الفصل 22
ويننا فيه عشان تنشب لـ وليدي ولا بعد تجي تزورني ؟
وعيبااه صدق والله ماتخذ ولدي ولو هي ملكة جمال
_______
اليوم التالي
اتصل على احمد وعزمه للعشاء
يبي يشوفه قبل يسافر
دخل المطبخ واخذ نفسه وهو يشم ريحة الاكل /وش سويتي لنا
عروب تدخل الصينيه في الفرن وتلتف له/صينية بشامل بدجاج ولفائف التوست
بجاد /اهم شي كثري ترا خويي ما يشبعه شي
عروب/هههههههه معليك مضبطتك بتاكلون اصبعكم وراها، نفسي في الاكل لا يعلى عليه
بجاد كشر وتكى على طوله وراء ظهره/لا تقولين نفسك، تدرين كنت اكرهه اكل طبخ الحريم بسبب سالفة النفس هذا
عروب باستغراب/ليه
بجاد أبتسم بغباء/يوم كنت صغير كنت اسمع جارات امي منيرة الله يرحمها يسوالفون في نفس الوحده في الطبخ
فكنت احسب ان الوحده تتنفس في اكلها قبل تقدمه يعع كم تقرفت ومن وقتها وجاتني فوبيا ما اكل الا طبخي او طبخ احد اعرفه صح ههههههه
عروب /هههههههههههههههههههه على تفكيرك هذا انحرمت من الاكل
بجاد /ترا ليومك هذا محب اكل الا من طبخ احد اعرفه صح
ليث دخل المطبخ/بجاد احمد وصل
عروب /القهوه في المجلس جاهزه
بجاد استعدل بوقفته وخرج متجه بخطوات سريعه للمجلس
اول ما دخلت رجله للمجلس اندفع للخلف بقوة وتعثر بخطواته
بفعل اندفاع خلود واحتضانها له /بجاااااااد
بجاد كشر بنبره عصبيه مصطنعه /وجع الا وجع يا الدفشه
دفها عنه هو يشوف ازدياد طولها صارت توصل لنص خصره ووزنها ازداد اكثر فيها شي غريب بس ما قدر يميزه
خلود ترجع لوراء خطوه وتحرك راسها بدلع /وش رايك
بجاد ارمش بتدقيق/في ايش
خلود ترجع شعرها وراء اذنها وترجع تحركه بدلع
فجاءه انسحبت من شعرها على وراء بيد احمد /خل عنك الورعه وسلام
بجاد ضحك وهو يحضن احمد /ارحب مليون في ذمتي
احمد رفع حااجبه باستغراب لضم بجاد له بـ العاده هو اللي يحضنه / سلمه البقاء
بجاد حرك يده /ادخل حياك
جلس احمد واخذ بجاد القهوه يقهويه
جلست جنب احمد وعبست بقهر
مد بجاد القهوه لـ احمد وصب له فنجال وقبل يجلس
خلود بانتقاد وبصوت عالي /و أنااااا صب لي قهوه ولا متعرف توجب الضيف
بجاد مد لها فنجاله/هاا اشربي جعلك تشرقين
خلود /شرقه بحلقه مامن فكه
بجاد /هههههههههههههه روحي داخل سلمي على خواتي امي
خلود ترتشف من القهوه وتحرك شعرها بشكل مستمر
بجاد /لا تملين المجلس بشعرك
خلود /انت لازم تفصل لك نظاره عشان تميز
احمد/هههههههههههه لو يفصل مئة نظاره ما بيلاحظ
بجاد/وش الاحظ
احمد مسك شعر خلود ورفعه/البنت بتنكسر رقبتها من كثر ما تحركه مستشوره الكشه
بجاد توه ينتبه لشعرها الناعم بعكس طبيعة شعرها الخشن/غبيه ترا الاستشور يحرق شعرك خليه كشه احلى
خلود حركت يدها بعدم اهتمام لك
لكلامه مدت له الفنجال/صب
بجاد بطوله بال صب لها/اشربي فنجالك وروحي اللعبي مع عيال خواني شوفيهم يلعبون برا
خلود تصغر عيونها/مره روحي سلمي على امي وخواني مره روحي اللعبي تصرفني قومه من هنا مابقوم الا رجلي على رجلك
احمد/هههههههههه تستاهل انت اللي قلت جيبها
بجاد بقهر/وش عرفني انها بتستلبد
احمد /طنشها وهات العلم اللي في بطنك
بجاد يتصنع البراءة /اي علم؟
احمد نظره بتفحص/هاتها من الاخر من شفتك تحضني وتهلل عرفت ان وراك علم
بجاد/هههههههههه ابد ابي من توصل رحمك بس
احمد اللي فهم انه يبيه انه يروح لـ عمه في مصر/لووو تموت ما رحت تراك زودتها
بجاد/بس اسبوع
احمد برفض/لااااا عندي دوااااام مافيه وبعدين كم ناوي تجلس هنا وانت وراك جامعة
بجاد نظر خلود اللي تنظر فيهم وهي مو فاهمه وش يتكلمون فيه / العرب اللي خبري خبرك يبوننا نروح معهم
احمد نزل فنجاله ودف خلود/خلود اطلعي بسرعه لـ اهفك بكف
خلود وقفت بقهر/بقوم بقوم احسن من يدوخ راسي بـ اللغازكم اللي تتكلمون فيها
طلعت وقفت عند باب المجلس باحراج من انها تدخل لداخل عند اهل بجاد
احمد اول ماطلعت استعدل بجلسته/وين بتروح
بجاد بصوت منخفض/لكندا
احمد اتسعت عيونه بفجعه/اووووف وش يوديك هناك واهلك يدرون انك
بجاد/لا مايدرون على اساس اني برجع لمصر عشان كذا يامحزمي ابيك توصلني انت للمطار
رحلتي على دبي من دبي رحلتنا على كندا
احمد بتفكير/بتطول؟
بجاد هز كتفه بعدم معرفه/ مدري عشان كذا قلت لك اذا بطول فـ روح لـ ابوي ما ابي اثقل على ابو سلمى
احمد /الله يعيني عليك مامنك الا الغثاء
بجاد وقف/ هههههههه مشكاك على ربي بروح اجيب لك العشاء اربه يرضيك علينا
احمد /ههههههههههههه ايه يجيب راسي من اقصاه
بجاد خرج وانتبه لها جالسه عند الباب كتم ضحكته على شكلها /تعالي معي
خلود وقفت بسرعه مسكت يده شدته/شكلي حلو
بجاد /نفس كل مره
خلود ترجع شعرها وراء اذنها وترتب لبسها/يلا
بجاد كتم ضحكته ودخل معها لصاله /يمه
العنود تطلع له/لبيه
خلود اندست بخجل وراء ظهر بجاد
بجاد/جبت البنت اللي كلمتك عنها امس عشان تتعرفين عليها
العنود اتسعت عيونها بصدمه وشدة شفايفها بعصبيه
بجاد ببتسامه واسعه سحب خلود قدامه /اعرفك على خلود
العنود ارتخت ملامحها تدريجياً/هذي هي؟
بجاد مسك خدود خلود وقرصها/بشحمها ولحمها
العنود نظرته بعتب على لعبه باعصابها وابتسمت لخلود
ونزلت لمستوى خلود تسلم عليها/كيف حالك ياقلبي
خلود بنعومه/بخير
العنود/يالله حي خلود حلوه
خلود ابتسمت بفرح بمديحها ولكزت بجاد/شفت تقول انا حلوه
العنود تبوس خدودها باستلطف /واحلى البنات بسم الله عليك
بجاد/يمه ترا بتصدقك
خلود بقهر/يعني تبي تقول ان امك كذابه هاا
بجاد ينزل لمستوها ويقرص اذنها بهمس فيها/انا برجع ل اخوك يويلك ان قلتي شي لـ امي ماله داعي
خلود تهمس في اذنه/ ماله داعي مثل وش انك تدخن و لا انك متزوج البنت بـ المطار جدة
بجاد رفع يده بسرعه على فمها يمنعها تتكلم بنبره عصبيه عاليه/من علمك،
خلود تحاول تفك يده عن فمها
العنود اللي كانت مستغربه همسهم بعدها عصبيه بجاد/بجاد فكها علمك عليها الله يهديك
بجاد انحنى اكثر وشال خلود بيد ورفعها على كتفه /خلاص انتهت الزياره
مشى بسرعه للمجلس هذي مستحيل يخليها تجلس مع امه
يعرفها لسانها مفلوت
وخلود تصارخ تبي تنزل
دخل المجلس بحده/احمدوه الفضيحه هذي كانت بتقول ل امي اني مـ
قطع كلامه وهو يشوف ليث جالس مع احمد رمى احمد بنظره قهر
ونزل خلود
ليث بشك /وش تقول لـ امي ها علامك سكتت
بجاد دف خلود وجلسها جنب احمد /اختك سكتها لاتفتح فمها بكلمه شتتها براا فاهم
وخرج مره ثانيه يجيب العشاء
خلود تحركت بتتكلم بصارخ احمد صرخه ارعبتها/لا تتنفسين اكيد انك جايبه العيد
خلود عبست وسكتت
ليث /احمدوه شوي شوي عليها اكلت البنت…خلود معليك منهم الخبول
صدت عنهم بزعل
دخل بجاد بـ العشاء
ورتب السفره وتعشوا
واول ما خلصوا العشاء
طلع بجاد بدون ماينتبه لـ احد
للغرفه واخذ شنطته
ونزل وخرج من الباب الخلفي للبيت
نزل الشنطه في سيارة احمد
ورجع للمجلس اللي زاد بحضور ابوه مصعب وخالد
وسوالفهم مع احمد وليث يصب لهم الشاهي
جلس وكمل السوالف معهم
لساعة 10:30
وقف احمد واشار لـ خلود/يلا انا استاذنكم
خالد /وين بعد بدري
احمد/ الله يسلم راسك بعد وراي مشوار انا بجاد بنروح له بعدها برجع للبيت انا وراي دوام
ليث لكز بجاد/وين مشواركم
بجاد/خاص لا تنشب
ليث /وراك بلا
بجاد حرك حواجبه/بلاوي
وقف مع احمد
عبدالرحمن بتوصيه/لا تتاخرون ارجع بدري يا بجاد لا تشغل الرجال عن دوامه
بجاد /ابشر
طلع مع احمد وركبوا السيارة
وخلود ركبت وراء
وصلوا خلود للبيت وحركوا
باتجاه المطاار
——-
وصلو للمطار
اخذ شنطته ونزل /انزل معي
احمد لوح يده بوداع/اقول استاقها وراي دوام بكره وانت ليلك طويل مع السلامه
بجاد قفل باب سيارته وتكى على شباك المفتوح/احمدوه ترا معتمد عليك اذا بتاخر فـ روح لـ ابوي
احمد/قلنا لك طيب كم مره عدتها
بجاد ابتعد خطوه عن السيارة/يلا ودعنك الله
احمد ابتسم له/جيب لي هدايا من كندا
بجاد /كبر المخده وتحلم بـ الهديا
احمد حرك السياره بسرعه مصدر صرير حاد لسيارة
بجاد تحرك بستعجال لداخل المطار
وقص البوردنق وجلس حتى اعلنو عن الرحله
صعد الطيارة وجلس بمقعده
قبل وتحرك الطيارة فتح جواله و اتصل على ليث/الو ليث
ليث /هلاا
بجاد ربط حزامه بيده الثانيه/ترا راجع على مصر الحين في الطيارة
ليث سكت لثواني وغمض عيونه كان متوقع انه يدبر شي و فقد شنطته اول مادخل
الغرفه
بجاد ادرك انه حزبخاطر من صمته/الو ليث انـا
لـيث يتصنع لا مباله/عوايدك يابجاد تسوق عمرك بسكات
بجاد بتبرير/تعرفني ما احب اودعكم كذا اريح لي
ليث /كنت شاك بس ماودي احشرك في الزاوية ازبده وش اقول لـ امي بتصيح اذا عرفت انك رحت كذا بسرعه
بجاد/قول عنده اختبار ناسي منه بكره وراجع
ليث /اعذارك جاهزه المهم اسمع اسمع صوت القطار
طووووط طووووط
بجاد نظر جواله بقهر قفل بوجه هذي حركته معه اذا كلمه
وزعل يسمعه صوت القطار وهو نغمه تقفيل الخط
قفل جواله من لمح المظيفه تمر بين الركاب تطلب منهم اغلاق هواتفهم
واقلعت الطائرة لـ دبي ……………
جالسه بصالة الانتظار
تنتظر قدومه
الان بعد ساعه من وصوله بيكون موعد اقلاعهم لـ كندا
دخل مع البوابه الواصلين من السعوديه
وقفت تحاول تلمحه بينهم
وتحس بتوتر غريب من زمان مماشافته اخر عهدها فيه قبل ثلاث سنوات
في بيت عمها عبدالرحمن بعدها اقتصر تواصلهم على الرسائل
لفترات متباعده و الاتصال اذا كان فيه شي ضروري
وقف قدامها مباشر
فرجعت خطوه لوراء
نظرها بشك انها هي من رجعتها/جيلان؟
جيلان ارمشت بقوه تحاول تستوعب تغير شكله اللي ماميزته
فـ طوله زداد اكثر والعوراض غيرة شكله حيل غير عن جمسه المعضل والاكثر رجوله
وبتلعثم/بـ بجاد
مد يده لها بمصافحه/سلام عليكم
نزلت عيونها لـ يده مدت يدها له تسلم عليه خد بـخد/وعليكم السلام معرفتك تغيرت حيل
بجاد رفع يده مسح على عوارضه/صرت مزيون ؟
جيلان شحت ببصرها عنه/صدق اللي قال مكياج الرجال اللحيه
بجاد صغر عيونه ببتسامه/يعني بس اللحيه اللي مغيره
جيلان ألتفتت له وعيونها تتعلق بعيونه الضحكه تغير حتى بنظرات عيونه
متلاشا منها الجمود والحده اللي كانت تلمحها فيها
بجاد قرب منها خطوه مسك بيده الثنتين اطراف نقابها ورفعه لمستوى منخفض ونزل تحت شوي
حتى قدر يشوف ملامحها
جيلان ضربت يده بستنكار وفزع/بجاد شتسوي؟
بجاد رجع خطوه وبتقيم/ابي اتأكد اذا انتي بعد تغيرتي او لا
جيلان وصل لمسامعها صوت ضربات قلبها العنيفه وبتوتر حولت تخفيه بـ بصوتها مرتفع شوي/وتغـيرت او لا؟
بجاد هز بلا وهو يناظر يده اللي ضربتها/ماشبعت ممداني اقيم صح
جيلان شتت نظراتها واخذت نفس وكتمته محوله تهدئة قلبها اللي اظطرب
اكثر من اول انحنت تسحب شنطتها /يلا امش قبل نتاخر على الرحله
بجاد انتبه لشنطتها الكبيره/اوووووله ماخذه البيت كله في ذي الشنطه وش حاطه فيها
جيلان تنهدت بصوت عالي مطلقه انفاسها اللي كتمتها
بجاد بقلق من تنهيدها/خايفه من السفره؟؟
جيلان وكانه رمى لها العذر/ايه
بجاد مسك يدها وشدها بحنيه/ما يطولونك وانا بجـاد
جيلان اندفعت الدموع لعيونها بغزره للكلمة البسيطة اللي وقعت بقاع قلبها
يمكن افتقارها في سنوات الاخيره على من يحتويها و يهتم لوجودها
واحساس الامان اللي احتوها بكلمه كان كفيل بتبديد مخاوفهاو توترها حتى منه هو
كان النقاب كفيل بستر دموعها المتمرده
بجاد شدها من يدها وبيده الثانيه اخذ شنطتها و مشو بتجاه رحلتهم الثانيه لـ كندا
وكان يسترق النظر لها بين فتره وفتره وهو مستغرب الهدوء اللي حل عليها
ركبو الطيارة وجلست جنب الشباك وجلس جنبها وجنبهم مقعد ثالث
وقف ركب اجنبي بلغة عربيه مكسره وحواجب معقوده/هزا مقعدي لو سمحت اريد الجلوس فيه
بجاد عفس وجهه بتكشير/مقعدك وين اقول انثبر هنا
جيلان قرصته من يده وبهمس/وش ذا الاسلوب تبي تتهاوش انت
بجاد بنبره حاده/الاخ يبي يجلس جنبك وانتي تقولين اسلوب هذا ماينفع معه الا العين الحمراء
جيلان/داخلين مصارعه حنى؟
بجاد رفع حاجبه متنرفز/اشوف عادي عندك الوضع
تجاهلته و رفعت راسها للاجنبي وبلغة الانجليزيه/لو سمحت هذا زوجي ونحن ذهباً معاً لقضاء شهر العسل
الاجنبي ابتسم /حقاً مبارك لكم
جلس جنب بجاد وبنفس الابتسامهe/حينما تقلع الطائرة سأبحث لي عن مقعد فارغ حتى تتمكنا من اخذ راحتكما
جيلان e/شكراً
—
———
بجاد عقد يده على صدره ونظرها بطرف عين /الا وش رايك انا اللي اقوم وتدقينها حنك معه
جيلان /ههههههههههههههههه شفت كيف الاسلوب جاب نتيجة
بحاد رفع حاجبه اكثر/اقول اصه لـ اصكك على سنونك تروحين لبوك ما معك سنون
جيلان رفعت يدها على فمها وانفجرت ضحك وهي تتخيل صدق تدخل عليه بدون سنون /هههههههههههههههههه
بجاد قرصها في عضدها من بين اسنانه هو يشوف الاجنبي يلتفت عليها ويبتسم لضحكها/اششش قصري حسك لـ انزلك من الطيارة الحين
جيلان كتمت ضحكه /حاضر بسكت
••
اقلعت الطيارة فيهم لـ كندا
بعد ساعات طويله قضوها على متن الرحلة
تحرك بخمول وجسمه مكسر من الجلوس لفتره طويله 13ساعة تقريباً
والنوم اللي هجر عيونه طول الرحله بعكسها
اللي بعد ساعتين من الاقلاعهم نامت
حاول يزعجها بس نومها عميق ومايدري وش يتعذر فيه اذا صحاها
واول ماسمع صوت الكابتن يعلن عن وصولهم
هزها من كتفها بقوه/وصلنا وصلنااا قووومي جيلاااان
فزت جالسه وحجابها معفوس /هاا بسم الله
بجاد /وصلنا يلا ننزل
جيلان /ليش ماصحيتني بدري ابي ابدل
بجاد/ تبدلين ايش
جيلان وقفت واخذت شنطتها/نقاب ممنوع في كندا
بجاد بعصبيه/ ناويه تكشفين
جيلان/مابكشف معليك بس وخر بروح ابدل
بجاد بحرقه/الله يلعـ الكلاب خير هذي حريه شخصيه بلا يبلاهم
جيلان تتحرك من قدامه/اششش لـ احد يسمعك فـ تعفن في السجن
بجاد/هذا اللي بلقاه منك
جيلان مشت للحمام وهي فعلاً شيله هم يتورط بجاد في شي بسبب تهوره
دخلت الحمام وبدلت عبايتها بـ ببالطو بيج طويل وسكارف لفته حول رقبتها وقبعه كبيره
تغطي شعرها وطلعت لبجاد اللي واقف ينتظرها
ناظرها بعدم رضاء /لبسي نظاره تغطي عيونك من نطلع من المطار تلثمي ب اللي حول رقبتك
جيلان/هذا اللي بيصير
نزلو مع بعض
وانهو أجراءات المطار
بجاد وسواس غريب احتل تفكيره مسك يد جيلان/جيلان؟ انتي متاكده ان ابوك تعبان؟
جيلان بثقه/ايه متاكد ليه
بجاد/اخاف يكون فخ؟
————————/