الفصل 67
*روايات عربية و عالميه🌧️❤️🩹*
`بإدارة : > آلُِجوكر 𖠝🍷 ♩⁽📚🖊️₎⇣℡`
*البـارت 67☆*
*📚📚[أقدارنا بين الحب و الغربة]🎶♥️*
للكاتبه: عبير الكبسي
_____
ِ
.
.
نرجع لعادل وعلوان..
سامي: وبعدين ايش حصل ؟
علوان : بعد ماخرجت من الشركه وبحكم معرفه عادل بتجار وناس ساعدها تفتح لها عمل خاص بها
سامي :حلو
علوان :طبعا بدأت تبادله اعجابها، عادل كان رده مش متوقع قلها احنا اليمنيين مابش عندنا شي اسمه حب ونتواصل الا بعد الزواج
سامي ضحككك: قل له غيرو المنهج
علوان ضحك : المهم من يوم ليوم حبته اكثر وتواصلهم المستمر بحكم العمل خلا عادل يحبها ..حصلت بينهم سوء تفاهم ..حاولت تساعده مقابل مافتح لها محل وتوسعت تجارتها الا انه رفض يشل فلس او تفتح له محل .كانت عزه نفسه تضبحها وتفعل بينهم حد.. لايوم سالته كيف افتح حساب و..الخ وعرفت من خلال كلامه كيف بيرسل لاهله ورسلت لهم كل شهر ضعف مابيرسل
سامي بدهشه: اوووف ..ولاحس؟؟!
علوان : بعد.فتره ابوه عاتبه ومن اين بتديها يابني لاتكون بتسرق.. قال لهم كم قالوله على طووول اتصلها وعاتبها..
غرفه هيثم وهديل...
اسماء : هيااا كل
هيثم : اعوووذ بالله بتاكليني او بتشربيني سم
هديل ضحككت على منظرهم
اسماء: هاا كان بالعاني انت ومرتك بتضحكو عليا خليها تأكلك هي
هيثم شاف لهديل: ماشتيش من كثر حنيتها عليا بتحسسني اني مطلب او معوق
اسماء: ماعندهااا حجه معوق ، اما الطيبه الي فيها قدي ثقاله
هديل : بتتفرج لهم سكته
هيثم شاف هديل: سساكت..
اسماء: هيا خاطركم انزل اشوف سوسن ماعتفعل
اكلي زوجش
هديل : شافتها عادي بدون جواب
هيثم: قالت تاكلي زوجش
هديل :عادك جاوع ؟؟
هيثم : مريض انا مريييض مفروض تراشوني مش اراشيكم
هديل ضحكككت: قربت تاكله
نرجع لعلوان وسامي..
سامي :واكيد ززعل منها
علوان : طبعا زعل وحلف يمين انهن دين فوقه لها وبيقسط لها من الراتب حقه..المهم عرفته على اخوها..
سامي متحمسس معه: ايوه
علوان : تعرف عليهم .. بس ماحب يتعمق اكثر ماكان يروح بيتهم ولاعزايمهم يتعذر باي شبي.. لما عاتبته لولو (حبيبته) ليش فررصه اهلي يعرفوك ويحبوك
قال لها عادل .. بس بحس نفسي نذل اجي بيتكم واروح وانا اكلم بنتهم سرقه باكون زي الخاين وموقف بايخ..
سامي: كلام حلوو مايززعلش
علوان : مازعلت بالعكس كبر بنظرها وبتتعلق فيه اكثر واكثر ..المهم ليوم ابوه ضغط عليه يزوجه بنت خاله وانه قد تاخر ويرجع يتزوجها
سامي بصدمه: ولولو؟؟
علوان : مازعلت منه قالت اهلك وواجب عليك طاعتهم وروح وانا بنتظرك لاخر عمري
سامي: قهر لما تكون اقدارنا مش بيدنا وتختارلنا اشياء غير الي نحبها.. بس الحمدوالشكر على كل شي..
علوان : المهم الله يوووفقهم ويوفق كل اثنين بحبهم الطاهر الي يخافو الله ويحترمو اهلهم مهما كان هذول اهل تعبو فيهم..
سامي : اي والله ..
.
بعد ماخرج علي والوسيط..
عبدالرحمن قام للصاله دعا سوسن ونجميه
سوسن : خير ايش يشتي؟
عبدالرحمن : ماقد بسرتش هيثم اطلعي انتي وامش نتجابر مع اخوش ..
سوسن بضببح : حاضر
في غرفتهم..
هيثم :.ماشاء الله ياهديل بعض بنات تتغير بالمكياج وانتي قمرر الله يحرسش به ولا بدون
هديل وطت راسها انحرجت : وبتجمع الاكل للملعقه
استضيت الان جمالي؟؟
هيثم رفع حواجبه : لااا ، استضيته من اول يوم بس كان فرق اول والان فرق
هديل: ايش الفرق هو هذك انا ماتغيرت
هيثم : صح بس الان ركزت جمال قلبش اخلاقش طيبتش اثبتت لي انش مش شكل..انش جوهره وماكنت منتبه لها ..
هديل : ساكته..
على طلعتهم..
هديل سمعت صوت ابو هيثم : قامت ترفع الصحن وترفع السرير والكنب
فوق السيارره..
علي مقهوور كيف ضيع نفسه: بيفكرر لو ماكان حصل هذا كله .. لو حافظ على مرته وبيته وكان بينه وبين سوسن تفاهم اول باول ماحصل الي حصل..
الوسيط : لاتطنش يابني..لاحق حهالك اقتعهم .. خليهم يقنعو امهم..
علي حاسس بغصه: ان شاء الله خير
شقه هيثم..
عبدالرحمن شافهم ابتسم: بينقل مالك جالس ساع الوالده وانه معك هذا الدلع كله ..
هديل : ابتسمت بخزا
نجميه : الله يحفظها ويرضى عليها بينركن عليها
هيثم : اركنو وشبجوها وهي بتموتني جوع..
عبدالرحمن : قد مال حزام رقبتك عيقررح ياميت جوع
هديل :ضحكككت
هيثم شافها : ابتسم
سوسن ساارحه مش معهك..
هيثم شاف سوسن : مافعلتو ياباه؟
عبدالرحمن : هوذا جمعتك انت وامك واختك احاكيها قبالكم..
هديل قامت من عنددهم : تشتي تخرج
عبدالرحمن : هددديل جي اين عتسيري؟
هديل انحرجت : ولا مكان بس افعلكم قهوه
عبدالرحمن: تقهوينا له الحمد اجلسي
هديل: عادي خذو راحتكم
عبدالرحمن : قدش بنتنا ومن البيت هذا وسوسن اختش،، والكلام الي عيوقع لاراسها ولش كمان الي ارضاه لبنتي..اعامل بنات الناس مثله.
هديل : مستغرربه
نجميه شافت هيثم :عشان يفتحو عينهم جهالي ويصونو بنات الناس
هيثم: شاف هديل
هديل شافت هيثم بتحددي : بينها وبين نفسها ( يمكن سوسن كلمتهم )؟؟
في غرفته...في التلفون
سامي : تخيلي يااارهام على حب
رهام حست نفسهاصغيره : بعد ماسمعت قصه عادل ولولو كيف كانت طماعه وحسها كيف تفشر قدام الناس وزوجها فقير
سامي: بس الصدق عجبني عادل ورا الناس كيف احنا اليمنيين بطبعنا الاصلي
رهام :الله يوفقهم ويوفقنا يارب.
**ملاحظه قصه عادل اليمني ولولو السعوديه حقيقه بطلب من البنت ادماج قصتهم في هذه الروايه لانها حبت اليمنيين وحست بفخررر انها حبت يمني من حبها لعادل كان بكامل الاخلاق والرجوله..الله يوفقهم ويكتبهم من نصيب بعض قصتهم روعه وحاولت اختصرلكم قصتهم في بارتين
.
عبدالرحمن: علي يشتي يرجع مرته..قال طلق الي تزوجها..
سوسن : وغيرها الي بيجابرهن كل يوم ؟
عبدالرحمن : قال تغير وطلق وغير البيت وكلام ووعود اهم شي ترجعي
هيثم : سساكت بيسمع ويتفرج هديل
هديل : موطيه راسها بتقررش اظافرها..
سوسن : عيتغير في شهرين ! ماتغير وانا عنده شحبت وتعبت وانا احاووول فيه واخرتها اهمال حتى جهاله..مابرجعش
هديل : عادها فهمت القصه سوا (كانت فاكره انه السبب عشان تزوج )..
هيثم : الي مارضاه لاختي ورفضت رجعتها لما خرجت بنته مريضه ولا اتصل ولا سأل ولما سارت فجاه وعروسه في غرفتها ولاكلف نفسه يتصل بعدا يداري او يوضح ..
نجميه: والله ماترجع له انا مش مووافقه
هيثم شاف هديل :كلنا بنغلط واهم شي نعرف الغلط ونصلحه ..واذا الله بيتوب علينا ويسامحنا احنا مانقدر نسامح..اديله فرصه
هديل كانت بتشوف هيثم بعد ماسمعته : نزلت عينها منه وفهمت انه لها..
سوسن :محد يعرفه غيري وانا كارهته ماعد اقدر ارجع له..
عبدالرحمن : والي تشتيه انا تحت امرش انتي حره ..هذا بيتش وبيت جهالش مفتوح لكم العمر كله.
سوسن: يلا شانزل اعشي الجهال..نزلت
نجميه:اهم شي انت كيف انت ؟بيت عمك كلهم بيسالو عليك
هيثم : الحمدلله احسن وبكره معي موعد عند الدكتور
هديل بينها وبين نفسها : اخيرا عيسير للدكتور..
ف الفندق...
فاتن : ايحين اجهز الشنط
وائل : خليهن لبكره..
فاتن : الطايره 12 ليل او ظهر
وائل : ليل، نزيد نخرج النهار وبعدين نروح نجهزهن
فاتن : بس مابنلحق
وائل: انا بساعدش ولايهمش
فاتن : طيب هيا نخرج السوق..عادو بدري
وائل: طيب قومي البسي
بيت عبدالرحمن..
سوسن : هيا تعالو تعشو
معاذ: ماشتيش
اريج : وانا زعلانه منش
سوسن : ليشش؟
اريج : بابا جا يشلنا البيت ولا رضيتي
سوسن ضبحت : فلتت لهم العشا وقامت الغرفه..
اسماء سمعتهم: وراحت
تساليهم ، وتلاعبهم ف الحوش..
شقه هيثم..
عبدالرحمن قام يشتي ينزل : يلا الله يشفيك يابني..
نجميه : ماتشتي شي
هيثم : امين ..سلامتكم
هديل قامت معاهم..
بعد مانزلو..
هيثم : ضبحت نفسي اخرج
هديل :كانت سااارحه
هيثم : هددديل
هديل شافته : هاا
هيثم : مالش ساارحه ، ضبح
هديل : ايوه
هيثم : قلي لبسام يطلع يدخل التلفزيون
هديل : حاضر