فصل 1.2.3.4
*_؛ࢪوايــةة: عــنــاد العــشــاق🖤🍒_*
✧
*═════ ♪『 🖤🍒♪ ═════*
*🍒🖤Part 1 🖤🍒*
*🍒🖤Part 2 🖤🍒*
*🍒🖤Part 3🖤🍒*
*🍒🖤Part 4 🖤🍒*
*_الـــــبـ1ــاࢪت♥⚡_*
=انا هخطب
بصدمه - بجد !!
= ايوه .. بس عايزك تيجي معايا وانا رايح اتقدم لان ماما تعبانه و عمي ( الي هو ابوها ) مشغول وعنده عمليات كتير ف معنديش غيرك يا بنت عمي الي تيجي معايا
-اه طبعا هاجي معاك
= كنت عارف انك مش هتخذليني يا بيست فريندو
-يلا نروح عشان جعانه
( انا رزان ف سنه خامسه طب و دا ابن عمي تميم معايا فنفس السنه والكليه .. بقينا بيست فريند من وقت لما دخلنا الكليه و احنا ولاد عم اصلا وساكنين قدام بعض بس تميم ابوه متوفي من ١٨ سنه )
-يلا اهو جاهزه اجي معاك يا تميم .. هي العروسه ساكنه فين
=ساكنه فالقاهره
-نعم !! يعني بنات اسكندريه خلصو ورايح تخطب من القاهره !
= اعمل ايه القلب وما يريد
رزان فنفسها - البعيد مش بيحس .. جمبه واحده بتعشقه و رايح يخطب واحده من محافظه تانيه .. هو اصلا شخص بارد و وشه مش بيظهر عليه تعابير الفرح او الحزن او الغيره او اي حاجه تاني .. و دا كان مخليني مش عارفه هل بيحبني ولا لا .. هل اهتمامه بيا لانه ابن عمي و كمان اصحاب فنفس الوقت ف بيعتبرني اخته ولا لانه بيحبني بس خلاص بما انه هيخطب ف انا اتأكدت انه كان بيعاملني ك اخت بس
=رزان سرحتي ف ايه !!
-هاه . ولا حاجه .. طيب انت حجزت تذاكر صح ؟
= ركزي معايا يا رزان يعني هنروح من الاسكندريه للقاهره مشي ؟ و صحيح ايمن و مازن جايين معانا ( دول اصحابه )
-تمام يلا نروح
ركبو القطر وهي طبعا قعدت بعيد عنهم شويه عشان هو قعد مع اصحابه .. كانت طول مده السفر بتشوف مسلسل لغايه لما وصلو
لما وصلو كانت المحطه زحمه جدا لدرجه انها تاهت عنهم
طلعت موبايلها من شنطتها عشان تتصل بس الموبايل كان فصل شحن
اما تميم ف لما ضاعت عنهم حاول يتصل بيها بس الموبايل كان مغلق و دا خلاه يقلق عليها اكتر و فضل هو واصحابه يدورو عليها حوالين المحطه
بس رزان لما اكتشفت ان الموبايل فصل شحن فكرت انها هتسأل فالمحلات عن شاحن لموبايلها لانها حتي مش حافظه اي رقم بس مكنش فيه اي محل فيه شاحن .. فكرت تشتري شاحن وسألت عن محل بيبيع شواحن ف واحد هناك وصفلها مكان
بس الغريب ان وهي ماشيه فالشارع الي وصفهولها كان شكله شارع غريب .. ضيق و فنفس الوقت مفيش حد ماشي فيه غيرها وكمان سامعه اصوات ضحك و مسخره و دا خلاها تخاف اكتر .. وفجأه
سمعت صوت واحده بتصرخ فنص الشارع ' الحقونييي ابني بلع حاجه و بيتخنق الحقونيييي ابني بيروح مني '
رزان قررت تساعدها بما انها عارفه ازاي تساعدها وازاي تطلع الحاجه الي بلعها قبل لما يتخنق ويموت
استغربت ان مفيش حد بص من البلكونه حتي او راح للست دي عشان يهديها او اي حاجه بس قررت بردو تساعدها
-فينه ابنك يا طنط !!
€ تعالي يا حبيبتي هو فالشقه فوق ارجوكي ساعديني
رزان طلعت الشقه فوق معاها و اتصدمت
بمجرد لما دخلت الشقه شافت اشكال غريبه و رجاله وستات فالشقه .. الستات لابسين قصير و بيضحكو مع الرجاله .. و وقتها عرفت ان دي شقه دعاره
رجعت لورا عشان تجري وتخرج من الشقه بس الست كانت خلاص قفلت الباب
-خليني امشي بالله عليكي ..
€تمشي ايه يا حلوه .. خلاص دا بقا بيتك للابد
متابعه فضلا وليس أمراً 💞💞
*_الـــــبـ2ــاࢪت♥⚡_*
.البارت التاني
بمجرد لما دخلت الشقه شافت اشكال غريبه و رجاله وستات فالشقه .. الستات لابسين قصير و بيضحكو مع الرجاله .. و وقتها عرفت ان دي شقه دعاره
رجعت لورا عشان تجري وتخرج من الشقه بس الست كانت خلاص قفلت الباب
-خليني امشي بالله عليكي ..
€تمشي ايه يا حلوه .. خلاص دا بقا بيتك للابد .. شايف ازاي عرفت اختار بنت حلوه يا سيد ؟ شوف بقا مين عايز يقضي معاها الليله انهارده
رزان استجمعت شجاعتها و زقت الست جامد وفتحت الباب بسرعه ونزلت بس لما وصلت لباب العماره كان واقف قدامها ٤ رجاله جسمهم ضخم
€ بقا واحده زيك تزقني !! هاتوها الشقه وانا هربيها
رزان عيطت بصوت عالي لما ادركت ان خلاص مش هتعرف تهرب
غمضت عينها وهي مستنيه مصيرها بس سمعت صوت ضرب جامد و صوت صريخ
و فجأه حست ب ايد بتمسكها من دراعها جامد و بتشدها
فتحت عينها و كان شاب متعرفهوش .. عيونه عسلي و شعره بني فاتح و عنده لحيه خفيفه
وهي طالعه من العماره مع الشاب دا شافت الرجاله الي جسمهم ضخم وهما واقعين عالارض و الست الي خدعتها وهي بتصرخ ' روحو بسرعه ورا البنت وهاتوها !! '
وقفت فمكانها و فلتت ايده
-انت مين !!
~ بسرعه بس اجري عشان كدا هيوصلو لينا !
-اه عشان انت كمان تخطفني صح ؟!
اتنهد و كمل كلامه
~انا كنت معدي فالشارع بالصدفه لان دا كان اقصر طريق للمكان الي انا كنت رايحه و لما سمعت صوت عياطك و صريخك قولت اشوف فيه ايه .. بعدين ايه الي يخلي بنت تمشي فشارع مشبوه زي دا !!
-انا مش من هنا ومكنتش اعرف .. كمان حد وصفهولي وقالي هتلاقي محل بيبيع شاحن فالشارع دا
~ طيب يلا نجري عشان كدا هيوصلو لينا !!
جرينا بسرعه و انا كنت خايفه جدا ومتوتره .. كان خوفي انهم يمسكونا وياخدوني للشقه دي تاني .. وطبعا من توتري وخوفي اتكعبلت ف حجر كبير ووقعت عالارض و رجلي اتجزعت .. صرخت من الالم الي حاسه بيه
-خلاص انت امشي و سيبني ..
~ فاضل شويه ونوصل لشارع رئيسي وهناك محدش هيقدر يعملنا حاجه .. اسندي عليا و متدوسيش علي رجلك و كله هيعدي متقلقيش
سندت عليه و مشينا بسرعه لغايه الشارع الرئيسي و فعلا الشاب دا كان عنده حق .. اول لما وصلنا الشارع الرئيسي و رجاله الست دي شافونا واحنا خلاص دخلنا الشارع الرئيسي اتضايقو واتعصبو بعدها مشيو
-شكرا عالمساعده يا ..
~ اسمي إياد
-تقدر دلوقتي تروح للمكان الي كنت رايحه وانا هستني ابن عمي
~ تعالي بس نقعد علي جمب الاول بعدها استني ابن عمك
-مش هعطلك ؟
~ لا لا اصلا خلاص المعاد ضاع عليا وبيني وبينك مكنش ليه لازمه ..
اخدها و راحو لحديقه كانت قريبه منهم و قعدت علي الكرسي
~ مدي رجلك كدا
-ايه ؟!
~ مديها بس عشان اشوف دا كسر ولا جزع ولا ايه
مدت رجلها و بدأ يشوف العضم ف رجلها
~ الحمدلله جزع بسيط .. لازم بس تحطي تلج و تستريحي ومتضغطيش عليها ف استني هنا و انا هروح اجبلك تلج ومسكن الم و اجيلك
اياد جابلها تلج و حطه علي رجلها و ادالها المسكن شربته
-كنت بتقول ان المشوار مكنش ليه لازمه . ايه قصدك ب دا و ليه اصلا تروح مشوار انت عارف ان ملهوش لازمه
ابتسم ابتسامه فيها خيبه امل واضحه
~ اصل انا دكتور لسا متخرج قريب بس مفيش اي دكتور جراحه راضي انه يدربي و طبعا مجموعي مكنش كافي اني اخد نيابه فالمستشفي او تخصص جراحه فالمستشفي ف مفيش اي حد يعلمني الا لو دكتور فعياده او عنده مستشفي
-ان شاء الله هتتقبل بس متفقدش الامل انت لسا ف اول الطريق
~ ان شاء الله .. انتي بقا ايه حكايتك ؟
-كنت جايه هنا مع ابن عمي عشان يخطب بس ضعت منه فمحطه القطر و موبايلي فصل شحن وبعدها حصل الي حصل
~ طيب هاتي الموبايل وانتي خليكي مرتاحه هنا فالمستشفي هروح اشوف شاحن واشحنهولك واجيبهولك
-بس كدا هبقا تعبتك جامد .. مفيش داعي انا شويه كدا الالم هيخف بعدها هروح اشوف شاحن
~ لا مفيش تعب استريحي بس
و راح يشوف شاحن
اما رزان ف كانت بتفكر يا تري هل تميم راح يخطب البنت و لا كان بيدور عليها طول الوقت دا ..
بعد نص ساعه اياد راح ل رزان و ادالها الموبايل وهو مشحون شويه
-شكرا خالص يا اياد ..
مسكت موبايلها و اتصلت ب تميم
و اول لما اتصلت رد علطول
= فينك يا رزان !! بردو كدا تهربي و تسيبينا ؟! كنتي قولتيلي طيب انك مش عايزه تروحي معايا للبنت الي هخطبها
-لا الحكايه بس ان الموبايل فصل شحن وبعدها .. بص هحكيلك لما اشوفك انتو فين دلوقتي
= هبعتلك اللوكيشن
-لا استني الموبايل شويه وهيفصل شحن تاني
و ادت الموبايل ل اياد .. معلش شوف فين العنوان الي هيقولي عليه و وقفلي تاكسي قوله عالعنوان
~ فين المكان
=انت مين !
~ لما بنت عمك تشوفك هتفهمك المهم قولي فين المكان عشان خلاص الموبايل خمس دقايق وهيفصل تاني
= العنوان ****
~ تمام عرفته
و فصل المكالمه
وقفلها تاكسي و هي ركبت التاكسي بعدها هو ركب فالكرسي الي جمب السواق
-انت جاي معايا !!
~ ايوه .. هوصلك عنده عشان بس اكون ريحت ضميري
و لما وصلو للعنوان كان تميم و اصحابه مستنيين
نزلت من التاكسي وكانت هتقع لان رجلها لسا وجعاها بس اياد سندها
تميم راح ناحيتهم بسرعه
= ايوا ازاي بقا بتمسك بنت عمي كدا ؟!!
~ كانت هتقع و ..
رزان قاطعته
-كنت هقع فعلا يا تميم .. رجلي اتجزعت
تميم سندها وقعدت علي الرصيف
=انا اسف كنت متسرع و مكنتش عارف ان رجلها اتجزعت
~ ولا يهمك
-ايه يا تميم رحتو اتقدمتو للبنت ؟
كان لسا ايمن هيتكلم بس تميم اتكلم قبله
= ايوا طبعا رحت .. اكيد مفضلتش طول الوقت دا ادور عليكي
( الحقيقه ان تميم كان بيدور عليها من وقت لما ضاعت وحتي مأكلش حاجه من وقتها عشان كان بيستغل كل دقيقه ف انه يدور عليها )
-و ايه الي حصل
= موافقتش عليا
-اييه ! اهلها صح ؟
= لا هي ذات نفسها .. محصلش قبول
-اه طبعا اصل شكلك وحش ف عشان كدا محصلش قبول
( تميم اصلا عيونه خضرا و شعره اشقر و جسمه رياضي )
= ايوه عادي محصلش قبول من ناحيه العروسه
-اه طبعا اومال
هنا رزان عرفت انه كان بيخدعها وانه اصلا مكنش فيه عروسه من الاول ولا حاجه .. طيب كان عالاقل قال مثلا ان اهلها مش موافقين عليه عشان تصدقه
تميم بص ل اياد
= هو انت مش هتمشي ؟!
بس رزان حاولت تدوس علي رجلها و مسكت اياد من دراعه ..
-يمشي فين يا تميم ؟ هو انا مقولتش ان اياد قالي انه عايز يشوف بابا ويتقدملي وانا وافقت ؟!
*_الـــــبـ3ــاࢪت♥⚡_*
تميم بص ل اياد
= هو انت مش هتمشي ؟!
بس رزان حاولت تدوس علي رجلها و مسكت اياد من دراعه ..
-يمشي فين يا تميم ؟ هو انا مقولتش ان اياد قالي انه عايز يشوف بابا ويتقدملي وانا وافقت ؟!
رزان لما قالت كدا بصت علي تميم عشان تشوف رده فعله بس كالعاده .. شخص بارد متقدرش تقرأ تعابير وشه ولا تعرف هو حاسس ب ايه .. مفيش غير المواقف والتصرفات هي الي هتقدر تبين هو حاسس ب ايه
كان إياد هو الي مصدوم من كلامها
اخدته علي جمب بعيد عن تميم واصحابه
~ ايه الي قولتيه ايه ! اتقدم ايه وخطوبه ايه !
-بص انا هعرض عليك اتفاق .. انت قولتلي ان مفيش ولا جراح راضي انك تتدرب عنده صح ؟!
~ مظبوط
-عارف انا اسمي ايه ؟
~ ايوه رزان
-رزان سليم الهواري
~ ابوكي الجراح المعروف سليم الهواري ؟!!
-ايوه .. اظن كدا فهمت ايه الاتفاق صح
~ لا مش فاهم .. يعني عايزاني اخطبك بجد ولا ايه ؟!
-تيجي تتقدم عادي و نمثل اننا مخطوبين لمده شهرين و فالمقابل هقنع بابا انك تتدرب عنده .. وحتي لما الخطوبه تتفسخ وكل واحد يروح لحاله بردو هتكمل تدريب عند بابا
~ وايه هدفك من تمثيل اننا مخطوبين
-اظن دا شئ ميخصكش
~ عشانه صح ؟
-اهو شفت اد ايه هو انسان بارد و حتي مظهرتش اي ملامح الصدمه او الحزن لما قولتله انك هتكون خطيبي .. بس لو بيحبني و بيغير فعلا ف اكيد غيرته هتكشفه فالشهرين الي هنمثل فيهم اننا مخطوبين
~ تمام وانا موافق عالاتفاق دا
*عند تميم واصحابه *
كان ايمن بيضحك بصوت عالي
تميم ضربه علي دراعه
=بتضحك علي ايه !!
¥ بضحك علي السحر الي اتقلب عالساحر .. بقا انت جبتها هنا معاك عشان تشوف غيرتها وانت بتتقدم لغيرها فالاخر هي الي هتتخطب ؟!
وبعدها ايمن كمل ضحك
£ لا وكمان شكلها بتحبه فعلا يا ايمن
تميم ضربهم علي دراعهم هما الاتنين
= دا انتو لو متعمدين تضايقوني مش هتعملو كدا !!
¥ قولنالك ان الخطه دي مكنش ليها داعي يا تميم وان باين اصلا من عيونها و نظراتها انها بتحبك و انك المفروض تعترفلها بحبك و تشوف وقتها لو بتحبك فعلا زي م عيونها بتقول خلاص تروح تتقدم بس انت طبعا انسان بارد و كاريزما مش هتستحمل الرفض
تميم قعد عالرصيف
= انا متوقعتش ان دا يحصل اصلا .. خطتي مكنتش كدا .. احنا كنا هنروح للبنت الي اتفقنا معاها هي واهلها ان انا هروح اتقدم ليها بس هيرفضوني و كنت وقتها هشوف غيره رزان عليا لو بتحبني بعدها هتقدملها علطول
£ خلاص بقا الكلام دا كان زمان .. هي خلاص هتتخطب
= مش يمكن عمي يرفضه ؟!
¥ هيرفضه ليه يا تميم ؟ واحد بنته موافقه عليه وكمان شكله حلو و باين عليه عنده شغل محترم . هيترفض ليه ؟
= هو احلي ولا انا
ايمن ضحك علي كلام تميم
¥ انتو زي الشمس والقمر .. مختلفين عن بعض كلياا .. انت اشقر وهو شخص عادي بس ملامحه و جماله مميز
= يعني شايفين انه حلو صح ؟
¥ بص هو شكله كمان ساعدها كتير يعني رجلها مجزوعه و مسابهاش و جابها لغايه هنا والله اعلم كمان ايه حصل تاني .. البنات بتحب الي بيتصرفو بشهامه كدا يا تميم
= طيب يلا تعالو نروح المحطه .. القطر هيفوتنا كدا
تميم راح ناحيه رزان و اياد
= يلا القطر زمانه وصل يا رزان ..
~ انا جاي معاكم
= خليك هنا و تعالي بكرا لما تجيب اهلك معاك
~ معنديش اهل .. ابويا وامي متوفيين و كنت عايش وحدي
ب ابتسامه -من انهارده يا إياد هيكون عندك اهل وعيله
اياد اتبسط من كلامها بس افتكر ان كل دا تمثيل ومش حقيقي
= يلا بقا القطر هيمشي !!!
راحو كلهم للمحطه و ركبو القطر
-بس كدا فيه مشكله يا تميم .. احنا حجزنا ٤ تذاكر بس صح ؟
= ايوه بس عادي انا اصلا تعبت من القعده عند اهل العروسه ف هقف طول الطريق وانت يا إياد اقعد مكاني
~ لا لا ميصحش الكلام دا .. اقعد انت وانا هقف كلهم ساعتين اصلا
=عيب عليك انت ضيفنا اصلا اتفضل اقعد
كان لسا اياد هيتكلم بس رزان اتكلمت قبله
-خلاص يا إياد اقعد انت واستريح انت انقذتني وطول اليوم بنجري من الناس الوحشه الي كانو بيجرو ورانا لكن تميم كان طول اليوم بيتضايف عند اهل العروسه
= ناس وحشه مين الي بتجري وراكم !
رزان حكتله كل الي حصل
= ينهار ابيض .. معقول كل دا حصل .. انا اسف بجد علي الي حصل . كل الي حصل بسببي وعارف ان الاعتذار مش هيصلح حاجه
-تميم بيعتذر مني !! لا انا اكيد بحلم .. ولا يهمك دي مش غلطتك انا الي صدقت الي وصفلي الشارع ومشيت ورا كلامه
=المهم انك بخير دلوقتي
¥ حمدلله علي سلامتك يا رزان
= الله يسلمك يا مازن
تميم بص ل اياد
= شكرا يا إياد علي انقاذك بنت عمي .. واسف مره تانيه علي تصرفي معاك وقت لما شفتك اول مره
~ لا لا عادي اي حد مكاني كان هيعمل كدا
رزان بصت ل اياد
-لا يا إياد انت الي شهم وجدع و قمر
اياد اتكسف و بص الناحيه التانيه
وكمان تميم عمل نفسه مش مهتم و بص بعيد عنهم وكان فباله كلام ايمن لما قاله ان البنات بتحب الرجاله الي بيتصرفو بشهامه
بعدها عدت ساعه كلها صمت و إياد نام من التعب
كان المكيف عالي فالقطر والجو برد
-تميم فين البطانيه الخفيفه الي جبتها معاك عشان لو حسيت ببرد فالقطر ؟
=اهي خديها
اخدتها وغطت بيها اياد
=بس دي بتاعتك !
-هو تعب عشاني طول اليوم و بعدين باين عليه بردان
بسخريه = قال يعني هيموت من البرد
-لا مش هيموت من البرد بس مش بحب اشوف قره عيني وهو بردان
= انا هروح اسأل الكمسري فاضل اد ايه ونوصل ..
كان بيتمشي ف عربيات القطر لغايه لما اتطمن انه بعد عنهم بعدها خبط بقبضه ايده جمب الشباك لدرجه ان الي كانو قاعدين عالكراسي جمب الشباك اتخضو ف اعتذرلهم ومشي
-اتأخرت كل دا بتسأله ؟
= ايوه مكنتش لاقيه
-قالك ايه
= عشر دقايق وهنوصل .. هصحي اياد
-لا استني انا هصحيه
رزان حطت ايدها علي كتف اياد وهزته ب لطف
-اياد قوم وصلنا
اياد صحي بسرعه لان نومه خفيف
نزلو من القطر و راحو لبيتهم بعد لما ودعو ايمن و مازن
~ انا هبات ففندق انهارده و هتصل ب ابوكي اخد منه معاد اتقدملك فيه
-تمام انا بعتلك الرقم عالواتس
= حالا اخدتو ارقام بعض .. مش كنتي تستني لما نشوف ابوكي هيوافق عليه ولا لا
-هيوافق ان شاء الله
بعدها رزان وصفتله عنوان فندق كويس قريب من بيتهم و اياد شكرها ومشي
و لما اياد مشي طلعت هي و تميم العماره .. وهما عالسلم كانت بتغني اغنيه اليسا 'اجمل احساس فالكون انك عشقان بجنون '
= بتحبيه بجد يعني ؟
-ايوه
= تمام .. انا هروح اشوف امي
و فتح شقته بالمفتاح و دخل و قفل الباب
اما رزان ف كانت حاسه ان هو بيغير عليها بس بردو هتستمر فالخطه لغايه لما تتأكد بنسبه ١٠٠ فالميه
خبطت عالباب وهي مبسوطه
الام فتحتلها الباب
-ماما انتي كنتي عايزاني ابطل رفض للعرسان و اتخطب صح
٪ ايوا .. غيرتي رأيك اخيرا !!
-واحنا ف القاهره يا ماما قابلت واحد ساعدني وكان شهم جداا و انا بصراحه يا ماما يعني حباه و هو كمان جه معانا اسكندريه و اخد رقم بابا وهيكلمه
٪ بجد !! يعني اخيرا هتتخطبي ! تعالي تعالي احكيلي كل حاجه
*عند اياد فالفندق *
لما وصل الفندق وحجز اوضه قعد فالريسبشن
كان خلاص جاب اخره من الوحده وانه يقعد وحده ف نزل الريسبشن عشان يشوف الناس قدامه .. نظراته اتعلقت ب عيله سعيده .. ام و اب بيضحكو مع بعض و عيالهم حواليهم
وقتها حس انه اتسرع انه وافق علي اتفاق رزان .. هو اه نفسه يتقبل ك متدرب عند دكتور وخاصه لو دكتور مشهور بس هو كمان مش عايز يدخل فالتمثيليه دي .. هو طول حياته لوحده و يوم لما يدخل بيت يكون دي تمثيليه !
بس بعد تفكير طويل قرر يكمل فالتمثيليه لان خلاص هو اتفق معاها ومينفعش يرجع فكلامه
*اليوم الي بعدو *
اتصل بالاب و الاب رحب بيه جدا لان رزان اصلا حكتله عنه لما رجعت من السفر و قاله يجي النهارده لو حابب لان دا يوم اجازته من الشغل
و بمجرد لما رزان عرفت ان اياد جاي عندهم انهارده خبطت علي شقه تميم
=نعم يا رزان
-مفيش صباح الخير حتي ؟ اياد جاي يتقدملي انهارده وكنت حابه تكون معايا .. اكيد اتمني ان اخويا يكون معايا فيوم زي دا
= اشمعنا المرادي ؟ م كل مره بيتقدمولك من غيري
غمزتله
-انت عارف ان المرادي مختلفه يا تميم .. يعني خلاص اياد هو الانسان الي هتخطبله ف عايزاك تكون جمبي
= بس انا مش فاضي انهارده
-وراك ايه مثلا !
=ورايا .. ورايا .. اه ورايا مذاكره
-يعني حبكت تذاكر انهارده ؟ بليييز يا تميم خليك معايا بلييز
= ماشي خلاص هلبس واجيلكم بطلي زن بقا
راحت شقتها وهي مبسوطه
> اول مره اشوفك مبسوطه كدا يا رزان .. متشوق اشوف الانسان الي اخيرا عرف ينال اعجاب بنتي
-هتحبه خالص يا بابي
>لما نشوف
اياد لبس كلاسيك و بص علي نفسه فالمرايه قبل لما ينزل
' الي يشوفني وانا قاعد بقالي ساعه بجهز يقول اني رايح اخطب واحده بحبها فعلا 😂 بس قمر يا اياد ايه الحلاوه دي بس '
وبعد لما خلص من معاكسه نفسه 😂 ركب تاكسي و راح لبيت رزان
خبط عالباب و ابو رزان فتحله الباب
> اتفضل اتفضل
و بعد لما قعد فالصالون خبط الباب للمره التانيه والمره دي كان تميم الي لبس احلي لبس عنده
> بص يا اياد انا كنت متحمس اني اشوف الشخص الي بنتي اختارته بس اول لما شفتك بصراحه حاسس انها اختارت صح .. يعني باين عليك شخص كويس
~ كلام حضرتك بسطني جدا و اتمني اكون عند حسن ظن حضرتك
> بص احنا مفيش عندنا اي طلبات يعني المهم عندي ان بنتي تكون مرتاحه ومبسوطه فحياتها وبصراحه لما حكتلي كمان عن انقاذك ليها انا اتطمنت ان هيكون فضهرها راجل يحميها ويخاف عليها
اياد ابتسم و كان لسا هيرد بس رزان خرجت وهي معاها الشربات
كانت لابسه فستان بيبي بلو سيمبل و كان شكلها زي الاميرات
اياد و تميم كانو باصين عليها ومش قادرين يشيلو عينهم من عليها
قعدت جمب باباها و هي مكسوفه
> خلاص يحبيبتي انا وافقت علي اياد
= لحظه بس يا عمي .. اياد هو انت عارف ان رزان بتمشي وهي نايمه ؟
اياد اتصدم
رزان رفعت حاجبها لفوق وبصت ل تميم
= طيب عارف انها لما بتتعصب بترمي كل حاجه قدامها ؟
-يا تميم !!
=استني بس .. طيب عارف انها بترجع البيت كل يوم فنص الليل !
~ اه اه قالتلي هي علي كل دا و وعدتني تغير كل الصفات دي لما نتخطب ان شاء الله
اما ابو رزان مات من الضحك علي نفسه لان اصلا كلام تميم كان غلط ومش صح
> يعني كمان يا حبيبي يا اياد مش عايز تكسف رزان ! لا انا كدا اطمنت اني اخترت صح
اما تميم ف كان متغاظ ان حيلته دي خلت الاب و رزان يحبو اياد اكتر
-بابا واياد ايه رأيكم لو تكون الخطوبه بعد يومين ؟
> انا موافق . ايه رأيك يا اياد
~ انا كمان موافق
=عن اذنكم انا عندي صداع شديد ولازم امشي
-انا هروح اوصله يا بابا لحظه
راحت توصله لباب الشقه و دي اكيد كانت حجه عشان تتكلم معاه
-ايه رأيك يا تميم ؟ يا زين من اخترت صح ؟
تميم ابتسم
= ايوه عندك حق
كان تميم وقتها هيقع من طوله بس سند دراعه عالحيطه و رزان مسكته من دراعه احسن يقع
لما مسكته من دراعه لاحظت ان درجه حرارته عاليه جدا
-تميم انت كويس !!
= اه انا هروح ارتاح ف شقتي واه نسيت اقولك صح مبارك عالخطوبه
*_الـــــبـ4ــاࢪت♥⚡_*
-ايه رأيك يا تميم ؟ يا زين من اخترت صح ؟
تميم ابتسم
= ايوه عندك حق
كان تميم وقتها هيقع من طوله بس سند دراعه عالحيطه و رزان مسكته من دراعه احسن يقع
لما مسكته من دراعه لاحظت ان درجه حرارته عاليه جدا
-تميم انت كويس !!
= اه انا هروح ارتاح ف شقتي واه نسيت اقولك صح مبارك عالخطوبه
و فتح باب الشقه بتاعته بالمفتاح و دخل
^ الغدا قرب يجهز يا تميم
= انا هنام يا ماما .. لما اصحي ابقا اكل
الام خرجت من المطبخ
^ الساعه ٦ المغرب يا تميم وانت لسا صاحي الضهر
= حاسس اني تعبان ف هنام شويه عشان افوق
^تمام الي تشوفه
راح نام عشان يرتاح من دوامه الافكار الي فدماغه و الندم الي حاسس بيه
اما اياد ف بعد لما اتفقو علي يوم الخطوبه قعد معاهم شويه وبعدها راح الفندق
*اليوم الي بعدو *
رزان خبطت علي باب شقه تميم .. كانت الساعه ٨ الصبح
فتحلها الباب وهو باين عليه انه لسا صاحي
= حد يخبط علي باب الناس كدا ! براحه يبنتي
-ايه دا انت لسا صاحي !! يعني يوم م اقرر ابقا نشيطه واصحي بدري تروح انت تكسل و تصحي متأخر ! يلا المحاضره الساعه ٩ وكدا هتضيع علينا
= مش عايز اروح الجامعه انهارده
-انت اكيد بتهزر يا تميم .. دا انا الي كل يوم بقعد ازن عليك عشان نغيب وانت مكنتش بترضي ابداا .. الاحوال اتبدلت ولا ايه ؟!
بعدها حطت ايدها علي جبهته
-كويس حرارتك نزلت .. اومال ليه بتخرف ؟!
= عادي عايز اغيب لمره واحده فحياتي مش هيحصل حاجه يعني
-قررت مترتبش عالدفعه السنادي ولا ايه ؟ انا طول الوقت بقولك الامتياز حلو ومش لازم ترتب عالدفعه كل سنه
= ينفع اقفل الباب و اكمل نوم ! انتي صدعتيني اصلا
-ادخل يلا البس بدل م اخدك منك ايدك وتروح الجامعه علي كدا بلبس البيت
= بترديهالي يعني !
-ايوا اشمعنا انا الي يتعمل معايا كدا كل مره بكسل فيها اروح الجامعه ؟ اهو الي بتعمله فالناس بيتردلك
= طيب اهو هلبس . خمس دقايق وهكون جاهز
قفل الباب و فعلا بعد خمس دقايق كان جاهز
-نفسي اعرف بتلبس ازاي بسرعه كدا .. انت عارف اني صاحيه من ٦ ونص عشان ابدأ اجهز !!
= انتي الي بتتعبي نفسك وتصحي تقعدي ساعه هتلبسي ايه مع اني قلتلك ان كل لبسك جميل و مفيش داعي تقفي ساعه قدام الدولاب تختاري هتلبسي ايه و بعدها تقعدي ساعه تاني عشان تحطي ميكب مع اني قلتلك انك احلي من غير ميكب اصلا
-ايه دا انت بتعاكسني !! عيب يا ولد انا حتي بقيت مخطوبه
= امشي طيب يلا هنتأخر
وصلو الجامعه وكان لسا فيه وقت قبل المحاضره .. رزان راحت الكافتيريا تشتري عصير و تميم راح لاصحابه يسلم عليهم
¥ طمنا يا صاحبي عامل ايه بعد ليله امبارح .. منظرك بيقول ان الخطوبه هتتم
= اه فعلا هتتم بس عادي ربنا يسعدها مع الي اختارته
¥ يا تميم هما لسا متخطبوش رسمي .. لسا قدامك فرصه انك تروح تقولها علي مشاعرك .. عالاقل حتي لو رفضتك وقتها تبدأ تشوف حياتك بعيد عنها .. لكن اللعب عالحبل دا مش هينفع
= انت عارف كويس ان الرفض هيسببلي احراج .. هي ساكنه قدام شقتنا يا ايمن ولو اترفضت هحس بالاحراج كل لما اشوفها وكمان .. هخسر صداقتنا
¥ يعني هتسيبها تتخطب قدامك وتقعد ساكت ؟!
كان لسا تميم هيرد بس رزان راحت ناحيتهم
-يلا يا تميم المحاضره هتبدأ
بعد المحاضره تميم اتفاجئ ب إياد وهو رايح ناحيتهم بمجرد لما خرجو من المدرج
-ايه دا يا اياد انت بتعمل ايه هنا !!
~ كنت حابب اشوفك وانتي فالجامعه
-احلي مفاجأه يا إياد
~ انا عازمك عالغدا انهارده .. وانت يا تميم تقدر تيجي معانا لو حابب
= لا روحو انتو انا هتغدي مع امي .. سلام
كان ايمن وقتها واقف مع تميم و سمع الحوار
¥ انت بجد هتسيبهاله يا تميم ! تميم الي بيحب حد بيحارب عشانه وانت مش مستعد تتخلي عن برودك وكاريزمتك عشانها !
= الحكايه مش كدا يا ايمن .. انت عمرك م هتفهمني .. بص اولا هي معجبه بيه فعلا وهو كمان بيبادلها نفس الاعجاب ثانيا زي مقولتلك انا لو اعترفتلها و قالتلي انت زي اخويا وقتها هخسرها و هخسر عمي كمان لان مش هعرف ابصلهم تاني ولا اكون معاهم ف اي مكان تاني .الرواية من قناة عشاق الروايات2ميرا اي حد يسرقها حسبي الله ونعم الوكيل فيه. وانت عارف اني بعتبر عمي زي ابويا وهو كمان بيعتبرني كدا وانا مقدرش اخسره
¥ براحتك يا تميم .. لما نشوف هتفضل علي رأيك دا لما تشوف خطوبتهم قدام عينك ولا رأيك هيتغير وقتها
بعد لما تميم مشي وسابهم
رزان بصت ل اياد
-شكرا يا اياد انك عملت زي مقولتلك و صحيت من النوم وجيت للجامعه
~ دي خطه واكيد هلتزم بيها بس ايه رأيك نتغدي مع بعض انهارده .. يعني انا عارف انك قولتيلي اقول كدا عشان تغيظي تميم بس ايه رأيك نروح نتغدي فعلا
رزان فكرت شويه
-ماشي يا إياد موافقه
و راحو لمطعم رزان المفضل
-دا مطعمي المفضل .. هو مطعم مش مشهور واكيد مفيش فرع ليه عندكم ف القاهره بس اضمنلك انك هتحبه
~ اي حاجه بتحبيها اكيد هتكون حلوه
رزان اتكسفت من كلامه
-ياريت يا إياد نلتزم بالاتفاق وبلاش الكلام دا
~ حاضر .. صحيح انا مستغرب من حاجه
-ايه هي
~ تميم .. تقريبا دا اغرب انسان شفته فحياتي
-ليه يعني
~ يعني انا شايف من تصرفاته انه بيحبك .. حتي لو مش بيبان من تعبيرات وشه بس التصرفات فضحته مثلا لما كان بيحاول يطفشني لما قالي حاجات مش صح عنك ومع ذلك لسه مش راضي يجي يعترفلك قبل خطوبتنا
رزان اتنهدت وهي متضايقه
-حقيقي مش عارفه .. تميم طول عمره كدا شويه احس انه بيحبني و شويه احس اني زي اخته و عشان كدا انا اضطريت الجأ للخطه دي . لان اكيد مش هعترفله اني بحبه مثلا .. دي خطوه المفروض الرجاله الي يعملوها
~ انا كمان مستغرب منه ..
خلصو غدا و وصلها البيت
اما تميم ف لما رجع من الجامعه نام علطول حتي مرضيش ياكل و مامته بدأت تقلق عليه
اما إياد ف لما رجع الفندق حاول يوصل لاكونت رزان عالفيس و دا مكنش صعب
بس لما عرف يوصل للاكونت ساب موبايله
' ايه الي بتعمله دا يا اياد دي خطوبه تمثيل اصلا يعني مينفعش افكر فيها اصلا '
*اليوم الي بعدو *
كان يوم جمعه و تميم متعود اصلا انه مش بيسيب فرض بس من وقت حكايه اياد وهو مش منتظم فالصلاه خالص نظرا انه بقا بينام اكتر من ١٧ ساعه فاليوم
يعني مثلا اليوم الي قبله نام بعد لما رجع من الجامعه كانت الساعه ١ الضهر و اهو دلوقتي الساعه ٢ الضهر ولسا مصحيش لدرجه ان مامته قلقت عليه و دخلت تصحيه
^ تميم تميم قوم
تميم اصلا نومه تقيل بس صحي بعد لما مامته جابت ميه و كبتها عليه
= ايه يا ماما دا
الام اخدته فحضنها وهي بتعيط
^ قلقتني عليك .. كل دا نايم يا حبيبي
= الساعه كام ؟
^ الساعه ٢ وحتي مش من عادتك انك تفوت صلاه الجمعه.. مالك يا حبيبي احكيلي
=مفيش يا ماما
^ عارف يا تميم .. انت زي ابوك بالظبط .. ابوك كان زيك مكنتش بعرف هل هو متضايق ولا مبسوط غير لما بيبدأ ينام كتير او يفقد الشهيه فالاكل .. كان بيقولي دايما ان الي حواليه شايفينه بارد و محدش كان بيتحمله واني الوحيده الي حبيته زي م هو .. عارفه انك بتعاني زيه بس انا اهو معاك وفضهرك و اكيد كمان هتلاقي الانسانه الي تحبك وتتقبلك زي م انت
= انا مش متضايق يا ماما .. انا بس حاسس ان جسمي مكسر ف بنام كتير
^ عارفه ومتأكده انك مش هتحكيلي الي مضايقك .. بس الكتمان دا مش هيفيد بحاجه يا تميم بالعكس دا هيتعبك
وبعدها سمعو صوت زغاريط
=ايه الصوت دا
^ نسيت ان خطوبه بنت عمك رزان بكرا ؟
= اه صح
^ لازم تروح تقف معاها يبني و تكون فضهرها .. ابوها و امها مقصروش معانا بعد وفاه ابوك و كانو دايما فضهرنا و اقل حاجه نعملها انك تقف جمب بنتهم و انت عارف انها بتعزك وبتعتبرك زي اخوها
=حاضر يا ماما اهو هلبس وهروح عندهم
^ تمام يا حبيبي
تميم لبس و فتح باب شقته .. كان باب شقه رزان مفتوح و صوت الاغاني والزغاريط واصله لغايه عنده
خبط عالباب بعدها دخل
رزان اول لما شافته اتبسطت
-كنت عارفه انك مش هتسيبني وحدي يا تميم .. ايه رأيك الفستان دا احلي ولا دا
تميم ابتسم وهو اصلا من جواه بيموت
= دا احلي..
-طيب اعمل شعري ديل حصان ولا اسيبه مفرود
= سيبيه مفرود .. بيبقا احلي
كان هيقعد عالكرسي بس رزان وقفته
-استنيي لسا فيه حاجه مأخدتش رأيك فيها
= ايه هي
-عايزه اجيب هديه ل اياد بمناسبه خطوبتنا وكمان علي فكره عيد ميلاد اياد بكرا .. عشان كدا اصلا اختارته يكون يوم الخطوبه عشان تكون الفرحه فرحتين
= و ازاي عرفتي يوم عيد ميلاده بالسرعه دي .. انتي عرفتيه قبل لما يقابل ابوكي بيومين بس
-عادي دورت عليه فالفيس و عرفت تاريخ عيد ميلاده
= اه تمام ..
-ها قولي بس اجيبله ايه هديه
= مش عارف
-انت مثلا لو كنت مكانه كنت هتحب اني اجبلك ايه
= كل انسان وليه اهتمامات مختلفه عن التاني يا رزان
-طيب خلاص خلاص انا عرفت هجيبله ايه
تميم ابتسم
=كدا اقدر اقعد صح ؟ يلا روحي شوفي باقي تجهيزات الخطوبه وانا موجود اهو مش هسيبك وحدك
-شكرا خالص يا تميم .. انت حقيقي اخ جدع و اي بنت فالدنيا تتمناه
و دخلت اوضتها
اما تميم ف كان من جواه بينهار بس مش باين حاجه علي ملامحه .. عامل زي المهرج الي بيضحك ف وش الناس ويتصرف معاهم عادي بس من جواه بيموت .. هو مختارش انه يكون بارد كدا .. لو كان هيختار كان هيختار انه يكون شخص عادي بيظهر عليه الفرح والحزن والغيره .. عالاقل كانت رزان عرفت مشاعره
من بدري
بعدها بساعه رزان خرجت من اوضتها
-يلا يا تميم تعالي معايا نروح ل اياد عشان قالي انه هيفرح لو رحت اختار البدله معاه .. اصل بص يعني اياد بيستغل كل الفرص عشان نقضي وقت مع بعض اكتر
تميم اكتفي بالابتسامه
راحو ل اياد فالفندق و اخدوه و راحو لمحل فيه بدل
-لا مش معقول كدا يا إياد كل الي بتلبسه بيكون لايق عليك .. بجد مش معقول
اياد اتكسف من كلامها
~ دا من زوقك والله .. انا عجبني البدلتين دول اكتر حاجه ومحتار بينهم ف انتي اختاري
رزان بصت ل تميم
-ايه رأيك يا تميم انهي احلي ؟
= الاتنين حلوين ..
-اكيد هيلبس واحده بس فالخطوبه ف لازم نختار واحده .. لو انت هتخطب كنت هتحب انهي تكون بدلتك
= الي عاليمين
-تمام خلاص اختارت الي عاليمين يا ايااد
اما اياد ف حس المره دي ان فيه فعلا مشاعر من تميم ناحيه رزان .. و حس بكدا لان تميم كان بيكتفي بالابتسامه وساكت طول الوقت و لو بيعتبرها اخته فعلا مكنش هيكون ساكت كدا
= كدا فيه حاجه تاني يا رزان ؟ هنروح البيت صح
-لا انت تعبت شكلك صح
= حاسس بس بصداع ملازمني بقاله يومين .. بفكر اروح لدكتور
-و تروح لدكتور ليه واحنا معانا إياد .. إياد معلش ينفع تشوفه ماله
و بمجرد لما قالت كدا تميم وقع من طوله فنص الشارع
يتبع
تفتكرو ايه هيحصل ؟
*✓يــــتـــبـــ؏♥⚡*
متابعه فضلا وليس أمراً 💞