف وهيه منسدحه على جنبها وتناظرهم قالت وهيه تحط يدها ف شعرها المفتوح وتمسح عليه : هيييح وش يفكها من مدح نفسها هلحين.
رنيم تلف شعرها بيدينها وتدلع : والله انا مزيونه ويحق لي بعد ثم لفت على ربى انهجيييي ابي المرايه .
ربى بنص عين : ماعرفت لها هادي الشغله يبغى لها وقت ورب الكعبه.
رنيم بوزت : هلحين ي اهل الجده وراء تحلفون على ابسط الاشياء.
ربى ابستمت : موش بس اهل جده الجنوب كامله ي حبيبتي .. وبعد هادي عاده خلاص كدا نحنى تعودنا.
رنيم كشت عليها: مالت اقول انجزي خلني ارفعه قبل تشوفه امي في يديني والله ان تمردغني .
عواطف بققت عيونها: ماخذته بدون لا تستئذنين؟!!
رنيم هزت يدها ببرود : ايه وش فيها يعني؟!
عواطف بحده: رنيمةه ڪم مره اقول لتس ڪوني استئذني وقت تبغين شي وشش بڪ ڪاني اهرج في ڪيسه مقطوعه !!.
رنيم بعدم اهتمام : امي وش فيها عني ؟!
عواطف بنص عين: حتى وان ڪل شخص وله احترامه في اغراضه خلي العاده ذي عنتس ولا والله ان تشوفَين تصرف ثاني.
رنيم ابتسمت: ابشرييي ي بعد ڪلي انتي.
عواطف ضحكت ولفت عنهم وهيه تغمض عيونها تذڪرت ڪلامه وقت ڪانت تتڪحل حنبتها القصه وحست ودها تبڪي حسبي الله في من ڪان السبب.
اما رنيم الي وقفت هيه وربى بعد ما قضو واخذو المحله بيردونها مڪانها طلعو وسمو صوت وهاج يسولف معى ام مطلق رنيم ابتسمت بفرحه وراحت رڪض له اما ربى فـ رجعت للغرفه لانها ما خذت شيلتها.
وهاج : الحمدالله على ڪل حال المهم انتس ي يمه بخيره واحسن من قبل.
ام مطلق ابتسمت: الحمدالله ي وليدي اهم شي ان عمود البيت رد لنا.
وهاج هز راسه : الحمدالله حس في شي ثقيل نط عليه وماڪانت الا رنيم
وهاج ضحك وهوه يحضنها: مهبولله انتي بتنكسرين.
رنيم ابتعدت وهيه ترتب شعرها : ماعليك قويه انا.
وهاج ببتسامه : ايه هين قويه .. ركز في عيونها وقال بمزح: اعوذ بالله وشش ذاا؟!.
رنيم بـ استغراب : وش؟!.
وهاج اشر على عيونها: وش الي بعيونتس؟!.
رنيم اشرت على امها بتوتر وهيه خايفه تعرف : ولاشي وش بني ي زيني.
وهاج لف ع امه وفهم انها مسويه الكحل من خلف امه ابتسم بلعانه وقال بعد ماناظرها ببرائه: متكحله ليه ؟! وبعد عيونتس ماناسبها وهوه يحلف يمين انها مزيونه فيه بس ڪذا يحب يناقرها.
رنيم ناظرته بقهر وهيه تدري بلعانته قالت بصوت هامس بعد مايمعت امها تهوشها: اقسسم بالله انڪ نذذل ورب البيت انڪ نذلل.
وهاج ابتسم بضحكه وقال : يمه ناظري ناظري شكلها ماخذته بدون علمتس!!
ام مطلق بغضب : وجععع يوجع العدو ڪم مره قايله لتس ماتاخذينه بدون اذني هااه !!.
ام حسين ابتسمت: حرام خليها ماسوت شي .
ام مطلق ناظرت ام حسين وقالت: انا مابيها تتعلم ذه العاده تاخذ الشي بدون ماتستائذن اذلفي لابارك الله فيتس.
وهاج عوره قلبه من شافها تخزه بزعل وقف وراح حضنها من كتفها ودفته بزعل : وخررررر.
وهاج ابتعد شوي وناظرها بضحكه: افااااا ي ذا العلم تزعلين من اخوتس وهاج .
رنيم رمقته بحقد : نذل ابعد مانت اخوي اذلف.
وهاج ابتسم لها وهم يمشون طالعين من الصاله هيه متوجه لغرفتهم ووهاج يلاحقها : وش يرضيتس وانا اخوتس هاه.
رنيم لمعت عيونها بفرحه لفت عليه وقالت: اي شي؟!
وهاج بثقه : اي شي!!.
رنيم وهيه تسوي روحها مستحيه وناظرته بعد مامسكت يدينها وفركتهم ببعض وقالت : ابي اعرس .
وهاج طير عيونه وقال بصوت مرتفع: وجعععع تقولينها بوجهي ي قليلت الحيا.
رنيم فطست ضحك: اوصص والله اني امزح والله.
وهاج بحده : وخري وخري بس .
رينم ركضت قدامه : وهاااج والله امزح وش بككك وبعدين ترا انا الزعلانه موب انت!
وهاح يدفها: ابعديي محد نذل هنا غيرتس وخري.
رنيم مدت بوزها بزعل : وهاج ترا انا الزعلانه وبعدني امزح معك .
وهاج ناظرها بنص عين : قولي وش تتبي؟!.
رنيم ابتسمت : ياخيي جلعنييي فدوه لك ابيي تجيب لي شين على ذوقك تدري ان به زواج يوم الجمعه عاد ابي اماري فيك واوقل شوفو وهاج اخوي وش جايب لنا.
وهاج اشر على عيونه : ماتنفدين وابشريي.
ابتسمت وراحت داخله للبيت بينما وهاج راح للمجلس ..
---
في بيت اول مره نزوره #.
بيت الشيخَ دهام .
كانت حصه واقفه تويق من فوق جدار السطوح تناظر الرايح والجاي مثل كل ليله مابه معاها لاشغله ولا عمله ..
نوره جات من خلفها وامسكتها من خصرها شهقت حصه وبصرخه : عمى بعينتس ي ادميه ماتخافين ربتسسس.
نوره بضحكه: اوصص فضحتينا ي مال الماحي .
حصه لفت تناظر وهيه متلثمه : ذي تمحيس وتمحي اشكالتس ي كلبه .
نوره ابتسمت وطلعت جنبها على الطوبه الي حطتها وكانت شوي صغيره.
حصه تدفها: وخرييييي بتعوريني.
نوره ناشبه لها: مانيب متحركه ابي ناظر مثلتس.
حصه : يا صبرك ي روح نوره خل عنتس الاستهبال شوفي شلون واقفين !!.
نوره متمسكه فيها : مانيب مبعده .
حصه : بنطيح بنطيح يالله الثبات..
تمسكو فـ الجدار وقعدو يناظرو الرايح والجاي ليم مالمحو حرمه واقفه في الزاويه وكان شكلها غريب شوي او ب الاصح معروف وڪانت لابسه عباتها الراس وبرقع ذهبي
حصه بشهقه: نوييير!!
نوره ناظرتها: وش؟! .
حصه بلعت ريقها بخوف واشرت على الحرمه ذيك وقالت: ڪانها الشيخه حصههه .
نوره لفت تناظر وهيه تحسب ان اختها تخرف قالت صرخه: يمههه وشش ذاا والله انها هيه هيه!!.
حصه نزلت من فوق الطوبه وهيه ماسكه على راسها بصدمه: مستحيللل مستحيلللل ششلون المييت حييي لااااا.
نوره نزلت وهيه منلجمه تناظر اختها بصدمه مو اقل منها
حصه ردت تويق من الجدار بس ماشافتها نزلت وهيه تفكر معقول تتخيل بس اختها شافتها والكل يدري محدن يلبس البرقع الذهبي ذا غير الشيخه صيته وصديقاتها من المشايخ.
معقوله واحده من خوياتها وليه جات نزلت وهيه متأڪده من الي شافته بس موب مصدقه .
نوره: خلن ننزل ولا تعلمين احد بـ الي شفناه .
حصه هزت راسها: اكييد مابنعلم احد لين نفهم وش السالفه شلون توفت وهيه موجوده .
نزلو لتحت وناظرو امهم الي ڪانت قاعده تقدمو منها
ام ذعار قالت بـ استغراب: وش بلاكم؟!.
حصه هزت راسها: مافي جينا نسولف معتس .
ام ذعار بنص عين: تسولفون معي وانتن ذه الحزه ف السطوح تتسمرون (ماكانت تدري انهم يطلعو عشان يقزون ف الخلق) .
حصه ابتسمت بتوتر: ايه بعد طفشنا ي يمه الا حريم المشايخ متى بيجون بكره؟!.
ام ذعار : العصر اڪيد.
هزت حصه راسها وقالت: وخيتي الجوهر مابيجبها زوجها عندنا؟!
ام ذهار هزت راسها: باتجي بكره الصباح بتتغداء عندنا عاد زوجها الله يهديه مايخليها تجينا .
حصه بكره : ياهي ذا زوجها ما اطيقه ابدااا.
ام ذعار: استحي ي بنت تهرجين على زوج اختس تسذا .
حصه سكتت وهيه تدري انها شلون تغلي زوج اختها .
في مجلس الرجال ماڪان به احد لانهم بيروحون بيت سليمان بحكم انه مريض ولهم من يوم رد لبيته تجمعون عنده.
خلوني اعرفكم عليهم.
الشيخ دهام "ابو ذعار"#.
شيخ القبيله وله احترامه رجال اجودي وشديد يحب الخير وڪل اهل القبيله يستشيرونه في ڪثير امور تصير جمعت الرجال في مجلسه ودايم يسوي العزايم مهتم ف القبيله بلمرره والكل يحبه.
ام ذعار #.
حرمه اجوديه طيبت الفلب بس شديده وتحب الخير ودايم ماتصير تجمعات حريم المشايخ عندها.
ذعار #.
الولد الاكبر لشيخ عمره43 سنه شديد وقاسي ومايحب النكد ولا البهاذل ولا الطريق العوجاء متزوج من موضي انسانه حبابه وماعليها كلام عندهم بنتين وولد .
منصور#.
عمره 30 سنه ولد طيب وراعي فزعه ونيسس وفلاوي غيور ويعشق الصيد كان متزوج بس توفت زوجته بعد ماصابها مرض خطير وعنده بنت اسمها شوق.
فارس #
عمره25 سنه هاذا الولد فلاوي ويحب المزح ويحب الكشتات محير على بنت عمه صاحب وهاج وفلاح.
الجوهر#.
عمرها 23 بنت طيبه حيللل وعاقله عكس خواتها متزوجه من سنه وعندها ولد.
حصه#.
العمر 19 سنه بنت ملقوفه بلحييل وخفيفه مزاجها متقلب مخطوبه على ولد عمها .
نوره#.
عممرها17 مثل حصه بس راكده شوي تحب اختها وزايم معاها معاها.
--
من ثاني يوم#
صحت من النوم على صوت ابوها الي يكلم بصوت عالي من الصاله طلعت من الغرفه وهيه تفرك عيونها بنعاس وقالت: وش فيه؟!.
عبدالله بهدواء: بـا نرد لرياض .
الجمتها الصدمه وقالت وهيه تحسب ان الي سمعته غلط : وشششش؟!!!!
عبدالله ببرود : بنرد لرياض معاد به شي يجلسنا هنا والاجازه خلصت تجهزي وبنحرك بعد العصر.
الريم بكت بقهر وصراخ: يبههههههه لاااااااا الااااااا ذيي يبه لاتذبحنيييي مابييي اطلععع من مكااااان به حس ميمتي يبههههه ارجااااااك يبههههه لاااااا.
عبدالله ببرود : الي قلته ينسمع بدون هرج ماصل.
الريم صرخت : مانيببببب متحركهههه تبييي تروحح روح اما اناااا مانيببببب متحركههههه من هنااااء ...
سكتها ابوها ب الكف الي حط في خدها مسكت على خدها بصدمه ارتعشت اوصالها معقووولل ابويي يمد يده عليي معقولل ببكاء: وشش
عبدالله بغضب: اقطععع وخسس هاذا الي ناقصني ترفعين صوتس علي وانا ابوتسس روحه ورايحين مانتس صاعده هنا كلمتي ماتتبدل .
وذلع من البيت الريم قعدت منهاره بكي ابوها صاير حييل قاسي عليها : لااا ي ميمه تعااللي ابييتسس تشوفييي شلون متغير علي يا ميمه وينتسسس مخليتني بروحي ياميمه اهىىىىىى.
عبدالله طلع وقلبه يعوره عليها بس تستاهل ماترفع صوتها على ابوها وشڪله دلعها ب الحييل.
اما الريم بعد بكاء هستيري نامت على الارض رغم انها توها صاحيه.
---
بيت سليمان#.
مطلق ڪان قاعد يصب القهوه لا عمه والسوالف ماليه المجلس .
قال سليمان : وراكم تاركين المحل بروحه؟!
مشعل حك شعر راسه وقال: بعد ماتعبت ي يبه ماعاد لنا نفس نروحه
سليمان بعصبيه: امحقق اقول اثنين يروحون للعزبه واثنين يروحون للمحل تبون تفقرونا.
حسين بـ استغراب: كلها اسبوع ي عمي مافتحناه .
سليمان: حتى لو مابي المحل ذا يتسكر ابداَ ولف نظره على اخوه وانت ي ابو حسين الله يهديك وراء ماخليتهم يروحون يفتحونه؟!
ابو حسين: الرجال ڪانو منفجعين بعد الي حصل لك مابيت اضغط عليهم.
سليمان: ولا منضغطين ولا شي قومووو اشوففف .
وقف وهاج ووقف معه مطلق وقال : نحن بانغدي للعزبه وانت ي مشعل وحسين روحو للمحل وابشر ي يبه لك الي تتبيه.
ابتسم سليمان برضى: تبشرون بـ الجنه يارب.
ابتسمت وهاج ومشو طالعين .
سليمان: هلحين ارتحت.
ابو حسين وهاه يناظرهم: وش له تخيلهم يروحون الله يهديك والله انهم تعبانين من الي صار عليهم .
سليمان بعدم اهتمام: رجال مايتعبهم شي.
ابو سحين هز راسه بعدم رجاء من اخوه وقال: الا تذكر عبدالله .
سليمان لف عليه بتوتر : عبدالله منوه؟!
ابر حسين بـ استغراب : عبدالله صديق المرحوم ابو وهاج .
سليمان صد عنه: كم مره قلت لك لاتدخل ولاتذكره ي ابو حسين .
ابو حسين بجديه: اموت واعرف وش بينك وبينه وليه لذه الدجره كارهه وهوه كان خوي اخوك.
سليمان ببرود : امور ماصله ماعليك منها الا اسمع ابيڪ بموضوع ي اخوك وادري ماتردني وان ماجاز لك مابينا شي.
ابو حسين بجديه من اف جديت اخوه وقال : افااا سم انت وبس ولك الي يرضيك.
ابو مطلق : سم الله عدوك والله يرفع قدرك الصدز انا ناصيك بطلب منك بنتك ربى على وليدي مطلق تدري الرجال كبر والي بعمره معاه بزارين وبغيت اشوف عياله وماعندي غير بنت اخوي الاجوديه والبنت مالها الا ولد عمها ضلعها وسندها وانت تدري.
ابو حسين ابتسم لا اخوه وقال: والله انك فاجئاتني ووين بنلاقي احسن من مطلق رجال ونعن فيه وفي تربيته يكفي انه ولد اخوي مير تدري ان الشور شور البنت ي ابو مطلق ونقول خير .
سليمان قطب حواجبه: ماله داعي شور الحريم يكفي شورنا نحنى ي ابو حسين وبعد البنت لولد عمها مابعده كلام .
ابو حسين حس بتوتر مايبي يكسف اخوه ويبي شور بنته بس ف الاخير استسلم وقال: شورك وهدايت الله .
ابتسم سليمان بفرحه وارتفع وهوه يقول : تعال .
تقدم ابو حسين وسلم على اخوه لام الخشوم وهوه يحس براحه لمطلق ويحمد ربه انه بياخذها واكيد بس خوفه من رد بنته وزوجته .
اما مطلق ووهاج الي ماكان يدري ان محبوبته بتفارقه اليوم مشو رايحين للعزبه بعد ماساق بهم مطلق لها..
---
بيت فلاح#.
صحت من بدري وڪان نايم صحت منحرجه انها نامت معاه ودها الارض تنشق وتبلعها من الاحراج نزلت وسوت الفطور لهم وا لاام فلاح ورغد واخوانها الي ڪانت نايمه وبعد مازهبت الفطور وقدمته راحت تصحي رغد الي ڪان نومها بالحيييل ثقييييل...
ميثى : رغددددددددد حشى موب نوم ذااا قومييي.
رغد : ياخييي خليني انوم شوي حرام عليتسس .
ميثى شدت المفرش بقوه وقالت بضحكه: قومي ولا والله اني احيب مويه وكبها عليتس.
رغد قامت بتكسل ورفعت شعرها عن عيونها وقالت: كم الساعه؟!
ميثى ناظرت الساعه الي في معصمها وقالت: ثمانيه.
رغد انهارت : لااااا حرااام عليتسسس والله بي نووم.
ميثى شدتها من يدها: قومي قومي وخلي الكسل عنتس يلاه .
وقفت رغد وهيه رايحه تطله لها لبس بتروح تغير ملابسها ثم تفطر اما ميثى طلعت جناحها بتروح تصحي فلاح.
دخلت للغرفه وشافته صاحي بس منسدح
بتوتر واحراج: الفطور جاهز.
هز راسه بزين ووقق وهوه يمسح على شعر راسه مشى لدورة المياه اكرم القارى وهوه يقول: جهزي ثوبي.
طلع وشاف ثوبه جاهز لبسه وهيه كانت قاعده على السرير تنتظره فلاح اشر لها عشان ينزلون نزل قبلها وهيه خلفه لين تحت مدت سفرتها وافطرو كلهم ويا بعض وبعد ما خلصو وقفت ميثى تلف السقره ويا رغد وفلاح طلع من البيت واخوانه معه وام فلاح قعدت ف الصاله.
فـ المطبخ.
ميثى : مارحتين عند الريم؟!
رغد ضربت راسها: يوووه لي اسبوع مارحت لها اكييد هلحين ضايقه وحالتها حاله قلبي عورني ودي اروح لها بعدين.
ميثى بحزن على حالت الريم : الله يسهل عليها ياربب ونا بعد بروح معتس.
رغد خزت راسها وهيه تجلي الصحون : تم .
---
ف العزبه #.
الساعه واحده بعد صلاة الظهر.
واقف يناظر الابل والنياق خلع شماغه وراح يلبسه الناقه ويصورها وكان مطلق يضحك عليه .
مطلق: هيا الحين شم ريحت الشماغ.
وهاج ابتسم: معليك يزين ريحته.
مطلق بقرف : الله يقرفك .
ضحك وهاج وراح قعد جنبه وقال : متى بانرد؟!.
مطلق : مدري ودي اقعد هينا اليوم وش قلت؟! .
وهاج هز راسه ببتسامه وقال: زين دامها كذا بس انا الساعه اربع بارد معي شغله وبرجع لك .
مطلق بـ استغراب: وش هيه؟!.
وهاج بهدواء: واحد من الشباب قال معه شغله لي وماقالي وش هيه وف نفسه مانيب راجع الا عشان الريم .
مطلق هز راسه بتمام .
---
عندها ڪانت تجهز وهيه تبكي تبي احذ يساعدها تبي اي كاثره تصير عشان تبقى فـ الديره بس ماتدري وش خلصت تجهيز ملابسها واغراضها ف الشنط ثم وقفت تجهز العشاء الي بتوديه لبيت ضاري والدموع سيل على خدودها لقت شعرها لفوق ومسحت خشمها بظهر يدها اليسار ومشت وعيونها منفخه من البكي تذكرت وهاج وقعدت تبكي اكثر ماتدري وش باتسوي وهوه الفتره الفايته تعلقت فيه حيييل ماودها يغيب عنها قعدت وهيه تناظر الاذاعه الي في يدها الثانيه وشغلتها عشان تسمع صوت امها ومن سمعته اجهشت فـ البڪاء وش ذنبها تعيش كل ذا وشش ڪانت تجهز الاكل وماتدري وش تسوي فيه من الدموع المغرقه عيونها ..
اما عبدالله فڪان فـ المجلس يهوجس الفتره ذه منفلته اعصابه بعد فقد امه خصيصاً يحس روحه بتطلع بعد ماضربها ليييه ضربتها لييييه تعوذ من الشيطان وهوه ناوي يدخل يراضيها وقف ودخل للبيت وقيل يوصل لها ارتجف جسمه ونشلت اطرافه حس الريقه نشف ودقات قلبه مخترقه صدره سمع صوت محبوبته زوجته مشى بخطوات متثاقله ناحيت الصوت وهوه يتمنى مايكون خيال هوه مايدري وش تقول بس الصوت دخله في عالم ثاني دخله فـ عالم الذكريات دخل للمطبخ وناظر بنته تبڪي وتطبخ وحالتها حاله قال برجفه : الريم.!!
الريم اول مايمعت صوت ابوها ارتمى الصحن الزجاج من يدها واكتسر ف الارض ناظرت الاذاعه بطرف عينها وصوت امها شغال قالت برجفه : ي ي يبه!!
عبدالله وعيونه محمره وفيه البكيه: وين لقيتي الاذعه ذه؟! .
الريم ركضت وانجرحت من الزجاج المرمي وراحت للاذاعه تطفيها خبتها لفها. قالت: ما اسمح لڪ تاخذها .
عبدالله ناظرها وقال: الريم هاتيها.
الريم ببكاء : لاااا ماراح اعطيك ايها.
عبدالله بعد مستوعب الكلام الي قالته وترردد على مسامعه حس الرجفه خالطته والعرق تصبب منه قال : الرييم هاتييي اللاذاعه.
الريم بكاء : لايبه لاااااا.
عبدالله راح واخذ الاذاعه منها غصب ولف تاركه تبڪي ف المطبخ بصوت عالي.
اما هوه بعد مادخل غرفته رمى شماغه والعقال وفتح ازرار ثوبه العلويه وقعد ع السرير شغل الصوت وهوه يتصبب عرق ودقات قلبه تزيد وتنفسه يزيد مسك على راسه وهوه يسمع توصيتها على بنتهم نزلت دموعه سمع الملام الاخير وبردت اطرافه حس الزمن توقف عنده وقف بفجعه وهوه يربط الي يسمعه بـ ماضي مر عليه 18 سنه حس الدنيا دارت فيه وارتمى ع الارض وهوه ماسك راسه بصداع وهوه يدعي ربه ان ماحدن يكون سامع التسجيل غير بنته.
عندها بكت لين انبح صوتها وقفت ع حيلها وراخذت الاڪل وجهزته وراحت لبست عباتها وهيه تعباااانه نفسياً ڪل شي خسرته ڪل شي حتى ابوها معاد هوه ابوها الي تعرفه بعد ماجهزت مشت طالعه من البيت بدون ماتقول لا ابوها ولا هيه داريه عنه اذا باقي ف البيت ولا طلع ..
----
كــان واقف ينتظرها مرت نص ساعه على الموعد الي يشوفها فيه حس القلق ترسب قلبه وش صار ليه تأخرت فز واقف من لمحها تمشي من بعيد وهيه ماسڪه اغراضها في يدينها خلاها ليت تتقدم ومشى جنبها
وهاج اخفض نظره وبصوت منخفض : كيفتس ي بعد حيي.
الريم حست الغصه خانقتها ومانطقت .
وهاج ايتفرب لف عليها وشاف عيونها وانصدم وقفها ف الطري ومحدن كان فيه وقال : وششش بكككك من مبكيتسسس ؟!!
الريم بصوت فيه العبره : وهاااج.
وهاج انفجع: ي بعده قولي وش بتسس والله لا انهيي الي يبنزل دموعتس.
الريم ببڪاء: يبغنا نترڪ الديره اهى.
وهاج جن جنونه مستحيل لا لا قال وهوت يدري انها تتكلم عن ابوها: وليييه وشلون .
الريم ببكاء : مقدر مقدر لاحدن يشوفنا خلني امشي .
وهاج حاله منقلب طنش كلامها وشدها من عباتها ومشى بها لين مڪلن خالي تماماً وقال ودقات قلبه تنسمع: شلوون كذا مستحيل؟!.
الريم حكت له بڪل شي وهنا وهاج حس شياطين الجن فوق راسه: شلوون ضربككك شلووون طاوعه قلبه.
الريم ڪانت لفه بوجهها وتبڪي.
وهاج ڪان يبي يهديها ومايدري شلون نزل شماغه من كتفه وحطه بين دينه واخذ يدينها وهيه انصدمت من حركته صح بين يدينهم يفرق الشماغ بس مايحل له يمسكها الريم: وهااج ابعددد.
وهاج قال بعصبيه: والله ما ابعد علي الطلاق ي الريم ان كانتس تغليني تخليني حابس يدنتس بين ديني وماني ماذيتس.
الريم ارتجف جسمها اول مره تقع في موقف مثل كذا حست العبره خانقتها قالت ببڪاء: وش اسوي وهااج وش اسوييي؟!.
وهاج سڪت ثواني وقال بعد ماطرت الفكره في راسه وهوه مايدري وش بتقول قال بعد تردد : تتزوجيني...
----
كـــــــــــت❀.
اعذروني اذا فيه اخطأ املائيه♡.