كيف تجرح لك خفوق يعشقك بسكات - الفصل 26 - بقلم S3b Atrjak - مكتملة | روايتك

البارت السادس والعشرون ][ ’، دخل والابتسامه شاقه وجهه : طال عمرك اللي خططنا له نجح التف عليه بالكرسي وبفمه سيجاره وبإبتسامه خبث : وكيف الوضع ..: كل شي تمام وماراح يطلع منها ضحك والخبث مالي وجهه برااافووو عليكم ، الحين رح لسطام فيه هديه لك رد بفرحه : حاضر طال عمرك ، ومشكور وماقصرت حط السيجاره بفمه وهو يسحب منها وسارح بمصير المسكين اللي تورط بدون اي ذنب منه والله وجت نهايتك ياابو أحمد ’، جلس بهدوء على الكرسي : والحين وش مصيركم حط يده بين راسه واصابعه متخلله شعره وبضيق وقله حيله : مااعرف يامتعب والله مااعرف انا والله ماني شاك فيها وعارف تربيتها صح بس كل ماجت عيني بعينها او شفتها اتذكر الخسيس اللي شافها كل مايجي ببالي ان زوجتي فيه احد غريب شافها وصورتها بين يديه وممكن يسبب أذى لها وانا مابيدي شي أنغبن زود ، واللي يقهر ان الرقم بإسم عامل يعني صعب كثير الاقيه تنهد متعب بضيق : الله يكتب اللي فيه الخير ، خلاص خلها عندنا وأنا بفهمها الموضوع هز صقر راسه وهو ساكت بعدين قال : وش اخبار حريمك ضحك متعب : ههههههه حريمي ، امس جبت رغد والحمدلله حالها ماعليه ولو ان شكلها ابد موعاجبني صقر : ليه متعب :مصفره وناحفه و على كلام بدر ان وحامها لحد الحين وتغذيتها ونفسيتها مره سيئة غير آلام تشتكي منها بظهرها بأقل مجهود صقر : ماشاء الله عليك وانت جالس قم قامت قيامة عدوك ودها للدكتورة متعب ابتسم : انا حجزت لها موعد شوي وبروح اجيبها صقر : طيب وعليا متعب ابتسم ولهفته وشوقه وضح عليه : اوه يااني مشتاق لها حييييييل صقر بضيق : لهالدرجه متعب : واكثر انشغلت عنها كثير بهالشهرين اليوم بروح لها واشوفها صقر : طيب يالله فارق خلني أشوف شغلي ، " وبحزن كمل " ولاتنسى موضوعي متعب : ان شاء الله والله ييسر الامور صقر : آمين متعب وهو واقف : سلام ’، فتح باب السياره وهو يسنده بخوف : الحين ليه ماتخليني اوديك الدكتور اتطمن عليك بصوت ضعيف يملاه التعب : بسام انا وش قلت كله انفلونزا وهي اللي مسببه حالتي انت تعرف لما اتعب كيف اكون دخلو البيت وهم يحاولون مايطلعون صوت حتى ماتحس جدتهم وتقلق بس لللأسف الجده كانت طالعه من غرفتها بعد ماصلت الضحى وشافت شكل أسامه وكيف بسام سانده عليه وتلكمت بخوف : وش فيه بسام يحاول بطمن جدته : لاتخافين يمه بس مجرد صداع الجده بخوف وهي تقرب لمهم : صداع وانت سانده لاتكذب علي يابسام تكلم اسامه بتعب : يمه والله مجرد صداع بسام وهو حاس بثقل جسم اسامه عليه : يمه خليني اوديه لغرفته يرتاح واجيلك ’، هز راسه بأسف : صعب يااحمد التهمه لابسته ، وهو مومساعدنا بالكلام ، لو بس يتكلم كان قدرنا نساعده احمد بقله حيله : بس مشاري انت عارف انه مظلوم مشاري : ايه عارف واحنا سمعنا منه انه ماله علاقه بس مافيه دليل ابوك يااحمد متهم بتجاره المخدرات والتبادل كان في بيت وهالبيت مسجل بإسمه والشرطه لقت كمية كخدرات في البيت هذا اولا غير كذا ان تسليم المخدرات ملقيه على ابوك وانه اهو اللي كان يسلم المخدرات يعني القضيه شوي معقده وصعبه بعدم وجود اي دليل يثبت براءه ابوك انهار احمد بعد كلام المحامي متعب عن ابوه ، خلاص انتهى كل شي القضيه لابسه ابوه ، سمعتهم بتروح فيها، سيرتهم بتكون على كل لسان من كان يتوقع ان ابو احمد اللي سيرته الحسنه عند الناس قبل سنه وشوي تقريبا تتحول فجأة لسيرة سيئة ويصبح ابوه من راعين المخدرات ، حس احمد بشي يكتم على صدره ضغوطات خارجية كلها اقوى من طاقته وتحمله حس بضسق في التنفس اخذ كمية هوا ونفثها من فمه وقف وعلى وجهة ابتسامه باهته صفرا مد يده لمتعب احمد : مشكور مشاري مشاري بأسف : اسف يااحمد بس انا بحاول اسوي اللي اقدر عليه وابحث احمد : ماقصرت مشى احمد بيخرج من مكتب المحامي بس حس انه ماهو قادر يكمل مشي يحس ان الاكسجين بدأ ينفذ من الغرفه والظلام بدا يآخذ مجراه في عالم احمد وغاب احمد في الظلااام ’، دخل الكفي وتلفت فيه حتى استقرت عينه على شخص قرب منه بسرعه ووقف قدامه ، بالمقابل أول ماانتبه الشخص لوقوفه قدامه وقف بفرحه : بديييييييير ضحك بدر وهو يضمه : هههههههه يالدب والله ماتوقعت بشتاق لك ابتعد عنه : من متى يااخي والله من وقت ماشفنا بعض والتقينا الله يذكر ايام الدراسه اللي خشتي مقابله خشتك 24 ساعه بدر : ههههههههههه يااخي خلني افتك منك شوي وارتاح من وجهك مقابلني 6 سنين لاعت كبدي منك عبدالاله : يالحمـ|... وأنا اقول اني اشتقت ومدري ايش وانت تقول بفتك منك مالت على اللي يشتاق لك بدر: هههههههههههههههههههههه ،،والله بجد اني اشتقت لك واشتقت لأيامك ، الله بس يعدل هالدوام اللي طلعت ريحتي منه عبدالاله : ههههههههه ايه اصطلب ,, ليه دوامك فيه مواعيد كثير بدر: تقدر تقول هالشي يعني نادرا مايخلى انت عارف اني بمستشفى الـ... وهذا من المستشفيات الكبيره يعني الناس اغلبيتهم عليه عبدالاله : الله يعين والله هالدوامات تاخذ الوقت كله بدر: الواحد متى يلقى فرصه يشوف اهله ودي اقدم على اجازه من كثر هالكرف بس توني ماصار لي الا حول ال5 شهور عبدالاله : عزم وخلنا نروح نشوف الربع برى والله اشتقت لجمعتنا ، نرووح نعيد أيام الدراسه بدر : عصام وجاسم ومشعل هالخبلان والله لهم فقده مدري وش الدنيا بهم عبدالاله : انا كلمت جاسم قبل كم يوم والاوضاع عندهم تمام "وبإبتسامه " حتى ايلاف مثل ماتركناها ابتسم بدر لكلامه : تدري عبود هالأيام تدور ببالي موال عبدالاله : اللي هو بدر: ودي أفاتح أهلي عن ايلاف عبدالاله : تتوقع أهلك بيوافقون ؟! بدر : من ناحيه الدراسه لو قصدك هذا عادي خصوصا اني انا كنت معها أكثر من سنتين وعارفها وعارف اخلاق البنت ومن ناحيه النسب هم صحيح عائلتها مستواها المادي متوسط بس مااعتقد بيرفضون أو يعارضون هالشي عبدالاله : والله اذا انت واثق من أهلك فتقدم بهالخطوه البنت ماعليها من جميع الجهات بدر : الله يكتب اللي فيه الخير عبدالاله : آمينن ’، تناظر شكلها بالمرايه الطويلة حبت شكلها وهي حامل مع بطنها البارز بشكل خفيف كانت لابسطه بنطلون رمادي وبلوزه طويله تركواز فيها تزميم من عند الصدر وبعدها تتوسع ولبست اكسسورات ، اخذت العطر ورشت ومسكت جوالها وطلعت من الجناح مشكت بالممر وهي تحس بهدوء كئيب في البيت دخلت الصاله ماشافت احد تعلقت عينها بالساعه المعلقه بالجدار كانت تشير ل5 وربع غريبه البيت يطلع هدوء وين هبه وخالها وين لينا وليان وين التوأم ، جلست وهي تحس بملل متعب من بعد موعد الدكتوره ماجا ، راحت وتطمنت على الجنين وسبب الوحام اللي لين الحين وانه شي طبيعي لأن فيه حريم يبقى الوحام معهم لنهايه الحمل واآلآم الظهر كذا شي تطمن متعب منها اما هي فكانت عارفه لانها راحت المستشفى بالرياض نزلها للبيت وحذرها من كثره الحركه لأنها بتضر ظهرها اكثر تأففت ومست جوالها وبدت تدردش مع نورة شوي اعتذرت نورة منها قررت حتى تطلع من الطفش اللي فيها تروح تسوي كيكه لقهوة المغرب راحت لجناحها وبدت تتأكد من الاغراض وابتدت بالخطوات اقل من ربع ساعة ودخلتها الفرن وركدت المنبه على ساعه الا ربع راحت لصاله الجناح اخذت الايباد وبدت تطقطق عليه لحد مارن المنبه وراحت وشافت الكيكه وطلعتها تبرد شبت على القهوه واتصلت على المطبخ اللي تحت وطلبت من الشغاله تجيب لها حليب نستله وماتصلح قهوة لأنها هي بتصلحها مع الكيكه وراحت تصلي المغرب لأن دخل الوقت خلصت صلاة وطلعت عند باب الجناج شافت في الرف الحليب " فيه رف عند باب الجناح الخدم يحطون فيه اغراض تابعه للجناح مثل وجبه او اي غرض للجناح " اخذت الحليب وراحت للكيكه حطتها في صينيه وزينتها بالحليب وشوكولات الهيرشي وهي تزل القهوه ماانتبهت للباب اللي انفتح ودخل متعب اللي انتبه انها بالمطبخ ووقف عند الباب وهو رافع حاجب غطت القهوه والتفتت بتحطها على الطاولة وشهقت من الروعه لما شافته : بسم الله متى جيت تقدم متعب وقرب عندها : بسم الله عليك .. تو الحين دخلت رغد : طيب حلو ، ساعدني ونزل هالاغراض متعب بضيقه خفيفه : انا ماقلت لك لاتسوين شي رغد : انا ماسويت شي عادي ماحسيت اني تعبت متعب : بس يارغد الدكتورة منبهتك على الحركه الكثيره بتتعبك وانتي خلقه تعبانه يعني المفروض أغلب وقتك على السرير منسدحه رغد ابتسمت بهدوء : لاتخاف متى ماحسيت اني تعبانه برتاح سكتت رغد شوي وهي تفكر ومااانتبهت الا على صوت متعب : القهوة والحلى اخذهم هزت راسها وبعدين قالت : متعب التفت لها : نعم رغد وهي حاسه بشوية احراج لأنها نادر ماتطلب من متعب طلبات مثل كذا : انت خلصت دوامك ولا بترجع بعد شوي متعب بإستغراب : لا خلصت ليه تبين شي رغد وهي منزله راسها : ااامممم عادي نطلع انا وانت اليوم ونتعشى برى وقف متعب وحس وش كثر هو ظالم رغد حس بنفسه حقير لأنه مقصر مع رغد بالجلوس عندها والطلعات الخاصه معها قطع عليه تفكيره صوت رغد رغد اللي تكلمت بضيق حاولت تخفيه بس باين بصوتها وملامحها بعد ماشافت سكوته الطويل مرت من عنده وخذت صينيه الكيكة وقالت وهي بتطلع من المطبخ : خلاص مولازم وطلعت رغد من المطبخ ، اما متعب حس انه مااستوعب فجأة كذا وماامداه يصحى من تفكيره الا رغد ماخذه الصينيه منه وكلامها وخروجها السريع استوعب وراح بخطوات سريعه عل وعسى يلحقها شافها بآخر الدرج بتدخل للصاله كيف وصلت بهالسرعه شكلها من الضيق كانت تنزل بسرعه خفيفه مناسبه لوضعها ، ناداها بس هي طنشته ودخلت الصاله هز راسها بضيق وكمل مشيه لحتى دخل عندهم بالصاله ’، بعد مرور الايام رغد داومت بالجامعه وهذا هو الاسبوع اللي يسبق الاختبارات النهائية حاسه بطفش وهالطفش ماهو غريب بما انها اخر سنه ككانت مستغربه من وجود لينا الطويل بالبيت وانها ماهي عند رجلها وحست ان فيه مشكله كبيره بينهم لأنها متغيره كثير اغلب الوقت ساكته وسرحانه غير النحف الواضح ، فزت من سرحانه بحركات جنينها ، ابتسمت وهي تحط يدها على بطنها مكان الحركه ووقفت بتروح عند هبه اليوم ماكانت معهم على القهوه لأنها تعبانه شوي فجلست بجناحها ، سكرت باب الجناح وتوجهت لجناح هبه رن جوالها وشافت المتصل امها وقفت بالممر وردت رغد : هلا بالغاليه ام سعود : هلابك يمه كيفك ، وكيف عمتك ومتعب والبنات رغد : الحمدلله كلنا بخير يمه انتي بشريني عنك وعن ابوي واخواني ام سعود : الحمدلله بخير ، وينك ياكافي ماتقولين عندي اهل اسأل عنهم قطعتي مره وحده ضحكت رغد : هههههه اعذريني يالغاليه والله عارفه اني مقصره بس انتي عارفه الحين وقت امتحانات والله يالله الحق على الاشياء اللي ناقصتني وافهمها ام سعود بحنان : الله يوفقك يابنتي ويقومك بالسلامه ابتسمت رغد : امين يالغاليه كثري من هالدعوات محتاجتها والله ام سعود: بدون ماتوصين ، يالله مااطول عليك اهتمي بنفسك وببيتك يمه رغد : على امرك ام سعود : مع السلامه رغد : في أمان الله دخلت رغد الجوال في جيب البنطلون ووقفت عند باب الجناح وضربت الباب بخفه وانتظرت شوي ومالقت اي رد استغربت ونزلت تحت ونفس الحاله اللي بأغلب الايام البيت هدوء رهيب فقدت التوأم وحبت تروح تشوفهم راحت للمطبخ وشافت الخدامه رغد : لان عبود ولمور وين لان : في روح مع ليان ولينا مدام رغد : ومدام هبه لان : مدام هبه في جناح رغد : بالجناح غريبه ، انتي متأكده لان لان : يس مدام انا قبل 2 ساعه في ودي ووتر لمدام في جناح رغد : طيب ومستر محمد لان : مستر محمد مافي يجي لسا هزت رغد راسها : طيب لان سوي لي سلطه وجيبيه لجناحي لان : ان شاء الله مدام طلعت رغد من المطبخ ورجعت لجناح هبه ، اليوم ماشافتها وتبي تتطمن عليها وصلت للجناح ودخلت على طول بما أن هبه لحالها مشت بالصاله الكبيره حتى وقفت عند باب الغرفه رفعت يدها بتضرب الباب بس تجمدت يدها لما حست بصوت الم وبكى فتحت الباب بسرعه ودخلت الغرفه شافت هبه ومنعكفه على نفسها وتبكي بألم، مشت لها بسرعه وبشوف : هبه وش فيك رفعت هبه رأسها بفرحه والدموع وملامح الألم على وجهها : اممم رغد شكلي راح أولد اااااه رغد بصدمه : كيف بس انتي مابعد دخلت شهرك هبه بألم وهي تبكي : رغد بسرعه دقي على محمد ارتبكت رغد من بكى هبه ورفعت جوالها دقت على ابومتعب ومارد ونفس الشي متعب دخلت جوالها بجيبها سحبت سماعه التلفون اللي ع الكومدينه ودقت رقم المطبخ سامينا : يس رغد بسرعه وهي تسمع بكى هبه : سامينا كريم موجود سامينا : يس مدام رغد: خبريه يجهز السياره و تعالي انتي ولآن بسرعه بجناح مستر محمد سامينا : أن شاء الله مدام سكرت رغد السماعه وراحت جابت عبايه هبه ولبستها شافت لان جايه رغد : تعالي ساعديني ننزل مدام تحت ركضت لان ونزلو هبه اللي تبكي من السرير وبدو يساعدونها ع المشي شافت رغد سامينا جايتهم : سامينا جيبي عبايتي بسرعه سامينا : حاضر مدام ساعدوها لحتى نزلو لتحت أخذت رغد العبايه من سامينا وطلبت منهم يؤدون هبه للسياره لبست عبايتها بسرعه ولحقتهم، ركبت السياره : كريم بسرعه للمستشفى حرك كريم وكانت رغد تحاول تهدي من هبه هبه وهي تبكي من الألم : رغد بمووووت اااااه رغد اللي بكت من الخوف : حبيبتي الحين بنوصل تحملي التفتت على كريم : كريم لما نوصل تنزل بسرعه تطلب ممرضات يساعدونا فهمت هز كريم راسه وقال : ان شاء الله مدام دقايق ووقف كريم ونزل بسرعه ثواني الا والممرضات جايات وأخذوا هبه ودخلوا غرفه الدكتورة اللي على طول أمرت يودونها غرفه العمليات ووقعت رغد على العمليه عند متعب كان طالع مع عليا يتمشون، فارشين لهم فرشه على الواجهة البحرية وجالس يسولف معها رن جواله شاف انه رغد طنش وكمل كلامه : ايوه اقولك انه كان" وقطع كلامه جواله اللي رن من جديد بإسم رغد" عليا : رد متعب وهو يمسك الجوال ويصمته : لا مب لازم فرحت عليا كثير على حركه متعب وانه مازال يبيها ومانساها لما جت هنا وعلى طناشه لرغد اللي دقت كذا مره ومااعارها أي اهتمام وهو يكمل سواليفه مع عليا ’، أما عند ابومتعب كان بإجتماع مع وفد على مناقصة وصمت جواله ونسى يفتحه بعد الاجتماع اللي استغرق 3ساعات ونص تقريبا، غير اجتماعه مع اخوانه بعد المناقصة لمناقشة بعض الأمور قبل التوقيع النهائي ’، نرجع عند رغد جالسه على كراسي الانتظار وهي حاسه برعب وفي بالها تتردد صرخات هبه كل شوي ترفع جوالها تدق على متعب أو ابومتعب بس مااحد يرد هي ماهي قد هالشي وأنها تكون لحالها هي منهاره وتبي أحد يطمنها كل شوي تطلع ممرضه وتدخل وهي تسألهم بس مافيه اجابه تطمنها بعد انتظار لمده 3 ساعات طلعت الدكتوره فزت رغد: طمنيني دكتوره الدكتوره وهي مبتسمه : اتطمني يابنتي، مبروك قابت ولد زي الأمر رغد : وهبه الدكتوره : الأم كويسه والحمدلله رغد بفرحه : الحمدلله طيب وش سبب ولادتها لأن توها على الولاده الدكتورة : يابنتي فيه كتير كدا بالشهر التامن بيولدو وكمان الشهر السابع رغد : طيب اقدر اشوفها الدكتوره : حاليا هي تحت تأسير المخدر شويه بس حتى تنتئل لغرفه خاصه وتأدري تشوفيها رغد : شكرا دكتورة ابتسمت وهزت رأسها وراحت أما رغد اللي انتظرت حتى تطمنت على هبه وخبرت أهلها برساله ع الواتس لأن مالها أي نفس تدق وتكلم ماتقدر أساسا تسولف طبيعي وهي حالتها كذا ومشت بتطلع من المستشفى ولما طلعت من البوابه شافت خالها ابومتعب جاي يركض وماهو منتبه لها رغد : خالي التفت ابومتعب ولما عرفها جالها بسرعه : وش صاير يابنتي لااراديا تجمعت الدموع بعين رغد وطاحت بحضن ابومتعب وهي تبكي ابومتعب صبت عظامه من الخوف ضمها له وهو يقولها كلمات مدري يريح نفسه أو يريدها ابعدها عنه : خوفتيني يابوك وش صاير مسحت دموعها وبصوت مرتجف : مبروك ماجاك خالي هبه جابت ولد ابومتعب بفرحه : وهي كيفها رغد : الحمدلله كلهم صحتهم تمام ابومتعب بعج ماتطمن على حاله هبه من رغد : الحمدلله لك يارب ، تعالي يابنتي ارجعك للبيت انتي تعبتي ومايصلح تتعبين زود وانتي حامل مشت معه وشافته يأشر للسواق يرجع ركبت سيارته وقالت له اللي صار معها واهو اعتذر لأنه مارد وخبرها انه اول مادخل البيت جاته لان وعلمته، وصلو للبيت نزلت رغد وعلى طول توجهت لجناحها تبي ترتاح تبي تنسى الخوف اللي تملكها من بعدين لما يجي وقت ولادتها خوفها من اللي شافته و ظهرها بدأ يالمها الشي اللي شافته اليوم يكفيها لسنه قدام دخلت جناحها رمت العبايه على الاريكه وانسدحت على السرير وغطت بسبااات عمييييييييييييق تريح نفسها من الدنيا هذي ’، دخلت المجلس شافت امها واختها وبنت اختها مرت اخوها : السلام عليكم الكل : وعليكم السلام دينا بتردد : يمه الجده : نعم دينا : يمه عمر يقول انه يبي الزواج بشهر 5 في اجازة الربيع الجده : طيب يمه اذا كان الوقت مناسب لكم ماعندي مانع دينا : بس يمه موبدري انا مابعد شريت شي الجده : لا يمه اذا هميتي بتخلصين باقي عندك شهرين السواق تحت يدك واختك وبنتها وحريم اخوانك شوفيهم عندك ومابيقصرون يايمه ترى طول مدة الخطبه ماهيب زينه وكثير ماتسبب مشاكل بين المخطوبين ، خليها بمده قصيره افضل ، ام طارق "جده عمر" كلمتني وقالت عن هالوقت وانا مارديت عليها لين مااشوف رايك دينا : خلاص يمه اللي تشوفونه ’، بالمقهى كانو الشباب كلهم متجمعين عدا متعب " سامي واحمد أسامه وبسام وسلطان " أحمد يساسر سامي : سامي ماقلت لي وش رد ليلى سامي بإحراج من أحمد لأنهم طولو بالرد عليه : اعذرنا يااحمد بس والله مدري كيف اقولك احمد بإستغراب : وش فيه سامي : ليلى تقول انك تستاهل وحده افضل منها مومطلقه أحمد : بس انا ابيها هي وانا عارف انها مطلقه سامي بقله حيله : والله قلنا لها بس مصممه على رايها أحمد بتفكير : يعني لو كنت مطلق عادي سامي : ههههههه شكله ايه أحمد : تساعدني ؟ سامي : في ايش !!! أحمد : أبي اكلمها وانا اخوك بحضرتك طبعا سامي : خلاص خلني اشوف لك وقت واقولك أحمد: بس استعجل وانا اخوك ضحك سامي : ههههههههههه ابشر نط بسام من بينهم : الحين انت وياه من اول ماجينا وكل واحد حاط فمه عند اذن الثاني وش السالفه سامي : هههههههههههه يااخي اسرار وش دخلك بسام وهو يناظرهم بطرف عينه :ايه يعنني انا ونسيبي الكل : ههههههههه ’، دخل البيت والساعه كانت 12 ونص بعد يوم جميل قضاه مع عليا دخل الصاله شاف ابوه توه بيطلع ينام ابومتعب : متعب توك تجي تقدم متعب وباس راسه : ايه يالغالي ، تبي شي ابومتعب : توقعتك بجناحك ، رح ياابوك تطمن على حرمتك متعب بإستغراب مع شويه خوف : ليه وش صاير ابومتعب واللي ضايق من متعب بسبب اهماله لرغد واللي ملاحظه من اول الزواج : اليوم ولدت هبه ورغد كانت معها لحالها وسندتها من فوق لتحت غير الاضطراب عشان الولاده وكله لحالها متعب بصدمه : هبه ولدت ابومتعب : ايه وجابت لك اخ متعب باس راس ابوه : مبروك يالغالي ويتربى بعزك ، والحمدلله على سلامتهم ابومتعب : الله يبارك فيك ويسلمك وعقبال حرمتك متعب : امين ابومتعب : روح ياابوك تطمن ترى البنت ماقصرت معك ولا معنا وانت مقصر معها حيل متعب باحراج : ان شاء الله يبه ’، صباح اليوم التآلي فزت على صوته : يالله حبيبتي وصلنا التفتت له وبتردد : بتنزل ابتسم لها يطمنها : اكيد بنزل أسلم ردت له ابتسامه خوف من تحت الغطاء من أول ماتزوجت ماقابلته لأنه مسافر والحين هو موجود يعني بتصطدم فيه وهي ماتبي هالشي هزها سعود ينبها : حبيبي تطمني ماراح يحصل شي ان شاء الله هزت راسها وهي تفتح الباب وتنزل من السياره ، نزل سعود معها وشافها واقفه عند الباب تحاول تفتحه بالمفتاح بس رجفه يدها الواضحه منعتها تقدم لها واخذ المفتاح منها ومسك يدها وضغط عليها يطمنها ، فتح الباب دخلت نورة ودخل بعدها سعود : روحي شوفي لي طريق هزت راسها ومشت عنه شافها وهي تمشي حتى اختفت عن انظاره تنهد بضيق هو مايبي يجيبها هنا بس مايقدر يمنعها عن امها ، امها لحالها حتى لو كان معها زوجها بس بعد مومثل العيال وفواز بالشرقيه فرك وجهه بخفه وانتبه عليها تناديه هز راسه وتقدم لها ’، فتحت عينها بقوة وبفزع من الحلم اللي شافته على طول مر ببالها احداث امس هبه والامها وصراخها تعوذت بالله من الشيطان وحاولت تطمن نفسها التفتت لمتعب شافته غاط بنومه شافت الساعه لقتها 7 ونص قامت بثقل وراحت لدورة المياه غسلت وتوضت وطلعت صلت لفت جلال الصلاه وطلعت من الغرفه راحت للمطبخ صلحت لها كوفي وطلعت للصاله وبدت تشربه بهدوء وسرحان فزت على متعب اللي جلس بجنبها متعب : صباح الخير رغد بهمس : صباح النور متعب : وش مصحيك بدري رغد رفعت اكتافها بمعنى ولاشي بدون ماترد متعب استغرب وش صاير اول مره يشوفها بهالحاله رفع يده وهز كتفها بخفه : رغد التفتت له بدون كلام متعب : فيك شي هزت رغد راسها بمعنى لا متعب : طيب تصلحين لي فطور رغد بصوت خفيف جدا : بتاكل هنا ولا بتاخذه معك متعب وهو يشوف ساعته : لا بآخذه لأن مافيه وقت تأخرت وقفت رغد وراحت للمطبخ تصلح له فطور وهو راح للغرفه وقف عند الدولاب بحيره ماتعود العاده رغد تجهز له كل شي هز راسه واخذ بنطلون جينز وبلوزه سودا عليها رسومات بالابيض راح للتسريحه اخذ ساعته السودا وتعطر واخذ شنطة اغراضه الصغيره وتأكد من اغراضه وطلع من الغرفه راح للمطبخ شاف حافظة صغيره فيها ساندويشات وانتبه على رغد تصب الكوفي بالمطاره الخاصه قفلتها واخذت الحافظه قربت منه ومدتها اخذها وهو مبتسم وباس خدها : مشكورة حبيبي يعطيك العافيه رغد جمدت بمحلها مو بعاده متعب يسوي كذا ولما استوعب ولع وجهها ، ضحك متعب : هههههههه ، يالله رغد انا رايح تبين شي رغد ومازالت الحمرة كاسيتها وبصوت مبحوح : سلامتك متعب : انتبهي على نفسك هزت راسها وهي ساكته متعب : مع السلامه رغد بهمس : بحفظ الله ’، ناظر للغرفه بخبث والله وطحتي بيدي وش بيفكك مني ’، ][ همســة ][ أستغفر الله العظيم وأتوب إليه