الفصل 2
*⌯{📚}↵روايه#| يَ أول مُواليِف قلبيِ،واخـر حُب! .*
*⌯{✒️}↵للكاتبه#|حليِمه،عبد.السَلام.ai.
*⌯{📜}↵ البَـــارت#| الثانيِ²↓.*
〰️〰️〰️〰️〰️〰️〰️
**
استغَفر اللّه واتوبَ إليِه.
اللهمَّ اكفِنِي بحلالِكَ عن حرَامِكَ،
وأغْنِنِي بفَضْلِكَ عمَّن سواكَ.
اللهُمَ صلِ وسلم وبارك على سيدنا مُحمد🌷🤍.
☐اتمنىَ الروايهَ ماتلهيكمَ عن الصلاهَ!!.
____
*إن جيتني مشتاق جيتك تراحيب*
*وإن جيتني ضميان جيتك سحابه!.*
______
نكَمل...
الظهرَ# .
مجتمعين كلهم ف المقلطَ يتغدو وقف وهاج : الحمدالله.
ابو مطلق: كمل.
وهاج ابتسم: الحمدالله ع النعمه.
وراح يغسل يدينه وقف وشاف مطلق جاي يمه قال: وين مشعل؟!.
وهاج ابتسم: جاء للعزبه وعمي مهوب داري وخلا المحل بروحه معى حسين وبيقعد هناك اسبوع ذه كامل.
مطلق طيف ابتسامه على شفايفه: خله يستاهل، عاد ماخلا غير حسين ف المحل عز الله افقرنا.
ضحك وهاج وقال: ايه بالله .
حسين تقدم : ايش الهرجه دي سمعت اسمي؟!
مطلق ناظره وقال: مابه شي .
وهاج ابتسم: قال انك ماشاءالله عليك اجودي ورجالن كفو وتكانه "نقدر نعتمد عليك"
حسين نفخ ريشه وقال: اكييد عاد لو عمي يمسكني حلاله والله اخليكم كدا تلعبون با الفلوس لعب .
مطلق ناظره وقال بصوت منخفض: انت لو نمسكك جنب جرهوم" الهندي صاحب البقاله" والله انه ينفقر باول ساعه.
حسين : ايش قلت ي مطلق؟!.
مطلق : سلامتك ماقلت شي.
حسين: دحين مشعل ليه ماتغدا معانا؟!.
وهاج ناظره: بيقعد ف العزبه الاسبوع ذا.
حسين: لييه حرام ماسواء شي؟!.
وهاج: عاد ذا قرار عمي ماحد يفاوضه.
حسين: ايوه صح .
مطلق ناظر وهاج: اسمع بنوم لي شويتين وانت شوف اصحاب البيت اذا ودهم بشي.
وهاج : طيب.
حسين: باروح عند الشباب خارج .
و طلع .
وبقي وهاج رايح عند امه وخواته ومطلق راح للمقلط
دخل
: ياا اهل البييييت
رنيم: ي هلااااا بببهجته تعالل تعالل.
وهاج ابتسم لها ودخل شافهن قاعدات عند امهن الي اول ما شافت زول وهاج ابتسمت له
وهاج راح وقبل راسها
وقالت لعواطف الي تدلك رجلينها : ابعدي خلني اشوف وليدي .
عواطف: هاوو يمه جاتس الحبيب ونحنى ماعاد لنا صلاح .
وهاج ببتسامه وهوه ينسدح على فخذة امه الي رفعت يدها تمسح على شعره: اعوذ بالله من الحسد.
رنيم ناظرت عواطف: عواطفف كرتس حرقق خلاص .
عواطف ضحكت: قمم قمم لايدخل ابوي ويبصرك تسذا والله لايمعطك بالعقال طول وعرض ومنسدح في حظن امه كأنه ورع.
وهاج يغمض عيونه: حلوة البن هيه باترد عليه .
ابتسمت امه: ماعليك خلك منهم تعال قولي وش مسوي انت لك يومين مانيب شايفتك ومشعل وين غدا.
وهاج رفع نظره وضحك: مشيعل عمي خلاه ف العزبه وانا رحت اشوف المحل الي مسكه حسين .
ضحكت: ان شاءالله المحل ماصار به شي.
وهاج ابتسم: ابشرتس مسيلم اليوم كان بيفقرنا الا على اخر لحظه.
رنيم بقهر من ذا المجنون الي كل ماشافها ركض خلفها : لييه مايخذونه مستشفى ولايربطونه ف البيت مخلينه سذاا يراكض وراء الخلق .
عواطف: ايه والله المفروض يحبسونه ف البيت اذا ماودهم يودونه المستشفى.
وهاج رفع راسه وقعد زين وقال: مايبون عليه وبعد اهله ماقدرون له اقولتس بس اقربين منه والله انه يمردغتس بعصاء الكهرباء الي معه .
ام مطلق: وراء مايخذونها منه؟!.
وهاج : يوم جيت اليوم باطلعه من المحل كان يهدد فيها عاد يقول كلام عز الله انه طلاسم.
ام مطلق بفجعه: اعوذبالله.
رنيم ضحكت: عاد يوم انه يكررها معاد تدري بعمرك الا وانت تتتكلم مثله.
وهاج ضحك: ايه بالله
ثم لف نظره لعواطف: وين حلاتس ي عواطف .
عواطف تذكرت واستحت : والله اني نسيت هلحين اجيبه لك
وهاج ابتسم لها: اقحصي جيبيه " قومي جيبيه"
ووقفت رايحه تجيب الحلا الي تسويه كل يوم مخصوصاً له.
وبعد شوي جت وشافت مطلق موجود شكل ماجاه النوم دخلت وقعدت وحطت المعاميل " البايلات والفناجيل " والحلا صبت الاخوانها قهوه ثم لامها ولاختها ولها وبعدها مدت لهم الحلا الي يحبونه من يدينها.
مطلق ابتسم لها: تدرين الشي الي بفقده اذا تزوجتي.. هاذا الحلا الي ماقدر احدن يسويه مثلتس.
عواطف ابتسمت بحزن وقالت: ماعاد لي خاطر لزواج ي خوي
وهاج بسرعه: معليتس بتززوجين بتتزوجين وبنفرح فيتس بعد .
رنيم تبعدهم من الجو ذا قالت: واناااا ونااا وش بتفقد.
مطلق ناظرها : صوتس ذا الي مالي الديره.
ضحكت : ماهوب قصدي والله.
مطلق بتحذير: لا اسمعه مره ثانيه.
وهاج: بداااا مطلق وتحذيراته.
مطلق ناظره وببتسامه: خوفي عليهن والله.
ام مطلق: الله يحفظكم يارب وعساني اشوفكم معرسين واماري بكم .
وهاج ابتسم: اميين .
مطلق : ان شاءالله.
فاطمه بهبال: انت انت ي مطلق ترا الي بعمرك عندهم بزارين.
مطلق: يعني؟!.
: يعني اعرس خلاص قدك شايب.
وهاج ضحك: ايه شوفف شعرك غازيه الشيب.
مطلق مسح على لحيته: لا عادني عاد زهرت شبابي ماطلعت وبعد الشيب من طيب الافعال ماهوب كبر.
رنيم بضحكه: اهببب قدها ميته وانا اختك اما عن طيب الافعال فانت صادز .
وهاج ضحك عليه: تخيلتها.
مطلق : وش هيه؟!
وهاج بضحكه: زهرتك الميته!
مطلق دفه : اذلف قال تخيلتها .
ام مطلق : وين ابوك ي مطلق؟!.
مطلق ناظرها وابتسم: فقدتينه صح.
استحت : لا موب كذا اقصد ليه مادخل معاكم؟!.
وهاج ناظره: وراك ي مطلق خليت حلوة البن تستحي.
مطلق ابتسم: يازين حياها.
ام مطلق ضربته : اقول بسس .
ضحكو عليها كلهم
مطلق والابتسامه شاقه وجهه: معليتس تراه ف المقلط منسدح ونايم بعد .
وهاج قال: عاد عمي يوم يحس معدته متعبيه ينظغط زر النوم عنده.
مطلق ضحك : قولل ماشاءالله الرجال راح فيها.
وهاج شرب قهوه وحط الفنجال وقال: معليك عيني باررده .
مطلق ناظره: العين حق ي خوك بارده ولا حاره.
وهاج هز راسه: ونعم اجل ماشاءالله .
مطلق: ماعليك زود.
واخذ الحلا وبدا ياكل منه ويتلذذ لطعمه الزين.
___
"بيت ابو الريم"
ردت للبيت وساوت الغداء ونظفت البيت وهلحين قاعده تحت جدتها تجدل شعرها..
الجده ابتسمت: ماشاءالله ماشاءالله ي الريِم اخذتين زين امتس وشعرها الطويل .
الريم ابتسمت وهيه تسمع الكلام عن امها الي ماتعرفها غير بصوره قديمه قالت: احكي لي عنها ي يمه.
ام عبدالله "صيته" : وش احكي لتس عنها .
الريم : اي شيي تدرين اني معرفها.
صيته ابتسمت بحب لها وهيه تذكر زوجت ابنها والي كانت في مقام بنتها : امتس كانت انسانه اجودييه طيبببه حييييل وكانت غاليه على قلبي كان الكل يضرب المثال بكرمها وجودها كان اذا احدن دخل بيتها يعرف كرمها من رماد الفحم الي تطبخ فيه للعزايم الدايمه في حوشها الي كان يسويها ابوتس ماكان البيت يخلا من العزايم والمشايخ ذي تجي تبي الشور مني ومحدن كان يستقبل حريمهم غيرها كانت مثل بنيتي الي مارزقني الله بها وكانت تحب الخير ولعلمتس البيت الي تودين له كل يوم العشاء ترا امتس من قبلتس كانت توقد حطبها من عصر الله وتسوي ذاك الخبز الي يحبه قلبتس وتسوي ذاك الحنيده وتصب العسل وتسويه في جعبتها وتوديه لهم ماكان يجي اذان العشاء الا وابوتس واخوايه متعشيين من يدينها هيه كانت ان زعلها ابوتس تجيني ترتجيني وتطلب الخلاص منه لان مزحه كان ثقيل وكنت اقوله ي عبدالله خلي البنيه بحالها لاتمرض قلبها بمزحك الثقيل ذا وماتمر الساعه الا وهيه وابوتس متراضيين بسببها كانت حييل طيبه .
الريم ابتسمت وتحس ودها تبكي من الوصف الي وصفته الجده لها قالت: ودي اكون مثلها ي يمه .
صيته بغموض: مابيتس تصيرين مثلها ابداً وتغير مجراء الحديث ، يلاه وقفي خليني اشوف لاوين طالتَ الجديلتين .
وقفت الريم بحماس مثل كل يوم تطلب جدتها ذا الطلب ورفعت جلابيتها شوي وبانت سيقانها البيضاء والي يتوسط كعب الرجل اليسار خلخال ذهبي ناعم دارت حول نفسها ومسكت جديلتينها بيدينها وقالت: هاه شرايتسسس!!.
صيته ناظرت الجديلتين العراض الواصلات لين فخذتها وقالت: ماشاءالله تبارك الله .
ومثل كل يوم صيته قالت : اقري على نفستس الاذكار ي بنيتي ترا العين حق .
الريم ابتسمت و كـ العاده راحت وقعدت عندها على ركبتينها وقالت: اقري علي.
حطت صيته يدها على راس حفيدتها وهيه تناظر ملامحها البدويه الحاده بشرتها القمحيه و حواجب كثيفه مرسومه من خالقها انف مسلول كأنه سيف يحرس عيونها الي كانت اجملل شي بعد شعرها كانت عيونها غريببه مرره واسعات بلونهم البني الداكن والغريب ماتدري هم ناعسات ولا لوزيات مرره جذابات عيونها رموشها كثييفه ويوم اقول كثيفه اقصدها من حق وحقيق وجهها دائري وفكها حاد شفايفها صغيره وعندها حبت الخاله صغيره فوق شفتها كانت اجمل من الريم وصدق من قال شهرزاد خلصت الجده وابتسمت لها قبلت الريم راسها وكتفها ويدينها
عبدالله دخل وقال: السلام عليكم.
ردت بنته السلام ابتسمت له وهيه تحس بتوتر ف الجو بين جدتها وابوها ماحبت الوضع وقالت: شرايك ي يبه تسوي لي مرجيحه ف الحوش دامن مابه شي اسويه.
عبدالله قال وهوه يدري بنوايا بنته: لا موب الحين خليها بعدين العصر اسويها لتس انتي وخويتس.
الريم عرفت ان ابوها فهم تفكيرها بوزت وبحركه واثقه انه مابيرفض لها طلب من بعدها: يببههـ ...
قاطعها ويدري ب الاسطوانه الي تخلي قلبه يرق لها يعرفها كان الحركات ذي يسويها في اهله وبنته ماراحت لحد بعيد ، يدري بكل تصرف بتتصرفه قبل تبدا فيه وبنته كذالك كانو الاثنين كأنهم المدرب وطالبه كل واحد يدري وش يدور في مخ الثاني..
قالت الريم بتفكير : طيب ماسمعت عن الرجال الي رفض طلب بنته الوحيده وش صار عليه؟!!
عبدالله ابتسم لها بس الي اصدمه يوم قالت : كانو يقولون زمان ي يبه ان الرجال الي يرفض طلب وحيدته انه يصيب قلبه حزن شديييِد وبنته تصير عدوته للابد.
عبدالله حس ان الكلام ماجاه من عبث قلبه انقبض ،
اما عن صيته الي ابتسمت بغموض وقالت في نفسها : ماهيب دايم مرابيع وحياه.
وكانت الجمله ذي تدور في راسها من قدم الزمان.
عبدالله بهدواى: وماقلو لتس ان الحزن ينمحي وان العداوه تنتهي وان الله غفور وان الحياه عادله وان الحروب مهاما كانت يبقى الحبَ هوه الاقوى.
الريم بوزت وقالت بستسلام: ايه صح يبه وراحت قبلت جبينه وخشمه .
قال ابوها بعد ماحس ب استسلامها : ومهما صار عليتس لاتستسلمين واذا تبين شي من كل قلبتس تمسكين به بكل جوارحتس لين تحصلين عليه وهلحين خلني اروح ارتاح شويتين ، العصر بيجون رجاجيل عندي ف المقلط.
هزت راسها وتحس درس ابوها الجديد ذا لازم ترسخه بعقلها جنب باقي الدروس الي تعلمتها وتخليه ف قلبها بعد
: شرايتس تقهويني.
لفت لجدتها بعد هواجس وقالت ببتسامه: ابشري.
صيته : تبشرين ب الجنه يارب.
____
اما فيِ بيت اول مره نزوره#.
واقفه وحاطه يندينها ع خصرها وقالت: باااابااااا ماشتي اروحح.
ابو حسين بهدواى: لازم نزور ديارنا .
ربى بزعل: بااببا الويكند هادا كول صديقاتي ور....
قاطعها يوم قال : لا لازم نروح.
ام حسين بضيق لانه رفض طلب بنتها: عادي ي صالح تقدر تخليها هنا ونحنى الي نروح.
صالح بنفي: تستهبلين انتي وش الي اخليها هنا لا يعني لا.
ربى ضربت برجلينها الارض وراحت غرفتها بزعل..
____
العصرَ#.
كان واقف عند الشباب الي يفكرون يكشتون
وهاج : ماضنتي اروح معاكم.
فلاح: وليه؟!.
وهاج: كذا وبعد عندي شغلن هنا.
حسين: مابوه شغل خلي الكدب.
وهاج ناظره ولو بيده يعفسه : لا لا وراي شغلن لين خشمي.
حسين عوج ثغره : وين الشغل الي تقول عنوه ادري دحين انت تقول الكلام هادا عشان ماتشتي تروح مكان فيبوه سراج واصحابوه.
وهاج ناظره وقال بقهر : ايه خلاص ارتحت.
فلاح بـ استغراب : عادي وش دخلك فيهم انت.
وهاج الي مايطيقق سراج ولا من مكان قال: ياخي مرتاح لسوالفهم ذولا مابي اروح معاكم الله يسهل عليكم.
فلاح: اقول خلي الهرج ذه وبتروح وهم بمصرفهم.
وهاج برفض: لا خلهم وانا مره ثانيه بروح وياكم.
فلاح بـ استسلام: تم مثل ماتبي ، ثم قال مابه معك قصيده جديده ي وهاج .
وهاج ابتسم: به بس مانيب قايلها الحين لين يجي وقتها .
فلاح بحماس : لا قولها خلنا نسمعها.
وهاج ببتسامه: لا لا موب هلحين اقولك يوم يجي وقتها.
فلاح بمحاوله: ياخي قولها وش يوم يجي اليوم ذا .
وهاج وقف وحط شماغه ف كتفه وقال : باتعرف يوم يجي هذاك اليوم.
فلاح بنص عين: اي نشوف هذاك اليوم.
وهاج ابتسم ولف عليه: يلاه سلام.
ومشى رايح للمحل بيشوف مطلق ومنها ياخذ الاغراض الي وصته عليها رنيم وبيوديها للبيت .
__
جهزت اغراض با توديها لذاك البيت الي تزوره كل يوم ، وبعد ما عدلت وجهها بكحل في عيونها وروج احمر في شفتها اخذت عباتها ولبستها ثم شيلتها وبعدها برقعها .. حطت الجعبه بين يدها وخصرها «ان شاءالله فهمتو قصدي. ثم لبست صنادلها اكرم القارئ.
ومسكتها بيدها اليمين وباليد الثانيه رفعت عباتها شوي وبان طرف جلابيتها البيج وقبل تطلع مرت على جدتها
الريم : ي يمه تراني باسير لا بيت العم ضاري .
صيته هزت راسها وهيه تسبح بتمام ، ابتسمت الريم وطلعت فتحت باب البيت على الحوش ومرت من جنب مقلط الرجال من الخلف وطلعت من باب الحوش الكبير والي كان مفتوح عرفت ان به احدن عند ابوها ما اهتمت كثير ،
وهيه ماشيه ف الطريق وداخله على الحاره القريبه من سوق الديره سمعت مجموعه شباب قاعدين يتغزلون فيها وفي عيونها بصوت عالي وكلن يرمي كلمه صوبها يبي يلفت انتبهاها بـ المختصر يضايقونها حست ب الخطر يحوم حولها وبذات ان مابه احدن كبير او شايب ف المكان لجل يردعهم كلهم بزارين .
مصعب بصوت مرتفع : عطنى وجهه ي المزيون.
فهد بصوت مرتفع: امااا وش الثقل ذا؟!.
سراج وقف وراح يمها : يلبيييه العيون الكحيله اقول عطنا وجهه يـ لمزيونـ وماخلص جملتها من الضربه الي تصددت له
وهاج والشرر يطير من عيونه : ياللل**
وهل عليه ضرب ورفس وسراج يدافع عن نفسه فزو اخوياه واقفين معاه وهجمو على وهاج الي كان بروحه ويلاه استلمو وهاج الي يضرب ذا ويجي ذاك ويرفسه والثاني يقيد يدينه ويهل عليه ضرب بس بنيت وهاج ما اعطتهم اي مجال كان ثابت وبحركه سريعه لف سراج وفرقع يده ودفه للارض ثم ضرب فهد وبدا ب مصعب وبعد مخلص عليهم لف يبي يشوفها شافها ماهيب موجوده مسح طرف ثغره وناظر الي قدامه
: والله ان اشوف واحدن منكم بسس متعدييي عليها ولا على اي واحده اقسم بالله ان انثر ضلوعه هنا ي عيال الكلب ..
الريم اول ماسمعت صوت سراج وهوه يحاول يسولف معاها حست بقشعريره سرت جسمها حييل خافت وكانت تدعي ربها احدن ينقذها منه يكفي السوالف الي طلعت عليه قبل ايام انه انطرد من ديرته القديمه عشانه اعتداء على بنت وانكر بكل بجاحه وقال انه شافها وهيه غاديه معى رجالن غريب لا الغار وقالو ان البنت كانت حامل بعد ابو البنت قتل بنته وسراج انطرد من ديرته بس للحين محد يدري اذا السالفه ذه صادزه او لا وكلن جاب علم من عنده ومحدن اهتم لا امره مع ان مشابخ القبيله سئالو كثيير وماكان يطلع عليه هرج عاد امه معه بس ماتطلع عند احد لانها انسانه غثيثه ولاحدن يزورها ، سمعت الصرخه والسبه القويه الي توجهت لسراج وسمعت صوت الضربه الي حطت في خشم سراج ابتعدت ولفت شافته نفس الرجال ذي كان يقزها ف المحل لا وبعد يدافع عنها انفجعت وخافت اكثر لفت ماشيه بخوف تبي توصل بسرعه ماهمتها الهوشه الي صارت عشانها ، كانت خايفه احد يعرفها تدري حريم القيل والقال بيبهرون السالفه بكيفهم وصلت لبيت العم ضاري ودقت الباب ثلاث دقات وسمعت صوت بنتهم ابتسمت بتوتر
فتحت لها بنتهم الصغيره وقالت: ي هلا ارحبي
الريم : البقى ، ودخلت لداخل رفعت الشيله عنها
وقالت : كيفتس وكيف خالتي.
زهراء: الحمدالله كلنا طيبين
الريم مدت الجعبه الي ف يدها وقالت باستعجال : قوليلها ان جدتي صيته تسلم عليها ، وخذي ذا منها.
زهراء ابتسمت لها بحب وقالت: شكراً يجزاتس خيراً والله يسلمها.
ابتسمت الريم وردت الغطاء عليها وطلعت اول ما طلعت سمعت صوت احد خلفها ..
: بنتتت هيه!!.
الريم لفت وشافته ارتعبت وقالت وهيه منزله راسها ولافه للجه الثانيه وبصوت منخفض: وش تبيي انت؟!.
وهاج قال والغيره شابه صدره: يضايقونك الكلاب ذونك من متى هااه؟!
الريم استغربت حدت كلامه وقالت برفعت حاجب: وانت شدخلك؟!.
وهاج من بين اسنانه: اوقسم بالله اني اكسر راستس ان اشوفتس تجين ذه الحاره مره ثانيه.
الريم فتحت عيونها شدخللله من ذا: شدخلككك وجععع مالك دخل من انت عشان تمنعني اقول بس وخر وقفتنا معى بعض تسذا بكلها عييب.
وهاج حس على نفسه ومسح ع وجهه وقال بعد مبتعد شوي وبصوت منخفض كأنه يفهم بزر : ي بنت الحلال مانيب قاصد شي هاذون قليلن خيرر وانا مابي على بنات الناس منهم وهاذي الحاره لاتدخلينها الا واحدن معتس.
الريم سكتت شوي ثم قالت: زين وابتعدت عنه ووقف يناظرها لين مبتعدت شوي وراح يمشي خلفها خاف لا احد يتعرض لها مره ثانيه ..
الريم حست فيه بمشي خلفها تافافت وف قلبها حاميها حراميها وش يبي بعد استغفرالله بس مشت وقبل توصل عند بيوتهم قالت : خلاص ابعد .
وهاج ابتسم وقال بصوت منخفض : ابشري.
ومشى راجع وهيه راحت داخله بيتهم ..
ووهاج رجع لبيتهم.
__
العزبه #.
قاعد متربع وخويه شجاع جنبه يشب النار وحسين منسدح نايم وارسه في حضن مشعل ..
هزاع بعربجه: اقول ي لخوي شرايك ناخذ الناقه ذيك ونتسابق.
مشعل يهوجس في شعلت النار: تبي يصير لها شي ويجي ابوي يشوتني انا وانت.
هزاع : ي رجاااال والله مايصير بها شي .
مشعل هز راسه بنفي : لا جب العود واعزف خلنا من الهرج الماصل ذا .
هواع عوج ثغره: ياخي اقسم بالله انك نفسييه .
مشعل هز راسه : قم جب العود ولا اذلف .
هزاع وقف وقال بعد ما رمى عليه حجر : زيين لاتبكي.
مشعل ناظره وابتسم ونزل نظره لحسين الراقد رفع نظره لشبت النار بهدواء
جاه هزاع وف يده العود وبدا يعزف ومشعل يدندن
مشعل:
-عطيتك وعد ما كنت انا بقده
ما نفترق ومحد يبعد عن الثاني
هذا هو الوعد انقلب كل شيٍ ضده
طالت علي الليالي والنوم جافاني
مديت حبل الوصل ومد الفراق يده
والفراق عنك في القلب اكواني
مشتاق وشوقي واصلٍ الليله حده
ليتني ما فتحت له باب الهوى وماجاني
هزاع بتصفير : حركاتتتتتتت .
ضحك مشعل عليه ونزل شجاع العود واخذ البياله واخذ كوب القهوه يصب له
___
فزت يوم سمعت الصراخ حق حرمه وباب بيتهم يدق
عواطف لبست جلالها وقالت من خلف الباب : منوه؟!.
رزيقه بعصبيه وصراخ وهيه ماسكه شيلتها بقوه ووجهها باين شوي وخشمها مخترق الشيله: خلييي اخوتسسس قليييل الخيييير يطلععععع والله اني مبتلييه فيه اليوووم قلييل الخاتمه
عواطف : هيييه هيييه وراك هابه تسذا
العسكري : ي اختي خلي اخوك وهاج يطلع لنا .
عواطف انفجعت راحت تركض للملقط
: يببههه يبببهههه
سليمان الي كان قاعد وعنده ضيفه فز واقف : ارجععيييي
عواطف ماهيب بمركزه ب الي قاعد وسط المجلس عند ابوها وقالت بخوف : يبببهههه العسكري عند الباب وبه حرمتن تصارخ وتقول وماخلصت جملتها من مطلق الي دخل من خلفها وشدها من جلابيتها وطلعها من المكان
: مااااااتشوفييييييين الرجاللللل ف المجلسسس مستنررره لي وسطهههه.
عواطف بدهشه: لاااا .
مطلقق دفها : ادخلييي ادخليييي جعلتس بساحق ماتشوفينه طول عرض وبصرخه ادخليييييي.
عواطف دخلت بسرعه مانتبهت لرجال الي ف المجلس ونست سالفة العسكري من الخوف ..
ف المجلس عند سليمان الي كان متفششل ومايدري وش يرقع فيه.
فلاح حك شعر راسه وقال يغير الوضع: انا طالع استذنكم.
مطلق : اقعد اقعد ي رجال وناظر ابوه وقال : يبه به عسكري خارج يبي وهاج وبه حرمه مسويه هواش ف الشارع والعسكري موب راضي ينطق الا لين يشوفك.
سليمان فز واقف : وانا أبو مطلق وش حرمته.
مطلق رفع اكتافه : والله ما اقولك الا خير خلنا نطلع ونشوف وش السالفه.
طلعو من المجلس على دق العالي عند الباب وشافو حرمه مابها شي ماهيب كبيره مره وفي عسكري وكان سراج حالته حاله واقف خلفها
ام سراج بصراخ: شوففففف ابنككك قليل الخاتمه وش مسوي في وليدي حسبي الله فييييه والله ان اخليه ينقع ف السجون .
سليمان بهيبته قال: خير خيرررر وش فيه .
العسكري: السلام عليكم وهاج مدعو لقسم الشرطه الي ف الديره لانه تعداى على سراج ال••• ويا اخوياه بدون سبب.
سليمان بعصبيه : ناددي اخوك ي مطلققق خلن نشوف وش مهببب فيه
مطلق شاف حسين جاي من بعيد : ي حسييييييين وين وهاج .
حسين قال وهوه ياشر خلفه : الحين بايجي واتقدم منهم وقال: ايش الهرجه
مطلق : موب وقتك وين وهاج
سليمان بعصبيه : ويييين وهاااااج
شافوه جاي مفهي وف يده سله ملاها مفرحات حقت رنيم وف يده الثانيه فصفص تقدم منهم وقال : وش في.
سليمان بعصبيه: وش مسوييييي هاه.
وهاج بفهوه ابتسم: وش سويت.
سليمان بعصبيه من فهواته: وششش مسوييي العسكري جايني ويقول متعدي على. الرجال ويا اخوياه بدون سبب.
وهاج لف نظره لا عند ام سراج وقال ببتسامه ويدري انه بيستفزها: كيفتس خالتي عساتس طـ وسكت يوم سمع صوتها العالي.
: وجعععع تسئال عن حالي ي سلوقي وانت مكسر وليدي.
وهاج وف فمه حبت الفصفص قال : شدعوه كلها كم كسر وبعدين ناظريه ماشاءالله رجال مايئثر عليه .
سراج بعصبيه: متهجم علي بدون سبب وتقول شدعوه ، الدعوه هنا واشر للعسكري .
العسكري : مطرين ناخذك .
وهاج ابتسم وقال بغمزه لسراج : عااادي هيه ثواني ونفتح دفاتر قديمه صح يااااااا سراج .
سراج بلع ريقه يوم فهم كلامه وو
_____
كــــــت❀.