الفصل 8
*⌯{📚}↵روايه#| يَ أول مُواليِف قلبيِ،واخـر حُب! .*
*⌯{✒️}↵للكاتبه#|حليِمه،عبد.السَلام.ai.
*⌯{📜}↵ البَـــارت#| الثَـامن⁸ ↓.*
〰️〰️〰️〰️〰️〰️〰️
**
استغَفر اللّه واتوبَ إليِه.
اللهمَّ اكفِنِي بحلالِكَ عن حرَامِكَ،
وأغْنِنِي بفَضْلِكَ عمَّن سواكَ.
اللهُمَ صلِ وسلم وبارك على سيدنا مُحمد🌷🤍.
☐اتمنىَ الروايهَ ماتلهيكمَ عن الصلاهَ!!.
____
*إن جيت قلنا مرحبا الله يحييك*
*وإن رحت ما انت اعز من راح عنا!.*
____
نكمَل..
سمعت صراخ ابوها طلعت من الغرفه الا تشوفه يكلم ف الجوال وصوته مالي البيت .
ابو الريم بصراخ: يخسيي ويعقبب هه ... لا... حتى وان مانيب داخل مجالسه بقلعته..يلاه يلاه سلام.
سكر الجوال وناظر بنته المنصدمه وتناظره قالت: وش في يبه؟!.
ابو الريم مسح على حواجبه بيده اليسار والغضب يحتله والضيقه معشعشه صدره يحس نار ف صدره قال: جيبي ماء!!.
الريم راحت ركض مرعوبه من شكل ابوها جابت الماء ومدته له شرب منه شوي يخفف غليان الي فـ صدره وهوه يدري ان مابه شي بيطفي حرقت قلبه غيرها امه بسسس وين نجوم السماء اقرب له اخذ نفس يحاول يهدي من روعه ثم ناظر بنته وقال بهدواى: مابه شي ي ابوك .
الريم قالت بعد ماحست ابوها هدي وبقوه: لا وش فيك، انت ما اذكر اخر مره صرخت تسذا وش مضايق صدرك؟!.
ابو الريم ابتسم لها الحمدالله على نعمه الي وهبها الله له قال : مابه شي ي ابوك كلها مشاكل قبيليه مالتس شغل فيها .
الريم اخذت نفس ولفت تناظر صيته الي كانت تاكل تمر وتشرب قهوه ببرود الارض تدري بأن ابوها مخبي شي وشي كايد من زمان الزمان بس مايبي يقولها وكأن ذا الشي بيدمرها وبيحطم مستقبلها.
الريم ناظرت جدتها وقالت بعد يئس من المحاوله: تبين شي ي يمه؟!.
صيته هزت راسها بلا ثم ناظرت ابوها وقالت: وانت يبه؟!.
عبدالله ارتاح انها ماتبي تحقق كثير قال: لا ي ابوك.
راحت الريم راده لغرفتها راحت لشباك الي ف الغرفه ويطل على الحاره قعدت هناك تناظر الحاره حقتهم وكانت خاليه من الناس بحكم انه ظهيره ومحدن طالع.
___
وفـي بيت اول مره نزوره#.
واقفه تصرخ على وليدها الي ماخلا لها قرش : سرااااج لعنو بوك ي كلبب تعاللل جيب الفلوس الي اخذتها سرااااج.
سراج الي دخل واخذذ كل فلوس امه وطلع بدم بارد ولا كأنها تصرخ عليه ومطنش صراخها .
رزيقه مسكت على صدرها وبنواح: يامال الماحي ذي تمحيه ذالولد تعبنيييي مرضنييييي هلكنيييييي متى بايصير رجالل مثل عيال الخلققق اه يالقهر.
وراحت داخله لداخل بيتها وناظرت بنتها الي قاعده تتكحل ببرود ولا كأن امها معصبه.
رزيقه: وانتي خلتسس السرداد والمرداد مالتس شغله في ذاه البيت حسبي الله عليكم
« نسيت ما اقولكم ان سراج عنده اخت هع اسمها ليلى.
ليلى حطت المكحله وقالت ببرود وهيه تناظر امها وتحرك يدينها : يمه لو ابنتس ذا مضايقتس لاتجين ترمين شياطينتس فوقي لاني موب طايقه روحي تكفيين .
رزيقه قالت بغضب وهيه تجرها من شعرها: قومييييي قومييييي اشوف ذه الي ناقص بنت بطنيي ترفع صوتها علي .
ليلى بصراخ وهيه تمسك شعرها الي فيد امها: يمهههه شعريييييي يمهه تكفييين احح.
رزيقه رمتها وقالت: قومي اشوف سوي لتس شغله في ذه البيت ماغير تناظرين ذه المرايه وتتكحلين كأن عريس الغفله منتظرتس عند الباب.
ليلى قامت وشعرها منتف ودموعها ف عيونها: عريس الغله ذا مابيجي بسبب وليدتس الزفتتتتتت وسمعته الخايسسسه والا كان الان انا مرتاحه .
رزيقه شهقت بصدمه وقالت: ذاااا اخر كلامتسس هااه.
ليلى ركضت لداخل المطبخ ودموعها ف عيونها.
اما رزيقه فرجعت لصاله وقعدت بتحسف على الحياه الي تعيشها لا ابن مثل عيال الخلق ولا بنيه تحترمها.
___
اما في بيت سليمان#.
امس.
بعد ماطلعو الرجاجيل .
عند مشعل نط لا عند اخوانه ولحقه حسين .
مشعل قال بستغراب: وهااااج القصييده ذه لها مغزاى ولاااا.
وهاج بنص عين : مشيعلل.
مشعل ضحك: والله منصدم لااا الرجال حبيب .
حسين بستغراب: ايش يعني اشبوه ايش سويت ي وهاج؟!.
مطلق ناظره وقال: ماسواى شي غير انه الرجال عاشق.
حسين بصرخه: كداااااب.
مطلق خلع شمغه ورماه عليه: وجعععع اسكتتت.
حسين بصوت منخفض: من هيه ي وهاج هاه.
وهاج بقق عيونه وقال: اذلف قال من هيه .
مشعل ضحك: اباااك يالغيوور .
وهاج وقف : انا بطلع مانيب قاعد عندكم وخرووو وخروو.
سليمان ناظر وهاج: وهاج.
وهاج ناظر عمه وقال ببتسامه: سم.
سليمان : سم الله عدونيك ، تعال تعال اقعد.
راح وهاج وقعد قدام اعمامه ويدري وش بيقولون.
سليمان قطب حواجبه وقال : وراء قصيدتك اليوم ماهيب مثل العاده هاه.
وهاج حك شعره وقال بجديه: مابها شي ي عمي هيه قصيده.
ابو حسين ابتسم: لا وانا عمك مير استغربنا كل مره عن الشهامه والجود والضيف والخوي وذه المره غزل وحب ووله !!.
وهاج حك لحيته وقال: مابها شي كلها قصيده ماعليكم ووقف ، يلاه تأمرون على شي.
سليمان: سلامتك ، في حفظه.
وطلع وهوه مؤمن ان القصيده ذه بتنتشر وبيصير عليها اقاويل كثيره .
شاف فلاح الي يأشر له من بعيد .
راح لين عنده وبضحكه: خلااص اشغلتوني.
فلاح بضحكه: اصدمتنا كلنا ي وهاج.
وهاج بضحكه: كلها قصيده لاتكبرونها.
فلاح هز راسه: زين زين يلاه بس خلني ارد للبيت اكيد الوالده تنتظر.
وهاج: معى السلامه سلم على خالتي.
: الله يسلمك ومشى ينادي اخوانه الصغار الي يلعبون.
الوقت الحالي#.
قاعد ف الشاص ينتظر اخوانه بيروحون للعزبه بيكشتون فيها يويمن وبيردو .
داخل ماسك يد رنيم وبعصبيه: امس مشيتها لتسس ي رنيم وبعدين الضب ذا ورفعه وهوه ماسكه بيده وقال بغضب من ويين جبتينه هاااه
رنيم قالت بخوف : اسفه والله ، والضب ذا لقيته مع بزران الحاره والله.
مطلق بغضب : على الحرام ي رنيم ان اسمع لتس حس ولا امي تشتكيني منتس والله وتال الله لا اوريتس نجوم الليل في عز القايله سمعتييييي.
رنيم هزت راسها بخوف: ططيب.
فلت يدها وطلع ونادا مشعل: مشعلللللل انهجج.
جاء مشعل ف يده صناديق وحسين في يده كراتين ماء طلعو وحطو قطتهم .
سليمان واقف عند الباب وقال: يلاه وانتبهو للعزبه .
مطلق : ابشر يبه.
دخل سليمان ووعاج نط من الشاص وقال : اصبرو شويتين بتجيكم.
مشعل قال: وين تبي ي وهاج.
وهاج: دقايق بس.
مشى لين الحاره الثانيه والي كان قاصدها بيقعد يومين مايشوفها دخل وكان متأكد انها في ذه الحزه بتكون طالعه بس خاب ضنه يوم ماشافها رد وقلبه يعوره يبي يشوفها قبل لا يروح بس ماهوب حضه رد لا اخوانه وقال: يلاه سرينا.
ركب جنب مطلق وحرك وكان مشعل وحسين ف الخلف .
___
بيت عبدالله#..
اليوم قالت جدتها هيه باتودي لبيت ضاري وبتزور امهم وهيه باتتجهز عشان تروح لبيت رغد الي عزمت كل بنات الديره تقريباً لانه هم كل فتره واحده تعزمهم جمعه عندها.
وقفت وسوت كحلها وروجها ورتبت شعرها ابتسمت لشكلها اخذت العود وسوت ف رقبتها مكان النبض ثم اخذت عطرها وتعطرت اخذت عباتها ولبستها شافت الساعه وكان قده وقت طلعت وقبلت جدتها ف راسها ..
صيته: تحصنتي ؟!.
الريم هزت راسها: ايه يمه ، يلاه توصين شي.
صيته : لا في حفظ الرحمان.
طلعت الريم وهيه شاده على لثمتها وبرقعها شافت ابوها داخل للمجلس وقف يوم شافها.
: ماشاءالله تبارك الرحمان حصني نفستس ي بنيتي.
الريم ابتسمت وراحت تقبل كتفه ويده : تحصنت يبه .
ابو الريم: انتبهين لنفستس وردين بدري.
هزت راسها: ابشر.
طلعت من البيت ومشت للحاره الي فيها بيت رغد وقفت يوم مر شاص بسرعة البرق من قدامها : وجعععع .
مسكت على صدرها وقلبها يدق شوي وكانت اندعمت الخوف تربص قلبها من الموقف ي الله رحنتك الحمدالله كملت طريقها وهيه تناظر المكان بخوف مشت لقدام بيت رغد دقت الباب الاسود الكبير وسمعت صوت اخوها الصغير الي فتح لها الباب .
الريم: رغد داخل.
بدر: ايه داخل ادخلي حياتس.
ابتسمت له ودخلت لداخل شافت ام رغد سلمت عليها وقالت لها البنات ف مجلس الحريم خلعت عباتها قبل تدخل ورتبت نفسها ثم دخلت شافت نص بنات الديره موجودات سلمت ودخلت بس انصدمت ...
___
يمشون بسرعه وكانت سواقت مطلق فضييعه كأنه يسابق الريح لمح بنت تمشي قاطعه الطرق : مطلققققق البنيه.
مطلق دعسس عشان يتفاداها لف وهاج راسه من الطاقه ولمحها بس ماعرفها رد لداخل وقال : خبلللل كنت بتدعم البنت وراء ما مسكت بريك.
مطلق قال وعينه على الطريق: ما قدرت كنت داعمها داعمها اذا توقفت ف احسن اسرع.
وهاج سند راسه للكرسي وقال: افتح بس شي سمعنا .
ابتسم مطلق: افتح انت.
مطلق اخذ يفتش ف الاشرطه طلع شيلة طال انتظاره لـ عبدالله آل مخلص
« اعشق الشيله ذي .
وظل يسمع كلمات الشيله وهيه تسري على الوتر الحساس .
_________
كــــــتَ❀