إذا ما عشت بدنياك أميرًا فخذيني إليهـا أسيرًا - الفصل 21 - بقلم g rwa12 - مكتملة | روايتك

#الاسـيـر ___ يمنعها تطيح .. صار منحني بوقفته على قدام وهي بين ايديه.. فاقده للوعي.. انحنى عليها اكثر ودخل يده تحت ركبها ورفعها على السرير كانت مثل الحثه الهامده بين ايديه.. هزها من كتفها/جـوود!؟...جوووووود وقف بسرعه وفتح الغرفه وبصوت عالي/ماااااااررري تعالي الى هناا بسرعة رجع لها هو يتفقد حرارتها.. ما يخفي ان الوضع مربك له.. لتفت لـ مااري اللي دخلت/ما الامر!؟ مشاري بتوتر/لقد فقدت وعيها.. ماري نقلة نظراتها بين جود اللي طايحه على السرير و مشاري اللي شد قبضة يده... توجهة لجود..واخذت شنطتها الطبيه اللي كانت جنب سرير مشاري.. وفحصتها ..تحسست نبضها..ورفعت عيونها لـ مشاري/من تكون مشاري وعيونه على ملامحها الشاحبه وشعرها المنتثر على المخده.. ماري وقفت ولوحة بيدها قدم وجهه مشاري/صديقتگ ام حبيبتگ مشاري جلس على السرير متجاهل سؤالها/ما بها!؟ ماري/هبوط في ضغط الدم..يبدو انها لم تنم منذ ايام ولم تاكل .. مشاري سحب المفرش يغطي فيه جسمها/هل تحتاج للمستشفى!؟ ماري تقفل شنطتها/اممم لا ستكون بخير ان اكلت و نامت جيداً مشاري/شكراً لك تستطيعين الخروج الان.. ماري تاخذ شنطتها وتطلع.. اخذ نفس عميق وحك ذقنه بحيره.. ليش جيتي!! مو كنتي تبين طلاق!؟ ما ارسلتي لي ابوك امس يهددني اني اطلقك ولا يرفع علي قضيه!؟ و هو يعرف اني تعرضت لهجوم!؟ خايف عليگ تكونين مع واحد حياة مو له!؟ رجع شعره لوراء توجهه الجهه الثانيه من السرير اسند ظهره على تاج السرير ومد رجوله ويده وراء راسه.. وعيونه عليها فقط.. وشي وحد يدور بباله ..نظرات عيونها له..ولحظه ارتمائها في حضنه.. -- مرت ساعة كامل بدون ما يحس بنفسه --- صحى من تفكيره هو يسمع صوت اهتزاز جوال.. بحث بنظراته على جواله..حصله على وطواله.. خمن انه جوالها رفع الغطى عنها..وشاف نور الجوال داخل جيب البالطو..دخل يده واستخرجه.. كان اتصال من "صاحب السمو :ابوي المحامي العظيم" رفع جااحبه من الاسم..وقبل يرد انقطع الاتصال.. مسك يدها وقرب الجوال لصبعها الابهام..عشان يفتح الجوالها ببصمتها..لا كان في شي شد انتباهه عقد حواجبه بقوووه هو يشوف الشامه المرتسمه على معصمها رفع معصمه وقربها من معصمها وهو يقارن بين الشامتين..طبق الاصل من بعض..لكل منهم نفس الحرق بنفس المكاان..اللي صار شكله مثل الشامه... من قبل هو عجز يفسر سبب وجود مثل هذا الحرق بيده .. والحين زادة عجزه في تفكير .. غمض عيونه..شكل في اشياء كثيره اجهلها بخصوص اللي صار لي بعد الحاادث...وش من اسرار تخبينها لي يا جود!؟؟ زفر بقوه وحسب ابهامها وفتح الجوالها.. ودخل الواتس الان الرسائل اللي ما انفتحت فوق124 وكلها من شخص وحد • مـنـاف" فتح الدردشه.. *افتحي الباب " ساعة ١١:٠٠م" *بنت *اطلعي *انا قلت اذ رجعت وانتي ما فتحتي بكسر الباب عليك.. جود افتحي جبت لك عشاء من المطعم اللي تحبينه *جود افتحي وبكره وعد اخذگ له تتطمنين عليه"١١:٤م" *جود ابوي جاء افتحي *جود بكسر الباب"١١:١٥م" *بطلي عناد وفتحي حبسك لنفسك ما بيفيدگ *جود ابوي معصب ""١١:٢٠م"" *بكسر الباب *جوووووووووووددد وينك فيه "١١:٣٠ م *جوووود يااا حيووانه وين ررحتي هاا..ورب البيت اذ ما وجعتي الحين ما يحصل لك طيب *جووود ورب البيت ان ازعل عليك --- نقل نظراته بين المحاادثه وجـووود هو ضم حواجبه.. فجاءه دق جوالها "صاحب السمو :ابوي المحامي العظيم" فتح الخط بدون ما يتكلم.. و وصله صوت مقرن الغاااضب/جوووووووووووود ويـنگ فيه!!؟ هاااا معگ ربع ساااعة اذ ماارجعتي فيها انسي ترجعين لسعووودية ونسي تشوفين الكـلــب اللي حابسه نفسگ عشاااااانه وانسي انگ تكمليـن الجاااامعة مشاري رفع حااجبه بقوه وابتسم هو بدا يفهم الوضع/ تنسى تشوفني!؟ وتنسى ترجع للجامعة!؟ او ترجع لسـعوديـه!؟لا يكـوون انت ولي أمرها و انا ما ادري انقطع صوت مقـررن للحظه ثم رد بصوت تعتليه الدهشه وصدمه/ مـشـااااااري مشاري / بشحمه ولحمه..ياصاحب السمو ابوي المحاامي ههههههه مقرن بحـده/وووويـن جـووووود مشاري يشدد بكلامه لستفزازه/ زوووجـتي جـوووود!! بعد عمري هي نااايمه مقرن بصدمهه /نااااااايمهههه مشاري بخبث /لحظه لحظه نزل الجوال على جنب ونسدح وسحب جود لحضنه ورفع يدها فوق صدره.. ورجع اخذ الجوال/بحول المكالمه فديـو يا استااذ مقرن حول المكالمه لفديو.. وابتسم هو يشوف ملامح مقرن الغاضبه.. ورفع الجوال اكثر هو يصور له جود وهي نااايمه بحضمه ويلعب بشعرها /ايـووه وش كان نـقوول يـاا ابـوو جـوود يـا الـنـسـيـب مقرن بهتت ملامحه وعتلتها الصدمه والخيبه.. وعجز يرد عجزز يتكلم..يتكلم وش يقول وش يررد ماله وجهه ..بنته بنـته اللي عمرها ما عصت له كلمه بنته اللي كانت اخته وصديقته وضحكته وفرحته..كسرته خذلته..وقدام من!! قداام عـدوه..اللي تركت له المجال يتشمته فيه!؟؟؟..... نزل عيونه ونزال الجوال من يده وقف الخط بوجهه مشاري... دمعه وجوليه تمردت من عينه.. --- --- --- لاســ⛓ـيـر --- قفل من مقرن هو مبتسم بـقوه.. نزل الجوال..ومسكها من كتووفها ورفعها بيبعدها عنه.. لكن في شي بداخله منعه يبعدها وكانه يستمتع بقربها.. عدل سدحته ورجعها لحضنه.. وهو يستنشق عبير شعرها..حتى غفى بدون ما يحس... --- صباح اليوم التاالي الساعة 11:00ص فتحت عيونها بكسل ورجعت تغمضها..فتحت عين وهي تشوف ملامحه القريبه منها..ابتسمت بخمول ورجعت تغمض عيونها.."غريبه جدتي ما صحتني اقوم اسوي القهوه والفطور.. فتحت عـيونـها من جديد وعيونها على السقف..ما اسمع صوت جدي!؟ ولا اشم ريحة القهوه والعوده!؟ معقوله بعد نايمين!؟ التفتت لصقر..وهزته من كتوفه/صقر قوم..روح مع جدي قبل يروح ويخليگ هم ابتلش بزعلـگ! تحرك مشاري بانزعاج فتح عيونه اللي استقرت بعيونها.. جود والى الان مو مستوعبه الوضع.. غمضت عيونها وحركته من كتفه تصحيه/قوووم بسرعه..اكيـد انه جـدي ينتظرگ! مشاري جلس بسرعه بملامحه المعفوسه.. و وجهه يعتليه الاستغراب..غرس يده بشعره وحركه بعشوائيه لم يتذكر اللي صار البارحه! وكيف جات له ومحادثته مع ابوها.. حك خده هو يسترجع كلامها"جدها!؟ شكل لسى تعبانه.. جود فتحت عيونها ورفعتها له مستغربه صمته..ناظرته للحظه ثم دارت بعيونها على مكان خلفه..غمضة عيونها ثم فتحتها والخوف يملى قلبها فزت بقوه وعيونها عليه مدت يدها برجفه لملامح مشاري حتى عانقت يدها خده ثم سحبتها بسرعه ورعشتها تزداد/انا ماا احلم مشاري عقد يده على صدره/حلم!؟ وقفت بجزم فوق السرير وصدرها ينزل ويرتفع بسبب تنفسها السريع... وتوها تستوعب اللي سوته امس.. رفعت معصمها تشوف الساعة 11:10 ابوي ابوي!؟ وقت رجوعه للبيت وانا مو فيه!؟..تأخرت نزلت من السرير تركض وقبل توصل الباب التفتت بقوه لشباگ وهي تشوف نور يدخل من خلف الستائر مشت بخطوات مهزوزه حتى وصلت لشبك وفتحت الستاره بقوه..وهي تشوف الشمس ناثرة نورها مخترق الغيوم... تشبثت بقوه بالستاره..ونزلت بوهن على الارض.. مشاري نزل من السرير وتوجه لها وهو مدرك اللي تفكر فيه..جلس على ركبته قدامها جود رفعت عيونها المليئه بالدموع/ابـوي!؟ منااف ..انـ ـا هـ هـم مـ مايعرفون اني طلعت من البيت..ا ابوي بيزعل و و مشاري بلا مباله /كلمت ابوگ امس وقلت له انگ عندي جود شهقت بقوه/لاا لا بيعصب علي وقفت وهي ترجف مشاري مسكها من معصمها ولفها له/ويـن! جود/بروح لـ بيتنا و لـ ابوي مشاري/مالگ بيت غيـر هذا..و ابـوك انـسيه -- -- • لاسير مشاري/مالگ بيت غيـر هذا..و ابـوك انـسيه جود ناظرته بضياع /كـيف!! تستهبل مشاري بلا مبالاه/إذا رجعتي له بحرمك من الجامعة وبحرمك الرجعه لـ السعودية و و"سكت للحظه..حك ذقنه..ما حب يقول لها سالفة ان ابوها يطلقها منه ويدخل معها بنقاش حاد.." جود افلتت يدها مشت بخطوات مهزوزه ما يهمها يحرمها اللي يبي بس اهم شي يرضى عليها مشاري تأفف بانزعاج ولحقها..مسكها من كتفها وجلسها بقوه على اقرب كنبه/انثبري هنا..بقول لهم يطلعون لك الفطور ..افطري..وبعدها بكيفگ جود رفعت يدها على بطنها بـجوع..لها ثلاث ايام ما اكلت شي صاحي..معتمده على الكاكاو اللي مخبيته بدولابها .. حتى جبينها طلع فيه بثور وحب شباب.. تنهدت لما خرج من الغرفه.. غمضت عيونها وهي تحس بحراره بجفونها بسبب كثرة البكاء.. فتحت عيونها بعد ما حست بأحد واقف فوق راسها.. مشاري اللي كان واقف بصينيه الفطور..ونظراته عليها من دخل الغرفه..وضع غريب عليه هو وجود مرأه بحياته..شتت نظراته بارتباك من فتحت عيونها وكانه مسوي جريمه بنظره لها ونزل الصينيه بجلافه/افطري جود ابتسمت براحه/الحمدالله على سلامتگ مشاري جلس بدون ما يرد عليها.. جـود اخذت كروسون بدت تآكل.. بشكل سريع..يدها اليمين فيها توست واليسار كوب الحليب.. مشاري رفع رجل فوق رجل ورفع حاجبه/شوي شوي..لا تغصين جود نزلت كوب الحليب والكروسون بإحراج مشاري/ما قلت لك لا تآكلين ..اكلي بس بشويش جود رجعت تاخذ كروسون.. مشاري تقدم بجسمه وتكىء بيده على خده/كم لك ما اكلتي!؟ جود/ثلاث ايام مشاري/وليش جود رفعت عيونها له وعجزت تجاوبه .. وش تقول له!؟ ان اللي صار له فجعها ارعبها جننها..عزلها عن اهلها واكلها وشربها!؟ مشاري رجع بجسمه على وراء متجنب نظرات عـيونـها الغريبه له..جوابها وصل لقلبه بس عقله عاجز يصدقه... وقفت بعد ما حست بشبع.. واخذت البالطو ولبسته وتلثمت واخذت شنطتها..وتوجهة للباب بتطلع مشاري/انتظريني تحت بوصلگ جـود التفتت له باستغراب/توصلني مشاري يلبس جاكيته/ليه ناويه تروحين مشي جود تفتح الباب/لا...انتظرگ تحت نزلت لدور الارضي..وعيونها تدور في تفاصيل البيت.. فخم بطريقة كلاسيكيه.. فتحت الباب الخارجي وطلعت.. للحديقة..ما كانت الا دقيقة وهو خرج وراها.. وقفت تنتظره يتقدم بخطواته قدامها ثم تبعته لسيارته.. • لاسير --- ركب وركبت جنبه..حرك السيارة.. جود عقدة حواجبها بقوووه..والتفتت له بتفكير وكأنها بدت تستوعب وعقلها يفكر بطريقة منطقيه... مشاري انتبه على تحديقها به/خـير! جود/انت تتحرگ!؟كيف مشاري وعينه على الطريق/نعم! جود بشتات/كيف!؟ انا شفتك في فديو غرقان بدمگ...و و وين كانت اصابتگ!؟ مشاري ضحك بسخريه/وانتي صدقتي!؟ جود بعد فهم/هاا!؟ مشاري /كانت لعبه.. جود/ما فهمتك مشاري /مشكلتك إذا انتي غبيه جود تلف بجسمها كله ناحيته/ايه غبيه فهمني يا حضرة البرفيسور مشاري/قلت لك لعبه من صنعي..هي كل اللي صار تمثيل في تمثيل.. جود عدلت بجلستها بقهر.. تمثيل..كنت اضحوكه لكذبه!؟ رفعت يدها على عيونها ما قدرت الا انها تبكي بقهر.. مشاري لف لـها بانزعاج من صوت بكاءها جود من بين دموعها/ليش ليش!! مااقلت لي!؟..ابوي زعلان عليّ وسبب أنت مشاري ببرود/ عمركم ماتراضيتو.. جود رفعت راسها بقهر/انت ليش اناني ليش ما تفكر الا بنفسك..وش الممتع في لعبتك السخيفه وش استفدت بعد ما خوفت اللي يحبونك عليك!؟ مشاري/يحبونـي!؟ هه..لا يكون انتي وحده من هم!؟.."سكت للحظه ثم اردف" بعدين انا ما اسوي شي إلا ولي هدف فيه مسحت دموعها بظهر كفها.. سكتت للحظه ثم اردفت بنبره غريبه/كنت أظن ان هم اللي حاولوا يغتالونگ مره ثانيه..حمّلت نفسي سبب اللي صار لگ لأن لو أنا ما رجعت لـ ألمانيا كان ما حاولوا يقتلونگ لو ما رجعت كان ما عرفوا انگ حـي مشاري خفف السرعه حتى وقف على جنب والتفت لها بذهول وصدمه/ كيف عرفتي ان فيه احد يحاول يقتلني جـود/قبل اربع سنوات شفتهم لمى كانوا يطاردونك مشـاري سكتت للحظه .. هو ما يذكر تفاصيل الحادث او كيف صار له .. عرف عنه من خلال عبدالعزيز .. و إنها ما كانت المره الاولى اللي يحاولون يقتلونه.. بس هي كيف شافت الحادث! وش اللي تعرفه عنه غير تفاصيل الحادث!؟ جـود لما لاحظت صمته ودهشته اللي تعتلي وجهه/ الساعة 4 عصر كان فوق جبل قريب من الطريق السريع .. وقتها شفت سيارة تطاردها سيارتين ويطلقون النار باتجاهه السيارة..انتهى بسيارة انها تنقلب من فوق جرف..لكن قبل تنقلب انت طلعت منها و اصحاب السيارات ما انتبهوا لك وسيارتك انفجرت واحترقت بـ الكامل..لما تاكدت انهم ابتعدوا .. اخذتگ لبيتنا وجدي عالجك .. بعدها بفتره جاء اخوگ معه مجموعة من الرجال لمكان قريب من موقع الحادث وسألوا عنگ .. أنكرت معرفتي لمكان وجودك واقنعتهم بموتگ لأن وقتها كانت ملابسهم نفس ملابس اللي حاولوا يغتالونك وحتى اشكالهم توقعت انهم نفس الجماعة اللي يحاولون يقتلونك وهذا سبب كـره اخوك لـي مشاري/... ----- ----- الى الملتقى غـداً • لاسير ••€ ➰➰ مشاري بملامح خالي من اي تعبير وعيونه متركزه على علامة السيارة اللي تتوسط الدركسون جود/انـ ــ ـ مشاري بصوت مبحوح/انزلـي جود عقدة حواجبها ورفعة عيونها وإذا به واقف قدام المبنى اللي فيه شقتهم/اهااا!؟ مشارري بصررراخ انتفض منه جسمها/انــززززززلـــــي جود فتحت الباب ونزلت بسرعه وقفلت الباب بقوه تفرغ فيه شي من قهرهااا.. ضرب راسه بـ الدركسووون بقوووه وانفااسه تتسااارع من يصدق فيهم !! يصدق اخـوووه ولا يصدقها !؟ لو بس اقدر اتذكرر تفاصيل اللي صار له لو بس يتذكر محتوى الأوراق والبحث اللي كان معه لو يتذكر من كانت له جووود ومن كااان لـهـا رفع عيونه لصوت قطرات المطر اللي تتقاطر تباعاً على زجاج سيارته ثم تزداد شده لتشوش الرؤيا .. ما يفكر في شي غير كيف يقدر يـحيي ذاكرته الميته رجع راسه على وراء واسنده على المقعد.. ضيق عيونه السيارة تدور والمباني تدور من حوله دوران غير منتظم .. رفع يده يحاول يوقف الدوران لكن ما قدر الدوار العنيف ياخذه في ذكريات غير واضحه وغير مرتبه صوت طنين أحد بأذنه .. عض شفايفه يكتم صوت صراخ تألمه .. ➰➰➰ حركت مقبض الباب اكثر من مره وهي تدير المفتاح فيه .. لكن رافض ينفتح لها.. دقت الباب اللي عمره ما انقفل لها .. الباب اللي كان قبل توصل ينفتح لها .. حركت راسها تنفض الاحباط منه .. مرت ربع ساعة على وقوفه ا.. اسندت ظهرها على الجدار وجلست عند الباب وشنطتها في حضنها ... متكيه براسها عليها.. رفعت راسها بعد ما سمعت خطوات متجهه لها.. وقفت مستنده على الجدار وبلهفه/ يـبه مقرن تعداها ودخل المفتاح وانفتح الباب.. جود وقفت وراه/ يبه انـ ـا مقرن دخل بدون ما يرفع عينه لها دف الباب بيقفله لكن جود كانت اسرع .. اعترضته برجلها.. و دخلت جزء من كتفها وراسها جود بترجي/ ي .. يبه تكفى اسمعني يـبه رجيتگ ياااا ابوي مقرن بصراخ/ البيت يتعذرگ .. وارجعي لـ مكان ما جيتي جود ببكى/ ما لي مكااان الا معگ تكفى .. عاقبني بـ اللي تبي بس تكففى لا تصدني رجيتك .. بنتگ ما تقوى بدونك مقرن بحده/ مااالي بنت ما عندي الا ولد واحد .. بنتي ماتت من اول ما كسرت كلمتي من اول ما طلعت بدون شوري .. من اول ما نزلت راسي عند اللي ما يسوى • لاسير ••• جود تهز راسها بلا/ جعل ربي ياخذني قبل انزل راسك.. مقرن مسكها من عضدها بقوه وبعصبيه/ وجهگ لا اشوفه وإلا والله اني دافنگ.. دفها بقوه لخارج الشقه وقفل الباب واستند عليه وهو يزفر بغيض .. وانقهر اكثر وهو يسمع صوت بكائها العااالي .. ما يقدر يسامحها ماا يقدر .. انكسر قدام عيال الـ رامز مرتين .. المره هذي كسره ما له جبر .. تمنى وهو يسمع صوت مشاري الساخر من جوال بنته ان الارض تنشق وتبلعه تمنى انه مااات قبلها ➰➰➰ نزلت تجر رجولها جر وقفت قدام مدخل المبنى ورفعت عيونها لسماء اللي تمطر.. مشت تحته ببطء لعله يغسل شوي من همومها اللي تدفقت عليها دفعه وحده ... اول ما ركبت السيارة فتح عيونه ببطء وهو يحس برعشه في أطرافه .. رفع يده لدركسون ومسكه بقوه لعل رعشته تخف .. و الدوخه تزول ... داس على البنزين بسرعة ما تجاوزت الـ 40.. مشى مسافة كيلو واحد فقط .. وبعدها خفف السرعه و وقف على جنب الطريق .. عيونها على قطرات المطر الغزير اللي تضرب في السيارة.. وتفكيرها محصور في ابـوها.. ماتدري كم مر من الوقت حتى حست بشي من الغربه حولها.. توها تستوعب انهم واقفين .. التفتت له باستغراب وتحَوّل استغرابها إلى خوف .. وجهه احمر ومتعرق .. وشفايفه لونها متغير .. ونظرات عيونه متشتته.. رفعت جسمها له .. وسحبت معصمه تقيس نبضه .. نبضات قلبه متسارعه .. تعرف حالته هذي زين .. كانت تجي له قبل .. فتحت الأزرار العلوية لقميصه.. وانحنت ترخي المقعد له.. التفتت له بقوه بعد ما حست في يده تمسك يدها ويظغط عليها بقوه وفجاءه رفع يده الثانيه مسكها من رقبتها وخنقهابقوه... جود رفعت يدها فوق يده بألم .. وهي مدركه تماماً انه مو في وعيه .. -- •••