الفصل 1
*⌯{📚}↵روايه#| يَ أول مُواليِف قلبيِ،واخـر حُب! .*
*⌯{✒️}↵للكاتبه#|حليِمه،عبد.السَلام.ai.
*⌯{📜}↵البَـــارت#| الاول¹↓.*
〰️〰️〰️〰️〰️〰️〰️
**
استغَفر اللّه واتوبَ إليِه.
اللهمَّ اكفِنِي بحلالِكَ عن حرَامِكَ،
وأغْنِنِي بفَضْلِكَ عمَّن سواكَ.
اللهُمَ صلِ وسلم وبارك على سيدنا مُحمد🌷🤍.
☐اتمنىَ الروايهَ ماتلهيكمَ عن الصلاهَ!!.
____
خلني أحس إنّي على الأرض مسجون
ولا أحس إنّي على الأرض .. ضايع"
____
دخل ويحس روحه منتهيه يحس كل مصاعب الدنيا هلت عليه مايدري وش يسوي دخل يسحب نفسه ناظر بنته الي توها جت على ذه الحياه ماتدري عن اليوم الاسود الي ولدت فيه،قلببه يفطرره نزلت دموعه وهوه يناظرها تلطم بشماغه ومد يدينه المعبايه بحناء الدم الي لوث لفتها البيضاء الصافيه وكأنه يطبع بصمات هاذا اليوم عليها..
: وش الي بخلاقينك ي عبدالله.
عبدالله بصوت شاحب وهوه مايبي يلف لها : صيده ي يمه صيده.
تقدمت بكل هيبتها وقالت: احدن يصطاد يوم مجيِ بنيته!!.
عبدالله غمض عيونه بقوه وقال: لا يمه.
قالت بحده: ماهقيتها منك ي ولد بطني.
عبدالله: ماهوب بقصدي والله ماهوب قصدي.
بحده: ان ماقدرت تمسك شياطينك في ذه اليوم شلون باتربي بنيتك.
عبدالله بهدواى: امها تربيها!!.
قالت بحده يخالطها الحزن: شكلك مادريت ان عزرائيل زارك مرتين اليوم .
لف نظره لها بعيونه الحمراء وقال: ككيف؟!.
: عظم الله اجرك بأمها ماعاد به شي لك في ذه الدنيا غير بنيتك ذي ربها زين وحافظ عليها وانا احلف الله ما يطب لساني على لسانك إلى يوم تجيني هيه منك تشتكيني وترجيني بأن ودك تاخذ روحهَا مثل ما اخذت روحهَ وتبي منك الخلاص.
عبدلله فتح عيونه صدمات هلت عليه يحس قلبه ماهوب مكانه يحس روحه طلعت معاهم قال برجاء وهوه مختب: لا يمه رجيتسس يمه مابقي لي غيرتس في ذه الدنيا.
ناظرت الفافه البيضاء الي بين يدينه كأنها تقول باقي معاك هيه حافظ عليها ولفت طالعه من المكان بدون ماتنطق حرف واحد ..
اليوم الي هلت به عواصف داخليه بين قلبه وعقله بين روحه وتفكيره ارهقته واتعبته والقى على نفسه عهد انه مايضيع بنته ولايخليها تنذل لحد بعد ربها ورفعها له وقال: القيت على روحي عهد ي الريم وانا رجالن مانيب بخالف له...
___
"بعد مرور ١٨ سنه"
: ياولددددد عطنيي الخبز!!.
مشعل بصوت عالي عشان يسمعه: طيبب،
وهاج بصوت مرتفع : انهجج
مشعل راح ياخذ الخبز من الجمره حطه ف الصحن الكبير ومشى رايح له.
شافه مرتب الفطور وكان حليب نياق والجبن وعسل والخبز الي سواه والمعاميل والشاهي تربع وسم بالله وبدا ياكل وياه
وهاج : عمي يدري انك فيذا؟!.
مشعل عفس ملامحه: ايه مانيب بببزر ي وهاج .
وهاج: ماهوب كذا مير تدري لو انك مخلي المحل وجاي معي للعزبه بدون علمه وش بايسوي فيك.
مشعل واللقمه ف فمه بلعها وقال: معليك ازهلها.
وهاج هز كتفه : بصرك " كيفك".
وما مرت دقايق الا وو..
: ييييااااا مشعللللللللل.
مشعل فز واقف وهوه ينفظ يدينه : عز الله غديت وطييي.
وهاج رفع راسه وناظره بنص عين: فوق منك مهايط كذاب هه مزدي "تستاهل".
مشعل سفهه واخذ شماغه يلبسه و صندله : هلااا ييبهه.
سليمان بعصبيه: تعالللل يوجهه النكبببه جاي لي هنا ومخلي المحل بحاله ي سلوقييي.
مشعل ناظره وابتسم: والله اني خليت به حسين.
سليمان بصراخ: تدريي الدلعي ذااك مامنه فايده ولد المدينه وجاي لي هنا مسفهلل.
مشعل كبح ابتسامته وقال بصوت جاد: طيب هلحين بروح اشوفه.
سليمان: مابه روحه مكان خلك هنا الاسبوع ذه دامك جيته برجلينك عشان تتووبَ يوم اعطيك شغلن تتقنه ماهوب تتركه.
مشعل ببتسامه: ابشررر يا يبه.
لف سليمان براسه وشاف ابن اخوه : وانتتت وراااء ماتشوف الونيت حق مصعب؟!.
وهاج بملل من ذا الموضوع: ي عميي شفته اكثر من مره وقلت له انه به عطل ف المكينه مير عمي مصعب مايبي على قروشه.
سليمان بعصبيه: وش الهرج ذا اسستحِ تهرج على عمكك هاذي اخر التربيه.
وهاج طير عيونه ماقال شي عشان يشب فيه كذا يالله عمه دايم مغلدم ومشتط وقف ونفظ يدينه وراح وقبل راسه ويدينه: السموحه ماهوب قصدي كذا والله.
سليمان قال وهو يلف السبحه بين يدينه: مسموح بس لاعادني اسمعه منك خلص فطورك وروح شوف المحل ومشعل خلك هنا الاسبوع ذا ادري انك تحب العزبه .
الي فيها { غنم وابل واي شي ممكن يربيه اي رجال بدوي}.
كان يدري انه يحب العزبه بس يحب يطرح اوامره لانه انسان له هيبته يشوف كلمته لازم تنسمع..
هز راسه: ابشرر .
سليمان: تبشر بلجنه ، يلاه سلام.
وطلع للموتر " شاص" حقه وحرك راجع لديره " نجد" الي ماكانت تبعد عن العزبه غير ربع ساعه تقريباً ..
ناظره وقال: ازهلها انكب مهايط شفته مزدي فيك.
مشعل ابتسم: ابوي اذا ماعفس علينا مايزين يومه.
ضحك وهاج ومشو رادين لسفرتهم يكملون اكلهم وبعدها رد وهاج لديره وظل مشعل في العزبه يناظر صحراء نجد ورمالها المتراكمه الي تحمل في طياتها حكايا الجدود ...
___
: ابويا !!.
: عيونننه
بببتسامه حظنته وقالت: ودي اطلع انا ورغد لسوق الديره بتاخذ اغراض لااختها.
ابتسم وقال: تونا جينا امس تبين تسعسعين ي بنتي.
ريم بضحكه قالت: يبه والله اني متشفققه اشوف ديرتنا .
حظنها وقال : ي بنيتي تونا جينا امسس ريحي هل يومين وبعدها اطلعي.
رفعت نظرها له وقالت تبي تستعطفه: يببهههه تكفىىى ابي اشوف ديرتنا شوي والله وبنرد.
ابو الريم : زين زين بس لاتبطين علي قبل القايله.
ريم قبلت راسه وابتسمت: ابشررر .
: تبشرين بـ الجنه ان شاءالله.
، ثم دخل يده في جيبه وطلع البوك حقه فتحه وطلع منه فلوس مدها لها وقال: خذيها يمكن تشوفي شين يعجبتس وتشترينه.
ابتسمت ونطت لحظنه وقبلت خده: احبببببككككك والله .
ضحك عليها : ونا احبتس بعد.
تركته وراحت تركض : بروححح اجهز .
بضحكه: بشويييششش.
وبعد مختفى زولها عن انظاره قعد على المجلس متربع بتفكير وحيدته مايقدر يرفض طلبها يحس زعلها شي مستحيل يتحمله تنهد مثل كل مره يجي "نجد" بعد غيبه طويله يشوف امه الي ماتكلمه من ١٨ سنه ويتكدر يحس روحه بتطلع وقت يجي هنا مو من شي بس عشان ماضيِ بتعرفونه...
___
السَوق#.
كان واقف يناظر الحموله الي تنزل للمحل ومخلي المحل بحاله تقدم وهاج منه وبقق عيونه : يا الضببببب!!.
حسين حط يده ع جبينه من الشمس ورفع نظره وصغر عيونه يشوف وهاج يتقدم لين عنده قال بصوت شوي مرتفع: انت اشبكك تقول علي كداا هاااه .
وهاج ابتسم يحببببب يناقره تقدم لين عنده وقال وهوه يناظر للمحل : يااا الخبلللل شلون تطلع من الممحل؟؟.
حسين لف راسه للمحل وشاف مسيلم المجنون قاعد داخله ومطلع كل الفلوس الي في الخزنه ويعدها بصدمه: يهوو كيف دخل الافندي دا ياود روح طلعههههه بياخد الفلوسسس كلها.
وهاج بعصبيه صفقه ف راسه : لانك حماااار وش مطلعك من المحل ، وراح داخل على مسيلم المجنون الي اول ماشاف وهاج اخذ حديدة الكهرب المرميه ع الارض ويهدده بها ..
وهاج وهوه يناظر الحديده : اهبببب يا كبرها ي مسيلم ي كبرها .
مسيلم يخربط بهرجته: دردن دردن ابععدددد ذههه ف راسك واياشر على الحديده الي ف يده.
وهاج وهوه يحاول ياخذها منه : ما افهم هرج المخابيل انا جب ذهه.
مسيلم يرد للخلف : درنده وخرر درنده.
وهاج يقلده : درنده هاات ذههه ي الخبللل.
مسيلم ضحك يوم شافه يقلده: درنده درنده لاا لاا درنده.
وهاج عفس ملامحه ورفع راسه: ياااارببببب .
حسين يضحك وهوه واقف خارج المحل بس يشوفهم من الباب: وهاج شكلك جنيت مثلوه سيبوه فحاله ههههههههههههههههههه.
وهاج لف عليه وبعصبيه: لو انك مانت مفهي ماكان دخلل .
حسين بضحكه: والله ماشفتوه الا لمن اجيت .
وهاج لف نظره لمسيلم: ماشفتوه قال وناظر الحديده وانت جيب ذي ولا والله اعفسك هنا.
مسيلم : جبببب حلاوه .
وهاج بنفاذ صبر: طيب اخذ لك بس هات ذه من يدك وتعال.
مسيلم حط الحديد وراح تارك القريشات مبعثره خلفه ونط لحظن وهاج الي انفجع : درنددااااه درنددداااه.
وهاج يوخره: طيبب وخررررر عفستني.
حسين وهوه ميت ضحك: متخيلك زوجتوه.
وهاج طير عيونه ووخرر مسيلم الي متمسك فيه: وجععع وخررررر .
وبعد مابتعد منه قال لحسين : تعال خذه البقاله وطلع ٥٠ من جيبه وقال وامسك ذه جيب فيها له حلاوه وانا خلني هنا اشوف الخراب الي سواه وهااه افطن له لا يهج .
حسين بفجعه: لااااااا والله انوه يهرب مابركض بعدوه انا بعدها يسوي لي مشاكل .
وهاج وهوه يلف الاغراض المرميه ع الارض والقروش وقال: أصلاً انت مامنك رجى توكل بس .
حسين ابتسم : جيبها جيبها باخوده وامري لله.
طلع حسين وهوه يسحب مسيلم المجنون ووهاج واقف يناظر حوست البضائع المحطوطه ع الارض...
بدا يحملها لداخل المخزن الي ف المحل وبيِن تراكمات البضائع ابتسم يوم جاء طيف محياها في خياله شهرزاد مثل مايلقبها في كيانه ..
___
البيِـت#.
واقفه وحاطه يدينها ع خصرها وبعصبيه: والله ما اخليهااا لهاااا الكلببه ان مانثرت اضلوعهاا ونحرتهااا ما اكون بنت سليمان.
عواطف بحده وصوت منخفض: بسسسس ي بنتتت والله ان تطلعينَ من عتبت ذه الباب لا اكسر رجلينتس لتسس خلي عنتس الخبال.
رنيم بعصبيه: ماتشوفيينها كييف ناشره هرجه علي التسذوب تقول اني عاشقتلس الخايس الداشر سراج وانا لو يمر من قدامي انيي ادوسسسه وخريييييي بروح لهااااا الشينه ذه.
مطلق وهوه داخل وبحده للبيت: خييير خيييير مسويه صجه و صوتسسس يالزفتته مالي الديرههه.
رنيم سكتت ماتبيه يعرف : عفواً السموحه.
مطلق بحده ناظر عواطف : وش فيييه خيير علامها ذه ؟!.
زهور ابتسمت بتوتر: الخير بوجهك مابه شي .
مطلق ناظرها بشك ثم مرررها لانه بختصار مايحب هرج الحريم وقال : وين السكين ذي حديته البارحه؟!
عواطف : هلحين باجيبه.
اما رنيم فَـ دخلت لداخل قبل يحقق معاها من جديد..
وقف مطلق ف نص الحوش ينتظر اخته تجيب السكينه واول ماشافها جت وجابت في يدها سكينه كبيره حاده مدتها له: دوك "خذ".
اخذ السكينه و قال: ان اسمع لها حسس مره ثانيه والله ان ذه السكينه ماتقطع غير لسانها.
عواطف هزت راسها بزين وهوه طلع وقفل الباب خلفه اما عواطف فدخلت متحلفه فيها...
___
السوق#.
واقفه تناظر الملابس المعلقه وكان المحل ذا قدامه محل رجالي
رغد : اسمعي شرايتس ندخل المحل ذه !!.
ريم بدهشه: هااوه امحقق محل رجال وش نبي فيه اقول خلي الخبال عنتس وخلنا نشوف وش عنده ذا.
رغد تأفافت وبرجه: والله انه تسذا بس ندخله ونطلع .
الريم تشدها : والله ي رغد ان كان ودتس تدخلينه اني ارد بيتنا واخليتس وش تبين بمحل الرجاجيل ذا واذا حدن شافنا والله ان ننضرب يادافع البلا.
رغد ضحكت: بس تسذا ودي ادخله واشوف خلاقينهم واطلع.
ريم: اقول يا الخفيفه ادري وش معتس متشطه لروحة المحل ذوك ان ماتثقلين ان اهفتس بالكيسه .
رغد ابتسمت: زين زين .
ثم لفت للفستان الي قدامها: شرايتس في ذا.
ريم : ماعليه كلام خليه ينزله وناخذه يلاه ابوي قال ردي قبل القايله " الظهيره" هلحين تلاقين الساعه ١١ .
رغد : زين هلحين .
طلع وشاف ف المحل الي قدامه ثنتين بنات متسترات ويبان غير عيونهن ويأشرين للمحل حقهم وكل واحدة تشد الثانيه استغرب بس لفت انتباهه شي دقق بنظره لمحها ثم مسك على قلبه الي حس شوي ويطلع من محله إلااا والله شهرزادهههه هييييه شلون ماعرفها وعيونها اجمل من عيون الريممم ابتسم وقعد على عتبت باب المحل واخذ دلته وصب له فنجال قهوه وظل يناظها وخياله بدا يعطيه احلام ورديه..
اما عندها واقفه تناظر رغد الي ماخلت شين ف المحل الا وسئالت كم سعره حست بنظرات حاره تشبها لفت بنظرها ولمحت ذاك الي قاعد على عتبت المحل ويقزها لفت بخوف : وجع بعينه قليل الادب !
ثم لفت على رغد: رغددد امشي نروح محلن ثانيي .
رغد وهيه موب مركزه معاها : اصبري .
ريم شدتها وبصوت منخفض: رغدددددد امشيييي نروح محل ثانييي.
رغد لفت عليها وباستغراب : ليه اش بِك؟!
ريم بضيق: امشي بعدين اقولتس يلاَه .
رغد اخذت اغراضها الي حاسبت عليهم وطلعت وياها من المحل وريم تدور ابعد محل من هنا اما هوه فز واقف وحامل شماغه بيده اليسار ويناظر زولها وقلبه منمصع...
نواف ناظره: هيييه ي رجال وراك تهوجس.
وهاج لف له وقال وهوه لسى ماهوب قادر يبعد زولها من عيونه: هلا.
نواف باستغراب: وراك كذا ؟!.
وهاج قال بجديه: مابني شي وش تبي؟!.
نواف ابتسم: جيت ابي اشوف بضايعكم الجديده.
وهاج ابتسم له: اررحب تعال ادخل.
نواف: الله يحييك، ودخل خلفه عشان يشوف البضاعه ذي جت لهم..
____
تعريف الشخصياَت#.
ابو وهاج#
متوفيِ من سنييين مديده كأن انسان طييب حيييل ويحب الخير وكان عنده اراضي منه المشتركه ويا صديقه ومنها الي له وكان عنده من الحلال مايكفيه ويفكي اسرته البسيطه الي يعيلها وبعد وفاة زوجته الي كان يحبها الا يعشقها مافكر انه يتزوج ابداً وظل عايش عشان يربي ابنه لين مات مغدور..
ام وهاج#.
توفت بعد منجبت وهاج بسنه حرمه كان الكل يظرب بها المثل من طيبت قلبها وحبها لناس .
بطلناَ وهاج#
بطلنا انسان شاعري وحنوون غيوور و يحب الشعر والقصيِد وتفرض عليه طبيعت حاله الشبه ونار والعصبيه والقوه بدوي بحتت له من اسمه نصيب يحب يبهج اهل البيت عمره ٢٦ سنه عايش عند عمه وامه من الرضاعه والي ربته يحب اخته عواطف من الراضعه ويحب يسرها.
__
بيت سليمان ابو مطلق#.
ابو مطلق "سليمان"#.
شايب صعب من الزمان القديم حارر تهمه العادات والتقاليد وتهمه سمعت اسرته واسمه مايقبل التغيير لا لتراثه ولا لديرته ولا يقبل الحال المايل ولا عنده رحمه ابد وكل همه حلاله .
ام مطلق #.
انسانه مسالمه رئوفه تحب اولادها ولاتقبل لهم المذله حبييبه علاقتها باولادها متينه.
مطلق #.
له من اطباع ابوه رجالن خلوق وبه من الحنيه شوي متفهم مايحب امور الحريم ولا من مكان لاكن به شي شين فيه العصبيه والشبه النار ذه وزعله شييين عمره ٣٠سنه.
عواطف#.
بنتت طيبه هادئه وخلوقه مالها في المشاكل والا لها في وجع الراس اهم شي راحت بالها عمرها ٢٥ سنه مطلقه وبنعرف قصتها بعدين عندها اخ من الرضاعه " وهاج" .
مشعل#.
اصغر واحد ف العيال واكثر واحد مكروف واكثر واحد ينجلد من ابوه همه بطنه يحب العزببه الا يعشقها مفهيي عمره ٢٠ سنه.
واخيراً رنيم #.
اخرر العنقود البنتَ ذيي مهبوله ماتسكت عن حقها ابداً متهورهَ ع كثرَ ماهيهَ منكرفه ف البيتَ الا انها تهتم بنفسهَا عمرها ١٨سنه.
___
بيت ابو حسين#.
ابو حسينَ#.
اخو سليمان عايِش في جده انسان متفهم وراقي يحب اولاده حسين وروبى مدلعهم بس دايم يرسل ابنه عند اخوه عشان يعلمه على القوه والخشونه والمرجاله الي هيه صوب وابنه في صوب.
ام حسين#.
انسانه راقييه مهتمه بنفسها مدرسه تحب اولادها وبذات ربىى وتحب تأمن لمستقبلهم.
حسين#.
ولد مابه من عيال عمه شي كانه هوه من قبيله وهم من قبيله لاتصرفات ولا حتى الكلام طيييب القلب ويحب يساعد عمه الي دايم ناكبه .
ربىى#.
بنت حساسه راقيه دلوعه متحضره تحب تكون هيه ملفته للانظار ماتحب الديره ابددد ودايم تستغرب من الناس الي عايشين فيها تحب بنات عمها رغم كل شي.
___
بيت عبدالله ابو الريم#.
ابو الريم#.
انسان تاجر وله اعماله ف الرياض وهوه من اهل نجد طيب وحنون لاكن متهوور مايحسب حساب لاافعاله ولايقدر يسيطر على نفسه ويلاقي نفسه ندم اشدد الندم وتحسف على زلاته كان صديق لا ابو وهاج زمان .
الريم#.
بنت طيبه وحنونه رمُنسييه لاكن تقلب على الواحد بدون اي تفسير عندها اهم شي كرامتها قبل كل شي ولا لها ف المذله طريق تحببب ابوها الا تعشقه تشوفه الدنيا ومافيها ولا تشوف احدن بعده مستغربه من جدتها الي ماتتكلم معى ابوها من سنيننن ودايم تسئاله بس يغير مجراء الحديث .
ام عبدلله#.
انسانه خالط الشيب راسها لاكنها بوقارها وهيبتها اهل الديره يحترمونها ودايم لها من الاستشاره نصيب يعني اذا صار شي ف القبيله يستشيرون المشايخ والناس الكبيره وهيه من ضمنهم خافيه سر وحلفت قبل سنين ماتكلم ابنها لين بنته تنذل عندها وتحلف انها تبي الخلاص من ابوها وقتها تتكلم معاه ، زوجها توفاء قبلها وماعندها غير عبدالله.
(هاذي الشخصيات الاساسيه
بتتعرفون على الباقين معى تقدم الاحداث واتمننى انها بدايه نالت اعجابكم دمتم في محبت الله ورعايته ♡)
___
كــــــت❀.