الفصل 62
*روايات عربية و عالميه🌧️❤️🩹*
`بإدارة : > آلُِجوكر 𖠝🍷 ♩⁽📚🖊️₎⇣℡`
*البـارت 62☆*
*📚📚[أقدارنا بين الحب و الغربة]🎶♥️*
للكاتبه: عبير الكبسي
_____
ِ
.
نرجع لهديل وهيثم..
هديل شافته نعس وخفت الحمى: رقدت فوق الكنبه..
هيثم راح مفعول المسكن : قام من الوجع وشاف هديل نوم بدون غطاء بطانيتها معه..يشتي يدعيها..سكت
بعد نص ساعه..طلعت سوسن
سوسن ماسكه صحن الصبوح
نجميه دقت وفتحت الباب : هيا دخلي الصحن
سوسن : يووو هددديل !
نجميه : مالها راقده هنا تحت الطاقع بين البرد..
هيثم ارتبش: مشتيش حد.يحرك السرير..
سوسن شافته بنظره: عشان رجله ورقبته مجبسات
هديل نكزت: وهي بردانه بترررجف فتحت الدولاب ولبست فنيليه
نجميه : جلست تصبح ابنها
سوسن : ماهنيتيش النوم شكلش مرررهق قوي
هيثم: زد ولا ذاقت شي
ف الفندق..
وائل: هيااا سررريع وليش عاد هذه السماطه مابش داعي لها
فاتن ضحكت: حالي فوق البلوزه خزا انزل بها بس.
وائل: كأنها البلوزه قصيره شويه
فاتن : يوو قد لبست هذا فوقها..
وائل: شكلش ساع جدي يوم الجمعه
فاتن ضحككت : ونزلت هي وياه
وائل : فين تحبي نروح سوق ؟ او لفه بالبحر او نتمشى
فاتن : اي مكان عادي
وائل: اهم شي بحجر الله تبعدي هذا القز من وشش
فاتن : سكتت
وائل: مسك يدها وحبها..
فاتن :مالك ! مش ف الاصنصير
وائل: سهل هولا خريجين لميس ويحيى ونور ومهند وكل الابطال..اهم شي عندي انت ياحلو..
فاتن نسسيت تفكر بهيثم :خلاص قررت تنسى وتعيش حياتها.. ف المحل
علوان : ايش تقول انت ؟ ياخي كم جررربنا لهذه الشركات وابسط موقف يستغنو عنك
سامي: نرجع للمحل
علوان ضحك: سعم انها مقاولات
سامي: وياسعم اننا بشتغل عمري كله هنا.. اخي هي فتررره اوقف ع رجلي واساعد اهلي ..اول ماتكون شهادتي بيدي برجع
علوان ضحككك : ترررجع فين ! قدامك انا او شهادتي كانت قراطيس؟
سامي تنهددد: استغفر الله العظيم..ربنا يحلها من عنده..
علوان : بس مستغرب اول مره اشوف حد هكذاا متحمسس ماعرفنا الا مرتين وبيوظفنا وعزمنا .. سامي : احسن الظن وربنا يسخرلنا الخير كله..
علوان : امين يارب.. بعد المغرب..
هيثم ماسك التلفون : بيده اليسار بيفتح حساب الفيسبوك ...شاف حساب فاتن..تغيرت (حالتها الى متزوج)..صوره البحر في تركيا..قلب داخله حروفهم (F♡w)
بيشوف عبارره بين قوسين مع الصوره ((بعد مرور أعوام ستُدرك أن الله حين منع عنك , ما كُنت تُحبه وتُلح عليه لم يكن إلا ليعوضك بأجملِ مما مضى،ليُرضيك ويُرضي قلبك❤)) هيثم بلع ريقه بقهرر : ماقدلش الا يومين ويعوضك باجمل مما مضى !! اسسستاهل انا غبي استاهل ضيعت نفسي وصحتي وملاك قدام وشي مع واحده منافقه وانا اقووول ليش كانت ترفض لما اتقدم لها وهي معها شخص ثاني..
.
هيثم :غلق الفيس بوك، وجالس يتبررقط
هديل مانتبهت له : قربت لاجنبه تشربه العلاج..
هيثم جلس مبصم لاوشها: مافتح فمه..كانت عينه ملان دموع
هديل عقدت حواجبها : مالك ! فيك شي تاعب؟
هيثم تنهد: قوووووي تاااعب
هديل توترت تشتي تمشي: اسير ادعي سوسن
هيثم بيده اليسار: مسكها، هديل مشتيش احد..
هديل طيب اشرب العلاج تفتهن: ناولته ليده اليسار
هيثم هز راسه لا ومركزز في عيونها: حرام اشرب باليسار ..شربيني
هديل ارتبشت : مسسستغربه منه...بتفتح الادويه ويدها بترتعش ماله بيجنن ؟ يمكن الحادث اثر على مخه.
هيثم داخله كميه قهررر : بيتفرجلها بحسررره كيف ظلمها..!
هديل سكبت الماء للقلص : وبتشربه..
هيثم : بيتفررجلها سكته
في التلفون..
امل : هيا بكره نسير الجامعه ..النتايج طلعت
دعاء: صدق؟
امل: قالين البناات الكشوفات معلقه
دعاء: ونشوف لفاتن على الطريق
امل:وانا شاشوف لاسامه
دعاء: ذكرررت لما كانت فاتن تضارب وتشوف لهيثم وتسبق تقله قبل اسامه مايبشره
امل: نصيب الله يسعدهم ويوفقهم يارب
دعاء: شفتي صفحتها في الفيس بوك شكلها مبسوطه وتأقلمت مع وائل
امل: لا ليش ايش كتبت؟
دعاء: ادخلي اقري الكلام ، بس احسه من ورا قلبها او عشان يشوف هيثم ويقتهر
امل: مكانها معانده ومش مصدقه ولاراضيه تفهم موقف هيثم
دعاء: هو غلط سكت وخبى عليها وهي غلطت سكتت وردت له الصدمه
امل: يلا نتجابر لما نلتقي لاتكملي رصيدي
دعاء: سهل معاكم اسامه يعبي ماحنا نررحم
امل : ضحكت ..وغلقين
الليل بعد دوامهم..
سامي : يلله غلق ..
علوان : وين شهايدنا ؟
سامي: في كيس دعايه اصفر في الدرج
علوان : خلينا نحطهن بظرف ونرتبهن
سامي مستعجل: بيرتب المحل ويطفي الاضواء..
علوان : تم يجهزهن..
خرجو وغلقو..
سامي: الله يكتب لنا الخير في كل خطوه
علوان : مدري ليش قلبي مش مرتاح
سامي:انا صليت استخاره وعلى الله..بس مالك متشائم هكذا تفجع واحد.
علوان : ياخي قد اتبهذلت واستجنت واشتغلت في بوفيات ومفرش في الارض ورجعت لشركه وافتصلت ورجعت لمحل...محد بيفعل خير هذه الايام الكل معه مصلحه..وربك يستر
سامي: بس خلي عندك ثقه بالله انه ممكن يعوضك التعب هذك كله..يلا صلي على النبي ومشينا
علوان ابتسم : عليه افضل الصلاه والسلام ..يلا بعدك
نرجع لهم للغرفه..
هديل ضااابحه : جالسه قدام التسريحه ..بتتفرج اظافرها وبتفكر في تغير تصرفات هيثم معها ؟ متجمل عشان بتفعله هكذا ! مسكت صباغ تشتي تتصبغ وذكرررت موقف ( لما دخل وهي بتتصبغ ورجمه عليها من الطاقه) شافت هيثم ف المرايه ورجعته
هيثم :بيتفرجلها ايش بتسوي وفهمم انه رجعته بسببه...
.
هيثم :بيتفرجلها ايش بتسوي وفهمم انه رجعته بسببه...هددديل ..
هديل ظهرها لاعنده بس بتشوفه ف المرايه : هاا
هيثم : هاتي الي كان في يدش وتعالي
هديل ضحكت باستهزاء : عشان مجبسس تشتيني ارجمه بيدي
هيثم بجديه: هاااتيه وتعااالي
هديل بنظره تحدي : شلته وراحت لاعنده (داخل نفسها والله لو يقلي ارجمه لاتصبغ عاااني)
هيثم اشر بيده اليسار جنبه :اجلسي
هديل بهررت لاوشه: ليش ؟
هيثم هزر الصباغ من يدها: فتحه باسنانه وناولها..
هديل ابتسسمت : ايش تشتي اصبغك
هيثم:اجلسي
هديل جلست: نعمم ايش تشتي
هيثم طرح الصباغ فوق الجبس وبيده اليسار ماسك الفرشه..هاتي يدش قربيها
هديل ماسسسكه ضحكتها: ايش بتفعل ؟؟
هيثم : اصبغش
هديل: مش ضروري
هيثم : خليني اكفر على افعالي
هديل : كم عتكفر او كم وليشش !
هيثم طنشها: مد يده وصبغ ظفرها
هديل بدلع زي الاميرات : مدت له يدها..
هيثم يده بترجف اول مره يصبغ: كان نصه ف الظفر ونصه ف الجلد
هديل صاحت: وسختني
هيثم : يدش تجنن
هديل انحرجت: مسسستغربه ماله
في مكتب الشركه..
سامي: مشكوور كثير اخي ، بس كيف طلبتنا وانا ماكملت شهادي
ابو محمد :بحكيلك القصه و طبعا اغلب موظفين الشركه يمنيين..ماوصلت للشركه الا بعد تعب واشتغلت كل الاشغال.. ففتح الله عليا بها بعد مشاركتي ب اسهم وطلعت حظ لي حبيت اساعد كل فرد من بلدي الحبيب وارتحتلكم ياخي
سامي: ضحكك الله يبارك فيك ..ويكثر من امثالك.
ابومحمد:راتبكم بيكون كبدايه 3 الف ريال سعودي بدون حافز واظافي تقريبا كلها باتخرج4 الف ريال
علوان : شاف لسامي
سامي:والدوام
ابو محمد : بعد ماتنتهي من اجرائات الدوام حقك تعال تدرب اسبوع معنا انظمه محاسبيه باتمسك قسم من الاقسام..بالنسبه لعلوان ف بخليك بحكم دراستك اعلانات لقسم التسويق.. وبانعمل لك دورات فيها
سامي: باذن الله.. علوان : ان شاءالله ..
ابو محمد: بانتظاركم والله يوفقكم..
تمو يكلموه..وخرجو
في الشارع..بيتقفزو ويضحكوو مش مصدقين ..حلم وتحقق لهم بدون تعب..
سامي: العشا ع حسابي
علوان : ع حسابي انا..معي لك كلام تقل لي ايش افعل ف مشكلتي
ساني: يلا على حسابك.. والشاهي ع حسابي
في غرفتهم..
هيثم : ها كيف انا احسن منش
هديل بتضخكك:شوووف يدددي خربشتها هنا وهنا
هيثم قلد لها زعلان ساع الجهال:يعني ماعجبش
هديل: لااا ، يلله ارجمه من الطاقه
هيثم ضحك: انتي اعوووذ بالله لاقد علقتي على شي علقتي...
هديل رجعت ملامح الزعل: على ايش اعلق !! خلاص ايش الفايده اعلق او ماعلقش
#يتبع...