الفصل 4
*⌯{📚}↵روايه#| يَ أول مُواليِف قلبيِ،واخـر حُب! .*
*⌯{✒️}↵للكاتبه#|حليِمه،عبد.السَلام.ai.
*⌯{📜}↵ البَـــارت#| الرابــع⁴↓.*
〰️〰️〰️〰️〰️〰️〰️
**
استغَفر اللّه واتوبَ إليِه.
اللهمَّ اكفِنِي بحلالِكَ عن حرَامِكَ،
وأغْنِنِي بفَضْلِكَ عمَّن سواكَ.
اللهُمَ صلِ وسلم وبارك على سيدنا مُحمد🌷🤍.
☐اتمنىَ الروايهَ ماتلهيكمَ عن الصلاهَ!!.
____
*مو عيب تعتذر من خطاياك*
*العيب والله صدتك وانت مخطي!.*
____
نكمَل..
ابو الريم: سلام ي الاخو تبي مساعده.
وهاج لف عليه وشاف رجال يعني كبر ابوه قال ب استعجال وهوه موب منتبه:, ايه بالله ي عمي.
ابو الريم سكت بصدمه ذااا ولد خلف " خلف ابو وهاج" اييه هوه امس ماشفته بلع ريقه وثبت نفسه وقال: ابشر.
وهاج ربط ثوبه ف خصره وقال : تبشر بـ الجنه .
ابو الريم: امين وياك ، انا باروح اجيب حبل عشان نربط سيارتك بسيارتي ونطلعها.
هز وهاج راسه وناظر زوله وهوه رايح لسيارته وتو ينتبه انه ابو الريم عمه عبدالله المنقطع عن الديره لشهور.
الريم تناظر الرجال الي قدامهم ويكلم ابوها قالت ف نفسها ذا ف كل مكان طالع ليييي وش ذاا؟!.
جا ابوها وشكله مرتبك طلع الحبل
الريم: يبه .
لف وقال: هلا.
الريم تناظر وجهه : تحتسي شي؟!.
هز ابوها راسه بلا وقال: بس مغرس ويبي اساعده.
هزت راسها بزين وسكتت.
راح لين عند وهاج واعطاه الحبل ربطه وهاج ف سيارته وشبكه ف سيارت ابو الريم ركب ابو الريم سيارته وحرك يسحب سيارة وهاج الي كان داخلتها يساعده.
وبعد مده طلع وهاج وسلم عليه مره ثانيه بترحيب وقت عرف انه عمه عبدالله ابو محبوبته وشكره وهوه مايدري بأن شهرزاد قاعده ف السياره ومانتبه لها.
___
جده#.
جهزو اغراضهم بيروحون لديره تو وصلهم خبر وفاة الشيخه منيره .
ربى واقفه تناظر ابوها الي يجر الشنط لداخل السياره الشي الوحيد المفرحها بنات عمها ولا لو بيدها ماتروح .
ابو حسين: يلاه .
ركبت ام حسين قدام وربى ف الخلف حطت السماعات ف اذانها وفتحت على شيله وغمضت عيونها .
ابو حسين: بسم الله توكلنا على الله.
حرك ماشي لديرتهم نجد العذيه.
___
دخلت وشافت جدتها قاعده وجنبها صديقاتها يسولفون سلمت على الموجودين وقعدت يم جدتها.
الجده بصوت منخفض: افطرتي؟!.
الريم هزت راسها با اي: ايه ابوي سوا الفطور.
هزت صيته راسها ولفت صوب صاحبتها
خضراء: ماشاءالله ي صيته ذه حفيدتس؟!.
صيته لفت على الريم وبتسمت: ايه ربي يحفظها.
خضراء ابتسمت: ماشاءالله ماشاءالله ، وش اسمتس؟!.
الريم بصوت خجول: الريم.
خضراء ببتسامه: ونعم والله.
الريم ببتسامه: ماعليتس زود.
خضراء ناظرت صيته: حرمه ، ولا بكر؟!.
صيته : بكر بكر توها.
خضراء: الله يوفقها ويرزقها الرجال الصالح.
ابتسمت الريم بخجل اعترها من لفت صيته عليها مبتسمه.
اما عند بنات سليمان.
عواطف تناظر الريم: يزيننها ماشاءالله.
رنيم ببتسامه: ايه ماشاءالله لو ان جدتها العجيز ذي تخلها تسولف معانا وش بيصير.
عواطف قرصت كتفها: اوصص ، لاحدن يسمعتس تفضحينا.
رنيم : وانا صادزه وش باناكلها .
عواطف ضحكت : لاتضنين ضن السوء .
رنيم : اخ لو بيدي اعرس مطلقوه عليها .
عواطف بققت عيونها: هدي هدي وش مطلقوه متشوفين فارق السن بين اخوتس الشايب والبنيه؟!.
رنيم بحالميه: اييه بس والله يزينهم بيصيرون يهبلوون.
عواطف :رنيييم .
رنيم قفلت فمها بيدها يعني خلاص بسكت .
عواطف ناظرت بنات الجيران ذي دخلو ومسكت على راسها وش بيفك رنيم منهم هلحين وشش؟!!!.
رنيم رفعت نظرها وشافت البنات واشتدت اعصابها بتروح تقضي عليهم وقفة وشدتها عواطف.
عواطف: بنتتت اركدي لاتفضحينا.
رنيم تسحب يدها : وخريي كلمتيين ثنتين بسس اوريهم وين هن وين انا.
عواطف : لا موب وقت مشاكل ماتشوفين الناس وين وانتي تبي تسوين مشاكل.
رنيم سفهت اختها وسحبت يدها وقعدت تنتظر بس يجون لين عندها
جواهر تقدمت ومدت يدها تبي تسلم عليها ورنيم سفهتها انقهرت وقالت: رد السلام واجب.
رنيم برفعة حاجب : على المسلمين المتقين المصلين ايه لاكن على اليهود ماضني .
جواهر فتحت عيونها وقالت: وجعع يوجعتس نحنىى يهوود؟!.
رنيم قالت بصوت مرتفع خلا المجلس كله يلف لها : يوجعتس انتي ايييه يهود مابه مسلم يغتاب اخوه المسلم من خلف ظهره لا وينشر هرجن عليه هاذا غير شهادت الزور ذي شهدين بها خوياتس اقول نحنى بنات المشايخ ما نعاتب المقهوجين روحي سامحتس الله .
جواهر انصدمت وحست القهر ف قلبها زاد و الدموع ف عيونها رجع الوم كوله عليها هيه وقفت واخذت باقي كرامتها ويا خوياتها وطلعت من المجلس .
ابتسمت رنيم بفخر وناظرت الحريم الي ناقده والي عجبها الي صار لان جواهر ويا خوياتها لهم سوابق ومحد سلم منهم.
حصه ام سويلم المجنون: وراء ي بنت سليمان هبيتي ف البنيات.
رنيم باحترام: من يشب النار لا يزعل من دخانها ي خالتي ولتس احترامي.
سكتت حصه ماقدرت ترد بعد كلامها .
الريم تناظرهم ببتسامه حبت الرد الي ردته رنيم وف قلبها كفوو ..
رغد تناظر رنيم قالت: ماهيبب هينه.
الريم وعينها على رنيم: باين باين.
اما عند ام عواطف ورنيم الي كانت تناظر بنتها ماتدري وش السالفه بس مؤمنه ان بنتها ماغلطت يوم ردت ذا الرد لان بناتها لو كان الغلط جاء منهم كانو اعتذرو لاكن مايسكتون عن حقهم ف خلتها براحتها ترد ماتدخلت.
عواطف مسكت على راسها : ي خزوتاه ي رنيم.
رنيم شربت قهوتها ثم قالت: هه ماله داعي ترا الغلط منهم.
عواطف : اييه بس إذا وصل العلم لا ابوي.
رنيم ببرود: معليتس ابوي يدري اني مانيب داعسه على احد ما دعس ثوبي لاتخافين.
سكتت عواطف تناظر اختها بتحسف .
___
العصر الساعه٤:٤٦ ف المجلس عند الرجال#.
حسين بصوت منخفض لوهاج: متى حنمشي.
وهاج ناظر ساعته وقال: ساعه ب الكثير بانرجع الحريم بس ونحنى بانرد لهينا.
حسين هز راسه بزين .
مطلق : ي عيال واحد يروح ويرد امي والبنات للبيت عمي وزوجته جايين .
وهاج: ما اقدر اروح انا خلي مشعل.
مشعل بسرعه: حتى انا مقدر والله يدي تعورني.
مطلق بضجر: الاعذاار .
مشعل : ماهيب اعذار وانت طيب وراء ماتاخذهم.
حسين فرح بجيت اهله بس مايبي يفرق عيال عمه.
مطلق وقف : انا باروح خلاص.
وقف مطلق وستاذن من الجميع وطلع شاف بزران وقلهم ينادون امه .
دقايق وجت امه وخواته
رنيم تعلقت في يده : مطللقق .
مطلق ابتسم لها: اخوها.
رنيم: خلااص ودي اروح والله تعبانه .
مطلق : يلاه يلاه امشو.
ركبو السياره امه جنبه وخواته ف الخلف وحرك موديهم بيتهم ، وبيستقبل عمه وبيرد هوه وياه .
____
وصل ونزلو دخلو البنات للبيت وهوه دخل للمقلط بيريح شوي لين يوصل عمه .
البنات دخلو وغيرو ملابسهم رنيم قعدت ف الصاله وعواطف دخلت المطبخ وامهم قاعده عند رنيم .
رنيم حاضنه امها:, يمهه تحبييني؟!.
ام مطلق تدفها وبضحكه: لااا وخريي.
رنيم تبوس ف خدها: يمهه ادري انتس تحبيني.
ام مطلق دفتها وضحكت: الي يحبني يسمع حتسي.
رنيم تعلق فيها: يمههه اسمع حتيس ادري تحبيني.
ام مطلق ابتسمت وحضنتها: ايه احبتس ارتحتي.
رنيم حطت راسها ف صدر امها: ايييه.
ابتسمت لها بحب وهيه تمسح على شعرها.
عواطف دخلت وشافتهم: اييييه الاحضان لعوالتس وانا مالي في حضنتس شي.
ام مطلق دفت راس رنيم وفتحت يدينها لعواطف : تعاالي تعااالي .
راحت وقبلت راس امها وحضنتها ثم ارتفعت : يلاه خلصت القهوه شوي ويوصل عمي ، وانتي قومي بخري البيت يلاه.
وقفت رنيم ببتسامه تنفذ طلب اختها وعواطف رادت للمطبخ.
____
منسدحه يناظر السقف سمع صوت السياره فز وسحب شماغه وطلع من المقلط شاف اضواء سيارت عمه فتح الباب وشافهم ينزلون بشنطهم واغراضهم تقدم من عمه.
مطلق ببتسامه: ارحبب ي حياااا من جااانا نورت نجد .
عمه ابتسم له : الله يحييك ويبقيك ، بنورك.
مطلق سلم عليه سلام الخشوم ثم قال : شحالتس عمتي عساتس بخيره.
ام حسين : الحمدالله على كل حال وانت اخبارك .
مطلق : بخير بخير ، حياكم ادخلو.
ربى ف نفسها وجع ع الاقل يرد السلام كأني مزهريه يلاه جات على مطلق ولد البدو هه.
دخلو لداخل دخل ابو حسين للمجلس وتقدمت ام حسين ودخلت للبيت وربى تمشي ف النص ومطلق خلفها يجر الشنط .
ربى تمشي بسرعه متحمسه تشوف بنات عمها الي لها فترره منهم ومالحقت من الدرجه الي عطلت عليها وحطت الا منسدحه ع الارض
: احححح.
مطلق ناظرها: بسم الله عليتس قومي ، وبعدين ماتشوفين الدرجه ذه كلها.
ربى خزته وكبح مطلق ابتسامته وقفت ونفظت ثيابها ويوم جت تبي تقوم دعست على عباتها وحطت على وجهها مره ثانيه ربى خلاااص ودها الارض تنشق وتبلعها من سمعت ضحكت مطلق المرتفعه حست الجو شب عليها غورقت عيونها دموع وماقدرت تقوم .
اما عن مطلق المستمر يضحك عليها وبعد مده قليله قال بجديه: قومي وش بتس ولا عاجبتس الارض.
ربى رفعت عباتها وسفهته ومشت .
مطلق عوج ثغره : هه بنت مدينه.
ودخل ساحب الشنط الي معاه.
_____
كـَـــــــت❀.