غريق أنساه القاع أمل النجاة - الفصل 16 - بقلم g rwa12 - مكتملة | روايتك

طول الطريق تسمع كلام غريب كلام كانت متوقعه بيوم تسمعه ومهيئه نفسها له او كذا كانت تظن تسمعهم يبكون بكااء مرررير ويرددون جمله وحده بس بين شهقات ونحيب شدت شنطة المدرسه في حضنها اكثر اليوم اخر اختبار لها في المرحلة الثانويه اليوم يوم تخرجها في طريقها للمستشفى مثل العاده تسلم على امها وتقول لها اختبارها لا اليوم مختلف اليوم معها العنود وهند وعروب ورشا نزلت من السيارة معهم وتمشي بخطوات اسرع منهم لكن يد العنود تعلقت بيدها قبل تصعد الاصنصير جيلان تاشر بيدها على الاصنصير/من هنا غرفتها العنود هزت راسها بلا وسحبتها معها لطريق مختلف عن طريق غرفة امها وصلو لغرفة في الطابق الارضي للمستشفى انفتح الباب لغرفة خااليه من الاجهزه بعكس غرفة امها اللي كلها اجهزة وسرير غريب تنام عليه امها وجسمها مغطى بشرشف ابيض ارتفعت اصوات نحيبهم الباكي وانهيار عروب و رشا اما هي فـ تقدمت منها وجلست على طرف السرير وهي تنسدح في حضنها وتضمها مثل عادتها كل يوم لا لا لا اليوم غير اليوم جسمها الدافي بااااارد جداً اليوم غير اليوم هادي بدون صوت الاجهزة الطبيه اليوم مافيه انابيب متصله بـ انفها او بعروق وريدها هي تعرف ليه اليوم امها غير عن كل الايام والله العظيم تعرف بس ليش حواسها وقلبها ما يعرف ليش كلها توقف ضد الحقيقه اللي يفرضها عقلها على باقي حواس جسمها صراع العقل والقلب مستمر في حياة كل شخص القاعدة البشريه تقول الضعيف هو اللي ينتصر فيها قلبه على عقله والقـوي هو اللي ينتصر فيها عقله على قلبـه لكن في حالتها الان قلبها وحواسها تحارب باستماته ما يفرضه العقل من حقيقه وقد تكون اقسى حقيقة نتعرض لها هو الفقد فقد الام ………… نقلت عيونها عليهم كلهم تسمع لكلمات المواساه و الاعتصام ب الصبر كلهم يرددونها بس ما ينفذونها على انفسهم كلهم يبكون رجعت بنظراتها لـ امها وتحررت من بين يد خالها عاصي اللي اكثرهم انهيار وبكاء جيلان/ا ا أ أ أنا بغسلها وبكفـنها متـى الصلاة عليها عاصي برجاء وخوف عليها /جيـلان…خليها هند والمغسله بيغسلونها جيلان صدت عنه وهي تمسح وجه امها الباسم والمنور/تبي تحرمني حتى من اخر لحظه مع أمـــي عاصي غطى عيونه وبكاء ايه حرمها انها تناديها بـ يمه قدام الكل حرمها تكون بنت لـ سارة وان سارة تناديها بتفاخر قدام الكل بـ ان هذي بنتي تقدم من سارة باس جبينها ودموعه تنهر على جبينها بوداع الاخير وخرج بهرب … | دخلت مع المغسلة وهي ترتعش ببكاء مكبوت وبدات تساعد المغسله في غسل امها بـ الماء والسدر وتخلله بين اصابع كفها وتحضن كفها تمنع نفسها من الانهيااار وتردد بصوت مشدود من اختناقه بـ الغصه/أن الله وأن إليه جعون أن الله وأن إليه جعون أن الله وأن إليه جعون أن الله وأن إليه جعون _____ قبل ساعتين من الان وصلو من المدرسة نزل شنطته عند الباب ورجع يطلع اما ليث فطلع ينام طلع لشارع وجلس عند باب الشارع بدون هدف ما تعود ينام بعد المدرسه بعكس ليث اللي من يرجع ينام للعصر ويصحى يذاكر ويتجنبه بشكل يضغط مع هذا ما حاول ابداً يتفاهم معه او حتى يناقشه بالطقاق ما بطق له خبر يخيرني على كيفه هو ما جرب اللي عشته لو كان ليث اللي انخطف بداله كيف بيكون تصرفه نفض راسه هو يتخيل ليث يعيش اللي عاشه ماا يتمنى ابد انه يمر ب اللي مر فيه لو كان له الاختيار مستعد يرجع يعيش مع صالح وامه … اتنهد وعفس ملامحه /احمد الكلب الحين بتفرغ له طول الاختبارات يصرفني.. وقف بيدخل لكن انتبه للسيارة اللي واقفه قدام بيت عمه عاصي وصاحبها شكله مريب كل شوي يعدل غترته ويثبت مرزامه ويتعطر توجه لها ودق بصبعه الشباك اول ما نزل الشباك لفحته ريحة العطر القويه اللي تجيب الصداع مع ذا الحر بجاد/من أنت؟ نايف/ معك نايف بن محمد وانت من؟ نايف/ معك نايف بن محمد وانت من؟ بجاد بتجهم/تبي احد من اهل البيت نايف/ايه انتظر نسيبي بجاد رفع حاجبه باستعلاء/من نسيبك؟؟ نايف/عاصي بجاد/اللي اعرفه ما عنده بنات ف سن الزواج نايف بابتسامه مريحه/ايه انا بتزوج بنت اخته الكنديه بجاد/ بتتزوجها غريبه ما سمعنا..متى زواجكم نايف/هههه اظنه بيكون بالسر لأني بتزوجها بس عشان تقدر تطلع الجنسيه السعوديه بجاد “بالسر وانت تقول لي انك بتعرس وانت ما تعرفني “ بسخريه مبطنه /هاا فيك الخير والله نايف حرك اصبعه الابهام على السبابه بمعني فلوس هو ينقز بحواجبه بجاد بدهشه/معطينك فلوس!؟؟كم نايف/٢٠٠الف هههههه احلى شي تعرس وهم اللي يعطونك المهر مهوب انت اللي تعطيهم بجاد استفزته نبرته بس كتم/ايه حظك نايف/الله يرزقك بعرب يبيعون بنتك لهم فوقها هديه بجاد فرغ غضبه على كبوت السيارة وضحك بدل ما يصارخ ويفقع وجهه/ههههههه وبتاخذها معك؟ نايف هز راسه بلا/لا يا رجال زواج على ورق بس عشان تطلع جنسية وبتجلس على ذمتي ثلاث سنين ولا اربع وانا الفلوس اللي باخذها بتزوج فيها بنت عمتي بجاد بنفسه”سلم راسك نذر لو انك قلت انك بتاخذها معك بعرس حقيقي ان ما يرتد لك النفس يا الواطي… الشرهه موب عليك على خوالها اللي مايسون التاليه من الغنم اجل يزوجونها عشان جنسيه لواحد مهوب كفو تنرحم صدق …” ابتعد عن السيارة من شاف عمه عاصي يطلع من البيت ووجه احمر ومشي بترنح ويده على صدره نزل نايف من السيارة وركض له/دكتور عاصي سلامات وش فيك عاصي /ودني مستشفى الـ… بسرعه بجاد مسك يده /عمي وش فيك عاصي بخوف وضيقه شديده خانقه/سارة سارة تعبانه اختي فيها شي نايف فتح له السيارة وركبه وركب السيارة وانطلق فيه مبتعد هز كتفه بلا مبالاه ورجع للبيت صعد الدرج فتح باب الغرفه بقوه وفتح النور وطفى المكيف بصوت خشن/لـيث ليث ليييث ليث ليث ليث تقلب بقهر وانزعاج/من طفى المكيف؟ بجاد /قووم بسرعه ابيك ضروري ليث جلس وحذفه بـ المخده وثم حذفه بـ منبه الصغير بصراخ/اطلع برا يا متخلف ابي انام بجاد/لا تنفخ لفقع عينك جاوب على سؤالي ثم ارجع اخمد ليث بقهر/اسال وش تبي بجاد بجديه/تعرف تحجز طيارة ليث/لا اعرف احجز صاروخ يفجر راسك بجاد حرك يده بتركيز مستغبي سخريته/ تعرف كيف ليث يبي الفكه/ايه اعرف كلها ب الجوال بجاد/وكم تكلفة الرحلة ليث /مليون ليث /مليون بجاد عصب وشده من تشيرته/كف يمشي مليون ان ما تحكيت صح ليث والنوم طار من عينه تافف بقوه بهدوء/وش تبي من اسئلتك بجاد فك تشيرته وجلس مقابله/ابيك تحجز لي على تبوك ليث ناظره لثواني يمنع نفسه ما يمد يده عليه لأنه عرف قصة بجاد كامله من ابوه مع هذا زاد اصراره على الخيارات اللي قالها له/…… بجاد/اكلم لي جدار انا؟ ليث وقف وأشار له وهو ضغط على اسنانه بقوه/اطلع برا بجاد /ياليل الورعنه ليث/بجاد اطلع احسن لك انت مجنون رسمياً بجاد /من زمان غير اعجل بتحجز لي ولا ادور غيرك ليث بقهر/وش يوديك لـ تبوك مالك احد هناك وان رحت ذبحك صالح بجاد/ابي اشوف امي واتطمن عليها ليث شد معصمه وسحبه معه لباب فتحه وبصوت عاالي /يــمـة يمه يا يمه يمــه بجاد سحب يده ودفه/خير وش تسوي؟ ليث /ما تقول تبي تشوف امك هذاني اناديها لك(بصوت عالي)يا يمه بجاد انقهر منه بقوه خاصه من شاف العنود ترقى الدرج طالعه لهم دفه بقوه على الباب وطلع فجأخ سمعو صراخ عروب الباكي وهي تطلع لهم من غرفتها وبيدها الجوال/يـمه عمتي سارة مااتت الساعه 1:00ظهر اليوم ثالث ايام العزا العزاء كان في بيت ابو عاصي ما راح للعزاء الا اول يوم وقف معهم فيه بعدها معاد قدر صح ما يحس بشي تجاه سارة بس اسم ان شخص مات شي يجيب الضيقه وكل ما فكرت القى افكاري تنحصر حول جيلان وردت فعلها اللي سمعته منهم انها هي اللي غسلتها وكفنتها ومتصبره و معتبرينها قويه بما انها كفنت عمتها بس ما يدرون ان اللي كفنتها هي أمـها ولا تقدر تستقبل التعازي على فقدان امها بـ تستقبلها بصفتها بنت اخو الميته ياااقو قلبها صدق اخترق افكاره صوت ضحكة فهد الصاخبه ابتسم بنشاط لصوته يحب ذا الولد حيل نزل لصاله /فهود فهد نزل اللعبه مع الشغاله و ركض لبجاد مسكه من يده /تأل نلعب برا انا مستين محد يلعب معي بجاد رفعه فوق وجلسه فوق كتوفه/يلا على طلوعه دخلت العنود بملامحها الشاحبه ونقلت نظراتها بينهم/وين بجاد /بطلع به نلعب في المسبح العنود ناقده تصرفه وعدم مبالاته ب الحال اللي اهله فيها بس تكتمت/في الشمس؟ بجاد يتخطاها بمشيه/ المسبح في الظلال تحركت بلا مبالاه ودخلت تبي تخلص شغلها اللي تراكم عليها وتنسى فيه حزنها على بنت عمها وحماتها سارة | بعد ربع ساعه دخل فهد يركض و مليان تراب وغرقان بـ ماء /ننوودي طلعت له من غرفة الغسيل وشهقت وهي تضرب صدرها/ليش موسخ نفسك فهد نظر نفسه ببلاهه /نلعب نلعب ماما نودي جاد مـاات العنود تشيله وتدخله للحمام/احد يلعب في القايله فكت الدش عليه وهي تنزل ملابسه فهد يضحك بسبب الماء البارد/باارد..نودي جاد مات —فهد يضحك بسبب الماء البارد/باارد نودي جاد ماااات وبابا بيجي العنود بحاجب معقود/لا ما مات عمته سارة اللي ماتت فهد/سااراا و بابا مات العنود/هههههههه لا فهد/متى يجي العنود تشيله وتلف المنشفه حوله وتضمه بحنيه وهي تعض خده بمداعبه/تبي تروح وتخلينا؟ فهد هز راسه بقوه كرر الكلام خل اسمعه /لاا لا غيث ما راح يرجع جاد العنود بستغراب/من اللي قال لك عن غيث فهد يحرك يده بعشوائيه/رشا تداول تتددداول”تقول” غيث راح مع بابا وما رجع و نودي تبكي العنود وقفت بعصبيه من تخويف رشا لـ فهود عشان ما يروح مع أبوه وتشبيها لـ روحه غيث مع ابوه وعدم رجعته اوجعها/والله ما اخليها لك يا رشا نزلت لمستوى فهد/فهوي غيث راح للجنة فهد هز راسه ببرائه بلا/لا لا ما راح للجنة راح جاد العنود اقشعر بدنها من كلام فهودي اللي يفتح فيه جروح ام مكسور جناحها/فهود خلاص فهد بعبث /ليث يداوله يداول رجع جاد هههههههه العنود بصوت عالي تنادي الشغاله/سوووومي سووومي سومي/يس ماما العنود تعطيها فهد/بدلي لفهودي ونيميه سومي تاخذ فهد وتطلع به لغرفته ارتكت بيدها على الجدار وتزدر ريقها اللي نشف بغصتها استجمعت نفسها واستقامة بوقفتها ورجعت تكمل شغلهاااا • • ء صحى من نومه مفزوع بسبب الضربه اللي جاته بـ راسه اتلفت من حوله ورفع علبة المنديل اللي انضرب فيها رفع راسه لصراخه/انت ما تسمع اصنج جعلك الصنج مسح وجه بارهاق/اعوذ بالله من الشيطان الرجيم رجع يصارخ/انا شيطاان يا فاسق انقلع من وجهي الله ياخذك نفض المفرش عنه و وقف/ها وش تبي مصحيني تلفت من حوله/ما ابيك نااد لي بجااد هو يعرف اللي ابيه احمد تافف/هففف يا عم بجااد رجع لـ اهله صالح لقط علبة الماء وحذفها على احمد /دق عليه خله يرجع لا والله ما يحصل مني خير احمد يسلك له/ابشر ابشر بدق عليه غير انت ارتاح الحين صالح رجع انسدح على السرير ورفع يده اللي فيها المغذي/امنع ذا البلا مني اوجع ايدي احمد مسك يد عمه ونزلها/طيب الممرض بيجي بعد شوي وبقول له صالح تفل بوجه احمد/تفو على شكلك انت تلعب بعقلي طيب وطيب احمد وصلت معي معاد يقدر يستحمله اكثر له اسبوعين مرافق معه في المستشفى وجاته الحاله نفسيه بسبته حتى نزل 5كيلو مدري كيف كان بجاد متحمله طول ذي السنين… طلع من الغرفه عمه من المستشفى بكبره و راحه لـ اقرب مطعم وتغدا ورجع مره ثانيه للعمه دخل وحصله نايم /نوم الظالم عباده …استغفرالله جلس على الكرسي المرافق ورفع جواله اللي يدق ب اسم بجاد ماله حيل يرد عليه طول الفتره اللي راحت يتهرب منه هو ناشب انقطع الخط ورجع دق مره ثانيه رد بدون نفس/هااه بجاد بحلطمه/هويت بسبع نار راعي هاه ليش ما ترد على سنع احمد انحنى بجسمه لقدام وتكى على ركبه بذراعه اليسار/الواحد ما يناام عندكم بجاد يطلع بفهد اللي يلعب في المسبح/ساعه وحدة الظهر وش منومك للحين قوم صل احمد/صلينا وقضينا ممكن ارجع انام بجاد عصب/تكلم نفس الاودم لفك لحيك احمد بتعب/بجاد انفدا خشمك ترها واصله معي اذا صحصحت كلمتك بجاد/لااا تقفل والله ما تقفل لين تقول لي وش علتك من فتره وانت تصرفني تصريفات بريال احمد احتار في الرد عليه/… بجاد /احـمـ احمد قطعه بتعب من كثر تصريفه/بجااد اعطيك ايها من الاخر عمي صالح تعبان ومبتلشين فيه بجاد انلجم بصدمه/تـ تعبان؟ وش يوجعه احمد /معه ورم في الراس وصعب استصائله الا بعمليه جراحيه بجاد يعرف عناد ابوه/وابوي رافض يسوي العمليه احمد/لا المشكلة في العمليه نفسها يحتاج يسافر برا ويجريها ورفعنا اوراقه لمستشفى في مصر فيه دكتور شاطر في استئصال الورم هذا بجاد/طيب وانتو في مصر يعني احمد/لاا بعد بنروح اذ اكتمل المبلغ بجاد /من وين بتكمله احمد بضيق/هذي المشكله كلمنا الجماعه وبيقطون له من صندوق القبيله بس بعد مايغطي بنبيع الابل وحده سامها بـ30الف بجاد يقضم اظافره /لا لا تبيعها ابوي يحب الابل اكثر من روحه ان بعتوها زعل احمد بقلة حيلة/يارجل هو ما يدري وين الله حاطه شوي يكون بكامل عقله وشوي ينسى حتى من هو الورام مأثر على ذاكرته بجاد /احمد بجيكم وبحلها انا وخاصه اني اعرف ابوي وين يخزن فلوسه احمد بسخريه/قصدك فلوس الحرام؟اللي يطلعها من بيعه للخمر بجاد/ايه احمد بغبنه/هه يا حليلك انحاش فيها محمودوه سرقها كلها و احرق غرفته اللي كان يصنع فيها عشان ما يبقى له اثر بجاد بعصبيه/ما بلغت عليه الكلب احمد/ وش ابلغ اقول سرق فلوس حرام يارجل جعله ما يعود فـجااءه انسحب الجوال من يد احمد بقوه و ——— قبل اذان المغرب خلصت شغلها ولبست عبايتها بترجع للعزاء وقبل خروجها اتصل عليها ليث/الو هلا ليث ليث /امي انتي بعد في البيت؟ العنود/ايه ليث /اجل كلمي بجاد يجي من ساعه ادق عليه ما يرد ما منه نفعه العنود/مدري وينه ما شفته ليث بغضب منه من يوم واقف لحاله بـ العزا يقهوي المعزين والحين مرسلينه يجيب كراتين ماء ويشوف العشاء /طلعيه من تحت الارض انهلكت اكرف لحالي وش ابي به اخو هو في وقت الشده مختفي العنود برحمه لليث اللي كرفوه بـ العزاء/ابوك هو اللي مخليه على راحته لو معطيك كلمة تصك العظم كان تسنع ليث /يلا يلا كلميه خليه يكفيني شوي قفلت منه وطلعت تدور على بجاد في الغرفه ثم في المجلس وكامل البيت رفعت يدها على خصرها وين راح استسلمت من البحث عنه مشت بتطلع للعزا وقفت للحظه ثم استدارة مشت بخطوات سريعه رجعه فيها للبيت بـ الاحرى للجزاء الخلفي من الحوش وكلمة وحده ترن بـرن بـ اذنها “جـــاااد مــااات” تصلبت اطرافها برعشه من شكله الممدد على الارض الشمس حتى في لحظة غروبها تسطع عليه ركضت له وجثت قدامه وجهه شديد الاحمرار ورطب وشفايفه ناشفه متشققه تميل للبياض مدة يدها لرقبته تجس نبض وريده وانلسعة من حرارته الشديده ضربت يدها في بعض /يويلي اذ كان طايح هنا من ظهر للحين وتحت الشمس هزته من كتفه/بجااد بجااد قووم لكن كان كـ الجثة الهاامدة انحنت له ورفعت يده فوق كتفه ووقفت فيه بصعوبه شديده وصارت تمشي وتجره بصعوبه وتبكي بخووف وهي تلوم نفسها الانها ما اخذت كلام فهد على محمل الجـد وبصوت مهزوز وعالي/سااامح يااا سااامح اللحقني بسرررعه سامح اللي سمع صوتها وطلع لها العنود وتشد بجاد على كتفها بقوه /تعال شيله نوديه المستشفى بسررررررررعه سامح اخذه منها وشاله بسهوله بحكم جسمه وتحرك فيه لسيارة والعنود معه ركبت وراء وسدحه وركبت معه العنود وهي تحط راسه بحضنها وتحاول تخفف حرارته بضم كفوفها على راسه… توجهو لمسشفى خاص قسم الطورئ اللي باشرو حالته بتعرضه لضربة شمس بعد ربع ساعة العنود تتقدم من الدكتور العام /ها يا دكتور طمني الدكتور /انتي امه؟ العنود سكتت/… الدكتور/من متى وهو نايم في الشمس العنود بستنكار/نايم..يا دكتور ولدي صغير دخل علي الظهر يقول انه بجاد مات توقعته يكذب هو بخير مافيه شي قبل يطلع برا الدكتور/ليه ما تعرفين ان ولدك معه نوم قهري العنود ارتعش فكها /كيف قهري الدكتور بحيره/هذا اللي ظهر لي بس بعد لازم تتاكدين وتسون له اشعة لان كلامي فقط استنتاج ف البدايه كنت اظن انه مغمى عليه بسبب الحرارة بس كان نايم مع شدة حرارته ما صحى معي العنود نزلت راسها بصدمه وذكرياتها ترجع فيها لـ اول يوم دخل فيه بجاد لبيتها وكيف طاح عليها نايم وبعد كلامه مع ليث بعد ما اختفى ثلاث ايام وقضاءه لصلاوات كان نـاايم الدكتور مد لها وصفه الطبيه/صرفة له علاج للحرارة والاحتقان ومرهم للحروق خليه يستخدمه ثلاث ايام حتى تخف اثار حروق الشمس العنود وقفت واخذت الوصفه/متى يطلع الدكتور/المغذي قرب يخلص فـ الافضل اخذيه للبيت حتى يصحى من نومه لاني ما اعرف متى بتصحى | | تحرك بكسل وفتح عيونه بسبب الصوت اللي ناديه بستمرار جالس فرك عيونه ثم رفعها لثوبه المعلق بـ الباب فز من مكان بسرعه وركض للبيت وفتح نسى من امه /يـمه تدف كرسيها وبزعل/كل ذا نوم الله يصلحك اناديك ما ترد علي انحنى وحب راسها /جعلني فداك هذاني صحيت ابتسمت له /ها بسرعه بفطوري وعلاجي بصراخ غاااضب/بجاااااااد بجاد ركض لمصدر الصوت في الحوش /هلاا يـبه صالح حذف عليه الحذيان عليه/انـت ما سددت ابوزكي انا ما قلت لك امس سدد الدينه بجاد/ابشر انشدت يده بقوه فـ ألتفت لـ امه اللي تسحبه/علااجي يا بجاد وانشدت يده الثانيه بقوه اكبر/سدد ابو زكي علااااجي يا بجاااد سدد ابو زكي علااااجي يا بجاااد سدد ابو زكي صوت من بعييييد يشتت صوت امه وابوه /بجااد بجاد بجااد بجاد اصحى شهق بقوه واتلفت من حوله/يـمه يـبه ليث/بجاد سم بالله حلم بجاد وعيونه متسعه بعدم ادراك دف ليث عنه ونزل من السرير بتجاه الباب/علاج امـي ليث لحقه/وين رايح فتح الباب الغرفه و وقف مكانه يتلفت في الصاله الوسيعه ونهايتها درج ينزل تحت لا هذا مو بيته ليث حط يده على كتفه ولفه له لحظه رجفته /بجاد علامك شكل الحرارة ماثره عليك بجاد غطى وجه بيده وضغط بقوه يحاول يستوعب الحلم من الواقع امه صحته ومسكة يده و وابوه حذفه مثل كل يوم ب الحذيان اللي تفاداها بعد يده عن وجه ينظر يده برعشه قبل شوي كانو ماسكينها ويشدونها ليث/شكلك كنت تحلم بجاد رفع عيونه بذبول له ليث/امس جاك نوم القهري ونمت في الحوش في الشمس ما انتبهنا لغيابك الا في المغرب لقتك امي مولع حراره واخذتك للمستشفى وتوك صاحي بجاد تكلم بصوت منبح بسبب حلقه المتحتقن /انا كنت ببيتنا ليث /حلم …من فجر وانت تهذي بجاد/و و مكالمة احمد حلم ليث تذكر احمد اللي ازعجه امس كل شوي يتصل فيه يساله اذ صحى/لا كلمته امس وقال لي انه كلمك بجاد بأمل ورجاء/و مكالمة ابوي حلم صح قول انه حلم ليث /قصدك صالح ايه كلمته اكيد انه قال لك شي يرفع الضغط عشان كذا نمت بجاد نزل راسه وجلس على الارض وسند ظهره على الباب وصوت صالح اللي خطف الجواال من يد احمد يرن بـ اذنه ” ___{مكالمة احمد امس الظهر}———— “صالح رفع جوال هو يسمع صوت بجاد فصارخ بصوت حاد/وين انت ذالف يالفاجر يا قليل الخااتمه تلعب عليه يا السذوب بجاد بصوت مرتعش/يبـه صالح بصوت ومخنوق/وسبعين حطبه الكذاب تقول انك ماتعرف اهل غيرنا ماعندك ابو غيري وغير امك منيره هاا كل ذا كذااب وانت من لقيت اهلك نسيتنا حتى امك ماتت بحسرتها على فراقك يا جحود بجاد بصوت مخنوق/يبه امي ماتت؟ صالح بكاء بضعف وانكسار على فراق منيرة اللي اهلكه وطرحه مريض في المستشفى/ماتت وهي تناديك وانت في حضن امك و ابوك ماقلت به شايبن وعجوزه ما عندهم الا انا؟؟ سرق عبدالرحمن عيالي مرتين “بنحـيب صوت بكاء عااالي “سرق مني بجاااد مرررتـين مـرتين احمد سحب الجوال منه هو مفجوع ببكاء عمه اللي ما يعرف الا القسوه وقوة الباس ينكسر فجاءه وكانه طفل دخل الممرض واعطاه ابره مهداه احمد رجع الجوال لـ اذنه/بـ بجاد وصله صوت مبحوح/ماتت تناديني؟ احمد ما كان ناوي يقول له عن امه منيرة اللي لها شهر متوفيه بعدها طاح عليهم صالـح مريض بمحاوله لنفي /بجاد عمي مخرف المرض مأثر عليه عمتي منيرة بخـير الممرض غطاه بشرشف وهو مستغرب بكاء الشايب /علامه انهار كذا اجل تذكر زوجته الميته؟ احمد قفل الجوال بسرعه ونظر الممرض بقهر اكيد بجاد سمعه ——- —- ارتكى على الباب بملامح ذابله توجه للحمام دخله وقفل الباب واسند راسه على الباب صار يضرب راسه فيه بقوه من حر ما في قلبه وصار يتلعثم شهر وامه تحت الارض ماتت وهي تنااديك ماتت زعلانه عليك ويتخيل صورتها بكرسيها المتحرك وتتخبط في ظلامها وتناديه بصوتها المتعب رفع كفوفه على فمه يكتم صرخته متوجع حد الموووت روحه منهلكه هو نفسه مايدري وش يبي بالضبط يعيش بضيااااع كبير فراغ وخوف اكبر حياته انقسمت لنصين نص مرتبط بحياته الاول اللي عجز يخرج منه ونص مرتبط بحياته هنـا وصراعه في تكيف معها لكن اسوار حياته الاول تنحط وتتلاشا امه منيره اللي كانت له البلسم وضحكه والحنيه غادرت وابوه اللي تطغى بجبروته وقسوته انهاار فجاءه ببكاء مرير هزه بكائه صعب حيل تشوف شخصيه قويه وهيبه تنهاار بضعف قدامك كسره ترجي ابوه صالح وبكااءه على زوجته وعلى ولده اللي ماات … ليث يضرب الباب للمره الخامسه بقلق /بجااااد افتح الباب وعلمني وش صاير بجاد/………… ليث يركل الباب برجله/اطلع لكسر الباب على راسك ابعد يده عن فمه وتقدم بخطوه للدش فتح وانحنى براسه كله تحت المااء البارد اللي يتسلل بين جذور شعره حتى ينزل لوجهه ورقبته رفع راسه وقفل الماء نفض شعره من الماء، وخرج من الحماام ليث رجع خطوه وراء مستنكر فيها ملامح وجه والامرار اللي حول فمه وعيونه الشاحبه/وش صار؟ ناظره ببرود مميت هو يلتقط المنشفه وينشف وجهه وشعره وخرج من الغرفه ونزل الدرج ليث لحقه /هي اكلمك انا لا تسفهني .… . دخل البيت ورفع عيونه لبجاد اللي ينزل من الدرج ونظراته تتحول للغضب والالم العميق للحظه ارتبك وادرك انه عرف من ركض بتجاهه وهجم عليه بشراسه وضربه بعشوائيه وبقوه وصدره يعلو ويهيط بجنون مسك يده بدفاع ولفها حتى صارت وراء ظهره ولصق جسمه بجدار حتى يسيطر على حركته بجااد صاارخ بألم مكبوت/والله مخليها لك يا فاشل خالد يشد لف يده/تعوذ من بليس بجاد/انت بليس يا**** قلت لي ان عمليتها نجحت وانها بخيرر خالد بضيق له شهر من عرف بـ وفاة مريضته منيرة وكان قلق من ردة فعل بجاد/خرجت بخير بجاد يحاول يفلت منه بركل ساقه لكن قوته اضعف بحكم تعبه/من اول قلت لك انـك فااشل قلت لك شوف لها دكتور غيرك خالد متفهم غضبه بمحاوله لتهدئته/الشفاء مو بيدي انا اعمل ب الاسباب بجاد صارخ بنفعال وانفلت منه هو يهجم عليه بقوه اكبر يدري في قرارة نفسه ان كلام خالد صح وان الموت مايقدر يمنعه طب لكن سودوية مشاعره وغضبه من نفسه القاها على خالد ليث وقف بـ اول الدرج مصدوم العنود طلعت لهم من المطبخ وهي منهبله من مضاربتهم صارخة بـ ليث/ابعدهم عن بعض ليث نزل بسرعه وسحب بجاد لكن خالد صارخ فيه/وخرو لـ احد يتدخل العنود بغضب من بجاد اللي حتى المرض ما منعه من المشاكل وخالد مهوب قليل شر رجعت للمطبخ بسرعه وفي يدها جـيك ماء وكبته فوقهم وهي تصارخ فيهم/بس حسبي الله عليكم رجال وش طولكم تتضاربون كانكم همج ابتعدو عن بعض وكل واحد يلتقط انفاسه بسرعه بجاد ترنح بوقفته ورجع خطوه لورا وجلس على الكنبه وهو يمسح وجهه من الماء اللي انكب عليه العنود بعصبيه/اش فيك خالد تقدم من العنود وابتسم/مافيه شي سوا تفاهم بس العنود طيرت حواجبها بحده/كنتم بتتذابحون وتقول لي سوا تفاهم خالد توجه لبجاد وسحبه من يده و وقفه/تعال معي سار معه بدون مقاومه تحت استغرب ليث والعنود ليث/وين وين تبون تتذابحون برا خالد اشار له يسكت وطلع مع بجاد من البيت وركبو فيها وانطلقو في شوارع الرياض بدون هدف محدد خالد بين فتره فتره يناظر بجاد ويقراء الالم العميق بملامح وجه فضل يسكت عنه حتى يهدا وينتظره يتكلم من نفسه بجاد /كيف ماتت خالد/طلعت من المستشفى قبل شهرين وكانت بخير من ناحية عملية القلب والزرعه الجهاز لها ناجحه وكان لها موعد عندنا قبل ثلاث اسابيع ووصلنا تقرير بوفاتها بجاد بجمود/ليه ما قلت لي خالد/ما احب انقل خبر وفاة احد وانت ليه ما تواصلت معها بجاد/……… خالد/بجاد منيرة مره كبيره في السن والامراض تجمعت عليها من كل صوب السكر على الضغط والكلسترول والقلب هذا غير انها عمياء ومشلوله والموت ما يفرق بين المتعافي والمريض وهي راحت عن اللي ارحم مني منك راحت عن ربها بجاد وعيونه على الشباك /وقف خالد وقف السيارة على جنب بجاد التفت له مد يده/معك فلوس خالد عقد حواجبه بستنكار شديد بجاد اشار للمطعم/جوعان غدني على حسابك انصدم من تصرفه الغريب لكن قرر مجاراته وفهم انه يحاول يقفل على الموضوع نزل وانتظره ينزل/يلا ما بتنزل بجاد مرخي نفسه على مقعد السيارة/لا تطلبه تيك واي قفل باب السيارة/ابشر بجاد راقب دخوله للمطعم ونقز بخفه بخبث لمقعد السائق السيارة وشغلها بيده اليمين واليسار على الدركسون رجع ريوس وانطلق بسرعه مصدر لكفرات السيارة صرير حاااد خرج خالد بسرعه ويده على راسه مفجووع و ركض وراه بصرراخ /بـجااااد ياااا حييوووواااان تنهد بتشفي بكذا برد شي من حرته منه خل يدبر نفسه ويشوف له سيارة ترجع مر اقرب مسجد منه ونزل يصلي العصر ويقضي صلاواته ثم جلس يقراء له صفحه من القران لتكون مونسه في حزنه وضيقته ………… رجعت لبيت خاله عبدالرحمن ما صدقت ان العزاء انتهى وينتهي معها تمثيلي للقوة وثبات محتاجه ابكي بعيد عن انظار الكل اللي كانت محاصرتني في العزاء وكل ما عصتني دموعي ونزلت تتردد على مسامعي “البكاء يحرق الميت” يتنقلونها بدون ادراك لمعناها فـ الرسول صلى الله عليه وسلم بكاء على موت ولده ابراهيم ووحده من بناته لكن اللي يعذب الميت هو النياح والندب وسخط على القدر هذا اللي حذرنا من الرسول عليه الصلاة والسلام… تمددت على سريرها وقلبها مثقل دخلت عليها رشا /جيلان جيلان استعدلت بجلستها/همم رشا/تعالي انزلي معي تحت نتقهوى ونشوف لنا فلم نتابعه ولا وش رايك نطلع جيلان وقفت في مجاره لها تدري انها تحاول تغير جوها /يلا نتقهوى الطلعه مالي خلق لها رشا ابتسمت ونزلو تحت يتقهون وكانت تتصنع الابتسامه مثل تصنعهم لها في غمرت ضيقهم وكانهم بهاذي الابتسامات يخففون من حزنهم على عمتهم لاخر لحظه في العزا تمنت تستقبل تعزيه بصفتها بنت سارة ويعرف الكل انها بنت سارة لكن الى الان وحتى حزنها بنظر الكل انها بنت اخو سارة عروب /يمه وش رايك نكلم ابوي ونسافر لمـكة رشا/اي والله تكفون جيلان تنتظر العنود برجاء/وافقي تكفين العنود بالها مشغول على خالد وخروجه مع بجاد من ظهر للحين/هاا عروب/يمه وش اللي هاا نبي مكة العنود بجده/ابو فهد بيجي الاسبوع الجاي ياخذ ولده عروب كسى الضيق ملامحها /خليه ياخذه رشا/يمدينا نروح ونرجع لرجعنا يجي ياخذه العنود/خلاص بتفق مع عبدالرحمن ونروح ان شاء الله جيلان من قلب دعت تتيسر لهم ويروحون تبي تعتمر عن امها .. بتبدا ترسل هدايا برها لـ امها عن طريق الصدقه و العمره ويارب تتيسر لي و احج عنها هذا اللي اقدر اسويه الحين لها … دخل خالد ورجف بـ الباب بقوه وبغضب العنود /وه بسم الله علامك كسرت الباب خالد تنفس بتعب والعصبيه واضحه بوجه/من غيره مسبب المشاكل عروب وقفت وبضحكه/وش مسوي لك خالد بحرقه/سررق سيارتي تخيلي ومخليني في الشمووس عروب/هههههههههههه اكيد انك مسوي له شي خالد/الولد ذا مجنوون مجنون مهوب صاحي يحرم متهجم علي الظهر لانه عرف ان امراة اللي كانت تربيه مااتت محملني مسؤاليه موتها قلنا يلا يفرغ غضبه غير انه يسرق سيارتي هذا اللي والله ما اخليها له العنود سألته بلهفه/وانت وش علاقتك فيها عشان تتحمل مسؤاليه موتها خالد بنفعال/تذكرين اول مره شفنا بجاد فيها في المستشفى وتجهم علي انا وليث العنود /ايه..قلتو بسبب “سكتت لحظه وقتها كان يعرفون ان تهجم بسبب امه المريضه وبعدها قال عبدالرحمن ان امه ميته” هي نفسها اللي ضربكم عشانها ماتت خالد جالس وفتح ياقته وتنفس بزفير عالي/ايه هي لها شهر ميته هو توه يعرف انها ماتت عروب شهقت بقوه /هو وينه الحين انت كيف تخليه لحاله العنود بقلق /خالد تصرف شوف وينه..الولد مريض معه نوم قهري من امس حرارته ما نزلت خالد اعتدل بجلسته /نوم قهري؟كنت شاك والله عروب ببكاء /يا ويل قلبي على اخوي ليث دخل والجوال بيده/خوك بسبع ارواح ما فيه شي انت سيارتك في الورشه روح لهم بتطلع بكره خالد بصراخ/وش سوا فيهااا ليث كتم ضحكته /مكيف فيها خربااان خالد/وغييره ليث /تاحمد ربك وقفت على المكيف خالد/وينه الحين ليث /نايم في المجلس خالد وقف بغضب تقدم بيروح يسنعه ليث وقف بوجه/اهجد لا يطري عليك تروح عليه خالد بقهر/تحامي فيه؟ ليث هز كتوفه بلا مباله/قلت احمد ربك انها وقفت على كذا ولا بجاد كان ناوي يروح بسيارتك لـ تبووك خالد اتسعت عيونه بصدمه/عشااان اذبحه ليث/لو رحت له ما اضمن لك يمكن يحرق سيارتك خالد دف ليث وتوجه للباب ليث/وين خالد بحده/في ستين داهيه اهم شي فارق وجيهم ياعيال عبدالرحمن ليث/ههههههههههه العنود بجديه/حصل شي لسيارة غير المكيف ليث/لا منعته وهذا هو رجع معي للبيت بعد ما اخد ابرة انفلونزا ودخل ينام لا احد يزعجه صحى الساعه 1 الليل ورفع يده لجبينه يتاكد من حرارته اللي منعته لا يروح لـ تبوك سرقته لـ السيارة كانت بهدف يسافر لـ تبوك لكن قبل خروجه من حدود الرياض ادرك ان ما في جيبه ولا ريال واحد فـ انجبر يتصل لـ ليث يجيه ويعطيه فلوس يسافر فيها وهذا حسسه بعجز فـ حتى لو راح لتبوك ما بيقدر يدبر المبلغ اللي يسافر فيه ابوه ويعالجه…صالح ابوه مهما كان مهما صار محد بيتحمل ابوه صالح كثره هو اذا علاجه وتحسن وعد نفسه يتغير و يتحدا نفسه والمجتمع وكلامهم من جديد ويرجع لـ اهله بصفته ولدهم الميت وخل اللي يتكلم يتكلم وبنشا نفسه من جديد ويعطيها اللي انحرمت منه هذا كله ما يعزي فيه نفسه لـكن هل يقدر يتغير ويصمل او بيترخا بخوف من المواجهه… كل انسان عنده النيه لتغير ويدرك الطريق الصحيح لكن مجبور يمشي بطريق الخطا ويستمر فيه بقناعة ان هذا اريح وسهل مع انه مفخخ بـ الاشواك والعوائق … يبدا من البدايه الخطا هو ابوه صالح بيصلح غلطت عبدالرحمن في حرمانه من اولده بيكون الولد له في عز حاجته الانه يدرك ان كل رجال يتمنى الولد عشان يسنده في فترة عجزه وهذا الوقت اللي صالح في أمس الحاجه للولد اللي انحرم منه مرتين بما انه قال ان عبدالرحمن سرقه ولده مرتين فهذا يعني انه ان صالح ورغم اللي صار يعتبره ولده الا هو ولده اللي الى الان يشيل اسمه بجاد بن صـالح رفع راسه واستقام بجلسته وهو يتلفت حوله يسمع وصوت غريب وقف يتبع مصدر الصوت اللي كل ما تقدم يختفي وفتح باب البيت وخرج وتوجه لخلف جدار المجلس لان الصوت مصدره الجزء الخلفي من الحوش وقف مكانه من وصل لمصدر الصوت واسند نفسه على الجدار يخفي نفسه بحيث يوشوفها ما تشوفه جالسه بين الاشجار وتبكي بصوت مكتوم وبين كل شهقه والثانيه تنادي بـ اسم امها صوت بكاءها وصل لـ اعماقه وهو حاسدها على بكااها يتمنى يبكي مثلها بدون حواجز من البدايه وجيلان تذكره بنفسه صوره وقصه ثانيه له بختلاف بسيط ليش ام جيلان تموت بنفس الوقت اللي هو عرف فيها ان امه منيرة ميته؟ هي تبكي امها ولا تقدر تقول ان اللي ماتت امه ولا اخدت العزاء على ان اللي متوفيه امها اما هو فـ انحرم من عزا امه مستحيل احد يعترف فيه كـ ابن لـ منيرة ابكي اكثر ياجيلان ابكي بنيابه عني . . مرة ثلاث ايام وجيلان في نفس الوقت من كل ليلة تهرب فيها من عيون الكل وراء البيت وتبكي براحتها بدون ما تكون تحت عيون احد ويناظرها بشفقه او حنيه تبكي نفسها ولـ فقدان امها وكل هذا يفرغ صبرها اللي كانت متمسكه فيه وتصطنعه قدام الكل لكن اللي ما تعرفه ان فيه من يشاركها بكاءها وينتظر الليل عشان يسمعها تبكي ويعتبر بكاءها تفريغ حزنه وضيقه على امه —وقفت بكاء فجأه ومسحت دموعها بسرعه من سمعت صوت مشي على الاشجار وبخوف/من هنا ؟ بجاد حرك شفايفه للاعلى باستسلام وخرج لها/انا جيلان بتوتر e/ ماذا تفعل هنا بجاد يتصنع الغباء وعدم الفهم/وش جيلان شحت عنه وقررت تترك له المكان وتطلع بجاد وقف بوجه بصوت خافت اشبه بـ الهمس/جيـلان جيلان رفعت عيونها له بدون ما ترد بجاد حرك عيونه لأقصى اليسار بشتت/ احسن الله عزاك في أمــك جيلان تسارعت الدموع لعيونها واختنقت بغصتها لأن اخيراً احد عزها بصفتها بنت سارة بجاد استدار صد عنها ببط جيلان حركت شفايفها بـ جزاك الله خير بس ما تدري اذا وصل لمسامعه او لا بجاد بتردد/ادري مهوب وقت لكن قبل وفاة امك شفت لي واحد عند بيت عمي عاصي يقول بيتزوجك عشان تاخذين الجنسيه جيلان عبست بضيق من ذكره للموضوع/ واذا؟ بجاد ارتبك اكثر من ردها/ احم بتزوجك بداله وتاخذين الجنسيه جيلان قاطعته بسرعه وبصدمه /خير؟مستحيل طبعاً بجاد انقهر والتفت لها/ ليه مستحيل وش يعيبني ولا تبين نايف جيلان/ نايف مين؟ ترا والله العظيم مالي خلق للهواش تكفى بجاد بسخريه/اسم زوج المستقبل جيلان بهدوء/ما يهمني لا اسمه ولا من يكون في انهايه مجرد حصولي على الجنسيه واستقراري هنا تحت حمايه الدوله بجاد / ايوووه جينا لمربط الفرس انك ما يهمك من يكون فـ بتزوجك انا انتي مصلحتك من الزواج الجنسيه وانا مصلحتي الفلوس اللي بتدفع للي بيتزوجك جيلان ناظرته باستحقار بجاد تجاهل نظرتها/الفلوس اللي باخذها بعتبرها دين في رقبتي لو اني مو في حاجتها كان تزوجتك بدون اخذ ريال واحد وادفع مهر فوقها جيلان /…… بجاد/اكلمك انا ردي جيلان/يعني نعتبره تبادل مصالح بجاد هز راسه بـ ايه جيلان/موافقه بس بشرط اللي هو على ورق و ما تتدخل وتسوي فيها ولي امري اعرف حركاتك تهايط علي وانا بنت عمك فـ كيف اذا “سكتت باحراج" بجاد /ههههههههههههههههههه ما اوعدك في ذي جيلان /اجل كنسل بجاد صد عنها ودخل يده بجيوبه/موضوع مو عندك بروح لـ عاصي اخذ الفلوس منه وبكره نملك جيلان بقهر/ مهوب على كيفك بجاد /فلوس انا اولى فيها من الغريب ومحتاجها ما ابي اتسلفها بدون مقابل وفوقها بحفظ كرامتك من الزلابه نايف اللي ماترك احد ما قال له انه بياخذك ببلاش فوقك مبلغ غادر المكان وتركها وراه مكسور جنااحها بخيبه… مرات تتمنى يكون عندك خيارين حتى لو كان احلاها مر لأن وقتها بيكون لك الحق في الاختيار بينهم لكن بوضعها الحالي مالها الا خيار وحد من علقم وسقم مجبوره على المضي فيه حتى الرفض مو من حقها لأن عواقبه وخيمه هو عودتها لكندا مجبره تكرار الضغط عليها من ابوها وعمها … … بين سفوح الجبل الحدود سلاحه على كتفه وبيده الثانيه يشرب مويه وسلطان جالس جنبه وسلاحه مثبته فوق حجر بتأهب للاطلاق مصعب نزل المويه /مالهم حس من يوم هاجدين سلطان /هههههههه وش فيك تقولها وانت معصب مصعب/ مو معصب بس تبي الصدق كنت ابي اروح مع فريق الاغاثه لداخل اليمن سلطان /راحت عليك كان طلبتهم مصعب / شكلي بقدم طلب اروح مع الحمله الجايه سلطان /عاد امس شفت في الاحصائات ان اكبر دوله مستفيد من الحملات الاغاثيه هي اليمن مصعب /ايه دولة تخسر ملاين على الحملات الاغاثيه وعلى الاسلحة اللي تحمي فيها حدودنا سلطان/الله يبحص الارض من الحوثي مصعب / امين شدو على اسلحتهم فجأه وتبادلو النظرات بحذر بينهم مصعب يأشر بحواجبه على جهة العدو سلطان ابتسم ورفع سلاحه واطلق رصاصه عشوائيه لتنهال بعدها طلقات رصاص العدو الحوثي مصعب صوب بسلاحه ورمى/كفو بحركتك قدرت ارصد مكانهم سلطان يطلق النار/الا اقول يا مصعب ودك تعرس مصعب ينزل بجسمه ويعبي مخزن السلاح ويرجع يصوب/هههه الله ياخذ عقلك والفضاوه سلطان يعشق بسلاحه /اعجل ودك تعرس مصعب يحتمي بـ حجر من اطلاق الرصاص اللي جهتهم/كأنك داري قبل اخلص اجازتي وصيت امي تدور لس عروس سلطان ضحك بحماس/ اجل انا وحدن شاري نسبك وبزوجك اختي وش قلت مصعب بدون ما يرفع عنيه عن هدفه في الاطلاق اخذته افكاره لجزء من الثانيه لـ انهار /اذا اختك تشبهك ما ابيها سلطان حرك السلاح بوجه مصعب /يحصل لك احد يشبهني مصعب يدف سلاح مصعب يدف سلاح سلطان عن وجهه/سلطانوه بلا هبال ليطير راسك الحين سلطان عدل وضعيته وأطلق على العدو مصعب ابتسم/الله يعين عيالي على خال مثلك سلطاان التفت له بسرعه /يعني موافق ههههههههههههههه مصعب / ايه سلطان رفع سلاحه فوق وطلق النار بحماس/ حي ذا العين في ذمتي مصعب طلق على واحد من الحوثين اللي وضح له يحاول يتسلل للداخل اكثر/متى نملك سلطان تصنع الحزم والجديه/ ركز بمهمتك ياعسكري مصعب كتم ابتسامته وانشغلو بمهمتهم … … … طلع مـن المحكمة بعد كتبو عقد النكاح بكذا تمت ملكة بجاد على جيلان من دون علم احد غير عاصي فقط اللي قدر بجاد يقنعه بصعوبه تقدم عاصي من بجاد مد له الشيك بقيمة 200الف/وهذي الفلوس بجاد اخفى احراجه واخذ المبلغ ودخله بجيبه عاصي / بجاد بجاد/عارف اللي تبي تقوله عاصي/ انت الحين ورطتني مع ابوك ان عرف بيزعل اني طاوعتك بجاد/ لا تقول له وانتهينا وعلى انك تميت الزواج مع اللي كنت متفق معه عاصي هز راسه هو مو مقتنع وقلق بجاد انتبه لها تمشي قدامهم باتجاه السيارة لحقها بخطوات سريعه وسحب طرف شيلتها من وراه وغطا فيها وجهها/غطي وجهك جيلان التفتت له بقهر /ها تونا مالنا 5دقايق بجاد مشى قدامها/لا تمشين قدامنا مره ثانيه جيلان تسبق خطواته بعناد/ترا بعد واقفين قدام المحكمه برجع و افسخك /-// بجاد /عشان افسخ العقال على ظهرك جيلان وقفت والتفتت لـ خالها عاصي بعصبيه/خلاص ما ابيه خله يطلقني الحين الحين عاصي يلف ذراعه حول رقبتها ويمشي معها/ مشكلة البزران اذا تزوجو جيلان احتقن وجهها بعصبيه اكثر وكنت تبي تشيل الغطى عن وجهها لكن فضلت تتركه حتى يخفي ملامح زعلها بعكس بجاد الهادي كل تفكيره في تسريع اجراءات سفر صالح للعلاج | | مر اسبوع بدا فيها عاصي مع بجاد وجيلان اجراءات الجنسيه ونهاية الاسبوع انتهو منها وينتظرون صدورها … ينتظرهم في السيارة والسواق يحمل الشناط في الخلف مقررين يرحون لمكة بسيارة وحده طلع ليث شعر مبلول ونظارة على عيونه/سلام بجاد/ وعليكم السلام …وين اهلك اعجلو ليث /جاين..اشوفك مرتز في مقعد السائق ناوي تسوق بجاد/ايه محب احد يسوق فيني ليث/اجل الله يعينك ابوي على يمينك واول ما تسرع بيجيك كف يمشي 160 بجاد انتبه لهم يطلعون وابوه يشيل بيده شنطه كبيره نزل من سيارة و اسرع له واخذها منه/هاتها عنك عبدالرحمن ابتسم له اخذ الشنطه ورفعها السيارة و ركب في مكان السايق وركب جنبه ليث وعبدالرحمن ليث بغيض/يبه ترا اذا رجعنا من مكة بتشتري لي سيارة عبدالرحمن /يصير خير ليث/لا تسلك لي عبدالرحمن/وانا وش قلت لك قلنا يصير خير ما تبي الخير ليث /ها ترا نص المسافه انا اللي بسوق عبدالرحمن /اذ لحالك كيفك سوق لكن وانا وعيالي معك فلا بعد ابيهم ليث /يبه لا تنرفزني مخلي بجاد يسوق وانا بجاد بسخريه يقلد صوته/يبه يسوق وانا ويلي منك يا الهلامه ارجع وراء ترك حشرتني هنا ليث لبده على كتفه بقوه /انكتم ركبت العنود من خلفها عروب وجيلان ورشا فهودي العنود/عبدالرحمن عاصي ما بيلحقنا هو واهله عبدالرحمن/لا هو وخالد عندهم دوام مرتبطين فيه حركو منطلقين لـ اطهر بقاع الارض مكة المكرمه … انتهو من العمره وطلعو للفندق يريحون فيه بجاد بدل احرامه وطلع يدور على ابوه حصله جالس في الصاله جالس يتقهو مع العنود/يبه ابيك شوي عبدالرحمن وقف /وانا بعد ابيك تعال ننزل تحت نزلو للمقهى اللي في الفندق عبدالرحمن/ كنت ناوي اجل كلامي معك لبعد ما نرجع ل الرياض بجاد ويده تحتضن كوب الكابتشينو الحار بتوتر عبدالرحمن/ من متى وانت مريض بنوم القهري بجاد عفس ملامحه بضجر/اللي يسمع بيقول سرطان مو نوم عبدالرحمن/بلا استهتار وانت تشوفه بسيط؟من نرجع بتبدا تتعالج منه بجاد /يبه اعرف مرضي مثل ما جاء فجاءه بيروح فجاءه ماله علاج نهائي وكل ادويته تخفف الأعراض ما تزيلها عبدالرحمن/احسن من انك تهمله بجاد /ابشر سكتو للحظه بجاد شد يده على الكوب ورفع عيونه لعبدالرحمن بثبات وثقه/ما اعرف اصف الكلام تمهيد عشان كذا بعطيك اياها من الاخير انعفست ملامح عبدالرحمن بتوجس بجاد/ابوي صالح تعبان ويحتاج علاج سريع برا و ما عنده بعد الله ثم انا ومضطر اسافر معه عبدالرحمن اتسعت عيونه بغضب وضرب الطاوله /رجعنا لـ سيرة صالح هذا تنساه ولا وربي لأرجع ارفع عليه قضيه بجاد عقد حواجبه وبحزم/كنت ناوي اروح بدون ما اقول لك…لكن ما ابي زعلك وقلت اروح برضاك عشان ربي ييسرها لي …يـبه انت عندك عيال وتعرف كيف شعور الرجال اللي بدون عيال ولا سند وصالح يحتاجني واعتبر روحتي له تكفير عن ذنب موت ولده اللي في رقبتك عبدالرحمن بحرقه/كفرت عنها 16سنه من عمرك بجاد/وهذا انا عندك ورجعت لك وهو اللي انحرم عمره كله عبدالرحمن بتعجب /بعد كل شي سواه فيك بترجع تبره ؟ بجاد حرك كتوفه /لأني ما عمري اعتبرته غير ابوي على شينه وزينه عبدالرحمن تنهد بحراره/انت تدري اني ما اقدر امنعك انت الحين رجال وش كبرك ويعتمد عليك لكن نكون على وعدك و وعد الحر دين يا بجاد بجاد/ عارف اللي تبيه وهو اني ارجع نسبي لك ونقول لًـ امي اني ولدها صح عبدالرحمن هز راسه بـ ايه/و تكمل جامعتك بجاد/اوعدك ——-