فصل 4.5.6.7
*_؛ࢪوايــةة:جبـروت آلحـــب🖤🍒_* *
*═════ ♪『 🖤🍒♪ ═════*
*🍒🖤Part 4 🖤🍒*
*🍒🖤Part 5 🖤🍒*
*🍒🖤Part 6🖤🍒*
*🍒🖤Part 7🖤🍒*
الحلقه الرابعه
الدراسه خلاص على الابواب وأخيرا ساره هتدخل كليه هندسه اللى بتحلم بيها
ام ساره:اجهزى النهارده ياساره عشان ننزل نشتريلك هدوم الكليه وتشوفى اللى انتى محتجاه ايه
ساره:لا ياماما انا مش محتاجه هدوم ومش عاوزه اخرج
ام ساره:لا ياساره محتاجه هدوم ومحتاجه تخرجى من اللى انتى فيه ده فوقى لنفسك بقا انتى بتضيعى نفسك ليه؟!
ساره:ياماما انتى مكبره الموضوع ليه؟ انا كويسه قدامكم اهوه بتكلم وباكل وبشرب وعايشه زى الناس
ام ساره:لا مش زى الناس انتى وقفتى حياتك على موت قاسم حتى مستقبلك مبتفكريش فيه انتى لازم تبوصى لقدام بقا
ساره:عاوزانى اعمل ايه يعنى اتنطط عشان تستريحوا
ام ساره:قومى البسى عشان هننزل كمان شويه
ساره: حاضر ياماما مادام ده هيريحك
نزلوا وراحوا على محلات اللبس
ام ساره:بوصى ياساره حلو اوى الفستان ده هيبقا تحفه عليكى
ساره:امممم كويس
ام ساره:هو ايه اللى كويس دا تحفه يلا ادخلى قيسيه
ساره:حاضر
لفوا شويه على محلات اللبس واشتروا هدوم كتير ورجعوا وساره طول الخروجه ساكته مبتتكلمش الا للضروره
عدى اسبوع وجه اول يوم ل ساره فى الكليه وراح باباها وصلها لحد الكليه عشان يطمن عليها
محمد:يلا ياساره ربنا يوفقك ،خلى بالك من نفسك
ساره:حاضر يابابا
محمد:حد من اصحابك معاكى؟
ساره:اه فرح كلمتنى ومستنيانى جوا عشان ندخل المحاضره مع بعض
محمد:ماشى ياحبيبتى خلصى محاضراتك وتعالى على البيت متتاخريش
ساره:حاضر يابابا
دخلت ساره الكليه وقابلت فرح
فرح:صباح الخير ياقلبى
ساره:صباح النور
فرح:وحشانى كتير كدا ياساره كل ما اكلمك عشان نخرج فى الاجازه تقوليلى لأ
ساره:وانتى كمان وحشتينى بس معلش سامحينى انا كنت تعبانه طول الاجازه
فرح:طب يلا بينا ندخل المدرج عشان المحاضره هتبداء و الدكتور بتاعها صعب اوووى
دخلوا المدرج ودخل الدكتور وبدء يشرح وساره مركزه فى كل حاجه بيقولها لحد ما دخل شاب(يوسف فى آخر سنه فى هندسه شعره بنى وعينيه لونها ازرق وطويل وجسمه رياضه بيتميز بعضلاته البارزه) المدرج وبيستاذن
يوسف:بعد اذنك يا دكتور اتأخرت غصب عنى
د.هشام:أعتقد أنكم عارفين كويس ان محدش بيدخل بعدى مهما كان اتفضل اطلع بره
انسحب يوسف من غير كلام وطلع بره المحاضره
ساره طول المحاضره مركزه و حبت شرح الدكتور واحترمته جدا لما لقته قد ايه بيحترم المواعيد وخلصت المحاضره وطلعت ساره وفرح راحوا على الكافتريا لحد معاد المحاضره الجايه
فرح:شرح د/هشام حلو اوى وتقريبا هو الوحيد اللى بيشرح فى الكليه ديه
ساره:انتى عرفتى منين المعلومات ديه
فرح:صاحب اخويا بيدرس هنا فى الكليه وهو اللى فهمنى النظام هنا
ساره:اه
فرح:على فكره أحنا شوفناه النهارده
ساره:شوفنا مين ؟احنا لسه خارجين من المحاضره مشوفناش حد
فرح:لا احنا شوفناه فى المحاضره هو الشاب اللى دخل متأخر
ساره:شكله مستهتر اوى
فرح:ههههههه.. يوسف مستهتر ؟دا مواعيده كانت دايما مظبوطه،فادى اخويا كان دايما بيذله فى الشارع مستنيه ويتاخر عليه والواد يعينى كل مره يوصل فى معاده وفادى دايما مأخره وكان دايما بيهزر وضحكته مبتفرقش وشه بس من وقت ما ولدته اتوفت وهو اتغير وبقى دايما عصبى ومبيتكلمش مع حد لدرجه انه آجل السنه اللى فاتت ومدخلش الامتحانات بسبب فترة الاكتئاب اللى كل فيها
ساره:تقريبا اللى بيسبونا بيخدوا كل حاجه حلوه فينا
فرح:طب اقولك على الكبيره بقا يوسف يكون ابن د/هشام
ساره:بجد!ابنه وكرشه قدام المدرج كله
فرح:د/هشام معندوش ياما ارحمينى
قضوا بقيت اليوم فى المحاضرات وأخيرا خرجوا من اخر محاضره وهما تعبانين جدا
فرح:انا تعبانه اوى ايه الإرهاق ده الواحد مش لاحق يتنفس
ساره:انتى عاوزه تتعلمى من غير مجهود
فرح:ههههههه لا يموتونى عشان بيعلمونى
ساره:طب يلا بينا عشان منتاخرش
فرح:تعالى معايا اوصلك بالعربيه
ساره:لا بلاش اتعبك معايا
فرح:تعب ايه يابنتى دا احنا أخوات
ركبت ساره مع فرح ووصلتها
مر اسبوعين وساره منتظمه فى محاضراتها وبتقعد طول الوقت سرحانه بتفكر فى قاسم وكل يوم تنام بتعيط لحد ما فى يوم قاعده فى الكافتريا بتبص لقت واحد شبه قاسم واقف بعيد قامت تجرى عشان تلحقه وهى بتجرى خبطت فى حد ومحاولتش تعتذر أو تشوف مين كملت جرى وبقت زى المجنونه بتحاول تدور على قاسم وسط الطلبه ولما ملقتوش رجعت الكافتريا
فرح:ايه يابنتى طلعتى تجرى مره واحده كده ليه وروحتى فين
ساره:مفيش حاجه انا تعبانه وعاوزه اروح
فرح:مش هتكملى المحاضرات
ساره:لا و يلا باى بقا
فرح:باى
روحت ساره بيتها واول ما دخلت رمت نفسها على السرير وفضلت تعيط وقامت تدور على تليفونها عشان تشوف صوره قاسم ملقتوش فضلت تدور كتير لحد ما فكرت انها تتصل عليه ولما اتصلت لقت شاب بيرد عليها
ساره:الوو لو سمحت التليفون ده بتاعى
الشاب:هو انتى صاحبته؟ انا لقيته فى الكافتريا
ساره:طب ممكن تجيبهولى بكره عشان محتجاه ضرورى
الشاب:حاضر بكره قابلينى الساعه 9 فى الكافتريا
ساره:تمام
قفلت الخط وهى مستنيه بكره عشان تاخد تليفونها
ياترى مين لقى تليفون ساره ؟ وهيحصل ايه بكره ؟
تابعوا
#جبروت_الحب
جبروت الحب
الحلقة الخامسه
عند يوسف فى البيت
د/هشام:انت ايه اللى دخلك المحاضره متأخر انا عارف انى مبسمحش لحد يدخل ورايا
يوسف:خلاص يابابا ما انت كرشتتى قدام الطلبه كلها ولا اكنى ابنك
د/هشام:انت عارف كويس انا بحترم مواعيدى ازاى ولازم تبطل استهتار ونشوف مستقبلك
يوسف:انا مش مستهتر يا بابا
د.هشام:لا مستهتر انت السنه اللى فاتت اجلت السنه كلها عشان والدتك وقلت ماشى مش مشكله نفسيتك تعبانه تقدر تعرفنى بقا من اول السنه دى منزلتش الكليه غير النهارده وكمان جاى متأخر
يوسف:مستهتر مستهتر انا مبقاش يفرق معايا حاجه انا طالع انام عشان تعبان
د/هشام:يوسف انا لسه مخلصتش كلامى
يوسف:اتفضل يابابا فى محاضره تانى تحب تدهالى
د.هشام:ايه اللى عمل فى هدومك كده
يوسف:كنت بجيب عصير وخبطت فى واحده وادلق عليا
فلاش باك
يوسف واقف فى الكافتريا بيشترى عصير مانجا وراجع للتربيزه لقى واحده بتجرى وخبطت فيه دلقت عليه العصير كله ومبصتش حتى عليه ولا اعتذرت وكملت جرى يوسف كان فى قمه غضبه ولسه هيتحرك لقى تليفونها واقع على الارض
الوقت الحالى
د.هشام:اتفضل اطلع غير هدومك ونام وياريت تروح الكليه تشوف محاضراتك وابقى عدى بكره على الشركه فيه مشروع مهم عاوزك تمسكه
يوسف:حاضر يابابا تصبح على خير
د.هشام:وانت من اهله
طلع يوسف اوضته خد شاور ونام على السرير وبيفكر فى البنت اللى خبطت فيه ومفكرتش تعتذر
جه تانى يوم وساره واقفه بتدور على الشاب اللى لقى الموبيل بتاعها
ساره:ياترى هو فين دا انا معرفتش حتى اسمه
فرح:طب خدى اتصلى عليه من عندى
اتصلت ساره علي تليفونها ورد يوسف عليها وقالها دقيقتين وهكون عندك
فجأه شافت شاب دخل من باب الكافتريا اللى كانت فاضيه محدش فيها غير ساره وفرح
ساره:اكيد ده اللى لقى تليفونى
فرح:يووووسف ازيك
يوسف:فرح !بتعملى ايه هنا
فرح:ساره صحبتى موبيلها ضاع وفيه شاب لقاه والمفروض أنه هيجيبه دلوقتى
يوسف ل ساره: هو انتى بقا اللى خبطتى فيا ودلقتى عليا العصير ومعتذرتيش
ساره:خبطت فيك امتا هو رمى جتت وخلاص
يوسف:انتى بتستعبطى دا انتى خليتى منظرى زباله امبارح وحتى مفكرتيش تقولى اسفه وكمان وقعتى موبيلك ولا خدتى بالك انه ضاع اصلا انا مشوفتش استهتار بالشكل ده
ساره"بعد ما افتكرت انها خبطت فى حد امبارح":ايه بتستعبطى ده وانت مالك مستهتره ولا لأ مش فاهمه ايه قله الزوق ديه
يوسف: يعنى انا جاى ارجعلك موبيلك بالرغم من اللى عملتيه امبارح وكمان بتهزقينى
ساره:ممكن موبيلى لو سمحت عشان عندى محاضره
يوسف:مش هديهولك الا لما تعتذرى على اللى عملتيه امبارح
ساره:وانا مش هعتذر
فرح:معلش يا يوسف حقك عليا انا واديها تليفونها عشان خاطرى هنتاخر على المحاضره
يوسف:انا هسيبه عشان خاطرك يافرح وانا كمان عندى محاضره ومش عاوز اتأخر عليها
ساره فى سرها: قال يعنى الواد بيحترم مواعيده اوى
فرح:على فكره سمعتك
ساره:طب يلا احنا كدا مش هنلاقى مكان نقعد فيه
دخلوا المدرج وفعلا كان مليان جدا ومكنوش لقيين مكان يقعدوا فيه
ساره:أوف منك لله يا يوسف هو اللى اخرنا وادينا مش لقيين مكان
فرح:طب هنقعد فين ؟المحاضره قربت تبداء
وراحوا يدور على مكان ورا، لقوا يوسف بيشورلهم
يوسف:فرح تعالو اقعدوا هنا
فرح:يوسف بيقولنا نروح نقعد هناك تقريبا فى مكان فاضى تعالى نشوف
وصلوا للمكان اللى قاعد فيه يوسف
فرح:انت مفيش جنبك غير مكان لواحد بس مش هينفع
يوسف وهو بيقف:اقعدى انتى وصاحبتك هنا وانا هشوفلى اى مكان او هقف عادى
ساره:لا خليك فى مكانك واحنا هنتصرف
يوسف:انا موجهتلكيش كلام انا بكلم فرح هتقعدوا ولا هتفضلوا واقفين كتير
فرح:يلا ياساره نقعد الدكتور خلاص دخل ومفيش مكان
قعدت فرح وساره مكان يوسف ويوسف فضل واقف طول المحاضره ،وخرجت ساره وفرح من المحاضره
فرح:اوف ايه المحاضره الطويله ديه والدكتور سريع اوى ملحقتش اكتب كلمه وراه
ساره:متقلقيش انا كتبت كل حرف ابقى انقليها منى
فرح:طب يلا بينا اوصلك واروح عشان الوقت اتأخر
راحوا عند عربيه فرح وركبوا بس العربيه مش راضيه تدور
فرح:وبعدين هنعمل ايه العربيه عطلت
ساره:تعالى نركب تاكسى
واقفوا يستنوا تاكسى يعدى بس مفيش ولا تاكسى،يوسف لمحهم من بعيد واقفين ف راحلهم يشوف فى ايه
يوسف:فى ايه يافرح انتو واقفين كده ليه
فرح:عربيتى عطلت وواقفين مستنين تاكسى
يوسف:طب تعالو معايا اوصلكم
فرح:طب يلا ياساره نركب مع يوسف
ساره:لا اركبى انتى انا هقف استنى تاكسى
يوسف:مش هتلاقى تاكسى دلوقتى
فرح:يوسف عنده حق ياساره مش هتلاقى تاكسى يلا بقا عشان منتاخرش
ساره:لو وصلت انى اخدها مشى مش هركب معاه
يوسف:براحتك انا عملت اللى عليا يلا يافرح هتركبى ولا هتمشى مع صاحبتك
فرح:لا يا يوسف انا مش هسيب ساره لوحدها هقف معاها لحد مانلاقى تاكسى
يوسف:براحتكم يلا سلام
مشى يوسف بعربيته ، ساره وفرح واقفين مستانين تاكسى يعدى لحد ما عربيه عدت وكان فيها شباب لما شافوهم لوحدهم قربوا عليهم و..
ياترى ايه اللى هيحصل ل ساره وفرح؟
تابعو
#جبروت_الحب
جبروت الحب
الحلقه السادسه
نزلوا 3 شباب من العربيه وقربوا منهم
الشاب1:الجميل واقف هنا مستنى مين
الشاب2:لو اللى مستنينه مش جاى احنا هنقوم بالواجب
الشاب3:هو فيه حد يسيب الجمال ده كله فى الشارع
ساره:امشى ياحيوان انت وهو من هنا
الشاب1:وليه الغلط دا احنا هنبسطك ياجميل
ساره ضربت الشاب بالقلم وكان لسه هيضربها لقى يوسف مسك ايده وضربه فى وشه
(لما يوسف ركب العربيه ومشى لف ورجع من الشارع التانى ووقف بعيد يراقبهم لحد ما تاكسى يجى عدى وقت ويوسف كان مشغول وبيتكلم فى التليفون وفجأه سمع صوت ساره عالى وبتزعق مع حد نزل من العربيه يجرى)
يوسف اتخانق مع ال3شباب بالرغم من انهم اكتر منه الا أنه ضربهم كلهم وجريوا من قدامه
يوسف:هتفضلوا واقفين بتبصولى كتير يلا عشان اوصلكم ولا مستنين تتخطفوا المره دى
فرح:يلا ياساره كفايه اللى حصل لحد كده واعتبريه سواق تاكسى
يوسف:اخرتها ابقى سواق تاكسى يلا مش مشكله
ركبت فرح جنب يوسف و ساره ركبت وراه وقالتله على العنوان ،وصل ساره الأول واستنوا لحد ما طلعت بيتها ومشيو
ساره دخلت البيت ولقت مامتها وباباها قاعدين فى الصاله
ام ساره:ايه اللى اخرك لحد دلوقتى يابنتى احنا كنا هنتجنن عليكى وتليفونك مقفول
ساره:معلش ياماما عربيه فرح عطلت ووقفنا استنينا تاكسى....وحكت ساره كل اللى حصل ل باباها ومامتها
محمد:كويس ان زميلكم ده كان موجود لولا وجوده مكنش حد عارف كان حصلكم ايه
ساره:الحمد لله اننا رجعنا بالسلامه
ام ساره:لما يكون عندكم محاضرات متأخر ابقى قولى ل ابوكى وهو يجى يخدك
ساره:حاضر ياماما
محمد:ابقى اشكريلى زميلك على اللى عمله معاكى
ساره:مفيش داعى يابابا اى حد مكانه كان هيعمل كده
ام ساره: لازم نشكره برضو يابنتى اللى عمله مش قليل ابن حلال والله
ساره:طب انا هدخل اغير هدومى واذاكر وبعدين انام
دخلت ساره الاوضه وفضلت تذاكر لحد ما لقت رقم غريب بيتصل عليها
ساره:الو
المتصل:الو دا تليفون ساره
ساره:ايوا حضرتك مين
المتصل:انا يوسف
ساره بغضب :يوسف...انت جبت رقمى منين؟ومتصل عليا ليه ؟وعاوز ايه؟اوعى تكون فاكر موقف الشهامه يخليك تفكر انك تتصل بيا فى وقت زى دلوقتى
يوسف:ايه براحه كل ده عشان اتصلت انا جبت رقمك من فرح
فلاش باك... فى العربيه
يوسف:فرح انتى كتبتى محاضره النهارده
فرح:لا مكتبتش الدكتور كان سريع اووى وملحقتش اكتب وراه
يوسف:انا كنت عاوز المحاضره عشان اذاكرها انتى عارفه انها مهمه
فرح:ساره صحبتى كتبت كل حاجه
يوسف:طب هاتيلى رقمها اتصل عليها اقولها تجيبلى المحاضره بكره
فرح:رقمها......
الوقت الحالى
ساره:وعاوز منى ايه
يوسف:عاوز محاضره النهارده فرح قالتلى انك كتبتيها
ساره:وانت مكتبتهاش ليه
يوسف:أظن انك لسه فاكره أنى وقفت طول المحاضره عشان حضرتك مكنتيش لقيه مكان وقعدتك مكانى
ساره:انت هتذلنى ياعم خلاص هجبلك المحاضره بكره
يوسف:هستناكى الساعه11 فى الكافتريا
جه تانى وراحت ساره الكليه وقابلت فرح وحضروا اول محاضره وخرجوا وراحوا على الكافتريا يفطروا لحد ما جت الساعه 11وجه يوسف
يوسف:اللى ياكل لوحده يزور
فرح:حماتك بتحبك ياجو تعالى افطر
يوسف:شكرا انا اكلت قبل ما انزل انا جاى اخد المحاضره
فرح:طب انا هقوم اجيب حاجه نشربها تطلبوا ايه ولا أقولكم انا هجيبلكم مانجا انا عارفه انكم بتحبوها
مشيت فرح وقعد يوسف مكانها
يوسف:اخيرا فى حاجه بتحبيها
ساره:المحاضره اهيه اتفضل محتاج حاجه تانى
يوسف:شكرا
ساره:صحيح انا كنت عاوزه اقولك شكرا على اللى عملته معايا امبارح واسفه كمان على انى خبطت فيك مكنش قصدى والله
يوسف:مفيش مشكله انا نسيت الموضوع اصلا بس عندى شرط
ساره:كمان هتتشرط عليا
يوسف:اعتبريه طلب
ساره:اتفضل اطلب
يوسف:نبقى صحاب
ساره:نعاااام نبقى ايه؟اصحاب!لأ طبعا
يوسف:لا انتى فهمتينى غلط قصدى اعتبرينى زى اهوكى الكبير مش اكتر ولو احتاجتى حاجه قوليهالى ولا اقولك اعتبرينى زى فرح
ساره:لو زى فرح يبقا ماشى مع ان فرح احلى طبعا
يوسف:قصدك انى وحش يعنى
ساره:لأ...اه..عادى يعنى
يوسف:اول واحده تقولى عادى دى بس مش مشكله هعديها
فرح:بتتكلموا فى ايه من ورايا انا وهى هههههه
يوسف:اتفقنا انا وساره مفيش خناق وهنبقا اصحاب
فرح:احلى خبر ده ولا ايه ههههههههههههه
قعدوا يتكلموا مع بعض شويه عن المحاضرات والدراسه
يوسف:انا هستاذن عشان اروح الشركه لو احتجتم حاجه اتصلوا بيا
فرح:متشكرين يازوق ههههه
الكل:ههههههههههههههه
الحلقه السابعه
عدت سنه ويوسف وساره وفرح بقوا اصحاب جدا يوسف اتخرج من الكليه وبيدير الشركة بس مفيش مانع انه لسه بيروح عشان يقعد مع فرح وساره ،ساره وفرح نجحوا بتقدير امتياز وراحوا سنه تانيه ،وطبعا اهل ساره كانو مستمرين فى الضغط على ساره انها ترتبط ب اى عريس من اللى كانت بتجبهم جارتهم على امل ان ساره تنسى قاسم
لحد ما جه يوم فرح كانت تعبانه ومنزلتش الكليه وساره راحت لوحدها ودخلت المحاضره، لقت شاب (نادر شاب غنى و مستهتر لسه ناقل من هندسه اسكندريه ل هندسه القاهره سنه تانيه مشهور بمغامراته مع البنات وبغروره الزايد عن الحدود )جه قعد جمبها وبداء يتكلم معاها
نادر:انتى اسمك ساره صح
ساره:افندم؟! وانت يخصك فى ايه اسمى
الشاب:عادى يعنى بنتعرف انا اسمى نادر
ساره:وانا مش عاوزه أتعرف على حد
نادر:مش نادر اللى حد يقوله لأ، فوقى لنفسك ياحلوه
ساره بصتله بغيظ سبته وهى فى قمه غضبها وخرجت وكلمت يوسف فى التليفون وطلبت منه يجى ضرورى وقالها تستناه فى الكافتريا وبعد دقايق قصيره وصل يوسف
يوسف:خير ياساره ايه اللى حصل
ساره:واحد قعد يضيقنى فى المحاضره ف قومت وسبت المدرج واتصلت بيك
يوسف:متضيقيش نفسك بس انا هقوم اجيبلك حاجه تشربيها عشان تهدى
يوسف راح يجيب عصير وساب ساره قاعده لوحدها على التربيزه وفجأه لقت نادر واقف قدمها
نادر:بقا حته بت زيك تنفضلى انا وتسبينى وتمشى
ساره:انت مين اصلا عشان تكلمنى كده
يوسف شافهم من بعيد ف راح جرى عليهم وسمع ساره بتزعق وصوتها عالى
يوسف:فى ايه ياساره بتزعقى ليه
نادر:هو ده حبيب القلب اللى نفضتيلى عشانه
ساره:أخرس يا حيوان
يوسف:امشى من هنا يا عم الامور ولو كلمتها تانى مش هخليك تعرف تتكلم بقيت حياتك
نادر:ما تهدى حبيب القلب ياسوسو وقوليله ان مش نادر اللى يتهدد
يوسف:صدقنى انت لو ممشيتش من هنا مش هيحصلك خير
نادر:هتعمل ايه يعنى اللى عندك اعمله انا ......
ملحقش نادر يكمل كلامه لقى يوسف نزل عليه ضرب لحد ما طحنه وفصل بينهم الأمن واخدهم على مكتب العميد
العميد:ممكن افهم ايه اللى حصل ده
نادر:يا دكتور انا واقف بتكلم معاه لقيته نزل فوقى ضرب
العميد:انا مكنتش اتوقع منك كده يا يوسف
يوسف:كداب يا..
العميد:مش عاوز كلام كتير اللى حصل ده ميتكررش وانا ليا كلام مع د.هشام يا يوسف
خرجوا من اوضه العميد ويوسف كان متعصب جدا ونادر قرر انه هيرد ل يوسف وساره القلم قلمين
ساره:انا اسفه يا يوسف على اللى حصلك كل ده بسببى
يوسف:متعتذريش ياساره انتى مالكيش ذنب هو اللى يستاهل اللى حصله
ساره:طب انت هتعمل ايه دلوقتى
يوسف:هرجع الشركه عشان ورايا شغل
ساره: معلش يايوسف عطلتك معايا
يوسف:بلاش الكلام اللى بيضيقنى ده المهم انتى وراكى هتعملى ايه دلوقتى
ساره:انا هروح انا مش هقدر اقعد واشوف البنى ادم ده تانى
يوسف:خلاص تعالى معايا اوصلك واطلع على الشركه
ساره:لا متتعبش نفسك انا هركب تاكسى من هنا
يوسف:مش فاكره اخر مره قولتى الجمله ديه حصل ايه
ساره:....
يوسف:يلا بينا يا ساره ربنا يهديكى وبعدين اعتبرينى سواق تاكسى عشان مش مستعد اتخانق مع حد تانى
ساره:خلاص ماشى بس بشرط
يوسف:كمان هتتشرطى،ماشى قولى ياستى
ساره:هتاخد الاجره ههههههههه
يوسف:لا دا انتى صدقتى نفسك بجد ومتخيلانى سواق تاكسى
ساره:خلاص ياعم بهزر معاك
ركبت ساره مع يوسف ووصلها لحد البيت واول ما دخلت الشقه راحت على اوضتها وكلمت فرح فى التليفون وحكت لها اللى حصل
فرح:كل ده حصل عشان مجاش يوم واحد بس امال لو غبت اسبوع هتعملوا ايه من غيرى
ساره:ماشى ياست المهمه بكره هتيجى اكيد عشان انا مش هروح لوحدى
فرح:ان شاء الله
جه باليل ويوسف رجع من الشركه ولقى باباه مستنيه فى البيت
د.هشام:حمد الله على السلامه يايوسف بيه
يوسف:الله يسلمك .. مالك يا بابا فيك حاجه
د.هشام:ممكن افهم ايه اللى حصل النهارده فى الكليه واتخنقت ليه
يوسف:سوء تفاهم بسيط وراح لحاله
د.هشام:سوء تفاهم يخليك تمسك زميلك تضربه !وانت من امتى بتتخانق مع حد؟طول عمرك عاقل وبتتحكم فى أعصابك ايه السبب اللى خلاك متعرفش تسيطر على أعصابك
يوسف:متشغلش بالك يابابا مشكله بسيطه واتحلت خلاص
وجه تانى يوم وراحت ساره الكليه وقابلت فرح ودخلوا المدرج وهى بتتمنى انها متشوفش اللى اسمه نادر ده بس مش كل حاجه بنتمناها بتحصل ،بعد ما دخلوا قاعدوا لقوا نادر وقف جنب ساره وكلمها بهدوء
نادر :صدقينى ياساره لو معتذرتليش انتى والواد بتاعك قدام الناس كلها هخليكى تندمى
ساره:اعتذر لمين؟ليك انت! دا مستحيييل انت ليك عين تتكلم اصلا
نادر:والله ل اخليكى تندمى ياساره
ساره:أطول ما فى خيلك اركبه
نادر:ماشى ياساره بس افتكرى انى حذرتك
عدى اسبوع على الموقف ده ،ساره داخله الكليه وشايفه الطلبه كلها بتبص عليها وبتتكلم واللى يبص عليها ويضحك وهى مستغربه من كل اللى بيحصل لحد ما وصلت للمكان اللى واقف فيه يوسف وفرح وكانوا واقفين بيبصوا فى الموبيل ومتنحين
ساره:فيه ايه ياجماعه انتو واقفين كدا ليه وبتتفرجوا على ايه ورونى
فرح:لا مفيش حاجه ياساره دا صوره كنت باخد رأيي يوسف فيها
ساره:صوره؟! ومالك متوتره كدا ليه؟! طب ورينى الصوره وانا اقولك
فرح:لا خلاص مسحتها عشان وحشه
ساره:ورينى الصوره يا فرح بدل ما أشوفها غصب عنك
فرح:قولتلك مسحتها ياسا...
مكملتش كلامها وكانت ساره شدت منها الموبيل وشافت اللى عليه
وفجأة وقعت على الارض مغمى عليها حاولوا يفوقوها بس مبتفوقش شالها يوسف ووداها العربيه مع فرح وطلعوا على المستشفى
تفتكروا ساره اغمى عليها ليه؟ وايه اللى شافته؟!
تابعوا
متابعه فضلا وليس أمراً 💞💞✨