الفصل 18
الساعة 10:40
متكيه بيدها اليمين على حافة الكرسي بتعب
وارهاق من الحر و رطوبة الجو
غير هذا اللي نايم على رجلها ولا هو بحس بشي
كيف ينام في الحر
تستاهل هي اللي اصرت تجي للبحر
مع هذا ما توقعت يتكي لهذا الوقت هنا
رفعة جواله اللي يرن بـ اسم احمد
ابتسمت اخيرا. دق هذا الاحمد
عشان يكون لها عذر تصحيه
هزته من كتفه بهدو/بجاد…بجاد اصحى احمد يدق
فتح عين وحده مد يده بخمول للجوال /هلا
احمد بصوت عالي/ساعه عشان ترد وينك
بجاد بنعاس/نايم
احمد /دجاجوه اقعد كلمني صح
بجاد جلس /ها يا احمد وينكم
احمد ويده على الدركسون والثانيه مسك فيها الجوال/بيننا وبين جدة 80 كيلو
بجاد رفع معصمه يشوف الساعه /يلا اجل نتقابل في المطار
احمد/ودك تاخد لنا شقة نقيل فيها للعصر معاد وراي قطره ابي انام
بجاد وقف واشار لـ جيلان توقف/لا قيل في المطار غير سير على مهلك وانتبه من ساهر
احمد/والله انك صلف يلا يلاه استاقه
بجاد ابتسم وقفل الجوال
وانحنى ياخذ شنطته عن ظهره
جيلان /على المطار؟
بحاد هز راسه بأيه وتقدم لشارع العام
ووقف له تاكسي
وركبوا و توجهوا للمطار …
اول ما وصلوا راحت جيلان تحجز لها رحلة على الرياض
وكل الرحلات انتظار
بجاد/ها لقيتي رحله
جيلان /ايه انتظار
بجاد /ها تعالي نجلس عند البوابه ننتظر احمد
جيلان ابتسمت بسخريه/وليه تنتظره عند البوابه روح لصالة رحلتكم وانتظره هناك
بجاد بحيره/وينها؟
جيلان /رحلتكم على وين؟
بجاد /مصر
جيلان تدله على مكان الصاله/هذي اول مره تسافر على الطيارة
بجاد/ايه
وجلسو قدام الصالة بدون ما يدخلون
الان بعد وقت على الرحله
انتبه للمطاعم القريبه منهم /تعالي نشوف لنا شي ناكله قبل يجي احمد واخته وياكلون
على حسابي
جيلان /بجاد من بيروح معك لمصر وليش؟
بجاد اخذ فاتورة الطلب بعد ما طلب ورجع جالس على الطولات
وجلست قباله /كنت متوقع تسئلين من اول ما مشينا
جيلان شاحت براسها عنه/انتظرتك تقول من نفسك
بجاد رجع شعره لورا ورجع يثبت العصبه عليه/الفلوس اللي اخذتها بسافر فيها اعلاج ابوي
جيلان بدهشه/قصدك اللي كان خاطفك
بجاد رجع كرسيه على وراء بضيق بدون ما يرد عليها
جيلان شدة شفايفها مجبره على السكوت
حس بشي يغطي عيونه بقوه
حس بشي يغطي عيونه بقوه
بنبره طفوليه/من انـااا
بجاد ابتسم بقوه ومسك يدها وقرصها
خلود بصراخ /اااء يدي
بجاد اللتفت لها /هلا ب الدب القطبي هههههه
خلود تفتح يدها على وسعها تبي تضمه
تفدها بجاد ووقف مبتعد عنها وهو يشوف احمد يدف ابوه على الكرسي المتحرك
اقشعر شعر جسمه من منظر ابوه على الكرسي المتحرك
ونحفه بعد ضخامة جسمه
حس بخلود تتعلق بثوبه وتصيح عليه يسلم عليها
ترك يدها وتقدم من ابوه صالح /يـبه
صالح اول ما شافه كشر بملامحه بعبوس/من انت عليه؟
بجاد رفع عيونه لـ احمد بستغراب
صالح لوح ب العصاء اللي في حضنه /وخر عن درب بنصدمك
بجاد نزل عند رجول صالح وجلس على ركبته/يبه وش فيك انا بجاد
صالح غمض عيونه بقوه والالم يرتسم بملامحه ولسانه يردد بصوت خافت/ب بجاد بجاد بجاد
احمد ترك الكرسي وانحنى على بجاد وسحبه من ذراعه يوقفه عن الارض
بجاد وتعلق بيد احمد وبرجاء/احمد؟
احمد /اصبر عليه شوي وبيشبك عقله وبيعرفك
بجاد مشوش مد يده بمصافحه وسلم على احمد/الحمدالله على السلامه
احمد/ الله يسلمك
بجاد تحرك وسلم على ابو احمد /كيف حالك يا عم
ابو احمد بمتغض /بخير بخير
بجاد بدون مايرفع عيونه لـ ام احمد /كيف حالك ياخاله
ام احمد/بخير الله يسلمك كيفك انت عساك بخير وكيف الأهل
بجاد /معليكم بخير جعلك بخير
ابو احمد/احنى بنمشي الحين لرياض وداعتكم اخوي والله انه ليجيه شي ان احملكم يا الاثنين المسؤواليه
بجاد بثقه وقوه /ابشر ما بيجيه الا العافيه هذا ابوي محد بـ احرص على ابوي كثري
خلود بعصبيه وغيره/بجااد من هذي اللي جالس معها
بجاد عض شفايفه بقهر من خلود اللي لفتت انتبه احمد وابوه على جيلان
ناظر احمد بقهر
احمد ابتسم بضحكه وصد عنه
بجاد قرب من خلود وسحبها من يدها /يلا روحي عند امك اهلك بيمشون
خلود تسحب رجولها وتفلت يدها من بجاد وتروح لجيلان/من انتي؟ ليش جالسه مع بجاد
جيلان تجاريها /انتي اللي من ؟
خلود تحرك شعرها الكيرلي بدلع طفولي/اناااا زوجته
جيلان رفعت عيونها لبجاد بتصدق
بجاد قرب منهم وقف قدام جيلان بصوت منخفض/قصري حسك و روحي اجلسي على الكرسي اللي هناك لين اخلص واجيك
جيلان تاشر على خلود /هذي من ؟! شكلك تمشي وتعرض الزواج على القاصرات
خلود ترفع نفسها /انا مو قصيره
جيلان ضحكت غصب
بجاد مد يده على فمها يكتم ضحكتها بقهر/ضحكتي بلا سنون قصري حسك
صد عنها شاف احمد راح بعيد عنهم شوي هو ابوه و ابو احمد
انحنى على خلود مسكها من يدها/تعالي معي اكيد جوعانه
خلود بحلطمه/ايه ميته جوع احمدوه من مشينا ما اشترى لنا الا خربيط ما تشبع
بجاد/انتي واخوك ما يشبعكم شي
مد الفاتوره للموظف واخد الطلب
ناول خلود وجبته والوجبه الثانيه اعطها لٓ جيلان
ثم رجع لخلود/يلا عبيت كرشتك روحي لـ امك
خلود تهز راسها بيأس /ايه تصرفني ب الاكل مالت عليك و عليها يا الخاين
بجاد صكها على راسها /احمدوه تعال فكني من اختك
احمد دف خلود لٓ امه /من اللي معك
بجاد حرك غترته بعبث وصك بنظراته بعيد عن احمد/زوجتي
احمد رفع عيونه بلمحه على جيلان اللي جالسه على الكرسي وينفجر ضحك/هههههههههههههههههه
بجاد لكمه على بطنه/وجع الا وجع
احمد وهو عارف سبب زواج بجاد اللي قال له عليها قبل ملكتهم/شر البليه ما يضحك ههههههههه
بجاد لوح بيده بتهديد /روح ودع اهلك ولا يكثر ترا يدي توجعني مافي لي حيل لضرب
احمد يمشي بتجاه اهله وهو يضحك بصوت عالي مستفز
صالح وعينه ما فارقت بجاد
نزل عصاه على الارض و اركى عليها بصعوبه حتى وقف
بجاد تقدم منه بقلق/يبه
صالح رفع العصا وضربه على ساقه بضعف/وحطبه يا العاق توك تدري ان عندك ابو يا الجافي
بجاد ابتسم ورفع حاجبه بتساؤل/تعرف من انا؟
بجاد ابتسم ورفع حاجبه بتساؤل/تعرف من انا؟
صالح بعصبيه/شايفني مجنون معرف من انت ها،، ايه قد ودك بي اخرف عشان تورثني
بجاد تقدم منه وبسرعه خاطفه حب راسه و ترجع بسرعه قبل ينضرب بعصى/محشوم
صالح ناظره من فوق لتحت وهو يشوف تغير حاله وجسمه اللي اكتسب وزن زياده بعكس نحفه قبل
وقفت عيونه على الضربه اللي بجيبنه/من فلع لك راسك جعل يده تسلم
بجاد ازدادت ابتسامته، هذي نفس الجمله اللي كان يقولها له من قبل اذا انضرب من شخص غيره/يحيي تذكره؟
صالح رجع يجلس على الكرسي /استاذك ؟سكتت له
بجاد /لا
صالح بحقد/بعد بترجع لـ ابوك
بجاد تجهم وجهه من سؤاله /وش ودك انت
صالح /ان عودت له ذبحته وذبحتك فوقه
بجاد هز راسه بتسليك ابوه مستحيل يتغير
ولو فيه مليون عاهه بس مع هذا اخذ كلامه بمنظور ثاني بحكم معرفته فيه وفهمه اللي بخاطره
وهو انه يطلبه بطريقه غير مباشره ما يتركه
صالح ضربه بعصى مره ثانيه وبقوه اكبر /وين سجيت
بجاد انحنى يحك ركبته بألم/ ما سجيت معك
رفع جواله اللي دق بـ رقم ابوه عبدالرحمن /شوي يبه بكلم واحد وجيك
ابتعد مسافه بسيطه عن صالح/سم يبه
عبدالرحمن /وينك وصلت لجدة؟
بجاد/ايه هذاني في المطار
عبادالرحمن بتحذير/حاولوا تستعجلون برحلتكم، امك بلغت خوالك بـ اللي صار وطلبت من راجح يفتح التحقيق
بجاد ضم حواجبه بزعل وعصبيه/يالليل يبه تكفى فهمها ورب البيت تعبت كل ما طقها عوجاا
عبدالرحمن تضيق اكثر/ما قدرت وخاصه ان ليث في صفها وخواتك
من صباح جوالي ما وقف اتصالات
بجاد لوح بيدها بعصبيه /تدري وش لون انا بايعها بِ اللي هي به بلغو ولا افتحو ولا تصرفو اهم شي لا احد يقرب يم ابوي حالة الصحيه ما تسمح وانا ما بشهد او احضر اي تحقيق خلهم يحققون مع نفسهم
عبدالرحمن/بجاد هد نفسك بحول أأجل كل شي حتى ترجع
بجاد سكت لثواني وعينه تروح لـ صالح /أنـا ....
——-
بجاد سكت لثواني وعينه تروح لـ صالح /أنـا الى الان ولد صالح و فتحكم للقضيه مابيغير شي
غير انكم بتحطوني بين نارين
صمت موحش حل بينهم
حرك عبدالرحمن راسه بلا معنى وقطع الصمت بهم/والحل
بجاد نزل راسه بصوت فضح حزنه/مر على اكبر من كذا وكلها مرت خلها تسوي اللي تبيه معاد تفرق
عبدالرحمن/بحاول احل الموضوع من عندي وانت كلمها تفاهم معها وشي ثاني ترا بتكون اخر مره اسمح لك تروح فيها لصالح
بجاد رفع عيونه لـ احمد اللي يمشي بتجاه بنبره استعجال/اوكي يلا مع سلامه
عبدالرحمن /استودعنا بك الله
دخل الجوال بجيبه بسرعه
وابتسم بتصنع لـ احمد
اللي الضحكه شاقه وجه شق
احمد يمشي بتبختر واستعراض وهو يرفع النظارة الشمسيه
من جيب ثوبه ويلبسها /بالله وش رايك صاير جنتل
بجاد سحب النظارة من عيونه ولبسها /من وين سارقها
احمد بخوف وحرص/هي ترا ان كسرتها كسرت رقبتك
بجاد نزلها من عيونه ولوح فيها /حسستني انها ماركه واخرها مشتريها من المحطه
احمد سحبها من يده/ والله انها ماركه ماعجزت عن 30﷼
بجاد /بخيل ليه ما اشتريت لي وحده معك
احمد مشي لعمه صالح/فلوس اهلك واجد اشتر لك وحده
بجاد تمتم/الله يجعل ابوي يكسرها بعصاه حتى تبرد كبدي
احمد انحنى على عمه صالح/ياعم وش رايك بنظارتي
صالح ضربه بيده بين حواجبه طارت النظاره وطاحت على الارض ونفكت وحده من عدساتها
احمد شهق بصوت عالي
بجاد انفجر ضحك بصوت عالي/ههههههههههههههههههههههههه
احمد بعصبيه/ول ول من عينك يا الحسود
بجاد يسيطر على ضحكه /نسيت اقول لك انه شبك
احمد لتفت لعمه بسرعه يناظره يبتاكد اذا شبك عقله
صالح صغر عيونه وبصوته الحاد اللي تعودوا عليه/وش تبربر به انت واياه
احمد بضيق/سلامتك
بجاد بسخريه/ابشر بالعوض
احمد /طرررررق بتعوضني
بجاد/ تبشر والله يا ابو بجاد من دق لك بنظاره كفو
احمد /تخسي اسمي ولدي بـ اسمك، يالله لي في واحد
صالح تحرك من الكرسي و وقف
ناظره بجاد/وين بتروح
صالح بنظرات فارغه/بروح لـ امي
احمد وبجاد تبدلوا النظرات
احمد بضجر /يالليل هيا استلم
بجاد مسكه من كتوفه/يبه اجلس والحين بنروح لـ امك
احمد بحلطمه/تروح لعظامها المتحلله
بجاد بنبره حاده/احمدوه شحمني بسكاتك
صالح بصرار /الحين نروح لها
بجاد يجلسه /ايه الحين
صالح تثاوب/ابي نام
بجاد تلفت من حوله /احمد شوف لنا اقرب مصلى ندخله فيه ينام لوقت الرحله
احمد اشار له /شوفه هناك
دف ابوه متجه للمصلى وتذكرها وراءه
لتفت لها وانتبه انها جالسه بنفس مكانها في المطعم
اشار لها وحرك شفايفه بمعنى "لا تتحركين
أومأت براسها بـ اوكي
دخلوه المصلى و اول ما انسدح نام
احمد انسدح جنبه/وانا بعد بقيل شوي
بجاد /لا تنام الحين لاحق على النوم اجلس انتبه له بروح اشوف الاهل لحالهم
احمد يغمض عيونه/روح روح
بجاد صكه برجله /انت وش اللي موديك معنا ما منك فايده
احمد/احمد ربك اني بروح معك مخلي شغلي واهلي عشان سواد عيونك
بجاد شح بنظراته عنه/ما طلبتك
احمد استعدل بجلسته و رفع حاجبه بقهر/تدري ان اكبر بلو في حياتي معرفتك؟ يا الجحود ابك انت محد يسوي فيك معروف
بجاد هز كتوفه بلا مباله مصطنعه
احمد وقف بزعل /اجل دور من يسنعك انت وابوك يا المريض لطحت نايم نومة اهل الكهف قول يا احمد
بجاد راقب خروج احمد من المصلى زعلان/وين
احمد يلبس حذيانه اللي عند الباب المصلى ناوي يلحق اهله /لجهنم
بجاد بعثر شعره ثم رجع يرتبه/بتفهمني انك زعلت
احمد نظره بقهر وصد خارج من المكان
بجاد عض شفايفه بقهر ولحقه بسرعه بدون ما يلبس حذيانه وهو يناديه بصوت عالي
واحمد يسرع بخطواته
بجاد ركض وراه بسرعه وتعلق بثوبه/احمدوه
احمد بنبره حاده/انقلع عن وجهي لكفر فيك هناا
بجاد زفر زفره حاره /توني متكفخ قبل امس مالي خلق لتكفيخك انت الثاني
احمد افلت يده بعنف/وجهن يستاهل
بجاد رجع يمسك عضده ويشده ويغمر له/ان رحت ترا بتفوتك فرصة انك تركب طيارة وتسافر خارج المملكة
احمد يدفه/سفره فيها انت ما ابيها
بجاد طير عيونه/والله انك زعلان صدق
احمد /شايف هذا وقته اعشان استهبل معك
بجاد /تعال ارضيك بـ احلى غدوه من اي مطعم تختاره
احمد نظره بنص عين وبتفكير/وتشتري لي نظارة
بجاد /ابشر بها، ها رضينا ي ابو بطين؟
احمد /وشرط ثاني
بجاد/قول
احمد يدفه بقوه /لسانك لا يطب على لساني فقطعه لك
بجاد/حاضر
احمد /يلا روح اشتر لي الغداء انتظرك ف المصلى
بجاد /حاضرين
راح طلب له غدا
ورجع لـ جيلان
بجاد/تدرين اني ابتلشت فيك ليتني ما خذيتك معي
جيلان تجاهلة كلامه /رشا كلمتني قبل اشوي تقول مشوا لـ الرياض
بجاد سحب الكرسي وجلس قدامها
جيلان تكمل/وش بتسوي ؟ اذا انفتح ملف القضيه لازم يستدعونك
بجاد/ما يقدرون يسون شي بما اني صاحب الحق متنازل
جيلان/المسالة مو مسائلة انتازلك، صالح هذا مرتكب جريمة تزوير وثائق حكوميه
كونه اعطاك اسم ولده وهويته من غير قضية اختطافك وتهديد خالي عبدالرحمن
بجاد اسند يده على ذقنه/ حتى ابوي عبدالرحمن بيدخل فيها لانه قتل ولد صالح
جيلان هزت راسها بلا/خالي عبدالرحمن بيخرج منها بسهوله لان اول شي الحادث مو متعمد
وحكم القتل الغير عمد كفارة او ديه لـ اهل الميت ولا تنسى ان خالي ضحيه لصالح لان صالح كان يهدده فـيك
التزم الصمت وعقله مشوش ما يدري كيف يتصرف
حس نفسه عااجز
جيـلان بتفكير/في بالي فكره بس تحتاج مجازفه وصمله
بجاد /قولي
جيلان/……………
______________
طول الطريق الى مدينة الرياض
الكل صاامت
بعكس حالهم في طريق الروحه
الحال تغير و النفسيات تغيرت
كل شخص ساج بـ افكار اللي كان محورها الرئسي بجاد
مع دخولهم للعاصمه
نطقت العنود بدون نفس/وقف في المحطه هذي
عبدالرحمن اللتفت لها بستغراب
العنود /وقف
عبدالرحمن انعطف للمحطه ووقف
و اول ما وقف نزلت بسرعه
ليث باستغراب /يمه
العنود توجهت لـ سيارة راجح اللي كان ينتظرها عند المحطه ركبت معه
ليث لتفت بسرعه لـ ابوه /يبه
عبدالرحمن /خلها على راحتها
ليث/
عبدالرحمن بعصبيه/انتووو اللي بس هذي المره هي اللي بتندم
____
فعلاً مع وصول العنود لـ الرياض انفتح الملف بشكل
رسمي و بدوا يتاخذون الاجراءات اللازمه
وتم استدعاء عبدالرحمن واخذ اقواله…
في حين نزلت الطائرة لمطاار مصر
مستضيفه لـ بجاد احمد وصالح
وكان بستقابلهم ابـو سلمى وبنته الصغيره سلمى
اللي ركضت لبجاد
ألتقطها ورفعها فوق وهو يضمها ويبوسها
احمد لكزه/خلود لو تدري ذبحتها ————
بعـد اسبووع
صحى على صوت جواله
رفعه وهو يشوف رقمه للي يتصل فيه من اسبوع بدون ما يرد
اعطاه مشغول
و انهمار ارقام كثيره على جواله
اعتدل بجلسته
بسبب صوت صراخ احمد اللي فتح الباب /بجاااد تعال شوف
قناة الـ…… عارضين اسم عائلتك و و جايبين تقرير للقرية و ماخذين اقوال اهلها
بـ قصة اختطافك وان الشرطه تطلب حضور صالح
بجاد شد شفايفه واحتدت نظرته بسودويه
احمد جلس جنب بجاد وفتح جواله على التويتر /قضيتك صايره ترند ف السعوديه
بجاد وقف وقد عزم امره وتاخذ قراره
وفكرة جيلان بـين عـيوووونه |
|
|
|
|