فصل 18.19.20 والاخير
*_؛ࢪوايــةة:جبـروت آلحـــب🖤🍒_*
✧✧
>
*═════ ♪『 🖤🍒♪ ═════*
*🍒🖤Part 18 🖤🍒*
*🍒🖤Part 19 🖤🍒*
*🍒🖤Part 20🖤🍒*
الحلقه الثامنه عشر
يوم خطوبه فرح وخالد
بعد إصرار ساره انها تروح ل فرح عشان تكون جنبها ورفض يوسف وخوفه انها تنهي تانى اضطر انه يوافق بعد زنها الكتير ووصلها الفيلا عند فرح اللى كانت قاعده مستنيه ساره،الكوافيره جت ل فرح الفيلا وبدئوا يومهم للتجهيز للخطوبه باليل
وجه معاد ان فرح تخرج من اوضتها عشان خالد اللى مستنيها بقاله ساعه تقريبا وهى مش راضيه تخرج عشان مجبلهاش شيكولاته
خالد:يلا يافرح اخرجى انا تعبت من الوقفه
فرح:لا مش هخرج ومش هنزل معاك عشان نسيت تجبلى الشيكولاته اللى بحبها
خالد:طب ننزل دلوقتى واوعدك بكره اجيبلك مصنع شيكولاته
يوسف وصل بعد ما اتصل بيه خالد وطلب منه يجيب معاه شيكولاته
يوسف:الشيكولاته اهيه ياعم ربنا يعينك على خطيبتك دى هتطلع عينك
خالد:هى لسه هتطلع عينى هى طلعتها خلاص
فرح:بتقول حاجه ياخالد؟!
خالد:ولا حاجه يا حبيبتى اخرجى بقا انا جبتلك الشيكولاته
فرح:بجد ؟! طب ارميها من تحت الباب
خالد:حاضر
خالد رمى الشيكولاته من تحت الباب وفرح خدتها بسرعه وفتحتها وقعدت تأكلها وانا خلصت فتحت الباب،طبعا خالد انبهر بشكلها الرقيق وفستانها اللى كان الأحمر وتسريحتها البسيطه
فرح:انت هتفضل واقف تتفرج كدا كتير ؟! ادخل تانى يعنى؟
خالد:لا ياستى انتى ماصدقتى،دا انتى ذلانى هنا ساعه والمعازيم بدائوا يزهقوا
خالد خد فرح ونزلوا الحفله اللى فى الجنينه واتبقى يوسف وساره اللى نزلوا مع بعض،يوسف طلع شيكولاته
يوسف:اكيد بتحبيها،مفيش بنت مش بتحب الشيكولاته
ساره:بحبها اووى،هاتها بقا
يوسف:هديهالك بس تدينى حته
ساره بضحك:لا انا هكلها لوحدى
يوسف:طب خدي اهيه اما اشوف هتكليها ازاى لوحدك
ساره:هاتها وملكش دعوه
ساره خدت الشيكولاته وقعدت تأكلها واتبقت حته صغيره ادتها
ساره:صعبت عليا قولت اسيبلك حته
يوسف:مش عارف والله اودى كرمك ده فين ، مش شايفه انها كبيره اوى
ساره:لو مش عجباك هاتها أكلها
يوسف:لا عجبانى، كفايه انها منك
ساره:طب انا هروح اشوف فرح عاوزه ايه
مشيت ساره ويوسف لقى لارا جايه ناحيته ووراها فادى
لارا:ما تحوش صحبك عنى يايوسف
يوسف:عملتلها ايه يازفت
فادى:والله معملتهاش حاجه دا انا قولتلها ترقص معايا بس
لارا:وأنا قولتلك لأ اغنيهالك يعنى
يوسف:سيبها براحتها يافادى وبطل ترخم عليها
فادى مشى ولارا فصلت واقفه مع يوسف لحد ما رجعت ساره
يوسف:ماتيجى نرقص ياساره
ساره:لا يا يوسف مش عاوزه
لارا:تعالى ارقص معايا يا جو لو مش هيضيقك طبعا ياساره
ساره:لا طبعا مش هيضيقنى قوموا ارقصوا
قاموا رقصوا وساره راحت وقفت جنب فرح
خلصوا رقص وراحوا ل ساره
لارا:يلا بقا انا هتضطر امشى دلوقتى عشان الحق اسافر
ساره:انتى هترجعى اسكندريه دلوقتى
لارا:ااه هرجع عشان ورايا شغل كتير،ابقى خلى بالك من جو احسن دا غالى عليا اوى
ساره:هو بيعرف يخلى باله من نفسه كويس
لارا:طب انا همشى بقا،بااااى
خرجت لارا من الحفله وراحت عشان تركب عربيتها،اللى مرضيتش تدور
لارا:طب اعمل ايه دلوقتى انا كده هتأخر
فادى:الجميل واقف ليه؟
لارا:وانت مالك
فادى:واضح ان العربيه عطلانه،مش محتاجه مساعده
لارا:ياريت تشوفلى حد يصلحها
فادى:للأسف مفيش هنا حد يصلحه،قوليلى رايحه فين وانا اوصلك
لارا: انا كنت هروح الفيلا اخد شنطتى وارجع عربيه اونكل هشام واخد عرفينى واسافر
فادى:طب تعالى اوصلك
لارا:وهتسيب الحفله وفرح؟
فادى:متقلقيش فرح مش لوحدها معاها خطيبها وبابا وماما وساره ويوسف كلهم حوليها
لارا:طب وعربيه اونكل هشام
فادى:هصلحها بكره وارجعها الفيلا،هتركبى ولا ارجع فى كلامى
لارا ركبت مع فادى وراحت الفيلا خدت شنطتها وسافرت وفادى رجع الحفله اللى كانت خلصت
يوسف وساره روحوا على الفيلا ويوسف نام فى اوضه تانيه بعد ما كان اتعود ان ساره تكون قريبه منه وتكون آخر حاجه شافها قبل ما ينام
جه تانى يوم ويوسف صحى على صوت خبط على باب الاوضه فتح ولقاها ساره وكانت ميته من العياط
ساره:الحقنى يا يوسف ماما تعبانه اوى
يوسف:طب هى فين؟
ساره:بابا لسه مكلمنى وقالى انها تعبانه فى البيت وعاوزه تشوفنى
يوسف:طب روحى البسى عشان نروحلها
ساره لبست ويوسف كمان وراحوا البيت عند اهل ساره،ساره دخلت بتجرى
ساره:ماما مالها يابابا
محمد:متقلقيش يابنتى امك كويسه الحمد لله هو الضغط كان عالى شويه
ساره:انتى كويسه ياماما
ام ساره:انا كويسه الحمد لله يابنتى متقلقيش عليا
يوسف:الف سلامه عليكى ياطنط
ام ساره:الله يسلمك يابنى
ساره:انا هقعد مع ماما كام يوم عشان اتطمن عليها
يوسف:ماشى ياساره اقعدى لحد ما تطمنى على طنط
رجع يوسف الفيلا من غير ساره معقول هيقدر يستحمل غياب ساره حبيبته عنه كام يوم ما طول الليل معرفش ينام عشان بعيد عنه معقول يقعد فى البيت وقلبه فى حته تانيه
عدت الأيام وام ساره صحتها اتحسنت وبقت احسن ، لكن ساره رفضت انها ترجع الفيلا مع يوسف بالرغم من محاولاته الكتير انه يقنعها انها ترجع معاه الفيلا، وبالرغم من إصرار اهل ساره انها ترجع بيتها مع جوزها إلا انها كانت دايما بترفض ل سبب محدش عارفه
مر شهر وساره لسه قاعده عند اهلها ويوسف كل يوم بيعدى بيشتاقلها اكتر وبيشتاق لضحكتها وشقوتها وهزارها بيشتاق ل وجودها جنبه بيشتاق ل ريحتها
راح يحاول تانى انه يقنع ساره انها ترجع معاه،وصل البيت ودخل وطلب من ابو ساره أنه يقعد معاها
يوسف:مش كفايه المده دى كلها ياساره قاعده هنا مش جه الوقت انك ترجعى
ساره:...............
يوسف:كدا اهلك هيشكوا ان فيه حاجه غلط فى علاقتنا
ساره:..........
يوسف:طب انتى ساكته ليه انا زعلتك فى حاجه
ساره:طلقنى يا يوسف
يوسف:اطلقك؟!بس احنا مكملناش 3 شهور متجوزين ،وبعدين مش احنا اتفقنا اننا نقعد سنه
ساره:انا بقول المده دى كفايه اوى وكفايه لحد كده،طلقنى عشان كل واحد يشوف مستقبله
يوسف:مش هطلقك يا ساره ولو كان آخر يوم فى عمرى
ساره: وأنا مش عاوزه اعيش معاك اكتر من كده
يوسف نصر وسابها،خرج متعصب جدا وساق العربيه بسرعه جنونيه لدرجه انه كان هيعمل أكتر من حادثه ،فضل اسبوع قاعد فى البيت بيفكر فى كلام ساره
لحد ما فى يوم اتصل على محمد
يوسف:الو ياعمى
محمد:الو يابنى
يوسف:لوسمحت ياعمى انا عاوز اقابلك عشان اكلمك فى موضوع
محمد:حاضر يا بنى هخلص شعبى واجيلك الشركه الساعه2
يوسف:وأنا مستنيك ياعمى
الساعه جت 2 ومحمد وصل الشركه عن يوسف وقعدوا مع بعض فى المكتب
يوسف:طبعا ياعمى اكيد ساره بلغتك بقرارها
محمد:ااه قالتلى،انا مش عارف هى مصممه على الطلاق ليه
يوسف:ولا انا والله ياعمى
محمد:خلاص يا بنى كل شئ قسمه ونصيب
يوسف:انا عندى فكره تربطها وفى نفس الوقت مش هطلقها
محمد:وده ازاى؟!
يوسف:حضرتك هتقولها انى طلقتها وتريحها بس انا مش هطلقها وهتفضل مراتى
محمد:بس كدا غلط يا بنى
يوسف:يعنى يرضيك نطلق ياعمى واحنا لسه متجوزين
محمد:لاطبعا ميرضنيش
يوسف:خلاص ننفذ اللى اتفقنا عليه
رجع محمد البيت وقال ل ساره ان يوسف طلقها ، علامات الحزن ظهرت على وشها و دخلت اوضتها عشان متبينش لحد
عدت الأيام وجه معاد الامتحانات النهائيه وراحت ساره الكليه وده كان اول مره تخرج فيها من البيت بعد ما اتطلقت من يوسف
خلصت ايام الامتحانات وبعد اخر امتحان
فرح:عرفتى ان يوسف هيسافر فرنسا
ساره:بجد؟!هيسافر امتا؟
فرح:بكره تقريبا
ساره:ربنا يوفقه
فرح:مش عاوزه تودعيه
ساره:اكيد مش هلحق
فرح:هو عموما جاى مع فادى كمان شويه عشان ياخدونى عشان عربيتى فى الصيانه،تقريبا وصلوا هناك أهم
يوسف وفادى وصلوا المكان اللى واقفين فيه فرح وساره
يوسف:ازيك ياساره
ساره:الحمد لله، عرفت انك مسافر بكره
يوسف:اه هسافر فرنسا وبفكر استقر هناك
ساره:توصل بالسلامه خلى بالك من نفسك
يوسف:وانتى كمان خلى بالك من نفسك
الحلقه الثامنه عشر
يوسف سافر تانى يوم وهو سايب قلبه مع ساره فى مصر كان بيتمنى انها تمنعه وتقوله متسافرش لكن مقلتش هى فعلا محبتوش ولا حبته بس لسه معرفتش
اكيد الفراق هيخليها تعرف قيمته بالنسبالها ،تعرف انها بتحبه وبتحب وجوده،قلبها مبقاش يدق ل قاسم بقا بيدق ب اسم واحد بس يوسف
عدت 3 سنين
ويوسف كل يوم شوقه بيزيد ل ساره ، بيتمنى يشوفها ويسمع صوتها وضحكتها نفسه يشوف لمعه عنيها وهى فرحانه،كل يوم يبص على موبيله يتمنى أن ساره تتصل بيه تقوله ارجع وحشتنى لكن انتظاره كان بيطول
كان دايما بيطمن على أخبارها من فرح اللى كانت بتعمله تقرير يومى ب أخبار ساره
وبتمر الأيام وساره وفرح يخلصوا آخر سنه فى الكليه ويتخرجوا بتقدير امتياز
ساره دورت على شغل كتير لحد ما اتقبلت فى شركه وأثبتت شطارتها وبقت من أهم المهندسين فى الشركه
فرح كانت مهتمه بتجهيز الفيلا اللى هتتجوز فيها،والتجهيز للفرح اللى مستنياه بقالها 3سنين
جه يوم الفرح وساره كالعاده كانت مع فرح صحبة عمرها فى أهم يوم فى حياتها ،و خالد وصل عشان ياخد فرح
خالد:انا عملت حسابى وجبتلك شيكولاته كتير عشان متعمليش زى ماعملتى فيا فى الخطوبه
فرح: هههههههههه .... دا انت قلبك اسود اوى لسه فاكر
خالد وفرح نزلوا القاعه فرح كانت حلوه جدا فى الفستان الأبيض ومكياج رقيق كانت طالعه شبه الملكه وخالد فى بدلته وشعره الاسود وعيونه السودا اللى بتلمع من الفرحه كان انيق جداا
كان الفرح ممتع
ساره كانت لابسه فستان وردى قصير ومنفوش من اول الوسط وعامله تسريحه رقيقه وميك اب أرق كانت شبه الأميرات اللى فى الكارتون
بفقراته وساره كانت فرحانه ب فرح وخالد وافتكرت يوم فرحها هى ويوسف واللى عملته فيه وضحكت ونزلت من عينيها دمعه غصب عنها مسحتها وراحت الحمام
قعدت جوه شويه كانت بتعيط وغسلت وشها وظبطت مكياجها وخرجت ولكن تكون الصدفه بخروج ساره وهى مش واخده بالها من اللى حواليها ودخول يوسف بسرعه عشان يروح يشوف ساره
لحد ما ساره خرجت فى حد وهى مش واخده بالها وكانت هتقع لكن هو لحقها بسرعه وشدها
ساره قامت وقفت وهى مبصتش للى خبطت فيه
ساره بعصبيه:مش تاخد بالك
يوسف:انتى هتفضلى دايما تخبطى فيا وتقوليلى خد بالك
ساره بدهشه:يوسف!!! انت رجعت امتا؟!
يوسف:رجعت امبارح عشان أحضر الفرح
ساره بحزن:يعنى هتسافر تانى
يوسف:لا مبقتش قادر ابعد اكتر من كده خلاص هقعد هنا
ساره:اخبارك ايه؟!كنت بتعمل ايه كل السنين ديه؟!
يوسف:يهمك اوى،دا انتى حتى مفكرتيش تتصلى وتسألى عليا ولا كأننا كنا صحاب
ساره:ما انت كمان مكنتش بتتصل
الاتنين قالوا فى صوت واحد
يوسف:فكرتك نسيتينى
ساره:فكرتك نستنى
يوسف:لسه بنفكر زى بعض
ساره:طب مش يلا ندخل الفرح
يوسف:يلا بينا
دخلوا القاعه ويوسف راح بارك ل خالد وفرح
ساره فضلت واقفه مع يوسف لحد ما لقت جت
لارا:سااااره How are you
ساره:تمام الحمد لله
لارا:بقالى كتير مشوفتكيش،عملتى ايه فى المده ديه
ساره:اتخرجت ودلوقتى بشتغل فى شركه.........
لارا:مش قصدى شغل،يعنى محبتيش حد كده ولا كده؟!
ساره:انا مبفكرش فى الموضوع ده
لارا:مش تباركيلنا انا ويوسف اتخطبنا
ساره:الف مبروك
لارا:الله يبارك فيكى عقبالك
ساره:طب هستاذن انا بقا
يوسف:خليكى شويه
ساره:كفايه كده اسيبك مع خطيبتك بقا
خلص الفرح اللى كانت ساره دخلاه وهى فى قمه سعادتها وخارجه منه وهى فى قمه تعاستها
فرح وخالد سفروا يقضوا شهر العسل
وساره كانت قاعده فى البيت طول ما فرح كانت مسافره وكانت واخده اجازه من الشغل
لما فرح رجعت وعرفت الحاله اللى ساره فيها وأنها مبتخرجش ولا بتروح الشغل من بعد الفرح قررت تروحلها
فرح:مالك ياساره
ساره:مفيش يافرح انا كويسه
فرح:احكيلى اللى مضايقك يا حبيبتى احنا طول عمرنا اخوات وبنحكى كل حاجه ل بعض
ساره بعياط:يوسف رجع يافرح
فرح:ودا سبب يخليكى تزعلى
ساره:انا فرحت اوى لما شوفته كان وحشنى اوى يافرح انا كل يوم كنت بمسك التليفون عشان اتصل بيه وبتراجع فى آخر لحظه
فرح:وايه اللى بيخليكى تتراجعى
ساره:عشان معلقوش بيا اكتر من كده يوسف يستحق واحده احسن منى واحده تحبه بكل قلبها مش واحده حول قلبها حرب بين قاسم ويوسف،واحده تعيشه فى سعاده مش التعاسه اللى كان عايش فيها معايا،انا طلبت منه الطلاق عشان كده عاوزه اشوفه سعيد مع واحده بتحبه وهو بيحبها
فرح:بس يوسف كان بيحبك ياساره
ساره:كان يافرح كان، خلاص هو دلوقتى خطب لارا وهيتجوزوا قريب وهيكون سعيد فى حياته
فرح:وايه اللى خلاكى متأكده أنه هيكون سعيد؟
ساره:عشان لارا بتحبه وهتخليه يعيش فى السعاده اللى انا مقدرتش اعيشه فيها
فرح:بس انتى بتحبيه ياساره
ساره:بس مش هقدر اسعده
فرح:انتى كده هتظلمى نفسك
ساره:انا خلاص هبص قدامى واشوف مستقبلى وهنزل شغلى من بكره عشان مفمرش فيه،واوعدينى يافرح يوسف ميعرفش ب حاجه
فرح: وعد
ساره هتستسلم من اول حاجه واجهت حبها وهتسيبه وهتبص لمستقبلها
ساره راحت تانى يوم الشغل واستلمت مشروع كبير وفيه شركتين كمان مشاركين فى المشروع ده
الشركه عملت اجتماع عشان المهندسين اللى هيشرفوا على المشروع يتناقشوا مع بعض واللى كانت ساره واحده منهم
ساره دخلت الاجتماع واتفجائت بوجود نادر
نادر:ساره؟!انتى بتشتغلى هنا؟!
ساره:اه ، انا بتعمل ايه هنا؟
نادر:انا شركتى داخله شريكه فى مشروع وانا اللى هشرف عليه بنفسى
ساره:وأنا كمان هشرف على نفس المشروع
نادر:اتبسطى ياستى هنبقا زملاء عمل
ساره:هههههههههههههه
وفجأه لقوا يوسف داخل والشرار هينط من عنيه
مدير الشركه:احب اعرفكم بالشريك الثالث فى المشروع اللى هتشرفوا عليه
قعدوا يتناقشوا فى المشروع ويوسف بيحاول على قد ما يقدر يتصرف على طبيعته لحد ما خلص الاجتماع وخرجوا
يوسف:ساره استنى عندك
ساره:نعم يايوسف محتاج حاجه
يوسف:انتى كنتى واقفه مع نادر ليه؟
ساره:اظن ان ديه حاجه متخصكش
يوسف بعصبيه:بقولك كنتى واقفه معاه ليه؟
ساره:انا مالكش حق تسألني وانا مش هقولك
يوسف:اعتبرى ده تحذير منى يا ساره،لو شوفتك بتكلميه تانى مش هيحصل طيب
ساره:انت بتكلمنى كده ليه ، ألزم حدودك لوسمحت
ساره سابت يوسف ومشيت ونور الغيره مولعه فى قلبه
تفتكروا ظهور نادر ممكن يعمل مشاكل تانى؟! وياترى يوسف هيستسلم ويسيب ساره؟!
#جبروت_الحب💔
جبروت الحب
الحلقه التاسعه عشر
مجرد احساس الغيره على اللى بتحبه ممكن يحرق اللى حوليه ، وكل ما الحب بيزيد كل ما الغيره تزيد اكتر واكتر،ويوسف مش بس بيحب ساره هو بيعشقها حرفيا يوم ما قبلها فى الفرح كان نفسه يخدها فى حضنه يخبيها وسط ضلوعه ويقولها وحشتينى، لما شافها واقفه مع نادر كان عاوز يروح يشدها ويقولها انتى حبيبتى أنا وتقفى معايا أنا وتضحكى ليا أنا، لما سألها كانت واقفه مع نادر ليه وقالتله مالكش حق تسألني كان عاوز يقولها لا ما حقى انتى صحبتى وحبيبتى ومراتى ايوه انا جوزك وهتسمعى كلامى ومش هتقفى معاه تانى
كل الكلام ده فى قلب يوسف ونفسه يطلعه بس مقدرش يقوله ل ساره اللى جرحته بكلامها ووقفتها وضحكها مع نادر ،ايوه جرحته من غير ما تعرف غرست سكاكين فى قلبه ، ولكن للحب جبروته ف بمجرد كلمه حلوه تطيب كل الجروح وينسى كل الغضب
يوسف مشى من الشركه وهو متعصب وبيفكر ازاى يرجع ساره ل حضنه مش عاوز يقولها انه مطلقهاش وأنها مراته ف تعاند أكثر وتطلق منه فعليا ، لازم تعترفله بحبها الأول
عدى يومين ويوسف كان مختفى،وساره كانت كل يوم بتروح الشغل على امل أنها تشوف يوسف اللى كان أسلوبه غريب فى آخر مره قابلها وأول مره يعلى صوته عليها ويزعقلها بالطريقه ديه
ساره قاعده سرحانه فى اللى حصل بينها هو ويوسف آخر مره ،قطع تفكيرها دخول المدير
المدير:ساره جهزى نفسك عشان تسافرى بكره
ساره:اسافر فين؟!
المدير:هتسافرى شرم عشان تشوفوا موقع المشروع هناك وتعينوا التنفيذ
ساره:بس احنا بتعمل التصميم بس من امتا بنسافر عشان نشوف التنفيذ؟
المدير: أستاذ يوسف طلب كده،وأستاذ نادر وافق ومكنش ينفع أرفض
ساره:بس انا مينفعش اسافر
المدير:احنا معندناش ينفع ولا مينفعش انا تسافرى او تعتذرى عن المشروع وتديه ل اى حد من زمايلك
ساره قعدت تفكر تعتذر عن المشروع بس دا اهم مشروع مسكته وهتثبت نفسها بيه،طب تسافر بس هتسافر ازاى لوحدها.....
وأخيرا قررت انها تسافر ومتقلقش من حاجه عشان يوسف هيكون معاها
بلغت مديرها انها هتسافر وجهزت نفسها، وراحت تانى يوم المطار وقابلت يوسف هناك
ساره:ازيك يايوسف
يوسف:الحمد لله،وانتى عامله ايه؟ولا ماليش حق اسأل؟
ساره:انت قلبك اسود اوى،هتزعل على كلام قولته وانا متعصبه؟
يوسف:ساعات الكلام ده هو اللى بيخرج من قلبنا
ساره:خلاص ياجو بقا متزعلش
يوسف: لا زعلان
ساره:طب اعملك ايه عشان متزعلش
يوسف:هقولك بس مش دلوقت
ساره:نادر لسه مجاش؟
يوسف:اعتذر وقال هيجى بكره
ساره:طب يلا عشان منتاخرش على الطياره
يوسف وساره سافروا ووصلوا الفندق اللى ساره اتفجائت انا نفس الفندق اللى قعدوا فيه فى شهر العسل
ساره:دا نفس الفندق اللى كنت فيه فى شهر العسل
يوسف:اه هو الصراحه عجبنى اوى وقررت احجز فيه وحجزتلى نفس الاوضه وحجزتلك الاوضه اللى جنبى
طلعوا الاوض واستريحوا ،ساره لقت حد بيخبط على الاوضه وانا فتحت لقته يوسف
يوسف:يلا غيرى هدومك بسرعه
ساره:اغير هدومى ليه
يوسف:مش قولتيلى اعملك ايه عشان متزعلش وانا قولتلك هقولك بعدين،يلا بقا نفذى وخشى غيرى هدومك وانزلى هتلاقينى مستنيكى تحت فى الرسيبشين،يلا باى
يوسف نزل وساب ساره تجهز مكنتش عارفه تلبس ايه واخيرا اختارت فستان اسود فرح كانت حطاهولها فى الشنطه وهى بتجهزها معاها
فلاش باك
فرح:حلو اوى الفستان الأسود ده ياساره مبتلبسهوش ليه
ساره: اشتريته من اسبوع ومفيش وقت البسه
فرح:خديه معاكى يمكن تلبسيه هناك
ساره:البس ايه بس بقولك مسافره شغل مش راحه اتفسح
فرح:خديه مش هتخسرى حاجه،ولو لبستيه ابقى اتصورى بيه وابعتيلى الصور
نرجع تانى للوقت الحالى
ساره:ادينى هلبسه يافرح
ساره لبست ونزلت ل يوسف اللى كان مستنيها تحت
يوسف:بقا اسافر كام سنه ارجع الاقيكى اتغيرتى كده
ساره:اتغيرت ازاى يعنى؟
يوسف:راح فين البناطيل المقطعه والتيشيرتات الولادى والاستيل اللى كنتى مجننانى بيه
ساره:ياااه دى كانت ايام وراحت ل حالها
يوسف:طب يلا بينا
ساره: هنروح فين
يوسف:محضرلك مفجأه
طلعت مع يوسف بره وأول ما ركبوا العربيه يوسف ربط عين ساره
ساره:انت بتربط عينى ليه؟اوعى تكون خاطفنى؟
يوسف:خاطفك ايه بس انتى هتلبسينى مصيبه
ساره:طب احنا رايحين فين
يوسف:هتعرفى كمان شويه
وصلوا ويوسف نزل فتح الباب ل ساره ونزلها
ساره:احنا فين؟!انا سامعه صوت اغانى
يوسف:ثوانى وهتعرفى كل حاجه
يوسف فك الرابطه اللى على عين ساره اللى اول مافتحت بطريقه تلقائيه حضنت يوسف اللى ماصدق وحضنها هو كمان،وبعد ما استوعبت اللى عملته بعدت بسرعه
ساره بأحراج:انا اسفه الفرحه نسيتنى نفسى
يوسف:ولا يهمك،يلا ندخل الحفله
يوسف كان واخدها ل نفس المكان اللى راحوا عملوا فيه سفارى فى شهر العسل عشان يحضروا الحفله البدويه
ساره كانت فرحانه اوى ويوسف كان قاعد مراقب ضحكتها وفرحتها ولمعه عنيها ويفتكر لما حضنته مكنش عاوز يسيبها تبعد عنه تانى
خلصت الحفله ورجعوا الفندق وكل واحد راح اوضته
ساره فضلت طول الليل تلوم نفسها على اللى عملته وقررت انها تبعد عن يوسف لا انه خلاص مبقاش من حقها تبقا قريبه منه
جه تانى يوم ونادر كان وصل من بدرى وراح خبط على ساره اللى لقاها جاهزه عشان تروح موقع المشروع وراحوا يخبطوا على يوسف كان لسه نايم مردش عليهم ف قرروا انهم يروحوا الموقع ويوسف لما يصحى يبقا يروحلهم ومشيوا
يوسف صحى ولبس وراح يخيط على ساره انا مرديتش اتصل بيها
يوسف :الو ياساره انتى فين
ساره:انا فى الموقع
يوسف:وروحتى ازاى
ساره:نادر وصل الصبح بدرى ورحت معاه،انا فين
يوسف:انا جاى اهوه
يوسف ركب عربيته وراح على الموقع واول ما وصل شاف ساره واقفه مع نادر بتضحك جدا
يوسف:مستنتنيش ليه ياساره
نادر:احنا خبطنا عليك كتير وانا مرديتش قولنا نسيبك نايم
يوسف:انا وجهتلك كلام انا بكلم ساره انت مالك انت
ساره:خلاص يايوسف الموضوع مش مستاهل كل ده
يوسف:لا مستاهل لما تسيبينى نايم على ودانى فى الفندق وانتى واقفه هنا بتضحكى وتتمرقعى مع الأستاذ يبقا لازم اكبره
ساره:لا كدا كتير بقا،انا سكتالك من بدرى وانت عمال تغلط واقول هيسكت لكن لحد تتمرقعى ديه وتلتزم حدودك اذا كنا أصحاب ف ده خارج نطاق الشغل ومن دلوقتى التعامل بينا رسمى اى أوامر تانى
يوسف:انتى بتقوليلى انا كده ماشى ياساره انا مش هرد عليكى دلوقتى ، وانت مشوفكش واقف معاها تانى
نادر:انت بتدخل الشغل فى المشاكل الشخصيه ليه، عموما اذا كنت عملت مشاكل زمان ف انا اعتذرت ل ساره وسامحتنى انت ايه اللى مضيقك
يوسف:وانتى سامحتيه ياساره؟
ساره:اه سامحته زى ماسمحت غيره واظن انت عارف ، وبعد كده اسمى المهندسه ساره
يوسف سابهم ومشى وراح على الفندق وكان فى حاله هستيريا وبيكسر فى كل حاجه فى الاوضه
يوسف:انا تقولى الزم حدودك وواقفه تتمرقع مع الكلب اللى اسمه نادر لا وكمان سمحته ، وتقولى اقولها المهندسه ساره،دا انا اكسر دماغها
عدى 3 ايام وساره بتعامل يوسف بطريقه رسميه جدا ويوسف متغاظ من تغيرها معاه وحاول كتير يعتذرلها لكن مكنتش بتقبل اعتذاره
هتقبله ازاى وهو كل شويه يغلط وعاوزها تسامحه بكل سهوله لأ مش كل مره هتقدر تسامح
وفى يوم ساره قاعده فى الاوضه لقت فرح بتتصل عليها
فرح:الحقينى ياساره
ساره:فى ايه يا فرح
فرح:خالد طلع مأمورية خطيره جدا والمفروض يكون خلصها وبتصل عليه مبيردش
ساره:اهدى يافرح اكيد نسى التليفون فى حته
فرح:مش عارفه يا ساره انا قلقانه اوى
ساره:متقلقيش انا هم هحجز على اول طياره نازله القاهره وهجيلك
ساره حجزت تذكره طيران وجهزت شنطتها ونزلت تركب عشان تروح المطار،يوسف شافها واقفه عند بوابه الفندق وماسكه شنطه
يوسف:انتى راجع فين؟وواخده شنطتك ليه؟
ساره:........
يوسف:انا اكلمك ردى عليا
ساره:راحه المطار استريحت
يوسف:احنا المفروض نرجع بكره ايه اللى موديكى دلوقتى
ساره:انا حجزت تذكره على الطياره اللى هتسافر كمان شويه ولازم امشى
يوسف:طب تعالى اوصلك
ساره:لا شكرا انا طالبه تاكسى
التاكسى وصل وساره ركبت من غير ما تكلم يوسف او تقوله سلام حتى وراحت ركبت الطياره ونزلت الطياره
تفتكروا يوسف هيخلى ساره تسامحه ازاى ؟! وياترى خالد مبيردش على التليفون ليه؟!
تابعوا
#جبروت_الحب💔
/
جبروت الحب
الحلقه العشرون (الاخيرة)
ساره رجعت القاهرة وراحت ل فرح ، خبطت على الباب وفادى فتحلها
فادى بدهشه:ساره!..انتى جيتى امتا؟
ساره:لسه واصله ،فرح فين؟
فادى:قاعده جوا مموته نفسها من العياط
ساره:طب وخالد لسه مردش ولا عرفتوا عنه أخبار
فادى:لا لسه
لسه مكملتش كلامهم لقوا خالد داخل عليهم وأيده مربوطه،فرح اول ما شافته اغمى عليها
فوقوها وطلبولها الدكتور
الدكتور:الف مبروك يافندم المدام حامل
خالد:بجد يا دكتور يعنى انا هكون بابا
ساره:بابا ايه بس بالاصابه اللى فى ايدك ديه
خالد: اتلمى يابت ،لينا حساب لما نكون لوحدنا
الدكتور مشى بعد ما طمنهم على فرح وقالهم انها متتعبش نفسها ويفضل الراحه التامه خلال الفتره ديه
فرح:سلامتك ياقلبى ايه اللى عمل فيك كده
خالد: دى رصاصه بسيطه جت فى ايدى واحنا بنهجم والموبيل ضاع
ساره:امال ظابط وجامد بقا وفى الاخر تتصاب خلاص كسفتنا قدام الناس،يافضحتك ياساره ابن خالك اللى كنتى بتتفشخرى بيه بقا مصاب
خالد:متبقيش تتفشخرى بيا تانى ياختى،بدل متقوليلى الف سلامه ولا مبروك
ساره:مبروك يا اسطا هتبقا أب
خالد:يا اسطا ! انتى بتكلمى سواق تاكسى يابنتى وبعدين فى بنت بتقول يا اسطا
ساره:مضيقاك يا اسطا طب يا اسطا يا اسطا يا اسطا
فرح:يابنتى سبيه فى حاله بقا اكيد راجع تعبان
خالد:انا هموت من التعب والله
فرح:طب انا هقوم اجهزلك الاكل
خالد:لا ياحبيبتى خليكى مستريحه هجهزه انا
ساره:هو المسلسل التركى ده هيفضل شغال كتير ؟ طب راعوا شعورى انا والغلبان اللى واقف جنبى ده
فادى:عندك حق والله ياساره
خالد:وايه اللى مواقفكم هنا اصلا يلا روحوا جهزوا الأكل على ما اغير هدومى واجى
ساره:تمام يافندم
راحوا يجهزوا الاكل وشويه والباب خبط ساره بتفتح لقته يوسف
فادى:يابنى قولتلك مش ضرورى تيجى انا هتصرف
يوسف:طمنى وصلتوا ل ايه؟ خالد رد عليكو ولا لسه؟
فادى:لا مردش هو جه شخصيا
خالد:هو انتو عرفتوا الناس كلها ولا ايه؟ كنتو بتدوروا على عيل صغير
يوسف:حمد الله على سلامتك ياخالد،طب استأذن انا بقا
خالد:لا خليك قاعد معانا دا احنا لسه هنحتفل بحمل فرح
يوسف:فرح حامل بجد دا انا لازم اباركلها بقا
فرح:مين بيجيب فى سيرتي
خالد:ايه اللى قومك من السرير يا حبيبتى
فرح:انا مش واخده على القاعده ديه وبعدين متقلقش انا هقعد انا ومش هعمل حاجه
يوسف:وأخيرا هتبقى أم وهتبقى شبه الكوره،فى ام اوزعه كدا
فرح:شايف ياخالد بيقولى ايه
خالد:احلى ام اوزعه فى الدنيا
فرح:انتم بتتريقوا عليا طب والله ل انا قايمه وداخله المطبخ مع فرح عشان انتم رخميين
خالد:تعالى بس متزعليش
فرح:لا ياعم انا داخله
فرح دخلت ل ساره ولقتها واقفه سرحانه
فرح:الجميل سرحان فى ايه
ساره:فى يوسف اللى كل ما اقول انساه الاقيه قدامى كل ما ابعد عنه خطوه القيه بيقرب اكتر كل ما اقول مش لازم ابعد عنه مادام مبقيناش ل بعض نبقا اصحاب يجى هو يبوظ كل حاجه، هو ليه دايما ماشى عكسى،يعنى يحبنى وانا لسه غرقانه فى الجراح من حب قاسم،ولما أتأكد انى بحبه القيه خطب ،لما اقرر ابعد عنه عشان يعيش سعيد الاقيه طالعلى فى الشغل، لما اقرب منه وتقول نرجع صحاب يبعدنى بخناقاته على مواقف تافهه ويجرحنى بكلامه انا تعبت يافرح
فرح:لا دا انتى تقعدى تحكيلى بقا بس بعد ما يمشى
ساره:على اساس انى قاعده ل بعد ما يمشى
فرح:ااه،اتصلى ب عمو وقوليله انك هنا ويبقا يجى ياخدك
ساره:حاضر،هطلع أكلمه فى الجنينه
ساره طلعت تكلم أبوها
بره عند الشباب
فادى:هما بيخترعوا الاكل انا جعان اوى
خالد:انا هقوم اشوفهم
قام خالد وفضل يوسف وفادى قاعدين
يوسف:انا عاوز ادخل الحمام هو فين؟
فادى:مش عارف،دور عليه هتلاقيه هنا ولا هناك
يوسف:أدور عليه؟!ماشى
يوسف راح يدور على الحمام ولمح ساره واقفه بتتكلم فى التليفون سمعها بتقول
ساره:لا انا لسه واصله من شويه
محمد:وحشتينى يابنتى
ساره:وانت كمان وحشتينى اوى يا حبيبى
محمد:طب ساعه كده وهاجى اخدك
ساره:تمام مستنياك كمان ساعه
طبعا يوسف كان سامع ساره بس ومكنش عارف هى بتكلم مين ، دخل مصدوم بعد كل اللى سمعه وهو ماشى خبط فى خالد
خالد:ايه يا بنى ماشى كده ليه
فادى:عرفه الحمام فين احسن كان بيدور عليه
خالد:طب تعالى معايا
يوسف:هه........ حاضر
يوسف دخل الحمام وكان كلام ساره كل شويه يتكرر جواه
يوسف ل نفسه"بقا كدا ياساره ، طلعتى بتحبى واحد تانى وأنا زى الاهبل بجرى وراكى على أمل انك ترجعيلى وأعمل مفاجأت وخطط وفى الآخر تطلعى بتحبى واحد غيرى،وياترى بقا مين حبيب القلب،ممكن نادر؟ اه ممكن وليه لا ما كل ما اشوفهم الاقيهم واقفين بيضحكوا ويهزروا، انا هستنى لحد ما اشوف مين ده اللى كانت بتكلمه وبتقله وحشتنى وحبيبى، لازم اعرف مين حبيبك يا ست ساره وبعد ما اعرف هطلقك وهمحيكى من حياتى
يوسف خرج ولقاهم جهزوا السفره وقاعدين
فادى:اهو يوسف خرج يلا ناكل بقا
فرح:مفجوع وفضحنا دايما
ساره:طالع ل اخته..هههههههه
الكل ضحك ما عدا يوسف اللى كان قاعد زعلان ومبيتكلمش مع حد
خلصوا العشاء وقعدوا يتكلموا مع بعض لحد ما موبيل ساره رن وردت قالت"ايوه يا حبيبى انا نازله اهوه"
يوسف فى سره:اهو وصل انا لازم انزل
يوسف:طب استأذن انا يا جماعه
خالد:ما تقعد معانا شويه كمان
يوسف:معلش بقا مره تانيه عشان تعبان شويه
يوسف نزل وراح قعد فى عربيته مستنى يشوف ساره هتركب مع مين
ساره نزلت وركبت فى عربيه سودا ،يوسف فضل ماشى وراهم مراقبهم لحد ما لقى العربيه وقفت عند بيت ساره وساره نزلت وأبوها نزل بعدها
يوسف اتصدم وفرح فى نفس الوقت اول ما شاف ابو ساره نازل من العربيه
لف ورجع على الفيلا ودخل اوضته ورمى نفسه على السرير
يوسف ل نفسه"انا دايما بظلمك ياساره،دايما بشك فيكى،دايما بعملك مشاكل،انا فعلا مستحقكيش انتى تستحقى واحد يثق فيكى مش واحد قلبه مليان بالشك"
جه تانى يوم وساره راحت تسلم تصميم المشروع فى الشركه لقت المواظفين كلهم متجمعين حولين يوسف
يوسف:انتم ياجماعه كلكم معزومين على فرحى الخميس فى الفيلا عندى الجاي
الكل:الف مبروك يافندم
ساره سمعت الكلام ولسه هتمشى بقا يوسف بينادى عليها
يوسف:استنى يابشمهندسه
ساره:محتاج حاجه يا استاذ يوسف
يوسف:انتى طبعا مش محتاجه عزومه،هستناكى فى الفرح
ساره: ان شاء الله والف مبروك
يوسف:الله يبارك فيكى
ساره كانت واقفه صامده ومبينه انه مش فارق معاها حاجه
واول ما مشيت ووصلت البيت فضلت تعيط ، كانت متخيله انها لما تشوف يوسف سعيد فى حياته هتكون سعيده حتى لو بعيد عنها،بس طلعت غلطانه للأسف لانها مش قادره تتخيل انه هيكون ل وحده تانيه ،و زى ما الحب له مميزاته الا أن جروحه كبيره ووجعها اكبر
عدت الأيام وساره زى ما هى فى اوضتها ، شريكتها فى حزنها ودموعها شافت كل جروحها والامها
لحد ما جه يوم الخميس، يوم فرح يوسف،اليوم اللى هتبعد فيه عن يوسف للأبد
ساره لبست احلى فستان عندها وسابت شعرها مفرود على ضهرها وكانت جميله جدا،لازم تكون جميله فى آخر مره هيشوفها فيها يوسف واتصلت ب فرح وقالتلها تعدى عليها مع خالد عشان تروح معاهم الفرح
فرح وخالد وصلوا وساره نزلت وركبت معاهم
فرح:انتى متأكده ياساره من اللى بتعمليه ده
ساره:انا عمرى ما عملت حاجه وانا مقتنعه بيها قد دلوقتى
فرح:براحتك ياحبيبتى،أو حسيتى انك مضايقه فى اى وقت قوليلى واحنا نمشى
راحوا الفرح وأول ما وصلوا ساره راحت سلمت عليهم
ساره:الف مبروك يايوسف
وسف:الله يبارك فيكى...ساره انتى كويسه
ساره:انا كويسه متقلقش
لفت بسرعه عشان تمشى قبل ما دموعها تنزل وتقول كل اللى فى قلبها بس فجأه النور انقطع والنور كله اتسلطت على يوسف اللى كان واقف على البيست وماسك المايك
يوسف:ساره استنى انا عارف انك لسه هنا متمشيش ارجوكى
انا حابب احكيلكم حكايه النهارده انا فى يوم من الايام قبلت بنت اول موقف بينا كان كارثه بس لقيتها مختلفه عن كل البنات اللى اعرفهم حصلت بينا كام مشكله لحد ما بقينا صحاب بس انا حبيتها بسرعه مش عارف ايه اللى كان بيجذبنى ليها كل يوم بس كنت انانى فى حبى ليها وغصبتها على الجواز ومع الأيام كنت بحس بحبها ليا وانا صارحتها بحبى قالتلى انها مش بتحبنى بس انا كنت متاكد ان النظره اللى فى عينيها نظره حب كل يوم بيعدى كنت بحبها اكتر من اليوم اللى قبله لحد ما جه يوم وطلبت منى الطلاق الدنيا وقتها اسودت فى وشى وكنت حاسس انى بموت معقول بتقولى ابعد عنها هو فيه حد بيسيب روحه فى حد يفكر يعيش من غير قلبه بس انا اتفقت مع باباها وفهمناها ان انا طلقتها وسافرت بعدها يمكن لما ابعد عنها تعرف انها بتحبنى يمكن الفراق يخليها تتأكد من حبها ليابعدت 3سنين ولما رجعت وبمساعدة لارا النهارده اتاكدت انها فعلا مش بتحبنى
ساره:انا فعلا مش بحبك .... انا بعشقك
يوسف:سمعتوا هى فعلا مش بتحبنى هى بتعشقنى
يوسف جرى وحضن ساره حضن قوى كان عاوز يدخلها بين ضلوعه،وشالها وقعد يلف بيها ويقولها بحباااااااك
واتقلب اتعس يوم فى حياه ساره ل اسعد يوم فى حياتها، وفى آخر الفرح يوسف شال ساره وطلع يجرى على الاوضه
ساره:بتعمل ايه يامجنون
يوسف:انا هبقى مجنون فعلا لو استنيت اكتر من كده
دخل الاوضه ونزل ساره وقفل الباب
يوسف:نتوكل على الله بقا
ساره:هتعمل ايه لا استنى
يوسف:استنى ايه تانى حرام عليكى تعبتينى معاكى انا بنى آدم برضو من لحم ودم حرام عليكى ياشيخه انتى معندكيش عيال
ساره: مش لازم نشكر ربنا ونبدء حياتنا بركعتين؟!
يوسف:عندك حق:قومى اتوضى بسرعه وانا هتوضى فى الاوضه التانيه عشان نخلص بسرعه
قام يوسف وساره اتوضو وصلوا ركعتين
يوسف:مش يلا بقا
ساره:يلا ايه لا انا جعانه
يوسف:لا جعانه ايه تعالى بس هفهمك
شالها وحطها على السرير، وعدت اول ليله واسعد ليله فى حياه ساره ويوسف
بعد سنه
فرح خلفت ولد وبنت توائم واخدين منها لون عنيها الاخضر
ولارا وفادى اتجوزوا بعد قصه حب 4 سنين
ساره حامل فى الشهر التانى
ويستمر الحب وجبروته يدخل قلوبنا متى يشاء بدون انذار نقع فيما يسمى الحب
للحب جبروته فى تغيير حياتنا ومن الممكن تغييرنا شخصيا
#جبروت_الحب
تمت