فصل 1.2.3
*_؛ࢪوايــةة:جبـروت آلحـــب🖤🍒_*
✧✧
*
*═════ ♪『 🖤🍒♪ ═════*
*🍒🖤Part 1 🖤🍒*
*🍒🖤Part 2 🖤🍒*
*🍒🖤Part 3🖤🍒*
"الحب هو فطره فى كل انسان بيفضل طول حياته يدور عليه وبيكون محظوظ لما يلاقيه وفى اللى بييأس ويتعب من البحث عنه،وفيه اللى الحب بيفرض نفسه على قلبه غصب عن عقله ودا جبروت الحب "
الحلقه الأولى
سارة (بنت جميله جدا بتتميز بلون بشرتها الابيض وشعرها الطويل البنى ووملامحها البسيطه وعينيها البنى) كان اخر يوم ليها فى امتحانات الثانويه العامه وكانت خارجه من المدرسه فرحانه انها أخيرا خلصت الامتحانات وحلت كويس جدا وهى خارجه لقت قاسم(جارساره ،شاب بيتميز بطوله وجسمه الرياضى ووسامته متخرج من كليه هندسه ) واقف قدام المدرسه استغربت فى الاول وقالت اكيد صدفه بصتله بابتسامه ومشيت
بس اللى مكنتش متوقعه انها لقته بينادى عليها
قاسم:ساره لو سمحتى ممكن خمس دقايق؟عاوز اتكلم معاكى فى موضوع مهم
ساره : ممكن بس ياريت منتاخرش
قاسم : متقلقيش مش هنتاخر هنقعد فى اى كافيه بس عشان مينفعش نتكلم فى الشارع
ساره:امممم ماشى
راحوا اقعدوا فى كافيه على النيل
قاسم:تشربى ايه؟
ساره:متشكره ادخل فى الموضوع على طول
قاسم:خلاص هطلبلك على ذوقى
طلب من الجرسون 2عصير مانجا
قاسم:يارب تكونى بتحبيها
ساره:متقلقش مبشربش غيرها تقريبا
قاسم:ندخل فى الموضوع اللى عاوزك فيه ،بوصى يا ساره انا بحبك من زمان من يوم ما اتولدتى تقريبا كنت بقف كل يوم فى البلكونه عشان اشوفك وانتى نازله او طالعه البيت كنت كل يوم بمشى وراكى الصبح وانتى راحه المدرسه عشان اطمن عليكى انا بحبك اكتر من نفسى وهفضل احبك على طول،وكنت مستنى الوقت اللى اروح اطلبك فيه من والدك ، بس اللى خلانى اجى اقولك دلوقتى انى رايح الجيش بكره وكان نفسى اخطبك قبل ما ادخل الجيش بس انتى كنتى فى امتحانات وان شاء الله هاجى اتقدملك بعد اول اجازه انزلها . ها هتوافقى عليا
ساره كانت طول ما قاسم بيتكلم بتسمعه وهى متوتره ووشها أحمر
ساره:اه.. لا.. قصدى اللى بابا يقول عليه
قاسم:افهم من كدا انك موافقه مبدائيا
ساره:.............
قاسم: بيقولو السكوت علامه الرضا
ساره:انا عاوزه اروح انا اتأخرت اوووى
قاسم:انا اسف انى اخرتك ، اتفضلى معايا اوصلك
ساره:اتفضل فين! لا طبعا انا هروح لوحدى
قاسم:امال لو مكنتش جاركم وطريقنا واحد كنتى هتعملى ايه! يلا ياساره عشان متتاخريش اكتر من كدا
ساره:لا انا هركب تاكسى واروح لوحدى
قاسم: خلاص ياستى اعتبرينى سواق تاكسى واركبى معايا اوصلك
بعد إصرار كبير من قاسم وافقت ساره أنه يوصلها وركبت ورا وقاسم طول الطريق بيبوص عليهافى المرايه وكل مره يلقيها بتبص تحت ووشها لسه احمر
وصلت ساره البيت وكانت ساره فى قمه سعادتها أخيرا قاسم اللى طول عمرها بتحبه اعترافها أنه بيحبها وهيجى يخطبها ونامت وهى اسعد واحده فى الكون، صحيت الصبح لقت رساله من رقم غريب مكتوب فيها"صباح الخير على اميرتى وملكه قلبى كان نفسى تبقى آخر حد اشوفه قبل ما اسافر بس اللى مصبرنى انى هرجع قريب واتقدملك .
بحبك
قاسم"
ساره:وانا بعشقك
ومر شهر وساره مستنيه اليوم اللى هيجى فيه قاسم
فى يوم الخميس لقت قاسم بيرن
ساره:الوووو
قاسم:الووو .... ساره انا مش سمعك كويس ممكن تطلعى البلكونة عشان الشبكه
ساره:حاضر طلعه اهوه
فتحت البلكونه ولقت قاسم واقف فى البلكونه اللى قدمها ولابس لبس الجيش
قاسم:ايه رائيك فى المفاجأه ديه حبيت تكونى اول حد اشوفه لما ارجع
ساره:حمد الله على سلامتك
قاسم:حمد الله على سلامتك! ، مفيش وحشتنى حتى
ساره:لا مفيش ولو كان عجبك كمان
قاسم:عجبنى وعجبنى جدا كمان ،المهم ياسوسو عاوزك تحضري نفسك بكره عشان هاجى واجيب والدال عشان اتقدملك
ساره: بكره على طووول كده مش تستريحلك يومين
قاسم:انا اشتكيتلك انى تعبان ، دا انا مصدقت انى نزلت اجازه عشان اجى اتقدملك ،لولا الوقت متأخر كنت جيت دلوقتى
ساره:طب اسيبك ترتاح انت اكيد جاى تعبان وعاوز تنام
قاسم:انا كنت جاى تعبان فعلا بس لما شوفتك ارتحت
ساره:طب ادخل نام ونتكلم بكره
قاسم :تصبحى على خير يا حبيبه قلبى
ساره: احم .... وانت من اهله
جه تانى يوم وساره بدأت تجهز لزياره قاسم ووالدته هى واهلها ،مر الوقت بسرعه وجه المعاد اللى هيجى فيه قاسم
محمد (والد ساره):اتفضل يا قاسم نورتنا ياحبيبى حمد اللى على سلامتك
قاسم:الله يسلمك البيت منور ب اصحابه
ام قاسم: انتو مش عارفين غرض زياريتنا ليكو انا انا كلمت ام ساره قولتلها ان قاسم عاوز حضرتك فى موضوع وهو بقا اللى يقولك
محمد:اتفضل يا بنى خير
قاسم:من غير مقدمات ياعمى انا جاى اتقدم ل ساره بنت حضرتك
محمد:ساره! بس دى لسه مخلصه الثانويه وقدمها لسه كليه
ام قاسم : لو على الدراسه تكملها وهما مع بعض بس نعمل خطوبه ونشوف الخير فين
محمد : انتم فجأتونى الصراحه مش عارف أقولكم ايه سيبونى يومين افكر
ام قاسم:هنستنا ردك وان شاء الله خير
قعدوا يتكلموا شويه لحد ما استاذنوا وخرج قاسم من عند اهل ساره وهو خايف انهم يرفضوه
ام ساره:وانت هتعمل ايه يامحمد هتوافق ولا ايه
محمد:مش عارف هو بصراحه شاب كويس ومحترم بس البنت لسه قدامها كتير على ما تخلص دراستها
ياترى ابو ساره هيوافق على قاسم؟
تابعوا
جبروت الحب
الحلقه التانيه
ام ساره:خلاص شوف رأي ساره ايه واعمل اللى انت عاوزه
محمد:انا هعمل كدا
راح محمد ل ساره لقاها قاعده فى اوضتها سرحانه
محمد:الجميل سرحان فى ايه
ساره:هاه...ولا حاجه يابابا
محمد:طب انا عاوز اخد رأيك فى موضوع قاسم
ساره:اللى حضرتك شايفه صح اعمله
محمد:ياساره انا نفسى اشوفك اسعد واحده فى الدنيا ونفسى أفرح بيكى بس مش عاوز اخليكى تيجى على دراستك بوصى يابنتى انا عارف ان قاسم شاب محترم ومجتهد واخلاقه كويسه وبيحبك كمان بس عاوز اعرف موافقه ولا لأ
ساره:...........
محمد:يبقا موافقه الف مبروك يا حبيبتى انا بكره هبلغهم اننا موافقين
جه تانى يوم واتصل محمد ب قاسم وقاله أنه يجى يزورهم باليل
قاسم ووالدته وصلوا فى المعاد بالظبط ودخلوا قعدوا مع محمد
محمد:قاسم يابنى انا عارف انت الجواز ده مسئوليه كبيره ومش سهله
قاسم:عارف طبعا ياعمى وان شاء الله هكون قد المسئوليه
محمد:وعارف طبعا ان ساره بنتى الوحيده وانا طول عمرى شيلها فى عنيا
قاسم:وانا اوعدك انها هتبقا جوا عنيا ومش هزعلها ابدا
محمد:انا عارف انك راجل وابن حلال عشان كده انا وافقت على خطوبتك من ساره ومتاكد انك هتخلى بالك منها الف مبروك يابنى
قاسم:بجد...قصدى الله يبارك فيك ياعمى
ام قاسم:خلاص نقراء الفاتحه على خيره الله الخطوبه تكون الاجازه الجايه
قروا الفتحه ودخلت الفرحه البيت وصوت الزغاريط ملا البيت وساره كانت طايره من الفرح
طلب قاسم من محمد ان بكره ياخد ساره وينزلوا يجيبوا الشبكه و حاجه الخطوبه عشان إجازته هتخلص ووافق محمد
تانى يوم جه وساره لبست واستنت قاسم عشان ينزلوا سوا لقت تليفونها بيرن
قاسم:ألو....انزلى ياساره انا تحت
ساره:حاضر انا نزله اهوه
نزلت ساره لقت قاسم مستنيها فى العربيه واول ما شافها نزل وفتحلها الباب
قاسم: هو فيه حلاوه بالشكل ده
ساره بغرور:لا طبعا
قاسم:ليكى حق ياستى تقولى كده
ساره:ميرسى قالولى كده كتير
قاسم:ومين اللى قالولك كده ان شاء الله
ساره:يااااااه كتير اووووى....ماما وبابا و اصحابى
قاسم:ااااه قولتيلى ماما وبابا واصحابك .. بس منى احلى اكيد
ساره:مش فاهمه الغرور اللى انت فيه دا الصراحه
قاسم:انا بردوا اللى مغرور بس مش مشكله مغرور عشان بحبك
ساره:احم...
قاسم:طب قوليلى وانا كمان ولا اى حاجه بلى ريقى ابوس إيديك
ساره: يلا بقا عشان منتاخرش
قاسم:خلاص ياقلبى براحتك قوليهالى وقت ما تبقى عاوزه تقوليها
وصلوا المكان اللى رايحينه
دخلوا وقعدوا يلفوا فى محلات الدهب لحد ما دخلوا محل كبير اوووى
ساره:حلو اوووى الخاتم ده تحفه بجد
قاسم:لو سمحت ممكن نشوف الخاتم ده
صاحي المحل:الخاتم ده مش موجود منه غير قطعه واحده بس مبيخدوش غير الناس المميزه
قاسم:طب ياريت نشوفه
ساره:الله بوص شكله حلو فى أيدى ازاى
قاسم:مبروك عليكى يا حبيبتى
صاحب المحل:احطهولك فى علبه
قاسم:اكيد طبعا وطلعلى الفاتوره
صاحب المحل:الخاتم حقه 100الف يافندم
ساره:انت بتهزر لا طبعا دا غالى اوووى
قاسم:مفيش حاجه تغلى عليكى ياقلبى
ساره:بس انا مش عاوزه الخاتم ده
قاسم:ليه بس؟! دا كان عجبك
ساره:لا مش عجبنى الخاتم دا احلى بكتير
اختارت ساره خاتم تانى بسعر اقل وراحوا لمحل الفساتين واشترت ساره فستان ومرضتش تخلى قاسم يشوفه
وراحوا يشتروا بدله ل قاسم
قاسم:شوفتى انا خليتك تشوفى البدله بتاعتى وانتى مش راضيه تخلينى اشوف الفستان
ساره:عشان يبقا مفاجأه
قاسم:انا عاوز اطمن بس
ساره:لا متقلقش انا زوقى حلو
قاسم:ما انا عارف،عشان كدا وقفتى عليا طبعا
فضلوا طول اليوم يلفوا على المحلات يشتروا حاجات ل ساره لحد ما تعبوا وروحوا
-تحت البيت
قاسم:انا مسافر بكره
ساره:بالسرعه ديه انت لحقت تقعد
قاسم:اعمل ايه اجازتى خلصت ولازم ارجع وكلها شهر واجى تانى
ساره:طب هتسافر امتا انا لازم اشوفك قبل ما تسافر
قاسم:هسافر الفجر مينفعش تيجى فى الوقت ده يلا اودعك دلوقتى
ساره:يعنى كمان هتسافر من غير ما اشوفك
قاسم:غصب عنى لازم اوصل هناك بدرى يلا اشوف وشك بخير
ساره بحزن:تروح وترجع بالسلامه
ودعوا بعض وكل واحد طلع بيته
تانى يوم الصبح ساره لقت فرح صحبتها(صحبه ساره من الطفوله،بتتميز انها قصيره شويه وعينيها زيتى وخفه دمها )بتتصل عليها
فرح:صباح الخير ياسوسو
ساره:صباح النور يافرح
فرح:بقولك ايه عاوزاكى فى موضوع مهم هستناكى كمان ساعه فى كافيه....
لبست ساره وراحت ل فرح الكافيه و لقتها مستنياها بره
فرح:ادخلى اقعدى جوا ياساره هجيب حاجه من هنا وجايه
ساره:حاضر بس متتاخريش
دخلت ساره ولقت المكان مضلم شكت ان النور مقطوع ولسه هتطلع سمعت صوت قاسم بتبص لقته لابس لبس الجيش و قاعد على ركبه وماسك علبه فى ايده فيها الخاتم اللى كان فى المحل
ساره:قااااسم
قاسم:بحبك ياملكه قلبى
ساره:انت هنا مسافرتش
قاسم:مقدرش امشى من غير ما اشوفك
ساره :بحبك ياقاسم
قاسم: قوليهاتانى
ساره:بحبك
قاسم:لا اسمى اول مره اعرف انه حلو كده
ساره: هههههههههههههه
قاسم:ضحكتك حلوه اوى اوعدينى انها تفضل على وشك مهما حصل
ساره:اوعدك
قاسم: واوعدينى انك تفضلى لبسه الخاتم ده طول ما انتى بتحبينى
ساره:اوعدك انى هفضل لبساه طول عمرى
ياترى السعاده ديه هتكمل؟ وساره هتكون من نصيب قاسم ولا لأ؟
تابعو
جبروت الحب
الحلقه الثالثه
سافر قاسم المعسكر بتاعه وكان بيتصل بساره قليل جدا عشان الشبكه هناك مش بتجمع دايما
وقبل معاد الخطوبه بيومين اتصل قاسم بساره
ساره:ألو.... ازيك ياقاسم
قاسم:ازيك يا حبيبتى انتى عامله ايه؟ و حشتينى اوووى
ساره:وانت كمان باقى يوم وترجع بالسلامه ونفرح كلنا
قاسم:ان شاء الله انتى مش متخيله انا مستنى بكره ازاى عشان ارجع واشوفك
ساره:ربنا يرجعك بالسلامه
قاسم: هتوحشنى لحد بكره
ساره:هستناك عشان اشوفك أول ماترجع
مر اليوم وراحت ساره البيت عند ام قاسم عشان تستنى قاسم لما يرجع
ساره:قاسم اتأخر اوى ياماما دا مكلمنى امبارح وقالى انه هيرجع الساعه 1 والساعه بقت 4 دلوقتى
ام قاسم:الغايب حجته معاه يابنتى هتلاقى الطريق زحمه
فجأة سمعوا صوت التليفون بيرن
ساره:انا هرد دا اكيد قاسم
المتصل:ألو السلام عليكم
ساره:عليكم السلام مين حضرتك
المتصل:دا بيت قاسم عبد الله
ساره:ايوا يافندم ده بيته
المتصل:انا عاوز أقولكم البقيه فى حياتكم قاسم استشهد النهارده فى تفجير ارهابى
التليفون وقع من أيد ساره ووقعت على الارض اغمى عليها
ام قاسم:ساره يابنتى فوقى قوليلى ايه اللى حصل
لقت التليفون لسه مفتوح
ام قاسم :ألو يابنى خير فى ايه انت قولتلها ايه
المتصل:البقاء لله يا امى ابنك كان بطل
ام قاسم:البقاء لله فى مين ؟قاسم ابنى انت بتضحك عليا يابنى دا لسه مكلمنى امبارح وقالى انه راجع بس هو اتأخر شويه
المتصل:........
ام قاسم:رد عليا يابنى وقولى انت هيتاخر كام ساعه ولا كام يوم ولا شهر حتى المهم انه جاى
المتصل: انا عارف ان الصدمه كبيره بس احنا جايبين الجثمان وهنوصل كمان ساعه عشان صلاه الجنازة البقيه فى حياتك يا امى
قفلت أم قاسم الخط وهى مش مصدقه أن قاسم ابنها خلاص مات راحت تجرى على بيت ساره وخبطت عليهم فتحت لها ام ساره اللى اتفجأت ب ام قاسم وهى منهاره من العياط وبتقولها قاسم مااااات
ام ساره:قاسم! قاسم مين؟ ازاى؟
ام قاسم :ابنى مات سندى فى الدنيا راح خلاص
ام ساره:أهدى بس فهمينى فى ايه
حكت ام قاسم كل اللى حصل ل ام ساره وطلعوا جريوا على البيت ولقت ساره وقعه فى الصاله مغمى عليها
فوقوها ونقلوها الاوضه وبعد ما فاقت فضلت تصوت وتعيط لحد ما طلبولها الدكتور واداها حقنه مهدئه نامت بعدها
وصل جثمان قاسم وصلوا صلاه الجنازة وراحوا دفنوه فى المقابر
ومر يومين وساره وام قاسم كل واحده منهم قاعده تعيط مش مصدقه ان قاسم خلاص راح وساره حالتها النفسيه اتأخرت وبقت مبتتكلمش مع حد عدا اول اسبوع وظهرت نتيجه ساره
محمد:الف مبروك يابنتى نجحتى وبدرجات عاليه وهتدخلى هندسه ان شاء الله
ساره:.........
محمد:يابنتى ردى عليا انتى هتفضلى كدا على طول ولا بتاكلى ولا بتتكلمى حتى نتيجتك اللى كنتى مستنياها مش فرحانه بيها دا انتى هتدخلى الكليه اللى طول عمرك بتحلمى بيها عشان خطرى اتكلمى قولى اى حاجه
ساره:اناكنت عاوزه النتيجه تظهر عشان أفرح قاسم بيها بس هو خلاص راح وخد كل حاجه حلوه معاه
محمد:ياساره داقضاء ربنا مش هنعترض عليه ومينفعش نوقف حياتنا لازم نكمل وانتى مبتحاوليش حتى تفكرى فى مستقبلك قاسم لوكان لسه عايش مكنش هيعجبه اللى انتى بتعمليه
ساره:قاسم لو كان عايش مكنش هيحصلى كدا
محمد:بس
ساره:بعد اذنك يابابا انا تعبانه وهدخل انام
دخلت ساره اوضتها وفضلت تعيط لحد ما نامت وحلمت بقاسم جاى وحوليه نور بيبصلها بحزن وهى بتنادى عليه وسبها ومشى وفجأه وقف وقالها
قاسم:انتى وعدتينى ان ضحكتك تفضل على وشك
ساره:طول ما انت بعيد عنى انا مبعرفش اضحك
قاسم:انا جمبك وحوليكى ومبحبش اشوفك حزينه ولو فضلتى لبسه اسود مش هتشوفينى تانى
ساره:انت سيبنى ورايح يا قاسم متسبنيش بالله عليك انا مش عارفه اعيش من غيرك
قاسم:انا مش سيبك انا معاكى دايما بس مش هتشوفينى تانى غير لما توفى بوعدك
ساره:استنى يا قاسم متمشيش
صحيت مفزوعه من النوم ولقت مامتها داخله عليها
ام ساره:مالك ياحبيبتى عامله كده ليه
ساره:كنت بحلم
ام ساره: خير اللهم اجعله خير، المهم ياحبيبتى البسى وتعالى عشان فى حد عاوزك
خرجت ساره ولقت ام قاسم مستنيها
ام قاسم:ازيك ياحبيبتى عامله ايه
ساره:الحمد لله ياماما حضرتك عامله ايه
ام قاسم:انا كويسه الحمد لله انا جيالك عشان عاوزاكى فى موضوع مهم
ساره:قولى ياماما قلقتينى
ام قاسم:قاسم ابنى جالى فى الحلم وانا نايمه وواقف بعيد وبيبصلى وهو زعلان وبيقولى ساره
ساره:وجالى انا كمان فى الحلم
وحكت ساره الحلم ل ام قاسم
ام قاسم:قاسم زعلان على معلم ومش عاوزك تلبسى اسود وحزينه وطول ما انتى لابسه اسود هو هيفضل زعلان ومش مرتاح انتى لازم تقلعيه ياساره
ساره:بس انامش هقدر ياماما
ام قاسم:الحزن فى القلب يابنتى مش باللبس وبعدين انتى مش قادره تقلعى الأسود وقادره تزعلى قاسم
ساره:لا انا مقدرش انه يبقا زعلان منى خلاص انا هقلعه لو كان ده هيخلينى اشوفه كل يوم فى حلمى
مر شهر وساره بتحاول تكون طبيعيه عشان متزعلش قاسم ويجيلهاكل يوم فى الحلم بس مش عارفه ترجع زى الأول
ام قاسم سافرت عند ابنها مصطفى السعوديه وهتقعد معاه على طول
الحياه مش دايما بتدينا اللى احنا عاوزينه ،واكيد بيكون فى حكمه فى ده
تفتكروا ساره هترجع زى الأول وتوفى بوعدها؟
تابعو
متابعه فضلا