الفصل 11
*⌯{📚}↵روايه#| يَ أول مُواليِف قلبيِ،واخـر حُب! .*
*⌯{✒️}↵للكاتبه#|حليِمه،عبد.السَلام.ai.
*⌯{📜}↵ البَـــارت#| الحاَديِ عشر¹¹↓.*
〰️〰️〰️〰️〰️〰️〰️
**
استغَفر اللّه واتوبَ إليِه.
اللهمَّ اكفِنِي بحلالِكَ عن حرَامِكَ،
وأغْنِنِي بفَضْلِكَ عمَّن سواكَ.
اللهُمَ صلِ وسلم وبارك على سيدنا مُحمد🌷🤍.
☐اتمنىَ الروايهَ ماتلهيكمَ عن الصلاهَ!!.
____
من عز نفسه شافنا متواضعين
واحنا تربينا على اخلاق وتواضع
ومن ذل نفسه شافنا متكبرين
شفنا كبار وهو صغيرن وخاضع.
____
نكمَل..
شدها من يدها رنيم لفت بشهقه من اليد الي شدتها وتو بتصرخ الا حست عليه يسكر فمها الخوف سكن قلبها ارتجفت نزلت دموعها حاولت تسحب نفسها منه بس مافي فايده قلبها ارتجف الخوف استوطن اعماقها رنيم تحاول تصرخ بس قبضت يده كانت اقوى منها همس بفحيح عند اذنها : تقدرين تعلين صوتس وتلعلعين في المجالس مير ماتعرفين تدافعين عن نفستس هاه .
رنيم غمضت عيونها ببكاء وخوف على الوضع الي هيه فيه يحس برجفتها ومازاد من رجفتها الا انه يفرح بخبث شدها من خصرها ودخلها لسيب نهايته مسدود دفها للجدر وسد عليها بجسمه حط يده على فمها واليد الثانيه شاد على خصرها رنيم رجلينها مو قادره تحملها قرب لين مايفرق بين وجهاا وجهه الا خشمه بسس قال بفحيح : نشوف من الشريفه الان .
نزل براسه وو...
ماحس الا باليد الي شدته من خلف ثوبه وتو بيمسك اليد الا الكمه الي هشمت خشمه لف بوجهه وتأوه بألم ناظر الشخص وانذهل مسيييلم ماغيره ؛ مسيلم بجنون راح واخذ يضرب فيه ضرب لين ماحس ان نهايته على يده .
رنيم واقفه منذهله ومنصدمه من الي يصير والي كان بيصير لها اجهشت بـ البكاء وهيه تشوف مسيلم يضرب في سراج ضرب مبرح للحظه حست انه انسان واعي وشلون بيكون مجنون وهوه فاهم الي صار معاها اشتد النزاع بينهم واشتد الضرب وللاسف ماكان احد موجود ف المكان سراج ماقدر على مسيلم والي كانت جثته ضخمه بنسبه لسراج و بعد ما حس انه متكسسسر من الضرب دفه مسيلم وقال بصوت ملاه الغضب والحده : رخمهه ابن كلب خلني اشوفك متعدي على بنات الخلق.
ثم رفعه نظراته الحاده لرنيم ولانت ملامحه يوم شافها تناظره بصدمة وذهول مرتسم على ملامحها والدموع في عيونه الي باينه غض بصره وقال: عسى ماسواء لتس شي.
رنيم ماتدري وش تقول لاااااااا شلون كذا ذا مجنون الحاره شلوووون ناظرته برجفه وبكاء وخوف والهلع واضح على عيونها وبصوت مرتجف : اانننت اانت ششلون ااا.
مسيلم نزل نظره للارض وحك لحيته الكثيفه وقال ببرود : لا اشوفتس مطلعه هرجه على الي شفتيه ي بنت الناس .
رنيم ناظرته بدهشه وووبكاء ورعب هزت راسها بزين مسيلم لف بنظره وماشاف سراج ابتسم بستهزاء عرف انه هرب هه رخمه .
رنيم ببكاء وخوف قالت: انتتت انننت ششلون!!
مسيلم مسح على وجهه وقال بهدواى وعيونه بعيد عنها: مبضروري كل شي تعرفينه وانسي الي حصل وروحي بيتكم ي بنت الاجاويد ولاتطلعين بروحتس.
رنيم مشت من جنبه وهيه ماهيه مصدقه الي شافته ابدداً اما مسيلم فـ شاف زولها لين راحت ومسح على شعره الطويل لين اكتفاه بهدواى وابتسم بجنون واخذ عصاته وربط ثوبه على خصره وراح يركض ف الحاره يدور البزران وياخذ العابهم...
#مسيلم.
الكل يعرف انه مجنون الحاره عمره 29 سنه جثته ضخمه وشعره لحد اكتافه ملامحه حاده ورجوليه الي يشوفه مايصدق انه مجنون عوارضه كثيفه وعنده جرح قديييم ف نص حاجبه لين تحت عينه اليسار بشوي بشرته قمحيه يمثل دور المجنون لا اسباب مجهوله.
رنيم اول ماردت للبيت وهيه تتذكَر الي صار وكأنه حلمم ماهيب مصدقه دخلت وهيه مفهيه وحالتها حاله ودموع بعيونها ؛ شافت عواطف الي جت تركض يمها من شافت حالتها وقالت بخوف : وشش بتسسس وش صاير عليتسس ليه تبكيِن؟!!!.
رنيم دخلت لداخل البيت لانهم كانو واقفات ف الحوش وقالت بهدواى مريب
: مافيني شي.
عواطف شدتها من يدها وقالت بصرامه وصوت منخفض: رنيييم لاتكذبين علي ادري ان به شي صار لتسس لاتخبين ولاتنكرين اعرفتسس اكثر من روحي.
رنيم ماقدرت تمسك نفسها واجهشت بـ البكاء عواطف ناظرتها بذهول وهيه تدري ان اختها ماتبكي ؏ حـي الله ولا علـى اسباب تافهه اكيد به شي كبير شدتها لحضنها ورنيم تمسكت فيها وببكاء
: كككنتتت بروحح فيهااا اهئ ككنت ببدمر يي خيتيي اهئ .
عواطف انتابها الرعب على اختها وششش صاير فيها رفعت راسها تقابل وجهها الاحمر نتيجة بكاها وقالت بصوت منخفض : اوصص خلينا ندخل الغرفه وعلميني بكل شي ووشش صاير فييتس.
جرتها معاهت ورنيم مالها حيييل للمشي دخلو غرفتهم وقفلت الباب راحت يمها وسحبتها مع يدها وقعدت وهيه جنبها قالت بحنان : وش صاير علميني لاتخلي قلبي يعورني عليتس قولي لي .
رنيم ببكاء وبصوت مبحوح وبقهر: اللكككلب تتعداى علييي اهىىى.
عواطف بققت عيونها بصدمه وقالت بفجعه: منوووه؟! وليييه؟! وش سواا لتسسس ؟!!.
رنيم ببكاء: سسسرااج اهىى ققال عشاني ذكررت اختته فـ المجلس بشينه قدام بنات القبايل اهىىىى ووكان اهىىى واجهشت ف البكاء وماقدرت تكمل كلامها .
هنا عواطف وقفت ومسكت على راسها وهيه رايحه يمين ويسار ف الغرفه : يامصيبااه يا ويحاااه ناظرتها واخرر قطرة غيث معاها قالت برجاء وتمني: قولي ماسواء لتس شي رنييم ارجاتس.
رنيم زاد بكاها وهنا عواطف جن جنونها وبرجفه: لاااا لاا رنيم لا مستحييل.
رنيم ببكاء : مممسواى لي شييي .
عواطف هدت وغضت عيونها ومسكت على صدرها بارتياح : الحمدالله الحمدالله ثم قالت : ككيف ششلون
رنيم فهمت عليها وتذكرت مسيلم وتذكرت كلامه ماتدري وش تقول وقالت بسرعه: ااخذت حجر وفقششت راسه وهربت.
عواطف راحت وحضنت راسها وقبلتها مع راسها ووبكاء وخوف على اختها: الحمدالله الحمدالله الله كان معتسس توبه عاد اخليتس تطلعين توبه ثم ردت تقبل راسها مره ومرتين وثلاث.
رنيم شاده علييها وقالت وهيه فحضنها: خلاص ماصار شي لاتخافين.
عواطف حست بقوة المصيبه الي كانت بتصير لهم وقالت : الحمدالله ربي كان معتسس .
رنيم ابتعدت عنها وقالت بهدواى: ودي انوم.
عواطف هزت راسها : زين نامي ي ابوي نامي ولاتضيقين صدرتس .
انسدحت رنيم وغمضت عيونها وجاء طيف مسيلم فتحت عيونها وناظرت الفراغ وهيه ملتويه على نفسها بوضعيت الجنين قالت بهمس: ان كان شيخ القبيله مايدري فـا هاذي مصيبه وان كان يدري فـ المصيبه اعظم ؛ غمضت عيونها وهيه تتخيل اذا عرف وش ممكن يصير.
__
من ثانيِ يوم#.
الكل كَان مستعد رايح لمجلس الشيِخ الي عزم رجال الديره عنده للغذاء وكان من ضمن العزيمه انه بيعزم اهل الديره على زواج رماح آل** والي كان اساساً زوج حنيِن صديقت البناتَ ...
واقفه تبخر ثوب ابوها بكل حبَ العالمين قالها انه به عزيمه لااهل الديره عند الشيخ فـ اخذت تجهز ملابسه تحبَ ترتب ابسسط التفاصيل لا ابوها تحس شعور السعاده يغمرها وقت تهتم لا ابسط تفاصيله من ثوب وشماغ وكبك وساعه وعطر لا قلم وسبحه وحتى صندله " اكرم القارئ" تهتم له كانت دقيقه في اي شي يخص ابوهاَ لاانها تحبه ومن تحب هيه تهتم ل كل شي يخص الشخص الي تحبه خلصت واخذت ترتب باقي اغراضه سمعت صوته جاي..
: ي الريممم ي عضيدت ابوهاا!!.
الريم من جواء الغرفه قالت: انا هناااا ي يبه ابشرر بعضيدتك.
دخل عبدالله الغرفه وشافها حطت الي ف يدها وتقدمت منه حضنها مع كتفها وقبل راسها ابتسمت بحب له ..
عبدالله: والله انتس العوض وانا ابوتس.
الريم ابتسمت: ي حبيبي ي ابويا ، ابسر بي واناا بنتك .
ضحك عليها وقال بمزاح: ما ادري شلون با ضل حي اذا تزوجتين وخليتيني بروحي .
الريم فزت وناظرته بضيقه وقالت: مانيب متزوجه أصلاً انا بقعد عند جدتي صيته اهتم فيها وفيك وش لي بوجع الراس وانتو اجريَ وصلتي مع رب العالمين.
عبدالله بحنيه: بزوجتس وبشوف عوالتس ان شاءالله وهاذي سنة الحياه وانا ابوتس.
الريم ابتسمت بهدواى وقالت: كل شي يبه في وقته حلو مانيب مستعجله على شي.
ابتسم ابوها لها وقال: هلحين خلني اخذ ثوبي واتجهز مابه وقت.
ابتعدت الريم من حضنه وهزت رأسها بزين وطلعت من الغرفه شافت صيته واقفه وفي يدينها ثياب كثيره ..
صيته: تعالي .
الريم تقدمت من جدتها وقعدت وهيه ترتب ثوبها وكانت لابسه جلابيه بيج مطرزه من الصدر ويدينها طويله ونهايت اليد فيها طرز كثيف ومخصره الجلابيه كانت فخمه رجعت شعرها خلف اذنها وهيه تشوف جدتها تفرز الملابس الي في يدها قالت صيته بثقل وصوت رغم كبر سنها الا كان الوقار والهيبه واضحه فيه : الخلاقين هذي الي ماعاد تلبسينها كثير ولاحظت عليتس النهم بانتصدق بهن وانا طلعت خلاقين معاي ضاقين بي با نرتبهن وتاخذين نصهن وتوزعي منهن .
الريم هزت راسها : ابشري.
فرزت صيته الملابس وجهزتهم وقالت وهيه تضرب على الكيسه الي فيها ملابس با السبحه حقتها : هاذي خذيها لبيت ضاري ، وذي واشرت على الثانيه الي كانت تحت يدين الريم وقالت: وهاذي خذيها لا قرب المسجد وطرحينها هناك للحرمه الي تقعد هنياك.
الريم تذكرت وقالت: صح ي يمه ليه ذيك الحرمه ترفض المساعدة من رجال الديره اذكر انهم قالو بيصرفون عليها وعلى اولادها وراء مكانها تقعد هنياك.
صيته بغموض: معليتس منها خذيه لها انتي وبس.
سكتت الريم وهيه تناظر عيون صيته المكحله عمرها مافهمت عيون جدتها وهيه الي تفهم لغت العيون تدري ان بهم شي وشي ماهوب هين وتدري ان في وسط قلبها شي وشي كبيير بعد بس ماتدري وش هوه تخاف وخوفها ماله مبررر الا اذا فهمت وش الشي الي يتوسط جوف جدتها رغم انها تربت على يدينها الا انها وللان ماقدرت تتجراء وتسئالها ، وش الي يحاصر عيونتس ي يمه ، ليه مانيب قادره افهمتس وانا الي تعلمت منتس افهم الناس من نظره ، وش الي مخبيته ومخليتس تفقدين لمعت عيونتس للحياه ، كل الاسئاله ذي تدور في راس الريم وهيه مدققه في عيون جدتها الي كانت تناظرها بثبات وثقه ورغم الحظه هاذي مامرت عليها الا ثانيه واحده فقط الا ان صيته قرت او فهمت وش يجول في خاطر حفيدتها وقالت بعد ما ثبتت نظرها لها وهذا الي خلا الريم تنزل نظرها عنها لانها ماتقدر تتحمل نظرات جدتها الحاده رغم طبيعتهم قالت بصوت هادي : لاتحاولين ي الريم ماهيب سهل عليتس تفهمين من راوضتس على الدنيا، ولاتحدين نفستس للغرق دام شارعتس سليم.
الريم ابتسمت و بنفس نبرة الثقه قالت: لايهمتس ي يمه مهما مر الزمن مكانتس باتقولين ان ماكان بعيونتس بلسانتس الطيب ، اما شارعيِ فماحد محتويه غيرتس ان كانتس تبين لي الغرق فاهوه معتس.
ابتسمت صيته وقالت بعد ما مدت لها الكيسه وقالت : لاتنسين توصلين سلامي لا ام زهراء.
وقفت الريم وهيه تهز راسها بزين بعد مافهمت ان الناقش تسكر بعد ماغيرته جدتها اخذت الاغراض وودتهم عند باب غرفتها يوم تطلع بتاخذهم وياها سمعت صوت ابوها الي كان جاهز وبيطلع راحت وقبلت راسه وكتفه ..
عبدالله: يلاه انتبهين على نفستس وهتمين بجدتس.
الريم هزت راسها بزين وشافت زول ابوها لين اختفاء من انظارها دخلت للبيت وراحت مباشره للمطبخ بتجهز لها الغذاء وياجدتها..
__
منسدح على كبوت الشاص ويناظر الشمس الي لفحته من حرارتها اليوم بايغدون للبيت لانه جاهم واحدن من اتباع الشيخ يعلمهم بـ العزيمه ..
مطلق من بعيد جاي يمه وقال بصوت مرتفع ويده عند جبهته بحيث يخفف من حرارت الشمس على عيونه : ي رجال ما حرقتك الشمس؟!.
وهاج ابعد يده من راسه ولف بوجهه لجهت اخوه : رجال ما تهزنا عتبات الحياه ، فامتهمني شمسها.
مطلق بغمزه: اذا الحياه ما احرقتك بـ شمسها بيحرق قليبك قمرها.
وهاج فهم عليه وقال بغيره شبت صدره واشعلت جوفه وهوه يرمي عليه الشماغ: لاتتغزل بها ي كلب.
مطلق مسك الشماغ قبل يوصله او يرتمي على الارض وقال بعد ماتقدم لين عنده بظبط: الغيره ذابحتك وانا اخوك.
وهاج بنص عين : مطلق رح قل لا اخوانك يعجلو.
مطلق لف وشاف مشعل وحسين يتهاوشو: ي عياال موب وقت بزرنه خلونا نغدي قبل يأذن الظهر.
مشعل تقدم وبغضب : ياخيييي شوفو لكم صرفه معه ذا!!.
مطلق ناظر حسين الي جاي وف يده فرشه: وش به؟!.
مشعل بضغب رفع الفرشه الي في يده وقال: ياخييي حارق فرشته ومبدل فرشتي عين.
مطلق نزل نظره للفرشه الي معى مشعل وكانت محروقه حرق شوي كبير رفع نظره لحسين المتقدم منهم وقال: وش بك ي حسين حارق فرشتك وماخذ فرشت اخوك!!.
حسين بغضب : ورب الكعبه ماهوب فرشي ذا شوف شوف ومد الفرشه ف الارض.
مطلق ناظر فرشت ذا وفرشت ذا واصلاً الفرشتين شبه بعض مافي فرق ابد غير الحرق الي في الفرشه الثانيه
مطلق اخذ الفرشه المحروقه وحطه ف الشاص من خلف واخذ الي معى حسين وسواء نفس الشي وقال بنرفزه: كلها فرشه لاتسوون فيها مدري وش امشو بس هاذا الناقص ومشى طالع الشاص ووهاج ركب مكان السايق مطلق طلع بكيت دخانه من جيبه وحط سجاره في فمه واشعلها وناظر حسين ومشعل من الطاقه وكانو منصدمين من حركته
ببرود: اقول خلونا نحرك بس اطلعو.
مشعل بحده: والله اوريك ي حسين.
حسين ببرود رفع يده : زين زين.
ركبو ف الخلف وكل واحد عاطي ظهره لثاني .
اما وهاج فكان يسوق ومشغل شيله ويناظر طريقهم بهدواى ومطلق جنبه يدخن وماحد منهم فاتح سالفه.
__
واقَفه تمشطَ شعرها الي يِصل لتحت اڪتافها ناظرتهَ داخل رمى شماغه وقعد على السرير وقال ببرود : جهزي ثيابي .
ميثى لفت عليه ونزلت يدها من شعرها وقالت بهدواء: وين بتروح ؟!.
فلاح ناظرها بنرفزه: مالتس دخل جهزي ثيابي وبس ، ااالا تعالييي شعندتس قاعَدة هنا وراء مانزلتيِ عند اميِ ورغد؟!..
ميثى ارتجف جسمها من حدت صوته نزلت عيونها للارض وقالت بهدواى : توي صاحِـيه.
فلاح وقف بغضب وصفق بيدينهَ: أيوااااااا متزوجتس عَشان تنامين طول اليوم هااه ولا عشان تنقعين عند امي تساعدينها.
ميثى ناظرته بقهر : فلاح موب يعني اني عطيه تعاملني ڪـذذاا لي اهل انا!!.
فلاح ڪـتف يدينه لصدره ورفع حاجبهَ الأيسر : بالله! ما دريت اقول روحي جهزيِ ثيابي وانتي منطمه ولا اقسم بالله لا اردتس لا ابوتس الي راميتس عليِ.
ميثى حسَت الڪلام خنجر في صدرها نزلو دموعها هاذا وهو الڪل يمدح فيه وفيِ رجولته ليه ليه هييه يعاملها ڪذا مشت من جنبه وعيونها غرقانه بدموع حسَت بقبضت يده وقت شد عضدها ...
فلاح ردها لقدامه وناظر ملامحها الباڪيه ماهوب متعود على القسوه ولا هوه متعوّد يجرح احدددَ ابد مايدري ليِه شياطينه ماتطلع الا عندها هيه بذات شدها لحضنه وسمع شهقاتها غمضَ عيونه بقهر ماعمره بڪاء احد من اهله حتى اخته ما يوم زعلها وهلحين يبڪي حرمته ي ڪبرها ي فلاح شد ؏ حضنها وقبل راسها ابعدها عنه شوي وحط يده تحت ذقنها رفع راسها له وناظر ملامحها الباكيه جمييله حييل عض طرف شفته وقال وهوه يناظرها: ما ادري ليه مانيب متقبلك ولا والله انتس بنت اجاويد هاذا غير انتس حيييل مزيونه.
ميثى اخفضت ملامحها بخجل منه تحس عظامها ترتجف الرعشه سرت في جسمها و دقات قلبها مسموعه اول مره يكون قريب حيييل منها ؛ فلاح نزل وقبل عينها اليمين ثم اليسار وابتعد عنها داخل لدورة المياه. " اكرم القارئ" وكأنه يتهرب منها ..
ميثى فتحت عيونها وماشافته مسڪت على جهت قلبها بيدها وتحس بدقاته اخذت نفس ورفعت راسها تناظر السقف مسحت دمعه سالت من عينها لخدها نزلت نظرها وابتسمت بهدواى ومشت رايحه لجهت الدولاب تجهز ملابسه.
___
بيت سلمان#.
قاعد بتوتر اڪيييد بيلاقيه هناك اڪييد دام العزيمه للقبيله ڪلها ياڪرهه له مايدري وش بيصير ف المجلس واڪيد بتڪون المقابله طاحنه.
ربى دخلت للمجلس وماڪان به احد ناظرت ابوها القاعد يناظر التلفزيون وقالت بهدواى : بابا.
ناظروها الاثنين بدهشه قال ابو حسين بعصبيه: يامالل الماحي ذي تمحيتس وش جايبتس لا هناا ان ڪان به رجال هنا خبلا انتي!!.
ربى بهدواى قالت : بابا شيلتي على راسي ترا وبعدين انا تأڪدت قبل اجي.
سليمان بنص عين: ي ابو حسين الدلع ما منه الا المصاعب.
ربى انقهرت من عمها ..
ابو حسين بهدواى: مابه شي ي سليمان وبعدين قالت انها تاكدت قبل تجي ، ثم لف نظره لها وقال :.شعندك؟!.
ربى تقدمت منه ومدت يدها وكانت بها سبحه حقته : نسيت حقتك السبحه .
اخذها منها وقال : روحي لداخل البيت هلحين يجون عيال عمتس.
هزت راسها بزين وطلعت من المجلس الا قدامها مطلق الي ناظرها بصدمه ربى اول ما شافته تسمرت مكانها من الفجعه.
مطلق بعصبيه : انتييي ماتفهمييين كل مره اعيد لتس الهرج وبعدين ي بنت عمي وش مدخلتسس مجلس الرجاللل هاااه.
ربى بخوف نشل صدرها:جيييت لا ابويا ععشان نسي سبحته.
مطلق بعصبيه وحده وهوه غاض البصر : ادخلي لابارك الله فيتس ادخليييي .
ركضت داخل لداخل ودموعها ف عيونها يخوفهااا من وهيه صغيره تكرهه وتخاف منه .
عواطف واقفه وفي يدها المكنسه : وش بتس تراكضين؟!.
ربى هزت راسها:.ولا شي.
عواطف : روحي شوفي امتس لها ساعه تنادي عليتس.
ربى هزت راسها بزين ومشت رايحه لا امها شافتها قاعده ويا رنيم وام مطلق سسولفون.
: هلا ماما.
رنيم عوجت ثغرها: ربرب تراتس كبيره على ماما ذي.
ربى ابتسمت لها : تعودت عليها.
رنيم بمزح : لو يسمعتس مطلق ان يبهذل فيتس ويذب.
ربى ارتجف جسمها من سمعت اسمه ي الله شقد تخاف منه سفهت رنيم وناظرت امها: ماما وش تبي؟!
ام حسين: لا بس كنت ابيك تطلعين الثوب حق ابوك وتجهزينه بس خلاص قد اخذه.
هزت راسها بزين وقعدت جنب رنيم وكانت امها كلامها مو مثل اهل الديره ابد ماخذه من المدينه كثير ..
__
بعد ساعات ف المجلس#.
وقبـل يتقَدم الغذاء ڪان الڪل متواجدَ فز سراجَ اول مالمح ابوَ مسيلم وقال بحقدَ : الااا ياعميِ اخبار ولدڪ مسيلم؟!.
ابو مسيلم بهدواء: مثل ماهوه مير ادعي له والله.
سراج بقهر :ماضنتي ي عمي انه به قل صح.
ابو مسيلم بـ استغراب : ڪيِف؟!!.
سراج : مثل ماسمعت ولا به انسان مجنون يتقدم لواحد ويضربه ويقول كلام عز الله انه لا انسان عاقل!! .
ڪل الي فـ المجلس يسمعون بصمت لين نطص بدر ڪان قاعد جنب ابوه: ايوووه شفاه وقت ضربڪ ووواا وواقال قال لڪ رخمهه ابن ڪ** خلنيِ اشوفك متعدي ؏ بنات الخلق.
الجميع شدهم ڪلام الطفل وسراج بلع ريقه ڪان بيقول ڪلام يقلب الطـاوله عليهم بس البزر ذا عطل عليِه ..
الشيخ بـ استغراب : وش يقول البزر ي سراج؟!.
سراج بلع ريقه وقال : مما ماا ادري عنه اڪيد هرج بزران ي شيخ!!.
البزر بصوت مرتفع : لاااا انا رجالل موب بزر وانا شفتته يوم انه اضربك ولف لا ابوه وقال: شووف يبهه يدهه ظي المڪسوره تراه مسيلم المجنون ڪاسرها له.
ابو البزر بعصبيه: لاتدخل نفسڪ في امور الكبار ي محمد.
محمد بعصبيه طفوليه: يبه انا اقول الصدق والله والله.
الشيخ وقف بغضب وقال لسراج: من هيه ذي معتدي عليها ي سرااااج هااااه.
سراج ناظر الشيخ وقال: افاااا ي شيخ وش الهرج ذا مانيب ديوث اعتدي على بنات الخلق وبعدين انت تدري ان مسيلم عليه قل صح شلون الهرج ذا اڪيد ان البزر ڪذاب.
ابو مطلق: شلون كذاب وانت توڪ تقول لا ابو مسيلم ان ابنه صاحيِ محدن يلمح عن شي ثم يغطيه .
ابو رماح هز راسه: محدن يغطي الشمس بـ منخل .
الشيـخ عرف ان سراج مهببب قال بغضب : وششش مسويييي ي سراااج من له البنت؟!!!
ڪل رجال القبيله اصابهم الهلع وشش بنتتته كل واحد قعد يناظر الثاني خيررر مشش معقول بناتهم يسوون شي زي كذا.
ابو الريم بقهر: وشش الهرجه ذي ي شيخ انت تدري بناتنا متربيات احسن تربيه وشش الي يسوون فيه مستحيييل.
مطلق بتأييد: ايوه ي شيخخ مستحيل.
سراج ناظر مطلق بقهر وهوه يدري انها اخته ناظر الشيخ وقال بقعر وخبثث العالم كله:...
---
ڪــــــــتَ❀.