عناد العشاق - فصل 10.11.12 - مكتملة

فصل 10.11.12

*_؛ࢪوايــةة: عــنــاد العــشــاق🖤🍒_* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏✧✧ > *═════ ♪『 🖤🍒♪ ═════* *🍒🖤Part 10 🖤🍒* *🍒🖤Part 11 🖤🍒* *🍒🖤Part 12🖤🍒* *_الـــــبـ10ــاࢪت♥⚡_* مرت الايام و اياد واقف جمب رزان وبيدعمها ك صديق بس للاسف حاله تميم كانت كل يوم بتبقا اسوأ واسوأ لدرجه انه طول اليوم مش فوعيه و لا حاسس بالدنيا .. كان ف اول كام يوم بيفوق كام ساعه فاليوم و يكون طبيعي بس مكنش راضي يتكلم مع حد بس بعد كدا الوضع بقا اسوء و طول اليوم قاعد عالسرير و باصص عالسقف كأنه ف دنيا تانيه و رزان كان بيتقطع قلبها فكل مره بتشوف فيها حاله تميم خصوصا انها كل يوم بتسوء اكتر واكتر .. عيونها بقت دبلانه و دايما بتعيط -اياد انا حاسه ان تميم مش هيرجع تاني زي الاول .. مامته ميته بقاله شهر يا اياد وهو كل يوم اسوء واسوء ~ المشكله ان حتي الدكاتره مستغربين من حالته .. هما اتوقعو انه كل يوم يتحسن مش يسوء .. وقتها دخل الدكتور الاوضه ¥ بلغتو الممرضه انكم عايزيني صح ؟ -ايوا يا دكتور .. ليه حاله تميم كل يوم بتبقا اسوء ¥ انا حقيقي مش لاقي تفسير ل دا .. التفسير الوحيد الي اجتمعنا عليه انا و زمايلي الدكاتره ان تميم مبقاش عايز يعيش .. عشان كدا هو طول اليوم كأنه فعالم تاني -بس دا مش منطقي يا دكتور !! هو مكنش هيحب انه يسيب الدنيا و يسبني .. ¥ للاسف دا التفسير الوحيد الي وصلنا ليه ومشي وسابهم بعياط - شايف يا اياد بيقولو ايه ؟ اياد انا حياتي بتتدمر قدامي و قلبي بيوجعني لما بشوفه كدا .. ~ انا جمبك ومش هسيبك يا رزان لغايه لما تميم يتحسن .. كل حاجه هتبقا احسن بعياط -يارب اشفي تميم يارب اياد طول الشهر الي فات بيتحايل علي ام رزان انها تقوله علي مكان امه بس هي مش راضيه الا لما ينفذ باقي شروطها .. باقي شروطها هتقولهم فالوقت المناسب ف كان مضطر يستني .. بس وجوده جمب رزان مكنش بالنسباله حاجه مجبر عليها لانه حابب يفضل جمبها و يدعمها .. حتي لو عارف انها مش هتحبه بس عالاقل يكون واقف جمبها فالوقت الصعب دا ~ ايه رأيك يا رزان تغيري جو انهارده ونروح نتغدي برا مثلا او نروح السينما .. انتي بقالك شهر فالمستشفي يا رزان -مش عايزه امشي من جمب تميم يا اياد .. افرض لما مشيت رجع لوعيه ؟ لازم اكون جمبه لما يرجع لوعيه وافهم منه هو ليه مش عايز يعيش .. يمكن لو قدرت اديه الامل انه يحب الدنيا تاني وقتها مش هيتغيب عن الواقع تاني وهيرجع زي الاول .. ~ بس هو بقاله اسبوع كامل يا رزان مرجعش لوعيه ربع ساعه حتي -انا لسا عندي امل يا اياد ~ طيب يرضيكي تميم يفوق و يشوفك مرهقه وباهته كدا ؟ فكريني كدا امتي اخر مره بصيتي لنفسك فالمرايه -شكلي مرهق للدرجه ؟! ~ ايوه طبعا .. ايه رأيك اوصلك البيت تاخدي شاور و ننزل نتغدي ونروح السينما بعدها ترجعي المستشفي ؟ دا هيكون فصالحك وصالحه لان كدا هتشحني طاقتك و تقدري تستنيه لشهر قدام -عندك حق .. طيب خلاص هروح معاك وصلها بيتها واخدت شاور بعدها نزلو راحو يتغدو -تصدق انا نسيت الحياه شكلها ازاي برا المستشفي بعدها كملت بحزن -المطعم دا كنا انا وتميم بنحب نيجي ناكل فيه .. كنا لما نحل حلو فالامتحان نيجي نتغدي هنا و هو يتعمد انه ينكد عليا و يراجع الامتحان قدامي .. ~ هيخف ان شاء الله و كل دا هيرجع تاني -مش عارفه يا اياد لولا دعمك ليا فالفتره دي كنت هعمل ايه .. انت استحملتني ف اسوء حالاتي و من غير مقابل حتي ~ بطلي هبل احنا اصحاب ودا واجب الاصحاب بعديين لما يتحسن تميم انتي كمان هتساعديني -اساعدك ف ايه ~ تشوفيلي عروسه حلوه زيك كدا بصدمه - ايه دا قررت تخطب !! ب ابتسامه ~ ايوا قررت اكون عيله -انا اتبسطلك جداا .. ان شاء الله تميم يخف قريب و نحضر انا وهو خطوبتك ~ ان شاء الله .. رزان عندي ليكي سؤال -اتفضل ~ لو انتي عشتي حياتك كلها فاكره ان اهلك ماتو فحادثه بس الحقيقه ان امك كانت عايشه بس قالولك انها ميته لانها اتخلت عنك .. بس قالولك انها اتخلت عنك بسبب فقرها وانها مكنتش هتعرف تربيكي و قضيتي حياتك كلها ف دار الايتام و بعدها اكتشفتي كمان ان امك اتجوزت و عندها عيله تانيه و مع ذلك مفكرتش تاخدك وسابتك ف دار الايتام .. وقتها كنتي هتعملي ايه بصدمه - انت الي فالموقف دا !! ابتسم ابتسامه وراها وجع كبير ~ ايوه فكرت شويه و بعدها اتكلمت -اول حاجه مكنتش هحكم احكام مسبقه ولا اكرهها .. هواجهها و افهم منها هي ليه مأخدتنيش رغم انها اتجوزت و بقا عندها الامكانيه انها تربيني .. اكيد فيه سبب منطقي يا اياد . مفيش ام بتكره عيالها وتتخلي عنهم بمزاجها ~ تفتكري ؟ -ايوه طبعا ~ تمام هستني لما اواجهها -انا حاسه اننا اتأخرنا علي تميم .. ممكن نرجع المستشفي لما تخلص اكل ؟ ~ هنروح السينما الاول عشان تغيري جو .. ساعتين بس وهنروحله -تمام يا اياد همشي وراك للاخر راحو السينما و شافو فيلم كوميدي ف حست ان نفسيتها احسن شويه وهما راجعين من السينما شافت المحل الي تميم دايما بيحب يجيب تيشرتات منه دخلت المحل و اختارت تيشرت -ايه رأيك فيه ؟ تفتكر هيعجب تميم ؟؟ ~ حلو خالص اكيد هيعجبه -لو سمحت عايزه دا ف كيس هدايا و اخدته وخرجت من المحل -هحطه جمب تميم عشان لو رجع لوعيه وانا كنت نايمه يشوف التيشرت ويعرف اني بفكر فيه ~ حلوه الفكره دي راحو المستشفي و فتحو باب اوضه تميم بس كانت فاضيه بخوف -فين تميم يا اياد ؟! ~ اهدي بس تعالي نسأل الدكتور الي متابع حالته ومن حظهم انه كان ماشي فالطرقه -يا دكتور فين تميم !! ¥ اهلك مقالولكيش انه اتنقل لمستشفي امراض نفسيه ؟! يتبع تفتكرو الحاله الي تميم فيها بسبب انه كاره الدنيا فعلا ؟ *_الـــــبـ11ــاࢪت♥⚡_* -يا دكتور فين تميم !! ¥ اهلك مقالولكيش انه اتنقل لمستشفي امراض نفسيه ؟! رزان اتصدمت و داخت وكانت هتقع بس اياد سندها و قعدها عالكرسي ~ رزان اهدي لغايه لما نفهم الموضوع وطلب من ممرضه تجيبله عصير لو ينفع وهي كانت طيبه وجابتله العصير ~ خدي اشربي دا عشان تهدي شربته و حست انها هديت شويه ووقتها شافو ابو رزان و امها رزان قامت من علي الكرسي وجريت عليهم بعياط - ازاي تنقلو تميم لمستشفي الامراض النفسيه ازاي !! الاب : اهدي بس يبنتي احنا اكيد مش هنعمل حاجه تضره . الدكاتره هنا قالولنا ان حالته بتسوء كل يوم و لازم ننقله لمستشفي متخصصه اكتر فالطب النفسي ف عشان كدا نقلناه بعياط -طيب انا عايزه اعرف انهي مستشفي .. عايزه اروح اشوفه الاب : فالمستشفي نبهو عليا ان محدش يروح يزوره ف اول اسبوعين لأن هما بيحاولو يخلو حالته تتحسن و قالو ان ممكن لو شاف حد معين لما يفوق حالته تتنكس تاني بعياط - وانا هقعد ازاي اسبوعين من غيره يا بابا !! الاب : يا حبيبتي تميم ف امانتي متقلقيش عليه وبعدين انا بردو مش هاين عليا اشوف حالتك كدا و اسكت .. انتي بقالك شهر يا رزان بتنامي فالمستشفي ! و شايفه ازاي خسيتي ؟ ف لازم انتي كمان تهتمي بحياتك و سيبيلي تميم انا ههتم بيه -اسبوعين بس يا بابا بعدها هزوره الاب : ايوه يا حبيبتي اسبوعين بس وبعدها كلنا هنزوره رزان مسكت التيشرت الي اشترته لتميم -ماما خدي التيشرت دا اديهولهم فالمستشفي .. خليهم يسيبوه جنب تميم عشان لما يفوق يشوفه و يعرف اني بفكر فيه ٪؜ حاضر يا بنتي واخدت منها التيشرت بعدها اياد وصل رزان البيت اما ام اياد ف اتظاهرت اليوم الي بعدو انها رايحه تديهم التيشرت فالمستشفي بس فالحقيقه انها اخدته و رمته ف الزباله وهي ماشيه عدي اسبوع ونص و رزان كل يوم تصحي من النوم وهي قلقانه و دايما بتعيط .. اياد كالعاده كان واقف جنبها و كانت صعبانه عليه جدا لدرجه انه كان بيفكر يقولها علي حقيقه امها .. لولا ان الام والاب مع بعض اخدوه للمستشفي كان شك انها عايزه تتخلص منه .. بس هو شايف ان ابو رزان طيب ومستحيل يعمل حاجه تأذي ابن اخوه ف كان متطمن من ناحيه حوار المستشفي لغايه لما راح لرزان فيوم من الايام كالعاده عشان ياخدها يفسحها شويه بدل م هي قاعده بتعيط علطول بس المفاجأه انها لما فتحتله الباب كانت لابسه ومتشيكه و حاطه ميكب .. كان بقالها فتره طويله بتقابله بالبيجامه و كمان وشها مفيش فيه حاجه غير الدموع ~ اووه ايه الشياكه دي بس بصوت عالي -ماما انا رايحه اتغدي مع اياد واخدته و خرجت من الشقه ~ رايحين نتغدي بجد ؟ من غير م اتحايل عليكي ؟ -هنروح المستشفي الي فيها تميم .. انا عايزه اشوفه بنفسي واتطمن انه بخير ~ تمام يلا بينا و يارب يخلونا نشوفه بس استني -نعم ~ عرفتي منين اسم المستشفي الموجود فيها -دورت ف دولاب بابا فالاوراق بتاعته ~ اها دا انتي مش سهله خالص -يلا يا اياد نروح انا معنديش خلق للهزار ~ يلا بينا راحو المستشفي و لبسو البالطوهات الي رزان كانت محضراهم ~ بس كدا هنتقفش يا رزان ! اكيد حافظين اسماء زمايلهم الي معاهم فالمستشفي -طيب تعالا نستني لغايه بالليل خالص يكونو اغلب الدكاتره مشيو و بعدها ندخل و لو حد سألنا نقولهم اننا دكاتره جداد هنشتغل فالفتره الليليه ولسا دي اول ليله لينا هنا ~ تمام يا رزان قعدو فالشارع قريب من المستشفي شويه وهما حاطين ايدهم علي خدهم ~ رزان .. -نعم ~ لو انسان مخبي حقيقه عشان خاطر يعرف حاجه نفسه يعرفها اوي .. تفتكري لما صاحبه يعرف الحقيقه الي مخبيها عنه هيتضايق ؟ -طالما حاجه مش مستعجله ومش هتضر صاحبه لو معرفهاش ف خلاص مش هيزعل اياد اتنهد بفرح اصلا رزان من مصلحتها متعرفش حقيقه امها عشان متتضايقش و تحس انها عايشه ف وهم .. -يلا يا اياد ندخل . الساعه ١٢ نص الليل ~ يلا دخلو المستشفي و كانت هاديه جدا جدا كان فيه ممرضه بتجري بسرعه فالطرقه الممرضه وهي بتصرخ بصوت عالي : بسرعه قولو للدكتور يجي يعمل جلسه كهربا للمريض !! مش عارفين نسيطر عليه رزان اتصدمت من كلامها و دخلت الحمام وعيطت و طبعا اياد دخل وراها ~ رزان مالك بعياط - اتخيل يكونو بيعملو كدا ف تميم بردو .. المفروض مكناش خليناه يفضل هنا اسبوع ونص كاملين يا اياد ~اهدي اهو هنلاقيه دلوقتي ونشوف حاله عامل ازاي المهم متتضايقيش مسحت دموعها و بصت ل اياد -مش عارفه بجد يا اياد من غيرك كنت هعمل ايه اياد ابتسم ~ علي فكره احنا ف حمام البنات ف يلا نخرج خرجو من الحمام و كانو بيدورو علي تميم بس المستشفي كانت كبيره + انتو مين ! بصولها وهما متوترين جدا ~ احنا الدكاتره الجداد الي اتعينا هنا .. هنشتغل فالفتره الليليه + ياه اخيرا وافقو علي طلبنا و وظفو دكاتره للفتره الليليه .. اصل الدكاتره هنا مش بيرضو يشتغلو فالفتره الليليه ابدا ~ اه احنا جينا نعوض النقص دا مدت ايدها عشان تسلم + انا الممرضه ريهام -وانا رزان ~ انا اياد + حلو اووي كدا ممكن نعمل شله بقا -ريهام .. ممكن معلش تقوليلنا عن مكان مريض هنا اسمه تميم ؟ ريهام استغربت من سؤالها وبدأت تشك فيهم + اشمعنا بتسألي عن المريض دا بالذات اياد اتدخل بسرعه ~ اصل احنا شفنا كل الملفات الي هنا ولفت نظرنا ملف المريض دا ف كنا حابين نشوفه اول مريض +اهاا فهمت تمام امشو ورايا وهاخدكم عنده ومشيت قدامهم اياد ضرب رزان علي كتفها بلطف وهمس ف ودنها ~ كنتي هتكشفينا يا رزان ! -كويس انت صلحت الموقف ريهام بصت عليهم وشافتهم بيهمسو لبعض ف خمنت انهم مخطوبين او خطوبتهم قريب مثلا بما ان مفيش دبله ف ايدهم + تميم فالاوضه دي -ممكن تحكيلنا عن حالته يا ريهام ؟ ريهام بدأت تشك اكتر فيهم +مش المفروض شفتو الملف بتاعه و عرفتو حالته ؟ ~خلاص يا رزان م انتي مصره تكشفينا + تكشفكم !! ~ بصي اهدي بس يا ريهام .. احنا قرايبه و جايين نطمن عليه ف ينفع متفتنيش علينا ؟ احنا هنشوفه بس بعدها هنطلع ريهام فكرت شويه + انا فالعاده مكنتش هسمح ليكم بس عارفين هسمح ليكم ليه ؟ رزان و اياد فصوت واحد - ليه + عشان المريض دا فيه حاجه غريبه حاصله معاه .الرواية من قناة عشاق الروايات2ميرا. انا الممرضه الي مسئوله عن حالته مع الدكتور بس هو كل يوم حالته بتسوء اكتر لدرجه انه من وقت لما جه عندنا المستشفي مفاقش غير مره واحده .. المره الي فاق فيها كان بيتكلم بصعوبه و قالي انه عايز رزان وسأل عن مكانه ولما قولتله انت فمستشفي الامراض النفسيه وممنوع حد يزورك قام وشال كل المحاليل الي ف ايده و معرفش جتله القوه منين بس كسر كل حاجه فالاوضه و هو بيردد جمله 'انا عايز امشي ' ف اضطريت انادي عالدكتور و عمله جلسه كهربا .. رزان انهارت من العياط لما سمعت كلامها و اياد حضنها عشان تهدي ~ اهدي خلاص احنا جينا اهو ومش هنسيبه تاني … وقعدها عالكرسي لغايه لما يخلص كلامه مع ريهام ~ الي قولتيه مش حاجه غريبه لدرجه ان الموضوع يثير اهتمامك للدرجه .. يعني عادي فيه مرضي حالتهم بتسوء بدون سبب و كمان رده فعله لما صحي عاديه بالنسبه لحد صحي لقي نفسه فمكان غريب ف ايه الي شايفاه غريب اوي + الي شايفاه غريب هو الدكتور المشرف علي حالته .. مره دخلت عليه وهو بيحقن حاجه فالمحلول بتاعه و لما سألته ايه دا اتوتر و قالي انها فيتامينات جابها من الخارج عشان جسمه ميعانيش نقص فيتامينات فالفتره دي بس طبعا انا مقتنعتش بس للاسف فنفس الوقت مقدرتش اعرف هو حقن ايه .. تقريبا هو بيحقنها كل يوم ~ متأكده انها حقنة غريبة !! + ايوه انا اكيد عارفه الحقن الي المفروض المريض ياخدها بعدين هو بيديها كل يوم من غير لما حد يشوفه ~ طيب وعرفتي ازاي انها حقنه مثلا بتضره ؟ +بقولك كان بيديها وهو متوتر و يقفل الباب وهو بيديهاله ولما قفشته اول مره كان متوتر و بيتعرق جامد و دي مش عاده الدكتور دا ~ تمام شكرا خالص يا ريهام .. احنا هندخل نشوفه بس عشان رزان تتطمن بعدها هنمشي ريهام استغربت ان بعد كل الي قالته هيكتفو ب انهم يشوفوه بعدها يمشو + علي فكره ممكن اساعدكم تهربوه ~ هنشوفه وهنمشي يا ريهام بعدها راح ل رزان الي كانت قاعده عالكرسي وبتعيط بعياط -قالتلك ايه يا اياد ~ قالتلي انها هتسمحلنا نشوفه بعدها نروح بعياط -طيب قالتلك هيتحسن ~ ايوه ان شاء الله و اخدها و دخلو اوضه تميم كان نايم زي الملاك و مش حاسس بالدنيا .. رزان قعدت جمبه و حطت ايدها علي شعره بعياط -تميم فوق يا تميم .. انا مفتقده خناقنا مع بعض و مفتقده عيونك الخضرا الي كانت بتبصلي علطول .. مفتقده حتي لبردوك الي طول عمره معذبني و محيرني .. تميم انت لازم تفوق وترجع لحياتك الطبيعيه عشان انا اكتشفت اني مش عارفه اعيش من غيرك اياد لما سمع كلامها مع تميم مسك نفسه من انه يعيط بالعافيه بعد لما خلصت كلامها مع تميم اخدت اياد ومشيو اياد طول الليل معرفش ينام بسبب كلام ريهام و اول لما الصبح طلع راح لبيت رزان و ام رزان فتحتله بعد لما خبط كتير ٪؜ ايه يا تميم حد يخبط علي حد بدري اوي كدا ! ~ عايز اتكلم معاكي ٪؜ خليه بعدين بعصبيه ~ دلوقتي !! والا هروح اقول لرزان كل حاجه .. كرهك لتميم وكمان تسميمك ليه *_الـــــبـ12ــاࢪت♥⚡_* و اول لما الصبح طلع راح لبيت رزان و ام رزان فتحتله بعد لما خبط كتير ٪؜ ايه يا تميم حد يخبط علي حد بدري اوي كدا ! ~ عايز اتكلم معاكي ٪؜ خليه بعدين بعصبيه ~ دلوقتي !! والا هروح اقول لرزان كل حاجه .. كرهك لتميم وكمان تسميمك ليه بتوتر ٪؜ طيب اهدي وتعالي برا نتكلم قفلت باب الشقه واخدت المفتاح و طلعو سطح العماره عشان يتكلمو من غير لما حد يسمعهم ٪؜ يعني جاي ف وقت زي دا يا اياد وكمان بتفتري عليا ! مين قالك اني بسممه ها ؟ معاك دليل ؟؟ اياد رفع حاجبه وهو مش مصدق بجاحتها ~ يعني كمان بتنكري ! لا مش معايا دليل بس انا واثق من كلامي ٪؜ ثقتك من كلامك دي ارميها فالزباله لان مفيش حد هيصدقك وكانت نازله بس اياد وقفها لما سألها ~ ليه ! وقفت مكانها و رجعت تاني لاياد ٪؜ ليه ايه ~ ليه بتعملي كدا فيه ؟ ايه ذنبه ان جوزك اتجوز امه ؟ دا حتي كان جواز علي ورق ٪؜ مش هتعرف تفهمني .. اصعب احساس علي اي ست ان جوزها يتجوز عليها .. كمان هو مأخدش رأيي ولا جه عشان يتناقش معايا لا هو اجبرني علي دا .. ~ بس دا فالنهايه جواز علي ورق ! لو جواز حقيقي كان ممكن اقولك ايوه عندك حق ٪؜ جوزي لما اتجوزها عالورق وبدأ يروحلهم كتير بدأ يعجب بيها .. لما كان بيشوف اهتمامها بتميم و محاولتها انها تعوضه عن ابوه الي فقده و كمان كبريائها و انها رافضه يصرف عليهم غير علي الاكل و الشرب والمدرسه .. هو طبعا مقاليش الكلام دا بس الست مننا بتحس لما جوزها يتغير .. بدأ مع الوقت يتحجج و يروح عندهم كتير و بعدها اشترالهم الشقه دي الي كانو قاعدين فيها حاليا .. قدام شقتي عشان يروحلهم كتير براحته ويكونو قدام عينه و ف مره كنت برا بوصل رزان للمدرسه و اخدت تميم اوصله معايا عشان بالمره ف طريقي بس وقتها لما رجعت البيت اول لما دخلت العماره سمعت صوتهم عالي **فلاش باك ** ام تميم : ايه الي بتقوله دا يا سليم !! ازاي عايز جوازنا يتحول حقيقي !! ابو رزان ( سليم ) : خلاص براحتك لو مش حابه دا يا فاطمه ام تميم : ياريت الموضوع دا ميتفتحش تاني يا سليم ! انت عارف اني قبلت اتجوزك عالورق عشان ابني لكن لا يمكن ابدا يتحول الجواز حقيقي .. انا هعيش علي ذكري جوزي يا سليم ام رزان اول لما سمعت كلامهم خرجت من العماره مهي منهاره .. احساسها طلع صح و جوزها حب فاطمه .. طلع عندها حق ترفض الجوازه دي من الاول **باك ** ~ حتي لو عمو سليم حبها .. دا مش ذنبها بردو ولا ذنب تميم ٪؜ ذنبها انها وافقت تتجوز واحد متجوز ايا كان السبب .. تعرف ان حتي وقت طلاقهم مكنش عايز يطلقها ! قعد يقنع فيها كتير بس هي مرضيتش وقالتله ان اتفاقهم انهم يتطلقو اول لما تميم يدخل الجامعه اياد عرف ان مفيش فايده ف انه يلومها .. هي كدا كدا هتدافع عن نفسها ومش هتطلع نفسها غلطانه ابدا ف قرر يمثل انه متعاطف معاها ~ عندك حق انك تكرهي امه عشان خطفت جوزك و خلته يحبها بس تميم ملهوش ذنب .. ايه ذنبه ان عنده ام زي دي ٪؜ ذنبه انه بيقرب من بنتي و بيحبها و للاسف هي كمان بتحبه .. لازم اتصرف و امنعهم من انهم يجتمعو ف دا كان الحل الوحيد ~ طيب متعملي معاه اتفاق انه يسيب البلد خالص ويبعد عنكم .. مفيش داعي تموتيه ٪؜ انت متعرفش اد ايه هو بيحب رزان .. انا الي كنت شاهده علي حبهم طول السنين دي و مركزه في كل نظره بينهم .. الحل الوحيد اني اخلص منه للابد ~ تمام انا مش هسكت عن اذيتك لتميم وهقول لعمي و رزان .. يستحيل افضل ساكت عن الي بيحصل دا لاي سبب حتي لو كان المقابل اني اعرف فين امي و اعرف اوصلها .. انا بس سكت ومرضيتش اقول لرزان اول لما عرفت لسببين اولا يمكن اكون ظالمك ومتكونيش بتسمميه .. لان بصراحه مكنتش ابدا اتخيل انك تعملي كدا فيه حتي لو بتكرهيه و ثانيا عشان كان عندي امل ان حتي لو بتسمميه فعلا تندمي وتتوقفي لما اواجهك و بعدها هو هيتعافي بالتدريج بس خلاص انتي مسبتيش اي حل تاني غير اني اقول لعمي و رزان كان خارج من السطح بس هي وقفته بكلامها الي صدمه صدمه عمره بسخريه ٪؜ هتنقذ ابن الست الي فضلته عليك و سابتك مرمي فالملجأ و اعتبرته ابنها الوحيد ؟! يتبع تفتكرو ايه رده فعل اياد ؟ واتصدمتو لما عرفتو الحقيقه ؟؟ عناد_العشاق *✓يــــتـــبـــ؏♥*