فصل 15.16.17.18
*_؛ࢪوايــةة:جبـروت آلحـــب🖤🍒_* *
*═════ ♪『 🖤🍒♪ ═════*
*🍒🖤Part 15 🖤🍒*
*🍒🖤Part 16 🖤🍒*
*🍒🖤Part 17🖤🍒*
*🍒🖤Part 18 🖤🍒*
الحلقه الخامسه عشر
رجعوا تانى القاهره بعد ما قضوا اجازه شهر العسل واتصلوا باهلهم عرفوهم انهم رجعوا،أهل ساره راحوا يزروها ومعاهم د.هشام وخالد وفرح وفادى
ام ساره:حمد الله على سلامتكم ياحبايبى
د.هشام:القاهره كانت مضلمه من غيركم
محمد:نورتوا بيتكم
يوسف:متشكرين ياجماعه والله انتم واحشتونا اوى
فى المطبخ،كانت ساره وفرح وام ساره
ام ساره:طمنينى يابنتى انتى عامله ايه مع جوزك
ساره:الحمد لله ياماما كويسين
خرجت أم ساره بره
فرح:طمنينى عملتى ايه مع يوسف
ساره:معملتش
فرح:معملتيش؟شكلك عامل مصيبه ومخبيه عليا
ساره:متقلقيش اوى كده معملتش حاجه احنا اتفقنا انى سامحت يوسف ورجعنا صحاب زى الأول
فرح:بجد والله فرحتينى..مكنش لايق عليكم جو القط والفأر ده
بره فى الجنينه واقف فادى ويوسف
فادى:عملت ايه مع ساره؟قولتلها انك بتحبها؟
يوسف:لسه مقولتلهاش بس احنا اتفقنا نرجع صحاب زى الأول وساره سامحتنى
فادى:طب وناوى تعرفها امتا انك بتحبها
يوسف:مش عارف بس هقولها قريب
قعدوا ساعتين وبعدين الكل استأذن ماعدا خالد اللى قال انه عاوز يوسف وساره فى موضوع مهم
خالد:طبعا اكيد عاوزين تعرفوا الموضوع اللى عاوزكم فيه
ساره:أنجز ياخالد وادخل فى الموضوع بلاش المقدمات بتاعتك
خالد:من غير مقدمات كده انا معجب بفرح وعاوز اخطبها
ساره:والكلام ده من امتا دا انت مشوفتهاش غير تلت او اربع مرات
خالد:من اول مره شوفتها معاكى وانا مبفكرش غير فيها وكل ما أشوفها قلبى بيبقا هيطلع من مكانه
يوسف:يعينى يعينى دا انت واقع على الاخر
خالد:ما انت كمان واقع على الاخر ولا فكرنى مش شايفك بتبص لساره ازاى دا انت مشلتش عينك من عليها
يوسف:احم..خليك فى نفسك ياشاطر
خالد:انا دلوقتى عاوزك ياساره تاخدى رأيها فيا بس بطريقه مش مباشره فاهمانى
ساره:عيب عليك بكره التقرير هيكون قدامك
خالد:استأذن انا بقى عشان اسيبكم على راحتكم
خالد مشى واتبقا ساره ويوسف فى البيت
يوسف:دى هتكون أوضتك ياساره
ساره:وانت أوضتك فين
يوسف:انا هنام فى اوضه الأطفال اللى هناك ديه
ساره:تمام.انا هدخل انام تصبح على خير
يوسف:وانتى من اهله
جه تانى يوم ويوسف صحى بدرى ولبس وحضر فطار وحطه على السفره ومشى راح الشغل
صحيت ساره ولقت باب الاوضه بتاعت يوسف مفتوح ومش موجود فضلت تدور عليه ولما ملقتوش اتصلت عليه
ساره:الو يايوسف انت فين؟
يوسف:انا نزلت الشركه كان فى ورق لازم اخلصه وجهزتلك الفطار عندك على السفره
ساره: شكرا يايوسف مكنش لازم تتعب نفسك
يوسف:تعبك راحه
ساره:طب هترجع امتا
يوسف:هرجع كمان ساعتين
قفلت مع يوسف واتصلت بفرح
ساره:صباح الخير يافروحتى
فرح:صباح الجمال ياسوسو
ساره:بقولك يافرح عاوزه أحد رأيك فى موضوع
فرح:قولى ياقلبى
ساره:خالد هيروح يخطب واحده ومش عارف هتقبل ولا لأ تفتكرى هتوافق
فرح بحزن:اه اكيد هتوافق
ساره:طب ما ممكن ترفض
فرح:لأ مستحيل خالد شاب كويس ومحترم وليه مركزه وشكله حلو مفيهوش عيب
ساره:اروح اطمنه بقا
فرح:ربنا يوفقه
قفلت مع فرح واتصلت بخالد
ساره:روح اتقدم يابطل وبقلب جامد
خالد:بجد ياساره يعنى هتوافق عليا
ساره:انتم الاتنين واقعين اصلا
خالد:لو كلامك طلع بجد هعملك اللى انتى عاوزه
قفلت مع خالد وقامت تجهز الغدا،رجع يوسف واتغدوا
يوسف:عاوزك تجهزى الساعه 8عشان هنتعشا برا
ساره:حاضر
الساعه جت 7 وساره جهزت وكانت لابسه فستان بنفسجى طويل وفرده شعرها وكانت جميله جدا ويوسف كان جذاب كالعاده ، نزلوا وراحوا المطعم،دخلت ساره مع يوسف المطعم وكان فاضى مفيهوش غير واحد بيعزف كمانجه وحولين التربيزه اللى قاعدين عليها ورد احمر وجو رومانسى كان مالى المكان قعدوا وطلبوا العشا وبعد ما خلصوا
يوسف:اتبسطتى النهارده
ساره:اه جدا
يوسف:ساره انا عاوز اقولك حاجه
ساره:اتفضل
يوسف:ساره..انا بحبك
ساره:انت بتقول ايه؟!
يوسف بصوت عالى:بحبااااااك
ساره:........
يوسف: ساره انتى ساكته ليه؟!انتى مش فرحانه؟!
ساره:يوسف انا مش عاوزه اجرحك بس انا عارف كويس انى بحب قاسم وقالى مش هيدق لحد غيره
يوسف:قاسم خلاص راح ياساره وانتى كنتى بتحبيه ، بس دلوقتى انتى بتحبينى انا حبك باين فى عنيكى وخوفك عليا
ساره:انا دى طبيعتى انا بخاف على كل اللى حوليا وبقلق عليهم مش معنى كدا انا بحبك انا فهمتنى غلط انا تستاهل واحده احسن منى تحبك
يوسف:دا آخر كلام عندك
ساره:ااه
يوسف:ماشى ياساره انسى كل اللى قولته احنا لسه صحاب مش كدا
ساره:طبعا يايوسف
خلصوا كلامهم وروحوا على الشقه طول الطريق كانوا ساكتين واول ما دخلوا الشقه وكل واحد راح على اوضته من غير مايتكلم خلاص مفيش حاجه يوسف يقولها تانى بعد رفض ساره ل حبه
عند يوسف فى اوضته،يوسف قاعد على سريره بيفكر " هى ساره فعلا مش بتحبنى؟! لا مستحيل انا متأكد أنها بتحبنى بس عقلها رافض يعترف باللى حاسس بيه قلبها انا هخليها تعترفلى بحبها"
عند ساره،كانت برضو قاعده بتفكر "انا مش بحبه لأ، انا هو صاحبة مش اكتر ،قاسم هو اللى دخل قلبى هو حب حياتى ومستحيل حد ياخد مكانه "
ناموا وعدة الليل وطلع نهار تانى يوم وساره صحيت من بدرى ودخلت حضرت الفطار ،يوسف كمان صحى وليس وخرج من اوضته ولقى فرح واقفه بتعمل الفطار فى المطبخ يوسف وقف يراقبها وهى واقفه بتعمل الاكل وبتسمع اغنيه
حبيبى على نياته
كل البنات اخواته
دا مكنش كدا بس انا غيرت كل حياته
يوسف:دا على نياته اوى اقسم بالله
ساره:يوسف!انت صحيت؟!... صباح الخير
يوسف:صباح النور ... ايه اللى مصحيكى بدرى كدا؟
ساره:هروح الكليه عندى محاضره مهمه
يوسف:تمام،خلصى محضرتك واتصلى بيا اجى اخدك
ساره:حاضر
يوسف:انا هنزل اروح الشركه بقا
ساره:مش هتفطر الأول
يوسف:لأ انا هفطر فى المكتب عشان متأخر
نزل يوسف على المكتب وساره راحت الكليه وقابلت فرح هناك بس كانت متغيره قاعده ساكته ومبتتكلمش ولا بتهزر كعادتها
ساره:مالك يابنتى قاعده
فرح:مضيقه شويه
ساره:مضيقه من ايه يافروحتى بس
لسه فرح هترد لقت تليفونها بيرن كان فادى
فادى:انتى هتخلصى امتا يافرح؟
فرح:انا خلصت وقاعده مع ساره شويه وهاجى
فادى:طب متتاخريش بيقولك بابا
فرح:ليه؟!
فادى:عشان فى عريس جاى يتقدملك وبابا عاوزك تكونى موجوده من بدرى عشان تلحقى،يلا بقا سلام
فرح خلصت المكالمه وقعدت تعيط
ساره:مالك يافرح بتعيطى ليه؟!
فرح بعياط:فادى بيقولى متتاخريش عشان فى عريس جايلى باليل والواضح ان بابا موافق عليه
ساره:طب دا انتى المفروض تفرحى مش تعيطى
فرح بتلقائية :بس انا بحب خالد
ساره:بجد يافرح!ومقولتليش ليه؟!مش احنا طول عمرنا صحاب وبنحكى كل حاجه لبعض
فرح:انتى كان عندك مشاكل كتير يافرح ومكنتيش ناقصه احكيلك مصيبتى
ساره:وهو الحب مصيبه يافرح
فرح:اه مصيبه يافرح لما يكون من طرف واحد ، انا حبيت خالد بس هو بيحب غيرى وهيروح يخطبها
ساره بمكر:عندك حق ،كل شئ قسمه ونصيب مش ممكن العريس ده يكون احسن منه
فرح:ربنا يوفقه أهم حاجه يكون سعيد فى حياته
ساره فى سرها "يعينى عليكى يافرح كان نفسى اقولك على الحقيقه بس خالد ممكن يقتلنى عشان عاوز يفجائك"
فادى خلص المكالمه وراح ل يوسف الشركه،وهو داخل خبط فى بنت (لارا حلوه جدا شعرها اصفر وعينيها لونها ازرق تحسها اجنبيه لابسه جيبه سوده عند الركبه وعليها بلوزه بيضاء"سيده أعمال")
لارا:مش تفتح يا اخ
فادى:انا اسف جدا مخدتش بالى ولو كنت خدت بالى كنت خبط فيكى برضو
لارا:افندم!انت قليل الأدب وانا مش هرد على الأشكال ديه
فادى:أشكال ديه ايه يابت انتى..انتى عشان حلوه شويتين هتنططى علينا ولا ايه
لارا:اطلع بره بدل ما انادى للأمن يجى يرموك بره
فادى:يرموا مين ياشاطره ؟ دول هيرموكى انتى..انا مش فاهم يوسف مشغل الأشكال ديه عنده ازاى؟
صوتهم بداء يعلى لحد ما وصل ل يوسف اللى خرج من مكتبه عشان يشوف فى ايه
يوسف:فى ايه ياجماعه صوتكم عالى ليه؟
فادى:انت انتى تشغل عندك ناس كده
لارا:مين دى اللى شغاله عنده،انا اللى مش فاهمه يوسف يعرف الأشكال ديه منين؟
يوسف:اهدوا ياجماعه ،دا فادى صحبى يالارا،ودى لارا بنت خالتى يافادى ،تعال نروح المكتب يافادى وانتى يا لارا روحى مشوارك
فادى دخل المكتب مع يوسف
فادى:معقول دى لارا بنت خالتك،دى اتحولت نهائى ، بس احلوت كتير برضو
يوسف:اتلم ياض
فادى:اسفين ياعم
يوسف:لارا هتساعدينى اخلى ساره تعترفلى بحبها
ياترى لارا هتساعد يوسف ازاى؟ وساره هتعترف انها بتحب يوسف ولا حبها ل قاسم هيمنعها ؟!
#جبروت_الحب💔
جبروت الحب
الحلقه السادسه عشر
يوسف:لارا هتساعدنى اخلى ساره تعترف بحبها ليا
فادى:ازاى يعنى؟!
يوسف:هقولك.....
يوسف قال خطته ل فادى،وبعد ما خلصوا كلام فادى مشى ويوسف اتصل ب ساره
يوسف:الو ياساره خلصتى محضرتك
ساره:ااه خلصت وقاعده مستنياك
يوسف:طب معلش ياساره انا مش هقدر اجى اخدك من الكليه عشان مشغول خلى فرح توصلك الشركه عندى
ساره:خلاص مش مشكله انا هخلى فرح توصلنى على الشقه على طول
يوسف:لا عليها توصلك عندى عشان عاوزك فى موضوع مهم
ساره:حاضر
خلصوا المكالمه وساره طلبت من فرح توصلها ولما وصلت الشركه
السكرتيره:حضرتك عاوزه مين
ساره:عاوزه يوسف
السكرتيره:مستر يوسف مشغول فى اجتماع حاليا اتفضلى انتظريه هنا
ساره قعدت منتظره يوسف ساعتين لحد ماخرج من المكتب
يوسف:ساره..انتى وصلتى امتا؟
ساره:انا قاعده بقالى ساعتين مستنياك
يوسف:ومدخلتيش ليه على طول
ساره:السكرتيره قالتلى انك مشغول فى اجتماع وقالتلى استناك هنا
يوسف للسكرتيره:دى مدام ساره مراتى انا تيجى تدخل فى اى وقت فاهمه ولا لأ
السكرتيره:انا اسفه يافندم
يوسف خد ساره ودخلوا المكتب اللى بهر ساره بشكله وديكوره الحلو جدا
ساره:مكتبك حلو اوى يا يوسف
يوسف:انا اللى عامله على ذوقى
ساره:ذوقك حلو على فكره
يوسف:عارف طبعا، امال انا اخترتك ليه؟
ساره بتحذير:يوسف ... احنا اتفقنا على ايه
يوسف:قصدى اخترتك تبقى صحبتى عشان ذوقى حلو بلاش دماغك تروح شمال
لسه ساره متكلمتش لقت الباب بيتفتح ولارا بتدخل،ساره كانت بتبوصلها وهى مستغربه واتفجائت لما لفت لارا بتحضن يوسف
لارا:جو I miss you
يوسف بصوت واطى:يخربيت تمثيلك يالارا تستاهلى الأوسكار
يوسف بعد عنها عشان ساره متتضايقش
يوسف:والله وانتى كمان وحشانى يالارا ، عامله ايه؟
لارا:goodوانت؟
يوسف:تمام الحمد لله،نسيت اعرفك ياساره دى لارا تبقا شريكتى ومديره الفرع الجديد فى اسكندريه وبنت خالتى،ودى بقا ساره مراتى وشريكه حياتى
ساره:اهلا
لارا:انتى مرات جو بجد؟!انا لما عرفت انه هيتجوز قلت اكيد بنت بمواصفاته الخاصه اللى كان حططها مش شبهك خالص،قوليلى بقا وقعتيه ازاى؟
ساره:وقعته؟لا انتى فاهمه غلط هو اللى جرى ورايا عشان اوافق اتجوزه مش كده ياجو؟
يوسف:اااه طبعا
لارا:طب استأذن بقا عشان عندى مشوار
خرجت لارا وساره فضلت باصه عليها لحد ما اختفت
ساره:يوسف انا عاوزه أسألك سؤال
يوسف فى سره:"بركاتك يا لارا اهى بدائت تسأل وتغير بقا"
يوسف:قولى ياساره
ساره:هو فيه حد فى عيليتكم اجنبى ؟
يوسف بعدم فهم:ازاى يعنى مش فاهم
ساره:اصل بحس انكم أجانب كده مش من هنا خالص
يوسف بخيبه امل: اهااا..جدتى من فرنسا واحنا ورثنا منها الجمال الفرنسى
ساره:ماشى ياعم الفرنساوى،يلا بينا نروح عشان زهقت
يوسف: عاوز اقولك موضوع الأول
ساره:قول ياعم الموضوع اللى صممت اجيلك الشركه عشانه
يوسف:طبعا انتى عارفه ان بابا سافر ، ولارا هتقعد هنا شويه عشان بتعمل مشروع،والمفروض انها هتقعد فى الفيلا وطبعا مينفعش نسيبها تقعد لوحدها لازم نروح نقعد معاها
ساره:خلاص مفيش مشكله نروح نقعد معاها
يوسف:لا لسه فيه مشكله
ساره:ما تخلص يايوسف وقول
يوسف:لارا لازم متعرفش اللى بينا،يعنى لازم نمثل قدامها اننا زوجين سعيدين فى حياتنا وبنحب بعض،هتعرفى ولا هتفضحينا؟
ساره:عيب عليك يا عم دا انا خبيره
يوسف:طب ماشى يا خبيره يلا بينا نروح نجيبلنا هدوم من الشقه ونطلع على الفيلا
ساره:طب بسرعه بقا عشان الحق أجهز احسن خالد عاوزنا نروح معاهم
نزلوا من الشركه وراحوا على الشقه خدوا الهدوم وطلعوا على الفيلا ولما دخلوا مكنش فيه حد ولارا كانت لسه مرجعتش،طلعت ساره عشان تروح الاوضه
يوسف:دى اوضتى ياساره
ساره:حلوه ... فين اوضتى بقا
يوسف:انتى نسيتى اتفقنا ولا ايه؟
ساره:اتفاق ايه؟!
يوسف:انتى جالك زهايمر ولا ايه؟مش احنا اتفقنا اننا هنمثل قدام لارا اننا زوجين سعيدين؟فيه بقا زوجين بيناموا كل واحد فى اوضه؟لا طبعا،يبقا هنام احنا الاتنين فى الاوضه ديه
ساره:يعنى مفيش كل تانى
يوسف:لا ومتقلقيش انا هنام على الكنبه وانتى على السرير زى ما كنا فى شرم
ساره:خلاص تمام
يوسف:هسيبك بقا تلبسى وانا تجهزى انزلى انا هستناكى تحت
ساره قعدت ساعه بتلبس ونزلت (كانت لابسه بنطلون اصفر وعليه تيشيرت ولادى ازرق وشعرها مموج)
يوسف بإستغراب:انتى هتروحى كده؟
ساره:ااه.... ماله كدا مش حلو؟
يوسف:حلو بس هتروحى مع خالد وهو بيخطب بالطقم ده
ساره:دا لسه هيتقدم وبعدين احنا رايحين عند حد غريب هما واخدين على كده
يوسف:انتى جايبه التيشيرت ده منين
ساره:دا عندى بقاله كتير،بتسأل ليه؟
يوسف:اصل عندى واحد شبهه اوعى تكونى خدتيه
ساره:لا ياعم دا بتاعى ،وبعدين معقول ده مقاسك ازاى هيدخل فين بالظبط
يوسف:مش ممكن تكوني ضيقتيه وقصرتيه
ساره: لا دا بتاعى ابقى شوف بتاعك فين
يوسف:طب يلا بينا عشان خالد وصل ونزل رن علينا
ركبوا العربيه وراحوا الفيلا عند فرح ودخلوا قاعدوا مع خالد واهله
خالد بصوت واطى:انتى مش هتبطلى لبسك العجيب ده
يوسف:قولها ياخالد احسن انا حاسس انى متجوز واحد صاحبى
ساره:خليكوا فى حالكوا
خالد:هى فرح اتأخرت كده ليه؟!ماتطلعى تشوفيها ياساره
ساره طلعت ل فرح ولقتها لسه ملبستش وقاعده بتعيط
ساره:فروحتى لسه زعلانه؟!
فرح:ساره؟! انتى ايه اللى جابك؟
ساره:معقول اسيب فروحتى فى يوم زى ده يلا قومى البسى بدل ما انتى سايبه العربي قاعد تحت بقاله كتير
فرح قامت لبست طقم خروج بسيط ورابطه شعرها ديل حصان ونزلت عشان تقابل العريس اللى كان نفسها يرفضها قبل ما هى ترفضه
دخلت وهى شايله صينيه عليها العصير وبتقدمه الموجودين من غير ما تبص فى وشهم وباصه فى الأرض، لحد ما وصلت قدام خالد
خالد:شكرا ياقمر
فرح أول ماسمعت صوت خالد بصتله على طول ومكملتش دقيقه واقفه واامى عليها ، فادى شالها وطلعوها اوضتها وفوقوها وسبوها تستريح، خالد وأسرته ومعاهم يوسف وساره استاذنوا ومشيوا
وبعد ما كل واحد ما روح
خالد فضل سهران طول الليل قلقان على فرح لحد ما اتصل بيها
فرح لقت رقم غريب بيتصل مردتش عليه ولكن بعد اصرار المتصل ردت
فرح:انا مشوفتش حد بالرخامه ديه وبيتصل فى وقت زى ده
خالد:انا اسف انى بتصل دلوقتى بس كنت قلقان عليكى
فرح:خالد! انا اسفه كنت فكراك حد بيعاكس
خالد:ولا يهمك،المهم انتى عامله ايه دلوقتى؟
فرح:الحمد لله احسن
خالد:مكنتش اعرف انك هيغمى عليكى لما تشوفينى،لا اتعودى على كده بقا عشان هتشوفينى كل يوم،انا جاى بكره عشان نحدد معاد الخطوبه
فرح:ومين قالك انى هوافق اصلا؟!
خالد:مش هتوافقى عليا ليه بس؟! دا أنا شاب كويس ومحترم وليه مركزه وشكله حلو ومليش عيوب
فرح:ساره الحيوانه اللى قالتلك
خالد:انا اللى قولتلها متقولكيش ولا تعرفك متزعليش منها
فرح:انا مقدرش ازعل من ساره
خالد:ماشى يا اوزعتى اشوفك بكره
فرح:متقوليش يا اوزعه
خالد:مش عارف هتمشى جنبى ازاى وانتى بطولك ده
فرح:انت اطول تمشى جنبى اصلا،يلا بقا تصبح على خير
خالد:تصبحى على خير يا اوزعتى
خلصت المكالمه وناموا وكل واحد قلبه هينط من الفرحهيوسف وساره وصلوا الفيلا ولقوا لارا قاعده بتتفرج على التلفزيون
لارا:انتو جيتوا تعالوا اقعدوا معايا الفيلمvery nice
يوسف:انا بحب الفيلم ده اووى اقعدى ياساره اتفاجئ معانا
ساره:لا انا هدخل انام عشان تعبانه
ساره لان تنام ويوسف ولارا اتفرجوا على الفيلم
يوسف:بس طلعتى ممثله جامده يالارا
لارا:عشان تعرف قيمتى بس
يوسف:بس كل ده محركش فيها اى حاجه
لارا:متقلقش احنا هنخليها تيجى تقولك بعشقك مش بحبك بس
الحلقه السابعه عشر
عدى الليل وطلع نهار تانى يوم ليعلن بدايه يوم جديد وحب جديد بيكبر كل يوم
ساره صحيت بدرى ولقت يوسف نايم على الكنبه مرضيتش تصحيه ونزلت تحضر فطار،شويه ولارا صحيت
لارا:good morning
ساره:صباح النور
لارا:جو لسه مصحيش
ساره:لا لسه نايم
لارا:طب انا هطلع اصحيه
ساره:تعالى هنا انتى راحه فين؟وتصحيه ليه؟
لارا:هصحيه عشان كدا هنتأخر على الشغل
ساره:خليكى هصحيه انا
يوسف:انا صحيت خلاص
قعدوا التلاته فطروا مع بعض ولارا ركبت عربيتها وطلعت على الشركه
ويوسف وصل ساره للكليه وطلع على الشركه
فى الكليه ساره قابلت فرح وقعدوا يتكلموا شويه
فرح:نادر رجع تانى الكليه بس ايده متجبسه تقريبا كان عامل حادثه
ساره:انا مش عاوزه اشوفه نهائى انا اقوم اروح احسن
لسه ساره بتلف فى طريقها للخروج قابلت نادر اول ماشافته سبته ومشيت وهو راح وراها
نادر:ساره استنى ارجوكى، والله ما هضيقك تانى
ساره:انت عاوز منى ايه يا أخى مش مكفيك اللى عملتهولى
نادر:انا اسف بجد عن اى حاجه عملتها ونفسى تسامحينى
ساره: عاوزنى اسامحك بالسهوله ديه
نادر:انا عارف انى كنت بنى آدم زباله وحقير بس والله من بعد الحادثه اللى عملتها وكنت هموت بسببها وانا توبت وقررت اخلى كل واحد اذيته يسامحنى
ساره:وانا مش هسمحك يانادر وهفضل طول عمرى ادعى عليك
ساره سابت الكليه ومشيت وفرح مشيت وراها
فرح:استنى ياساره انتى رايحه فين
ساره:مش عارفه بس مش قادره اقعد فى الكليه
فرح:خلاص تعالى نروح الفيلا عندنا
ساره:خلاص ماشى بس هتصل الأول ب يوسف عشان يبقى يجى ياخدنى من عندك
ساره اتصلت بيوسف وقالتله انها هتروح مع فرح
راحوا الفيلا وقعدوا فى الجنينه يتكلموا فى شويه مواضيع
فرح:انا زهقت
ساره:عاوزانا نعمل ايه يعنى؟!
فرح:تعالى نقوم نلعب
ساره:نلعب ايه ؟
فرح:مش عارفه هقوم اشوف حاجه نلعبها
فرح قامت وغابت شويه وجت وهى ماسكه فى ايديها خرطوم الجنينه
ساره:هتعملى ايه يامجنونه
فرح:هنلعب ... استعدى ... هجوووووم
وفتحت المايه وغرقت ساره،وطبعا ساره مسكتتش وقامت فضت عليها كل ازايز المايه على فرح
وفضلوا يغرقوا فى بعض لحد ما ساره وهى بتجرى خبطت فى يوسف اللى كان لسه واصل عشان ياخد ساره
يوسف:ساره ايه اللى مغرقك كده؟!
ساره:الحيوانه فرح غرقتنى يايوسف خدلى حقى منها
فرح:على اساس انك مغرقتنيش دا انا بنقط من كل حته
يوسف:يعينى عليك يا خالد انا مش هتاخد واحده اوزعه لا وكمان مجنونه
خالد اللى ساره وفرح اتفجائوا بيه
خالد:خليك فى مراتك يااخويا دى مفيهاش عقل اصلا
ساره:متردش عليه يا يوسف ويلا بينا نمشى
فرح:طب استنى خدى اى حاجه من عندى غيرى هدومك الأول
ساره:شكرا ياختى اسيبكم بقا تحكموا معاد الخطوبه وياريت تكون بسرعه
ساره مشيت مع يوسف وراحوا على الفيلا
يوسف:اطلعى غيرى هدومك على ما أحط الغدا عشان هموت من الجوع
ساره:حاضر
طلعت ساره غيرت هدومها المبلوله بهدوم ناشفه ونزلت،يوسف قعد يتغدا مع ساره وقعدوا يتكلموا فى موضوع خالد وفرح
عند فرح فى الفيلا
خالد:انا اتفقت مع باباكى على الخطوبه بعد 3 ايام
فرح:وليه السرعه ديه
خالد:وايه اللى يمنع انا جاهز اتجوز النهارده قبل بكره
فرح:انا موافقه على أن الخطوبه بعد 3 ايام بس بشرط
خالد:اطلبي
فرح:مش هنتجوز الا لما اخلص كليه
خالد:انتى عاوزانا نقعد مخطوبين 3 سنين يامفتريه
فرح:خلاص نتخطب بعد ما اخلص
خالد:لا خلاص انا موافق 3 سنين ولا قرن حتى المهم تكونى مراتى
عدى الوقت بسرعه وخالد استأذن ومشى
عند يوسف فى الفيلا
ساره:انا هطلع انام عشان مش قادره اقعد
لارا:هتنامى من بدرى كدا
يوسف:انتى كويسه ياساره
ساره:اه محتاجه انام بس
ساره طلعت عشان تنام ويوسف طلع بعدها بشويه
لقى ساره نايمه وبتخرف بكلام مش مفهوم قعد يصحيها بتفتح عينيها وتبوصله وتغمضها تانى،استنتج انها اكيد جالها حمى من الميه واتصل بالدكتور اللى جه وأكد ظن يوسف وقاله فعلا انها عندها حمى واداها علاج وطلب من يوسف يعملها كمدات مايه ساقعه
يوسف قعد طول اليل يعمل كمدات ل ساره وهى نايمه بتخرف سمعها بتنادى بتقول"قاسم...قاسم.... يوسف"
يوسف قعد يبوصلها ويقول فى نفسه"للدرجادى ياساره انتى جواكى حرب مش قادره تنسى قاسم ولا قادره تقبلى بحبى،انتى بتعذبى نفسك ليه انسيه بقا انسيه"
يوسف نام على الكرسى جنب السرير وحاطط ايده على دماغ ساره
ساره صحيت وحست بحاجه تقيله فوق دماغها بتشوفها لقتها ايد يوسف وماسك بيها الكمدات ونايم على الكرسى
ساره:يوسف اصحى
يوسف:انتى كويسه؟!
ساره:احسن الحمد لله،انا اسفه تعبتك معايا واكيد فضلت سهران علشانى
يوسف:ولا يهمك اهم حاجه انك بخير
ساره وهى بتبص فى الساعه:يلهوى انا اتأخرت على المحاضره
يوسف:مش مشكله خديلك يومين اجازه استريحى فيهم وانا هبقا اجيبلك المحاضرات متقلقيش
ساره:طب قوم يلا انا اتأخرت على الشغل
يوسف:لا انا هاخد النهارده اجازه ولارا هتكون مكانى
ساره:متعطلش نفسك عشانى انا بقيت كويسه
يوسف:انا مش عاوز انزل الشغل النهارده،يلا اقوم اجهزلك احلى فطار من ايديا
يوسف حضر الفطار وقعد كل مع ساره وفضلوا طول اليوم قاعدين مع بعض ويوسف كل شويه يطمن ان حرارتها معليتش
عدت باقى الأيام وجه يوم خطوبه فرح وخالد اليوم اللى من بعده هتتغير مسار قصتنا
تفتكروا ممكن يحصل ايه فى الخطوبه ؟ ياترى ساره ممكن تحب يوسف؟ ياترى خطه يوسف نجحت ولا فشلت؟!
تابعوا