فصل 5.6.7.8.9
*_؛ࢪوايــةة: عــنــاد العــشــاق🖤🍒_*
*═════ ♪『 🖤🍒♪ ═════*
*🍒🖤Part 5 🖤🍒*
*🍒🖤Part 6 🖤🍒*
*🍒🖤Part 7🖤🍒*
*🍒🖤Part 8 🖤🍒*
*🍒🖤Part 9 🖤🍒*
*_الـــــبـ5ــاࢪت♥⚡_*
ممكن متابعه 💞
= كدا فيه حاجه تاني يا رزان ؟ هنروح البيت صح
-لا انت تعبت شكلك صح
= حاسس بس بصداع ملازمني بقاله يومين .. بفكر اروح لدكتور
-و تروح لدكتور ليه واحنا معانا إياد .. إياد معلش ينفع تشوفه ماله
و بمجرد لما قالت كدا تميم وقع من طوله فنص الشارع
إياد سنده بسرعه قبل لما راسه تتخبط عالارض و رزان كانت هتموت من الخوف عليه .. اخدوه فمكان هادي و رشو برفيوم عليه
=ايه .. ايه الي حصل
~ ارتاح انت بس .. قولي امتي اخر مره اكلت و شربت ؟
= مش فاكر
اما رزان فكانت بتعيط عليه بس لما فاق مسحت دموعها
تميم بصلها
= كنتي بتعيطي ؟!
-هعيط ليه مثلا .. فيه حاجه دخلت فعيني بس .. انت كويس يا تميم ؟! بردو كدا تقلقني عليك
= مفيش حاجه متقلقيش ..
كان بيحاول يقوم بس اياد نيمه تاني
~ جاوب علي سؤالي يا تميم .. امتي اخر مره اكلت و شربت؟!
= من يومين مثلا
~ اتوقعت كدا .. ضغطك وطي خالص و عندك جفاف ..فيه حد عاقل يبطل ياكل ويشرب لمده يومين ؟!
= لا انا نسيت بس
بضحك ~ بتنسي الاكل والشرب!!
-اصل هو دحيح بيفتكر المذاكره بس
اياد قام و راح جاب مولتو و عصير
-تميم متاكد انك كويس ؟
=كام مره تسأليني السؤال دا يا رزان انا كويس بجد
~ خد كل المولتو دي واشرب العصير دا عشان ترجع لوعيك شويه
= قال يعني خايف عليا اوي
-ايه الكلام دا يا تميم ! اياد عارف اني بعتبرك اخويا ف اكيد هيخاف عليك
تميم اكتفي بالابتسامه كالعاده
~ ايه رأيك نأجل الخطوبه شويه يا رزان لغايه لما تميم يستعيد صحته
-لا انا شايفاه كويس اهو يا إياد !
اياد مسكها من دراعها و راحو علي جمب .. بعيد شويه عن تميم
~ رزان يعني يبقا ابن عمك لسا فايق و رايحه تقوليله بعتبرك زي اخويا ! عايزه تجلطيه يعني ولا عايزه تموتيه ! خليكي فاكره ان فيه احتمال يكون بيحبك ف المفروض تراعي دا فكلامك او عالاقل تخلي بالك من كلامك وهو فالوضع دا و بعدين المفروض فعلا نأجل الخطوبه يومين لغايه لما يستعيد صحته مش فاهم انتي ليه رافضه
-حاضر هخلي بالي من كلامي وعندك حق انا حاسه اني زودتها و كدا هاجي علي صحته .. مش عارفه ازاي وصلت ل الليڤل الي يخليني منتبهش لمدي تعبه
~ ولا يهمك تعالي نوصله البيت بعدها نكمل لف
و رجعو تاني لتميم
= كان فاضلكم تجيبو ايه
~ لا خلاص خلصنا .. تعالي نروحك البيت
= لا بيت ايه .. انا بقيت احسن .. فاضلكم ايه تجيبوه ومتنساش يا اياد ان بكرا الخطوبه ف لازم تجيب كل حاجه انهارده و طبعا مش هينفع اسيبكم وحدكم فالوقت دا .. لازم حد معاكم عشان انتو لسا مش متجوزين
-متأكد انك مش تعبان يا تميم ؟ علي فكره احنا ممكن كمان نلغي الخطوبه بكرا . المهم صحتك
=ايوه متأكد ولو تعبان كنت هقولك
-تماام
رزان كانت خايفه عليه اصلا و قلقانه عليه بس هو كان مصر يكمل اليوم وهي عارفاه كويس عنيد ولما بيصر علي حاجه بينفذها
=ها فاضل ايه عشان تخلصو كل حاجه
- فاضل الكرفته بتاعت البدله .. فيه محل معين عنده كرفتات شيك جدا ف عشان كدا استنيت اننا نجبها من هناك
=تمام يلا نروح
اما اياد ف كان ماشي وراهم وهو بيخبط كف فكف ..
بس الحقيقه ان تميم كان فعلا تعبان وعلي اخره و المفروض كان يستريح .. بس هو كالعاده بيضغط علي
نفسه عشان رزان متتضايقش و تاخد علي خاطرها
اياد اتقدم بخطوات سريعه و بقا ماشي جمب رزان بالظبط وهمس ف ودانها
~ رزان لازم نصر عليه اكتر من كدا .. يبنتي مش شايفاه ازاي بيبذل مجهود بس عشان يمشي ؟!
فجأه رزان ضحكت بصوت عالي
-يووه بقا علي نكتك دي يا اياد .. احنا فالشارع ابقا قولي النكته عالواتس مثلا او لما تيجي عندنا البيت
اياد رفع حاجبه وهو مش مصدق تصرفاتها
اما تميم ف كالعاده اكتفي بالابتسامه
وهما رايحين للمحل قابلو ايمن ف طريقهم .. وايمن طبعا يعتبر اقرب ل تميم من مازن ف هو فاهم تميم كويس .. اول لما شافه حس انه تعبان نظرا ان وشه باهت وكمان من مشيته
¥ ايه دا معقول رزان وتميم ! ايه الصدف الحلوه دي
=اهلا يا ايمن
¥ رايحين فين بقا
-رايحين نجيب كرفته ل اياد .. اصل خطوبتنا بكرا زي م انت عارف وعلي فكره يا ايمن انت معزوم
¥ اه جاي طبعا
و اخد تميم علي جمب
¥ تميم انت ايه دخلك بالكرفته اصلا !! ومالك شكلك تعبان .. ايه الي بيحصل ؟!
= رزان اصرت اني انزل معاهم نجيب البدله و الكرفته
¥ اصرت ايه يا تميم !! انت ازاي نازل مع البنت الي بتحبها و بتختار بدله وكرفته لخطيبها ! يبني ايه الي بتعمله فنفسك دا حرام عليك !
= بعمل واجبي الاخير معاها ك اخ زي م هي شايفاني
¥ طيب فكك منها دلوقتي .. انت كويس ؟! حاسس انك تعبان جامد
=اه كويس ارهاق بس شويه
ولما وصلو للمحل الي رزان عايزه تروحه
اياد اختار كرافته كانت عجباه
-حلو اوي زوقك يا إياد .. مش عارفه انا عملت ايه فحياتي عشان ربنا يرزقني بحد قمر و زوقه حلو كدا زيك
وبصت علي تميم
-ايه رأيك يا تميم ف ذوق قره عيني
= جميل ..
اما ايمن كان بيبص علي تميم وهو رافع حاجبه ومستني منه اي رده فعل
كان اياد هيلبس الكرفته عشان يجربها بس رزان اخدتها منه
-تؤ تؤ انا عايزه البسهالك يا اياد
مسكت الكرافته و بتلبسهاله و اياد باصص فعيونها وهي باصه ف عيونه
اما ايمن ف اخد تميم وخرجو من المحل
وقتها ايمن ضرب تميم بالقلم لدرجه ان تميم من شده تعبه وكمان قوه القلم كان هيقع عالارض
بغضب ¥ ايه الي بتعمله دا !! واقف تتفرج عليهم ! بعدين هي بنت عمك دي مش ليها اهل المفروض يربوها !! يعني ايه تلبس الراجل الكرافته وهما حتي مش مخطوبين ! انت ايه يا تميم ! انت جماد ومش بتحس ! ياخي ليهم الحق انهم يقولو عليك بارد لانك فعلا كدا
تميم قعد عالرصيف وحط ايديه بين راسه
¥ تميم انا اسف مكنش قصدي .. بس حقيقي برودك استفزني .. تميم طيب بص عليا انا اسف خلاص
تميم بص عليه وعينه كلها دموع
= المشكله ان كلامك صح .. المشكله ان القلم الي ضربتوني انا استحقه بس اعمل ايه قولي .. اخليها تحبني بالعافيه يعني ولا اعمل ايه .. افهم هي بتعتبرني اخوها وبس
¥ المشكله انك مش شايف الحقيقه كويس قدامك .. طيب بذمتك دي تصرفات رزان الي انا وانت عارفينها ؟! دي تصرفات واحده بتستفزك عشان تجيب اخرك وتروح تعترفلها يا تميم افهم بقا
تميم فكر شويه بعدها قام من عالرصيف و مسح دموعه
= تمام انا هروح اعترفلها ونشوف كلام مين فينا الصح !
تفتكرو ايه هيحصل ؟
ايه رأيكم فشخصيه رزان وتميم و إياد ؟؟
*_الـــــبـ6ــاࢪت♥⚡_*
¥ المشكله انك مش شايف الحقيقه كويس قدامك .. طيب بذمتك دي تصرفات رزان الي انا وانت عارفينها ؟! دي تصرفات واحده بتستفزك عشان تجيب اخرك وتروح تعترفلها يا تميم افهم بقا
تميم فكر شويه بعدها قام من عالرصيف و مسح دموعه
= تمام انا هروح اعترفلها ونشوف كلام مين فينا الصح !
دخل المحل وهو مقرر انه هيعترفلها .. اخيرا هينتهي العذاب والحيره
بس لما دخل المحل كانت رزان قاعده عالكرسي و حاطه ايدها علي راسها و اياد جمبها
= مالك يا رزان !!
-حاسه ان ضغطي وطي يا تميم .. ممكن نروح البيت ؟
= تمام تمام
وسندها و وقف تاكسي و ودعو ايمن و اياد
= حاسه ب ايه
-الدنيا حواليا مش واضحه و بتدور
= استحملي اهو قربنا نوصل البيت
وصلو البيت و لفت دراعها حوالين رقبته عشان مكنتش قادره تمشي لانها مش شايفه قدامها
خبط علي باب شقتهم والام فتحتله
٪ مالها رزان يا تميم !!
= ضغطها وطي بس متقلقيش هتبقا كويسه
٪ طيب استني اتصل علي ابوها و يجي ناخدها للدكتور
-لا يا ماما مفيش داعي بابا دلوقتي اكيد ف عمليه
تميم اخدها و وصلها لغايه سريرها
حطها عالسرير وكان هيروح يجبلها ميه بس هي مسكته من ايده وهو ماشي
-تميم .. ممكن متسبنيش وحدي
تميم ابتسم
= استريحي شويه و بكرا هتطمن عليكي
-تؤ تؤ خليك جمبي
تميم قعد جمبها
و بص بعيد عنها وبدأ يتكلم
= رزان انا عارف ان الوقت مش مناسب بس انا لو مقولتلكيش انهارده ف بكرا الله اعلم هل هيكون عندي الشجاعه اني اقولك تاني ولا لا .. رزان انا بحبك و مش قادر اشوفك مع حد غيري .. عارف انك لو مش بتحبيني ف كدا هخسرك ك صديقه و ك بنت عمي و كمان هخسر عمي الي بعتبره ابويا بس انا استجمعت شجاعتي وقولتلك لان خوفي من انك تروحي لحد غيري اتغلب علي خوفي من خسارتك انتي و عمي
بس رزان مكنتش بترد
=عارف انك مصدومه من كلامي و متوقعتيش الي بقوله بس انا هسيبك بكرا لما تفوقي ردي علي كلامي
مكنش فيه رد بردو
بص عليها وكانت نايمه ف سابع نومه
تميم ضحك
=يعني قاعد برتب فالكلام بقالي ساعه فالاخر تكوني نايمه .. دا انتي حكايه يا رزان والله
فلت دراعه من ايدها و غطاها و قفل النور و مشي
٪ تميم .. انا كنت جايه اقيس حراره رزان بالترمومتر بس بالغلط سمعت كلامك .. انت بجد بتحب رزان !!
=ايوه بحبها
٪ بس هي بتحب اياد يا حبيبي .. انا كمان كنت اتمني لو بتحبك بس يا تميم هي بتحب اياد و اختارته وهي الي قالتلي كدا بنفسها
=قالتلك بتحب إياد بجد ؟!
٪ اه والله وقالتلي انها اخيرا قابلت الشخص الي لفت نظرها وحبته ومعني كلامها يا تميم انها مش بتحبك
تميم ابتسم وهو بيحاول يداري خيبه امله و انهياره
٪ بص انت عارف ان لو الموضوع ب ايدي ف كنت هتمني انك انت الي تتجوز بنتي بس المشكله انها بتحب إياد .. انا قولت اقولك الكلام دا عشان اكيد انت ناوي تقولها نفس الكلام بكرا لما تفوق ف ارجوك يا تميم متقولش .. انت كدا هتخسرها هي وعمك .. عمك دايما بيقولي انه مبسوط ان رزان و تميم زي الاخوات ف لو عرف بموضوع انك بتحبها مش هيخليك تروح معاها الجامعه حتي .. خصوصا انها هتتخطب خلاص
ب ابتسامه = تمام .. عن اذنك
و خرج من شقتهم و فتح باب شقته بالمفتاح و دخل علي اوضته علطول
^ تميم !! افتح الباب يا تميم .. طيب انت قفلته ليه . انت كدا بتقلقني عليك
بس مكنش فيه اي صوت من تميم
بعياط ^ تميم انا .. انا ..
ووقعت عالارض
تميم سمع صوتها وهي بتصطدم بالارض وبسرعه فتح الباب
= ماما !!
شالها وهو منهار بس مقالش لاهل رزان حاجه .. وقف تاكسي
واخدها عالمستشفي بسرعه
كان مستني فالمستشفي وهو بينهار جواه من القلق عليها
€ معقول الشاب دا ابن المريضه الي دخلت العمليات من شويه ؟
£ ايوه هو .. مش عارفه ازاي بالبرود دا حتي بصي عينه مدمعتش و لا باين عليه حتي انه حزين ولو شويه .. بصي كمان قاعد بيلعب فالموبايل كأن مفيش حاجه حصلت
€ خساره والله شاب زي كدا يكون عاق لاهله كدا .. دا انا كنت هكراش عليه .. شايفه ازاي شكله قمر
£ الي ملوش خير ف اهله ملوش خير ف حد ف فكك منه فيه رجاله تانيه عندها شهامه و اصل .. الشكل مش مهم قد الاساسيات دي
كان تميم سامع الممرضات وهما بيتكلمو عنه لانهم اصلا كان صوتهم مش واطي
طنشهم كالعاده لان مش اول مره اصلا يسمع كلام زي دا .. كمل قراءه قرآن من المصحف الي منزله عالموبايل .. والي كانو فاكرين انه بيمسك الموبايل بيلعب فيه بس هو فالحقيقه بيقرأ قرآن من الموبايل بتاعه
اول لما الدكتور خرج من العمليات تميم جري عليه
=طمني يا دكتور !
$ احنا عملنا كل الي نقدر عليه بس للاسف ..
= للاسف ايه ! انت هتنقطني بالكلام ! بعدين استني انت اكيد متلغبط بين المرضي .. ماما كانت كويسه و كان نبضها كويس و كل حاجه كويسه لما جبتها هنا ..
$ للاسف لما جبتها هنا كان عندها جلطه فالقلب و احنا لما اتدخلنا جراحيا جالها مضاعفات و فقدنا المريضه
=انت اكيد بتخرف !! وبعدين انا مش هسيبكم ! انا جايبها هنا سليمه و مفهاش حاجه و انتو موتوها !
$ حضرتك اهدي بس شويه .. انت مش فوعيك
= مش فوعيي ايه ! انا بقولك جبتها سليمه هنا و انت بتقولي ماتت !
الدكتور شاور للمريضه ف جابت حقنه مهدئه وحقنته بيها وهو مش منتبه
بعدها نقلوه لاوضه لغايه لما يفوق
*الصبح*
رزان صحيت الصبح وهي مش فاكره ايه الي حصل امبارح .. اخر حاجه فكراها انهم كانو بيختارو الكرفته و الباقي مش فكراه .. قامت لبست وخبطت علي تميم عشان يروحو الجامعه بس خبطت كتير ومفيش اي رد
قعدت تخبط نص ساعه بس مفيش رد ف دخلت بسرعه شقتها و صحت مامتها
-ماما الحقي .. تميم مش بيفتح الباب !
٪ ازاي دا ؟! استني انا تقريبا كان معايا مفتاح احتياطي اديتهوني ام تميم
دخلت دورت عالمفتاح و بعد نص ساعه عرفت تلاقيه
فتحو الشقه بس مكنش فيه حد فيها و دا قلقهم اكتر
اتصلت رزان ب تميم للمره المليون و اخيرا رد
-تميم انت فين !!
£ حضرتك تعرفي صاحب الموبايل دا ؟!
رزان حست بخوف شديد
-تميم حصله حاجه !
£ ياريت حضرتك تيجي عنده .. هو فمستشفي ***
رزان قفلت معاها المكالمه وهي منهاره من العياط
٪ اهدي طيب يا بنتي !! اهدي ان شاء الله مفيش حاجه
بعياط -مفيش حاجه ازاي يا ماما دي مرضيتش تقولي ماله .. يا ماما اكيد حصله حاجه
٪ طيب استني هتصل ب ابوكي يجي معانا
بعياط -يا ماما هو انا لسا هستني ! انا لازم اروح دلوقتي
٪ طيب استني هلبس بسرعه واجي معاكي
-مش هعرف استني يا ماما انتي تعالي ورايا
وخرجت بسرعه من العماره و هي بتعيط و وقفت تاكسي
وصلت المستشفي وهي شايفه قدامها بالعافيه من الدموع الكتير الي ف عينها
سألت عليه فالاستقبال و قالولها علي اوضته
خبطت علي اوضته و دخلت
كانت الممرضه بتركبله محلول
اول لما شافته حضنته جامد بس هو كان زي الجماد .. مش بيتحرك ولا عامل اي رده فعل حتي
استغربت منه و بصت للممرضه
-تميم مال
*_الـــــبـ7ــاࢪت♥⚡_*
اول لما شافته حضنته جامد بس هو كان زي الجماد .. مش بيتحرك ولا عامل اي رده فعل حتي
استغربت منه و بصت للممرضه
-تميم ماله
€ الدكتور هيجي بعد شويه يشرحلك حالته
وقتها اياد دخل الاوضه ( شاف رزان وهي بتحضن تميم و حس انه غيران جداا و ان فيه حاجه غريبه حاسس بيها ناحيه رزان )
~ متقلقيش اهو كويس ..
-عرفت منين اني هنا يا اياد ؟!
~ امك اتصلت بيا قالتلي اروح معاكي عشان متكونيش وحدك .. وهي فالطريق بردو
-شايف ازاي مش بيتحرك ؟ كأنه فعالم تاني يا اياد
~ دلوقتي الدكتور هيجي ويطمنا ان شاء الله بصي انا هروح اجبلك عصير و مولتو من الكافتيريا اكيد ملحقتيش تفطري
وخرج من الاوضه
¥ انتي قريبه المريض ؟
-ايوه يا دكتور
¥ هو عنده حاله صدمه و كان عنده انهيار عصبي لما عرف الخبر بس حاليا هو فحاله صدمه بس دي حاجه طبيعيه متقلقوش انتو بس لازم تسيبوه فالمستشفي يومين عشان هو مش اكيد مش هياكل ولا يشرب ف حالته دي ف احنا هنحطله محاليل عشان ميحصلهوش جفاف
-ازاي يعني !! انهي خبر الي سمعه وخلاه يدخل فصدمه
ب استغراب ¥ متعرفيش ان امه ماتت !
-بتقول ايه !!
¥ربنا يصبركم
ب انهيار وعياط - لا لا اكيد مماتتش انت اكيد بتهزر .. ازاي طيب تموت وهي كانت كويسه ازاي ..
¥ربنا معاكي ..
و كان هيخرج من الاوضه بس رزان وقفته
بعياط -طيب قولي عالاقل تميم هيرجع زي الاول ولا لا
¥ دا علي حسب المريض .. فيه مرضي بترجع زي الاول بعد فتره قصيره او كبيره وفيه مرضي بيسيب جواهم اثر طول حياتهم
بحزن - تمام يا دكتور فهمت
رزان كانت عارفه تميم كويس و تقدر تقول ان الي حصل دا تميم مش هيعديه بالساهل .. تميم كان مرتبط ب امه لدرجه كبيره خصوصا ان ابوه مات لما كان تميم صغير ..
قعدت تعيط علي مامت تميم لانها كانت ست طيبه جدا و كانت بتحبها .. كانت دايما تقول لنفسها انها محظوظه انها هيكون عندها حماه طيبه بالشكل دا بس امه ماتت قبل لما تشوف ابنها وهو عريس حتي .. ماتت قبل لما تفرح بيه
وقتها دخل اياد الاوضه
~ رزان انا عايز اتكلم معاكي فحاجه مهمه
رزان مسحت دموعها
-نعم يا اياد
~ انتي بتعيطي !
-لا فيه حاجه دخلت ف عيني
~ متقلقيش يا رزان هيكون كويس و الدكتور شفته وهو خارج من هنا دلوقتي واكيد طمنك
بس رزان مردتش عليه ( مكنش يعرف ان ام تميم ماتت)
~ تعالي برا الاوضه لحظه
خرجت برا الاوضه معاه
~ انا عارف ان الوقت مش مناسب للي هقوله بس انا عايز افسخ الاتفاق الي بينا .. وبصي مش عايز حاجه منك يعني مش عايز حتي اتدرب مع ابوكي
-ليه غيرت رأيك !! بعدين احنا مكملناش اسبوع حتي وبعدين الوقت مش مناسب فعلا المفروض تقف جمبي انا وتميم وبعدين نشوف حوار الاتفاق دا
اياد اتنهد بضيق
بغضب ~ رزان انا مش لعبه ف ايدك تمام ؟ انتي من اول لما اتفقنا و انتي بتعامليني كأني دميه ف ايدك تاخديها يمين وشمال .. اياد تعالالي الجامعه و اعزمني عالغدا قدام تميم .. اياد تعالا نشتري البدله عشان نغيظ تميم .. اياد تعالا البسك الكرفته عشان نشوف رده فعل تميم .. اييه هو انا مش انسان !! كفايه بقي كدا .. انتي لما اتفقتي معايا كنت فاكر انك هتعامليني كويس .. كنت بقول لنفسي فيها ايه يا اياد لو جربت تكون وسط عيله لمده شهرين .. فيها ايه يا اياد لو تجرب شعور ان يكون عندك ناس تخاف عليهم ويخافو عليك و يهتمو بيك .. فيها ايه لو اتخلصت من الوحده لمده شهرين .. بس الي حصل انك كنتي عايزه لعبه ف ايدك وخلاص و علي فكره تميم الي بتعذبي فيه دا حتي لما كان تعبان مرحمتهوش .. هو كمان مش لعبه ف ايدك يا رزان عشان تعذبيه كدا و لعلمك انا واثق انك عارفه انه بيحبك ومتأكده من دا كمان و مع ذلك قصدتي تعذبيه كدا .. افرضي طيب انه بيحبك فعلا بس مش هيقدر يتقدملك حاليا ! افرضي انه كان مقرر يتقدملك ويعترفلك لما تتخرجو مثلا !ولا خلاص انتي عايزاه يعترف الشهر دا يبقا لازم يعترف الشهر دا
-انا مكنتش اعرف ان معاملتي ليك وحشه للدرجه .. طيب ليه كنت بتكتم جواك .. ليه مقولتليش انك حاسس بالطريقه دي
~ مش مهم الي حصل دا خلاص فالماضي المهم اني مش عايز اكمل فالاتفاقيه دي
-تمام براحتك انا مش هجبرك تكمل فيها مثلا
مشي من المستشفي وهو بيكلم نفسه ومتضايق
~ معقول مش فارق معاكي اصلا للدرجه دي ؟ انتي لو كنتي قولتيلي خليك يا اياد انا وعيلتي وتميم اتعودنا عليك .. خليك حتي لو هيكون كل صلتنا بيك انك متدرب عند بابا .. لو كنتي قولتيلي كدا انا مكنتش همشي يا رزان بس واضح اني فعلا كنت لعبه ف ايدك .. و زيك زي الاطفال بيتخلو عن العابهم بسرعه يا رزان
بعد لما اياد مشي رزان دخلت الاوضه الي قاعد فيها تميم و قعدت جمبه وهي بتفكر فكلام اياد
فعلا احنا البنات بنحس ب الي بيحبنا خصوصا لو فيه مواقف وتصرفات تأكد دا .. وهي اصلا اتأكدت الي حد ما انه معجب بيها من وقت لما بدأت خطتها مع اياد ومع ذلك هي كانت مستمره فالخطه علي امل انه يعترفلها.. هي فعلا اذت اياد و تميم فنفس الوقت
فاقت من دوامه افكارها علي صوت مامتها
٪ طمنيني !! اهو شايفاه كويس الحمدلله شفتي قلقتي عالفاضي
بعياط -ماما .. عمتو فاطمه تعيشي انتي ..
٪ مش فاهمه قصدك ايه !!
بعياط - عمتو فاطمه ماتت
٪ رزان متهزريش .. انا لسا كنت قاعده معاها امبارح
بعياط - مش عارفه ماتت انهارده الفجر ولا من امبارح بالليل .. بس هي ماتت
الام وبنتها قعدو يعيطو مع بعض
بعياط ٪ كانت طيبه اوي يا رزان
بعياط -جدا يا ماما
الممرضه دخلت علي صوت عياطهم
€ بتعملو ايه ! انتو بتعيط جمب المريض الي فحاله صدمه ؟! لو سمحتو مينفعش تعملو كدا قدامه انتو كدا هتخلو حالته تسوء
رزان ومامتها طلعو من اوضه تميم
الام مسحت دموعها ٪ رزان احنا لازم نكون اقوياء عشان تميم .. هو محتاج حد يطبطب عليه ويقف جمبه . مش محتاج حد يزود الوضع سوء
رزان مسحت دموعها و راحت الحمام تغسل وشها
-ماما انا هبات مع تميم انهارده فالمستشفي
٪لا يا حبيبتي روحي انتي وانا هفضل معاه
-لا يا ماما انا لازم افضل معاه
٪ يا رزان مش هينفع .. بعدين انتي ناسيه انك مخطوبه ! فين اياد صحيح المفروض انه وصل قبلي
-زعقت فيه ومشي ..
٪ ايه !! طيب ليه عملتي كدا يا بنتي
-كنت متضايقه يا ماما .. بعدين خلاص انا مش عايزه اكمل مع اياد
٪ ليه يا بنتي ! مش كنتي بتحبيه !!
رزان كانت هتقول لمامتها انها لعبه واتفاق بس مقدرتش تقولها .. هتقولها ازاي ان بنتها اتفقت مع واحد عشان يمثل انه خطيبها و يخدع الكل
-ايوا يا ماما بحبه بس خلاص مفيش نصيب
٪ روحي بس البيت واهدي كدا و انا اهو قاعده مع تميم وهكلم اياد و اصالحكم علي بعض
-يا ماما لا !
٪ يلا روحي البيت احسن ابوكي يتخض لما يروح البيت ويلاقي مفيش حد .. ومتقوليلهوش علي عمتك فاطمه غير لما يرجع البيت احسن يكون فعمليه و يأذي المريض الي بيعمله العمليه لما يسمع الخبر .. كان بيعتبرها زي اخته و كان بيرعاها هي و تميم بعد وفاه اخوه الله يرحمه
-يا ماما بس انا عايزه اقعد مع تميم !!
٪ يحبيبتي انتي خلاص بقيتي مخطوبه ولازم تفهمي ان مينفعش تقعدي تباتي مع تميم .. خطيبك هيتضايق
و كملت كلام ف سرها ٪ وبعدين يا رزان تميم بيحبك وانتي معتبراه اخوكي .. لو وقفتي جمبه ففترته الصعبه دي هيتحسن و يرجع زي الاول بس هيحبك اكتر من الاول وهيتأذي فالاخر لما يتصدم بفرحكم ..
رزان روحت البيت وهي متضايقه .. بس الي كان مصبرها ان اياد اكيد لما مامتها تتصل بيه هيقولها انه مش عايز يكمل مع بنتها .. بما انه عايز ينهي الاتفاق ف اكيد هيقولها كدا و بكدا هتخلص من حوار اياد من غير لما تقول لاهلها علي حوار الاتفاق
ام رزان قعدت مع تميم و نامت عالكنبه .. مكنش فيه اي جديد فحالته
بس فوقت الفجر رجع تميم لحالته الطبيعيه و شاف مامت رزان نايمه عالكنبه .. طبعا اتصدم اكتر وقتها لانه كان فاكر ان لما يقع ف ازمه هتكون رزان اول واحده تقف جمبه .. وانها مش هتسيبه للحظه واحده حتي .. زي م هو كمان مستعد يعمل دا عشانها بس لما شاف ام رزان وقتها اتأكد اكتر واكتر من كلام ام رزان انها بتعتبره اخوها وانها بتحب اياد .. واكيد كمان اياد الي قالها متباتش مع تميم وتسيب مامتها مكانها
نام علي سريره تاني و غمض عينه
*_الـــــبـ8ــاࢪت♥⚡_*
٪ ايوه يا اياد .. انا اتصلت عشان اصالحك انت و رزان علي بعض .. رزان قالتلي انكم اتخانقتو امبارح وشديتو مع بعض .. عادي يبني الخلاف بيحصل بين اي اتنين
~ للاسف يا طنط انا و رزان مش هينفع نرجع لبعض تاني .. دا كان اتفاق من الاول بينا اني هلعب دور خطيبها لمده شهرين بس انا وهي مكنش فيه بينا اي حاجه فالاول .. بس خلاص انا نهيت الاتفاق دا امبارح
بصدمه ٪ انت بتتكلم بجد !! اكيد بتهزر
~ للاسف دي الحقيقه
٪ طيب تعالي عندي المستشفي و لما توصل كلمني و هطلع اقابلك برا
~بس خلاص انتهت كل حاجه بيني و بين رزان ف ليه اجيلك !
بس ملحقش يكمل كلامه لان ام رزان قفلت المكالمه
قامت من عالكنبه وبصت علي تميم الي كان نايم وبعدها خرجت من الاوضه
اياد رن عليها وقالها انه وصل قدام المستشفي ف خرجت برا المستشفي
٪ تعالي نروح ف كافيه عشان عايزه اتكلم معاك
اياد كان مستغرب منها بس راح معاها الكافيه و كان عنده فضول يعرف هتقوله ايه عشان كدا سمع كلامها و راح يتكلم معاها
اتنهدت قبل لما تتكلم
٪ دلوقتي هسألك سؤال وعايزاك تجاوبني بكل صراحه .. انت بتحب رزان ؟
~ يعني .. انا ..
٪ ياريت بكل صراحه يا اياد
~ ايوا بحبها
٪ تمام انا هساعدك انك تتقرب منها و هساعدك انها تحبك
~ بس فيه مشكله
٪ ايه هي
~ هي بتحب تميم و هي اصلا اتفقت معايا الاتفاق دا عشان يعترفلها بس مش عارف هو كمان بيحبها ولا لا
٪ ايوه بيحبها
~ حضرتك متأكده !!
٪ ايوا هو الي قالي بنفسه
~ طيب ليه عايزاني اتقرب منها و تحبني رغم انك عارفه انها بتحب تميم وهو كمان بيحبها ؟ انتي بتحبي تميم وبتعتبريه ابنك
٪ الكلام دا مش صح .. انا مش بكره ف حياتي قد تميم و امه
*** فلاش باك ***
وقت وفاه ابو تميم كان تميم لسا صغير و كان عنده ٥ سنين .. ام تميم كانت يتيمه ومكنش عندها اي قرايب يساعدوها فالمصاريف ف ابو رزان فكر و قالها انه هيبعتلهم كل شهر مصروف شهري ليها هي وتميم بس هي كانت شايفه ان دي شفقه و مقبلتش تاخد منه حاجه وقررت انها هتشتغل وتصرف علي ابنها .. بس ام تميم كان عندها نسبه هشاشه عظام بالاضافه ان كليتها فيها مشكله ف مقدرتش تكمل ف اي شغل جربته .. هي اصلا اتجوزت ابو تميم وسنها مش صغير ( كانت ٣٥ سنه لما اتجوزته ) ف بالتالي لما اتوفي كان عندها ٤٠ سنه .. قدمت علي وظايف مش محتاجه مجهود جسدي بس اترفضت ف كله لانهم محتاجين ناس اصغر فالسن لغايه لما فقدت الامل انها تلاقي شغل خصوصا ان ابنها تميم بدأ يجوع و بدأ الاكل الي فالبيت عندها يخلص .. ابو رزان طبعا كان متابع احوالهم اول بأول وعرف ب الي حصل ووقتها قرر انه عشان ينقذ ابن اخوه من التشرد والضياع والفقر لازم يتجوز ام تميم عالورق عشان يبقا ليه الحق انه يخرج ويدخل البيت عندهم من غير لما الناس تقول حاجه وكمان عشان ام تميم توافق انه يصرف عليهم بما انه بقا جوزها ف من واجبه يصرف عليهم .. هي طبعا اترددت و فكرت كتيير انها توافق او لا خصوصا انها كانت بتحب ابو تميم جدا بس اضطرت توافق لان دا الحل الوحيد عشان هي وابنها يعيشو كويس .. وقتها هو بلغ ام رزان بقراره وانه بس هيتجوزها علي الورق عشان يقدر يخلي ابن اخوه يعيش حياه كويسه بس ام رزان كانت رافضه رفض قاطع .. بس هو قالها انه مضطر يعمل كدا وهي لازم توافق والا ام تميم هتقطع نفسها فالشغل وتيجي علي نفسها و بعدها لا قدر الله تموت وتسيب تميم و وقتها ام رزان هتضطر تربيه بنفسها .. ام رزان فكرت و مع ضغط ابو رزان عليها وافقت وهي مجبوره .. بس اتفقو هما التلاته انهم مش هيعرفو رزان ولا تميم بالكلام دا و ان تميم لما يكبر و يدخل الجامعه هو هيطلقها
***باك***
اياد كان بيبصلها وهو مش مصدق الي سمعه .. كان حاسس انه بيحلم بكابوس .. لا اكيد مش دي العيله السعيده الي كان نفسه يكون جزء منها .. فضل متنح فيها لمده عشر دقايق وهو مش عارف يقول ايه لغايه لما قرر اخيرا يخرج عن صمته
~ انا مصدوم والله ومستغرب جدا .. كنت فاكر انك بتحبيهم .. انتي ازاي قادره تمثلي انك طيبه كدا وبتحبيهم وانتي من وراهم بتتمنيلهم الموت !! انا حقيقي مش مصدق ان فيه ناس زيك فالدنيا
٪ مش مهم التفاصيل دي يا اياد المهم هل انت بتحبها و مستعد تحارب عشانها ؟! انا مستعد اساعدك عشان تكون ليك
~ ايوا بحبها بس عارف كمان ان هي بتحب تميم و ان دا اصلا كان اتفاق و دي غلطتي اني حبيتها ف اكيد مش هدخل بينهم و لا احارب تميم حتي .. افهمي هما مخلوقين لبعض ومفيش حد فيهم يقدر يعيش من غير التاني
٪ لو بتحبها بجد يا اياد كنت هتحارب عشانها بس انا شكلي جيت للشخص الغلط .. انا الي كنت فاكراك هتتبسط لما اعرض عليك اني اساعدك علي ان رزان تكون ليك فالاخر
الحقيقه ان اياد بينه وبين نفسه كانت مشاعره مختلطه لما عرف ان الام بتكره تميم ولما عرضت عليه المساعده عشان رزان تحبه .. مجرد التفكير ان رزان ممكن تكون ليه بيسعده بس فنفس الوقت هو حزين ان العيله الي شايفاه سعيده قدامه هي فالحقيقه فيها كره وحقد و تمثيل .. وهو مش هينفع يقبل اتفاقها لان كدا هو هيخسر احترامه لذاته ووقتها حتي لو كانت رزان ليه ف دا مش هيخليه يحسن نظرته لنفسه ولا يفرح
٪ طيب استني هقولك عالخطه وبعدها هسيبك تفكر فالموضوع
اياد كان قايم من مكانه ف مسكته من دراعه
٪ انت جبان جداا علي فكره يا اياد وشكلك عايز تعيش وحيد لاخر حياتك .. عموما روح خلاص وانا هبقا ابعتلك دعوه فرحها بس مش هيكون فرحها هي وتميم لاني هجوزها لاول واحد يتقدملها .. كدا كدا مستحيل اخليها تتجوز تميم ف انت هتخسرها عالفاضي
بس اياد مشي وسابها وهي بتتكلم
ام رزان فنفسها ٪ مش هسيب ابنك ياخد بنتي مني زي م اخدتي جوزي مني
رجعت لاوضه تميم فالمستشفي
تميم كان رجع لوعيه شويه بس كان رافض يتكلم مع حد خصوصا لما رزان خيبت ظنه
لما الضهر اذن رزان راحت المستشفي بعد جامعتها
-تميم انت صاحي ! و كمان بتحرك ايدك ووشك ! انت فرحتني اوي بالتقدم دا و لسا كمان هتتحسن اكتر واكتر
بس تميم مكنش بيرد عليها
-عارفه انك سامعني كويس جدا يا تميم .. مش عارفه ليه باين عليك متضايق مني بس انا والله مكنتش اعرف الي حصل لمامتك والا كنت جيت معاك المستشفي ومكنتش سبتك تيجي وحدك
٪ خلاص يبنتي سيبيه الدكاتره قالو لازم يرتاح
-يا ماما اهو كويس !
٪ صح انا كلمت اياد
-وقالك ايه
٪ قالي انه حابب الخطوبه تكون بعد يومين يكون تميم اتحسن بس هتكون خطوبه عالضيق عشان احنا عندنا حاله وفاه
اتصدمتو ف ام رزان ؟! تفتكرو ايه خطتها ؟
*_الـــــبـ9ــاࢪت♥⚡_*
٪ صح انا كلمت اياد
-وقالك ايه
٪ قالي انه حابب الخطوبه تكون بعد يومين يكون تميم اتحسن بس هتكون خطوبه عالضيق عشان احنا عندنا حاله وفاه
رزان بصتلها بصدمه
-ازاي دا !!
٪ ازاي ايه يا حبيبتي .. مش انتو بتحبو بعض ؟ يبقا مفيش داعي انكم تسيبو بعض عشان شويه مشاكل عاديه .. روحي اختاري فستان من دلوقتي عشان لو مفيش فساتين حلوه نتصرف
بس رزان خرجت من الاوضه وهي مش شايفه قدامها
الام بسرعه اتصلت ب إياد قبل لما رزان تتصل بيه
~ نعم .. قولتلك مش هشارك معاكي ف الي ناويه تعمليه
٪ انا قولت لرزان انك بلغتني انك عايز الخطوبه بعد يومين
بصدمه و سخريه ~ اكيد بتهزري !!
٪ لا ابدا .. علي فكره انت فاكر ان ابوك وامك متوفيين بس مش دي الحقيقه خالص
~ مش فاهم !
٪ لو عايز تعرف الحقيقه تعالا عالكافيه الي اتقابلنا فيه المره الفاتت ومتكلمش رزان ولا ترد عليها لغايه لما نتكلم
وقفلت المكالمه
اياد حس ان قلبه بيدق بسرعه وهو بيفكر ف احتماليه ان يكون كلامها صح .. طب ازاي وهما الاتنين ماتو فحادثه عربيه لما كان عنده ٤ سنين !!
رزان رنت عليه كتير بس هو مرضيش يرد غير لما يسمع كلام ام رزان ..ولان فضوله كان كبير قام بسرعه و راح للكافيه من غير م يستني
٪ كنت عارفه انك مش هتطول وهتيجي بسرعه
~ تعرفي ايه عن ابويا وامي ..
٪ فعلا حصل حادثه وكان ابوك وامك فالعربيه وقتها بس الحقيقه ان ابوك بس الي مات وقتها .. امك عايشه عادي
بعدم تصديق ~ لا لا انتي اكيد بتكدبي .. لو عايشه كانت جتلي بعد الحادثه .. مكنتش هتسمح انهم ياخدوني دار الايتام واتربي بعيد عنها
٪ طبعا انت كنت صغير اوي وقتها ومكنتش عارف ان ابوك كان راجل غني و امك علي اد حالهم جداا .. ناس عايشين بالعافيه
~ وايه علاقه دا بموضوع انها سابتني !
٪ ركز بس معايا .. امك لما فاقت من الحادثه وعرفت ان ابوك مات و كمان عرفت انه خسر كل فلوسه و اعلن افلاسه قبل الحادثه بيومين وقتها قالت للشرطه انهم يقولولك انها ماتت لانها خلاص مش عايزاك ..
إياد ضحك زي المجنون
~ لا كدا زودتيها اوي انتي بتكدبي ! امي لا يمكن تتخلي عني وتسيبني .. احنا كنا عيله سعيده
ام رزان سكتت ف إياد بصلها وهو بيعيط
~ لا مش ممكن يكون الي قولتيه صح .الرواية من قناة عشاق الروايات2ميرا. قوليلي انك بتكدبي ارجوكي متعمليش فيا كدا و قولي انك بتكدبي .. انا كان عندي عيله سعيده !!
٪ الفقر اقوي من اي حد يا إياد و امك اهلها اتخلو عنها وقالولها طالما اتجوزتي خلاص مش هينفع ترجعي لينا تاني ولا نصرف عليكي تاني و انت كمان كنت متعود علي حياه الرفاهيه .. هي فكرت كتير و كانت محتاره وبعدها قررت تسيبك لدار الايتام عشان تعيش كويس
اياد قعد يعيط زي الطفل وهو مش مصدق ان ممكن امه فعلا تعمل كداا .. هو مش فاكر حاجه عن حياته مع امه وابوه بس الحاجه الوحيده الي كان فاكرها انهم كانو سعداء .. كانو عيله مبسوطه وبتحب بعضها بس وقتها افتكر عيله رزان الي كان فاكرها سعيده وبتحب بعض بس طلعو بيدعو علي بعض بالموت ف الحكايه الي حكتهاله ام رزان بانت منطقيه شويه
٪ و دلوقتي بقا انا هوصلك لامك و عيلتها الجديده بس بشروط
اتسعت عينيه من الصدمه و زاد فالعياط
~ عيلتها الجديده !!!
٪ اه امك لما سابتك كانت حزينه جداا بس طبعا مفيش حد بتقف حياته عشان خاطر حد ف وقتها اتقدملها واحد غني وهي وافقت تتجوزه و نسيتك يا إياد .. نسيتك ومسألتش فيك بعد جوازها رغم ان كان قدامها تيجي تاخدك من دار الايتام وتربيك بما انها خلاص بقت مقتدره انها تربيك
~ لا الكلام دا مش صح لا .. مستحيل اصدق انها فعلا نسيتني ومأخدتنيش بقصد .. مستحيل
٪ انا كلامي صح بس لو مش عايز تصدقه براحتك دا يرجع ليك .. انا ايه مصلحتي اني اكدب عليك
فكر فكلامها وكان عندها حق .. لو كدابه ف اكيد كدبتها هتتكشف ف اكيد مش غبيه لدرجه انها تكدب كدبه كبيره زي دي
مسح دموعه و راح غسل وشه
~ ايه هي شروطك
٪ حاليا عايزاك تنفذ شرط واحد وهو ان لما رزان تكلمك اوعي تجيب سيره عن الي قولتهولك امبارح وكرهي لتميم وامه ! قولها انك مقولتش علي حوار الخطوبه و اطلب منها انك تفضل جمبها ك صديق .. انا خلاص غيرت خطتي و مش هجبرك علي حاجه ضد مبادئك
بضحك ~ اه طبعا اكيد غيرتيها عشاني
٪ يلا سلام دلوقتي كفايه عليك كدا انهارده
ومشيت وسابته
*بالليل *
رزان بعد لما خرجت من المستشفي حاولت توصل ل اياد بس معرفتش ف رجعت تاني المستشفي
بس تميم كان نايم ومش ف وعيه
بصت علي حالته بزعل وهي متضايقه
-انا محتاجاك جمبي يا تميم ومحتاجه كمان اني اكون جمبك .. ارجوك اتحسن ف اسرع وقت
وقتها اياد دخل الاوضه
~ ازيك يا رزان
بغضب -انا بتصل عليك من بدري يا اياد ! ازاي تقول لماما ان خطوبتنا بعد يومين !!
اياد مثل انه مصدوم
~ ازاي تقولك كدا !! بالعكس انا قولتلها اني مش حابب اكمل فالخطوبه واني راجعت نفسي ولقيت اني مش هنفع ليكي
رزان هديت شويه
-بجد !! يعني ماما بتألف ولا بتختبرني عشان تشوف رده فعلي ولا ايه !!
~ مش عارف بس اطمني مفيش خطوبه ولا حاجه احنا خلاص مفيش بينا حاجه
-انا قولت بردو انك اكيد مش انسان وحش يا اياد ..
~ بصي احنا مش هيكون بينا اي حاجه لا حاليا ولا مستقبلًا وانتي طبعا عارفه اد ايه انا وحيد و انتي كمان محتاجه حد يقف جمبك فالفتره دي ف ايه رأيك نكون اصحاب ؟ يعني افضل جمبك ك صديق وبس
بفرحه -بجد !! يعني انت عايز كدا ؟!
~ ايوه دا هيسعدني كمان
-وانا موافقه يا اياد .. لسا كنت بقول لتميم اني محتاجه حد يقف جمبي فالفتره الصعبه دي
اياد بص علي تميم
~ هو ليه نايم ؟؟ مش حالته المفروض اتحسنت ؟؟
-كان كويس فالنهار وكان طبيعي بس دلوقتي مغيب عن الوعي و لأ هو مش نايم هو صاحي بس مش حاسس بالدنيا حواليه
مع او ضد مساعده اياد ل ام رزان ؟! و تفتكرو ليه ام رزان غيرت خطتها ؟
*✓يــــتـــبـــ؏♥⚡*