إذا ما عشت بدنياك أميرًا فخذيني إليهـا أسيرًا - الفصل 23 - بقلم g rwa12 - مكتملة | روايتك

#الاسـيــر --- --- واقفه في غرفه صغيره بدون باب خاليه من الاثاث.. يتوسطها شبااك كبير يطل على حديقة الخلفيه.. ومنها لشارع اللي خلف البـيت.. اول مره تنتبه لـ وجود هذي الغرفه.. تقدمت لشباگ اللي جاي بشكل دائري وله حواف واسعه على داخل وقريبه من الارض حيل .. جلست على الحافه ورفعت رجولها كلها فوق اسندت ظهرها على وراء وابتسمت حواف الشباك تنفع تصير كرسي جلوس مقوس مددت رجولها واسندت راسها على الشباگ ورفعت راسها لفوق .. السماء على غير العادة صافيه والنجوم بصعوبه تقدر تشوفها .. بسبب وجودهم بوسط المدينه .. في قريتها بالسعوديه نجوم حيل واضحه .. خاصه اذا طلعت لسطح والمكان مظلم .. سمعت صوته ينزل من الدرج وينادي بـ اسم الخدامه .. تنهدت الكلام معه يستنزف طاقتها.. رفعت معصمها تشوف الساعة ٨:٢٠م يمدي اروح لـسوق اخذ لي كم شي يمشي حالي هذي اليومين .. وقفت تطرد الخمول وتحمس نفسها لطلعه .. لعل نفسيتها تتحسن وتغير جو .. دخلت غرفتها واخذت البالطو وشنطتها.. لفت حجابها على راسها ورفعت فوقه الكبع.. وتلثمت بطرف الاشارب اللي على رقبتها.. ولبست شوزها ونزلت.. فتحت باب البيت زفرت هواء وهي تشوف سيارته تغادر البيت ... طلعت شارع العام و وقفت لها تاكسي وتوجهت لـ اقرب مجمع لها ... دخلت محل ملابس واخذت لها كم لبس .. وبجامه .. وملابس داخليه .. طلعت منه بعد ما حاسبت.. عضت شفايفها بشغف وهي تشوف محل للمكياج والعطورات .. والاجمل انه يجمع اكثر من ماركة.. تحس وجهها متعطش للمكياج.. او مثل ما تسميه جدتها غش تجاري من دخلته نست الاشياء الضروريه اللي هي في حاجتها .. و اي شي يمدحونه لها البائعات تحطه في السلة .. وقفت عند الارواج بدت تجربها على معصمها.. واخذت لها 4ارواج .. وبعدها اخذت عطر اوبيم بلاك وعطر نرسيسو توجهت للكاشير و اول ما بدت نزل اغراضها على الطاولة .. حست بحجم شفاحتها بدت ترجع بعض الاغراض وهي تذكر نفسها انها ما بتحتاجها .. وان مافيه مناسبات تقدر تحط فيها مكياج .. بتكتفي بـ اللي ينفع لليومي فقط .. وحاسبتهم وطلعت .. توجهت لصيدليه اللي فعلاً تحس فلوسها كلها بتطير فيها .. وقفت قبل تدخلها تذكر نفسها بـ الاشياء الضروريه عشان اذا دخلت ما تنشفح مثل دخولها لمحل المكياج... بعد ما خلصت توجهت لـ ستاربوكس طلبت فرآبتشينو وكرسون وجلست لها على طاوله تنتظر طلبها.. فتحت شنطتها وهي تسمع صوت جوالها يرن.. ابتسمت بقوه وهي تشوف اتصال فديو من عمها ناصر.. فتحته بسرعه وبلهفه/ارررررررررحببببببب سمااااء ناصر ابتسم لها بقوه/الـبقاااء ..الله حيها ..خشمتس • #الاسـيــر --- خشمها"سلام بطرف الخشم"/هههههههههههههه ناصر/وش حالتس!؟ يا الباندا جود/مشتاقه لكم والله ناصر/وش من السذب لو مشتاقه كان اتصلتي لتس اسبوع كامل انتي اهلتس ما تدقون .. ف قلت خلني ادق عليهم .. ودقيت على ابوك ف صباح الا والله يكلمني من طرف خشمه ودقيت بعدها على منافوه الا ويقفل الخسيس في وجهي .. و والله لو اني ما شفتك تضحكين كان قلت العرب فيهم بـلا جود تقوست شفايفها وشتت نظراتها .. ثم اردفت بتصريف/كيفك انت وكيف جدي وجدتي ناصر سكت وملامحها اللي تغيرت ما فاتته/شـفـيــگ!!! جود بابتسامه مصطنعه واستغباء/ ما فـيني شـي ناصر بجديه/ما فيني شـي!!! وراهاا الــف شـي وشي لا تلفين وتدورين معي انا الوحيد اللي اقدر اكشف كذبك جود قوست شفايفها اللي بدت ترجف ببكى.. وبعدها شهقت بقوة وبكت بنحيب.. ناصر بخوف وقف ومسك الجوال بقوه وصوت بكائها يعتصر قلبه/جـوويـد لا تآكلين قلبي جود تهتز كتوفها من كثر الشهيق ما اسعفها صوتها تتكلم.. بعد دقايق صدرت منها كلمه وحده فقط/ت ت ت ت تـ ـعــ ــ ـال ت تكـ ـفـى ناصر/قـولي لا إله الا الله جود تردد/ لا إله الا الله ناصر/اعوذ بالله منك يا ابليس جود تردد/اعوذ بالله منك يا ابليس ناصر/و لا حول ولا قوة الا بالله جود وانفاسها بدت تهدى/ لا حول ولا قوة الا بالله ناصر بضيق/ها قولي لي وش صاير معتس جود ودموعها رجعت تنزل/ تهاوشت مع ابوي وطردني ومناف زعلان علي ناصر بفجيعه/ أخــووو العيااااال يطردتس!؟ جووويد لا تخربطين على مخي وين يطردتس وين عايشين حنى جود تمسح دموعها بطرف كفها ونزلت راسها ناصر تحولت ملامحه للغضب/وش انتي مسوية!؟ يا الرديه!؟ جـود بخنقه/تشك فيني ناصر بعصبيه/اشك في نـفسي ولا اشك فيتس ..مير وش فعلتس الكايده اللي خلته يطردتس ..لحظه لحظه ..هو طردك طردك!؟ ولا حبسك بغرفتك جود بارتباك/ا ا لأني رجعت لـ مشاري ناصر بعدم استيعاب/مشاري!؟ من مشاري جود /اقصدك صقر ناصر بذهول// صقر صقررر ما غيره!؟ جود هزت راسها بـ ايه ناصر جلس ثم وقف بفرحه ثم ضحك /ههههههههههه معقوله!! متى شفتيه و وين وكيف صحته!؟ بعد مهبول ولا صاحي و اهله شفتيهم قابلتيهم!؟ عساهم بخير!؟ رجعت له ذاكرته جود/ايه اصحى مني ومنك ورجعت له ذاكرته ناصر يتمالك نفسه /طيب ابي افهم وين المشكلة اللي خلت ابوك يعصب جود/ابوي يكرهه مشـ.. اخ اقصد صقر ..وكان يبي منه انه يطلقني ..وقبل اسبوع صار عليه حادث ..لما عرفت ابوي منعني اروح له.. ناصر يكمل عنها /وانتي رحتي من وراه!؟ اعرفتس جود مدت شفايفها بزعل/ايـه.. ناصر سكت بتفكير/وانتي الحين!؟ في بيت صقر! جود/ايوه @@@@@@ • الاسـ⛓ـر. ----" ناصر سكت بتفكير/وانتي الحين!؟ في بيت صقر! جود/ايوه ناصر ابتسم يطمنها/ها معليك مالك الا اللي يخلي ابوك يرضى عليك وأمورك طيبة باذن الله جود ابتسمت بضيقه/يارب.. بس وش بتسوي ابوي لو عرف اني قلت لك بيعصب زياده ناصر/تثقين فيني!؟ وفي طناختي!؟ جود ضحكت غصب/ايه يا المطنوووخ ناصر/اجل حطي يدك و رجولك في ماء بارد.."وغمز لها" --"""-- قفل تفف بصوت عالي وعض شفايفه بتفكير اللي صار ما ينسكت عنه.. مهما كان خطأ اللي سوته جود ما توصل انه يطردها.. يعرف اخوه اذا عصب ما يعرف امه من ابوه.. ___• دخل البيت بوجه متجهم تجاهل نداء ابوه له ودخل غرفته وقفل الباب بقوه بالمفتاح.. استند على الباب وجلس على الارض وتكى براسه على ركبته.. وغمض عيونه بقوووه.. ثم فتحها بعد ما سمع صوت جواله يدق سحبه من جيبه وهو يشوف اسمها ينور الشاشه.. شد على الجوال بقوه.. يحتاجها يحتااااجها حيل.. يحتاج يسمع صوتها و كلامها اللي طالما كان بلسم له.. انقطع الاتصال.. تنهد بخيبه وفتحه وهو يشوف 54 مكالمه لم يرد عليها وكلها منها.. رجعت تتصل مره ثانيه.. وهذي المره فتح الخط بسرعه بدون ما يتكلم جووود/الووووووووو.. مناف مناااااف لا تقفل تكفى بس اسمعني.. مناف /.... جووود/انت تسمعني!؟!؟ ما يهم لا ترد اهم شي تسمعني مناف/.... جود ادركت انه ما بيرد/كيفك انت طيب!؟ ابوي بخير.. أنا بخير الحمدالله بس اشتقت لكم مره.. مناف انت تعرفني والله ما كان قصدي اني اعصى كلام ابوي بـس مناف يقطعها بشي من الجفاء/ خلصتي!؟ بـنااام جود سكتت للحظه ثم اردفت/اوكي اوكي.. انتبه على نفسك و اقراء اذكااار النوم... وايه ووقّت جوالك على صلاة الفجر.. ولا تنسى تسوي لـ ابوي قهوه قبل يروح الدوام... وانت لا تجلس بدون فطور مناف غمض عيونه بقوه يمنع نفسه يطلبها ترجع يطلبها .. جود لما ما سمعت منه رد تنهدت بقوه /مع السلامه مناف بهمس/استودعتك الله ثم قفل على طول --- كلمة بسيطه قدرت تنعشها ابتسمت بقوه وبفرح.. وهي تردد بنفسها"استودعت بكم الله " وقفت وهي تحس بشي من الراحه اللي تزيل بعض شؤب حزنها... ••••• بعد يومين الساعة 10:30 في الجامعة • #الاسـيــر ------- <<<• ••••• بعد يومين الساعة 10:30 في الجامعة جالسه بحرم الجامعة على كرسي خشبي والسمعات بأذنها مر يومين بدون ما تحتك فيه حتى انه يطلع للجامعة بدون ما يوصلها.. قهرها حيل.. الله يرحم ايام اول يوصلني ويرجعني على رجوله... بعد ساعة عندها محاضره ساعة بس فتحت الواتس وهي تشوف رسالة من عمها ناصر ""ويـنـگ!" كتبت له" في الجامعة.. ليه!؟" ناصر""كلمة ابوگ واقنعته يصالحگ.. شوي ويجي ياخذگ" جود انتفض الجوال بين ايديها من الفرحه "صدق صــدق رضا علـي!؟ "" انتظرته يرد بس ما وصلها الرد وقفت وقربت من بوابة الجامعة.. وهي تمشي في الممر رايحه جااايه انتبهت لطلاب يجتمعون على شخص في الممر.. وقفت على رؤوس اصابعها ما قدرت تلمح منه الا شعره.. رفعت حواجبها وصدت عنهم وهي تمشي بخطوات ثقيله من قهرها منه... رن جوالها بمكالمة فديو.."ناصر" ردت على طول/ الووووو ليش ما ترد واتس!؟ ناصر/هذاني دقيت.. جود باستغراب الان صورته ما طلعت لها/ليش مغطي الكاميره ناصر بعصبيه/كله منك ومن ابوك جوالي طاح وانكسرت شاشه الكاميرة الاماميه جود/ههههههه ابشرك بعوضك ناصر/وعـد جود/هههههه وعد ناصر/ اجل يللا بسرعه تعالي واشتري لي جوال جود/ههههههههه ناصر / وينك الحين!؟طلعتي لـ ابوك!؟ جود وهي تتلفت من حولها وانتبهت لـ مشاري متوجه لها/ ايوه هذاني عند البوابه 2 انتظره يجي ناصر بتلكع/ يمكن راح لـ بوابه ثانيه جود/ لاا هو يعرف اني دائما اطلع منها ناصر/ المهم اذا جاگ فـ صوري لي فديو لحظة اللقاء ابي اشوف انجازي ف لم شمل اسرتكم الكريمه جود وعينها على مشاري اللي وقف قدامها /هههههههههه انت فاضي.. ناصر / يللا استاقيها .. ي الباندا قفلت منه ورفعت عيونها لـ مشاري مشاري بحده/ وش تسوين هنا ما عندك محاضره!؟ جود باستغراب من نبرته/ الا عندي. .بس لسى عليها ساعة وانـت مشاري يرفع شنطته/ بطلع للبيت جود/اوكـي.. مشاري صد عنها بيمشي لكن سمعها تشهق بـصووووت عالـي التفت لها بقوه لكن فجاءه ركضت متعديته لشخص فااتح لها يده.. رمت نفسها بحضنه .. وهو ضمها وداار فيها وهو يضحك وهـي تـبـكي بصوت عالي حس بكل خليه بجسمه تتفجر غيض وعصبيه ودمه يفوور و ----• • #الاســـــيـــــــ⛓ـــــــ ــر ---- ---- حس بكل خليه بجسمه تتفجر غيض ودمه يفوور توجهه بخطوات سريعه وسحبها من حضنه بعنف ورفع عيونه لشخص اللي يناظره باستغراب.. وجمع قبضة يده ناوي يلكمه.. لكن فجاااءه حس بجسمه يندفع لوراء وبفعل احتضان الشخص له بقووووه.. ارتخت قبضته وهو يسمعه ينااديه بـ اسم صـقر جود تمسح دموعها والفرحة مو واسعتها..ثبتت لثمتها اللي ارتخت.. وهي تشوف نظرات مشاري الحاااده والمصدومه في الوقت نفسه نــاصر يبعد شوي عن مشاري وهو يشوف ملامح وجهه وبعدها لكمه بخفه على كتفه ثم ربت عليه/ يا الخاااااين كذا تسوي فينا!؟ هذي اخرتها مشاري وجهه خالي من اي تعبير ناصر مبتسم فرح يتأمل ملامح صقر ولا شعوري نزلت دموعه اللي مسحها بسرعه قبل تكمل طريقها على خده/ شف شف ابن اللذينا نحفت وطولت شعرگ "رفع يده وبعثر شعره بعشوائيه مشاري ابتسم على جنب ناصر سحبه من ياقته ورجع يضمه بقوه جود بخوف من ان مشاري يحرجها مع عمها وبربگه / مشاري هذا عمي ناصر ك ك مشاري يقطعها وهو يحتضن ناصر/ اعـرررفـه جود مصدومه/ تـ تـعـررفـه!؟ تتذكره ناصر ابتعد بشويش و يده حول كتف مشاري/ ليه لا يكون جاااه زهايمر اذا ما يذكرني انـااا تبينه يذكرتس انتي يـا الباااندا مشاري بابتسامه غريبه/ اكـيد ناصر التفت لمشاري / الا تعال انت وش تسوي هنا "ناظره من فوق لتحت" و وش ذي الشنطه و البدله الرسميه وحركات.." مشاري اشار له بطرف عينه على الجامعة/ انا دكتور بهذي الجامعة ناصر سكت مصدوم/ انت دكتور!؟ مشاري/ ايه ناصر التفت لجود يطلب منها التأكيد جود هزت له راسها/ ايوه ودكتوري بعـد ناصر رفع يده وضرب كتف مشاري بقوه/ههههههههههه اخسسسسس ياااا انـت وانا اقول ليش راسك كبير مشاري غمض عيونه لوهله ثم فتحها ومسك كتفه/ شايف كيف جود تتعلق بذراع ناصر/ خل عنك مشاري.. وتعال قولي متى وصلت وكيف وليش ما قلت لي ناصر يلف يده حول كتفه / الا انتي اللي لاحق عليك.. هذا لي اربع سنوات مااااشفته جود بزعل/ عمـي ناصر/ ههههههههههههههههه... مسك يد مشاري وبيده الثانيه مسك يد جود/ يللا قدامي انت و اياها ميـت جوووووع ابي غدا يجمد على الشارب ودلة قهوه تعدل الراس مشاري وعينه على يده اللي مسكها ناصر.. جود تاشر على خشمها/ على خشمي.. بآخذك على احلى مطعم ب ميونخ • #الاســـــيـــــــ⛓ـر جود تاشر على خشمها/ على خشمي.. بآخذك على احلى مطعم ب ميونخ توجهه لسيارة مشاري ركب مشاري قدام وجنبه ناصر و جود ركبت وراهم ناصر رفع عينه للمرايه العاكسه للخلف. وهو بحس بشي غريب.. فجاءه احتدت نظراته والتفت بقوه لجووود جود رفعت راسها بعد ما قفلت الباب.. وعقدت حواجبها بقلق من نظرات عمها اللي تعرفها زين..وبربكه/ وشفيگ!؟ ناصر بدم رجل مسلم غيوور/ ويــن العباااايـه مشاري التفت له باستغراب ثم ناظرها وهو يشوفها كيف مرتبكه.. جود بربكة/ مـ البسها هنا.. بس لبسي واسع محتشم وحتى وجهي مغطيته ناصر بحده/ تسمين هذاا غطاء.. وين اللي تلبس ف السعوديه العباية الاسلاميه الكامله.. ولا في السعوديه رب وهـنا ماا فيه!؟ جود بضيقه/والله انـ ناصر يقطعها/ والله ايش!! هااا بس الشرهه مو عليك الشرها على ابوووك اللي غربكم كل ذي السنين اللي نستكم دينكم جود/ما نسيته والله ما نسيته والله مووو راضيه على حجابي بس مجبورة مشاري يحرك السياره وبصوت هادي/ والوضع هنا خطير على المنقبات..فـ ناصر يقطعه/ انت شب.. مو ممنوع دولياً في ألمانيا ومن جيت للمطار شفت لي كذا وحده لابسه العباية الكامله.. واللي مو عباية سودا لابسه عباية ملونه بنقاب.. لا تخلفين لنفسك الاعذار الواهي جود ببكى وبهمس/ ما اختلق اعذار ناصر بقهر/ هذا هو وضعكم من تطلع الوحده برا السعوديه ترمي الحجاب.. بحجة عدم لفت الانظار لها.. لأن العباية عندها من قبل عاده مو عبادة تلبسها عشان اهلها وربعها من السعوديه من تطلع معد فيه احد يعرفها ولا يلزمها بستر.. فترميه.. لو انها عبادة وتلبسه امتثال لـ امر لله كان ما تنازلت عن حجابها وغطاها لـ اي سبب من الاسباب نزلت راسها باحراج مالها عذر مالها وجهه تبرر... مشاري ابتسم بشي من الإعجاب بشخصيه ناصر رفع عينه لها ..بحكم حبه للخوض في اي نقاش اردف بمجادله/ فيه ثنين من المذاهب اجازة كشف الوجهه و اليدين بحكم ان الوجهه مو من العوره..و بعد عندك الشـيخ الـ... ناصر يقاطعه/خلك من قول فلان وعلان..انا ما عندي الا قال الله وقال الرسول فقط والدليل قول الله تعالى: " و قل للمؤمنات يغضضن من أبصارهن و يحفظن فروجهن و لاا يبدين زينتهن إلا ما ظهر منها و ليضربن بخمرهن على جيوبهن"" .. • الاسـيـ⛓ـر --- --- والحين جاك المعتزله وليبراليه يحرفون في تفسير الايه و يقول ان معنى جيوبهن هي بداية عظمه الصدر ..وان يجوز كشف الوجهه و اليد.. وتفسيرهم طبعاً خطأ ..بإتفاق الأأمه الاربعه... وخلنا نقول مثلاً مثلًا ان كلامهم صح كان وصل لنا وصف لـ اشكال زوجات الرسول..مثل ماوصل لنا وصف لـ اشكال الصحابه رضوان الله عليهم... وزينة المراءه تكمن كلهااا بوجهها ولا انا غلطان!؟ مشاري سكت شوي/ اعترف افحمتني.. ناصر بحزن/ اللي يوجع الحين ان اليبراليه او اي فئه اعتلوا المنصات و صارو يجادلون اشكالك انت واللي وراء اللي مو متفقهين في الدين ..فـ ما يقدرون على محاجتهم بشكل سليم جود / من بكره بلبس عباية ملونه ناصر ما رد عليها والتفت لـ مشاري/ وين مطعكم ذا متت جوع مشاري ينعطف بالسيارة ثم يوقف/ وصلنا فتح ناصر الباب بينزل لكن يد جود اللي امتدت من وراء المقعد والتفت حول رقبته منعته.. جود بقهر وصراخ باكي / هياااا ازززعل انت ثااااااني تبون تمووووتوني انتووو.. يعني ما يكفي ابوي والزفت مناف تجي انت تكمل الناااقص خلاااااص ارجع ما ااابــييييكككك ناصر ابتسم بحنيه والتفت لـ مشاري/ افزع لي وفكها عني بتذبحني في بلاد الكفار بصوت صراخها و يدها ..حشى ولا يد باندا مشاري يرفع يدها عنه جود من قهرها مشخة يده بظفرها سحب يده بقوه وناصر نزل بسرعه وضحك عليها/ هههههه انزلي انزلي يا الدميعه.. اليوم بنمشيها لك نزلت وقفلت الباب بقوه.. مشاري بهمس/ كسر جود / يكسر سنك دخل ناصر ودخلوا وراه المطعم جود تهمس بقهر لـ مشاري/ الحين تتذكر عمي ناصر وتنساني انــااا مشاري يقهرها/ يمكن لأنك كنتي نقطه سودا بحياتي وربي رحمني بنسيانك تجاوزها وصار يمشى جنب ناصر جود ضربت رجلها بقوه بـ الارض"وتتمتمت/ هذا كلامه لو كان سيف كان قد قطعني من زمان جلسوا على طاوله مشاري مقابله ناصر وجنب ناصر جود طلبوا الاكل ناصر عقد يده على صدره/ بردكم ما يمزح.. جيتكم من عز الحر مشـاري/بعكس الجو اليوم حلو.. درجة الحراره 5.. ناصر/ وخمس شوي!؟ مشاري/ ب العاده تكون 5تحت الصفر ناصر/ اخو العيال.. جود/الا متى وصلت!؟ وكيف جدي وجدتي وزوجتك و ولدگ ناصر التفت لها وابتسم/ وصلت امس بعد المغرب ونمت لما صحيت جيتكم.. وجدانك بخير و الاهل بخير مشاري/ كم عمر ولدك الحين ناصر/ههههه اكيد انك اشتقت له.. كنت اكثر واحد يعطيه وجهه ..الحين صار عمره 5سنوات مشاري ابتسم وبتشديد على مخرج الحروف/إيـه حـيـل اشـتـقـت له حيل --- • #الاســـــيـــــــ⛓ـــــــ ــر ___ --- مشاري ابتسم وبتشديد على مخرج الحروف/إيـه حـيـل اشـتـقـت له جود صدت بوجها بعيد عنهم وتتقلده بستهزاء بتحريك شفايفها فقط"إيـه حـيـل اشـتـقـت له خخخ" وقفت بصوت فيه شي من الحده/بروح الحمام ابتعدت عنهم بدون ما تسمع ردها ناصر بستغراب/وش فيها!؟ مشاري لتفت لها يراقب خطواتها وابتسم بستهزاء ناصر بنبره جديه/مشاري!؟ مشاري إلتفت له/هلا!؟ ناصر/وش صار بينك وبين مقرن!! مشاري استرخى بجلسته وتنول كاس العصير اللي قدامه وشربه دفعه وحده نزل الكاس ورفع عيونه لـ ناصر/اممم تقدر تقول خلاف قديم..و بسببه يبي مني اطلق بنـته ناصر أنعقدت حوآجبه /خـلاف قديـم!!قديم متى قبل سنه! سنتين!؟ثلاث!اربع!؟ مشاري تكى بيده على طوله ومتلت عيونه بنظراته الغامضه..مدرك محولة ناصر لتحديد وقت الخلاف ..فهم انه يرمز ان معرفته ب مقرن بنفس الوقت اللي فيه هم تعرفو فيها عليه.. نطق بتشديد/قـبـل سـت سنوات ناصر ارمش بحيره مشاري حك ذقنه بعبث بدون اهتمام لنظارات ناصر اللي تحمل كثير من الاسئله.. ناصر بعد صمت/في مجال تنحل مشكلتكم مشاري هز راسه برفض ناصر ارخى نظراته على الكاس العصير ورفع يده له وهو يمرر اصبعه على حواف بتفكير.. عجز يساله عن سبب الخلاف..نظرات مشاري ما ساعدته بـ انه يسأله..و لو كان يبي المشكله بينه وبين مقرن تنحل كان سرد الي صار بينهم بعد سؤاله له عن اذ كان فيه مجال لحل المشكله..لا كانه اكتفى بـ الرد الصامت.. -- طلعت من الحمام متوجه لمكان طولتهم.. توقفت خطواتها وانعقدت حواجبها.. وعيونها عليهم بستغراب من صمتهم.. مشاري حط رجل على رجل ونظراته لبعيد.. وناصر منزل راسه و ساج بنظراته على كاس العصير.. تقدمت منهم بخطوات واسعها ونزلت الشنطه على طوله لتلفت انتبههم.. فعلاً توجهة نظراتهم لها جود توجه نظرات الاتهام لمشاري وهي خايفه انه قال لـ ناصر شي يكدره /وش فيگم!؟ مشاري تجهل نظراتها وقعد يده على صدره ناصر نظراها للحظه/وش فينا!؟ جود تجلس جنبه وهي/ليش سكتين!؟ ناصر بمزوح/قلنا ما نكمل سوالفنا الا بوجودك تعرفين انتي ملح السوالف جود رفعت حاجبها بعد اقتناع وصل الاكل وبدو يأكلون بهدو.. • #الاســـــيـــــــ⛓ـــــــ ــر ---- ناصر يحول يلطف الجو/الا اقول..مشاري انت ما تزوجت مشاري بعدم فهم/هههههه ناصر يقدم جسمه لقدام ويغمز له/يعني اربع سنوات ما تزوجت فيها ابداً جود تناظر ناصر بقهر و ترد بسرعه/لااا لا ماااتزوج مشاري/هههههههههههههههههههه ناصر يمثل الصدمه/والله انك مااتزوجت!؟ مشاري /انا يالله فيه بنت اخوك بعد اخذ لي وحده ثانيه!؟ ناصر يظرب فخذه/والله انك خبـل انا من دخلت ديرتكم وقلبي وضعه في خطر..ابك عندكم صواريخ..وش ذا الجمال يويلي مشاري/انت بس اشار ناصر/اي والله تكفى والله اني ناوي اتزوج الثانيه جود تنقل نظراتها بينهم بغيض/لا والله..واللي عنده مهره يفكر بغيرها!؟؟""مهره زوجة ناصر"" ناصر يلتفت لهاا واخذ من سلطة ورفعها لفمها واكلها غصب/اكلي اكلي..ولا تدخلين بين الرجال بلعت اللقمه بصعوبه واخذت الكولا بتشرب لا كان انسحب منها لتفتت ناصر اللي شرب منه ورجع لها/ايوه وش كان نقول مشاري بمتعه/ابد من بكره تعال معي للجامعة ونق لك من طالباتي والله يا اهم صورايخ على قولتك ناصر/كفووو والله وبما ان ذوقي رفيع بختار لك معي وحده احسن لك من الباندا جود سحبت جوالها و الدم يفور براسها..وفتحت على الواتس وظغطة على الفويس/يعني يا سيد دركولا تبي تتزوج لك إلمانيه!؟ ناصر يسوي نفسه خق/اوييلي قلبي يحب الالمانيات جود رفعت يدها عن زر الفويس ولفت الجوال لناصر وهي تطير حواجبها بنذله ناصر شهق بقووه و وقف وسحب جوالها وهو مطير عيونه "مرسله فويس لـ زوجته" ناصر بصراخ/انهبلتي جود وقفت بسرعه وجلست جنب مشاري وتعلقة بيده تحتكي فيه ومدت لسانه/ايه ايه انهبلت ولا تبي تتزوج عليها وهي ياغفلين لكم الله!!ولا و تنشر افكار الظاله على زوجي ناصر ضرب الطوله بقهر/والله والله ياجود ان زعلت علي ان زواج رجلتس جود تشد على ذراع مشاري/بتتزوج علي!؟ مشاري اللي كان ينقل نظراته بينهم ما قدر إلا انه ينفجر من كل قلبه ضحگ/هههههههههههههههههههههه ههههههههههههههههههههههههه هههههههه • الاسـيـ⛓ـر --- ----- ____ انه ينفجر من كل قلبه ضحگ/هههههههههههههههههههههه ههههههههههههههههههههههههه هههههههه ناصر تافف بربك وسجل فويس لـ مهره./مهره يمين بالله اني كنت امزح هي اللي تجرجني ب الكلام عشان تظغطك..اسمعــ"انقطع الفويس بسبب الاتصال اللي وصل لجوال جود..برقم المستشفى فتح ناصر الخط و رد/الوووووو وصله صوت رسمي بلغة الانجليزيه/مرحباً..الانسه جـود..نود اخبارك بأن المريضه مـها قد تـوفـيــت و.... انقطع وصول الصوت لمساامعه من سمع خبر وفاتها ما قدر عقله يترجم الكلام اللي انقال بعدها..مـهاا ماتت زوجة اخوي ماتت رفع عيونه برجفه لجود اللي تناظره وتضحك جود/ها كلمتك المدام!؟ ههههههه اكيد معصبه عليك..احجز احجز لها على اقرب طياره لـ ألمانيا وجددو شهر العسل لعلها ترضى علـيـ... سكتت ميلت راسها بغربه من وملامحه اللي انقلبت ودمعته اللي انحدرت من عينه اليمن.. ناصر رفع راسه فوق ونار تشتعل بجوف"لا لا ما اقدر ما ابي اكون انا اللي اقول لها..والله فوق طاقتي..الا دموعها الا صوت بكائها ما الا صراخها ما اقوى عليها..."" تشنج جسمه لم حس بيد اللي تعلقة في ذراعه جود بترجي وظربات قلبها تعدت المعدل الطبيعي..ايه قلبها بينفجع بتحطم بتتالم بتبكي بتتالم..ايه تعرف ملامح ناصر هذي ما شفتها منه الا يوم وفاة صـقـر..بس هذي المره في مـن جدها!؟ جدتها!؟ ابـوها!؟ اخـوها!؟ امـها..مـهره!؟ من فقدت منهم..من ودع دنياهم.. جود لتفتت لمشاري و وجهه احمر ودموعها تنزل بغزاره مشاري وقف بعجز عن فهم تعبيرهم.. جود مدت يدها لمشاري بترجي/قول له يقول لي في من!؟ مشاري تقدم خطواه هو ينقل نظراته بينهم ناصر انحنى عليها وضمها لصدره ونزل براسه لـ اذنها وبهمس/قولي ان الله وان اليه لرجعون جود حرارة جسمها ارتفعت بشهيق مكتوم بصدر ناصر/اا ان الله الله و وان إليه لـ لـ رجعون..مـــن!؟ ناصر غمض عيونه بقوه وهمس ببحه/أمـگ ماسمعته فقدت حاسة السمع للحظه.. عقلها عجز يترجم الحروف اللي نطقها..قلبها عجز عن تحمل وجع الفقدان..واعضاء جسمها تخدرت استجابه لـ ألم قلبها..وفقدت وعيها بين احضان ناصر وووو..... _____ _____ _____ • الاســ⛓ـيـــر ------ ----- -- في المستشفى واقف يراقب تنقط قطرات المغذي اللي متصل بكفها وصل لمسامعه همسها/من مات!؟ التفت لعيونها الغزيز بدموع مقدر الا انه ينحني عليها ويضم كفها لكفه ويمسح على راسها بحنيه غريبه على شخصيته الطاغيه../امـك غمضت عيونها بقوه.. والامل يتلاشى ويحل محله الالم الامل بأن امي ستحضنني يوما ما سابكي لها ايام غابها سأحكي لها كم كبرت في غيابها وها هو اكثر كوابيسي و مخاوفي يتحقق ااهءء كم كنت اخشى لحظات لفضها لـ انفاسها الاخيره دون ان احتضنها دون ان اودعها وها هو باب جنتها يغلق والحياة تختفي الوانها والمكان من خلفها يحتله الظلام وان تشعر بسقوط القاسي في واقعگ المر ويحل بقلبگ الفراغ...... ضمت شفايفها بداخل فمها.. وكتوفها تهتز وصدرها يرتفع وينزل..وتضرب بكفها على فخذها بصمت.. جلس بسرعه ورفعها تجلس وربت على كتفها يمنعها من كتم انفاسها وشهيقها.. بامر/لا تكتمين شهقاتگ..ابگي ابكـي جود وجسمها يرتعش..واجهشت با البكاء من شدة الوجع وقف وهو يشوفها تنحنى على السرير وتدفن وجهها فيه..اعطاها بظهره ه خرج من غرفتها واستند على الجدر..يستمع ل لـ صوت بكائها و أنينها وكأنها مقطوعه موسيقيه ينطرب لسماعها.. يسمعها تنادي على امها بصوت عالي.. ما بتسمعك لا تنادينها..انا قبلگ ناديتها بصوت اعلى من صوتگ ببكاء اعلى من بكائك.. التفت لـ اخر سيب وهو يشوف بوها جالس على الارض وحاله ما يقل عن حال بنته.. فجاءه حس بصوت بكاءها يتلاشا مسك مقبض باب الغرفه بيفتح ..واذ به ينفتح وتلتقي عيونه بعيونها المورمه/ويـن ابوي ضيق عيونه هو ملاحظ تغير نبرة صوتها.. رجع خطوه لـورا..وأشار لها عليه بعيونه.. تجاوزته بخطوات مهزوزه.. من انتبه لها مقرن وقف بسرعه وضمها بقوه بكاء.. ناصر ابعدهم عن بعض/قولو لااله الا الله..راحت عن اللي ارحم مني منكم بها.. مقرن هو يحس بطنان من الهموم فوق صدره..كيف ومعشوقته ماتت وام عياله ماتت يتمتهم ويتمم هو قبلهم.. مسح دموعه ورفع راسه لبنته ما يدري يواسي نفسه ولا يوسيها... جود بصوت مبحوح/وينها ابي اودعها ناصر اشار لمشاري اللي واقف بعيد عنهم/مشاري تعال اخذ زوجتگ مشاري تقدم منهم ولف يده حول كتفها/امشي نروح لـ مـناف جود افلتت نفسها منه/انا ابي اشوف امي وانت تقول لي مناف لاحظت نظرات الارتباك اللي اعتلت وجيههم.. وبتوجس..التفتت من حولها وهي فاقده مناف/مناف وينه مقرن نزل راسه بنبره غاضبه /بغرفه اللي وراگ ----- ----- • #الاسـيـ⛓ـر ---- --- •• مقرن نزل راسه بنبره غاضبه /بغرفه اللي وراگ صدت عنه وركضت للغرفه وفتحت بابها بقوه " انهار لمى سمع خبر وفاة امي..من يلومه" وقفت ودم تجمد بعروقها واللي شافته خلاف كل توقعاتها وصدمها وزاد من فجعتها.... جالس على سرير وراسه يلفه الشاش الابيض ويده ملفوفه بجيره ومعلقه برقبته رجعت خطوه لـورا والتفتت لـ ناصر مشاري اللي واقفين وراها تطلبهم تفسير ناصر شتت نظراته بتهرب مشاري تقدم لها وتجلوزها وجلس على الكنب الاسود اللي بطرف الغرفه /اخوك ما فيه الا العافيه... جود قربت من مشاري لعله تسمع اجابه اكثر وضوح.. مشاري رفع عيونه لـ مناف اللي نظراته يكسيها البرود ولا مبالاه ثم لـ جود اللي نظراته يملها الخوف والرعب والحزن الشديد والدموع/اخوك قبل يومين هرب بـ امك من المستشفى جود تقطعه بفجعها/هرررررررب فيهااااا!؟ "التفتت لـ مناف" هربت فيها!؟ مشاري يكمل/اخوك كان يبي يخذها لـ امريكا لا كن صار عليهم حادث هو في طريقه للمطار وانقلبت السيارة فيهم احترقة ولان امك كنت مريضه فـ مقدرت تخرج من السيارة بعكس اخوك اللي قدر يطلع منها جود بصراخ/ اءءءءءءه اءءءءه ناصر ضمها من وراه يهديها جود تدفه بعنف عنها /انتووو وش تقلووون امي امييي انااا ماتت محررووووقه!؟ وركضت لمناف ورمت نفسها عليه وضربته على صدره/تكفى يااخووووي تكفى قول انهم يكذبون ايه ايه يكذبون كيف كيف تخذها من المستشفى وتحترق!؟ لاالاا مناف صد عنها بدون ما يتجاوب معها جود رفعت راسها له والالم يحرق روحها وبهمس مرير/مـناف مناف صد عنه بتجاهه الواجهه الزجاجيه لغرفته.. ناصر رفعها عنه جود تتمسك بـ ناصر/تكفى يا ناصر نخيتگ تقول لي وش اللي صار وليه اخذها ليه هي كانت تتنفس والله كان يكفيني اشوفها كل يوم والله كان يكفيني انها تتنفس نفس هوانا والله كان يكفيني الامل انها بيوم تتعافى بيوم بتضحك لنا بيوم بتكون بيننا..قول له قول له ليش طلعها ليش اخذها ليش يهرب فيها!؟ غطت وجهه وجلست على الارض تنتحب .. -- وقف ومشى بخطوات واسعه بهروب من صوت بكاء بنته .. وقف هو يشوف مدير المستشفى واقف قدامه بلا مبالاه/اذاً ماتت اخيراً!!؟ مقرن رص على اسنانه وجمع قبضته ولكمه بعنف