كيف تجرح لك خفوق يعشقك بسكات - الفصل 32 - بقلم S3b Atrjak - مكتملة | روايتك

البارت الثاني والثلاثون ][ ’، طلعت كاسين وحطتهم بصينيه أخذت العصير الموجود فوق الطاوله وصبته بالكاستين . . تلفتت بخوف من اكتشاف أمرها وطلعت من الدرج كيس أخذت منه حبتين بيد مرتجفه . . بالأيام اللي فاتت كل ماتجي تحط تحس ان خوفها يوقف حاجز بينها وبين هالشي أخذت نفس وزفرته وحطت الحبتين بالكاس وحركته بخفه حتى حست ان الحبتين ذابت . . دخلت المزاز بكاستها حتى تقدر تميز بين الكاستين وحطت صحن الشيبس والصوص بنفس الصينيه وشالتهم . . دخلت الصاله شاافت متعب جالس يتابع فيلم ع mbc 2 قربت من عنده وحطت الصينيه ع الطاوله وجلست بقربه . . التفت لها وعلى وجهه ابتسامه هاديه وردت له ابتسامه مرتبكه أخذت الكاسه اللي بدون مزاز ومدتها له أخذها متعب منها : تسلم يدينك حبيبي عليا : الله يسلمك حط الكاسه على الطاوله اللي أمامه وكمل متابعه للفلم بإنسجام ومعه صحن حب "فصفص" كل هذا وعليا تراقبه تبيه يشرب العصير . . مد يده وأخذ حبه شيبس من الطاوله وباليد الثانيه مسك كاس العصير رفع يده وأكل الشبس ووقت مانزلت يده اللي خلت من الشبس كان رافع يده الثانيه بالكاسه لكن بدون ماينتبه ومن الانسجام بمتابعه الفيلم ضربت يده اللي كانت ماسكه الكاسه بيده الخاليه اللي كان راح ينزلها وانفلتت الكاسه من يده على جسمه وانكب العصير . . وقف بشهقه من بروده العصير واللي افزعت عليا اللي كانت تراقب الوضع . . وقف وهو ماسك فانيلته من قدام حتى يبعدها عن صدره عليا : بسم الله عليك حبيبي . . حصل لك شي متعب : لا الحمدلله بس بروده العصير هزت عليا راسها : روح بدل ثيابك وانا اجيب لك ثاني متعب وهو متجه للغرفه : لا خلاص انا بآخذ دش وبعدها نطلع برى نتعشى ’، مرت الأيام وماباقي على انتهاء اجازة الربيع في منتصف الفصل الثاني الا كذا يوم قليله جدا الدمام بيت ابومتعب متعب اللي عصب لما عرف بفعلة رغد اللي كانت تاركه ورقه مكتوب فيها " انا بالرياض . . وراح يجي يوم وتكتشف الحقيقه . . انساني " توعدها بداخله واعطى اهله خبر ان رغد بالرياض وقال انه زياره عاديه لااكثر هبه اللي كانت عارفه بوجود مشكله بسبب كلامها مع ام سعود . . بس ملتزمه الصمت صقر . . اللي كان فيه مؤتمر لكذا تخصص و لابد سفر كل دكتور من كل قسم ويحضره فهو رشح متعب لهالمؤتمر حتى يبعد عليا عن متعب أطول فتره ممكنه المؤتمر يستغرق حول الاسبوع او اقل العرايس ،، ايام قليله بس يفصلهم عن حياة جديد لأن زواجهم في بدايه اجازه الربيع . . واتفقوا على قطع المكالمات بالحجه المعروفه ، الشوق أسامه تمت ملكته على دانه وطاير معاها زواجه بالاجازه الصيفيه اما بسمه اللي رجعت لبيتها بعد ماطلبوا اخوانها رضاوه لها ، انتشر خبر خطوبه جديده ، خطوبه ريدا على سلمآآآآآن بالرياض سعود وبدر والكل حاول برغد يعرف سبب المشكله بس هي كانت ملتزمه الصمت وماتجاوب عليهم لو ردو وكذا مره سعود يعصب منها بس هي ماجابت خبر ’، العصر كانت منسدحه ع السرير ونورة جالسه على كرسي المكتب ومعها جوال رغد تفتش فيه وهي تسولف مع رغد اللي احيانا تسمع لنورة وترد واحيانا تغفي ابتسمت نورة لصديقتها وحالها شافت ملامح وجهها الشاحبه والهالات اللي تحت عينه واستقر نظرها على بطنها البارزه حست بالشفقه لحال صديقتها ودها تتكلم حتى ماعاد يضغطون عليها بس ماتقدر بعد الوعد اللي اعطته لرغد ، رجع نظرها على شاشه الجوال شوي فتحت نورة عينها على كبرها من الصدمه كيف هذا ومتى وليه رغد ماقالت ولا تكلمت !!!!!!!!!!!! ’، نرجع للدمام شقه عليا عبير : مابتحكي معي يزيد أنا الت لك بدي شرف العايله يضيع بس انت مسويت اشي يزيد : عبير انا قلت لك حاولت بس كذا مره بس أحس ان فيه ناس يراقبوها يعني مثل البودي قارد . . والمره اللي حاولت فيها اني ادهسها بالسياره نجت بقدره قادر عبير : ايييش !! بودي قارد ؟؟ ومن وين اجو هالبدي قارد يايزيد يزيد : مااعرف عبير عصبت : انت أصلا مابتنفع لإشي بس بتئول اعطيني مصاري ولما بعطيك مابتنفز المطلوب منك سكرت السماعه بوجهه ورجعت اتصلت على رقم ثاني ..: اهلين عبير عبير : شو صار معك ياميشيل ميشيل : كل اشي تمام متل ماخططتي لألوه ، المناقصه وأخزتا واستقرت بالشركه وابومتعب وأع على اوراء لأملاكه عبير ابتسمت بخبث : ممتاز ، طيب متى نتئآبل حتى أخذ الأوراء مشيل : بكره عبير : تمااام التفتت على عليا اللي كانت جالسه بجانبها : وانتي جوزك امتى حضرته حيشرف عليا : ههههههههه وش فيك معصبه ع الجماعه كلهم وبتجي الحره فيني عبير : أوووف شي بيزهيء مابعرف امتى خلص من هالحكايا كلها عليا : حاولنا فيك تهونين بس انتي مصره عبير : أكيد ولا بفكر اني اتنازل . . أولي لي عملتي ايشي بالحبوب عليا : لا المره اللي تجرأت وحطيتها له طاحت الكاسه منه وانكب العصير كأن أحد داعي . . ومن بعدها طلع هالمؤتمر ومثل ماانتي شايفه جالسه لحالي لأكثر من اسبوع عبير : وايمتى حضرته حيشرف عليا : على كلامه انه خلال هاليوميـ .. قطع كلام عليا صوت الجرس التفتت عبير على عليا بإستغراب : انتي بتنتظرين أحد عليا وهي توقف : لا بس راح أشوف وقفت عليا وشافت من العين السحريه بس ماشافت أحد . . مشت راجعه الا والجرس من جديد يرن قررت تفتحه بدون ماتشوف رجعت وفتحت الباب وهي وراه الا وشخص يدف الباب بقوه وباقه ورد كبيره كانت على وجهها ابتعدت وهي مبتسمه . . لأنها عرفت من عليا وهي تمط وتحضنه : ميتووو حياتي ضحكت متعب وهو يبادلها ويسكر الباب برجوله : حياه وقلب وروح ميتو أبعدها عنه وهو يقبلها : كيفك حبيبي عليا : الحمدلله وانت كيفك متعب وهو ماسك يدها ويمشون للصاله : الحين أنا بخير لما شفتك حبيبي . . دخلو الصاله وكانت عبير موجوده ولابسه عبايتها الكتف ولافه على راسه الطرحه بدون غطا ومقدمه شعرها طالع وقفت لما شافتهم عليا : ميتو هذي عبير صديقتي متعب وهو مبتسم : أهلا عبير عبير وابتسامه مغتصبه على وجهها: اهلين متعب الحمدلله على السلامه متعب وهو يجلس : الله يسلمك عليا وهي تجلس بجانبه : ميتو ماتذكر عبير متعب : لا والله عليا : هذي عبير صديقتي اللي كانت معاي لما كنا بالجامعه متعب : اللي كانت معك بالسكن عليا : أيوه هي متعب وهو يلتفت لعبير : أعذريني عبير بس تعرفين ماكنا نلتقي كثير الا بالصدف ومن متى واحنا متخرجين ابتسمت عبير : لا عادي اصلا بستغرب لو عرفتني "وقفت " ياللا أنا الحين استأذن متعب : تو الناس عبير : لا وين تو الناس انا جيت حتى أسلي عليا لأنها وحدها . . الحين أنا لازم أروح تأخرت . . مع السلامه وقفت عليا معها توصلها . . همست عبير لعليا لما وصلوا للباب . .لاتنسين موضوع الحبوب هزت عليا راسها وسكرت الباب بعد ماطلعت عبير وراحت للصاله اللي فيها متعب جلست بجانبه : ليه ماقلت لي انك بتجي اليوم متعب وهو يقبلها مع خدها : والله حبيت أفاجئك " وقف " عليا وقفت معه : وين ؟ متعب : بروح للبيت عليا : توك جاي ؟!! ماامداني أشبع منك متعب : آسف حبيبي بس جيت من المطار لهنا دايركت. . جابني شوقي لك . . بروح للبيت وبريح وبشوف أهلي كان نقصهم شي مثلك عارفه بعد 4 أيام الزواج عليا : طيب حبيبي انتبه لنفسك . . ولاتقاطع ابتسم متعب : وانا اقدر ’، وقفت وراحت لها وهزت كتفها بخفه : رغد قووومي فتحت رغد عينها بكسل : ايش صار نورة : قومي فتحي فيه شي خطير بسالفتك انتي ومتعب تقلبت رغد بملل للجه الثانيه : بعدين مووقته نوره : اقولك قومي فيه شي يخلي متعب يصدق كلامك يعني دلييييييييييييييييل فزت رغد : وينه قولي نوره : مدت الجوال لها : شوفي بدت رغد تشوف وتوسعت عينها وهي تذكر المقطع لما نوت تخرع عبير وكانت فاتحه الكام كيف راح عن بالها ، اكيد من اللي سمعته بدت الدموع تتجمع بعين رغد رمت الجوال على السرير وضمت نورة بفرحه وهي تحمد الله بسرها نوره وهي تبعد رغد : ماينفع الدموع الحين الكورة بملعبك بإمكانك ترجعين متعب لك ويصير لك لحالك رغد : كيف نورة : الحين تكلمينه بالواتس او اقول كلميه مكالمه صوتيه رغد : لا هو متوعدني نوره : اقول بلا هبل اللي عندك دليييل ياخبله تجرئي رغد بتفكير : طيب . . بس مو الحين نوره : أجل متى ؟! رغد : أنا بعد 3 أيام بقول لبدر يرجعني للشرقيه و.. قاطعتها نوره : وشووو يالخبله بترجعين له رغد وهي مبتسمه بسخريه : لا حبيبتي مو أنا اللي أرجع كذا بلوشي نوره بإرتياح : بعدي . . أيوه وش خطتك رغد : أبد بحضر الزواج وبشوفه وبقوله الكلام وجها لوجه نوره : صاحيه . . يابنت تراك بتدخلين مدري دخلتي شهرك وش يوديك للزواج ؟ رغد بضحكه : تدرين مدري بس أبي أروح متحمسه كذا للروحه وحتى أشوف البنات وأتطمـن عليهم . . وأنا الحمدلله بطني صغيره شوي وغير كذا الناس ترى حسبتهم لي اني بالثامن موبالتآسـ.. ضرب ع الباب قطع كلامهم . . التفتوا لناحيه الباب وشافو راس سعوود سعود : وش تسوون رغد : الحين وش يجيبك لجمعه بنات هاه سعود وهو يدخل : أولا يَ عزيزتي انتو موبنات . . ثانيا أنا أبي زوجتي وانتي من يوم جيتي وهي ناسيتني من أول مااصحى على طول ودني لرغد نستني الحرمه رغد : هههههههه تستاهل . . هي زين ماانحاشت منك من يتحمل يعاشرك انت ناظرها سعود بنص عين : أقول رغيد اهجدي ترى منتي بقدي انتي وكرشك رغد وهي توقف حتى تنزل تحت : هين بنشوف نوير لما تحمل بتعايرها بكرشها ولا فالح علي ’، جلست بجانبه وشافته مسرح له فتره وهو على هالحاله تكلمت بصوت مليان حنان : وش فيك يمه التفت لها وعلى وجهه ابتسامه وبعدها رجع بنظره للتفلزيون : أبد يالغاليه ولا شي مسكت وجهه ولفته عليها : أفا ياعمر تخبي عني عمر وهو يتنهد : يمه وش أسوي بعبير حزنت الجده على حاله عمر : يايمه البنت مغسول مخها من هالاجانب خلها بحالها لين تتعدل دامها مب ماخذه منك الحتسي عمر : يمه انتي مادريتي وش من كلام وصلني عنها عقدت الجده حواجبها : هَو "كلمه تعجبيه. . بفتح الهاء وتسكين الواو " . . وش مسويتن بعد عمر : جاني قبل كم يوم واحد وتكلم معي عن عبير وانها مخططه على عايله أبو متعب جميعهم وانها بتسوي لهم بلا وشي مو بسيط . . وانا يايمه مب عارف وش اسوي الجده بعد تفكير : شوف يايمه . . أختك لازم تعرف بالحقيقه طيب أو بالغصب . . في البدايه كنت ماني مهتمه بإنها تعرف الحقيقه الحين قبل مايوصل لأبومتعب وعياله لازم تعرف بكل شي . . هذولا ياامي غسلوا مخ البنت وماخلوا بها عقلن تفكر هذا صح وهذا خطأ عمر : تشوفين كذا ياامي الجده : ايه ياولدي شوف لك أقرب وقت وقلها عمر : يصير خير ’، في الرياض . . قبل الروحه للشرقيه بيوم بالكوفي . . كان عبدالاله وبدر جالسين ويسولفون بمواضيع كثير بربعهم اللي مازالوا يدرسون بوظايفهم بالصعوبات والمشاكل اللي واجهتهم حتى انفتح موضوع الزواج . . عبدالاله : وكيف حالك مع ايلاف ابتسم بدر : الحمدلله من أفضل مايكون عبدالاله : الحمدلله . . ماحددتوا متى الزواج ؟؟ بدر : ع الغالب بعد العيد انت شايف حاليا ماعاد فيه اجازه صيفيه يعني شهر 8 صعبه الواحد يسوي زواج الا اذا عائلي واحنا تونا مملكين يعني ماصار لنا وقت فالأفضل بعد العيد عبدالإله : بدر بدر : وش فيك عبدالاله بتردد : بدر انت عارف اني اعتبرك أخ لي وخواتك خواتي استغرب بدر من هالمقدمه : أكيد ياخوك . . بس وش له هالمقدمات عبدالإله : بصراحه أنا غرت منك ودار موضوع الزواج براسي . . بدر وهو مبسوط : زين زين يارجال لو داري اني بحرك غيرتك كان من زمان عبدالاله : بما ان مالي خوات وامي حرمه كبيره ومافيها تدور لي وكذا . . فَ أبيك تشوف خواتك وتسألهم يعني وكذا ابتسم بدر : ابشر ياخوك ماطلبت شي بسألهم وبرد لك واذا ع المواصفات انت قولها لأمك وبخلي وحده من البنات تكلمها تشوف المواصفات اللي تبي . . عبدالاله : لا اختصار صفاتي ماتقل عن صفاتك . . يعني عموما هز بدر راسه بتفهم ووقف : ياللا عبود تبي شي عبدالاله : وين تونا 9 وشوي بدر : لا تأخرت بروح للبيت أريح شوي تعرف أول ماطلعت من الدوام جيتك وبكره وراي سفر عبدالاله : أأأخ لو مااخذت اجازه قبل كم اسبوع كان وقتها معك وجيت معك . . بدر : زين انك أخذتها ملاحقني حتى بسفري عبدالاله : هين نشوف خلك تتصل وتقول اشتقت لك ونتقابل بدر: ههههههههه وانا استغني . . ياللا نشوفك على خير وقف عبدالاله وضم بدر بيبتعد عنه اسبوع بالنسبه له كثير : ياللا تروح وترجع بالسلامه بدر: الله يسلمك . . ياللا فمان الله ’، في بيت أبو سعود . . بالصاله كانوا البنات جالسات . .أمل - رهف - رغد ويسولفون . . ويخططون لسفره الشرقيه أمل : الله اخيرا بنرجع أيام العزوبيه رغد : والله كانت بتكمل لو كنا موحوامل حتى نفلها رهف : ههههههه كل وحدها طارده رجلها . . أمل : يااختي خن نرتاح شوي من متى نفتك منهم رغد : أجل أنا مااحد قدي مريحه أمل بنص عين : لاتتوقعين ساكتين كذا رغد بدون اهتمام : مايهم أهم شي مرتاحه واللي براسي يصير رهف : انتي بس لو تقولين وش اللي بينكم ع الأقل لواحد كبير يفهم ويحاول يحل السالفه أبوي أو سعود رغد بشويه غضب : وانتو لازم تنكدون علي . . أنا كذا مرتاحه بلا قلق رجال بلا هم وليته بعد ماكان فيه زوج وزواج كان أريح أمل وهي مستغربه من كلام رغد : يابنت استغفري ربك وش ياليته ماكان فيه زوج . . لاتزلين رغد ببرود : الله يخليه لأهله ماقلت شي بس ان شاء الله بدل الترمل اللي فهمتوه طلاااق شهقه انطلقت من رهف وأمل . . أما رغد مااهتمت من شهقتهم . .تو أمل بتتكلم الا وقطع عليهم دخول بدر بدر: سلاام على خواتي الحلوات رغد وهي مبتسمه : وعليكم السلام على أخو رغد الحلوه أمل بعصبيه من كلام رغد : انتي خلك معي وش هالكلام اللي قلتيه رغد : وش قلت ماقلت شي رهف : تستهبلين رغد : أوووه . . شوفي انتي وياها أنا جايه هنا أريح راسي ماجيت تزيدوني هذا قرار واتخذته وماابي أي أحد يتناقش معي فيه أمل : أقول هذا مهو لعب بزر... قطع كلامهم ونقاشهم الحاد بدر اللي متسند ع الباب وكان في البدايه مآخذ وضعيه المتفرج . . وحب ينهي النقاش أو يأجله لبعدين لأنه عارف بحاله رغد وان أي انفعال منها مهو أبد من صالحها بدر : أقووول انتي وياها خلوني أنا جاي فرحان وابي منكم فزعات أمل واللي مازالت معصبه : بدر انت ماسمعت وش قـ... بدر واللي قاطعها من جديد : أمل خلااص عاد . . المهم انتي وياها أبي منكم خدمه رهف واللي حبت تتفاعل معه حتى ترتخي الأعصاب شوي : آمرنا ياخوي ابتسم بدر: مايامر عليك ظالم . . رفيقي عبود عرفتوه ؟؟!! رغد بإستغراب : عبود !! من هذا ؟؟ بدر: رفيق البعثه والدراسه عبدالاله . . المهم هو ماعنده خوات وامه كبيره في السن وتعرفون ذوق العجز وان اهم ماعندهم الأخلاق . . فهو قالي . . اذا تعرفون بنات وكذا ترشحونه له رهف : بس ياخوي هو مانعرف شروطه وكذا بدر: شوفو هو معتبركم خواته واللي تعجبكم رشحوها عاد أنا بقوله وهو من حقه بعدين الشوفه الشرعيه . . أمل : أنا من ناحيتي أقول جنان أخت بندر . . الأهل وعارفينهم والبنت أظمنها لك أخلاق رغد واللي ابتسمت : وانا ارشح لك بنتين ليان اخت متعب و ريدا بنت عمة متعب رهف بنبره حزن : وانا لو ريم الله يرحمها مازالت حيه كان رشحتها لك الكل ترحم عليه وخيم عليه الحزن . . بدر وهو يغير الجو : شه كل وحده رشحت اخت زوجها . . آه منكم يالحريم أمل : اكيد وهو فيه أهم من الرجل بدر: انتي ومعروف وقاضين منك من أيام الملكه ويا مراهقتك مع بندرك أمل : هههههههه . . يااخي عادي ثنين ومخطوبين "مملكين" شي طبيعي تصير فيه مراهقه وكذا بدر: عاد انتي وياه بصقتيها . . "قرب من رهف ورغد اللي كانو جالسات على كنبه وحده وحب يحارش رغد " رفعت رغد راسها له : وش تبي بدر : افسحوا لي تعبت وانا واقف رهف : الحين كل هالاماكن وما احلولى الا هالمكان بدر : عاد خواتي ومشتاق لهم رغد : الحين ماتشوفنا كل وحده وبطنها قدامها وتبي تضيق علينا وين تجلس بدر بعناد بزران : مانيب فسحوا لي عاجبني هالمكان رهف : مايكفي بدر : وش شايفتني فيل !! رغد بسخرية وهي تقوم حتى تهرب : لا زرافه وهربت بالسرعه اللي تقدر عليها . . هنا تعالوا شوفوا بدر اللي تسدح من الضحك على شكلها وهي تسرع يقالها انها اسرعت الحين ماتدري ان خطواتها السريعه هذي بخطوتين منه يقدر يتعداها مو بس يوصل ويمسكها ’، دخل الغرفه وشافها جالسه على الكرسي والطاوله أمامها وبيدها دفتر الأذكار تقراه . . جلس بالكرسي اللي امامها ولنتظرها حتى تخلص . .لما انتهت حطت الدفتر على الطاوله والتفتت له كلمها بصوت ملاه الشوق والحنين : بسمه . . مازلتي شايله بخاطرك مني بسمه بعتب : لو ماانت غالي ماشلت بخاطري أبوأحمد : سامحيني يا بسمه بس والله ماكنت بوعيي بسمه : وش اللي خلاك تروح لهم أبوأحمد : كنت أبي أنفذ وصيه فهد لما طلبني أروح وآخذ الأغراض وأنتقم بسمه : كان بإمكانك تنفذ بدون ماتدخل نفسك بمشاكل وبلاوي انت بغنى عنها وانت عارف انهم عصابه . . كنت تقدر تدل الشرطه على مكانهم وينتهي كل الموضوع ولا تجلس تشتت عيالك وزوجتك أبوأحمد بندم : مافكرت الا بكلام فهد . . أرجوك يا بسمه سامحني بسمه : صعب ياناصر صعب أبوأحمد برجى : عشان العشره يابسمه . . ماتشفع لي بسمه والدموع بعينها : كل ماتذكرت ضربك لي وكل ماشفت ريدا وحالتها وتذكرت كيف كانت . . مااقدر ياناصر مااقدر ابتسم ابوأحمد بحزن ووقف وباس جبينها : بس يالغاليه . . بيجي اليوم اللي تفرحيني فيه بسماحك ومشى خطوات الا وصوت بسمه موقفته : وسلمان ياناصر التفت لها : سلمان خطيب بنتك وبيكون قريب زوجها بسمه : بس أنا موراضيه عليه أبوأحمد : بس هذا ولد فهد وهو اللي بعد الله له الفضل في براءتي بسمه : دامه كان معاك بهاذيك الأيام ماينضمن أبوأحمد : بس أنا أظمنه لك يابسمه " وأقفى أبوأحمد وطلع برى الغرفه قبل تتكلم من جديد بموضوع الخطوبه لأنه لايمكن انه يتراجع عنها هذا سلمان ولد فهد الغالي عليه . . ’، عند عرايسنا اللي كانوا مجتمعات في بيت الجده وكل البنات معاهم . . بما ان الزواج كلها يومين وهذي هي ليله الحنا وبعدها يوم الزواج . . الوقت كان قريب الفجر والبنات ناموا بعد مااحيوا الليل ضحك وسوالف . . الا ليلى ودينا كانوا بالصاله التابعه لجناح دينا ويتكلمون عن استعداداتهم وشعورهم . . دينا : أحس اني بحلم مااصدق ان بس باقي يوم أنامه في بيتنا وبعدها أنتقل لبيت ثاني ابتسمت ليلى : على قولتهم هذي سنه الحياه . . شخبارك مع عمر كتمت دينا ضحكتها : حزنانه عليه والله ليلى : هههههههه . . وش فيه دينا : أبد بس يدق وماارد ويرسل بالواتس وأشوف ومطنشته بالاخير قام يتوعد ليلى : ههههههه . . أجل عندنا وعندك خير دينا : هههههههه لايكون أحمد بعد ليلى : هههههه اكيد وفيه غيره يقول بطلع هالايام اللي تتغلينها من عينك دينا : هههههههههههههه . . عذبتي ولد اختي ليلى بطنازه : وولد الناس وش حالته دينا جت بتتكلم الا وقاطعهم دخول لينا الصاله عليهم : انتو مانمتوا ليلى بإبتسامه : جمعه عرايس وش يجيبك انتي بينهم جلست لينا : العرايس مايصلح لهم السهر تخرب بشرتهم دينا : هقوتك كذا لينا : اكيد بعدين السهر يسبب التجاعيد في البشره فزت دينا : أجل تصبحون على خير "وراحت ركض للغرفه أما ليلى ولينا فضحكوا عليها ’، باليوم التالي دخلت المستشفى بعد مااتصلت تتأكد من وجوده . . توجهت للريسبشن . .ارتفع راس الموظف لما حس بأن أحد واقف أمامه : أهلا اختي أقدر أخدمك تكلمت وهي خايفه ان وقت دوامه يخلص : حبيت أسألك عن مكتب الد.متعب الموظف : مكتبه بالدور الثاني يمين راح تلقين لوحه بالقسم . . بعد اللوحه أول غرفه على اليسار تكلمت بسرعه : شكرا اخوي " ومشت بسرعه وتوتر حتى تلحق ركبت الأصنصير وهي تضغط الدور الثاني . . تأخرت بالجيه له وهذا اللي عجلها . . أول ماانفتح الباب تتبعت الوصف اللي قاله الموظف بعد اللوحه أول غرفه جتها على اليسار وقفت عندها وهي تقرا الاسم معلق على الجدار بجانب الباب "الد. متعب محمد الـ... " دخلت وشافت مكتب السكرتير فاضي حمدت ربها لأن مافيها على الانتظار وبعدين السماح توجهت للباب حق مكتبه وضربته . . سمعت صوته وهو يسمح لها بالدخول دخلت بهدوء وهي تسلم : السلام عليكم رفع لها راسه بتفاجؤ لما سمع صوتها ووقف .... ’، سبحان الله وبحمده . . سبحان الله العظيم انتهى . .