الفصل 19
اقفى وخل روح قلبي تحني
حكم علينا ظلم واصدر قراره
----
---
متكي على جدار القريب من الشباك وعينه
على الشارع يتامل السيارات والماره..بذهن غايب
ويده تحت دقنه يمسح عليه..
طلعت من الغرفه بعد ما هدت ملوك من البكى..
تنهدت بضيق..تحس كل همومها هانت
من سمعة قصة ملوك كيف بنت بعمرها قدرت تتحمل تشوف اهلها يموتون قدامها
و وطنها ينحرق ونهدم وتترحل منه
كيف!؟
رفعت عيونها عيونها اللي وقف على الشباك
توجهت له و وقفت قدامه..لا كن من نظراته واضح انه ما انتبه لها..
رفعت يدها تلوح فيها قدام وجهه/هـي!؟
مناف انتبه لها/هاا
جود/وش تفكر فيه
مناف صد بنظراته لخرج الشباك بدون ما يرد
جود /منااف !
مناف ناظرها ثم اردف/فيه شي ما دخل مزاجي
جود بستغراب/وش اللي ما داخل مزاجي
مناف/كلامها!؟ ما اقنعني
جود عقدت حواجبها/منافوه وش اللي مقنعك!؟ يعني مكذب البنت
مناف /لا مكذب جزاء منه ..يعني بنت مطعونه ورئيسها هو اللي طعنها بدل ما اهو يهرب هي اللي تهرب!!؟ وهي اللي تخااف!؟
جود بتستخفاف/اووه بدا ولد ابوه..البنت حالها يكسر الخاطر وانت تشكك فيه قصته
مناف تجاهل كلامها/انا بروح اتاكد من نفسي واعرف اذ كان كلامها صح او مخفيه شي..عشان نقطع الشك بـ اليقين ونقدر نساعدها
جود/وكيف بتعرف!؟
مناف بتحليل/هي قالت ان جامعتك قريبه من المستشفى اللي هي تشتغل فيه..واقرب مستشفى لجامعتك هو نفسه المستشفى اللي امي فيه..بس ابي اعرف هي تبع اي قسم عشان اعرف رائاستها فيه..
جود/اوكي بسالها..
لفت بتروح لـغرفتها تسال ملوك..
لا كان شلل صب رجولها وشهقت بصوت عالي
مناف التفت /وجع وش فيك!؟
جود ترفع يدها بتجاهه ابوها اللي متكي على الجدار وبيده شنطته
مناف برتباك/يـبه
مقرن ملامح حاده ينقل نظراته بينهم
جود تبادلت نظرات الخوف مع مناف..
وبصوت واحد/يـبـهه !؟
مقرن تقدم بخطواته وجلس على الكنبه
وحط رجل على رجله ورجع عقد يده على صدره..
وأشر لها بنظراته الحاده انهم يجسلون بدون ما ينطق بحرف..
جلسو على كنب مقابل لـ ابوهم
جود بتردد وترتباك/يبه انا ب بشرح لك
مقرن بصرامه/انكتمي انتي وانطق انـت
مناف استجمع نفسه /ابشر بس انت هدي نفسك
مقرن بصراخ/انـطق
مناف بثقه رجوليه ..قال لـ ابوه كل اللي صار
مقرن وجهه صار احمر وعصب زياده/فراح بنفسك فرحان ببطولتگ!؟؟؟يا الشهم
مناف بقهر بدون ما يرفع صوته/يا ابوي انا مسويت شي غلط لو يرجع فيني الوقت وينعاد الموقف بسوي نفس اللي سويته
مقرن بغضب/انا ربي مبتليني في عيال مسوين لي فيها سوبرمان!؟؟ ما يكفي جووود!!؟ واللي صار لها مع مشاري ..تجي انت تكمل الناقص!؟
• #الاسـيـ⛓ـر ----
----
مقرن بغضب/انا ربي مبتليني في عيال مسوين لي فيها سوبرمان!؟؟ ما يكفي جووود!!؟ واللي صار لها مع مشاري ..تجي انت تكمل الناقص!؟
جود بهمس وصل لمسامع ابوها/عيالك شقرديه
مقرن بصراخ انتفضت منه/انكتتتتتتمييييي كله من تحت راستس لو انتس ما كنت موجوده امس كان الزفت اللي جنبتس نطق وقالي من اول عن البنت
جود غمضت عيونها وكتمت انفاسها بدون ما ترد "استهل هذا وقتي استضرف!؟"
مقرن التفت لـ مناف
يفتح شنطته بعصبيه ويطلع منها جريده
ويحذفها في وجهه مناف/اقرااا وش مكتوب اقرا...
مناف انحنى يشيل الجريده اللي طحت ب الارض
بعد ما ضربت فيه..واخذها يقلب صفحاتها..
واستوقفته صفحه مكتوب عليها بخط العريض"ب الالماني"رائيس قسم جراحة الاعصاب لمستشفى الـ**** وجد في غرفة العمليات مطعون 6طعنات بأحد أدوات الجراحه وهو الان في حاله حرجه""
رفع راسه لـ ابوه بعدم فهم/وش دخل هذا بـ البنت
مقرن بغيض/اقرا تفصيل الجريمه..
مناف رجع عيونه للجريده ولفت انتباهه جمله وحده فقط""من ضمن المشتبه بهم طبيه عربيه من الجنسيه سوريه..تعمل تحت إمرته..حيث اختفت من المستشفى بعد وقوع الجريمه..وسلطات تبحث عنها""
مناف رفع راسه لـ ابوه بصدمه/تـ تـقصد ان ملوك هي اللي طعنته!؟
مقرن فك ازارير قميصه وجلس هو يرجع شعره اللي تخلله الشيب/وش اريك
وصلهم صوت باكي من وراهم/وحياة الله ما اتلته والله العلي العظيم ما اتلتوه "بشهيق وبكى مرير"والله ما اتـلتـته
التفتو كلهم لها..مستنده بصعوبه على الباب ويدها على مكان جرحها و وجهها احمر من كثرة البكى..
مقرن وقف بهدو/ما قتلتيه!؟ اجل ليش هربتي
انزلق جسمها على الباب حتى جثت ركبها على الارض
وغطى شعرها الاشقر ملامحها..وتردد بهستيريا/ما اتلته ..يااابـي ياااابـي احكي لهم اني ما اتلته والله ما اتلته "ضربت صدرها بحرقه"والله ما اتلته
جود ركضت لها وضمتها بقوه وبكت معها/اششش خلاص ما قتلتيه
ملوك تتشبث فيها وتشهق بكلماتها بصوت مبحوح/كزاب والله العظيم كزاب ما اتلته..احكي له انو انا ما اتلت حداا صدأيني شو بدي اعمل حتى تصدؤني
جود تهز راسها/ما قتلتي احد..بس تكفين لا تبكين
ملوك /انتي مصدأتني مو!؟
جود سكتت للحظه تمسح دموعها/مصدقتك
• #الاسـيـ⛓ـر ----
----
جود سكتت للحظه تمسح دموعها/مصدقتك
ملوك بنهيار وجسمها بدا يثقل بين يد جود/والله ما اتلت حدا..تلشى صوتها
وارتخى جمسها وغمضت عيونها
جود برعب رفعت راسها/ملوووك ملوووك""ضربتها على خدها علىً خفيف/مـلووووگ
مناف ركض لها مقرن واقف بصمت وبحيره من امره..
جود نزلت راسها على الارض
وزحفت للجدار وضمت رجولها لصدرها
وانهارت بـكي
مناف نقل نظراته بين اخته وبين ملوك..
انحنى على ملوك ورفعها عن الارض ودخلها الغرفه
نزلها على السرير
واخذ علبة المويه اللي على الكومدينه سكب في يده شوي
ومسح فيه على وجهه
زفر براحه هو يشوفها تعقد حواجبها..
بنزعاج..جلس على طرف السرير..
نزل عيونه عليها/ملوك!؟
ملوك فتحت عيونها بخفيف ونزلت دموعها
..ما قدر الا انه يمسح على شعرها..
وينزل لمستوى اذنها وهمس بحنيه/لا تخافين..والله ما يمسون لگ شعره و انا حي..وحتى ان قتلتيه فـ دمه حلال..
ملوك رجعت تغمض عيونها وتستسلم لنوم ---
---
مقرن جلس على ركبته/جود
جود رفعت راسها ومسكت يد ابوها ببكى/تكفى خلنا نساعدها تكفى لا تسلمها لشرطه
مقرن/ما اقدر الا اني اسلمها..بس بيحققون معها واذ ثبتت برائتها بتطلع
جود بكت بصوت عالي/لااا لااا
مقرن بصرامه/جووود بلا دلــع ..ولا انتي ناسيه اني رجل قانوني محامي ولي سمعتي لو انتشر اني متستر عليها وين اروح من العداله كيف بـ
جود بنحيب الم/الله ياخذ ذا القانون.. الله يحرمك منه مثل ما حرمني من امـي.."بنهيار" اللي يصير مع ملوك هو نفس اللي صار معنا قبل ثمن سنوات لما انت انسجنت..ولااا نسـيت!!! نسيت كيف انك تركتنا لوحدنا..بس لو كااان وقتها فيه احد سوا مثل ما سوا مناف مع ملوووك كان امي بخير كان هي معنا
الحين..بس كلهم تجاهلونا "شهقت بقوه"
مقرن فتح عيونه بذهول..هو توه يستوعب
سبب الاكبر وراء مساعدة مناف لملوك وقبلها جود لـ مشاري.."معقوله في كل المرتين عياله كان ينعاد عليهم نفس الموقف اللي صار لهم مع امهم!؟؟"
مقدر الا انه يلوم نفسه اكثر ويسحب جود لحضنه
جود تحاول تبعد عنه/اوعدني تساعدها اوعدني
مقرن بقلة حيله/أوعــدگ ----
تـفاعلكم😭❤️
---
• #الاسـيـ⛓ـر --
----
الساعة 5:00 م
جالسين في البلكونه..
ويخترق الصمت صوت أنفاسهم المنتظمه
وضجيج الطريق اللتي تطل عليه البلكونه..
وكل منهم غارق في محيط أفكاره...
يمرر اصبعه على حافة فنجال القهوه..
وكلام جود يتردد صداه في اذنه..
رفع عينه لها وإذا بها لافه شعرها كله على جنب وتظفره إلى النهايه وترجع تفكه بحركه تلقائيه اعتادت إذا سجت تسويها ..
نزل عيونه على فنجال القهوه...
وهو يشوف انعكاس ملامحه عليها ..
لتأخذه ذاكرته لـ قـبل ثمان سنوات..
كان يشتغل في شركة عبدالعزيز.. ضمن فريق المحاماه لشركة..وقتها كان في بداية شغله...
لكن خلال شغله في فريق المحاماه اكتشف كثير
من المخالفات القانونيه من قبل المحامين اللي يشتغل معه وبرضى من عبدالعزيز .. هذا شي تعارض مع مبدأه كـً مسلم وگـ محامي مخلص في عمله ..
في أحد المناقصات المهمه لشركه..
وكان هو المسؤول عنها ... لكن بسبب المخالفات القانونيه فيها ما قدر الا انه يكشفها لطرف الثاني اللي انسحب من المناقصه وهذا سبب لـ شركة اكبر خساره..
و ما مر شهر الا ولقى نفسه الا في سجن
بمكيده دبرها له عبدالعزيز ومحامين الشركه...
وقتها .. زوجته كانت هي المسؤولة عن عياله في دولة ما تعرف فيها احـد .. مجرد دخوله لسجن فقد فيها وظيفته وفقد فيها زوجته ..
تـنهد بضيقه و وقف نزل الفنجال ..
والتفت لعياله/ بطلع اشوف اخر اللي صار مع قضية ملوك واتحرا اكثر
مناف وقف معه/بروح معك
مقرن بهم/ لا اجلس مع اختگ امكن تحتاجك
مناف التفت لـ جود
جود / خله يروح معك..ما بحتاج شي
مقرن ناظرها بحزن ثم رفع نظراته لـ مناف/انتظرك في السيارة ..
مناف يمشي معه/ بنزل معك
تتبعهم بنظراتها حتى طلعو من الباب وقفلوه وراهم..
عقدت حواجبها بضيق شديد
ورفعت يدها تضرب فيها فمها/ الله ياخذ ذا اللسان كان لازم ألومه!؟ وأذكره بـ اللي صار قبل 8 سنوات ما صدقت ابوي يتجوزها ارجع اذكره فيها ....
• #الاسـيـ⛓ـر ----
تزوجها!؟ "ضحكت بسخريه"من منى قدر يتزوجها والى اليوم نتذوق مرها وحرقتها ..
وقفت وتكت على سور البلكونه وفكت تظفيرتها..
وتركت للهوا البارد الحريه بلعب بشعرها ...
نزلت عيونها للاسفل وعلى شارع اللي مزدحم ب الماره ..نقلة عيونها على سوبرماركت في اخر الشارع
مكان ما صار الحادث قبل 8سنوات
نزلت مع امها واخوها لسوبرماركت .. يشترون لهم مواد غذائيه ...ام مناف لفت يدها فوق كتف مناف وبيدها الثانيه مسكت كف جود .. وهموم الدنيا كلها فوق راسها..
وكل تفكيرها في زوجها اللي له اسبوعين مسجون وتركها لوحدها مع مناف اللي عمره ما تجاوز 15سنه و جود 12
دخلت السوبرماركت .. واخذت اللي تحتاجه في سلة و توجهت للمحاسب .. و وقفت في الصف تنتظر دورها ..
تلفتت تدور عيالها اللي انتشروا األ ما دخلوا المحل..
ابتسمت بين طيات حزنها على مناف اللي
يسحب من يد جود سلتها اللي ملتها بـ الشوكلاتات
مناف فك يدها من السله وسحبها لـ امه
ام مناف/وش فيك على اختك
مناف برجولية مراهق/ بنتك مشفوحه ما تركت شي ما اخذته
جود بزعل/ يمه ابيهم تكفين
مناف بقهر/شوفي وزنك شوي وتصيرين باندا
جود/و وانت قرد
مناف/بااندا
جود/قرد
ام مناف/بس انت وإياها..خذي لك كاكاو واحد بس
جود بزعل/اوووه لو ابوي هنا كل اشتراها لي كلها
ام مناف شتت نظراتها اللي بدت الدموع تتدفق لها .. وتقدمت بسلة للمحاسب تحاسب و بصوت مخنوق/ إذا رجع ابوك خليه يشتري لگ كل اللي تبينه
مناف بقهر قرص ذراع جود/ابـوي مسافر و امي ما معها فلوس
جود بلا مباله/عادي بتصل على ابوي يرسل لنا فلوس
مناف يجرها وراء امه اللي طلعت من المحل بعد ما حاسبت ./ما يقدر يرد عليك ولا يقدر يرسل لنا فلوس
جود / وليه!؟
مناف بقهر/ لأنه في السجن
جود وقفت/ كذاب..امي قالت لي مسافر
مناف /هذا لانتس بزره ما ينقال لتس شي
جود تدفه وتلحق امها اللي واقفه على الرصيف تنتظر الاشارة تقفل..بصوت عالي/يمه اسمعي مناف يقول ابوي مسجون
ام جود دموع مغرقة عيونها
جود بقهر/يمه ليش ما تردين
ام جود التفتت لها/بيطلع بعد شهر
جود/يعني مسجون!؟
ام جود/ايـه
جود بكت بصوت عالي/لاالا ليش يسجنونه ليـش
مناف يمسك يدها/اسكتي فضحتينا..قلت لك بيطلع
جود تتمسك بمناف/منااف ابوي وش سوا عشان يسجنونه
ام جود مشت بتهرب من كلام عيالها
اللي يضرب على الوتر الحساسه..
وفجااءه حست بجسمها كله يندفع لفوق وعظامها تتداخل و يضرب بقوه على الارض
وانفاسها تنحبس بقوه ..حركت عيونها باتجاه عيالها..
واقفين يناظرونها بدون حراك .. نزلت دموع اختلطت بـ دمها.
وظلام بدا يسحبها لعالمه..
____
• #الاسـيـ⛓ـر ---
وظلام بدا يسحبها لعالمه..
جود مناف سمعوا صوت صرير سيارة وبعدها جسم امهم يطير ويرتطم بالرصيف ..
الصدمه شلتهم جمدتهم .. عجز اصاب اطرافهم...
واللي صدمها بسيارته هرب بدون ما يشوف حالها..
وناس تناظرها بشفقه وتمشي وتتركها ..
مناف تحرك ببطء لها وجلس على ركبته ..
تبع جلوسه صوت صرااااخ جووود
مناف يهزها/يمههه يمهه!؟ يمهههههه
تلفت من حوله يدور احد يساعدهم احد ينقل أمهم للمستشفى بصراخ باكي/ساااعدونا
تكفوووون احد يآخذ امي للمستشفى
لكن محد قادر يفهم لغتهم
واحد من الماره/ لقد اتصلت ب الاسعاف وهم في الطريق الي هنا
جود
تركض و تتمسك بكل من مر تطلبه ينقل امها للمستشفى ..
لكن التجاهل والبرود هو كان الرد..
وبعد ربع ساعة نقلوها للمستشفى..
وبسبب التأخر في إسعافها دخلت في
غيبوبه .. استمرت الى 8سنوات ..
توحدوا فيها جود ومناف بدون أب أو أم لمدة شهر كامل ..
حتى قدر أبوهم يخرج من السجن..
مسحت دموعها بقوه
ورجعت شعرها وراء اذنها..
في كل مره يمر عليها اللي صار قبل 8سنوات
ما تقدر تمسك دموعها...
تعوذت من الشيطان ودخلت
تتوضى وتستعد لـ صلاة المغرب
____
-----
تـعـريف مبسط لشخصيات
ابو صقر...ام صقر
...صقر"متوفي"" ناصر 36
مقرن ...زوجته .."مـها"
جود/ 21سنه
مناف/24
-
مشاري/34
عبدالعزيز/32
-
ملوك/25
هاني/20
---
--
-بعـد يومين-
النمسا -في قاعة المؤتمرات-
الساعة 9:00 مساء
دخل القاعة ببدلته الرسميه السودا يكسر لونها اللون الابيض للجبيره اللي بيده..
تدور عيونه على الحضور بملامح متجهمه..
استقرت نظراته على عدوه اللدود "شـبـح"
شبح انتبه على نظراته ابتسم بخبث ومرر لسانه على شفايفه .. وتوجهه له/ اوه انظروا من لدينا هنا القط ذو السبع أرواح
مشاري ابتسم بتصنع واضح/ يعود لك الفضل في خروج أرواحي السبعه ""
شبح/ لم يسعدني لقائك ابداً
مشاري/ أبادلگ نفس الشعور
شبح بكرهه/ إذاً ها أنت تعود هنا من جديد كان يجدر بك البقاء ميتاً للأبد
مشاري باستفزاز/ كنت لـ افعل ذلگ لكن شوقي لگ منعني
شبح رفع حاجبه وربت على كتف مشاري/ ههه نعم يجب ان يشتاق الكلب الوفـي لسـيده خهههههههههههههههه
مشى تارك مشاري خلفه يشتعل غضب
شد على قبضة يده حتى برزت عروقه واحتدت ملامحه ..
للحظه كان بينسى اللي مخطط له ويهجم عليه وينهي حياته ••
لكن اليد اللي ربتت على كتفه كانت كفيله
بأن يهدأ ويفكر بعقله..
عبدالعزيز/ تعوذ من إبليس
مشاري بدون ما يناظره/ أعوذ بالله منه
• #الاسـيـ⛓ـر ---
مشاري بدون ما يناظره/ أعوذ بالله منه
عبدالعزيز/ يبدؤون الحين ..حضّر لعرضك
مشاري هز راسه / روح انت اجلس..
عبدالعزيز ابتسم له/ بالتوفيق..
مشاري اخذ نفس توجة لمكان وقوف أعضاء البلاك
كلارا أول ما شافته ابتسمت بقوه له
ينغ جي/ مر وقتً طويل منذ اخر لقاء لنا
مشاري ببرود/ اجل
مارك / متحمس جداً لعرضگ
مشاري/ متاكد بانه سوف يعجبگ
مارگ بخبث/ نـعم يجب ان يعجبني
ينغ جي/ بعد ان تنهي بحثك لهذا اليوم يجب أن تسلم البحوث التي كانت بحوزتگ منذ اربع سنوات
مشاري/ أخشى بأنها قد احترقت في الحادث
شبح من وراهم/ لا مشكله تستطيع ان تعمل عليها من جديد بما انگ لا تزال على قيد الحياة
ينغ جي/ هو كذلگ ..من دونه لا نستيطع ان نفرط فيگ كـ احد اعضاء منظمة بلاك فيست
مارگ/ إذاً أنا سـآخذ بما ستقدمه اليوم واتكفل بتكلفته
كلارا/ كـلا يجب ان نشترك جميعنا فيه
ينغ جي/ دعونا اولاً نرى العرض
مشاري يكتم غيضه/ اجل..اوه صحيح نسيت ان اعترف لگم بأني لم اتممه تماماً بعد انتهى المؤتمر سيكون جاهز .. أما ما سأقدمه اليوم فهو نبذه مبسطه له
كلارا/سنكون بانتظارك .. لكن لم تقول لي ماذا حدث لذراعگ
شبح ابتسم/ سمعت بأنگ انزلقت عليها!؟
مشاري / اخباري تصلگ بشكل جيد
شبح/ هههههههههههههه
مشاري تجاهله ومشى تاركهم خلفه وعيونه على الحاضرين ..
كثير من مسؤولين الدوله .. وتجار وباحثين من مختلف انحاء العالم..
منظمة بلاك فيست منظمه يدعمها كثير من مسؤولين الدوله وهي باختصار تشتغل تحت ظل المسؤولين..
رفع معصمه لـ ساعة..
توجهه نحو المنصه .. جاء دوره..
ابتسم بثقه .. يخططون يأخذون البحث وينسبونه لهم عيني عينگ وبعبارات صريحه ..
وقف على المنصه بكل هيبه وعزه ..
وانحنى بخفه بخفيف على اللابتوب ودخل الفلاش مومري ..
وفتح ملف العرض اللي يحتوي على البحث..
لف برقبته على شاشة البلوجكتر ..
وابتسم .. استقام بوقفته
رفع عينه في ارجاء القاعة .. رجال الأمن و البود قارد يملون المكان .. هذا غير الصحفين والقنوات التلفزيونيه ..
ازدادت ابتسامته ..
تقدم مسك طرف المايگ وبرسميه/ مرحباً .. أنا ناتان اينزو .. أتشرف بتقديم بحثي لهذا اليوم لحضراتگم..
وقف باستقامه وصار جزء من جسمه للحضور والجزء الثاني على شاشة البروجكتر ..
بدا بمقدمة البحث ..وقبل يوصل لتفاصيله..
صدر صوووت قووووي رج انحـاء القااااعة..
صـووووت انفجاااااار تبعه صوت اطلاق لـ نااار
-
-
• #الاسـيـ⛓ـر
--
آلمححآول? لنسيآن شخص تحب?
ك آلمحآول? لـ تذگر شخص لآ تعرف?
------
بدا بمقدمة البحث ..وقبل يوصل لتفاصيله..
صدر صوووت قووووي رج أنحـاء القااااعة..
صـووووت انفجاااااار تبعه صوت اطلاق لـ نااار
وصرررراخ الناس بذعررر و خووف
وانقطاااع الكهررب زااد من ذعرهم وصراخهم...
غمض عيونه ونزل على ركبته
على الارض تلمس بيده على الطاولة وسحب مبتغاه من فوقها .. ودخله بجيب جكيته الداخلي .. واستخرج من نفس الجيب حبوب .. وابتلعها بدون مويه مرر لسانه على شفايفه يرطبها وتمتم/30..25...20...15...10...5....1
فوهة المسدس تلمس جسده
غمض عيونه بقوه
وانظغط على الزناد ..
لتنطلق الرصاصه ويفجر الدم..
تبعها ابتساامة ألم
ثم صوت ارتطام جسد على منصة العرض ..
وصوت طلقات ثلاث رصاصات متتاليه ..
صاحبه عودة الكهرباء و انفتح النوور ..
لثواني اختفى صوت الصراخ
وحل محله الهـددوء
كل الموجودين يتفقدون بعضهم البعض..
لا إصابات
لا نار تشتغل ..
رجال الأمن انتشروا يبحثون على الفاعل
والبودي قارد أحاطوا بأسيادهم ليحافظوا على سلامتهم ...
فجااءه اخترق الصمت
صوت صررراخ كلارا/ نـااااااتاااااااااااااان اينـززو
لتتوج الأنظار للمنصه ..
عبدالعزيز فتح عيونه بذهول وركض باتجاه اخوه
اللي طايح على الارض فااقد للوعي ..
الشبح ركض وتبعه مارك
عبدالعزيز رفع جسم مشاري وهزه برعب
وبصارخ/ مشااااري مشاري!؟
كلارا نزلت على ركبها بذهول/ يا إللهي
عبدالعزيز رفع عيونه لها بـ شر/ لن اغفر لگم هذه المرررره
كلارا تتجاهله وتوقف وتطلب الإسعاف..
عبدالعزيز رجفه اصابته وشلة عقله عن التفكير وهو يشوف اخوه غرقان بالدم/ مشاااري أجـب .. مشاري أرجوووگ لاا تذهب .."يضرب على خده..ويصاارخ بـ اسمه""
و زاد عليه الناس اللي تجمعوا وفلاش الكاميرات
...
شبح ومارك واقفين بذهول وعيونهم على اللابتوب اللي محروق بسبب الرصاصه مخترقته من النص
تبادلوا النظرات بقهر/ اختفى المومري فلاش!؟
مارك سحب شبح من ياقته/ هل انت الفاااعل!! لن اسمح لگ هذا المره بـ الاستيلاء عليه
شبح يشد ياقة مارك ومن بين اسنانه/ لم أكون أنا .. يبدو بأن هناگ من سبقنا إليه..
مارك ينفضه من يده/ تباً
شبح يرفع جسمه لعله يشوف مشاري لكن تجمهر الناس منعه/ هل مااات!؟
مارك ناظره بقهر/ يبدو ذلگ..الا تسمع صراخ شقيقه
--
• #الاسـيـ⛓ـر ---
--
دخل نفسه من بين زحمة الناس
حتى وصل لمكان وجود مشاري ..
انحنى وسحب مشاري من حضن عبدالعزيز
ورفعه
عبدالعزيز رفع راسه بصراخ/ ما الذي تفعله!؟
كلارا توقفه/ هـي انت!؟ رجال الإسعاف على وشك الوصول
هاري بجمود وهو شايل مشاري بين إيديه../ لن انتظرهم..فـ حالة سيدي حرجه .. يجب ان أنقله الى طبيبه الخاص بحكم مرضه السابق
كلارا تمنعه بشك/لم أراگ من قبل معه
هاري يتقدم/ سوف تريني منذ اليوم معه
عبدالعزيز وقف هو الثاني في وجهه/ من انت
هاري بهمس/ اتبعني .. ان كنت تتمنى ان لا يموت شقيقگ..
قدر يخترق تجمع الناس بحكم جسمه الطويل والمعضل..
وعبدالعزيز يتبعه بصمت..
ورجال الامن اللي محوطين المكاان سمحوا لهم بالخروج بسبب إصابة مشاري ..وأغلقوا المكان من بعدهم ليجروا التحقيقات..
توجهه هاري بمشاري لسيارة ..
وبأمر لعبدالعزيز/ افتح لـي الباب
عبدالعزيز بغيض فتح الباب له
انحنى ودخل مشاري في المقعد الخلفي..
وتوجهه لمكان السائق..وشغل السيارة..
جلس جنبه عبدالعزيز والتفت لـ مشاري بخوف...
---
جالسه في غرفتها ومسنده ظهرها على تاج السرير..
وتتصفح جوالها..البيت هاادي..صحت من النوم ما حصلت احد .. ولما اتصلت على مناف قال انهم أخذوا ملوك ينهون إجاراءات التحقيق..
أبوها فعلاً قدر يساعد مـلوك
وصار محامي لها بعد ما طلب منها تسلم نفسها كـ مشتبه به عشان يقدر يتدخل بطريقة قانونيه ويصير محامي رسمي لها .. بحكم خبرة ابوها رفض انها تنسجن الآن مافيه دليل دامغ على ارتكابها للجريمه ... ما تزال التحقيقات جااريه .. وينتظرون الدكتور المطعون يصحى من غيبوبته...
نزلت الجوال بطفش ونزلت رجولها على الارض بتروح تسوي لها قهوه تعدل مزاجها..
لكن جوالها رن بنغمة تنبيه الواتـس .. كانت بتتجاهلها لكن تبعها تنبيه على وصول اكثر من رساله ..
فتحت الواتس واذا بها رسائل من قروب قسمها في الجامعة ..عسى ما يكون فيه كوّز مالي حيل للمذاكرة ..
عقدت حواجبها الرسائل كانت عباره عن تعليق على فديو ارسله واحد من الطلبه .. حملت الفديو بفضول .. وعينها على التعليقات .. استنتجت منه ان واحد من دكاترة الجامعة تم اغتياله في مؤتمر بـ النمسا..
فتحت الفديووو
وعقدة حواجبها بتركيز .. المصور كان يصور شخص طايح وغرقان بدمه والناس ملتمه عليه ..