فصل 8.9.10.11.12
*_؛ࢪوايــةة:جبـروت آلحـــب🖤🍒_*
*🍒🖤Part 8 🖤🍒*
*🍒🖤Part 9 🖤🍒*
*🍒🖤Part 10🖤🍒*
*🍒🖤Part 11 🖤🍒*
*🍒🖤Part 12 🖤🍒*
دخلوا المستشفى ويوسف شايل ساره وبيجرى ،الدكاتره دخلوها الاوضه وحاولو يفوقوها وطلعوا يوسف وفرح بره
فرح:وبعدين؟هنعمل ايه فى المصيبه ديه
يوسف:مش عارف مش قادر أفكر انا خايف على ساره اوى
فرح بعياط:يارب ساره مش ناقصه صدمات يارب دى تعبت اوى يارب
يوسف:الصور اللى شافتها بالمناظر اللى فيها صعب ان حد يستحملها وخصوصا انها بنت وهتضر بسمعتها
فرح:اموت واعرف مين اللى ركب الصور ديه(الصور كانت عباره عن ساره ويوسف فى مناظر مش لطيفه، مره يوسف ماسك ايد ساره ،وصوره وهو بيبوسها، وصور تانيه كتير فى مناظر وحشه) وبعتها لكل الطلبه
يوسف:انا عارفه وهندمه على اليوم اللى اتولد فيه
فجأه سمعوا صوت صريخ ساره خارج من الاوضه،دخلو يجروا
فرح:أهدى ياساره متخافيش
ساره:انا ليه بيحصل معايا كده لو قاسم كان عايش مكنش حصل كده،انا عاوزه اروحله سيبونى انا مش عاوزه اعيش
يوسف:اهدى ياساره متعمليش ف نفسك كده
ساره:اخرس خالص انت مش حاسس باللى انا فيه انا مش عاوزه اسمع حد
ساره كانت فى حاله جنون بتصرخ وتعيط وشدت المحلول من ايدها ومهديتش غير لما الدكتور أداها حقنه مهدئه
الدكتور:سيبوها تستريح هى هتنام دلوقتى
فرح:هى هتفضل هنا كتير
الدكتور:لا طبعا ممكن تطلع فى اى وقت لان مشكلتها مش جسمانيه مشكلتها نفسيه هى خدت صدمه كانت كبيره واعصابها مستحملتهاش
فرح:طب ايه العلاج اللى محتجاه
الدكتور:هى معندهاش حاجه عضويه زى ما قولتلك كل اللى عندها ان نفسيتها تعبانه ولازم تبعد عن اى ضغط
قعدوا اربع ساعات فى المستشفى لحد ما ساره فاقت تانى بس المره دى كانت اهدى بس مكنتش بتتكلم ولا بترد على حد
فرح:ساره يلا بينا اوصلك على البيت عشان محدش يقلق عليكى وخدى اسبوع اجازه استريحى فيه ومتقلقيش من اى حاجه حصلت كل حاجه هتتحل ومتجبيش سيره ل اهلك عشان ميقلقوش
هزت ساره دماغها يعنى موافقه،وصلتها فرح لحد البيت وطلعتها ودخلوا
ام ساره:مالك يا ساره فيكى ايه شكلك تعبان
فرح:مفيش ياطنط هى تعبت شويه فى الكليه والدكتور قال لازم ترتاح
ام ساره:تعبت!تعبت ازاى؟دى نازله الصبح وهى كويسه
فرح:اغمى عليها فجأه، المهم دلوقتى سبوها ترتاح
ام ساره:شكرا يابنتى تعبناكى معانا
فرح:لا شكر على واجب ياطنط ساره ديه اختى
يوسف بعد ما نزل من المستشفى ركب عربيته وساقها بسرعه جنونيه لحد ما وصل الديسكو اللى بيسهر فيه نادر وشلته كل يوم،وأول ما شاف نادر مسكه ضربه وحصلت بينهم مخانقه كبيره وانتهت ب نادر كل مكان فى وشه بيجيب دم وأيده مكسوره غير جروح فى جسمه،يوسف برضو مسلمش من الجروح اتعور حاجات بسيطه بالنسبه ل جروح نادر
يوسف:المره ديه سبتك عايش المره الجايه هقتلك فاهمنى
نادر بتعب:شكل المفاجأة معجبتكش اوعى تقول ان الصور وحشه دا انا دافع فيها كتير
يوسف:بنى آدم زباله متستحقش الواحد يتف فى وشك
خرج يوسف وراح على الفيلا وحاول يتصل بساره بس مردتش ،وصل الفيلا وطلع اوضته على طول وقعد يفكر بفكر حل للمصيبه اللى حصلت
ساره فضلت قاعده فى البيت اسبوع مش بتخرج من اوضتها وفرح كانت كل يوم تكلمها تطمن عليها
فى الكليه
يوسف:ساره عامله ايه دلوقتى
فرح:لسه زى ما هيه قاعده فى الاوضه ومبتكلمش حد
يوسف:ولسه مش عاوزه ترد عليا
فرح:اعذرها يا يوسف اللى حصل معاها مش سهل
يوسف:انا وصلت ل حل للمصيبه ديه
فرح:وايه هو الحل؟
يوسف: هقولك بس عاوز اسألك سؤال الاول
فرح:اتفضل اسال
يوسف:مين قاسم اللى كانت ساره بتقول اسمه وهى فى المستشفى
فرح:قاسم ده يبقا خطيب ساره
يوسف بصدمه :هى ساره مخطوبه
فرح:لا هو كان خطيبها بس استشهد فى الجيش و....وحكت فرح قصه ساره وقاسم ل يوسف
يوسف: هى دايما حظها وحش كده
فرح: صعبانه عليا اوى مش كفايه صدمتها فى موت قاسم وضغط اهلها عليها انها تقبل عريس من اللى بيتقدمولها لا وكمان مصيبه الصور ديه
يوسف:طب انا محتاج اقبلها عشان تعرض عليها الحل
فرح:انت عارف انها هترفض تنزل و تقبلك ومينفعش تروحلها البيت تكلمها فى الموضوع ده عشان أهلها
يوسف:انا عارف انه صعب انها تنزل بس حاولى معاها ب اى طريقه
راحت فرح البيت ل ساره عشان تتكلم معاها
فرح:ازيك يا ساره عامله ايه دلوقتى
ساره:الحمد لله
فرح:ساره انا عاوزه اقولك حاجه بس اوعدينى انك توافقى
ساره:اوعدك
فرح:يوسف عاوز يقبلك ويتكلم معاكى
ساره:وانا كمان عاوزه اتكلم معاه
فرح:هو قالى انه هيستنانا فى كافيه...
ساره:انا هقوم البس وانزل معاكى
راحت ساره الكافيه مع فرح ولقوا يوسف مستنيهم
يوسف:ازيك ياساره
ساره:الحمد لله
فرح:انا هستاذن عشان فادى كلمنى وعاوزنى ضرورى
ساره:ماشى يافرح روحى انتى عشان متتاخريش عليه
مشيت فرح ويوسف قعد مع ساره
يوسف:انا عاوز اتكلم معاكى فى موضوع مهم
ساره:وانا كمان عاوزاك فى موضوع مهم بس ابدء انت
يوسف:ياريت تسمعينى للاخر انا عارف ان اللى حصل مكنش سهل وقررت اصلح كل حاجه وهاجى اتقدملك مش عاوزك ترفضى قبل ما تفكرى فى اللى هقولهولك انا عارف انك كنتى بتحبى قاسم فرح حكتلى على كل حاجه وعارف انك مش بتحبينى ولا انا برضو بحبك انا زى ما قولتلك احنا اصحاب زى فرح بالظبط
جوازنا هيكون على الورق بس هيستمر سنه وكل واحد يروح لحاله
ساره:بس ده مش زنبك وانت مش مضطر تعمل معايا كده للاسف عرضك مرفوض
يوسف:انا مش بعمل كده شفقه منى انا بابا بيزن عليا عشان أتجوز وانا مش عاوز اتجوز عشان مجيبش عيال وفى الآخر انا او امهم نموت وهما يفضلوا يعانوا من فرقنا للأبد وفى نفس الوقت واظن برضو على حسب ما فرح حكتلى ان اهلك كل يومين يجيبولك عريس وبيذنوا عليكى عشان تترتبطى وانتى بترفضى احنا لو اتجوزنا هنريح اهلنا وهيرجعلك كرامتك ونوقف كلام الناس وساعتها محدش فى الكليه هيقدر يقول عليكى كلمه
ساره: وانا قولتلك عرضك مرفوض ومستحيل اوافق على الكلام ده
يوسف: مش عاوزك تستعجلى ياريت تفكرى وتردى عليا
( متابعه فضلا وليس أمراً 💞✨💞)
مشى يوسف وساب ساره غرقانه فى الحيره
روحت ساره وكلمت فرح فى التليفون
ساره:انا عاوزه اسافر
فرح:تسافرى؟تسافرى فين
ساره:احنا عندنا شقه فى اسكندريه تعالى نروح نقعد هناك يومين أفكر
فرح:هقول ل بابا وارد عليكى
ساره:وانا هستنى ردك
ساره كلمت مامتها فى موضوع السفر رفضت فى الأول بس بعد زن ساره وافقت واقنعت باباها ،فرح اتصلت بساره وقالتلها ان باباها موافق وحضروا الشنط وسافروا تانى يوم
فى الشقه فى اسكندريه
فرح:يعنى انتى جيبانا هنا عشان نقعد فى الشقه
ساره:امال عاوزانا نعمل ايه
فرح:قومى ننزل نتفسح نخرج ولا نروح نتغدا انا هموت من الجوع يامفتريه
ساره:تعالى هوديكى محل هتاكلى فيه أكله سمك جنان
راحوا المطعم وطلبوا الغدا فجأه سمعوا صوت بينادى على ساره
خالد:ساااااره
ساره:دا خالد
خالد:ازيك ياساره عامله وحشانى وربنا
ساره:انا تمام الحمد لله انت اكتر والله
خالد:معقول تبقى هنا ومتتصليش بيا
ساره:وانا اعرف منين انك هنا انت مش كنت اخر مره شغال فى الصعيد
خالد:منا اتنقلت هنا من كام شهر وقريب هتنقل القاهره
ساره:هتنورنا يعنى
خالد:مش هتعرفينا بالقمر؟
تفتكروا خالد هيطلع مين؟وساره هتوافق على عرض يوسف ولا لأ؟
تابعو
#الحلقه التاسعة
خالد (ابن خال ساره ،رائد فى الدخليه بس ليه وضعه،شخصيته حلوه جدا ،طويل بشرته قمحيه ولون عينيه اسود بتميزه ملامح الرجل الشرقى )
خالد:مش تعرفينا بالقمر
ساره:اتلم ياحضره الظابط دى فرح صحبتى،فرح دا خالد ابن خالى ظابط على قده فى الدخليه
فرح:اهلا
خالد:اهلا بيكى
ساره: يلا بقا اعزمنا على حسابك
خالد:طول عمرك متسوله انا هعزمك عشان خاطر صحبتك فى بلدة وأول مره تنورنا، إنما انتى نفسى اسيبك تنضفى المطبخ هنا
ساره:واهون عليك دا انا لما عمتك حبيبتك
خالد:لا طبعا دا انتى اختى يابت
ساره:ايوا كده اتعدل
خالد: انتى هنا من امتا
ساره: لسه واصلين النهارده
خالد:هتقعدوا هنا قد ايه
ساره:احنا هنقعد يومين ونرجع
خالد:خلاص انا بكره اجازه هعدى عليكو وننزل نخرج سوا
ساره:تمام هستناك بكره
رجعت ساره وفرح للشقه
فرح:الأكل كان حلو اوى انا بطنى اتنفخت من الاكل
ساره:اه انا بموت فى أكل المطعم ده اصلا
فرح:بكره هنعمل ايه؟انا عاوزه اروح البحر
ساره:انت تؤمرى بكره اخلى خالد يودينا البحر
فرح:هو قريبك ده هيجى معانا؟لا انا مش موافقه
ساره:هو عنده اجازه وطلب منى انه يجى يخرجنا بكره وانا بصراحه وافقت
فرح:بتدبسينى يعنى
ساره:ايون
فرح:طب يلا ننام عشان انا تعبانه اوى وبكره هنصحا من بدرى
دخلوا ناموا وصحيوا تانى يوم من بدرى وجهزوا حاجتهم عشان يروحوا البحر وقعدوا يستنوا خالد لحد ما وصل وراحوا كلهم البحر قعدوا يلعبوا طول النهار وانبسطوا جدا،خلص اليوم ،بس دايما تأتى الرياح بما لاتشتهى السفن،فى مكان قريب من البحر كان واقف نادر اللى اول ما شاف ساره راحلهم
نادر:مكنتش اعرف انك مدورها مع كل واحد شويه امال عامله عليا الخضره الشريفه ليه
ساره:انت واحد زباله ،ايه اللى حالك ورايا لحد هنا،انت مكفكش اللى عملته ؟حسبى الله ونعم الوكيل
خالد سمع ساره بتزعق من بعيد راح عندها
خالد:مالك ياساره بتزعقى ليه؟ الواد ده بيضيقك
ساره:لا ياخالد محصلش حاجه
نادر:بس شكله مش بطال
ساره:يلا بينا من هنا ياخالد انا عاوزه اروح
خالد وصلهم للشقه وساره كانت ساكته طول الطريق وفرح بتحاول تضحكها مش بتضحك
فى الشقه
فرح:خلاص بقا ياساره فكى بقا متخليش واحد زى ده يعكنن عليكى
ساره :انا تعبت بقا يافرح مش بلحق افوق من مصيبه بلاقى التانيه
فرح وهى بتغير الكلام: بس انا اتبسطت اوى النهارده
ساره:وانا كمان بقالى كتير مضحكتش من قلبى كده،الصراحه هزار خالد لا يقاوم
فرح:هو فعلا دمه خفيف
ساره:دمه خفيف بس
فرح:قصدك ايه
ساره:قصدى انه حيلاوه وامور وظابط وكفايه انه ابن خالى
فرح:وانا مالى بكل ده هو انا هتجوزه
ساره:انتى تطولى يابت،دا لولا انه أخويا فى الرضاعه كنت اتجوزته وربنا
فرح:طب ما هو يوسف حيلاوه وامور ومهندس وكفايه انه صاحب أخويا ممكن تفهمينى مردتيش عليه لحد دلوقتى ليه
ساره:يوسف شاب كويس بس انا مش بحبه ولا هحب غير قاسم
فرح:هو مطلبش منك تحبيه هو حابب يساعدك
ساره:هو ملوش ذنب انه يعمل معايا كده ويتجوزنى عشان صعبانه عليه
عند يوسف فى القاهره
يوسف:بابا انا عاوزك فى موضوع مهم
د.هشام:اتفضل
يوسف:بصراحه ومن غير مقدمات انا عاوز اتجوز
د.هشام:بجد يايوسف دا احلى خبر اسمعه النهارده،قولى بقا عاوز تتجوز مين؟
يوسف:واحده زميلتى معايا فى الكليه اسمها ساره
د.هشام:خلاص حدد معاد مع اهلها عشان نروح نقابلهم
يوسف:حاضر
طلع يوسف اوضته واتصل ب فرح
يوسف:الو،ازيك يافرح
فرح:الحمد لله انت اخبارك ايه
يوسف:انا كويس الحمد لله،المهم انا هاجيلكم بكره بس عاوز اقابلك قبل ما أقابل ساره
فرح:تمام هستناك
خلص يوسف مكلمته مع فرح ولسه هينام لقى رقم غريب بيتصل عليه
يوسف:الو مين معايا
نادر:ازيك يا جو عامل ايه
يوسف :انت مين
نادر:معقول نسيت صوتى دا انا نادر حبيبك
يوسف: عاوز ايه ياحيوان
نادر:ليه الغلط بس ... على العموم انا بكلمك عشان اقولك حبيبه القلب سيباك نايم على ودانك ومدوراها مع واحد فى اسكندريه
يوسف:غور يلا ولو اتكلمت نص كلمه على ساره هقطعلك لسانك
وقفل فى وشه الخط
تانى يوم يوسف راح اسكندريه واتصل بفرح وقبلها ،فرح مقلتش ل ساره انها هتقابل يوسف ونزلت بحجه انها هتشترى هدايا ،وراحت المكان اللى اتفقت عليه مع يوسف
يوسف:ساره قررت ايه فى موضوعنا يافرح
فرح:بصراحه مش عارفه هى متردده اووى وبتقول انها مش عاوزه تظلمك معاها
يوسف:انا راضى هى مالها بقا
فرح:ساره ليها دماغ تانيه بتفكر بيها سيبها براحتها وياريت متضغطش عليها يا يوسف
قعدوا يتكلموا لحد ما ساره اتصلت على فرح
ساره:الو يافرح انتى فين
فرح:انا جايه اهوه
ساره:طب يلا بسرعه عشان نلحق نسافر انا جهزت كل حاجه ومستنياكى
قفلت فرح الخط ورجعت تتكلم مع يوسف
فرح:انا لازم ارجع عشان ساره مستنيانى عشان هنسافر
يوسف:خلاص ارجعوا معايا،انا كنت فى مشوار هنا وراجع تانى دلوقتى
فرح:خلاص ماشى
وصلوا تحت العماره
فرح:انا هدخل السوبر ماركت اشترى حاجات وانت اطلع ل ساره نزل معاها الشنط
دخلت ساره الماركت ويوسف طلع العماره بس وهو طالع لفت انتباهه صوت ساره وصوت راجل معاها
خالد:يعنى لازم ترجعى النهارده ماتقعدى يومين كمان
ساره:معلش بقا ياخالد مره تانيه
خالد:هتوحشينى ياحبيبتى
ساره:وانت كمان هتوحشنى كتير
خالد:خلى بالك من نفسك
ساره:متقلقش عليا انت اللى خلى بالك على نفسك
يوسف كان واقف على السلم بيسمع كلامهم ومستخبى لحد ما شاف خالد وساره بتحضنه
نزل يوسف العربيه وهو متعصب وقعد فتره سرحان وبيكلم نفسه :"وانا اللى فاكرها مظلومه ومكتئبه وجايه هنا عشان تفكر فى عرضى،دى طلعت مقضياها ولا حطه فى دماغها حاجه زى ما نادر قالى انا اللى غلطان انى مصدقتوش،وبتذلى فيا انا طب ورحمه امى هذلك ياساره زى ماذلتينى"وفجأه سمع صوت فوقه من تفكيره
فرح:ايه يابنى انت لسه هنا؟مطلعتش ليه؟
يوسف:هه مفيش أصلى تعبت فجأه اطلعى انتى وهاتى ساره وانزلى
فرح:ماشى
طلعت فرح وجابت الشنط مع ساره ونزلوا واتفاجئت ساره بوجود يوسف
ساره:يوسف!انت جيت امتا وبتعمل ايه هنا
يوسف:كان عندى شغل هنا ولما عرفت انكم راجعين قلت ترجعوا معايا
ركبوا مع يوسف وكان كل شويه يبص على ساره فى المرايه بغضب،وصل فرح الأول وفضلت ساره معاه فى العربيه
يوسف:ها ياساره فكرتى كويس فى عرضى
ساره:بصراحه انا بعد مفكرت اكتشفت انك ملكش ذنب تظلم نفسك معايا انت تستحق احسن منى
يوسف:وانا مش مستنى رايك اصلا انتى هتوافقى غصب عنك فاهمه ولا لأ
ساره:هو بالعافيه وبعدين انت بتتكلم معايا كده ازاى
يوسف:بوصى بقا يابنت الناس انتى قدامك خيارين اما توافقى تتجوزينى واما صورك الجميله اللى انتشرت فى الكليه هوديها ل ابوكى وهفضحك قدامه وهو راجل كبير ومش عارفين لما يشوف الصور ديه ممكن يحصله ايه وساعتها هتوافقى غضب عنك فاهمه ياحلوه؟
ساره بعياط:انت بتعمل فيا كده ليه انا عملتلك ايه؟
بوسف:هو مزاجى كده،مش انا اللى واحده ترفضه عشان واحد
ساره:كل ده عشان ترضى غرورك،كلكم زباله
يوسف:ايوا هو كده بالظبط، وياريت تقولى لأهلك اننا هنجيلك بكره الساعه 7
وصل يوسف ساره ورجعت وهى منهاره من العياط مكنتش متوقعه ان يوسف هيطلع كده وهيعمل كل ده
وبسرعه اتصلت ب فرح وحكتلها
ياترى ايه رده فعل فرح؟وساره هتتصرف ازاى؟ ويوسف هيغصب ساره انها تتجوزه فعلا؟
#جبروت_الحب❤
...☆☆...تفاعلكم يزيد من رغبتنا في تقديم الأفضل
#الحلقه العاشره و 11 و12
ساره كلمت فرح حكتلها كل حاجه
فرح:معقول يوسف يعمل كده وبيعمل كده ليه
ساره بعياط:مش عارفه هو بيعمل معايا كده ليه انا ليه بيحصلى كده انا تعبت يارب
فرح:اهدى ياساره وانا هكلم يوسف واخليه يتراجع عن قراره ده
فرح راحت قابلت يوسف عشان تقنعه مينفزش اللى قاله لساره
فرح:ممكن افهم ايه اللى قولته لساره ده
يوسف:هى حكتلك بالسرعه ديه
فرح:متغيرش الموضوع يايوسف ،انت ايه اللى قولته لساره ده وبتهددها كمان مكنتش متوقعه منك كده
يوسف:انا مش هعملها حاجه بالصور انا عاوزها توافق مش اكتر
فرح:هو بالغصب يعنى خلاص هى قالتلك مش موافقه
يوسف:لا هتوافق ولو حتى غصب عنها
فرح:انت بتعمل كده ليه؟وليه هى بالذات
يوسف:مزاجى كده عندك اعتراض
فرح:يوسف...انت بتحب ساره؟
يوسف:انا مش بحبها ولا هحبها
فرح:طب انت بتعمل فيها كده ليه
يوسف:كل اللى عندى انى بساعدها وحتى لوغصب عنها ..وياريت متقوليلهاش حاجه عن قعدتنا ديه،كل اللى تقوليه انى هكون عندهم بكره الساعه7
رجعت فرح وهى مش عارفه تعمل ايه عشان تساعد صاحبتها وقررت تنفذ كلام يوسف ومتحكلهاش حاجه
جه تانى يوم وام ساره بدأت توضب فى البيت عشان زياره يوسف وباباه وطبعا كانت طايره من الفرح ونفسها ساره توافق
ساره قاعده طول النهار فى اوضتها بتعيط ومش عارفه تعمل ايه ترفض وخلاص ولو رفضت يوسف ممكن ينفذ اللى قال عليه ولا توافق وتعمل اللى فى دماغها
عدى النهار بسرعه والساعه جت 7 ويوسف ود.هشام وصلوا بيت ساره وقعدوا وبعد الترحيب طبعا بدائوا يتكلموا فى موضوع يوسف وساره
د.هشام:احنا جايين طالبين ايد الانسه ساره ل ابنى يوسف
محمد: والله يا دكتور اللى اعرفه عن يوسف انه شاب محترم و كان دايما بيقف جنب ساره بنتى فى الكليه بس ادينى يومين افكر
يوسف:وايه اللى يخلينا نستنا يومين،ماخير البر عاجله وانا أقدامكم وتعرفونى كويس وسمعتنا معروفه وساره كمان تعرفنى كويس وموافقه نستنى ليه بقا
محمد:صحيح ياساره انتى موافقه
ساره:ايوا يابابا
يوسف:يبقا نقرا الفاتحه دلوقتى والخطوبه الاسبوع الجاى
محمد:ومستعجل كده ليه يابنى
د.هشام:الموضوع مش محتاج تأجيل احنا نجوزهم بسرعه ونخلص منهم بقا ولا ايه يا استاذ محمد هههه
محمد:عندك حق يا دكتور ههههههههه
يوسف:خلاص الخطوبه الاسبوع الجاى والفرح الاسبوع اللى بعده
محمد: بس كده بسرعه اوى يابنى احنا لسه محتاجين نشترى حاجات
يوسف:الشقة وجاهزه ومش محتاجه حاجه وانا مش محتاج منكم غير عروستى مش انتى موافقه بردوا ياساره
محمد:انتى موافقه على اللى بيقولوه ده يابنتى
ساره:اه يابابا موافقه
د.هشام:مادام هما موافقين يبقا ربنا يهنيهم
محمد:يبقا الخطوبه الاسبوع الجاى والفرح الاسبوع اللى بعده
عدى ساعتين وهما قاعدين يتفقوا على التفاصيل وساره قاعده حزينه ومش مهتمه بأى حاجه بيقولوها،خلصوا ود.هشام ويوسف مشيوا وساره دخلت على اوضتها وفضلت تعيط ولما هديت
اتصلت بفرح وحكتلها كل اللى حصل
فرح:انتى لو رفضتى مكنش هيعملك حاجه بالصور هو كان بيخوفك مش اكتر
ساره:انا عارفه انه مش هيعمل حاجه بس والله ل هخليه يندم على الساعه اللى خد فيها القرار ده
فرح:شكلك ناويه على الشر
ساره:هو اللى بدء والبادى أظلم
مر اسبوع وكل واحد بيمارس حياته الطبيعيه ما عدا ساره اللى قاعده على طول فى اوضتها ومش بتاكل لحد ما بان على وشها التعب،وجه يوم الخطوبه وساره وشها مطفي من الحزن، فرح عدت على ساره تاخدها البيوتى سنتر وطبعا ساره كانت رافضه تروح بس بعد اصرار مامتها وافقت وراحت مع فرح،قضوا يومهم فى البيوتى سنتر بين الماسكات والميكب والحاجات ديه ،
يوسف جه عشان ياخد ساره وكان معاه فادى(اخو فرح)،اول ماشاف ساره وقف مصدوم من شكلها كانت جميله جدا بالرغم من تعبها كانت اول مره يوسف يشوفها لبسه فستان وشعرها الطويل مفرود على ضهرها
فادى:ايه يابنى واقف كده ليه ما تروح تجيب خطيبتك خلينا نمشى ولا هنبات هنا
يوسف:هه...حاضر
راح يوسف ياخد ساره وفتحلها الباب اللى وره ودخلها ولف قعد جنبها وفرح ركبت قدام جنب فادى،ركبوا كلهم وراحوا على القاعه،دخلت ساره وهى بتحاول على قد ما تقدر انها تدارى حزنها وقعدوا وبدأت المباركات،وجه الوقت اللى هيلبسوا فيه الشبكه
يوسف:اقلعى الخاتم ده عشان البسك الدبله
ساره:لا انا مش هقلعه حطها فى الصابع التانى ولا فى اى داهيه اقولك البسها انت
يوسف:هحطها فى الصابع التانى ، بس افردى وشك بدل ما حد ياخد باله
ساره:وانت مالك
يوسف:بس انا مره اعرف انك حلوه فى الفساتين امال قرفانا ليه بالجينز ولبس الولاد ده
ساره:شكلك بتحب كلمه انت مالك
لبسوا الشبكه وفادى جه شد يوسف عشان يرقص وساره فضلت قاعده وجنبها فرح،يوسف كان طول الخطوبه عينيه على ساره،لحد ما شاف الشاب بتاع اسكندريه رايح فى طريقه للكوشه
يوسف فى سره:هى كمان عازمه حبيب القلب على الخطوبه
جرى يوسف لحد ما وصل عند الكوشه
خالد:الف مبروك ياعروسه
ساره:الله يبارك فيك
يوسف:انا جيت فى وقت غلط ولا ايه
خالد:الف مبروك ياعريس عاوزك تحط ساره فى عنيك
يوسف:متقلقش انا حططها فى عنيه مش كده ياسرسور
ساره بتعب:مبحبش سرسور ديه
يوسف:معرفتنيش على الكابتن
ساره و (التعب جاب آخره معاها):دا خالد ابن خالى....
مكملتش كلامها واغمى عليها،خالد لحقها وشالها وحاولوا يفوقوها ولما مفقتش راحوا بيها المستشفى
ام ساره:ربنا يقومك بالسلامه يابنتى
خالد:ماتقلقيش ياعمتى هتقوم بالسلامه ان شاء الله
يوسف كان واقف متابع الموقف بصمت وعقله عمال يدور ويفكر ويقول لنفسه"ياترى خالد بيحب ساره؟وساره هى كمان بتحبه ولا هى محبتش غير قاسم؟بس لو مبتحبوش ازاى تحضنه وتقله ياحبيبى حتى لو ابن خالها ساره دايما بتحط حدود مع اللى قدامها، اه بتحبه وهو كمان الخضه بتاعته ديه وقلقه عليها وشايلها ورايح وجاى بيها اكيد بيحبها"
فاق على صوت الدكتور وهو بيقول"فاقت الحمد لله هى مكانش بقالها فتره وده سببلها هبوط"
خالد:طب هى بقت كويسه
الدكتور:اه الحمد لله بس ياريت متتعرضش لضغط عصبى
الدكتور مشى وام ساره كانت قاعده بتعيط
ام ساره : ياعينى عليكى يابنتى يوم ما تيجى تفرحى متلحقيش تتهنى
خالد:اهدى ياعمتى ساره كويسه متقلقيش عليها تعالى يلا ندخل نشوفها
ام ساره:نادى على يوسف يدخل معانا يابنى
خالد:يوسف... يلا عشان ندخل لساره
يوسف:هه...حاضر
دخلوا كلهم عند ساره وكانت نايمه على السرير وفى ايديها محلول وأول ما شافت يوسف قعدت تعيط واترمت فى حضن مامتها ، صعبت على يوسف وهو شايفها فى الحاله ديه وكان حاسس انه ظلمها بالقرار ده بس بسرعه اختفى احساسه بالندم اول ماسمع خالد
خالد:اهدى ياحبيبتى مفيش حاجه حصلت لكل ده
ساره:انا عاوزه اروح بيتنا
ام ساره:ماشى ياحبيبتى ابوكى بيدفع فلوس المستشفى وهيجى ياخدنا وانت يا يوسف يابنى تقدر تروح انت تعبت معانا النهارده ابو ساره هيوصلنا بعربيته
يوسف:ولا تعبت ولا حاجه انا هستنى معاكم لحد ما تروحوا
يوسف استنى لحد ما جه ابو ساره وركبوا معاه وروحوا وركب وروح
عدى اسبوع وساره حابسه نفسها فى اوضتها ومبتخرجش ،ويوسف مبيتكلمش مع حد ومش عارف اللى بيعمله مع ساره ده صح ولا غلط
تفتكروا موضوع جواز يوسف وساره هيكمل ولا يوسف هيغير رائيه؟
تابعو جبروت الحب
#الحلقه الحادية عشر
عدى اسبوع وكل اللى حولين يوسف وساره ملاحظين تغيرهم
عند يوسف فى الفيلا،الباب خبط وفتحت الخدامه ودخل فادى
فادى: يوسف موجود
الخدامه:ايوه يافندم موجود فى اوضته هعرفه ان حضرتك عاوزه
فادى:لا انا هطلعله
طلع فادى ليوسف واول مادخل اتفاجئ بمنظر يوسف اللى كان مبهدل ودقنه طولت وشكله تعبان
فادى:ايه يابنى مالك بقالك اسبوع مش عاوز تقابل حد ومش بترد على تليفونك حتى فرحك اجلته للاسبوع الجاى مع انك كنت مستعجل
يوسف: مفيش حاجه انا بس تعبان شويه ومحتاج افكر فى حاجات كتير
فادى:طب قوم يلا وبطل كسل
يوسف:اقوم فين؟سيبنى فى حالى الله يخليك
فادى:قوم احلق دقنك والبس عشان عاوزك تيجى معايا نشترى شويه هدوم
يوسف:مش عاوز اروح فى حته يافادى روح انت
فادى:لا هتيجى معايا وهتقوم تلبس، انت محتاج تخرج وتفك
يوسف:طيب خلاص هقوم وبطل زن شويه
فادى:طب يلا عشان نلحق اليوم من أوله
يوسف:يخربيت زنك بقيت شبه فرح
فادى:والله ل هقولها
يوسف:لا وحياه ابوك دى ممكن تقتلنى خلاص ياعم المسامح كريم
قام يوسف خد شاور وحلق دقنه ولبس تيشيرت اسود وبنطلون كحلى مع جزمه سوده (طقم ماشى مع مود الحزن ) ورش برفانه المميز ونزل مع فادى وراحوا المول عشان يبدؤا رحله البحث عن هدوم تعجب فادى وتناسب زوقه (نسيت أقولكم انه زوقه غريب بس دايما لبسه مختلف وشيك)
عند ساره فى البيت
خالد:فين ساره ياعمتى
ام ساره:فى اوضتها يابنى مبتخرجش منها بقالها اسبوع حتى خطيبها مطلبش مجاش يخرجها من بعد الخطوبه
خالد:طب انا هدخلها واقنعها توافق تخرج معايا مادام خطيبها معندوش دم
دخل خالد وخبط على اوضه ساره اللى اذنت له بالدخول
خالد:ايه ياسوسو مالك سمعت انك مش عاوزه تخرجى
ساره:مفيش ياخالد تعبانه شويه ماما بس هى اللى مكبره الموضوع
خالد:يعنى محدش مزعلك
ساره:لأ
خالد:طب قومى البسى عشان عازمك على العشا فى احلى مطعم تحبيه
ساره:لا ياخالد مش عاوزه اروح فى حته
خالد:لو مقومتيش لبستى دلوقتى هعملك العشا هنا بأيدى واكلهولك غصب عنك وانتى عارفه اكلى بقا ،تاكليه من هنا ويجيلك تسمم من هنا
ساره:لا سلام انا لسه صغيره على الموت انا هقوم البس اهوه
خالد:ماشى بس متتاخريش عشان جعان على الآخر
ساره لبست بنطلون جينز وفوقه شيميز زيتى ولمت شعرها على شكل ديل حصان وخرجت متألقه بالرغم من تعبها وبهتان وشها
خالد خد ساره وراحوا على مطعم مشهور بالاكل الايطالى ، قعدوا وطلبوا العشا وطبعا القعده كانت مليانه بالنكت والمواقف المضحكه اللى مشهور بيهم واللى خلت فرح تنسى حزنها وضحكتها البريئة ترجع ل وشها
عند يوسف
يوسف:يافادى حرام عليك من الصبح بنلف على المحلات ومفيش حاجه عجباك انا رجلى اشتكت وعصافير بطنى بتنهق
فادى:هههههههههههههه.... مفجوع
يوسف:مفجوع مفجوع المهم اكلنى اى حاجه بدل ما اكلك انا
فادى:ادخل المطعم ده واطلبلنا اى حاجه تتاكل على ما اروح المحل اللى هناك ده
دخل يوسف المطعم ولسه هيطلب الاكل سمع صوت ساره بيلف وراه شاف ساره قاعده مع خالد وبتضحك ، راح عندهم
يوسف:يا اهلا بالست هانم كل ما اسأل عليها يقولولى تعبانه ومبتخرجش من اوضتها وهى بتستغفلنى وسيبانى نايم على ودانى وبتتسرمح هنا وهناك
خالد:أنت ازاى تكلمها كده وايه بتتسرمح ديه ساره وافقت بالعافيه انها تخرج معايا لما لقيتك مبتسألش ولا بتخرجها ولا اكنك خطيبها
يوسف:ياريت متتدخلش دا موضوع يخصنى انا وخطيبتى وانتى يا ست هانم حسابك معايا بعدين
سابهم ومشى وساره ميته من العياط والناس كلها بتبص ناحيتهم بسبب صوت يوسف العالى
خالد:انت ازاى مستحمله البنى ادم ده ، سبيه ياساره انتى مينفعش تكملى معاه
ساره بعياط:ياريت متتدخلش فى الموضوع ده يا خالد ، دى مشكلتى وانا اللى هحلها
خالد:براحتك ياساره ، ووقت متحتاجينى هتلاقينى جنبك على طول
خالد خد ساره وروحوا على البيت
عند يوسف،فادى إلى يوسف داخل عليه المحل
فادى:ايه يابنى مطلبتش الاكل واستنتنى ليه
يوسف:مش عاوز اكل يلا بينا نمشى من هنا
فادى:مش عاوز تاكل!دا انت كنت اضحكى من شويه وعمال تقول جعان،وبعدين نمشى نروح فين؟
يوسف:عاوز اروح الديسكو
فادى:الديسكو؟!انت فاكر آخر مره دخلته امتى؟!
يوسف:اه فاكر قبل حادثه ماما بيوم
فادى:يعنى بقالك سنتين عاوز تروح تانى ليه
يوسف:عاوز اروح وخلاص هتيجى معايا ولا اروح لوحدى
فادى:هاجى معاك مش هسيبك لوحدك
فادى راح مع يوسف الديسكو ،ويوسف قعد يشرب كتير لحد ما كان مش قادر يقف على رجله ،فادى ساعده وسنده لحد العربيه وساق هو وراح وصل يوسف الفيلا وطلعه اوضته
فادى:مالك يايوسف احكيلى احنا طول عمرنا اخوات وبنحكى كل حاجه ل بعض انا مش قادر اقف واتفرج عليك وانت بتضيع نفسك ب أيدك
يوسف:انا تعبان اوى يافادى
فادى:مالك يايوسف احكيلى انا هسمعك
يوسف:بتخونى يافادى
فادى:بتخونك؟!مين اللى بتخونك؟
يوسف:ساره
فادى بدهشه:ساره بتخونك؟!انت بتخرف ولا ايه
يوسف:لا انا مش بخرف انا فايق على فكره وعارف انا بقول ايه،ايوا ساره بتخونى وكانت بتخون قاسم
فادى:طب نفترض أن اللى بتقوله ده صح،انت عرفت منين انها بتخونك؟وبتخونك مع مين؟
يوسف:مع خالد ابن خالها ،لما روحت إسكندرية عشان اقنعها توافق شوفتها وهى بتحضنه وبتقوله يا حبيبى،وخوفه عليها لما كانت فى المستشفى والنهارده كانت قاعده معاه وبيضحكوا سوا فى المطعم
فادى:مش ممكن تكون فاهم غلط
يوسف:كل حاجه واضحه يافادى
فادى:طب ما دام انت واثق كده من اللى بتقوله مش بتسيبها ليه؟وليه عاوز تتجوزها؟
يوسف:عاوز اتجوزها عشان انتقم منها
فادى:وتنتقم منها ليه؟ماتسيبها فى حالها؟
يوسف:لا انا هنتقم منها عشان.....
فادى:عشان ايه
يوسف:عشان بحبها
#الحلقه الثانيه عشر
يوسف:عشان بحبها
فادى:ازاى بتحبها وعاوز تنتقم منها؟
يوسف:...........
فادى:يخربيت دماغك كل ماتشرب تنام على نفسك كده،اسيبك انا ولينا كلام بعدين
جه تانى يوم ويوسف صحى الصبح مصدع من الشرب بتاع امبارح قام فطر ولبس واتصل على محمد (ابو ساره) يقوله انه جاى ياخد ساره عشان ينزلوا يشتروا حاجات ،وصل عند البيت وطلع ،فتحتله أم ساره وبعد السلامات راحت تقول ل ساره ان يوسف وصل
ام ساره: خطيبك مستنيكى بره ياساره
ساره:شويه وهطلعله ياماما
ام ساره:يابنتى ما تلبسى حاجه حلوه بدل القرف اللى انتى لابساه ده (ساره كانت لابسه بنطلون جينز مقطع وعليه شيميز اسود اوفر سايز لحد ركبتها )
ساره:مش هغير لبسى،هو ده اللى عندى
ام ساره:تتك القرف انتى ولبسك، عمله شبه ولاد الشحاتين
ساره:متقوليش على نفسك كدا ياماما بقا دى شكل شحاته
ام ساره: انا راحه اجيب حاجه ل خطيبك على ما تخلصى قبل ما تجننينى
ساره قعدت ساعه فى اوضتها بحجه انها بتلبس ، وأخيرا خرجت من اوضتها ونزلت مع يوسف وركبوا العربيه
يوسف:ايه ياشبح اللى لبسه ده
ساره:خليك فى حالك وسوق وانت ساكت
يوسف:حااااضر
يوسف طلع صورصار لعبه من جيبه وحطه جنب ساره من غير ما تشوفه،ساره اول ما شافت الصرصار قعدت تصوت وتعيط خايفه من الصرصار
ساره بصراخ:وقف العربيه يايوسف
يوسف:بتصوتى ليه
ساره:صرصاااااار ووووقف بسرعه
يوسف وقف العربيه وساره نزلت منها بسرعه وقعدت تعيط ويوسف قعد يضحك على شكلها وهى خايفه من مخلوق صغير زى الصرصار (مش فاهم انه بالنسباله كائن صغير بس بالنسبالها كائن متوحش )
نزل من العربيه وقعد يقنعها انه موته خلاص وهى موفقتش وبعد اصرار ساره انها تركب تاكسى وافق يوسف وركبوا تاكسى وراحوا على محل يشتروا منه الحاجات البسيطه اللى ناقصه الشقه ساره مكنتش بتتكلم ولا بتقول رائيها حتى ، يوسف اختار الحاجات ودفع حقهم وطلب منهم يوصلوا الحاجات للشقه وسابلهم العنوان
يوسف:يلا نروح نشترى فستان الفرح
ساره:لا انا هروح اشتريه مع فرح
يوسف:خلاص براحتك يلا عشان ارجعك
ساره:احسن بردوا
يوسف لف ومشى وساره اتأخرت وراه شويه،وبعد ما اتاكدت ان مفيش حد شايفها طلعت كيس صغير فيه بودره بيضه وحطت شويه منه فى ضهر يوسف،اللى اول ما حطته قعد يهرش فى كل حته فى ضهره وساره كانت واقفه تضحك عليه ،
ساره:مش انت بس اللى بتعرف تعمل مقالب
يوسف راح شد ساره من ايديها وراح على الشقه اللى المفروض يتجوزوا فيها وهو مجرجرها وراه واول ما دخل الشقه جرى على الحمام وقلع التيشيرت وخد شاور ولبس وطلع لقى ساره قاعده متوتره راح لها و العصب بيطير من عينيه، وقرب عليها
يوسف:اللى عملتيه ده هدفعك تمنه
ساره:انت عاوز ايه؟ مش انت اللى بدأت؟
يوسف:عندك حق من النهارده هتبداء الحرب بينا وهتدفعى ثمن اللى عملتيه
ساره:اتفقنا بس متجيش تعيط فى الآخر
يوسف:هنشوف مين اللى هيعيط
نزلوا من الشقه ويوسف راح وصل ساره اللى بدأت تخطط لمقالب جديده
عدى بقيت اليوم واليوم التانى جه ، وساره قابلت فرح عشان يروحوا يشتروا الفستان
راحوا محل الفساتين وساره اختارت فستان مفتوح من عند الصدر وضيق بينتهى بذيل طويل
فرح:بس الفستان عريان اوى ياساره
ساره:بس تحفه عليا مش كده؟ انا مش عايش غيره لو عندكم اعتراض ممكن اغيره بس هجيب فستان اسود عشان ابقى ليله سوده على دماغه
فرح:لا ياستى اسود ماله الأبيض حلو وزى الفل يلا اشتريه قبل ما تغيرى رائيك
اشترت ساره الفستان و روحت على بيتها وفرح كمان اشترت فستان نبيتى رقيق جدا
عدت الأيام وجه يوم الفرح اللى بيكون احلى يوم فى حياه كل بنت بس بالنسبه ل ساره كان اسؤ يوم فى حياتها
جت فرح وخدت ساره وراحوا الفندق اللى يوسف حاجز فيه القاعه وحاجز أوضتين عشان يحضروا نفسهم فيها قبل الفرح
الساعه جت 8 وجه معاد نزول يوسف وساره القاعه
يوسف اول ماشاف ساره وقف مصدوم من شكل الفستان
يوسف:ايه اللى انتى لبساه ده
ساره: مش عجبك الفستان ؟ دا تحفه وانت تفهم منين فى الحاجات ديه خليك فى كرفتتك
يوسف:انا مقولتش انه وحش بس ليه كدا ياسوسو انا جايب رقاصه مش محتاجين رقاصه تانيه
ساره:انت بتتريق على الفستان
يوسف: وده بتسميه فستان دا بدله الرقص محترمه عنه اقلعى الفستان ده قبل ما اتجنن
ساره:مش هقلعه ، أو مش عجبك نلغى الفرح
يوسف:انا كنت عامل حسابى ، العلبه ديه مليانه صراصير يعنى لو معملتيش اللى قولتلك عليه هرميهم كلهم عليكى
ساره:بتمسكنى من ايدى اللى بتوجعنى
يوسف:اااه
ساره:ما انا لو قلعته مفيش فستان غيره البسه
يوسف:لا متقلقيش انا لما روحت المحل اللى اشتريتى منه الفستان وورونى صورته ومعجبنيش اشتريتلك واحد تانى نفس المقاس قدامك نص ساعه تلبسيه وتطلعى مش عاوزين نتأخر
راحت ساره وعبرت الفستان ولبست الفستان اللى جايبه يوسف كانت شكلها شبه سندريلا فى الفستان (فستان منفوش من عند الوسط ذيله طويل ومقفول من فوق)
خدها يوسف ونزلوا على القاعه وبعد ما اتعملهم زفه تجنن وراحوا عند الكوشه عشان يقعدوا،ساره حطت دبوس فى المكان اللى هيقعد عليه يوسف اللى اول ما قعد اتشوك
يوسف:اااااه
ساره:مالك يا جو مش عارف تقعد
يوسف:ماشى ياساره عدى مقالبك دى عشان لينا بيت هنتحاسب فيه
جه وقت الرقصه الرومانسيه (السلو) كانت ساره طول ما بترقص بتدوس على رجل يوسف
يوسف:بطلى تدوسى على رجلى فرمتيها
ساره:براحتى ادوس على اللى انا عاوزاه
يوسف:لو مبطلتيش ياساره هوقعك قدام الناس
خلصت الرقصه وجه معاد رقص الشباب، يوسف رفض يرقص معاهم اول ما شاء خالد داخل القاعه وفضل قاعد جنب ساره
واول ما وصل خالد للكوشه قابله يوسف ،خالد سلم على يوسف اللى رد السلام ببرود وراح سلم على ساره وبيقولها"أخيرا خلصت منك يامفعوصه" ساره ضحكت ويوسف اتعصب
يوسف:مش كفايه كده ولا كل ده بتسلم
خالد:براحه على نفسك يا جو
وقال لساره بصوت واطى "عريسك بيغير عليكى اوى"
قاطع كلامهم حضور فادى
فادى:يوسف تعالى انا عاوزك ضرورى
يوسف:أجلها دلوقتى
فادى:بقولك ضرورى
تفتكروا ايه هى الحاجه المهمه اللى فادى هيقولها يوسف؟ويوسف ممكن يعترف ل ساره أنه بيحبها ولا كبريائه هيمنعه ؟
#جبروت_الحب
..