اقدارنا بين الحب والغربه - الفصل 70 | روايتك

*روايات عربية و عالميه🌧️❤️‍🩹* `بإدارة : > آلُِجوكر 𖠝🍷 ♩⁽📚🖊️₎⇣℡` *البـارت 70☆* *📚📚[أقدارنا بين الحب و الغربة]🎶♥️* للكاتبه: عبير الكبسي _____ ِ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ . . بعد الفجر.. هديل صلت وفعلت لها قلص بن : دخلت الغرفه ابتسمت ذكرت هيثم واعذاره وهوارته على القلص الي تحب تشرب فيه ...بتتفرج للغرفه وبتفكر فيه ايش فعل زعلان غلى خرجتها من البيت مثل مازعل على فاتن ؟؟! هيثم قام الصبح : الغرفه جوها خااانق...الكنبه فااضيه التسررريحه ..امتد بقهررر بيتفرج السقف ويذكر نظراتها حنيتها اخر فتره لما تاكله وتنتبه له وذكر فاتن ورسالتها وكل يوم منشورات في الفيس بتزيد قهره وتبين له انها انسانه حقوده مارضت تغفرله بعد كل الي حصل وقد شافت الحادث بعينها...نزلت دموع من طرف عينه...يارب ماحد عارف الي ف قلبي غيرك شاف التلفون الساعه كم (( فكر يرسل لهديل رساله))..بيكتب..( صباح الورد لاحلى ورده كانت معي وماعرفت ارعاها وانتبه لها ،لما ذبلت بس الحمدلله اني لحقتها قبل ماتجف وانا اوعدها اخليها احلى ورررده....هديل اكتشفت انش شي مهم بحياتي.. لو بتشربي القهوه حقي يهنى قلبش)) في غرفتها ..هدووووء الكل نوم هديل بتشرب وتتذكره : بدات تذكر من اول العرس كيف عاملها وصبرت ..قاطعها نغمه التلفون رساله من هيثم (( قريتها وابتسمت..حست بغرور ..قفلت التلفون ولا ردت )). افراح :قد قامت تقهوي نفسها وتلوي .. هديل استغفرالله: من الدلع هذا للنكد هذا افراح : مابتجابري روووحش هديل مطنشه بتعاندها بنظراتها: وتشرررب افراح : سم يسمش على قد قله ذوق وطبيعه.. هديل : قفت وجلست تتفرج التلفون ...عيرسل غيرها !! افراح : سسيري اعجني هديل : مطنشه افراح عصصصبت دخلت لصالح : بنتك رجعت بتزنط وتقل ذوقها وترادد وتطنششش صالح : مااافعلت ؟؟ افراح :بين اقلها ليش مافعلتي لابوش بن معش قالت مش هو عليا. صالح : ضبببح افراح شافته ضبح وزااادت الخرط: وامس اجابرها غاثيه عليها مالش انتي وزوجش.. مكنتني مش هو عليش مالش دخل.. صالح : مابش عندي بنات قليلات حيا شاكسر رقبتهاا افراح: خلاص ابردلك منها ..شاسير افعل الصبوح صالح : وليش ماتفعله هديل... هدددديل هديل سمعت ابوها بيداعي: سارت لاعنده صالح : اين البن والصبوح ؟ افراح قفا صالح : بتتفرج لها بابتسامه محانكه.. هديل اقتهرت : حاضر الان صالح : شكلش نسسسيتي التربيه؟ هديل : سارت المطبخ..بكككككيت من القهر كانت متحملللله وساكته في غرفته.. هيثم مرراعي تررد : مابش ولاردد.. قام يغسل وشه ويتجهز يسسير العمل عند ابوه. . في الشركه.. ابو محمد : مااشاءالله عليكم شباب فهمتو العمل وكل شي تمام له الحمد.. سامي :الحمدلله الله يبارك فيك.. ابو محمد :موفق اي خدمات او شي كلمني سامي: اكيد تسسلم الله يبارك فيك....ذكر رهام.. تصور لها سيلفي ورسل لها.. رهام فتحت : شافته انبهررت ( ماشاءالله يااروحي وسسيم الله يحفظك من كل شر) سامي: ذلحين انا ازنط عليش يامشعفله ماشتيش شغاله مربطه بالمصر وماسكه المكنسه .. رهام ضحكككت: امانه لاتذكرني خلاص انسى يخ منك سامي : احبش يازناطه.. بس تستاهلي الدلع والغنج والله يقدرني اعيشش اميره رهام : انت قدها وقدود،، حبيبي اشطر طالب ومابيداوومش ونجحت بمعدل رووعه ،، ومن وظيفه لوظيفه وعقبال ماشوفك اكبر انسان ف الدنيا سامي : خلاص بسسس بيننتفخ شاطير ذلحين.. سيري تمي النظاف يلله معي عمل رهام :اهبل احبك سامي: وانا اموت فيش ياروحي..الله يخليش لي بيت وائل.. فاتن : لبسته الكوت .. وائل : يابختي داع واناقه حب يدها ، تسلميلي.. فاتن : اكيدد الان ستايلك ولبسك عليا... وائل : يلله تشتي شي ياروحي ؟ فاتن:سلامتك حبيبي وائل : لو ذكرتي شي رسلي لي فاتن بابتسامه: تمام.. ودعته للباب.. وائل: حبها فوق راسها وخرج فاتن : غلقت وبترفع البيت والغرفه.. عفاف نزلت : دقت لها الباب فاتن : فتحت لها عفاف :ايش مسويه .؟ فاتن : عادو وائل خرج قلت ارفع وارتب تعالي نصتبح.. عفاف: ياسلام اول شي ترفعي وترتبي ذكرتي تضيفيني ف الاخير فاتن: عفاف اشتي اكلمش ؟ ايش غيرت وائل سحرته !! بينعلمه لاتكلم اختك لاترد عليها ! عفاف سااكته: قالت لش افنان ؟ فاتن : ايوه صحبتش بتدافع معش ونسيت اننا اختها وبتعاتبني ..ليش تتغيرو على عفاف عفاف: اصلا كان وائل يمزح معي يخرجني اخر فتره متقرب مني كثير عشان اديله اخبارش..ولما تزوجتو ولاعد عبرني فاتن: يعني ماعلمته هو من نفسه تغير تعاتبيه هو.. عفاف: ان شاء الله..ايش عتصبحينا فاتن : تعالي المطبخ في كل شي انتي اخوري بس عفاف ضحكت: انا اسفه لو زعلتش فاتن: لا مابش شي لاتكوني تتحسسي حلو لما نتصارح عفاف: ان شاءالله.. هيثم ضاابح: ليش ماترد هديل ماكانت هكذا ! معقووول صبررت عشاني اخر فتره مرضي ..بس انا فعلا غلطت عليها وطول الفتره الي راحت كسفتها...لازم ارجعها..رسل لها( يعني لازم افعل حادث واتكسر عشان تحني عليا) في المطبخ.. هديل كانت مراعيه الفول يجهز سارحه: سمعت تلفونها سارت تديه...شافت الرساله ابتسمت..ردت ..... . هديل ردت برساله لهيثم:( انا كنت غلطه بحياتك ودمرتك.. وصبرت على اتفاقك .. والان انت عيش حياتك وانا بعيش حياتي وكل واحد انظلم فينا بس مش انا السبب..انت كنت السبب كنت تشتي كل شي ترضي ابوك وحبيبتك واهلك على حسااابي انا ومشاعري)).. افراح دخلت المطبخ : الفول بدء يحرق والشاهي بيفور له ساعه.. وتلقى هديل فوق التلفون.. هديل شافتها: قد طبخت افراح: جنه لقلبي بش الصبوح حرق وانتي فوق التلفون مع من ؟ اذا انتي حانقه منه؟ هديل : تأففت وقامت افراح خرجت للصاله: قد.نسيت بنتك الطبخ جالسه فوق التلفون والصبوح حرق بينقل ماله الرجال بيجنن فوقها من حلاها صالح : لاحول ولاقوه الا بالله ؟؟ اين جت ادعيها هديل: ها جيت بينسمع صالح : مال زوجش ! بتفعلي هكذا في بيتش ؟ هديل : مابينطبخش ولاحد بيطبخ شغالات وماتصايحناش من هذا السبب صالح شاف لافراح: حاضر شادرى السبب ماعليش شي. هديل خرجت للمطبخ :دخلت تغرف الصبوح وخلت الباقي الي طعمه حارق وقربت صالح : الاكل مابش فيه شي هديل : بترفع المطبخ صالح: هيا صبوح افراح : قد بكرت تتقهوى وتصتبح قبلنا هديل : بتبكي في المطبخ في شقته.. هيثم تم يلبس : تعطر وبيلبس الساعه ولع التلفون شاف رسالتين فررح ..فتحها ..الاولى عزيزي المشترك للاشتراك بالنغمه...ضبح خرج شاف تحتها رساله هدديل فرح : فتحها بيقرا... زعل وطرح التلفون بجيبه ونزل كلهم فارشين سفره وبيصتبحو نجميه: هيا اجي افعل لك ملقام.. هيثم: شابع وتاخرت على ابي نجميه: وامس ماتعشيت سوسن: خليه على راحته مش هو جاهل نجميه: وانتي ماقررتي؟ سوسن:نفس قراري ماغيرت شي نجميه: الله يعين ويسخرلكم ياجهالي كل خير اسماء: امين سوسن: انتي اخرسي واصتبحي سكته فارحه اسماء: بتحانكها.. في المطبخ.. هديل:ريت والله وانت هنا ياسامي محد يسطى يقل لي كلمه ايمن فعل سندوتش سار للمطبخ :هديل هذا قسمش هديل :.كل ياروحي يهنى انا شابعه ايمن: انا قمت وابسرتش ماكلتي ش.. كلي هديل: مشتيش سير كل ايمن:قوا تعبت من اول وانا اشل على لقمه لقمه وافعلش سندوتش هديل ضحكت: عشانك ها شاكله.. وبدات تاكل بيت وائل.. فاتن :رتبت البيت ودخلت تفعل غدا وائل اتصلها : شوعه الدوام بعد العطله شهر فاتن: والبيت شوعه بدونك وائل: لاتخليني اخذ اذن واروح فاتن: لااا مسرع ماقد فعلت الغدا وائل: لا لا مش ضروري تتعبي نفسش اشل لنا من خارج وبس فاتن : عادي قد بدات وائل : بس كلمه ارفعي كل شي وانا ادي معي فاتن فررحت: حاضر، فتحت الفيسبوك..وبتجابر دعاء وامل.. .