فصل 13.14
*_؛ࢪوايــةة:جبـروت آلحـــب🖤🍒_*
✧✧
>
*═════ ♪『 🖤🍒♪ ═════*
*🍒🖤Part 13 🖤🍒*
*🍒🖤Part 14 🖤🍒*
الحلقه الثالثه عشر
يوسف:قول يازفت جيبنى ومشحططنى وحاجه ضرورى وواقف متنحلى
فادى: انا عندى ليك خبر حلو او وحش مش عارف
يوسف:ما تتنيل تقول
فادى:خالد مش ابن خال ساره بس
يوسف:امال
فادى:خالد يبقا اخو ساره فى الرضاعه يعنى مبتحبوش ولا يجوزلها اصلا
يوسف:انت عرفت الكلام ده منين
فادى:من فرح
فلاش باك
خالد داخل القاعه قابل فرح
خالد:فرح...ازيك
فرح:ازيك ياحضره الظابط
خالد:ايه حضره الظابط ديه قولى ياخالد على طول احنا مفيش بينا رسميات
فرح:ماشى ياخالد يلا روح سلم على ساره
خالد:هروح بس لازم اقولك ان شكلك قمر النهارده
فرح اتكسفت وبصت على الارض وخالد راح يسلم على ساره،فادى متابع الموضوع من بعيد وأول ما وصل عند فرح كان خالد مشى
فادى:مين دا اللى كان واقف معاكى
فرح:دا خالد ابن خال ساره واخوها فى الرضاعه
فادى:انتى متأكده من الكلام ده
فرح:اه يابنى متأكده،ساره هى اللى قيلالى كده
نرجع تانى للوقت الحالى
يوسف:انا ظلمتها يافادى،دى بقت تكرهنى،دى ناويه تخلى حياتى جحيم، اكيد مش هتسامحنى
فادى:اهدى يايوسف وفكر هتحاول تخليها تسامحك ازاى
يوسف قعد طول الفرح زعلان ومبيضحكش
الفرح خلص ويوسف وساره طلعوا على الاوض اللى كانوا بيحجزوا فيها وغيروا هدومهم وراحوا المطار عشان يركبوا طيارتهم اللى هتوديهم على شرم الشيخ عشان يقضوا شهر العسل
وصلوا الفندق اللى هيقعدوا فيه ودخلوا الاوضه
ساره:دى اوضتك ولا اوضتى؟!
يوسف:دى اوضتنا
ساره:اوضتنا ازاى لا طبعا مش انت قولتلى ان جوزنا على الورق
يوسف: متقلقيش اوى كدا انا اديتك وعد ومش هكسره ،انتى شيفانى حقير للدرجادى
ساره:اما انت كده محجزتش ليه أوضتين
يوسف:أولا مش انا اللى حاجز بابا هو اللى حجز وأول ما وصلنا حاولت احجز اوضه كمان ملقتش اوضه فاضيه،هتضرى تستحملينى معاكى فى الاوضه وهنام على الكنبه هنا ووجودى مش هيضيقك
يوسف دخل خد شاور وخرج نام على الكنبه ،وساره فضلت قاعده على السرير لحد ما نامت
طلع الصبح ويوسف صحى كان جسمه بيوجعه من النومه على الكنبه ،و لقى ساره نايمه بهدومها،سابها نايمه ونزل،ساره صحيت لقت نفسها بالهدوم الخروج فدخلت خدت شاور وغيرت هدومها ولبست بيجامه مرسوم عليها نيمو وعملت شعرها كحكتين،كان شكلها زى الأطفال بملامحها البريئه، ولمايوسف رجع ودخل الاوضه كان بيتكلم فى التليفون ومشغول ولما خلص مكالمته اتفاجئ بشكل ساره
يوسف:انتى مين ياشاطره وايه اللى جابك هنا
ساره:أنت بتتريق عليا
يوسف:وانا اقدر بس انتى بتفجئينى الصراحه مره اشوفك لبسه فستان ومره شبه الأطفال
ساره:انا كده ولو كان عجبك
الباب خبط
يوسف:الفطار وصل انا ميت من الجوع
فتح الباب ودخل الفطار
يوسف:ساره يلا عشان تاكلى انتى مكلتيش من امبارح
ساره:شكرا مش جعانه
يوسف:براحتك مش هتحيل عليكى اللى بياكل على ضرسه بينفع نفسه انا عن نفسى ميت من الجوع
يوسف اكل ولما خلص قام غسل ايده وخرج
يوسف:انا خارج لو احتجتى حاجه كلمينى ولما ارجع عاوزك تكونى لابسه عشان هنخرج
ساره:انا مش عاوزه اخرج شوف انت رايح فين ويلا امشى
يوسف:لما ارجع هيبقا لينا كلام تانى
نزل يوسف وأول ما خرج ساره قعدت تأكل وفجأه لقت يوسف دخل الاوضه
يوسف:ما انتى جعانه اهوه امال مكلتيش معايا ليه
ساره:انا حره مش عاوزه اكل معاك
يوسف:انا نسيت التليفون ورجعت اخده ياريت ارجع الاقيكى جاهزه
خرج يوسف ومستناش يسمع رد ساره،غاب ساعتين ورجع لقى ساره لسه ملبستش
يوسف:انتى لسه ملبستيش؟
ساره:وانا قلتلك انى مش هخرج معاك
يوسف:قومى البسى ياساره بدل ما تخلينى اعمل حاجه انتى مش هتحبيها
ساره:وانا مبتهددش يا يوسف اكبر ما فى خيلك اركبه
يوسف وقرب على ساره لحد ما خلاها لزقت فى الحيطه:انتى اللى اخترتى ياسوسو
ساره رفعت رجليها وضربت يوسف فى بطنه
يوسف:اااااه... يابنت المجنونه
ساره:دى حاجه بسيطه من اللى عندى لو حاولت تقرب منى تانى اوعدك مش هتعرف تمشى على رجلك تانى التزم حدودك واعرف انك مجرد فتره وهتعدى
يوسف سابها ونزل وكان متعصب جدا وراح على الديسكو اللى فى الفندق وقعد يشرب،لما الوقت اتأخر طلع الاوضه وهو واقف على رجله بالعافيه ولما دخل لقى ساره قاعده بتعيط
ساره:انت..هئ سايبنى هنا وبتتسرمح..هئ(كان عندها زوغطه)
يوسف:مش انا قلتلك تعالى معايا وانتى مرضتيش
ساره:تقوم..هئ تسيبنى ..هئ وتتاخر كل..هئ ده
يوسف:طب جمعى كلامك عشان افهمك
ساره:وانا..هئ اعمل ايه..هئ
يوسف:اشربى مايه
ساره:شربت هئ كتير هئ
يوسف قام وراح ناحيه ساره
ساره:انت..هئ هتعمل ايه
يوسف مخلاش ساره تكمل كلامها وباسها بوسه طويله خلت وش ساره أحمر زى الطماطم ومش عارفه تاخد نفسها واول ما بعد عنها قامت ضرباه بالقلم
يوسف:انا غلطان انى ساعدتك
ساره:ساعدتينى!انت قليل الأدب وحيوان
يوسف:المفروض لما يكون عندك زغطه تكتمى نفسك لمده دقيقه وانا عملتلك كدا واديها راحت المفروض تدينى مكافئه
ساره:وانا مش اشتكيتلك ولا طلبت مساعدتك متقربش منى تانى فاهم ولا لأ
يوسف راح ونام على الكنبه لحد تانى يوم الضهر،ولما صحى ملقاش ساره فى الاوضه وقعد يتصل بيها تليفونها مقفول،دخل ياخد شور وساره رجعت تانى الاوضه واتفجأت بمنظر يوسف
وكان طالع من الحمام ومش لابس غير شورت وعضلاته كلها باينه وشعره مقبول
ساره خبت عنيها بحركه تلقائيه
ساره بتوتر:ايه اللى انت لابسه ده
يوسف:انتى رجعتى امتا؟وازاى تنزلى من غير ماتقوليلى؟كنتى فين ياهانم؟
ساره:انت نايم من امبارح زى القتيل وانا جعانه نزلت فطرت تحت فى المطعم
يوسف يضحك:وطلبتيلى فطار
ساره:اطلب لنفسك انت صغير،وروح البسلك حاجه بدل ماانت واقف كده
يوسف:ومالى كده بزمتك مش حلو
ساره:.....
يوسف:يعنى حلو
ساره:مغرور
طلب يوسف الفطار وقعد اكل وخلص
يوسف:ساره انا عاوز اكلمك فى موضوع مهم
ساره:انا مش عاوزه اسمع منك حاجه
يوسف:لا هتسمعى غصب عنك
ساره:اتفضل قول وخلصنا
يوسف:عاوزك تسمعينى للآخر،انا لما اتجوزتك كنت بساعدك وبساعد نفسى ومكنش فيه طريقه اخليكى توافقى غير بكده،انا اسف على اى حاجه حصلتلك بسببى
ساره بعياط:تدمرلى حياتى وتقولى انا آسف،وانا اعمل ايه ب اسفك انا بكرهك
يوسف:سامحينى ياساره
ساره:وانا عمرى ما هسامحك
يوسف:انا مش هضغط عليكى انا هسيبك تفكرى وياريت تسمحينى ونرجع صحاب
يوسف ساب ساره ونزل ومستناش ردها ،ساره قاعده فى الاوضه بتفكر تسامح يوسف ولا لأ
ياترى ساره هتسامح يوسف ؟ويوسف هيعترفلها انتى بحبه؟
#جبروت_الحب💔
جبروت الحب
الحلقه الرابعه عشر
يوسف رجع ولقى ساره قاعده زى ما سابها بتفكر
يوسف:انا حجزتلنا فى رحله سفارى اكيد الطبيعه هناك هتساعدك فى انك تفكرى وتحددى قرارك ،ياريت تجهزى عشان هننزل كمان ساعه
ساره باستسلام:حاضر
ساره لبست و اخدت معاها شنطه فيها ساندوتشات وميه وشويه عصاير احتياطى، وراحت مع يوسف عشان يبدأوا رحلتهم،،ركبوا عربيه جيب اللى خدتهم على الصحرا وكان مكان فيه شويه خيم ومعظمه سياح،قابلهم المشرف
المشرف:اهلا يا استاذ يوسف، برنامج الرحله بتاعتنا ممتع اوى النهارده كل واحد هيستلم الخيمه وهنقضيه هنا هيعجبكوا المكان اوى وبكره هيكون فى حفله بدويه هتستمتعوا بيها ان شاء الله ،مفيش هنا شبكه تليفون،وبالنسبه للأكل كل واحد بيعمله بأيده،لو احتاجت اى حاجه تعالالى فى الخيمه اللى جنبك
يوسف:احنا هنقعد يوم واحد بس
المشرف:زى ما حضرتك تحب احنا تحت امرك
يوسف:شكرا لحضرتك
استلموا الخيمه بتاعتهم ولما دخلوا الخيمه وكانت متوسطة فى الحجم يادوب وفيها مكان مخصص للنوم وبقيت الخيمه فاضيه
يوسف:لو عاوزانى اخرج واسيبك تفكرى براحتك قوليلى
ساره:ياريت والله عشان وجودك بيوترنى
يوسف:زى ما انتى عاوزه انا هخرج لو احتاجتى حاجه هتلاقينى جنب الخيمه
خرج يوسف وساره فضلت قاعده فى الخيمه تفتكر فى الذكريات اللى بينها وبين يوسف منها الحلوه زى ما كانوا بيضحكوا مع بعض ويهزروا ويوم ما ضرب نادر عشانها وازاى دافع عنها ولما اغمى عليها وشالها ووداها المستشفى ومنها الوحش زى ما كان بيهددها فى العربيه لما غصبها انها تتجوزه
فضلت طول النهار فى دوامه ذكرياتها لحد ما دخل الليل ولقت يوسف بيدخل الخيمه
يوسف:انا سبتك براحتك زى ماطلبتى طول النهار بس مينفعش ابات بره كمان
ساره:انت هتنام بدرى كده
يوسف:تعبان شويه
نام يوسف فى المكان القاضى فى الخيمه وساره فضلت صاحيه بتراقبه وشايفه وشه غرقان عرق بالرغم من أن الجو كان برد
ساره:يوسف..انت كويس
يوسف بتعب:ساره..انا بردان اوى
ساره:بردان ازاى دا انت كل حته فيك بتجيب عرق
يوسف:......
ساره:يوسف انت مبتردش ليه..يوسف..يوووسف
يوسف كان فقد الوعى،ساره مكنتش عارفه تتصرف ازاى اول مره تتحط فى موقف زى ده راحت للمشرف
المشرف:خير يامدام ساره فى ايه
ساره بعياط:يوسف تعبان ومبيردش عليا
المشرف:طب انا هشوف الدكتور اللى هنا واجيبه واجى روحى حضرتك و اقعدى جنبه
ساره رجعت للخيمه ويوسف لسه فاقد الوعى،المشرف جاب الدكتور للخيمه،وأول ما دخلوا لقوا يوسف نايم على الارض شالوه وحطوه على السرير، و بعد ما كشف الدكتور على يوسف
الدكتور:درجه حرارته 40 وتقريبا مأكلش حاجه طول النهار سببله هبوط وكمان أتعرض لضربه شمس
المشرف:طب ننقله مستشفى
الدكتور:لا الموضوع مش محتاج،انا هاديله حقنه خافضه للحراره والمدام تعمله كمدات مايه ساقعه وان شاء الله هيصحا بكره كويس
ساره:تمام شكرا تعبنا حضرتك معانا
الدكتور:لا شكر على واجب
الدكتور والمشرف خرجوا ،وساره فضلت قاعده جنب يوسف وكانت بتعمله كمدات وبتعيط
ساره بعياط:فوق يايوسف فوق عشان خاطرى انا سامحتك خلاص وهنفضل صحاب بس فوق وانا مش هعمل حاجه تزعلك لس تفوق وتقوم بالسلامه
عدى الليل وطلع الصبح ويوسف فاق ولقى ساره نايمه وهى قاعده وبيحط ايده على دماغه لقى كمدات
يوسف:ساره..ياساره
ساره:يوسف انت فوقت حمد الله على سلامتك
يوسف:هو ايه اللى حصل
ساره:انت كان عندك ضربه شمس ودرجه حرارتك كانت40 وفضلت اعملك فى كمدات طول الليل
يوسف:بجد شكرا يا ساره تعبتك معايا
ساره:مفيش تعب بين الصحاب ولا ايه
يوسف:قصدك ايه؟انتى سامحتينى بجد؟ وهنرجع صحاب زى الأول
ساره:اه
يوسف:طب عشان الخبر ده اطلبى اللى انتى عاوزاه وانا هعملهولك
ساره:هطلب بس مش دلوقتى
يوسف:اطلبى فى اى وقت،يلا بينا بقا عشان نرجع الفندق ورانا حاجات كتير
ساره:لا خلينا هنا النهارده انت لسه تعبان
يوسف:لا انا بقيت كويس متقلقيش
ساره:طب عشان خاطرى انا عاوزه احضر الحفله
يوسف:خلاص انا هروح اقول للمشرف اننا هنقعد النهارده
ساره:تمام
يوسف راح للمشرف وقاله انهم هيقعدوا يوم كمان والمشرف طبعا وافق
لما عرفوا الناس اللى موجودين هناك ان يوسف وساره عرسان جداد قراروا ياخدوا ساره عند البنات ويجهزوها للحفله، ويوسف اخدوه عند الشباب هو كمان
عدى الوقت وجه معاد الحفله وكلهم راحوا على المكان اللى فيه الحفله وخدوا يوسف وساره معاه
يوسف اتفاجئ لما شاف ساره فى الهدوم البدويه المشهوره، وساره كمان اتفجائت بشكل يوسف فى الهدوم البدوى كان شكلهم مع بعض حلو اوى
بدائت فقرات الحفله وكانوا قاعدين مستمتعين جدا بيها وساره كانت فرحانه اوى اول مره تحضر حفله زى ديه،جه معاد العشاء يوسف قام وجاب طبق له وطبق تانى لساره،بعد ماخلصوا الاكل اشتغلت اغنيه رومانسيه وكل الموجودين طلبوا من يوسف وساره انهم يرقصوا عليها،يوسف كان بيتمنى ساره توافق بس مش قادر يقولها،ساره وافقت بعد إصرار الكل وقامت ترقص مع يوسف اللى فرح جدا انها وافقت ،ولف ايده حولين وسطه وهى حطت ايدها على كتفه
ساره:تعرف ان دى تانى مره ارقص سلو
يوسف بضيق:وأول مره رقصتى مع مين؟
ساره :اول مره لما رقصنا فى الفرح
يوسف: بس انتى طلعتى بترقصى كويس اهوه ،امال يوم الفرح فرمتيلى رجلى من كتر ما دوستى عليها
ساره:هههههههههههه احمد ربنا انك طلعت سليم انا كنت عاوزه اقتلك واللى منعنى المعازيم والناس
يوسف بضحك:طب الحمد لله هنا فى ناس قاعدين وشيفنا ومش هتقدرى تعمليلى حاجه
ساره:متقلقش مش هقتلك خلاص ههههههه
يوسف:للدرجادى كنتى بتكرهينى ياساره مكنتيش فكرالى ولا حاجه حلوه
ساره:انا قررت انسى اللى حصل ونرجع زى الأول انت كمان انسى يا يوسف
خلصت الرقصه وخلصت معاها الحفله وكل واحد راح على خيمته
عند يوسف وساره فى الخيمه
ساره:ايه دا يايوسف انت هتنام على الارض؟!
يوسف:اااه امال انام فين؟! اوعى تقوليلى بره حرام عليكى انتى معندكيش عيال
ساره:لا مش هقولك تنام بره انا قلبى طيب ممكن اديلك حته من السرير
يوسف:ساره انتى متأكده من اللى انتى بتقوليه
ساره:بوص يايوسف انت كنت تعبان امبارح ونومك على الارض ممكن يخليك تاني تانى وأنا مش مستعده أعيد الليله دى تانى ثانيا انا بثق فيك وعارفه انك مش هتكسر وعدك ليا وهناك مخدات ما بينا وبعدين دى ليله واحده بس متخدش على كده
يوسف وافق طبعا ، هو بيتمنى اى لحظه يكون فيها قريب من ساره حبيبته،راح نام على السرير وحطوا مخدات مابينهم
عدى الليل وطلع الصبح،يوسف صحى بدرى فضل قاعد جنب ساره بيتأمل فى وشها وهى نايمه قد ايه شبه الملايكه وهى نايمه رقيقه وحلوه،ساره صحيت ولقت يوسف بيبوصلها اتكسفت ووشها أحمر
يوسف:صباح الخير يا سوسو
ساره:صباح الخير.. انت صاحى من بدرى؟!
يوسف:لسه صاحى من شويه
ساره:احنا هنرجع النهارده الفندق؟!
يوسف:ااه ساعه ونمشى قومى لمى حاجتك
ساره لمت حاجتها وحاجة يوسف وودعوا الناس هناك وركبوا العربيه اللى هترجعهم الفندق
وصلوا الفندق،ودخلوا الاوضه
ساره:انا اتبسطت اوى فى الرحله ،شكرا جدا يا يوسف
يوسف: لا استنى احنا ليه ناويين نكمل انبساط ويلا اجهزى بقا عشان هننزل البحر كمان شويه
ساره:بجد..بس انا ممعيش مايوه
يوسف:انا عملت حسابى وجبتلك واحد جوه ادخلى شوفيه
دخلت ساره تشوف المايوه وطلعت ماسكاه فى ايديها(كان مايوه اسلامى)
ساره:انت هتهزر؟ده مايوه ازاى؟
يوسف:ايوه مايوه حلو ومحترم ومش هيبين حاجه،ولا عاوزانى اجيبلك بكينى تمشى بيه قدام الناس ليه فكرانى سوسن
ساره:ههههه...ماشى ياسوسن قاصدى يايوسف
يوسف:امشى من قدامى يا ساره قبل ما تعصبينى وروحى البسى
دخلت ساره لبست المايوه وراحت مع يوسف الشط وقعدوا
ساره:انا عاوزه انزل بقا
يوسف:انزلى هو انا ماسكك
ساره:مش هتنزل معايا
يوسف:شويه كدا
يوسف كان قاعد بيفكر ياترى ساره هتحبه زى ماهو حباها ولا هتفضل شايفاه مجرد صاحبها
نزلت ساره البحر ويوسف كان عينه عليها من بره وفجأه لاحظ ان ساره مش طبيعيه وعماله تقب وتغطس (كانت بتغرق) قام يوسف يجرى ونزل البحر وفضل يعوم لحد ما وصل لساره وشالها وطلعها على الشط وقعد يضغط على بطنها ويعملها تنفس صناعى لحد ما فاقت وطلعت كل المايه اللى شربتها
ساره:كح كح
يوسف:انتى كويسه
ساره بعياط:انا لسه عايشه! انا كنت بموت
يوسف:بعد الشر عليكى، اهدى بس المهم انك بخير
ساره:شوفت كل ده حصلى عشان مرضتش تنزل معايا
يوسف:حقك عليا ياستى تعالى يلا ننزل سوا
نزلوا مع بعض وفضلوا طول النهار يلعبوا فى المايه
عدى اسبوع وكان يوسف كل يوم يخرج هو وساره ويرجعوا مبسوطين،يوسف كل يوم كان حبه لساره يزيد بس كان بيقبله فشل كبير قدام كلمه احنا صحاب
تفتكروا ساره عاجل يوسف ولا هتفضل معتبراه صاحبها ؟! وتفتكروا يوسف هيعترف بحبه لساره؟!
تابعوا
#جبروت_الحب