كيف تجرح لك خفوق يعشقك بسكات - الفصل 25 - بقلم S3b Atrjak - مكتملة | روايتك

البارت الخامس والعشرون ][ ’، دخلت عليه امه وهي شايله العشا وحطته وكل هذا وهو مومنتبه لها نادته بحنان : احمد يمه وش فيك انتبه لها وعلى وجهه ابتسامه باهته : لا يمه ولا شي بسمه : ياامي انت من كم يوم موطبيعي قولي يمه وش صاير احمد وهو يبدأ بالاكل : الله يسلمك يالغاليه بس مشاكل في الشغل بسمه : يااحمد لاتشيل هم الشغل كل شي بيتيسر ان شاء الله احمد : ان شاء الله : الا وين امي حصه بسمه : اليوم فيه زواج ورايحة له أحمد : ودينا وريدا بسمه : دينا عند خالك محمد وريدا توها راجعه كانت طالعه مع البنات يوسعون صدورهم شوي أحمد بتردد : طيب يمه كلمتي خالي ابراهيم ابتسمت بسمه : ايه يمه كلمته وهو ماعنده مانع بس بيشاور ليلى قبل أحمد هز راسه : الله يكتب اللي فيه الخير بسمه : آمين ’، جلست على السرير وهي تدق عليه للمره السادسه وتحصل نفس النتيجه مغلق، حطت يدها على جبينها وتضغط عليه دخلت عليها ليان : لحد الحين مارد لينا : لا، انا بس ابي اعرف ليه يروح بدون مايقول أو على الأقل يرسل رساله ليان : انتي سمعتي متعب ايش قال لينا : حتى لو ماله عذر ليان : خلاص هذي الحين وريحي وبكره ارجعي شوفي اكيد انشغل على هالمؤتمر اللي طلع فجأة لينا هزت رأسها وبالها مومعها ’، صحت من النوم على صوت جوالها، ردت بصوت ناعس : هلا رد عليها وهو مبتسم : أعتقد أن خطتنا مشت مثل مانبي صحصحت : ايش دراك ابتسم بثقه : عرفت بطريقتي ، أنا يزيد ياعبير .. المهم أنا بديت بهالمهمه وهذا انا نجحت المبلغ يكون في حسابي خلال 24 ساعه للمهمه الاولى تعدلت بجلستها : بس يزيد مابعد انتهى كل شي باقي لنا متعب وحياته وليان والاهم ابو متعب يزيد : أنا قلت المهمة الاولى ، المصايب اللي بتجي لمتعب واخته بتجيب اجل ابومتعب ، المهم انا قلت لك بكره اشيك على الحساب بهالوقت الاقي المبلغ ولو تأخرت ثانيه وحده افضحك عند العايله كلها ، سلام ياحلو سكر يزيد السماعه بوجهها اما هي كان على وجهها ابتسامه ’، حست الدنيا تدور فيها من الكلام اللي سمعته من نوره انفلت الجوال من يدها وطاح على الأرض وتنثر قرب منها متعب بخوف لما شاف ردة فعلها ومسك يدها توه راح يتكلم يسأل لكن هي كانت اسرع وارتخت مسكها بقوه قبل ماتطيح ونومها على السرير بخوف ضرب خذها بخفه لكن مافيه أي استجاب ركض وراح جاب مويه وبل وجهها حس بحركه في جفونها شوي وفتحت وكانت تناظر بتوهان لدقايق بسيطه وبعدها شهقت وانهارت بكي خاف متعب زياده ضمها لصدره يحاول يهديها لكن مافيه امل كانت تبكي بإنهيار وبكى يقطع القلب وهي شاده على نفسها بحضنه كأنها تبي تدخل جوا صدره طبطب عليها متعب وهو يسأل بخوف متعب : رغد وش صاير رغد : ....... متعب : يرحم امك رغد تكلمي خبصتي قلبي رغد بصوت متقطع من البكي : ريـ..ـم بنـ..ـت خـ.ـآلـتي متعب بإستغراب : وش فيها رجعت رغد تنهار من جديد وتصرخ بكلام مومفهوم خاف متعب عليها خصوصا أن البكي موكويس لها واليوم شافت مايكفي متعب ضمها : حبيبي هدي وفهميني رغد : هزت رأسها بحضنه وهي تتكلم بهمس متقطع وصله : مـ.. ـاآآ..تت هز متعب راسه بحزن وهو يحاول يهديها و يردد : لاحول ولا قوة الا بالله ’، اليوم الثاني انتشر خبر وفاة ريم وأنها فارقت الحياة للأبد بعمر الزهور ماتت وماخذت معاها شي غير عملها الرياض تمت الصلاه على ريم ودفنها وبدأ أبو تركي وتركي وابوسعود وعياله ومتعب بإستقبال المعزين في المقبره وبعدها توجهو للبيت وابتدأ البيت يمتلي من المعزين كان كل البيت صابر بهالمصيبة ويحتسب الأجر ويدعي أن الوضعيه اللي لقو فيها ريم تبشر بحسن خاتمه فهي كانت ماسكه المصحف رغد ونورة كانو بغرفة ريم كانت نوره تحاول تهدي من رغد بس الحياة لمن تنادي رغد مومتخيله أنها ماراح تشوف مرة ثانيه ريم ولا راح تتهاوش وياها ولا تتسيمج عليها بالليل بعد مافضى البيت الا من الأقارب استأذن متعب من المجلس وطلع برى وهو يرد على الجوال : هلا يبه أبو متعب : هلا متعب كيفكك وأخبار الجماعة متعب : الحمدلله على كل حال صابرين ابومتعب : الله يعظم أجرهم متعب : امين ابومتعب ؛ يالله يابوك انا بس حبيت اتطمن عليكم، وبكره أن شاء الله الصبح نكون عندكم متعب : أن شاء الله، متى الرحله ابومتعب : الرحله الساعه 6 الصبح متعب : على خير ان شاء الله توصلون بالسلامه، انا بإنتظاركم اجل ابومتعب : الله يسلمك، لا ياابوك خلكك مع جماعتك واحنا نجي بالتاكسي متعب : لا ياابوي انا بكون بالمطار انتظركم ابومتعب : أن شاء الله يالله انتبه لنفسك متعب : تامر ابومتعب : فمان الله متعب : بحفظ الله ’، عدت أيام العزى سريعه ورجع الكل لحياته لكن لازال الحزن على فقدان ريم موجود مر شهر على وفاتها وبيت ابوتركي كئيب كان موت ريم تارك اثر في البيت من بعد رجتها طلعت رهف من جناحها وهي تحس بهم من الجو اللي في البيت حاولت قد ماتقدر انها تخفف عنهم بس مانفع الكل عازل نفسه بقوقعه أحزانه حتى تركي شكله مبهذل صار له فتره ماحلق وهزيل تنهدت وكملت طريقها للصاله شافت خالتها سرحانه ووجهها حزين رهف : السلام عليكم خالتي ام تركي : وعليكم السلام باست رهف راسها : كيفكك ام تركي وادموع ماليه عينها : وكيف بيكون حالي بعد ريم ..وبكت ضمتها رهف وهي تحاول تهديها رهف: خالتي ادعي لها بالرحمه هي الحين محتاجه دعواتكك مولبكاك ام تركي : الله يرحمها ويغفر لها رهف : امين .. ابتسمت رهف : خالتي رفعت ام تركي راسها وهي تمسح دموعها : هاه يمه رهف : خالتي الحمدلله هي راحت للي أخير وأرحم مني ومنك والحمدلله خاتمتها تبشر انها خاتمه حسنه الحين علينا احنا اننا نبدأ بالأعمال وتكون بإسمها .. نبني مسجد ، نحفر بير ، أو نشتري براد ونحطها بمسجد نسوي عمل مستمر ينفها الحين ام تركي : الحمدلله على كل حال ، الله يرحمها ويغفر لها وانا ان شاء الله أول مايرجع أبوتركي بفاتحه بهالموضوع ’، طلعت من العياده ونفس النتيجه اللي حصلتها أوضاعها هالفتره من سيء لأسوأ والخوف انها تجهض بسبب هالشي من أول ماجت للرياض صابها نزيف وجلست بالمستشفى قرابه الاسبوع حتى تأكدو منها وحاليا شبه أسبوعي تروح للمستشفى تتطمن وشافت اخوها متسند على الجدار ينتظرها واول ماانتبه لها تقدم لها ومسك يدها بدر وهو يمشي معها: هاه حبيبي وش صار هزت راسها وصوتها باين التعب فيه : الحمدلله بدر : طيب والتعب اللي صار فيك رغد : قل اهتمام مثل ماقلت لكم هز راسه : طيب دامك عارفه بهالشي اهتمي ، رغد ياقلبي انتي الحين مسؤوله عن روحين موبس نفسك رغد وهي تركب السياره : طيب سكر بدر الباب وراح لجهته وركب وشغل السياره والتفت عليها : رغد عارف انك مليتي من الكلام هذا بس هذا هو الصحيح رغد والعبره خانقتها : بس غصب عني بدر بحنان : عارف ياقلبي بس ان الظروف هالفتره هي السبب بس اجبري نفسكك عاجبك حالتك كل شوي فاقده وعيك ومغذيات ومثبتات الحمدلله ماصار بالجنين شي لحد الحين انتي عارفه ان الحاله النفسيه لها دور وانتي حالتك جدا سيئه هذا لاسمح الله ممكن يسبب بإجهاضك رغد وهي باديه تبكي : بدر انت عارف ان ريم قريبه مني حيل يعني لاتطالبني بشي فوق طاقتي بدر: عارف حبيبي بس هذا يومها وكلنا حزنا عليها بس الحياة ماتوقف على موت شخص كلنا بنسلك هالطريق وهذا يومها والحمدلله موتتها تدل بإذن الله انها مرتاحه وتدل على حسن خاتمه انتي اكيد سمعتي انها ماتت وهي ماسكه المصحف رغد قلبي هي الحين محتاجه للدعاء بس مومحتاجه لبكاء هي ودعت هالدنيا بس تبي الدعا وتبي الاعمال الثانيه كصدقه اوعمره او او او رغد : الله يرحمها ويغفر لها ابتسم بدر وهو يلتفت أمامه ويبدأ يحرك من المستشفى : آمين عم السكوت بالسياره رغد تفكر بكلام بدر وفجأة تكلمت : بدر بدر : عيون بدر رغد : تسلم عيونكك أبي تساعدني التفت لها : بإيش رغد : راح ابني بير بإسمها في أحد الدول الفقيره فرح بدر من كل قلبه : حلو وانا معك حبيبتي بدر وهو يتلفت : وش رايك نروح نتعشى بمطعم رغد بتكشيره : لا مالي نفس لو بآكل برجع بدر : عشاني رغد : والله مالي نفس بدور بدر : طيب مره ثانيه بس ترى ماراح اسمح رغد وهي مبتسمه : ان شاء الله وصلو للبيت ودخلو الصاله فزت ام سعود : هاه يمه وش قالو بدر وهو طالع لغرفته يبدل : خلها تقولك رغد وهي مبتسمه ابتسامه صفرا : الحمدلله بس يبي لنا نهتم شوي ام سعود : طيب بروح اجيب لك شي تاكلينه رغد وهي تنسدح تريح ظهرها : لا يمه مومشتهيه ام سعود : موعلى كيفك ’، رد بصوت متنرفز : صقر انت وش تقول صقر : اللي سمعته متعب وهو واصله حده : من جدك انت مستوعب اللي تقوله صقر بصوت عالي : متعب عندك حل قولي شهر وانا حالي وحياتي كلها منقلبه من بعد الرساله متعب : بس اللي قلته مو حل صقر : لا حل أريح لي وأريح لها متعب : يعني اللي فهمته من كلامك انك مصدق كلام الزفت صقر : لاااااااا مومصدقه بس انت ماتعرف وش احس فيه ، تخيل واحد يجي ويقولك انا معي صور زوجتك وش بتسوي أنا واثق من اخلاق لينا وواثق من تربيتها ومااشك فيها بس مجرد مااتخيل ان فيه شخص شافها ماهو محرم لها نار بصدري تشب وربي مايطفيها الا ذبحه ، أنا اخذت لينا من اسبوع بس والله موقادر المسها ولا قادر ارجع طبيعي مثل قبل غصب يااخي والله غصب متعب : صقر بس الطلاق موحل لا تستعجل ياخوك ولو على هالشي أنا لمن ارجع للدمام بجي آخذها وأرجعها للبيت وافهمها كل شي بس ياخوي لاتستعجل بالطلاق صقر وهو يسلكك : طيب متى بترجع متعب وهو يشوف انتظار من عند عليا : 3 أيام بالكثير انا الحين دخلت الرياض بروح للأهل وبشوف اخبارهم صقر : توصل بالسلامه متعب : الله يسمك ، يالله اشوفكك صقر : سلام سكر متعب السماعه ورما الجوال بقوه وضيق على المرتبه اللي بجانبه ومومهتم بإتصالات عليا ’، دخلت ام سعود ومعاها صينيه فيها اكل تقدم بدر وجلس : الله يالغاليه والله جا بوقته جوعااان حطت أم سعود الصينيه ومد بدر يده بياخذ، ماحس الا بضربه على يده : هذا حق رغد ، شوي وبجيب العشاء بس انتظر ابوك بدر وهو يفرك يده بعبط : احح يمه يوجع، وبعدين عادي بآكل الحين وبآكل لما يجي ابوي ، جوعااااان يمه أم سعود : انثبر، التفتت على رغد : يالله يمه كلي رغد وهي اللي كانت تضحك بخفيف على بدر : يمه مومشتهيه بدر مد يده ثانيه بياخذ : توفرين ضربت أم سعود يده من جديد : انقلع جب المويه وعلاجها ، وانتي كلي ماتشوفين شكلك كيف مهملته بدر وهو يناظرها بنص عين : الله يالدنيا يارغيد وقمنا ندللك ونجيب لك رغد بتعب وبشر وهي مبتسمه : انقلع جبه سعود اللي تو يدخل للصاله وسمع : هههههه حتى وانتي تعبانه تسبين وفيك شر بدر تنهد بحزن : شفت ياسعود اني فقير امي ناوية تخليني انتظر ابوي وانا بعد نص ساعه عندي شفت سعود وهو يضحك : ههههههه عادي داوم جوعان التفت له : حتى انت معهم " قام " يالله يالغاليه بروح تآمرين بشي ام سعود : وين بتروح بدر وهو يآخذ أغراضه : بروح للدوام ام سعود بصدمه : عندك دوام بدر وهو يبوس راسها ويدها : ايه يالغاليه ، دعواتك ام سعود وهي تقوم : لحظه بحط لك عشا بدر وهو يضحك : هههههههه يمه مومشتهي ولما اجوع اكثر ماكثر الله المطاعم ام سعود : لا اصبر بنكب لك وخذه معك كله لو بالمستشفى التفت على سعود ورغد وهو يرفع حواجبه وينزلها والابتسامه على وجهه : وش رايكم خطير صح سعود ورغد : هههههههههه ’، تركت الجوال على الطاوله وهي متملله من متعب اللي هالايام صاير لا يطاق ، اللي فهمته منه ان حياته مع زوجته مش ولابد بعد موت ريم من قبل رغد وبعد عرفت ان لينا في بيت اهلها من شهر يعني الحال منقلب تنهدت بضيق وتركت الجوال بعد مايأست من انه يرد عليها ’، حطت يدها على كتفه وهي متضايقه حيل ماكانت متوقعه استقباله لها كذا من بعد غياب 3 أسابيع كان كل ماتتصل عليه يايصرفها او مغلق : صقر وش صاير ابتعد عنها صقر وبجفا مجبور عليه من نفسسه : ولا شي لينا : كيف ولا شي وانت اول ماجيت من سفرك متغير وحتى وقت سفرك وش ورى هالسفره صقر التفت لها بحده : تشكين فيني لينا بإستغراب : لا ابد مااشك فيك بس انا كنت مستغربه من هالسفرة الفجائية وغير كذا تعاملك بالسفر والحين غريب صقر وهو متوجه للغرفة : مافيني شي تتوهمين لحقته : كيف اتوهم "وبرجا" صقر لو انت زعلان مني سويت شي ضاقك قولي صقر بصراخ : اووووووه قلت لك مافيه شي الا يكون واخذ مفتاحه وجواله وطلع من الشقه وهو يردع بالباب جلست لينا على السرير والعبرة خانقتها حيييييييييل وش اللي قلب حالهم كذا ’، بحزم : يمه انتي مستوعبه وش تقولين جلست امها جمبها : ايه يايمه عارفه وش اقول ردت وهي تنفي الفكره : لا لا يمه كيف تبيني اتزوج بعد سامر ام سامي : وانتي بتجلسين وتدفنين نفسك عشان اللي ماينتسمى ، هذا هو خايس بالسجن ولما يطلع بيعيش حياته طبيعي وانتي بتدفنين نفسك على ذكراه وبعدين يابنتي خلاص انسي الزواج الاول ليلى : يمه انا مطلقه وهو لسا مابعد تزوج كيف آخذه ماينفع ام سامي : عادي كثير تزوجو شباب لسا مابعد تزوجو وهم ارامل ومطلقات ليلى بضياع : مااعرف يمه مااعرف ام سامي : خذي راحتك وفكري واستخيري بس حطي ببالك أحمد ماينتعوض ياليلى جلست على كرسي التسريحه وهي تراقب امها اللي توجهت للباب وطلعت من الغرفه تاركتها لوحدها وسرحت بخيالها في هالخطبه اللي ماكانت متوقعه ’، منسدحة على الكنبه الصاله لوحدها وتفرفر بالقنوات بملل الكل البيت فاضي الا منها ومن الخدم شافت كارتون الكابتن ماجد فرحت تعشقه كثير وماتمل منه لو تشوفه كل يوم ماعندها مشكله انسجمت معاه خلصت الحلقه وجت بعدها حلقه ثانيه انتبهت لنورة وسعود داخلين ابتسمت ان فيه احد معها وقامت تسلم عليهم سعود : الحين هذا كبرك ومتزوجه وبكره بتصيرين ام ولازلتي تشوفين كابتن ماجد رغد : بالله يعني الافلام الكارتون حقت الاطفال تسند سعود ولف يدينه على كتف نوره : ايه للأطفال رغد تناظره بنص عين : الله يالدنيا نسينا قبل الزواج كنت تشوف جريندايزر ضحكت نوره : ههههههههه حجرت لكك رفع يده لراسه وهو يحركها وعلى وجهه ابتسامه : يافديت هالضحكه تسلم لي ياارب ، " واتسعت ابتسامته لمن شاف نوره مستحية " رفع راسه لرغد: وانتي مابرحيتي تذكرين رغد وهي مبتسمه : ايه ياحبيبي وش على بالكك ناظرتها نوره بنص عين : خير آنسه رغد رغد : مدام لو سمحتي ، بس وش فيه نوره : مااسمح لي تقولين حبيبي فزو رغد ونوره بروعه من صرخة سعود : ياااااااحبي لهالقمر ياناااااااااس ويوموني لاحبيتها ، "وباس نوره على خدها بقووووه " ولعت نوره من الاحراج وحتى رغد انحرجت وتكلمت : هي انت تراك ماانت في بيتكم تفلها سعود : كيفي حرمتي رغد : حرمتك ماقلنا شي بس شف البنت شوي وتدفن نفسها في الارض من الاحراج ضحك سعود : هههههههههههههههه يااختي والله حركه لا اراديه ، تدرين رغود هي لما نكون لحالنا تنحرج فما بالك الحين وانتي معنا ، شكلي بنام في الصاله اليوم ضحكت رغد لمن شافت نوره ضربت كتف سعود وهي مازالت منحرجه ، قام سعود : خلاص خلاص بروح اصلي المغرب ، رغود متى بتجي امي رغد هزت اكتافها : مااعرف بس يمكن العشاء ، انت عارف بعد ماتوفت ريم الله يرحمها بيت خالتي فضى تقريبا هز سعود راسه : طيب قهووه الله يعافيكم تعدل المزاج على ماارجع من الصلاه نوره : طيب روح صصل وانا اروح ازينها خرج سعود من الصاله والتفتت نورة لرغد : اخبارك مع الحمل حطت رغد يدها على بطنها : متعب يااختي نوره بحنان : الله يسهل عليك يالله هانت كلها 4 شهور وتمر بسرعه ان شاء الله وتولدين هزت رغد راسها : ان شاء الله نورة : وحالك مع متعب رغد : الله يعدل الحال .. تعرفين نوره انا مااعرف كيف حبيت متعب مافيه شي يشفع له يخليني احبه بس مدري كيف حبيته نوره : رغد انتي ماحبيتي متعب كذا من الباب للطاقه اكيد قلبك ماتعلق فيه الا لما شفتي شي اثار اعجابك وتعلقك فيه ممكن تصرفاته كلامه نظرته ، أي شي خلى قلبك يدق له ويتعلق فيه حتى لو لحظاتكم قليله .. رغد : بس هو قلبه قاسي نورة بإبتسامه : ورغد بتلين قلبه رغد : ؟؟!! نورة جلست بجنبها : انا اعرف أول وحده اسمها رغد اذا حطت ببالها شي تحصله ، طلعي رغد العنيده اللي بداخلك وبتحصلينه أبي لما ترجعين له تكونين غير عن رغد الحاليه أبيه يلاحظ الفرق بين القديمه والجديده ، القديمه مستسلمه بس الحاله لا ماتتنازل عن حقها دام انه موغلط ابتسمت رغد : كلامك اعطاني دفعه بس مااعرف لو فعلا بستمر بهالدفعه أول بتنطفي لما اشوفه نوره وهي تقوم : حبك له هو الدافع يالله بروح اصلح القهوه قبل يجي سعود وقامت رغد : وانا بروح اصلي دخل البيت وهو هلكان تعب كثير من هالقضية أخفاها عن الكل بس خلاص ماعاد يحس ان فيه طاقه تخليه يتحمل زياده يبي احد يشاركه بهالهم اللي بيقتله بس مايقدر يفصحه لأي شخص توجه للملحق وفتح الانوار وسكر الباب مافيه يدخل جوا البيت وهو بهالحالة بتعرف امه على طول سرح بخياله وماانتبه على اللي دخل للمجلس ويترقبه حس فيه يهز كتفه رفع عينه ووقف يسلم : هلا فارس فارس : هلابكك وش فيك أحمد : لا ولا شي فارس بجديه : أحمد انت من شهر موعاجبني حالتك والحين تقول مافيه شي ، ماراح اطلع من هنا الا وانت قايلي أحمد وهو مبتسم ابتسامه باهته : لاتخاف فارس مافيه شي بس ضغط بالشغل لمثل ماتعرف فارس : هالكلام قوله لأمك وأمي بس موعلي أحمد وقف بضيق : قلت مافيه شي وقف فارس وجلسه بالغصب : لا فيه يالله قول ماراح اخليك لحد ماتقولي ’، جلست على الكنبه بتعب التفت لها لما شف نفسها يسرع ولونها منقلب للون الأصفر : هبه فيك شي ابتسمت ابتسامه صفرا : لا ابومتعب : بس شكلك تعبان هبه : لا تخاف بس تعرف اخر الشهور التعب اللي فيه ابومتعب : طيب لو حسيتي بشي فولي هزت راسها وهي مبتسمه التفتت لمصدر الصور : ما ما ردت عليه : عيون ماما عبود : ماما انا ولموري ذوعانين هبه توها بتقوم بس مسك ابو متعب يدها : اجلسي انتي يالله تشيلين نفسك وتتحركين خلك وبكلم سامينا تصلح لهم هبه : لا محمد انا ماابي يتعودون على اكل الخدامه وبعدين كلها ساندويش وبرجع يعني مابتعب ابومتعب : خلاص دامك ماتبين الخدامه بتصل على ليان وتصلح لهم انتي اجلسي وارتاحي يابنت الحلال ارحمي نفسك شوفي لونك كيف منقلب لمار : ماما بابا بثرعه بطني ذوعانه ’، طلعت من عيادة الدكتورة مبتسمه بحزن كانت تتمنى ان شكوكها تكون واقعيه تبي خبر مفرح بعد موت ريم لكن للأسف ماكانت توقعاتها صائبه هي مومستعجله لأنها تو متزوجه بس مقصدها كان تدخل للبيت شي من الفرح بعد موت ريم مشت له ومسكت يده تنبهه ، رفع راسه لها : هااه ايش قالوا رهف : ولاشي مجرد ارهاق وسوء تغذية هز راسه ومشى وهو ماسك يدها ، ركبو السياره التفتت له : تركي تركي وهو يحرك السياره : همم رهف : وش رايك نروح لأحد الحدايق او المنتزهات نطلع نغير جو مع امك وابوك تركي : مااتوقع يوافقون رهف : لا بيوافقون ان شاء الله ، لازم نغير الجو شوي مومعقول بيكون الوضع كذا هز راسه بحزن : طيب نحاول ونشوف رهف : طيب ودني بيت اهلي تركي : ليه رهف : خوواتي مجتمعين وانت روح للبيت جب امي وخالتي وتعالو تركي هز راسه : اوك ’، طلعت من دورة المياه بعد مااخذت دش دافي يصحصحها دهنت جسمها بلوشن وبدت تلبس وهي تتأمل بطنها البارزه بزياده عن أول كانت حاسه بشعور مختلط مابين فرحة وشوق وخوف ماهي قادره تحدد نوع مشاعرها بالضبط ايش هي استعجلت باللبس كانت لابسه بلوزة طويله لتحت الركبه بشوي رماديه واسعه وبنطلون أسسود وحطت كحل ومرطب وجعدت شعرها واخذت جوالها وطلعت من الغرفه بهدوء ، قابلت رهف طالعه رغد: اهلين رهف مابغيتي تجين رهف وهي تسلم : ههههههه يااختي غصب والله رغد بتسآؤل أمي جت رهف : لا ، يالله استعجلي ننتظرك انا ونوره وامل تحت رغد : ماشاء الله اجتمعتوا رهف وهي تنزل الدرج : بروح آخذ مصعب "ولد أمل .. وركضت سابقه رغد " رغد وهي تحاول تسرع بمشيتها : رهيفووه ياويلك بجيك وبآخذه رهف وهي تضحك : هههههه يالبطه رغد بعصبيه : مالبطه غيرك يالبومه وقفييي قابلت سعود اللي ميت ضحك عليها : انت بعد هين اشوف فيكم يوم سعود : هههههههه اسف اسف رغد بس من جد غصب عني رغد وهي تسفهه وتتقدمه بتروح للمجلس ،، سعود : الا تعالي لما قلتي اشوف فيك يوم كيف بالله تتوقعين حمل او كيف رغد بعصبيه : سخيييف وضربته بقوه على كتفه وتعدته سعود وهو يضحك مسك يدها : ههههههههههههههههههه تعالي تعالي رغد : وخر عني سعود وهو يحاول يمسك نفسه :هههههههههه اااه ياربيه ، تعالي يااختي رجلك يبيك صلبت شوي والتفتت له : من سعود وهو يلقط انفاسه : متعب بالمجلس روحي له رغد أخذت نفس : طيب ’، تكلم بصدمه : انت متأكد منزل راسه ومارد وقف قدامه ورفع راسه : احمد متأكد أحمد بغضب : ايه متأكد وشفته بعيني ماسكينه لغرفه التحقيق وكنت حاضر التحقيق ويسألونه ومانطق بأي كلمه جلستين يافارس جلستين حضرتها ومانطق وهالشي يثبت ادانته ، باقي جلسه وحده لو ماقال شي سمعتنا راحت ، انا تمتمت على موضوع وجوده بالقسم بس لو اثبتت التهمه اكيد بتنتشر وبتبقى سيرتنا على كل لسان ، انا رجال ومايهم بس اختي بس ريدا لو احد درا بهالشي من بيطق الباب من بيجيها وهو عارف ابوها راعي مخدرات ويعتبر تاجر من تجار قولي يافارس من فارس : طيب طيب احمد كلمه قوله يتكلم احمد بقهر : كلمته بس موراضي يقول اي شي حتى معي فارس : طيب انا بكلمه متى موعد التحقيق الاخير أحمد : احتمال بعد اسبوع فارس : خلاص دبر لي وقت واروح معك واكلمه ’، وقفت عند الباب ودقات قلبها سريعه ، حاسه بشوق كبير له ، خلال الشهر هذا اشتاقت له وتحاول قد ماتقدر ماتتصل عليه تبي تشوف هل لها مكانه في حياته او لا انصدمت صحيح يتصل بس كم مره خلال هالشهر ماتتعدا الـ4 مرات يعني نقول في الاسبوع مره استنشقت هوا وسمت بالله وكملت طريقها اما بالنسبه له هو كان ينتظرها بالمجلس وكل شوي يشوف ساعه يبي يشوف شكلها غابت عنه شهر وتركت فراغ في حياته شقته تركها لانه يحس ان ماعاد فيها حياة عاش شهر رجع فيها حياة العزوبية كرهه هالشهر كثير وقف واخذ ترمس القهوه وملا فنجانه ورجع يجلس بمكانه خلال سرحانه انتشر بالمجلس ريحه عطر انثوي لطيف خلته يرفع نظره بسرعه وبشوق للباب التقت نظراتهم لثواني ببعض كل واحد مشتاق للثاني وماهو قادر يعبر او يصرح بهالشوق تقدمت وهي تسلم : السلام عليكم وقف لها وهو يتأمل كل شي فيها بشرتها اللي تحول لونه للأصفر من الاهمال ، عينها اللي تكونت تحتها هالات فارقه عن لونها ، جسمها الليي نحف عن اول بكثير بطنها البارزه ابتسم على شكلها بالرغم من تعبها الا انها فاتنه رد عليها : وعليكم السلام وقفت امامه وهي تمد يدها : كيفكك انتقل بنظراته بوجهها وبعدين ليدها الممدوده وبحركه مفاجأه لها سحبها لحضنه وضمها بشووووق كبيييييير شهقت من ردة فعله الغير متوقعه استقرت بحضنه تنفست بعمق وراحه من النادر تكون بحضنه الا باوقات خاصه ونادره لفت يدها على خصره وهي تريح نفسها عليه تبي ترتاااااح هالشهر تعبها حييييييييل موت ريم ، تعب الحمل ، الوحام اللي زايد عليها اكثر من اول ابعدها عنه وباس راسها وخدها وهي ولععععت ابتسم على حياها متعب : كيفكك رغد رغد : احمم ، الحمدلله وانت متعب : الحمدلله سحبها وجلسها بجانبه والعيون تحكي عن الشوق ’، صحى من النوم على صوت بنته اللي تناغي وتلاعب نفسها فتح عينه وشافها بجانبه على السرير مفككه من المهاد ابتسم وحملها وحطها على صدره وهو يلاعبها ، دخلت عليه وشافته بهالحاله وابتسمت : ياكسول يالله قوم رفع نظره لها : الحين انا كسول ريما : وعندك شك فارس تعدل بجلسته وابتسامه خبيثه بثغره : والله لو اليوم بس اللي صحيتي فيه قبلي فأنا ماانلام انتي عارفه امس سهر والشغل اللي سـ ... قاطعته وهي مولعه وتاخذ البنت من يده : بس بس ، قم يالله تأخرت على الدوام ملت ضحكته الغرفه من حياها وقام لدورة المياه ’، بمكتبه جالس ومعه كمية من اوراق الاختبارات يصححها لطلابه من اول ماصحى حاس بصداع بيفتق راسه وبدايه انفلونزا ترك القلم فوق الاوراق وتسند على الكرسي وغمض عينه يحاول يسترخي عل وعسى يخف الصداع ، هالايام جدته مزعجته بسالفه الزواج وهو رافض رفض نهائي والكلام اللي سمعه بين فارس واحمد من كم يوم غير المشكله اللي صايره له مع المدير بسبب احد الطلاب تنهد وفتح عينه وهو مقرر مايكمل الدوام لأنه مايقدر يستمر ، رفع جواله ودق على بسام وطلب منه يجي ياخذه لأنه ماراح يقدر يسوق بهالحاله ’، حست بحركه ازعجت نومها فتحت عينها بكسل وشافته يزرر أزرار القميص تعدلت بجلستها : بتداوم ؟؟ متعب : وانتي وش شايفه رغد بنفسها الله والأخلاق : طيب اصلح لك شي تاكله قبل تروح متعب وهو يتعطر وياخذ شنطته الصغيره : لا نامي انتي وارتاحي ، واليوم مافيه دوام رغد بإستغراب : بس انا غبت كثير غير الاختبارات اللي فاتتني متعب : ماعليك دبرت لك اعذار ، والأيام الجايه حاولي ماتغيبين كثير رغد : اصلا ماعاد باقي شي على الاختبارات كلها اسبوعين ونبدأ هز راسه : يالله تبين شي هزت راسها بلا : سلامتك متعب وهو ماشي للباب : ايه جهزي نفسك على الـ9 ونص بمرك ونروح لدكتورتك نشوف وضعك ، انتهي على نفسك رجعت انسدحت على السرير وهي تستنشق ريحة عطره اللي فقدته كثير انقلبت وهي تحس النوم بدأ يداعب عينها لأنهم امس تأخرو على ماوصلو ’، وقف بصدمه : انتي من جدك تكلمت بلا مبالاه وهي تتأمل أظافرها : ايه من جدي بدهشه : بس انتي ناويه تقتلين روح وقفت عنده : مايهمني هم قتلوا امي وانا بس ارد الدين "وبصوت عالي " اسمع تنفذ اللي قلته لك بأسرع وقت فاهم ، والمبلغ بينزل بحسابك بعد العمليه مباشره " اعطته ظهرها " يالله لو سمحت رح لحد مااقولك هز راسه وهو يبلع ريقه ، ابد ماتوقع توصل افعاله للقتل طلع من الشقه وهو سارح ’، ][ همســـة ][ احذر أن يشكوك أحد إلى الله