كيف تجرح لك خفوق يعشقك بسكات - الفصل 24 - بقلم S3b Atrjak - مكتملة | روايتك

البارت الرابع والعشرون ][ ’، جالسه بالصاله معه وكل شوي عينها تنتظره يروح للدوام بعد الفطور بس الساعه وصلت 9 وهو ماراح التفتت له : ماراح تداوم نظرها بتمعن : لا مالي خلق ماعندي مواعيد كثير بالعياده فأجلتها وقفت وهي تقول : آهاا "ومشت بتروح للغرف بس وقفها صوته" متعب : لحظه لفت علي بإستغرب: وش فيه متعب : انا ملاحظ عليك بشي رجف قلبها وردت وهي تحاول تبان طبيعية : وش ملاحظ متعب : احسك اهملتي جسمك ومتنتي حتى كأني ملاحظ انه طلع لك بطن ارتبكت "كيف حس بأن برز بطني كل لبسي واسع وهو ماقرب مني من فتره " متعب : أكلمك أنا رغد : هاه، ايه متنانه الكل يقوله بس لا لا مااحس انه طلع لي بطن كله توهمات من عندك وقف متعب وقرب لها وهي لصقت بالجدار اللي وراها من الخوف : لا مااحس اني متوهم حتى شوفي "وسوا حركه جمدتها بمكانه ورفع بلوزتها وتثبت نظره عليها وسكت شوي ورجع يرفع عيونها على وجهها، مد يده يبي يأكد ظنونه بس قبل ماتوصل يده لبطنها مسكت رغد يده بخجل من نظراته خصوصا أن بطنها لازال مكشوف ويده رافعه البلوزة عنها " تكلم متعب بصدمه مخالطها شك : انتي حامل رغد ماردت عليه صرخ متعب وخلتها تنتفظ بمكانها : جاوبي حامل رغد : ايه حامل فيه شي متعب وهو يضغط على أسنانه : من متى بأي شهر رغد : في الرابع بدخل الخامس انصدم متعب : 4 شهور وساكته متى ناويه تخبريني لما تولدين رغد : ........... متعب بصراخ : تكلمي ليه ساكته رغد : لاتصرخ متعب بسخرية : بالله تبين اصفق لك مثلا رغد مسكت بلوزتها ونزلتها من يده : هذا انت دريت خلاص وخر عني خلني اجلس متعب : تستعبطين انتي ولا كيف اقولك تكلمي لمتى ناوية تخبين وبعدين متى دريتي رغد : مااعرف متعب : وكيف ماتعرفين رغد : كنت ناوية اخبرك هالفترة لان مو من المعقول اني ابقى كذا بدون مااقولك لأن بطني اكيد بيبرز زياده وماعاد فيه مجال اني اخبيه وليه ماقلت لك والسبب انت متى جلست معاي جلسه محترمه حتى اقولك ععلى الخبر انت مااشوفك الا وقت النوم واذا شفتك بعد مانمت قبلك طول وقت برى ، ترى انا زوجتك لي عليك حق ، مو بس هذيك زوجتك تروح وتتونس معاها وترجع لي تنام كأن البيت فندق متعب : دامك بالشهر الرابع يعني كذا "سكت شوي ورغد دقات قلبها ماهي منتظمه من الخوف فتح عيونه على وسعها " لايكون يوم كذبه التسقيط رغد : ............. متعب مسك زندها وهزها : تكلمي رغد : ايه خلاص فكني متعب : يعني الدكتورة سناء كذبت رغد : سناء مالها شغل متعب بصرخه : وكيف مالها شغل رغد " غمضت عينها بخوف بس ردت " ايه قلت مالها شغل انا اللي طلبت منها متعب : وبأي حق تخبي بس هين دواها عندي رغد بتهور : وربي لو صار لسناء شي مايبقى لهالجنين اثر فتح متعب عيونه على وسعها : ايش قلتي رغد : اللي سمعته ، سناء مالها دخل انا السبب تبي تعاقب عاقبني بس سناء لايجيها شي وانا قلت لك لو صار لسناء نقل او فصل او اي ضرر لها او لعايلتها هالجنين انساه متعب سكت شوي : طيب مراجعاتك وش صاير عليها الدكتورة وش تقول رغد : الحمدلله كل شي تمام وعندي اليوم مراجعة متعب : رحتي !! رغد : لا لسا متعب تركها وراح أخذ مفتاحه فوق الطاولة : السالفه هذي لنا كلام فيها من جديد يالله جيبي عبايتك والحقيني على السيارة تركها وطلع من الجناح بدون مايشاورها ’، دخلت البيت والراحه ماليه وجهها من أول ماشاركت بالدار وحياتها منقلبه للأفضل والابتسامه ماتفارق وجهها الحمدلله اليوم ختمت الجزء السابع وماعندها نيه تترك الدار حتى بأيام الدوامات شافت أمها جالسه بالصاله مع رهف ويسولفون : شتقولووووووووووون رهف : نحش فيك ريم بثقه : ماتقدرين يامرت اخوي رهف : وليه مااقدر ريم بإستهبال : لأني بخلي أخوي يتزوج عليك شهقت أم تركي ورمت عليها الخداديه أقرب شي : روييييييييييم ريم اللي مسكت الخداديه قبل تصيبها وبضحه : ههه سمي يمه ان تركي : أجل بتزوجين تركي على رهف هاه ريم : ايه يمه "وأشرت على رهف اللي ماسكه ضحكه الشماته على ريم من دفاع خالتها " الشرع حلل أربع وش فيها لو أخوي جاب الثانيه يزيد نسله وبعدين يايمه بنت اختك ماتحترم حماتها أجل تحش بعمة عيالها هنا رهف ماعاد قدرت تمسك ضحكتها : هههههههههههههههه .. ريوووم عايشه الدور ريم : ترى أتكلم ججد لاتضحكين رهف بثقه : ماتقدرين حبيبتي ريم وبسخريه : وليه مااقدر قبل ماتتكلم رهف تكلم صوت :لأني مااقدر على بعد رهف استحت رهف أما ريم مامسكت لساسنها : اووووووووه اووووووووه والله ماننت بسهل ياتروك تركي اللي جلس بجانب رهف بعد ماسلم على أمه : أصغر عيالك تروك ريم : لا أكبرهم تركي : هاهاها يادمك ريم وهي توقف : مالت عليك بدل ماتدافع عن خيتك الوحيده على مرتك تقول تتريق علي هين ليت مت بتقول ليتني دافعت عن اختي رجال آخر زمن ، أروح لغرفتي أبرك لي شهق ام تركي : رويم وش هالكلام بسم الله عليك ضحكت ريم لأنها عارفه امها ماتحب أحد يقول لين مت أو يطري سالفه الموت : آسفين يالغاليه ، يالله أنا بروح ابدل وأصلي وأنزل أشوفكم على خير ’، جلست على الكنبه اللي بالصاله وهي تكلم بالحوال : شوف برسلك رقم وانت بمهارتك تعرف كيف تخرب عليه المتصل : خلاص انتي ارسليه واسبوع بس وتسمعين خبر الطلاق لو تبين ابتسمت وهي تريح ظهرها : حلوو ياللا ابي اسمع اخبار تسر وابشر باللي تبي المتصل : من عيوني ، انتظر الرقم سكرت منه وعلى وجهها ابتسامه عريضه ارسلت له الرقم سرحت بأفكارها دقايق وقطع عليها رنه الجوال ردت وهي مبتسه : اهلين خالي الخال : اهلين يابنتي كيفكك ان شاء الله منيحة هزت راسها : بنشكر الله الخال : شو صار يابنتي بالموضوع ابتسمت : لا تخاف خالي انا عم بمشي بالموضوع مثل ماخططنا إلوه " تحولت نبرتها ونظراتها للحقد " والله لأخليهن يندموا على الساعه اللي فكروا بس يسرؤو حلال بابا ، وتسبوو بموت ماما توسعت ابتسامه الخال الخبيثه : حلو يابنت اختي امشي مثل ماانتي لاتخلي حدا يغير رايك باللي تعمليه انتي بتنتئمي لإمك ولبييك هن بيكونو فخورين وفرحانين فيكي يابنتي لو كانوا عايشين هلأ ابتسمت بحزن على طاري ابوها وامها : ان شاء الله خالي الخال : يالله حبيبتي بدي سكر هلأ وحاكيني أول باول بالخبريات هزت راسها : ان شاء الله خالي ’، من اول ماجا وهو سرحان سألته وهي قلقانه عليه : وش فيك يمه انتبه لها وهز راسه وهو يبتسم : ولا شي يمه بسمه : تخبي عن أمك يااحمد أحمد : لا يمه مومسأله بس مشكله بالشغل صايره وقالقتني ان شاء الله خير بسمه : يعني ماتنفع تقولها لأمك أحمد ضحك : ههههههههههههه يمه لا تقلقين مشكله بالشغل وان شاء الله خير بس انتي ادعي بسمه : الله يسهل امورك أحمد بتردد : يمه بسمه : هلا يمه أحمد : يمه أنا ابي اتزوج ابتسمت بسمه بفرحة : هذي الساعه المباركه ياولدي في بالك احد او ادور لك أحمد : لا ابي ليلى بنت خالي اختفت ابتسامه بسمه : بس يمه ليلى مطلقة أحمد ابتسم لما فهم مقصد امه : عارف يمه انها مطلقه وانا راضي بسمه فرحت : خلاص يمه لو خالك جا اليوم اقوله او بكره اتصل عليه باس احمد راس امه : تسلمين يالغاليه والله يطول عمرك بسمه : الله يحفظك ياولدي ’، بالسيارة توهم طالعين من المستشفى والحمدلله كل الامور بخير ومطمئنه وسالفة ألم الظهر اللي اشتكت منه واللي كانت ترددها كثير بس هو مايهتم بسبب الضربة بداية الحمل لما دفها وصارت سالفة التسقيط الملعوبه ، أول مادخلت على الدكتوره راح لمكتب سناء وهزأها من حر مافيه من القهر شي لاارادي سواه ، هز راسه بضيق وهو يفكر كيف بيقولهم عن سالفه الحمل هذي ايش يبرر لهم المدة الطويله 4 شهور من الحمل الكل بيشك بالموضوع لازم يلاقي له حل وصلوا للبيت التفت لها : شوفي لااحد يعرف بالموضوع لحد ماالاقي صرفه ضاقت : وش صرفته انت اللي يشوف يقول مسوين غلط وهالحمل موشرعي متعب عصب على كلامها فوق ماهي غلطانه تراد : صرفة للمدة هذي كلها حتى مانخليهم يشكون بوضعنا هدت : طيب "وبتردد قالت " متعب التفت لها بضيق بدون رد رغد : مشتهية آسكريم بالتوفي من باسكن متعب بضيق : في هالبرد ناوية تمرضين انتي رغد تحس انها بتبكي الدموع ملت عينها : طيب وش اسوي مشتهيته التفت قدامه : طيب طيب بروح اجيب بس انزلي الحين رغد نزلت بدون اي صوت وراقبته لحد مامشى ومشت للبيت اما متعب اول ماحرك من البيت رفع الجوال واتصل على صقر كلها كم رنه ووصله صوته :هههههههه انا قايل ماتستغني عني اجل تتحدا اليوم انك ماتتصل علي متعب : ههههه يااخي نسيت والله التحدي من الهم تغير صوت صقر للجدية : وش فيك متعب : لينا عندك ؟ صقر : لا بالمطبخ ليه متعب : بمرك تجهز صقر : عسى ماشر اقلقتني متعب : ولا شي موضوع صار وضيق خلقي صقر : طيب خلاص انتظرك متعب : طيب بودي اغراض للبيت وبمرك راح متعب وشرا ايسكريم ووداه للبيت ومر صقر وراحو للكوفي ’، قامت من المجلس اللي كان جميع اخوانها موجودين بعد مارن جوالها الكل عرف انه عمر ، رفعت الجوال لأذنها وهي ماشيه لغرفتها وتكلمت بخجل : ألو ابتسم على نبرة الخجل اللي بصوتها : أحلى ألو ، كيفكك حبيبي دخلت للغررفه وقفلت الباب وردت وهي مولعة من الاحراج : احم الحمدلله وانت كيفكك عمر : لما سمعت صوتك صرت بخير دينا ماردت :............ عمر : الووو دينوو دينا وشوي وتبكي من الاحراج : عمر بالله لا تحرجني والله ماعاد ارد عليك عمر : ههههههههههههههه حبيبتي انا وش قلت دينا : انت عارف ايش قلت عمر : هههههههه طيب طيب قلبي ، قولي لي تبين زيادة المهر يكفي او احول لك دينا : لا عمر ماتقصر المهر بيكفي وبيزود عمر : امانه عليك دينا لو ناقص قوليلي واحولك زياده دينا : عمر والله ماراح احتاج المهر بيكفي وزود ، تسلم ماتقصر عمر : آآآآآآآآآه بس متى تمر هالـشهور بسرعه وتجين عندي بالبيت دينا ولعت من الاحراج : عمر ايش قلت عمر : هههههههههههه خلاص خلاص سكتنا ’، رفعت السماعة لأذنها وانتظرت حتى سمعت صوت من الطرف الثاني : هاه يزيد وش صار على الموضوع يزيد : بديت انا بالرسايل والاتصالات ولحد الحين ماوصلني تجاوب سكتت شوي وهي تحاول تلاقي طريقة ثانيه : طيب خلينا من لينا روح لزوجها ارسل له رسايل تشكيكك فيها واذا نفس الشي مالقيت تجاوب نستخدم الصور اللي اخذناها من احلام ابتسم يزيد بشر : طيب خلاص اي شي جديد اعلمك فيه ابتسمت : حلووو باي ياحلو يزيد : بايات ياقمر ’، بمكان جديد ولأول مرة نزوره دخل الغرفة بعد مااستأذن شاف رئيسة جالس على كرسي المكتب ورفع راسه له لما شافه : لقيتو أثر عنه ياصالح صالح : لا طال عمرك دورنا عليه بككل مكان ماله اي اثر الرئيس : طيب وعياله بيته صالح : حتى عند عياله مالقيناه ومن فترة ما تقابل معاهم الرئيس سكت شوي وهو يفكر : امممممممم ، طيب شوف دامنا مالقيناه ونخاف يبلغ عننا لابد نورطه ونطلع احنا منها صالح : كيف ياطويل العمر الرئيس : شوف وافهم ترى اي خطأ مصيرك مثل منصور وبندر وسلمان ’، حاط راسه بين يديه اللي متكية على الطاولة وصداااع ماسكه من كثر التفكير وصلت له رساله وحس انها تابعه للرسايل اللي قبل فتحها وشاف الرقم ومثل ماحس صحيح كل الرسايل اللي قبل كلام وتشكيك عن لينا هو مومصدق لأنه واثق بتربيتها وشاف من خلال الشهور البسيطه اللي عاشها معها ايش هي اخلاقها بس يحس انه مقهور كيف هالكلام ينقال بحقها وهو ماله وسيله الا انه يشوف الصور وينغبن اكثر لأنه موعارف من اللي مرسلها قرا محتوى الرساله حس بالدم يتجمع في راسه من العصبية رما الجوال على المكتب كان محتوى الرساله " لو مومصدق بزوجتك معاي صور لها تثبت انها على علاقه معي " حس بضيقة كبيرة في صدرة من الضيق مايعرف ايش يسوي اخذ جواله ودق على متعب وأول ماسمع صوته تكلم بصوت مبحوح : أبي أشوفك متعب بإستغراب : وش فيك صقر صقر : تعال مكتبي وسكر السماعه كلها ثواني ودخل متعب والخوف متملك قلبه : وش فيك ياخوي خوفتني صقر بدون اي كلام مد الجوال لمتعب اللي اخذه وبدأ يقرا الرسايل وبعد ماخلص رفع راسه والغضب متملكه : وانت ان شاء الله صدقت كلامه صقر : لاا ماصدقت ماصدقت بس فيني قهههههههههههههههههههر وانا اشوف هالـ ..... يتكلم عن زوجتي ومااعرف اوصله وغير كذا يتكلم عن صور يعني صور زوجتي عنده وشافها وهي ماتحل له متعب بغضب : انا اوريك فيه الـ....... والله مايفلت من يدي ، أخذ جواله ودق على الرقم بس النتيجه وحده ان الجوال مغلق ، دق متعب على واحد من معارفه وطلب منه صاحب الرقم وللأسف مافيه نتيجة ضرب متعب بيده على المكتب : آآآآآآخ بس لو اعرف من هذا صقر : ..................... متعب وهو يلتفت على صقر : انت وش فيك ليكون مصدقه صقر : لا بسس .. متعب : بس ايش صقر تنهد بضيق وبهدوء قال : شوف لينا خذها معك اليوم متعب بصدمه وهو يوقف : إيييييييييييييييييييييييي ييييييييييييييييييييييييي ييييييييييييشش ’، التفتت للبنات اللي مسببين ازعاج طالعة معاهم هالمرة حبت ترفه عن نفسها وتطلع دام المسمى زوجها مومهتم حتى من بعد ماعرف بالحمل وعرف تعبها ووحامها .. فاول ماقالت لها ليان اعطتها الموافقه لأن فعلا نفسها تطلع تشم هوا شوي حتى لو كان هالروحة لسوبر ماركت اهم شي تطلع غير كذا تبي خرابيط لها صاير تشتهيها كثير تذكرت لما انتشر خبر حملها وكيف متعب دبر الموضوع وانهم نقصو شهر من حملها وكيف تعلثوا بأنهم ماقالو من بدري لأن الحمل ماكان ثابت خصوصا انها حملت بعد الاجهاض على طول طبعا كل هذا دبره صقر ومااحد يعرف بأشهر حملها الا هي ومتعب وصقر انتبهت لصوت دينا وهي تتكلم بصوت عالي للبنات : بسس بنات هدو شوي وش هالازعاج طبعا البنات كانو ليان ولينا ودينا وفرح وليلى وهي ومعاهم لما وعبود وصلو وبدو ينزلون اخذو عربية وبدو يتمشون في الممرات رغد : بنات انا بروح لقسم المشروبات والايسكريمات فيه احد بيجي لينا : ليه وش عندك رغد : مشتهية بيبسي وطقته وبشتري لي ايسكريمات لينا : يابنت انتي ممنوعة من المشروبات الغازية هالفترة رغد بدون اهتمام : لا الا هالشي لا احد يفكر يمنعني عنه ليان : بس متعب منبه عليك كثير ان المشروبات الغازيه الحين ممنوعة وانتي حامل ، وغير كذا ناوية تمرضين بتشترين آيسكريم بهالجو البارد ضحكت رغد وهي تأشر على بطنها : تعالي فهمي عاد ولد اخوك ، يالله بنات احد بيجي معاي مااحب اروح لحالي دينا : انا بجي معك بآخذ لي كمان رغد : يالله راحت دينا ورغد لقسم المشروبات بعد مااخذو لهم سله وبدو يشترون مشروبات رغد : باقي الايسكريمات ضحكت دينا : مصممه يعني رغد : هههههههه ولا بإذني ماي دينا : يالله امشي رغد : ايه وابي فراولة دينا : ههههههههههه بدينا توها كانت ايسكريمات وومشروبات رغد : هههههههه انا بحاله لاوعي ياختي دينا : يالله شوفيه قدامك خذي اللي تبين رغد بدت تشوف العلب اخذت توفي ومسكت علبتين وهي محتارة بينهم فراولة وسادة نادت : دينااا جت لها دينا : وش فيك شافت دينا شكل رغد كانت واقفة بدون حركه وبيدها العلبتين اللي طاحو ارتاعت دينا وتكلمت بخوف وهي تمسك يد رغد البارده : رغد وش فيك ضغطت رغد بيد دينا بس ماقدرت تتكلم التفتت دينا قدامها وشافت شي صدمها والشي اللي خلا حاله رغد كذا ’، واقف وهو مبلم من هول اللي يشوفه ابوه قدامه بالقسم ومتهم بتهمه خطيره ابوه اللي اختفى من اشهر وماوصل له اي خبر عنه متهم بتهمه ترويج المخدرات ماهو قادر يصدق هالشي كيف صار بالمداهمه الاخيره كان فيه خبر انه احتمال يكون من ضمنهم بس لما انتهت المهمه وماكان موجود ارتاح كثير بس ماكان متوقع انه حقيقه وانه فعلا ابوه متورط بهالشي ، التفت للشخص اللي هز كتفه : أحمد احمد بعدم استعياب : عبدالله قول اني احلم قول ان ابوي ماله اي دخل عبدالله هز راسه بقله حيله : احمد ان شاء اللله بيطلع براءه هد نفسك احمد التفت له وهو يهز راسه : عبدالله كذب صح يكذبون ابوي ماله دخل لما مالقى اجابه مسك احمد عبدالله من ياقه البدله : تكلم قول انه كذب او حلم او اي شي بس انكر الشي هذ مسك عبدالله يد احمد اللي ماكان فيها اي قوه ونزلها : احمد توكل على الله ان شاء الله بيكون براءه بس لأن اسمه من ضمن القائمه اوعدك مااحد يعرف بهالشي احمد : اكيد عبدالله عبدالله : توكل على الله ياخوك وانا عند كلمتي مااحد راح يعرف بأنه ابوك او لك دخل فيه أحمد تنهد بألم : آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآآآآه عبدالله : قول لا اله الا الله يااحمد احمد : لا اله الا الله محمد رسول الله ، لا اله الا الله محمد رسول الله ’، مسترخيه على الكرسي والجوال بإذنها تسمع رنينه وهي تنتظر ينفتح الخط وصلها صوت ضحكت : ههههههههههه يبدو اني مااخترت الوقت المناسب من الخلفيه الموسيقيى اللي وراك ابتسمت وهي تاخذ انفاسها : اهلا اهلا ، أخيرا تكرمت علينا عبير ودقت وبعدين انتي اصلا من قال انك تعرفين تختارين وقت مضبوط ، المهم قولي لي وش اخبارك عبير : الحمدلله انتي كيفك وش مسويه ردت : الحمدلله كل شي مضبوط عبير : حلوو .. المهم ياقمر مابطول عليك بس ابي قابلك ..: اوك شوفي الوقت والمكان اللي يناسبك وردي لي خبر عبير : أي وقت بيناسبك عادي ؟!! ابتسمت : ايه اي وقت لا تشيلين هم عبير : تمام اجل بشوف وبرد لك ..: على خير عبير : سي يو ..: سي يو تو ’، بالسوبر ماركت ريدآ وهي تضحك : ههههههههههههههه والله شكله توووحفه ليلى : هههههههههه صراحة ليان ماتوقعتك تسوينها ليان : اجل وش تبيغيني اسوي اشوفه يتحرش فيني واسكت له لا حبيبتي لازم اطلع المواهب اللي عندي واسوي عمل درامي فرح وهي تحاول تسكت من الضحك : آآآآآآآآآآآآآه حسبي الله على عدوك احس ان بطني توجعني من الضحك لينا : ههههه لا انتو انتبهتو لما ليان قامت تصارخ شفتو وجهة وش صار ماعاد عرف وش يسوي لدرجة ماانتبه ان اللي قدامه زجاج مو باب البنات : ههههههههههههههههههههههههه هههههههههه لينا : يالله بنات خلونا نشوف لينا ورغد ونروح انا تعبت ليلى : يالله بدق عليهم لينو خذي وحده من البنات وروحو للسيارة واحنا نحاسب ونجيك دامك تعبتي لينا : لا ماله داعي ليان خبطتها على كتفها : وش ماله داعي روحي مع ريدا او فرح واحنا بنلحقكم ريدآ : خلاص انا بروح معاها ليلى : اوك ماراح نتأخر ان شاء الله ريدآ وهي تمسك يد لينا : يالله نشوفكم بالسياره البنات : ان شاء الله ’، عند دينا ورغد : واقفه لحد هالوقت تشوف الشي اللي قدامها مومصدقه وهي ماسكه يد رغد ، كان تشوف متعب ومعاه وحده ويضحك معاها وماسك يدها واحيانا ينزل عند اذنها ويهمس لها الحاله هذي حالة عشاق مو حاله طبيعية ، حست دينا ان يد رغد بدت ترتخي التفتت لها بسرعه شافتها بتطيح مسكتها بسرعه وهي مرعوبه وجلسها على الارض وبدت تضرب خدها على خفيف وهي شوي وتبكي : رغد ، رغد حبيبتي قومي الله يخليك طلعت دينا من شنطتها المويه وفتحت غطا رغد وبتدت تمسح على وجهها اللي طالع اصفر كانت عين رغد تفتح وتسكر بدون اي هدف حست دينا ان الناس بدون يتجمعون عليها رفعت طرحة رغد على وجهها وجت لها وحده من الحريم تساعدها ضربت دينا خدها على خفيف : رغد معي رغد بصوت ضعيف : مافيني شي بس دوخه التفتت الحرمه للناس : لو سمحتو مافي شي ممكتن تروحون حتى نخلي البنت تاخذ نفس شوي وبدو الناس يروحون من حولهم وبدت الحرمه تهدي دينا ورفعت غطا رغد وتمد لها موية : حبيبتي خذي نفس واشربي هالمويه اخذ رغد الموية وبدت تشرب شوي شوي بدت تستعيد وعيها الا من الدوخة والصداع رغد بصوت مبحوح : خلاص دينا خلينا نروح دينا وهي تلتفت على الحرمه : ماقصرتي اختي الله يجزيك خير الحرمه : ولو حبيبتي مابيننا هالشي ، " والتفتت على رغد " ماتشوفين شر رغد : الشر مايجيك راحت الحرمه ودينا انتبهت لجوالها يرن رفعته : ليلى تعالي بسرعه عند قسم الخضار ليلى بخوف : وش صاير دينا تعالي وبس ليلى : يالله احنا قريبين منكم شوي وجت لينا وليان وفرح ، ليان اول ماشافت رغد جالسه ركضت لهم ،: وش صاير دينا : وحده منكم تجي معاي وثنتين يروحون يحاسبون ليان بخوف : طيب وش صار دينا : دوخة بسيطه يالله بسرعه قامت دينا وساعد رغد وراحت معاهم ليان ، أما فرح وليلى اخذو العربية وراحو يحاسبون على الاغراض بالجهة الثانية من السوبر ماركت كان متعب مع عليا : علوي خلاص عاد انا بسوي العشا عليا : حبيبي ، لا يعني لا انت بتسير معاي وتبيني اخليك تصلح العشا لااا متعب : طيب بصلحه وانتي ساعديني ولا تناقشيني عليا : طيب طيب " انتبهت عليا " شو حاصل هناك متعب التفتت للمكان اللي تتكلم عنه عليا شاف تجمع : مااعرف نروح نشوف عليا : يالله مشو وهم يسولفون ويضحكون ولما قربوا والتفتو للمكان شاف بنتين يساندون بنت متعب : شكل فيه مشكله ، يالله نرو.... قطع متعب كلامه لما انتبه لشنطة البنتين عليا بإستغراب : شو فيك حبيبي متعب حس بشويه خوف : لا ولا شي يالله بسرعه خلينا نخلص الاغراض ونطلع لأن عندي مشوار بسويه وبرجع لك عليا بإستغراب من تغير حاله : مشوار متعب : يالله عليا بسرعه عليا : يالله خلاص ’، سكرت الصندوق وهي مرتاحه ، طلعت من غرفتها وهي مبتسمه وراحت لأمها شافتها لوحدها مثل العاده بما ان ابوها اغلب الايام مسافر وتركي من بعد الزواج انشغل مومثل اول ، جلست بجانب امها وانسدحت على رجولها ابتسمت ام تركي ومسحت على شعرها : وش فيك يمه ريم وهي مبتسمه : ولا شي يالغاليه بس اشتقت للجلسه معك والنومه على رجولك ام تركي بإبتسامه : انتي اللي الله يهديك ماعاد اشوفك زين اللي امس واليوم جلستي معي باست ريم يد امها : الله يخليك لي يايمه وان شاء الله كل يوم بتشوفيني هنا دخل تركي ورهف اللي توهم راجعين من برى وسلموا وجلسو يسولفون شوي ووقفت ريم : يمه انا بروح اصلي وبنزل وترى انا جوعانه يالغاليه ام تركي : خلاص روحي صلي وتعالي تلاقين الاكل جاهز باست ريم راس امها وطلعت لغرفتها صلت وجلست على السرير ومسكت المصحف وبدت تقرا بخشوع وطمأنينه ’، دخل البيت وهو مهمووم بدرجه كبيرة جلس على الكنبة اللي بالصاله وحط راسه بين يدينه كيف بيقول لأمه سمعتهم ايش بيصير عليها ، مستقبل اخته ، هو شاب بس اخته بنت واي احد بيدري بسالفه ابوهم ممكن نصيبها يوقف تنهد وهو يردد هالدعاء "الل?ُم إني وكلتك أمري ، فكُن لي خير وكيل ، و دبر لي أمريّ ، فإني لا اُحسن التدبير " وقف وراح يبي يصلي حتى يرتاح من هالهم اللي كابت على صدره توضا واتجه للقبله وكبر وبدأ يصلي ولما خلص من صلاته بدأ يدعي وهو جالس على السجاده خلص وهو حاس براحه طوى السجادة واسدح على سريرة يبي يناااام ومايصحى حتى يقوم من حاله ارسل لأمه رساله يطمنها عليه حتى ماتقلق وركد الجوال لصلاة الفجر وراح بدنيا ثانيه ’، دخل للبيت وابتسم لما سمع صوت بنته اللي تناغي يحس بشوق لها طول وقته معاها لدرجه ان نواف يغار منها دخل وشاف نواف شايلها خاف من انها تطيح من يده : حبيبي نواف خلي لتين نواف وهو يناظر ابوه بنظرات غريبه : لااا فارس والخوف مالك قلبه : بابا هذي اختك نواف وهو شوي ويبكي : لااااااااا انتو ماتحبوني ، انتو تحبون لتين اكثر مني .. انا ابيها تموت ، برميها بالزباله مانبيها دخلت ريما وهي مبتسمه وتمسح يدها وشافت فارس : فـآآرس انت جيـ.... قطعت كلامها لما انتبهت لنواف حامل لتين شهقت بروعه : حبيبي نواف خلي لتين صرخ نواف : لاااااااااااااااااااااااا اااااااا هي وعه برميها بالزباله انا مااحبها مسك فارس ريما وطلب منها تلهي نواف وتكلمه وهو بيروح ياخذ لتين ريما وهي تبكي : حبيبي احنا نحبك ونحبها وكلـ... قاطعها نواف وهو يصرخ : لاااا انتو ماتحبوني انتو تحبون لتين اكثر مني ريما : لا حبيبي من قال احنا نحبك اكثر من لتين ، لتين تبكي كثير وانت بطل وشاطر نحبك اكثـ... قطعت كلامها لما ارتخت يد نواف لأنه شايل لتين بطريقة خطأ صرخت ريما بروعه بس لحق عليها فارس اللي كان ورا نواف على طول ومسكها قبل ماتطيح من يده ضم فارس لتين لصدره اما ريما فرجولها ماعاد شالتها طاحت على الارض وبدت تبكي جالها نواف : ماما ليش تبكي مسكته ريمه وضمته لصدرها ، آآآه كانت اليوم بتفقد بنتها وبسبب فارس اللي يماما حذرته من معامله لتين قدام نواف بهالشكل لأنها كانت تشوف كيف نظرات نواف لما يحمل فارس لتين ، ضغطت ريما على نواف وهو بحضنها تضايق نواف : ماما تعوريني ابعدته ريما : نواف حبيبي لاعاد تشيل لتين طيب حبيبي ، احنا نحبك اكثر بس لتين توها نونو عشان كذا لازم نوكلها لأنها ماتعرف تآكل اما انت صرت بطل وكبير وتاكل لحالـ.... قاطعها نواف : لااا ، أنا بعد نونو مااعرف اكل لحالي ريما : طيب يانونو انا اوكلك نواف : لا ابي بابا يوكلني ويترك الوعه لتين ريما : خلاص حبيبي بابا يوكلك ويترك لتين ، يالله روح العب ولا شوف التلفزيون راح نواف ، وريما التفتت على فارس : شفت شفت لما قلت لك ان نواف لما تحمل لتين يناظرك بضيق وانت تقول لا تتوهمين فارس : خلااص ريما والله ماكنت متوقع هالشي ماجا ببالي حملت ريما لتين اللي نامت : وبدت تبوسها وهي تبكي ، ضمهم فارس وهو يهدي ريما من الموقف اللي صب عظامهم ’، طول الطريق ودينا جالسه جنب رغد اللي تبكي بصمت من قهرها ومااحد حاس الا دينا وماتلومها التفتت لها ومسك يدها كمواساه بسيطه لحد مايوصلون البيت وتعرف السالفه بالضبط وتهديها ، حست دينا انها ظلمت رغد كثير على كثر الكلام اللي سمعته من ليان ولينا ان رغد بحالها وانها بالعكس مظلومه من متعب اللي مايهتم فيها ومطنشها لدرجة احيانا يسافر وهي ماتدري ماكانت تعير كلامهم اهتمام تنهدت وهي تحس بالشفقه على رغد وصلو البنات للبيت كل وحده وبيتها الا دينا اللي رفضت تنزل مع ريدا وقالت انها بتروح مع البنات حتى تجلس مع رغد وصلوا البيت ونزلوا رغد توجهت على طول لجناحها اما دينا والبنات راحوا ينزلون الاغراض ويرتبونها قامت دينا اثناء ماهم يرتبون وهي تقول : بنات انا بشوف رغد ليان ولينا بإستغراب : وش فيه دينا : لا ولا شي بروح اتطمن عليها بعد الحادث بس واخذ اغراضها مره وحده ليان : طيب اصبري لحد مانخلص ونروح كلنا دينا : لا لا انا بتططمن عليها وبجي معكم ولما اخلص بكلم احد يجي يآخذني لينا : الحين هال5 دقايق بتأخرك دينا وهي تمشي متوجهة للدرج : خلاص بروح اشوفها انتو رتبو لين اجيكم كملت طريقها وراحت للجناح وضربت الباب شوي وجت رغد وفتحت الباب لها وابتسمت بمجامله : اهلين دينا حياك دينا وهي تدخل وتجلس على الكنب : كيفك رغد جلست عندها : الحمدلله دينا : رغد أنا ماني عارفه ايش أقـ ...... قاطعتها رغد : لا تقولين شي يادينا انا عارفه عن متعب دينا بإستغراب : عارفه عن متعب وش تقصدين نزلت رغد راسها : متعب متزوج وحده ثانيه دينا بدهشه : ايـــــــــــــــــششش ’، دخلت لمكتبه الموجود بجناحهم شافته منهمك بالأوراق اللي قدامه ، بتكمل معاه بحدود الشهرين الحمدلله عايشه براحة ، كان لابس شورت رمادي وبلوزة سودا بدون اكمام وشعره منتثر بإهمال على وجهه تقدمت وهي حاملة معاها صينية فيها عصير وفطاير حطتها قدامه على المكتب رفع راسه لها وهو يبتسم لها بتعب سعود وهو يفرك عيونه بتعب : الله يسعدك جا بوقته ابتسمت وهي تجلس على الكرسي المقابل : ويااك يارب ، ريح اليوم يكفي من اول ماجيت من الشركه وانت ماسك هالاوراق والحين الساعه 10 هلكت نفسك سعود وهو يشرب العصير : والله غصب عني انتي شفتي اني ماخذ اجازة وتو بادي أداوم وفيه اشغال كثيرة نوره : بس مو كذا من بعد المغرب وانت هنا وبهالاوراق خلاص ريح وبكره كملهم كل يوم خذ لك شوي بس مومعقوله كلها بتخلصها بيوم سعود وهو يوقف وبفمه فطاير وحامل بيده كاس العصير وجا جلس بالكرسي المقابل لها شرب العصير وحطه على الطاوله : قومي البسي نورة بإستغراب : ليه سعود : قومي بنطلع شوي نتمشى ونتعشى بالمطعم ونرجع نوره : هالوقت تتمشى سعود : ايه ماورانا شي ، يالله قومي بسرعه وطلعي لي لبس معاك نوره وهي مبتسمه : طيب ’، وقف وراح يغسل يده من العشاء وهو يقول : حبيبي أنا بطلع الححين سمع صوتها : وين حبيبي مو انت قايل انك بتبات هني متعب وهو يمسح يده ويدخل للصاله : لا قلبي مره ثانيه ، أخذ اغراضه : علوي قلبي انتبهي على نفسك واي شي تحتاجينه كلميني عليا وهي زعلانه : طيب سير خلاص ابتسم متعب على شكلها وراح لها ووباس خدها وعضها : آآآآه يعور ضحك متعب : هههههههههههههه عشان ماتبرطمين علي ابتسم عليا : خلاص اسفه فتح متعب الباب : يالله مع السلامه سكر الباب وطلع من العماره وركب سيارته وحرك للبيت وهو متوتر وقلقان طول الطريق وصل للبيت واخذ نفس عميق وخرج من سيارته واول ماوصل للباب اخذ نفس ثاني وفتح الباب دخل وكمل طريقه شاف اهله مجتمعين ومعهم دينا على طاولة الاكل يتعشون دور بعينه عليها ماحصلها متعب : السلام عليكم الكل : وعليكم السلام متعب وهو مبتسم ويجلس على كرسي الطاوله : اووه دينا عندنا ، وانا اشوف البيتي منور دينا اعطته نظره : نغير جو الكل استغرب اسلوب دينا متعب: وين رغد دينا تكلمت : رغد تعبانه متعب : ليه وش فيها لينا : اليوم رحنا للسوبر ماركت وتعبت علينا شوي تأكد متعب من شكوكه : اها طيب انا رايح لها ابومتعب : اجلس كل قبل متعب وهو يركب الدرج : لا بالعافيه اكلت وقف شوي على الدرج ورجع ينزل ودخل الغرفه : لينا لينا التفتت له : هلا متعب : ترى صقر سافر طاحت الملعقه من لينا : ليه متعب : فيه مؤتمر بأسبانيا قاطعته لينا : طيب ماقالي متعب : المفروض دكتور ثاني يروح بس قبل شوي صارت للدكتور الثاني ضروف منعته وبما ان صقر بنفس تخصص الدكتور لابد انه يروح هو هزت لينا راسها وهي متضايقه : طيب خلاص رجع متعب وطلع الدرج بسرعه وفتح باب الجناح ، تلفت بالصاله ماحصلها وماسمع صوت بالمطبخ راح لغرفة النوم فتحها بهدوء وحصلها فاضيه تلفت بالغرفه بس ماحصلها سمع صوت جاي من الحمام ولما قرب توضح له ايش هو كانت رغد تستفرغ فتح الباب بسرعه بس كان مقفول ضرب الباب بخوف وهو يقول: رغد ، افتحي الباب ماحصل على جواب ، رجع يضرب الباب وسمع صوت القفل وبعدها الباب ركز نظره على وجهها كان شاحب واصفر وعيونها منتفخه وحمرا وشعرها منتثر حول وجهها بإهمال ويدها ماسكه بطنها اللي تآلمها قرب منها وسندها بس نفرت منه مااستغرب بعد ماتوصل للسبب شافها تمشي بتعب وجلست على السرير وهي تآخذ نفس ، قرب منها بس وقفه صوتها : ممكن تطلع متعب : رغـد أنـ... رغد قاطعته والدموع ماليه عينها : انت ايش امتعب قولي انت ايش ، تعرف اني متحسفه قد شعر راسي على اني ماعزمت على رايي انا كنت رافضتك بالبدايه :وبصراخ " رآآآآآفضتك ليتني ماغيرت رايي ياليت متعب : آآآ رغد انتي فـ.... رغد وهي تبكي : تعرف يامتعب انا ماقهرني الا اني كم مرة اطلبك نطلع انا وانت تصرفني وانا اسكت قولي من متى طلعنا مع بعض طلعه حلوه متعب : .... كملت رغد لما شافت صمت متعب وبقهر قالت ودمعها ينزل : اكيد ماتذذكر بس أنا أذكر ، بعيد الفطر تذكر يامتعب قبل 3 شهور اخر طلعه لي معك وكل مره اطلبك تتعذرني وآخرتها " بقهر أكبر وهي مغمضه عينها وصوتها عالي " اليوم الظهر اليوم الظهر قلت لك ابي اطلع انا وانت بس ايش كان ردك ، مثل كل مره اطلبك مشغول ، مواعد الربع ، والربع عليا اللي اكيد كل مره اقولك تكون عندها وانا متأكده من هالشي بس ابلع القهر وأسكت أبلـ... قطع عليها كلامها صوت جوالها أخذت نفس ومسحت دموعها شافت نورة تتصل ردت وهي متجاهله متعب ومتجاهله ألم بطنها : ألوو نوره : رغد رغد : هلا نورة بدون مقدمات : انتي مؤمنه بالله رغد لا اراديا حطت يدها على بطنها وضغطت عليه : ايش فيه نوره ’، ][ همســة ][ إذا استعجلك الشيطان في صلاتك ! فَ تذكر أن كل ماتريد لحاقه ، وجميع مآتخشى فوآته ، بيد من وقفت أمامه ! " تأملها "